15/02/2022
Секоја година, на 15-ти февруари се одбележува Меѓународниот ден за борба против ракот кај децата, со цел да се истакне опасноста и влијанието на оваа смртоносна болест кај децата.
Меѓународниот ден за борба против ракот кај децата претставува глобална заедничка кампања за подигнување на свеста за ракот кај децата и за изразување на поддршка и длабоко разбирање на предизвиците со кои се соочуваат децата и адолесцентите коишто боледуваат од рак, оние што се излечиле од ракот, како и за нивните семејства.
Секоја година, на повеќе од 400.000 деца и адолесценти под 20 години им се дијагностицира рак. За жал, стапката на преживување зависи од регионот, со 80% стапка на преживување во повеќето земји со високи приходи, но дури 20% само во земјите со низок и среден приход.
