Студио за масажа и здравје 'Физио Венус'

24/11/2025

Од денес достапно - Терапија со сина глина/ума.
💙 Ума е мрсна глина, еколошки чист и 100% природен производ со висок капацитет на јонска измена со што поседува особина на детоксификација на кожата и отворање на порите. Сината глина во својот состав ги содржи минералите: силициум, алуминиум, калиум, магнезиум, железо, калциум и натриум. Глината нема претрпено никаква термичка обработка и не содржи никакви адитиви. Бактериолошки е потполно безбеден производ.
🌀 Употреба:
✅ За смирување на воспалителни процеси во мускулите и зглобовите при акутни повреди, артритис, дискус хернија, мускулна тензија, мускулни спазми.
✅ За главоболки, мигрени, анксиозност, смирување психичка напнатост
✅ За смирување на отоци/едема, температура, црвенила, при стагнација на енергија/течности/лимфа.
✅ За детоксификација на кожата и подобрување на нејзината еластичност.
✅ Антисептичко и антибактериско дејство.
✅ Забрзување на метаболизмот.
✅ Разградување на масти од кожата и целулит.
✅ Подобрување на циркулацијата.
✅ Смирување на иритации на кожата.
✅ Може да се користи како терапија за ублажување на болката и непријатните симптоми поврзана со иритација на 'рбетните пршлени и воспалени нерви.
💲Цена - 1000 ден./ 45 мин.
(Во зависност од индикациите се комбинира со масажа, термална фолија, инфрацрвена ламба или одредени масти/креми)

09/01/2025

Почитувани клиенти,
Од 01.02.2025 година во студио за масажа и здравје 'Физио Венус' ќе има промени на цените на одредени услуги и ќе важи следниот ценовник.
Ви благодарам на досегашната доверба. 😇✨

26/03/2023

Една прекрасна и успешна работна година заедно со ВАС. ✨

Ви благодарам за поддршката и довербата. 😇

Физио Венус постои за ВАС. 🥰

Со љубов, Кристина. 💜

09/05/2022

Мануелна лимфна дренажа

Мануелната лимфна дренажа е многу нежен вид на масажа која се користи да го истисне и елиминира вишокот екстрацелуларни течности од телото и штетни метаболички продукти и да го подобри целокупното функционирање на лимфниот систем. Масажата се изведува со нежни движења во насока на текот на лимфата за да се одблокираат блокираните лимфни садови со што ќе и се дозволи на лимфата да тече непрекинато, да се намали отокот и болките предизвикани од преголемата количина на лимфа и матеболити во телото.

23/04/2022

12/04/2022

Моксибустија

Моксибустијата претставува третирање или превенција од болести со аплицирање на топлина на акупунктурните точки или на одредена локација на човечкото тело. Моксибустијата е фитотерапија која се добива од растенијата од родот Artemisia vulgaris (пелин). Во традиционалната Кинеска медицина, мокса се користи за лекување и спречување на болка, непријатност и болести со отстранување на инертност и ладно, со затоплување на меридијаните, зајакнување на крвта и стимулирање на протокот на Чи.
Мокса–препаратите при терапија се палат и се приближуваат или допираат до кожата на пациентот. Пациентот чувствува благопријатна топлина во текот на терапијата, а на самото место на кожата може да се појави минимално зацрвенување, односно се подобрува циркулацијата на крвта и протокот на Чи енергијата, крвта станува алкална, се зголемува бројот на белите крвни зрнца, при што се зајакнува имунитетот и се зголемува природната моќ на телото за исцелување.
Моксибустијата е широко распространета во светот и се користи при слабеење, акни, лузни, проблеми со менструација и јајници кај женската популација, проблеми со бубрези, кардиоваскуларни болести, проблеми со респираторен систем, цироза, гастритис, превенција од рак, миопија, катаракта, глаукома, хроничен бронхитис, бронхијална астма, хипертироидизам, ишијас, дијабетес мелитус, дискус хернија, егзема, ревматски артритис, херпес зостер, псоријаза, ладни раце и нозе и многу други болести.

12/04/2022

Терапија со вендузи

Терапијата со вендузи е една од најстарите и најпознати ефективни методи за елиминирање на вештачките и природни токсини од ткивата и органите во телото. Зголемениот проток на крв под чашите ги влече сите токсини и нечистотии од ткивата и органите на површината, со што се олеснува процесот на лечење, се намалува инфламацијата и притисокот од длабоките органи.
Терапијата со вендузи е едноставна и безбедна постапка која се користи за ублажување на болката и непријатните симптоми кои призлегуваат од нарушувања на зглобовите, грчеви во мускулите, парализа, хроничен умор, анемија, мигрена, главоболки, менструални проблеми, менопауза, неплодност, синузитис, циркулаторни нарушувања (хипертензија, проширени вени), бели дробови (астма, хронична кашлица), гастроинтестинални проблеми (дијареа, констипација) и други внатрешни органи и бројни други нарушувања.
Со овој процес се зајакнува имунолошкиот систем. се поттикнува оптимално функционирање на телото, се активира лимфниот систем, ги отстранува блокадите од дебелото црево, ја активира и прочистува циркулацијата (вени, артерии и капилари), го нормализира крвниот притисок, ја активира кожата, ги чисти стриите, се намалува телесната тежина, го отстранува целулитот, ја подобрува состојбата кај проширени вени, ги тонифицира и зајакнува мускулите, го зголемува бројот на белите крвни зрнца и влијае на длабочина во телото до 10 цм.
Крвта, лимфата и енергијата бараат нежно и постепено стимулирање, без да се манипулира насилно.

12/04/2022

Гуа Ша 🎐

Гуа ша третманот претставува триење на кожата со алатка со мазни рабови на местата каде што има субакутна повреда или дисбаланс на енергијата. Со алатката се прават еднонасочни движења по кожата со примена на мал притисок, при што на кожата избиваат моментални петехии (округли мали црвени или пурпурни точки предизвикани од поткожно крварење) и ехимоза (промена на бојата на кожата слично на модринки) слично како кај терапија со вендузи.
Ова карактеристично црвенило кое се јавува на кожата или уште како што се нарекува Ша, иако во Западната медицина се гледа како абнормнална појава на кожата всушност е показател дека третманот е ефикасен. Ша и другите промени во бојата на кожата се патолошки фактори одговорни за болката во одреден регион (место на телото) и кога ќе се отстранат се враќа нормалниот интегритет на местото при што Чи и крвта продолжуваат да течат непрекинато. Според Кинеската медицина Ша се јавува кога има блокада и стагнација во проток на енергијата и крвта, настаната поради навлегување на надворешните фактори како Ветерот во телото, трауматолошки повреди или внатрешни патолошки состојби. Според ТКМ, каде што има стагнација и блокада во протокот на енергијата и крвта, има и болка. Чи и крвта по природа се топли и кога ќе настане некоја блокада или стагнација, топлината се манифестира и концентрира во нова формација или Ша.
Со гуа ша третманот ефикасно се отстрануваат блокадите во крвта и освен што може да се применува кај состојби со акутна и хронична болка, се применува и при настинки, грипови, главоболка, вртоглавица, треска, болки во зглобовите, мускулно-скелетни проблеми, повреди, грчеви, фибромијалгија, истегнати мускули, функционални проблеми на внатрешните органи, респираторни проблеми како бронхитис, астма и емфизем и др. Најчесто се употребува за да се релаксираат болни и затегнати мускули и за да се ублажи заморот и исцрпеноста.

02/04/2022

💫

🎥 Mihailov photo & video

31/03/2022

Отварање 26.03.22 🎉

📸 Mihailov photo & video

31/03/2022

✨

📸 Mihailov photo & video

29/03/2022

😇✨