Христови

03/12/2025

🚫 ДЕМАНТ И ПРЕДУПРЕДУВАЊЕ ДО ЈАВНОСТА: Злоупотреба на името на Бигорскиот манастир за продажба на лажни лекови

Почитувани верници и граѓани,

Се чувствуваме должни јавно да реагираме по повод лажните интернет-страници и спонзорирани објави кои деновиве кружат на социјалните мрежи, а во кои грубо се злоупотребува името и угледот на нашиот манастир, како и на монашкото братство.

Во наведените лажни текстови (како оној за препаратот „BoneControl“), измамници лажно тврдат дека монасите од нашиот манастир наводно „измислиле“ или „произведуваат“ чудотворни лекови и масти за зглобови и коски.

Сакаме категорично да изјавиме:

1. Бигорскиот манастир НЕМА никаква поврзаност со овие производи. Ние не произведуваме, не рекламираме и не продаваме ваков вид на медицински препарати.
2. Секоја изјава, интервју или препорака која наводно доаѓа од нашите монаси во врска со овие производи е целосно измислена и лажна.
3. Станува збор за класична интернет измама која има за цел финансиски да профитира преку манипулација со довербата што верниците ја имаат во Црквата.

АПЕЛ ДО ГРАЃАНИТЕ

Ве молиме да бидете исклучително внимателни. НЕ ги купувајте овие производи и не ги оставајте вашите лични податоци (име, адреса, телефон) на овие сомнителни веб-страници. Овие „лекови“ се со непознато потекло и состав, и можат да бидат опасни по вашето здравје.
Единствените автентични производи на манастирот може да се најдат исклучиво во манастирската продавница или на нашите официјални канали за комуникација.
За оваа злоупотреба ќе бидат известени и надлежните органи за компјутерски криминал.

Со почит и благослов,

Братството на Бигорската свештена обител

11/11/2025

Зошто чедо?
Зошто, чедо, Ме остави?

Зошто се оттргна од Мене, Кој што те сакам?

Зошто се придружи кон Мојот непријател?

Сети се, дека Јас за тебе слегов од небото!

Сети се, декa Јас за тебе се облеков во плот!

Сети се, дека Јас за тебе се смирив!

Сети се, дека Јас за тебе претрпев озборувања, навреди, подбив, бесчестие, рани, плукање, шлаканици, исмевања!

Сети се, дека Јас за тебе бев прикован до разбојници!

Сети се, дека Јас за тебе умрев со срамна смрт!

Јас слегов од небото, за да те изведам тебе на небото!

Осиромашив, за да те обогатам тебе!

Примив рани, за да те излекувам тебе!

Умрев, за да те оживотворам (обоготворам) тебе!

Ти згреши, а Јас ги зедов врз Себе гревовите твои!

Ти си виновен, а Јас ја примив казната!

Ти си должник, а Јас го платив долгот!

Кон тоа Ме поттикна Мојата љубов. Јас не можев да трпам ти да страдаш во таквата несреќа!

Таа ли Моја љубов сега ти ја игнорираш?

Наместо Мене го сакаш гревот!

Наместо Мене да Ми слугуваш, ти на страстите им слугуваш!

Но, што најде во Мене, што те одвраќа?

Зошто не сакаш да дојдеш при Мене?

Блаженство ли сакаш? Секое блаженство е во Мене!

Благородништво ли сакаш? Кој е по благороден од Синот на Бог, и на света Дева Марија?

Издигнување ли сакaш? Кој е повисок од Царот на небесата?

Богатство ли сакаш? Во Мене е сето богатсво!

Премудрост ли сакаш? Јас Сум Божјата Премудрост!

Другарство ли сакаш? Кој е подружељубив од Мене, Кој душата Си ја положив за сите?

Помош ли бараш? Кој ќе ти помогне освен Мене?

Лекар ли бараш? Кој ќе те излекува освен Мене?

Утеха во слабоста ли бараш? Кој ќе те утеши освен Мене?

Спокој ли бараш? Во Мене ќе најдеш спокој за твојата душа!

Мир бараш? Јас сум Мiрот на душата!

Живот сакаш? Во Мене е изворот на животот!

Светлина ли бараш? Јас сум Светлината на светот!

Вистина бараш? Јас сум Вистината!

Пат ли бараш? Јас сум Патот!

Водач кон небото ли посакуваш? Јас сум добриот Водач!

Зошто не сакаш да дојдеш при Мене?

Не смееш да пристапиш? Но кон кого друг пристапот е така лесен!

Или се плашиш да просиш? А, на кого од оние, што просат со вера, Јас Сум им откажал?

Гревовите ли не ти допуштаат? Но, Јас умрев за грешниците!

Или преголемиот број твои беззаконија те вознемируваат? Моето милосердие е поголемо!

Дојдете при Мене сите изморени и обременети и Јас ќе ве успокојам! (Матеј 11, 28)

Свети Димитриј Ростовски

Превод од бугарски: богослов,чтец Дамјан Трпкоски

sveta-gora-zograph.com

05/11/2025

Приказна за денот.

Денот пред неговото раѓање, едно дете го прашало Бога:
„Велат дека утре ме праќаат на Земјата. Како ќе живеам таму, со оглед на тоа што сум толку мал и беспомошен?“
Бог одговорил:
„Ќе ти дадам ангел кој ќе те чека и ќе се грижи за тебе.“
Детето размислило еден момент, а потоа повторно рекол:
„Тука на небото, само пеам и се смеам, тоа ми е доволно за да бидам среќен. “
Бог одговорил:
„Твојот ангел ќе пее и ќе се насмевнува за тебе, ќе ја почувствуваш неговата љубов и ќе бидеш среќен.
“ „Што да правам ако сакам да се обратам кон Тебе?“ прашало бебето.
Бог нежно ја допрел главата на детето и рекол:
„Твојот ангел ќе те научи да се молиш.“

Потоа детето праша:
„Слушнав дека има зло на Земјата. Кој ќе ме заштити?
“ „Твојот ангел ќе те заштити, дури и по ризик на сопствениот живот.
“ „Ќе бидам тажен затоа што повеќе нема да можам да те видам…
“ „Твојот ангел ќе ти каже сè за мене и ќе ти го покаже патот назад до мене. Затоа секогаш ќе бидам со тебе.“
Во тој момент, од Земјата почнаа да се слушаат гласови; и детето брзо праша:
„Боже, кажи ми, како се вика мојот ангел?
“ „Неговото име не е важно. Едноставно ќе го викаш мамо.“

Православни Духовни поуки од Светите Старци

31/10/2025

Албанец со солзи во очи: „Отец Партениј ни го спаси синот и семејството“

„Новинаре, те молам застани!“

Застанав. Средовечен човек ми се претстави дека се вика Фаик, од гостиварско село населено со етнички Албанци.
„Дали ме познаваш?“, ме праша непознатиот.
„Не можам да се сетам, потсети ме“, му одговорив.

„Пред неколку години се запознавме во Бигорскиот манастир. Син ми беше таму на лекување од дрога, да те потсетам. Со моите браќа бевме дојдени да го земам, имавме смртен случај во Германија, требаше да дојде со нас. Додека разговаравме со тебе, синот дојде и ни рече дека отец Партениј се повлекол во ќелија на молитва, па не може да земе благослов, а без тоа не може да го напушти манастирот. Ни рече да одиме, а тој ќе дојде утре наутро, откако ќе земе благослов.“

Да, се сетив на тој случај. Господинот Фаик продолжи:
„Ти често одиш во Бигорски, па те молам поздрави го отецот и заблагодари му се од нашата фамилија. Синот е излечен, се ожени и имаме внуци. Тој Божји човек таму ни го врати спокојот во семејството. Затоа те замолувам да напишеш дека мајка не раѓа човек како отец Партениј! Тој сите луѓе ги сака и на сите им помага. Ние сме Албанци, со исламска вера, но за него тоа нема значење. Нашиот син, а и други Албанци што беа таму на лекување, го имаат истото чувство и сите сме му многу благодарни.“

Сведочи доајенот на македонското новинарство
г. Киро Кипроски

26/10/2025

Кога доаѓаме во црква, ја пееме Херувимската химна, и велиме „сега да ги оставиме сите светски грижи“.
Се случува нешто интересно. Доаѓам во црква и сум целосно преплавен од моите мисли. Да речеме дека имам 24 проблеми и размислувам како ќе го решам сето ова, и треба да служам.
И доаѓам и размислувам,но, како, ?
Кога ја пееме Херувимската химна, размислувам, како можам да го оставам сето ова настрана, каде ќе оди, некако нема да се реши без мене?
Излегува дека ако ти и јас и тој и сите ние, заради Бога, како што рекол Свети Игнатиј (Брајнчанинов), со мечот на верата ги отсекуваме од себе сите светски таги, сите мисли за светските работи на литургијата и размислуваме само за Бога, тогаш токму во ова време, Бог размислува само за нас.
И ние ќе ги решиме нашите проблеми не кога размислуваме само за нашите проблеми, туку кога ќе почнеме да размислуваме за Бога и Бог ќе почне да ги решава нашите проблеми.
Разбирате ли колку интересен потег е ова? Ни се чини дека треба да се справиме со нашите проблеми. Да. И ќе се справиме со нив.
Но, понекогаш треба да заборавиме на нашите проблеми. Не сакам да размислувам за ништо друго, само за Тебе! Слава на Оној што воскресна од мртвите! Слава на Твојот Отец! Слава на Светиот Дух! Слава на Света Троица!
Се чини дека моите проблеми не исчезнале. Тие беа и се, но всушност, кога размислувам за Бога, Бог ќе почне да ги решава моите проблеми.
Ова е нешто што светот не го знае, а ниту ние не го знаеме, бидејќи ние живееме, а во нашите глави постојано има каша од проблеми.
Треба да заборавиме на нив, Бог ќе ги реши нашите проблеми. Нему не му е тешко, Тој го движи Универзумот со Својот прст. Сите планети што се вртат околу Него се играчка за Него, а и нашите проблеми.
Затоа, на литургијата мора да заборавиме на проблемите и да размислуваме само за Господ и нашите проблеми, амин, ќе бидат решени.

Протоереј Андреј Ткачев

Православни Духовни поуки од Светите Старци

25/10/2025

Старецот Бигорски
✍Билјана Андоновска

Барем еднаш видете го како на икона се поклонува.
Со колкава љубов на Св.Јован Дебранин икона целива.
Како на чудотворната икона на Претечата со солзи пристапува.
А, пред Достојно од Богородица покров за чедата свои духовни побарува.

Слушнете како беседи.
Со солзи во очите нагоре гледа,
од уста зборови, во срце молитва твори,
за Бог очите да ни ги отвори.

Од него учиме
што е татко духовен.
Од него учиме како преку исповед на Христа да му се приближиме.
Како сакајќи се меѓусебе да се радуваме.
Како ставајќи го Бог на прво место на духовното да се насладуваме.

Видете го Старецот Бигорски.
Ако срцевата тага му ја раскажете заедно ќе плачете.
И секоја добрина во вас што ќе ја здогледа,
радост ќе му биде,
ете такво големо срце Старецот Бигорски во себе крие.

Затоа мили мои,
пред било што да речете,
барем еднаш видете го,
Старецот Бигорски...

24/07/2025

20/07/2025

Свети Јован Златоуст - Совет до сопругот

Кажи ѝ: Ја претпочитам твојата љубов пред сè друго, и ништо не ми е толку болно или непријатно како да бидам одвоен од тебе. И ако морам сè да изгубам, и ако станам посиромашен од Ирос, и ако се најдам во екстремна опасност, што и да претрпам, сè ми е подносливо , сè додека си добра кон мене. И тогаш децата ќе ми бидат пожелни, бидејќи ти нè сакаш...

Можеби еден ден ќе ти каже: Не сум потрошила ништо од твоето, сè уште го имам моето, кое ми го дадоа моите родители. Потоа кажи ѝ: Што велиш, драга моја? Сè уште го имаш ли твоето? Кој збор може да биде полош од тоа? Веќе немаш свое тело и имаш пари? Ние не сме две тела по бракот, туку станавме едно. Немаме два имота, туку еден... Сè е твое, а јас сум твој, жено моја. Ова ме советува Павле, велејќи дека мажот не владее над своето тело, туку жената.

И ако јас немам власт над моето тело, а ти имаш, колку повеќе се твоите пари... Никогаш не зборувај со неа вулгарно, туку со чест, со многу љубов. Почитувај ја и таа нема да има потреба да бара пофалби од никого друг, ако ги има твоите. Преферирај ја над сите други за сè, за нејзината убавина, за нејзината трезвеност и фали ја. Дај јасно до знаење дека ти се допаѓа нејзиното друштво и дека претпочиташ да останеш дома да бидеш со неа, отколку да излегуваш на пазар. Од сите твои пријатели, треба да ја претпочиташ неа, а од децата што ти ги дала, треба да ги сакаш заради неа.

Православни Духовни поуки од Светите Старци

18/07/2025

Зашто, ако имате и на десетина илјади наставници во Исуса, многу татковци немате, бидејќи јас ве родив во Исуса Христа преку Евангелието.
(Коринтјаните 4:15)

На многаја лета Старче наш возљубен!

Владико на нашите срца!!!

Делата на љубовта сведочат за Вас!!!

18/07/2025

Смирението е единствено нешто кое ѓаволот не може да го глуми.

св Јован Лествичник