Оддел за интервентна радиологија - УК за Радиологија

Одделот за васкуларна и интервентна неврорадиологија при Универзитетската Клиника за Радиологија - Скопје е формиран далечната 1968 год. од страна на Проф. Д-р Тевчев со неговиот тим Д-р Димитров, Д-р Иванов и Проф. Д-р Врчаковски. Низ текот на годините на овој оддел работат многу еминентни имиња во васкуларната и интервентната неврорадиологија во Р.Македонија.
До 2005 год. на овој оддел се работат дијагностички и невроинтервентни процедури како емболизација на мозочни тумори со ликвидни емболизирачки матерјали (гел, пена итн) како и тромболиза при мозочни инфаркти со стрептокиназа и урокиназа.
Од 2005 год се започнува со ендоваскуларен третман на мозочни аневризми со коили. Во 2011 год. е пласиран првиот интракранијален стент во Р.Македонија. Во 2015 год. е пласиран првиот интракранијален „flow diverter“ стент, а истата година е изведена и првата механичка тромбектомија при мозочен инфаркт во Р.Македонија. Од 2005 год. до денес се изведени повеќе од 2500 ендоваскуларни интервенции.
Овој Оддел е пионер во сите досегашни интервентни ендоваскуларни методи во државата, и продолжува во таа насока со континуирана едукација на неговиот кадар во светските медицински центри.
Моментално на овој оддел работат: Доц. д-р Петар Јаневски, Асс. д-р Дејан Даскалов, Д-р Никола Стаменковски, Сестра Лилјана, Сестра Билјана .