Лекарска комора на Македонија / Oda e Mjekëve të Maqedonisë, "Партизански одреди" бр. 3, Skopje (2025)

24/10/2025

Двајца претставници на Лекарска комора, д-р Љубомир Стефановски, потпретседател за примарна здравствена заштита и доц. д-р Илбер Бесими, член на Извршниот одбор, учествуваат на Генералното собрание на Постојаниот комитет на Европските лекари (CPME) што се одржува во Атина од 24 до 25 октомври 2025 година, во организација на Панхеленската медицинска асоцијација, која одбележува 100 години од постоењето.
„Лекарската комора на Северна Македонија стои цврсто зад заедничката мисија на CPME – унапредување на здравјето на граѓаните, зајакнување на професионалната етика и поддршка на независноста на лекарската професија. Во време на брзи промени, предизвикани од нови технологии, демографски и социјални притисоци, потребно е заедничко делување и размена на искуства. Северна Македонија активно работи на подобрување на условите за лекарите и на квалитетот на здравствените услуги, со посебен фокус на едукацијата и безбедноста на пациентите. Убедени сме дека преку соработката со CPME, ќе продолжиме да градиме професионално, посилно, пофер и похумано европско здравство“, истакна д-р Бесими во своето обраќање.

https://lkm.org.mk/mk/record/33/1045/lekarska-komora-na-generalnoto-sobranie-na-cpme
____________________________________________________________________________
Dy përfaqësues të Odës së Mjekëve, Dr. Ljubomir Stefanovski, nënkryetar për kujdesin parësor shëndetësor dhe Doc. Dr. Ilber Besimi, anëtar i Këshillit Drejtues, po marrin pjesë në Asamblenë e Përgjithshme të Komitetit të Përhershëm të Mjekëve Evropianë (CPME) që po mbahet në Athinë nga data 24 deri më 25 tetor 2025, në organizim të Shoqatës Mjekësore Panhelenike, e cila shënon 100 vjetorin e ekzistencës së saj.
"Oda e Mjekëve e Maqedonisë së Veriut qëndron fuqishëm pas misionit të përbashkët të CPME – avancimin e shëndetit të qytetarëve, forcimin e etikës profesionale dhe mbështetjen e pavarësisë së profesionit mjekësor. Në kohën e ndryshimeve të shpejta, të shkaktuara nga teknologjitë e reja, presionet demografike dhe sociale, është e nevojshme veprimi i përbashkët dhe shkëmbimi i përvojave. Maqedonia e Veriut po punon aktivisht për përmirësimin e kushteve për mjekët dhe cilësisë së shërbimeve shëndetësore, me fokus të veçantë në edukimin dhe sigurinë e pacientëve. Jemi të bindur se përmes bashkëpunimit me CPME, do të vazhdojmë të ndërtojmë një shëndetësi evropiane profesionale, më të fortë, më të drejtë dhe më humane", theksoi Dr. Besimi në fjalimin e tij.

https://lkm.org.mk/sq/record/74/1046/oda-e-mjekeve-ne-asamblene-e-pergjithshme-te-cpme

09/10/2025

Претседателката на Лекарската комора, проф. д-р Калина Гривчева Старделова се обрати на 3-от Национален конгрес по патологија со меѓународно учество што во организација на Македонското здружение на патолози и Одделот на Северна Македонија при Меѓународната академија за патологија се одржа во Скопје.

„Овогодинешната тема, „Од слајд до секвенца: Современа патологија“ совршено ги доловува големите промени што се случуваат во медицината. Тоа е моќен потсетник дека патологијата е во срцето на дијагностичката медицина. Патот од традиционалниот микроскопски слајд до софистицирано молекуларно секвенционирање не е само технолошки напредок, туку фундаментална трансформација што го менува начинот на кој ги разбираме и се бориме против болестите. Патологијата е основа за клиничката дијагноза и третман низ сите медицински дисциплини. Вашата работа, како патолози обезбедува точност и безбедност, а вашиот континуиран професионален развој, како што е прикажан на овој Kонгрес, е потврда за вашата посветеност кон пружањето врвна здравствена услуга“, истакна проф. д-р Гривчева Старделова.

На Kонгресот учествуваа 130 учесници од земјава, регионот, како и од САД, Канада и Шпанија, а предавачи беа реномирани експерти од областа со меѓународно искуство.

04/10/2025

Претседателката на Лекарската комора проф. д-р Калина Гривчева Старделова присуствуваше на Генералното собрание на Европското здружение на општи и семејни лекари што се одржува во Скопје, на покана на Здружението на општи и семејни лекари. Таа ја претстави значајната улога на матичните лекари во нашиот здравствен систем како носители на примарната здравствена заштита.

„Матичните лекари се столбот на примарната здравствена заштита и се одговорни за континуитетот и сеопфатноста на грижата за секој граѓанин. Tокму поради ова сите заеднички треба да работиме за да ја зајакнеме нивната позиција во здравствениот систем, да го унапредиме нивниот статус и да привлечеме поголем број млади лекари кои ќе се вклучат во овој сегмент на здравствената заштита. Лекарската комора преку своите активности континуирано ги афирмира и адресира барањата на матичните лекари до надлежните институции и креаторите на здравствените политики. Во прв ред, потребно е да се воспостави стабилен и одржлив систем на нивно финансирање, да се намали непотребната административна работа и да се дигитализира административниот процес, како и други измени што треба да се направат во концептот на матичен лекар, а кои ќе создадат подобри услови за работа на докторите и за третман на пациентите“, истакна Гривчева Старделова.

25/09/2025

Лекарската комора им го честита 25 Септември, Светскиот ден на фармацевтите, на сите фармацевти во нашата држава и на Фармацевтска комора на Македонија, со која остварува блиска соработка.

Оваа година Светскиот ден на фармацевтите се прославува под мотото „Мисли на здравје, мисли на фармацевт“, што ја истакнува значајната улога што ја имаат овие здравствени работници во зачувување на човековото здравје.

Нека е честит Светскиот ден на фармацевтите!

25/09/2025

Лекарската комора на РСМ во координација со другите учесници на 32-от ЗЕВА Симпозиум што се одржа во Скопје во периодот од 5 до 6 септември 2025 година, објавува неколку заклучоци кои може да имаат практична примена во понатамошните активности на коморите и во креирањето на политики на национално ниво.

Под централната тема „Иднината на лекарските комори“, на Симпозиумот беа презентирани повеќе од 40 презентации, при што беа споделени голем број информации и податоци.

Заклучоците во целост може да се погледнат на следните линкови:
https://shorturl.at/Eokzu
https://shorturl.at/0a2Lv

08/09/2025

Честит Ден на независноста 🇲🇰

Urime Dita e Pavarësisë 🇲🇰

06/09/2025

Со последната сесија посветена на процедурите за признавање на странските дипломи заврши 32-от ЗЕВА Симпозиум што се одржа во Скопје, во организација на Лекарската комора на Република Северна Македонија.

Во два дена беа споделени повеќе од 40 презентации, организирани во 4 сесии, на кои претставници на лекарските комори од Австрија, Србија, Германија, Хрватска, Полска, Романија, Чешка, Унгарија, Албанија, Црна Гора и нашата земја, ги презентираа состојбите во однос на примената на вештачката интелигенција, улогата на младите доктори, вклученоста на коморите во креирањето на кадровските политики во здравствените установи, а на крај беа објаснети и надлежностите и постапките за признавање на дипломите на докторите кои доаѓаат од други земји. На настанот присуствуваа и двајцата потпретседатели на Постојаниот комитет на европски доктори (ЦПМЕ), Andreas Botzlar и Peter Almos.

Извештаите од нашата земја ги презентираа претседателката на Лекарската комора, проф. д-р Калина Гривчева Старделова, зaменик претседателот, доц. д-р Беким Исмаили и потпретседателката доц. д-р Маја Манолева.

На Симпозиумот беа споделени голем број важни информации и податоци, како и практични искуства од коморското работење во различните земји и начини на кои се решаваат одредени предизвици. Сето тоа има големо значење за понатамошно унапредување на работата на сите комори чии претставници партиципираа на настанот.

Следниот ЗЕВА Симпозиум ќе се одржи во септемрви 2026 година, а домаќин ќе биде Австрија.

05/09/2025

Лекарската комора на Република Северна Македонија е домаќин на овогодинешниот ЗЕВА Симпозиум кој се одржува на 5 и 6 септември 2025 година во хотел „Лимак“, во Скопје. На настанот се присутни претставници од лекарските комори од 12 земји од Централна и Југоисточна Европа кои дискутираат клучни теми за развојот на медицинската професија и здравствените системи.

На Симпозиумот се обработуваат четири главни теми што се од особена важност за иднината на здравствениот систем и медицинските комори. Првата сесија е посветена на примената на вештачката интелигенција во медицината, односно како новите технологии може да ја подобрат дијагностиката, третманот и администрацијата во здравството. На втората сесија се дискутираше за улогата на младите лекари и нивната инволвираност во работата на коморите. Третата сесија беше посветена на вклученоста на коморите во планирањето на здравствениот кадар, како и за стратегиите што се применуваат во различни земји за подобрување на ефикасноста во управување со човечките ресурси во здравството. Посебно внимание се посветува и на признавањето на дипломите од странските држави, бидејќи тоа е важно за мобилноста на лекарите и соработката меѓу земјите.

Повеќе на https://shorturl.at/oklge

26/08/2025

Лекарската комора на Република Северна Македонија упатува честитки до доц. д-р Ирфан Ахмети и до Борче Стаменов од иницијативата „Донирај компјутер“, кои се овогодишни добитници на наградата „Мајка Тереза“, што се доделува за особено значајни остварувања од интерес на државата во областа на хуманоста и човечката солидарност и за поттикнување и унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери.

Доц. д-р Ахмети е истакнат член на Комората и експерт во областа на ендокринологија и дијабетологија, директор на Универзитетската клиниката за ендокринологија, како и претседател на Научното здружение за обезност - ОБЕМ. Ова признание е потврда за професионалната и посветената работа на проф. д-р Ахмети кон пациентите и развојот на медицината.

Фото: МИА

15/08/2025

❗️Лекарската комора на РСМ согласно законската регулатива, податоците за докторите може и смее да ги прибира само лично од своите членови.

📢 Ги потсетуваме членовите на ЛКРСМ за потребата редовно да ја ажурираат секоја промена на личните податоци, како промена на презиме, работно место, адреса на живеење и сл., како би можело да се обезбеди континуирана комуникација меѓу Комората и членовите, што е особено важно за навремено остварување на нивните права.

📌 Преку "Порталот за лекари" кој овозможува електронски пристап до Регистарот на членови, можете на брз и едноставен начин да направите увид и промена податоците. Упатство за електронско ажурирање на податоците во Регистарот на доктори ќе најдете на следнот линк 👇
https://www.lkm.org.mk/mk/record/32/655/elektronski-uvid-i-azhuriranje-na-podatoci-vo-registarot-na-doktori

02/08/2025

Честит и вековит Илинден! 🇲🇰

31/07/2025

📌 Ажурирана листа на доктори со важечка лиценца за работа.

Листата е јавно достапна и сите заинтересирани правни и физички лица може да проверат дали одредено лице е носител на активна лиценца за работа на доктор.

Објавените податоци се добиени од Регистарот на издадени, обновени и продолжени лиценци што го води Комората и содржи информации за име и презиме на докторите, нивната специјалност, бројот на лиценца и датумот на важност.

Комората упатува препорака до здравствените установи пред да реализираат ново вработување преку јавно објавената листа да проверат дали докторот има важечка лиценца за работа.

Проверка имаат можност да прават и медицинските факултети за запишување на специјализации, супспецијализации и за други потреби, како и сите надлежни институции кои во вршењето на своите надлежности имаат потреба да потврдат дека некое лице е носител на важечка лиценца за работа на доктор.

🔗Листа на доктори со важечка лиценца за работа 👇
https://lkm.org.mk/mk/record/121/962/lista-na-doktori-so-vazhechki-licenci

Лекарска комора на Македонија / Oda e Mjekëve të Maqedonisë

24/10/2025

09/10/2025

04/10/2025

25/09/2025

25/09/2025

08/09/2025

06/09/2025

05/09/2025

26/08/2025

15/08/2025

02/08/2025

31/07/2025

Address

Website

Alerts

Contact The Practice

Shortcuts

Share

Category