04/03/2026
Светски ден на гојазноста – 4 март
Денешниот ден е посветен на подигнување на свеста за една од најголемите здравствени пандемии на 21 век – гојазноста.
Според податоците на Светската Здравствена Организација, гојазноста е хронична, комплексна и рецидивирачка болест, а не естетски проблем или „недостаток на волја“.
Таа претставува метаболно нарушување со мултифакторска етиологија – генетска предиспозиција, хормонален дисбаланс, инсулинска резистенција, нарушен микробиом, хроничен стрес, недоволна физичка активност и фактори од средината.
Што значи тоа во пракса?
Гојазноста не е само зголемена телесна маса.
Таа е: хронично воспалителна состојба, хормонално нарушување,
ризик фактор за тип 2 дијабетес, кардиоваскуларни заболувања, хипертензија, дислипидемија
поврзана со одредени типови карцином, фактор што влијае врз фертилитетот и менталното здравје.
Научните докази покажуваат дека адипозното ткиво не е пасивно складиште на масти – тоа е ендокрин орган кој лачи адипокини и проинфламаторни цитокини, кои го одржуваат хроничното нискостепено воспаление во организмот.
Денес повеќе од 1 милијарда луѓе глобално живеат со гојазност. Трендот расте и кај децата и адолесцентите, што претставува сериозен јавно здравствен предизвик.
Решението не лежи во екстремни диети и краткорочни рестрикции.
Потребен е: медицински структуриран пристап, индивидуализирана нутритивна стратегија, работа на метаболно здравје, регулација на сон, стрес и физичка активност, поддршка, не стигматизација.
Гојазноста бара третман со иста сериозност како и секоја друга хронична болест.
Денес не зборуваме за килограми.
Зборуваме за метаболно здравје.
Зборуваме за превенција.
Зборуваме за индивидуален, професионално контролиран и научно базиран пристап.
Реагирај на првите 5 килограми плус.
Не се мисли.
Закажи ја твојата прва консултација и почни со здрави и трајни промени веднаш.
#МетаболноЗдравје #здраваисхрана #Превенција
