ПЗУ МАМА - Специјалистичка ординација по Гинекологија и Акушерство

29/04/2026

Ултразвук 25 гестациска недела

21/12/2025

📍Миомите претставуваат бенигни израстоци, составени од мускулниот слој на матката. Тие настануваат поради прекумерно растење на клетките на мускулниот слој што резултира со создавање на топчест израсток.

▪️Се јавуваат кај 20 до 25% од жените
Можат да бидат од многу тврди до многу меки - кога внатрешно дегенерираат.

▪️Може да биде само еден, но можно е да има повеќе миоми,

▪️Големината може да биде од неколку mm до 20 cm и повеќе во пречник.

⏰️ Кога се јавуваат?

Миомите пред пубертет не се јавуваат, а во менопауза не растат.
Точната причина за нивното јавување не е позната, но познато е дека естрогените хормони можат да доведат до нивно зголемување.

🤷‍♀️ Какви видови на миоми постојат?

▪️Субмукозни односно кон внатрешноста на матката

▪️Интрамурални во самиот мускулен ѕид на матката

▪️Субсерозни кон надворешноста на матката

▪️Интралигаментарни - во бочниот дел на матката каде што се крвните садови

😓 Симптоми?

▪️Симптоми имаат 35 - 50% од жените кои имаат миоми.

▪️Најчест симптом се неправилни менструални крварења: пообилни, продолжени, крварења по завршување на циклусот и предменструални крварења, што може да резултира со анемија.

▪️Болка – за време на циклус или за време на односи.

▪️Може да се јави јака болка, па некогаш и температура заради внатрешно распаѓање на миомот.

▪️Зависно од локацијата на миомот – ако притиска на бешиката зачестено мокрење, а ако притиска на дебелото црево можно е да се јави запек.

🔬Дијагноза?

Со рутинскиот гинеколошки преглед и ултразвукот се откриваат сите миоми, покрај присуството на миомот важно е да се забележи неговата големина и локализација.

📍Видот на терапијата е различен во зависност од голем број фактори

▪️Конзервативен третман - лекови

▪️Оперативен третман (хистероскопски, лапароскопски или со класична операција)

▪️Комбинирано — прво лекови да се намали миомот, а потоа операција.

24/11/2025

Вагиналната габична инфекција најчесто е предизвикана од Candida albicans, но може да биде и од други типови габички. Типични симптоми се чешање во гениталниот предел, чувство на печење, болни односи, пецкање при мокрење, црвенило и зголемен, густ вагинален – бел исцедок.

Кандидата нормално живее во нашето тело (на места како усната шуплина, грлото и вагината) без да предизвикува никакви проблеми. Доколу Candida ce појави на резултат од микробиолошки брис или ПАП тест, а немате никакви симптоми или тегоби, во тој случај не е неопходна терапија. Најчесто кандидијазата не се добива по сексуален однос. Научно утврдено е дека околу 20% од жените, нормално имаат присуство на Candida во вагината, без да имаат никакви симптоми. Во одредени случаи кандидата може да се размножи и со тоа да предизвика инфекција и симптоми. Тоа се случува кога е пореметена нормалната вагинална флора на вагината или природната одбрана на вагината.

Повторувачка или рекурентна кандидијаза е дефинирана како три или повеќе епизоди на симптоми на кандидијаза во рок од една година. Таа може да биде последица на склоност на организмот или секундарна - најчесто како последица на антибиотска терапија.

Антибиотската терапија која ја примате за било која причина го уништува нормалниот природен одбранбен систем на вагината и со тоа отвара врата за развој на условно патогените микроорганизми во вагината како што е кандидата.

Терапијата за кандидијазата е краткотрајна орална, но и локална терапија (вагиналети и крема). Кај третманот за повторувачната кандидијаза е неопходна подолготрајна терапија за да спречи повторувачки епизоди на кандидијаза.

27/10/2025

PCOS

Полицистичниот синдром на јајниците е хормонско нарушување кај жените кое се карактеризира со продолжени циклуси и прекумерно ниво на машки (андрогени) хормони. Кај нив јајниците имаат голем број мали цисти (фоликули) кои не растат и не
ослободуваат јајце клетка, односно немаат овулации.

‼️Дијагнозата се поставува ако пациентот има две нарушувања од следниве три:

1️⃣Менструално нарушување (циклуси на интервали подолги од 34 дена),

2️⃣Хиперандрогенизам - зголемено ниво на андрогени (на тоа можат да укажат зголемената влакнатост и акните),

3️⃣Полицистични овариуми (се утврдува со ултразвук).

❗️Се проценува дека PCOS се јавува кај 10% од жените во репродуктивниот период.

Најчести симптоми - проблеми:

▪️Пациентите обично покрај менструални
нерегуларности, зголемена влакнатост, масна кожа и акни имаат и проблеми со стерилитет.

▪️Зголемен ризик за карцином на ендометриумот на матката.

▪️Жените со PCOS имаат намалена инсулинска сензитивност што е асоцирана со зголемен ризик за развој на дијабет тип2.

▪️Половина од жените со PCOS се со прекумерна тежина.

✅️ Третман:

Намалувањето на тежината и физичката актвиност се најважната форма на третман, бидејќи со тоа може да се регулира менструалниот циклус преку возобновување на овулацијата и да се намалува ризикот од абортус во текот на раната бременост, како и другите ризици, асоцирани со бременоста.

💊 Хормонски третман

Важно е да се определи дали пациентката сака да забремени или тоа не е нејзина цел во моментот. Доколку пациентката не сака да остане бремена во скоро време може да се препорача терапија со: Орални контрацептиви - го возобновуваат
нормалниот менструален циклус.
Метформин - може да има корисни ефекти врз метаболните ризик фактори.

Доколку пациентката сака да остане бремена: Бидејќи овие пациентки најчесто немаат редовни овулации, потребна е стимулација на јајниците.

13/10/2025

Кои се разликите меѓу CIN1, CIN2 и CIN3, и каква е поврзаноста со ХПВ вирусот и карциномот на грлото на матката.
---
🔬 Што е ЦИН (CIN)?

ЦИН е скратеница за цервикална интраепителијална неоплазија — состојба при која се јавуваат абнормални (диспластични) клетки на површината на грлото на матката.
Врз основа на тоа колку длабоко се зафатени слоевите на слузницата, се разликуваат три степени:

CIN 1: зафатена е приближно 1/3 од дебелината на слузницата.

CIN 2: атипичните клетки зафаќаат до половина од слузницата.

CIN 3: промените зафаќаат две третини или повеќе од дебелината на слузницата.

Важно ❗️
Овие промени не се карцином, туку предкарциномски состојби кои, ако не се следат и третираат, можат со тек на време да преминат во карцином на грлото на матката.
---
🧬 Која е причината за ЦИН?

Главната причина е инфекцијата со ХПВ (хуман папилома вирус).
Постојат над 100 типови на ХПВ – некои се нискоризични (предизвикуваат кондиломи и ЦИН1), а други високоризични (типови 16, 18, 31, 33 итн.) кои се поврзани со потешки промени — CIN 2, CIN 3, па дури и карцином.

Инфекцијата со ХПВ е многу честа — скоро секоја сексуално активна личност ќе дојде во контакт со вирусот барем еднаш во животот.
Во повеќето случаи, имуниот систем сам го елиминира вирусот, но ако инфекцијата перзистира, може да доведе до диспластични промени на клетките, односно до ЦИН.
---
Што покажува ПАП тестот:

Нормалниот резултат ќе биде означен како NILM или бенигни клеточни промени.

Диспластичните промени можат да бидат од лесен степен и тие тогаш ќе бидат означени како CIN1 или LSIL.

Може да има диспластични промени од поголем степен, во тој случај на ПАП тестот ќе биде означено HSIL или CIN2 - диспластични промени од среден или CIN3 - диспластични промени од тежок степен.

• Доколку со ПАП тестот се утврдат диспластични промени од поголем степен (HSIL) како што се ЦИН2 или ЦИНЗ, тогаш гинекологот треба да изврши биопсија и ендоцервикална киретажа.

🩺 Клучна порака:

✅ Редовен ПАП тест и ХПВ тестирање се најважните чекори
✅Навремена дијагноза и контрола спречуваат развој на карцином.
✅ Грижата за здравјето започнува со превенција.

12/10/2025

Заследете го Инстаграм профилот на ПЗУ Мама и бидете во тек со сите новости.

0 Followers, 0 Following, 0 Posts - See Instagram photos and videos from ПЗУ МАМА ()

24/09/2025

Од 01.10.2025, ПЗУ МАМА почнува да работи со два лекарски тима, Д-р Надица Ѓероска и Д-р Александар Ѓероски, во две смени од 08:00 до 19:00 часот.
Ви благодариме на довербата.

17/07/2025

ОГЛАС ЗА ВРАБОТУВАЊЕ

Гинеколошка амбуланта ПЗУ МАМА објавува оглас за вработување на:

МЕДИЦИНСКА СЕСТРА, за втор тим

Работно време: Понеделник – Петок

Потребни квалификации:
• Завршено средно или високо медицинско образование
• Лиценца за работа
• Претходно искуство во гинекологија е предност
• Комуникативност, професионалност и тимска работа

Нудиме:
• Работа во пријатна и професионална средина
• Можност за доусовршување и едукација
• Редовна и конкурентна плата

Начин на аплицирање:
Испратете го вашето CV на e - mail: pzumama@yahoo.com
Телефон: 070 224 314

21/11/2017

Треба да имаш емпатија кон болниот за да можеш да му помогнеш. Ако нема емпатија, нема лекување... Овие едноставни реченици најприближно го опишуваат доктор Јани, трансфузиологот кај кого ретко ќе најдете слободен термин да ве прегледа. „Човештлукот“, вели д-р Јани, без тоа не можеш да им помагаш на...

14/08/2016

ПЗУ МАМА на нова локација на улица Наум Наумовски Борче бр. 87 (се наоѓа на 100 метри од старата амбуланта, преку Илинденска во зградата кај Магнифлекс).
тел.071 224 222 и 02 3221 332

28/06/2014

Д-р. Надица Ѓероска во емисијата "Второ мислење" на 24 Вести.
Тема: Оваријални цисти.

11/05/2014

Од 09. Мај 2014 официјално склучен е договор со Фондот ,
работиме повторно со матични пациенти