26/02/2026
Благодарение на динамичниот развој на компанијата и јакнењето на нашето присуство на домашниот пазар и на странските пазари, изминатиот период реализиравме 51 ново вработување, зајакнувајќи ги тимовите со свежа експертиза и со нова енергија. Паралелно, преку Програмата за млади таленти 110 ученици и студенти добија можност да стекнат практично искуство и да ги надградат своите знаења во реална работна средина.
Посебен акцент ставаме врз развојот на идните професионалци – 843 студенти беа вклучени во различни развојни програми, при што активно учествуваа во проекти и процеси значајни за компанијата. Во насока на континуирано унапредување на компетенциите, реализиравме обуки со просек 105,7 часа од вработен, со што дополнително го зајакнавме капацитетот на нашите тимови.
Грижата за семејствата на вработените останува наш приоритет. Во рамките на проектот за бенефиции пристигнаа 812 пријави за поддршка на децата на нашите вработени. Истовремено, преку организирање спортски активности, како и активности за општествена одговорност, 530 учесници беа дел од Скопскиот маратон, промовирајќи здрави животни навики и тимски дух.
Нашата отвореност спрема јавноста и спрема младите генерации се потврдува и преку 235-темина посетители во нашите погони и лаборатории, кои имаа можност одблиску да се запознаат со нашите активности и со нашите стандарди.
И во наредниот период остануваме посветени на вложувањето во луѓето, знаењето и во заедницата затоа што наша најголема вредност се токму здравјето и човечкиот потенцијал.
#АлкалоидСкопје #ЗдравјетоПредСѐ
