15/04/2026
Денес, во Домот за стари лица „Мајка Тереза“ во Скопје, реализиравме инспиративна работилница во рамки на проектот „Со рачни изработки до личен развој: Развој на меки вештини преку одржлива мода“ (CRAFT2GROW). ✨
🧶 Преку креативни активности со волница, корисниците на домот активно учествуваа во изработка на декоративни цветчиња и практични торбички, поттикнувајќи ја нивната креативност, фина моторика и чувство на лична вредност.
🌱 CRAFT2GROW е меѓународен проект кој има за цел да развие иновативна наставна програма и практични активности базирани на одржлива мода, преку кои возрасните учесници и едукаторите ќе ги унапредуваат своите меки вештини, ќе стекнуваат нови знаења и ќе придонесуваат кон поодржливи заедници.
🤝 Особен фокус на проектот е вклучувањето на постарите лица, како значајна целна група, со цел подобрување на нивната психофизичка благосостојба, социјална вклученост и активно учество во заедницата. Ваквите активности имаат докажано позитивно влијание врз менталното здравје, чувството на припадност и квалитетот на живот.
💚 Продолжуваме да создаваме можности за активно и достоинствено стареење – затоа што секој заслужува да биде вклучен, слушнат и вреднуван
