Неокортекс Центар за психотерапија, психодијагностика, тренинг и едукација
НЕОКОРТЕКС - Центар за Психотерапија, Психодијагностика, Тренинг и Едукација
Основач на НЕОКОРТЕКС - Центар за психотерапија, психодијагностика, тренинг и едукација во Скопје, е М-р Ивана Хаџиванова Психолог, Гешталт психотерапевт и Супервизор.
Во центарот предводи високо професионален тим од стручни лица, чија мисија е превенција, третман и грижа за менталното здравје кај деца, адолесценти и возрасни.
За повеќе, видете ја нашата веб страна www.neocortex.mk
и нашиот инст
аграм профил
Страницата е со цел постирање на содржина која би можела да помогне на јавноста во насока на поголема грижа и свесност за своето ментално здравје. Содржините кои се објавуваат се од психо-едукативен карактер, и не заменуваат директна посета, контакт и третман од стручно лице.
29/04/2026
Емоционалната присутност и достапност не е само да си физички тука, туку да бидеш свесно вклучен во односот.
Тоа значи:
– да слушаш со внимание, не само да чекаш да одговориш
– да препознаеш и именуваш што чувствува другиот
– да одговориш соодветно, не автоматски
– да останеш во контакт и кога има непријатни емоции
– да не оттурнуваш, минимизираш или игнорираш
– да бидеш достапен за емоционална размена, не само за практични теми
Во партнерството, ова гради доверба и сигурност. Во родителството, создава чувство на прифатеност и емоционална стабилност кај детето.
📌 Кога ова недостасува, односот може да функционира, но без вистинска поврзаност.
Тогаш, и покрај физичката блискост, се појавува чувство на дистанца и осаменост.
Благодарност која ја примам на мое име,
но му припаѓа на целиот тим на Неокортекс.
По пожарот во Кочани, работевме интензивно со преживеаните и нивните семејства – долго, тивко и посветено, од срце. Бевме тука и за оние кои ги загубија најмилите.
Хуманоста не се зборува – се живее.
Горди сме што тоа е препознаено.
Продолжуваме со истата посветеност, секогаш кога е најпотребно.🤍
🙏
21/04/2026
Медитацијата не значи „да нема мисли“. Туку да развиеш способност да ги забележиш мислите, чувствата и реакциите без веднаш да ги следиш.
📌 Со практиката се зајакнува една едноставна, но клучна вештина: да препознаеш кога вниманието ти одлута и свесно да го вратиш.
👉 Со други зборови: умот ќе „бега“ — тоа е природно. Разликата е во тоа дали ќе останеш во автоматска реакција или ќе избереш како ќе одговориш.
Во многу односи, разликата во вложување не е само прашање на намера, туку и на динамика што се развива со време.
Кога едниот партнер почесто презема, другиот природно може да се повлече од дел од одговорностите.
📌 Односот е партнерство — и одговорноста не треба да ја носи само едниот.
Затоа, наместо да се вложува уште повеќе, покорисно е да се создаде јасност, договор и взаемност.
Мали, свесни промени во комуникацијата и однесувањето
можат да донесат поголема рамнотежа и задоволство.
🧠Реализиравме успешен тим билдинг со над 100 учесници – структура, енергија и вистинска промена!!!🏆
Големи групи ≠ само забава.
Големи групи бараат структура, водство и психолошка експертиза.💪🏻
На овој тим билдинг настан, реализиран во Солун, Грција, забавно работевме на:
– подобрување на комуникацијата
– градење доверба и кохезија
– психолошка безбедност во тимот
– поврзување меѓу различни оддели
– активација на тимски потенцијал
Со над 100 учесници, различни профили и динамики, фокусот беше на реално искуство, не само активност!
Креативни физички и ментални забавни предизвици, и вкусен фокача предизвик👌
👉 Ваквите процеси не се импровизација.
Зад нив стои тим од психолози и психотерапевти
со искуство во работа со големи групи и организации.
Работиме со компании во земјата и регионот,
реализирајќи програми и надвор од Македонија.
📩 Доколку сакате тим билдинг што носи забава, но и реална вредност–контактирајте нè.
Нека Рамазан Ви донесе спокој во срцето, благослов во домот и убави моменти со најблиските.
Честит Рамазан Бајрам.
Со почит,
Неокортекс
17/03/2026
И најсилните луѓе понекогаш бараат поддршка.
Понекогаш не ни треба решение веднаш — ни треба простор каде можеме да размислиме, почувствуваме и разбереме.
Во нашиот центар работи стручен и искусен тим од психолози и психотерапевти, обучени за работа со различни психолошки состојби. Нашиот пристап се темели на научно валидирани методи, професионална етика и индивидуализиран пристап кон секој клиент.
Ако размислуваш да започнеш процес — можеш да ни пишеш за информации или термин.
Многу луѓе веруваат дека стабилните врски се оние без конфликти. Но, психолошките истражувања на партнерски динамики покажуваат нешто друго: стабилноста не зависи од тоа дали има расправии, туку од способноста на партнерите повторно да воспостават контакт по нив.
Во психологијата ова се нарекува repair attempt — обид за повторно поврзување после тензија. Тоа може да биде извинување, допир, хумор или искрен разговор.
Не е важно дали конфликт ќе се случи.
Важно е дали ќе има пат назад еден кон друг.
👉 зачувај ако ти беше корисно
#односи #партнерство #врски #психологија #комуникација менталноздравје неокортекс
Address
BUlica Jane Sandanski 11/1-25, Аerodrom Skopje 1000
Be the first to know and let us send you an email when Неокортекс Центар за психотерапија, психодијагностика, тренинг и едукација posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to Неокортекс Центар за психотерапија, психодијагностика, тренинг и едукација:
Неокортекс -Центар за Психотерапија, Психодијагностика, Тренинг и Едукација
М-р Ивана Хаџиванова, Психолог, Гешталт психотерапевт и Супервизор
е основач на НЕОКОРТЕКС-Центар за Психотерапија, Психодијагностика, Тренинг и Едукација во Скопје - 2017та година. Во центарот, предводи високо професионален стручен тим на обучени психолози/психотерапевти кои нудат сеопфатни психолошки услуги за сите возрасни категории, со цел превенција и третман на менталното здравје, како и личен раст и развој на клиентите, поголема свесност, автентично и среќно живеење со искористување на своите личносни потенцијали.
Психотерапевт Ивана Хаџиванова, високото образование го завршува на Универзитетот Св. Кирил и Методиј во Скопје, на катедрата за Психологија. Постдипломските студии ги завршува со огромен успех на државниот универзитет на правниот факултет Јустинијан Први, смер Казнено право и Криминологија при што се стекнува со научниот степен-Магистер. Изработува теза под наслов „Форензичко психолошка експертиза на сторители на кривично дело - Убиство’’, под менторство на Проф. Др. Методија Каневчев. По интензивна пет годишна едукација во првиот и европски акредитираниот Институт за Гешталт Психотерапија - Советувалиште за хумана соработка под менторство на Спец. по медицинска психологија Психолог, Гешталт психотерапевт, Супервизор и Тренер Билјана Копрова, се здобива со сертификат и звање Гешталт Психотерапевт.
Психолог Хаџиванова го започнува своето работно искуство на Универзитетската клиника за Психијатрија-Клинички Центар Мајка Тереза (2008-2012), каде стекнува значајно професионално искуство во областа на психијатријата и медицинската психологија. Од 2011-2014 е Психолог/Психотерапевт и предавач во ЛУЛКА Здружение за грижа и едукација на бремени жени, мајки и деца во Скопје.
Во 2012 е селектирана и обучена да го врши психолошкиот скрининг и селекцијата на земја, на кандидати за воени пилоти во склоп на Тренинг Центарот за Пилоти, проект на Министерството за одбрана на РМ, Република Израел и Елбит Системи, кој сеуште е во тек.
Во 2012 започнува да работи на проект во НВО ЕГАЛ за превенција на ХИВ трансмисија и одржување на менталното здравје кај ЛГБТ популацијата, проект кој сеуште е во тек. Со овој конкретен долгогодишен професионален ангажман и искуство, може да се каже дека Хаџиванова е еден од искусните ЛГБТ/МСМ сензибилизирани терапевти во државата.
2017 година започнува соработка со ИОМ Скопје, Интернационална Организација за Миграција-Обединети Нации Скопје, на проект за превенција на насилен екстремизам. Се здобива со обука во Сараево-Босна и Херцеговина за фацилитирање на работилници за подигнување на интегративната комплексност на мислењето и емоционалната интелигенција кај младите. Обуката е спроведена од Професори на Универзитетот Кембриџ од Лондон, при што се стекнува со сертификат за спроведување на истата. Професионалниот ангажман на проектот е сеуште во тек.
2017 се здобива со обука од Проф.Др. Диана Белевска за психотераписка работа со родители на деца со посебни потреби, со цел работа на проект во склоп на Ресурниот Центар во Скопје, во соработка со УНИЦЕФ. Истата година завршува обука за “Психодијагностика“ во Институт Алтернатива, како и обуката за игровна терапија со деца “Learn to Play’’ во Белград, од Проф Др. Карен Стагнити од Декин Универзитетот од Австралија.
2019та година ја започнува соработката со здружението на граѓани со ретки болести “Живот со предизвици’’ и од тогаш активно работи на превенција и третман на менталното здравје на оваа категорија на клиенти. Стекнатото искуство го пренесува и со одржување на стручни обуки за професионалци од областа на менталното здравје низ целата држава, со што станува психолог-едукатор кој е пионер во оваа област од психологијата и психотерапијата, опфаќајќи ја оваа специфична категорија на клиенти.
Во моментов е во процес на едукација за втор психотераписки пристап, Семејна-Системска психотерапија, која активно ја користи во работата со деца, парови и семејства.
Како резултат на своето искуство и едукација во психотерапијата и психологијата, поседува посебна Лиценца за работа во областа на заштита на менталното здравје од Комората на Психолози на РМ.
