30/06/2020
Став на Комората на здравстевните работници на РСМ
Во време невреме, кога сме сите изложени на огромен притисок да си ја оствариме нашата работна задача најпрофесионално, но со додатен притисок да не се заразиме: да не погрешиме при мерките, да не направиме пропуст при ставање и отсранување на опремата, да не си го ставиме здравјето во ризик како на нас, така и на нашите колеги, на останатите пациенти но и на нашите најблиски во семејството и фамилијата, како и при постојаниот психички притисок од секојдневните новости и развој на настаните поврзани со пандемијата, каде секојдневно се зголемуваат бројот на заболени, починати, бројот на здравствени работници кои се позитивни, бројот на кадар повлечен на ротација, бројот на кадар повлечен во изолација, бидејќи дирекно се ефектира на начинот на работата и кадарот во сите ЈЗУ, на таков притисок и на вакво време невреме да се здобиеш со дисциплинска мерка не поради неизвршување на професионална дејност, не поради пропусти во работата, не поради накршување на кодексот на установата, не поради отсуствување од работа, не поради избегнување на должности, не поради загрозување на туѓо или колективно здравје, туку поради УЧЕСТВО ВО ДОБРОВОЛНА СТУДИЈА за испитувања поврзана со здравствени работници кои се изложени на контакти со пациенти позитивни на Ковид 19, и проверка на нивниот имун одговор, а притоа во проектот се директно вклучени МЗ и ФЗО, е просто деградирачко и срамно, а потоа и далеку од хумано и колегијално.
Нема да навредувам никого, ниту да посочувам вина, самите нека се пронајдат, но она што сакам да го потенцирам, дека она што не го научивте многу од Вас, наши колеги, наши претпоставени, наши членови на Комисии, и се додека не го увидите ќе се мачиме сите долго, е тоа дека ЗА ПОБЕДА НАД ОВА ЧУДО ни е потребно заедништво секаде и секогаш 24/7, не само додека сме на работа, не само со пациенти, не само по состаноци, не само за себе, не само за своите титула-колеги, не само за пратеници или владини претставници, туку и за првиот и последниот човек кој што влегува во Вашата институција.
И ако во 4 месеци она што требаше да се прави секој месец на сите вработени, па колку и да чини, не е направено, поради став на Комисии, или Инспекторати, секој еден кој што си се грижи за своите вработени ќе најдеше начин и модус да го привери и истестира своето работно семејство, со истата грижа и страв како за сопственото семејство за кое се тресе кога ќе се прибере дома.
Ако веќе се вклучуваат дисциплински мерки поради контрола на здравјето на вработените, повторно кажувам, на доброволна основа(?) , зошто не вклучувате и наградни мерки кога истата таа сестра која има искуство и знаење и стручност да ја води клиниката подобро од многу млади, а и постари колеги и колешки, па и од доста млади доктори, која одржа обуки на над 450 сестри секојдневно со по 6,7 часа он лајн за желба за да се заштитат, исто доброволно трошејќи го своето слободно време, зошто не се внесоа награди за издвоено време и труд кога се бореше активно за зголемување на процентот на покачувањата на платата на здравствените работници, кога организираше семинари, предавања и работилници, кога ве претставуваше и надвор пд земјата носејќи го името на Вашата клиника?
Не сакам да помислам колку часови има поминато на таа клиника и колку луѓе има извадено, а колку вработени кои дошле по неа ги има упатено во работата...
Дали сето од ова го земате во предвид кога кажувате казнени мерки? Сите Вие, не само за неа, не само за Вас, за сите Клиники и за сите Раководители, Директори, Комисии и Инспекторати??
Не...
Не сакам да помислам за никаква политичка аконотација, бидејќи веќе секаде ни стои политиката како водилка, и ни го мати умот и акциите полошо од секој вирус..
Но колку и да се разликуваме во политичките ставови, во време невреме каде секој ден ни носи полошо и полошо, нели е редно да ги ставиме титулите, суетите , егата на страна и да бидеме прво луѓе, и да се сетиме како и зошто сме почнале , а и како и зошто треба сите заедно да завршиме..
Со огромна поддршка кон секоја колешка која го прежувува најпрофесионално овој грозоморен период во животот, а истовремено врши најодговорна работа од која зависат животи и здравје на многу луѓе, едно Ви порачувам на сите:
Коронава ќе заврши еден ден, но колку од Вас ќе останете луѓе достојни за почит?
Колку од Вас ќе кажете јас успеав да заштитам многу од луѓето кои се директно зависни од мене?
Колку од Вас ќе кажат, јас знам дека останав човек со сите...
Колку од Вас ќе кажат, не заборавив зошто сум овде, со кого сум овде и со кого ќе останам овде кога ќе заврши се...
И свестете се, сите сме заедно во ова, нема титули, колку побрзо го сфатиме толку побрзо ќе победиме...
Со почит,
Виолета Котевска
Претседател на КЗРСМ
Станува збор за меѓународен научен проект со кој се скенира состојбата на здравствените работници како најризична група и преку серолошко испитување да се утврди ...
