06/03/2026
Уринарни инфекции во бременоста
Уринарните инфекции во текот на бременоста можат зачестено да се јавуваат поради олабавување на мазната мускулатура кај жената, притисокот кој од растење на плодот во матката се пренесува на околните структури од уринарниот тракт и поради близината на уретрата до аналната и вагиналната регија.
Најчести предизвикувачи на уринарни инфекции во бременоста се: Esherichia coli, Enterokoki, Stafilococcus, Proteus, Ureaplasma, Chlamidia и др.
Инфекциите можат да бидат на мочниот меур (cistitis), но и со зафаќање на погорните партии на уринарниот тракт (pyelonephritis). Честопати одат заедно и со вагинална инфекција, па е потребно истовремено лекување и на двете инфекции.
🔸Симптоми:
- зачестено мокрење
- пецкање при мокрење
- промена на бојата и миризбата на урината
- крв во урината
- болка во долниот абдомен
- доколку се јави болка во слабините и покачена температура, треба да се помисли на пиелонефритис (инфекција на бубрезите) која мора сериозно и подолго да се третира со антибиотици за да не дојде до предвремено породување.
🔸Третман:
- лекувањето треба да биде со зголемен внес на течности и хигиено-диететски режим
- зголемен внес на витамин Ц и чаеви како на пример брусница
- најчесто се користат антибиотици од групата на пеницилини или цефалоспорини
- лекувањето обично трае од 7-10 дена, а по потреба може да се повтори или да се комбинира со лекување и на вагиналната инфекција
За повеќе информации посетете нѐ или контактирајте нѐ:
📍Кеј 8ми ноември, Струга
📞 +389 46 782 900
📩menmakmedika@yahoo.com
⭕️fb: Пзу„Менмак Медика“-Струга
⭕️Instagram: pzu_menmak_medika
