02/07/2020
Пириформис Синдром
Синдром на Пириформис е компресија на ишијалниот нерв.Тоа предизвикува болка длабоко во задникот кој што зрачи надолу во ногата. Тука ги објаснуваме симптомите, причините, третманот и вежбите за спречување и лекување на синдромот Пириформис.
Симптоми на синдром Пириформис:
Симптомите на синдромот Пириформис се манифестираат со болка длабоко во мускулите на задникот.
Болката може да зрачи долж задниот дел од ногата во мускулите на hamstring( мускули од задниот дел на ногата, на надколеница), а понекогаш дури и во пределот на потколеницата.
Што е синдром Пириформис?
Синдромот „Пириформис“ се јавува кога ишијалниот нерв станува компресиран од мускулот пириформис. Ишијалниот нерв работи многу блиску до овој мускул и кај околу 10% од популацијата, тој всушност минува директно низ мускулните влакна. Ако пириформис мускулот станува затегнат, тој може да го компресира ишијалниот нерв и да предизвика болка која може да зрачи по ногата, попозната како ишијална болка.
Причини:
Обично прекумернатa употреба на овој мускул предизвикува мускулен спазам , што резултира во притисок врз ишијалниот нерв. Овој мускул е еден од малите мускули длабоко во задникот што ја ротира ногата нанадвор. Се протега од сакралната коска и се прицврстува на бутната коска.
Третман на синдром Пириформис:
Третманот се состои од две фази:
Прво да ја намалиме болката со релаксирање на мускулите преку мраз или топлина, електротерапија, масажа и истегнување.
Потоа, кога болката ќе намали, истата овозможува зајакнување на мускулот.
Намалување на болката:
Одморете се од било какви активности што ги влошуваат симптомите. Ова веројатно ќе вклучува активности со трчање и други активности со тежина.
Ако мускулот Пириформис е остро болен или воспален, тогаш примената на мраз може да помогне во намалување на мускулниот спазам.
Повеќе хронични или подолготрајни состојби може да реагираат подобро на термичка терапија за да се релаксираат мускулите, сепак, топлината не треба да се применува доколку се сомневаме во акутна повреда, воспаление или кинење на мускулните влакна. Во овој случај, топлината само ќе го зголеми отокот, воспалението и крварењето.
Некогаш пред примена на вежбите добро е да се примени топла облога, особено пред вежби за истегнување на мускулот.
Лесната масажа во оваа фаза може да биде корисна и во ослободување на мускулниот спазам кај пириформис.
Третманот и рехабилитацијата на синдромот на пириформис се фокусираат на ослободување на мускулната напнатост и корекција на какви било нерамнотежи на мускулите или биомеханички причини што можат да придонесат за состојбата.
Медицинска масажа:
Техниките за длабока медицинска масажа може да се користат за ослободување на напнатоста во мускулот пириформис.
Масажата може да се примени во наизменични денови. Најмалку две до три сесии на почетокот на рехабилитацијата е добра идеја.
Како што се подобрува состојбата, масажата може да се изврши подлабоко, но колку подлабока е масажата, толку подолго треба да се остави простор помеѓу сесиите бидејќи мускулот ќе треба да се опорави на ист начин како што тоа го прави и со тешки вежби за зајакнување.
Медицинска масажа и киропрактика
Телефон за контакат: 071-274-526
