Mascots Laboratory Referral Centre

Mascots Laboratory Referral Centre Mascots Laboratory Referral Centre

Centre of Excellence providing one stop service to Myanmar patients

Medical Referral
- Asking second opinion from the specialists at National University Hospital, Tan Tock Seng Hospital & Mount Alvernia Hospital
- Arrangement of outpatient appointments with specialists , health screening appointment , direct admission
- Travel related services ( Visa application, Flight reservation and confirmation, Accommodation)
- Billing and Financial information
- Arrangement of Medical Assistance during treatment at hospital
- Any other services upon request

Laboratory Referral
- Sending Blood samples and Biopsies to Singapore from Monday to Thursday
- Daily Sample collection

Academic Purpose
- Clinical updates by Singapore Doctors
- Clinical Fellowship Program

👨🏻‍🔬ကျောက်ကပ်အစားထိုးကုသရန် လိုအပ်သော သွေးနှောစစ်ဆေးမှုများထဲမှ တုံ့ပြန်မှု ပိုမိုကောင်းမွန်သော သွေးနှောစစ်ဆေးမှု (Flow ...
28/03/2026

👨🏻‍🔬ကျောက်ကပ်အစားထိုးကုသရန် လိုအပ်သော သွေးနှောစစ်ဆေးမှုများထဲမှ တုံ့ပြန်မှု ပိုမိုကောင်းမွန်သော သွေးနှောစစ်ဆေးမှု (Flow Cytometric Crossmatch)👩🏻‍🔬
Flow Cytometric Crossmatch စစ်ဆေးခြင်းသည် ကျောက်ကပ်လက်ခံမည့် လူနာ၏သွေးနှင့် အလှူရှင်၏သွေးတို့အား ရောနှောလိုက်ပြီး IgGပါဝင်သော အရောင်တောက်စေသည့် သဘာဝဆိုးဆေးတစ်မျိုးအား ထပ်မံအသုံးပြုကာ Flow Cytometryနည်းလမ်းဖြင့် ထွက်ပေါ်လာသော တုံ့ပြန်မှုများကို စောင့်ကြည့်စစ်ဆေးခြင်း ဖြစ်ပါတယ်။
ရောနှောစဉ်အတွင်း လူနာ၏ သွေးဆဲလ်များသည် အလှူရှင်၏ သွေးဆဲလ်များအား တုံပြန်တိုက်ခိုက်မှု ဖြစ်ပွားလာပါက သွေးနှောစစ်ဆေးခြင်းအဖြေကို Positiveအဖြစ် သတ်မှတ်ပြီး ကျောက်ကပ်အစားထိုးကုသမှု ပြုလုပ်သောအခါ လူနာ၏ခုခံအားစနစ်မှ အစားထိုးထားသော ကျောက်ကပ်ကို တိုက်ခိုက်နိုင်သည့်အတွက် အစားထိုးကျောက်ကပ်အား ငြင်းပယ်မှု ဖြစ်ပွါးနိုင်ကာ အစားထိုးကုသမှုတွင် နောက်ဆက်တွဲဆိုးကျိုးများစွာ ကြုံတွေ့ရနိုင်ပါတယ်။ ထို့ကြောင့် Positveအဖြေရရှိခြင်းဟာ ကျောက်ကပ်အစားထိုးကုသရန်အတွက် သင့်လျှော်မှုမရှိဟု သတ်မှတ်ပါတယ်။
လက်ခံမည့် လူနာ၏ သွေးဆဲလ်များသည် အလှူရှင်၏ သွေးဆဲလ်များအား တုံ့ပြန်တိုက်ခိုက်ခြင်း မရှိလျှင် သွေးနှောစစ်ဆေးမှုအဖြေကို Negativeဟု ယူဆသတ်မှတ်ကာ ကျောက်ကပ် အစားထိုးကုသရန်အတွက် ဆက်လက် စစ်ဆေးလုပ်ဆောင်ရန် သင့်လျော်မှုရှိတယ်လို့ ဆုံးဖြတ်ပါတယ်။ အောင်မြင်သော ကျောက်ကပ်အစားထိုးကုသမှု ပြုလုပ်ရန်အတွက် သွေးနှောစစ်ဆေးမှုအဖြေ အဆင်ပြေမှသာ နောက်ထပ်အရေးပါသော စစ်ဆေးမှုများကို ဆက်လက်လုပ်ဆောင်နိုင်မှာ ဖြစ်ပါတယ်။
သွေးနှောစစ်ဆေးမှု ပြုလုပ်ခြင်းဖြင့် လူနာအတွက် ကျောက်ကပ်အစားထိုးကုသမှု အောင်မြင်နိုင်ချေ ပိုမိုမြင့်တက်ခြင်း၊ အလှူရှင်၏ကျောက်ကပ်ကို လူနာ၏ခုခံအားစနစ်မှ ငြင်းပယ်နိုင်ခြင်းရှိ၊မရှိ ကြိုတင်သိရှိနိုင်ခြင်း၊ ထိုသို့သိရှိခြင်းကြောင့် မလိုအပ်သော အစားထိုးခွဲစိတ်မှု ပြုလုပ်မိခြင်းမှ ရှောင်ရှားနိုင်ခြင်းနှင့် အစားထိုးကုသမှုနောက်ပိုင်းတွင် ဖြစ်ပေါ်လာနိုင်သော နောက်ဆက်တွဲဆိုးကျိုးများစွာကို လျှော့ချပေးနိုင်ခြင်း စသည့် အရေးပါသော အကျိုးကျေးဇူးများ ရရှိနိုင်ပါတယ်။
Mascots Laboratory Referral Centre တွင် ကျောက်ကပ်အစားထိုးကုသရန်အတွက် လိုအပ်သော သွေးနှောစစ်ဆေးခြင်းနှင့် အခြားသော သွေးစစ်ဆေးမှုများစွာကိုလည်း စင်ကာပူနိုင်ငံရှိ ကမ္ဘာ့အဆင့်မီဓာတ်ခွဲခန်းသို့ ပေးပို့စစ်ဆေးပေးနေပါပြီ။ သွေးစစ်ဆေးခြင်း ဝန်ဆောင်မှုများအကြောင်း အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ )၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(4)၊ Unit 15၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄




🩸မိသားစုတွင် ကင်ဆာမျိုးရိုးလိုက်ခြင်း ရှိ၊မရှိကို ကြိုတင်စစ်ဆေးသိရှိနိုင်မယ့် သွေးစစ်ဆေးမှု (Genetic Testing for Heredit...
20/03/2026

🩸မိသားစုတွင် ကင်ဆာမျိုးရိုးလိုက်ခြင်း ရှိ၊မရှိကို ကြိုတင်စစ်ဆေးသိရှိနိုင်မယ့် သွေးစစ်ဆေးမှု (Genetic Testing for Hereditary Cancer)🧬
ကိုယ်ခန္ဓာအတွင်းရှိ ဆဲလ်များကြီးထွားမှုနှင့် ပြုပြင်ရေးများကို စီမံခန့်ခွဲသော မျိုးရိုးဗီဇ (Gene)များတွင် ပြောင်းလဲမှုများ ဖြစ်ပွါးသောအခါ ထိုပြောင်းလဲသွားသော အချို့geneများကြောင့် အမျိုးမျိုးသော ကင်ဆာရောဂါများ ဖြစ်ပွါးမှုနှုန်းကို မြင့်တက်စေပါတယ်။ ထိုကဲ့သို့ ကင်ဆာဖြစ်နိုင်ချေကို မြင့်တက်စေသော genesများ မိမိ၏မိသားစုထံမှ လက်ခံရရှိထားခြင်းကို ကင်ဆာမျိုးရိုးလိုက်ခြင်းလို့ ခေါ်ပါတယ်။
Genetic testing for hereditary cancerကို ရိုးရှင်းစွာ သာမန်အတိုင်း သွေးဖောက်စစ်ဆေးမှု (Liquid Biopsy)ပြုလုပ်ပြီး စစ်ဆေးနိုင်ပါတယ်။ Liquid Biopsy ဆိုတာကတော့ သာမန်အတိုင်း သွေးဖောက်စစ်ဆေးရုံဖြင့် သွေးကြောများအတွင်း စီးဆင်းလျက်ရှိသော ctDNA ဟု ခေါ်သော ကင်ဆာဆဲလ်များမှ ထုတ်လွှတ်လိုက်သည့် DNAများကို စစ်ဆေးခြင်းဖြင့် ကင်ဆာရောဂါမျိုးရိုးဗီဇ ချို့ယွင်းမှု ရှိ၊မရှိ စစ်ဆေးနိုင်သော နည်းပညာတစ်ခု ဖြစ်ပါတယ်။
မျိုးရိုးလိုက်တတ်သော ကင်ဆာများတွင် ctDNAများကို ရှာဖွေဖော်ထုတ်ခြင်းဖြင့် မျိုးဗီဇချို့ယွင်းပြောင်းလဲမှုများကို တွေ့ရှိနိုင်သောကြောင့် ကင်ဆာရောဂါမဖြစ်ပွါးမီကပင် ကြိုတင်သိရှိနိုင်ပြီး ကင်ဆာဖြစ်ပွါးနှုန်းကို လျှော့ချနိုင်တဲ့အပြင် ကင်ဆာဝေဒနာရှင်များအတွက် စစ်ဆေးမှုပြုလုပ်လျှင်လည်း ပိုမိုကောင်းမွန်သော စောင့်ရှောက်ကုသမှုများကို ရွေးချယ်နိုင်ပါတယ်။
Genetic testing for hereditary cancerကို စစ်ဆေးခြင်းဖြင့်
✅ကျန်းမာနေသူများတွင် နောင်အခါ ကင်ဆာရောဂါဖြစ်နိုင်ချေ ရှိ၊မရှိကို ကြိုတင်စစ်ဆေးသိရှိနိုင်ခြင်း
✅မျိုးရိုးလိုက်တတ်သောကင်ဆာများအတွက် မိသားစုတွင်မည်သူက ကင်ဆာဖြစ်ပွါးနိုင်ချေ ပိုပြီးမြင့်မားနေခြင်း ရှိ၊မရှိကို ကြိုတင်စစ်ဆေးသိရှိနိုင်ခြင်း
✅မျိုးရိုးဗီဇချို့ယွင်းပြောင်းလဲမှုများကို တိကျစွာ သိရှိထားခြင်းကြောင့် လူတစ်ဦးချင်းစီ၏ ရောဂါအခြေအနေအလိုက် တိကျမှန်ကန်သော ဆေးဝါးများကို အသုံးပြုပြီး ကုသနိုင်ခြင်း
✅သွေးမှတဆင့် စစ်ဆေးရခြင်းကြောင့် လွယ်ကူစွာ စစ်ဆေးနိုင်ခြင်းစသည့် အကျိုးကျေးဇူးများစွာ ရရှိနိုင်ပါတယ်။
မျိုးရိုးလိုက်တတ်သော ကင်ဆာများအား သွေးမှတဆင့် စစ်ဆေးနိုင်ပြီဖြစ်ပြီး Mascots Laboratory Referral Centreမှ အမေရိကန်နိုင်ငံရှိ အဆင့်မြင့်ဓာတ်ခွဲခန်းသို့ ပို့ဆောင် စစ်ဆေးပေးနေပြီဖြစ်ပါတယ်။ အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄




Autoimmuneရောဂါများကြောင့် ဖြစ်ရတဲ့ ကျောက်ကပ်ပျက်ဆီးခြင်း ကျွန်ုပ်တို့ခန္ဓာကိုယ်ရှိ ကိုယ်ခံအားစနစ် (Immune System)ဟ...
13/03/2026

Autoimmuneရောဂါများကြောင့် ဖြစ်ရတဲ့ ကျောက်ကပ်ပျက်ဆီးခြင်း
ကျွန်ုပ်တို့ခန္ဓာကိုယ်ရှိ ကိုယ်ခံအားစနစ် (Immune System)ဟာ ကူးစက်ရောဂါများကို တိုက်ဖျက်ပေးခြင်း၊ ဒဏ်ရာများကို သက်သာပျောက်ကင်းစေခြင်းနှင့် ခန္ဓာကိုယ်ထဲသို့ ဝင်ရောက်လာသော အန္တရာယ်ဖြစ်စေသည့် ပိုးမွှားများကို တားဆီးပေးခြင်းစတာတွေကို လုပ်ဆောင်ပေးခြင်းအားဖြင့် ခန္ဓာကိုယ်ကို ကာကွယ်ပေးတဲ့ စနစ်တစ်ခုဖြစ်ပါတယ်။ ကိုယ်ခံအားစနစ်မှားယွင်းပြီး မိမိကိုယ်ခန္ဓာကို ပြန်လည်တိုက်ခိုက်တဲ့ Autoimmune ရောဂါရှိသူများမှာတော့ ကိုယ်ခံအားစနစ်ဟာ ကိုယ်အင်္ဂါများရဲ့ ကျန်းမာသော တစ်ရှူးဆဲလ်များကိုပါ တိုက်ခိုက်တဲ့အတွက် ကျောက်ကပ်ကို ထိခိုက်ပျက်ဆီးစေနိုင်ပါတယ်။
ကျောက်ကပ်များဟာ သွေးတွင်းရှိ အဆိပ်အတောက်များ သန့်စင်ပေးခြင်း၊ သွေးပေါင်ချိန် ထိန်းညှိပေးခြင်း၊ ခန္ဓာကိုယ်အတွက် လိုအပ်သော သတ္တုဓာတ်များကို ထိန်းသိမ်းပေးခြင်း၊ သွေးနီဥများထုတ်လုပ်ခြင်းကို လှုံ့ဆော်ပေးခြင်းစတဲ့ အရေးကြီးလုပ်ငန်းတွေကို တာဝန်ယူ လုပ်ဆောင်ပေးပါတယ်။ Autoimmuneရောဂါများတွင် ကိုယ်ခံအားစနစ်ဟာ ခုခံအား (Antibody)များကိုထုတ်လုပ်ကာ ကျောက်ကပ်၏ သွေးကို စစ်ထုတ်ပေးသည့် သေးငယ်သော စစ်ထုတ်မှုစနစ် (Glomeruli)များကို တိုက်ခိုက်သောကြောင့် နာတာရှည်ရောင်ရမ်းမှု ဖြစ်လာပြီး အချိန်ကြာလာတာနဲ့အမျှ ကျောက်ကပ်ပျက်စီးခြင်းကို ဖြစ်ပေါ်စေနိုင်ပါတယ်။
သတိပြုသင့်သော ရောဂါလက္ခဏာများမှာ
⚠️ခြေထောက်၊ ခြေဖဝါး (သို့) မျက်နှာဖောလာခြင်း
⚠️ဆီးအရောင်ရင့်ခြင်း၊ ဆီးအမြှုပ်ထခြင်း
⚠️သွေးပေါင်ချိန်မြင့်တက်ခြင်း
⚠️ဆီးထွက်ပမာဏလျော့နည်းလာခြင်း
⚠️မောပန်းနွမ်းနယ်ခြင်းစသည်တို့ဖြစ်ပါတယ်။
ရောဂါလက္ခဏာများကို စောစီးစွာ သတိပြုမိပြီး သင့်လျော်သော စစ်ဆေးကုသမှုများ ပြုလုပ်ပါက ကျောက်ကပ်ပျက်စီးခြင်းကို အချိန်မီသိရှိ ကာကွယ်နိုင်တဲ့အပြင် ကုသမှုရလဒ်ကောင်းများကိုပါ ရရှိစေနိုင်ပါတယ်။ Autoimmuneရောဂါများဟာ ခန္ဓာကိုယ်တစ်ခုလုံးကို သက်ရောက်ထိခိုက်နိုင်တဲ့ သင်နှင့် သင့်မိသားစုဝင်များတွင် Autoimmuneရောဂါရှိပါက ကျန်းမာရေးပုံမှန်စစ်ဆေးခြင်းများနှင့် ကျောက်ကပ်လုပ်ဆောင်ချက် စစ်ဆေးခြင်းများကို ပိုမိုဂရုစိုက် ပြုလုပ်သင့်ပါတယ်။
ဆီးနှင့်ကျောက်ကပ်ဆရာဝန်များနှင့် ဆွေးနွေးတိုင်ပင်လိုခြင်း၊ ကျောက်ကပ်အစားထိုး ခွဲစိတ်ကုသခြင်းအတွက် လိုအပ်သော သွေးစစ်ဆေးမှုများနှင့် ကျောက်ကပ်လုပ်ဆောင်မှုများကို သိရှိနိုင်ရန် ပုံမှန်သွေးစစ်ဆေးခြင်းများအတွက် ကျွန်ုပ်တို့ Mascots Laboratory Referral Centreမှ ဝန်ဆောင်မှုပေးလျက်ရှိပါတယ်။ အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄




🩸ကင်ဆာမျိုးရိုးဗီဇ ပြောင်းလဲချို့ယွင်းခြင်းများကို သွေးမှတစ်ဆင့် စစ်ဆေးသိရှိနိုင်ပါပြီ🩸 ကျွန်ုပ်တို့ Mascots Labora...
06/03/2026

🩸ကင်ဆာမျိုးရိုးဗီဇ ပြောင်းလဲချို့ယွင်းခြင်းများကို သွေးမှတစ်ဆင့် စစ်ဆေးသိရှိနိုင်ပါပြီ🩸
ကျွန်ုပ်တို့ Mascots Laboratory Referral Centreမှ တောင်ကိုရီးယားနိုင်ငံရှိ အဆင့်မြင့်ဓာတ်ခွဲခန်း IMBDxသို့ ပေးပို့စစ်ဆေးလျက်ရှိသော ကင်ဆာမျိုးရိုးဗီဇပြောင်းလဲချို့ယွင်းခြင်းများကို သိရှိနိုင်ရန် သွေးမှတစ်ဆင့် စစ်ဆေးခြင်း (Liquid Biopsy)များဖြစ်သည့် AlphaLiquid testများထဲမှ ထပ်မံထွက်ရှိလာသော test အသစ်များကိုပါ ပေးပို့စစ်ဆေးနိုင်ပြီဖြစ်ကြောင်းကို သတင်းကောင်းပါးပါရစေ။ AlphaLiquid test အသစ်များကတော့ AlphaLiquid HRRနှင့် AlphaLiquid Breast တို့ပဲဖြစ်ပြီး ပစ်မှတ်ထားကုထုံးများ(Targeted therapies)အတွက် တိကျသော စစ်ဆေးမှုအဖြေများနှင့် ကုသမှုများကိုပါ သိရှိနိုင်ပါတယ်။
AlphaLiquid HRRဟာ HRR (Homologous Recombination Repair)နှင့် ဆက်နွယ်သော မျိုးရိုးဗီဇ ၁၉မျိုးကို ဖော်ထုတ်စစ်ဆေးရန် တုံ့ပြန်မှုမြင့်မားတဲ့ နည်းပညာကို အသုံးပြုထားတဲ့ စစ်ဆေးမှုဖြစ်ပြီး PARP inhibitor ကုသမှုအသုံးပြုသော လူနာများအတွက် HRR မျိုးရိုးဗီဇပြောင်းလဲမှုများကို တိကျစွာစစ်ဆေးသိရှိနိုင်ပါတယ်။ ထိုသို့စစ်ဆေးသိရှိထားခြင်းကြောင့် တိကျမှန်ကန်တဲ့ ကုသမှုနည်းလမ်းများစွာကို ရွေးချယ်နိုင်ပြီး လက်ရှိကုသမှုနည်းလမ်းများတွင်လည်း ပိုမိုထိရောက်သော ကုထုံးအသစ်များကို ထည့်သွင်းအသုံးပြုနိုင်ပါတယ်။
AlphaLiquid Breastကတော့ ရင်သားကင်ဆာကုသမှုနည်းလမ်းများအား မြန်ဆန်တိကျစွာ ထောက်ပံ့ပေးနိုင်ရန်အတွက် ရည်ရွယ်ထားသည့် စစ်ဆေးမှုတစ်ခုဖြစ်ပြီး ရင်သားကင်ဆာနှင့် ဆက်နွယ်သော မျိုးရိုးဗီဇ ၁၈မျိုးနှင့် အခြားကင်ဆာဆိုင်ရာ မျိုးရိုးဗီဇ ၇မျိုးကိုပါ စစ်ဆေးသိရှိနိုင်ပါတယ်။ Hybrid-capture deep sequencing နည်းစနစ်ကို အသုံးပြုထားသဖြင့် ရင်သားကင်ဆာ မျိုးရိုးဗီဇများရဲ့ SNVs, InDels နှင့် CNAsများကို တိကျမှန်ကန်စွာ ဖော်ထုတ်နိုင်ပြီး ctDNA ပမာဏနည်းသည့် သွေးနမူနာများတွင်ပါ ပိုမိုသေချာတဲ့ စစ်ဆေးတွေ့ရှိမှုများကို ဖော်ပြပေးနိုငိပါတယ်။ ရင်သားကင်ဆာကုသမှုအတွက် တိကျသေချာသော စစ်ဆေးမှုရလဒ်များကို ရရှိနိုင်ခြင်းကြောင့် ဟော်မုန်းကုသမှုအား တုံ့ပြန်မှုမရှိခြင်း Hormone Therapy Resistance (Eg. ESR1), PIK3CA Inhibitors, HER2 မျိုးရိုးဗီဇ ပစ်မှတ်ထားကုသမှုများနှင့် AKT Pathway Inhibitorsကုသမှုများအတွက် ထိရောက်သော ကုသမှုနည်းလမ်းများကို ရွေးချယ်ပြုလုပ်နိုင်ပါတယ်။
ကင်ဆာရောဂါများနှင့်ပတ်သက်သည့် မျိုးရိုးဗီဇပြောင်းလဲချို့ယွင်းခြင်းများကို သိရှိနိုင်ရန် သွေးမှတစ်ဆင့် စစ်ဆေးခြင်း (Liquid Biopsy)များကို ကျွန်ုပ်တို့ Mascots Laboratory Referral Centreမှ တောင်ကိုရီးယားရှိ အဆင့်မြင့်ဓာတ်ခွဲခန်း IMBDxသို့ ပို့ဆောင် စစ်ဆေးပေးနေပြီဖြစ်ပါတယ်။ အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄




🧪ကျောက်ကပ်အစားမထိုးမီနှင့် အစားထိုးပြီးနောက်ပိုင်းတွင်ပြုလုပ်ရမည့် သွေးစစ်ဆေးမှုများ🧪 ကျောက်ကပ်ပုံမှန်ဆေးနေရသော ...
26/02/2026

🧪ကျောက်ကပ်အစားမထိုးမီနှင့် အစားထိုးပြီးနောက်ပိုင်းတွင်ပြုလုပ်ရမည့် သွေးစစ်ဆေးမှုများ🧪
ကျောက်ကပ်ပုံမှန်ဆေးနေရသော ဝေဒနာရှင်များ၊ ကျောက်ကပ်ဆေးရုံဖြင့် မလုံလောက်သော ကျောက်ကပ်ပျက်ဆီးနေသည့် ဝေဒနာရှင်များအတွက် အသင့်တော်ဆုံးကုထုံးဖြစ်တဲ့ ကျောက်ကပ်အစားထိုးမှုပြုလုပ်ရန် လူနာတွင် ကြံ့ခိုင်သောကျန်းမာရေး အခြေအနေ ရှိ/မရှိ၊ အလှူရှင်​၏ကျန်းမာရေး ကောင်းမွန်မှု ရှိ/မရှိ၊ ခွဲစိတ်မှုမပြုလုပ်ခင် လူနာနှင့် အလှူရှင်တို့​၏ သွေးအုပ်စုများ၊ ခုခံအားများ ကိုက်ညီမှု ရှိ/မရှိ၊ လူနာ​၏ ခုခံအားတိုက်ဖျက်နိုင်စွမ်း အားကောင်းမှု ရှိ/မရှိကို တိကျမှန်ကန်စွာ ကြိုတင်စစ်ဆေးရန် အထူးအရေးကြီးပါတယ်။
ထိုကဲ့သို့ ကျောက်ကပ်အစားထိုး ခွဲစိတ်ကုသခြင်းနှင့် ပတ်သက်သည့် အရေးကြီးသော စစ်ဆေးမှုများကို တိကျမှန်ကန်စွာ စစ်ဆေးနိုင်ရန် Mascots Laboratory Referral Centreမှ စင်ကာပူနိုင်ငံရှိ ကမ္ဘာ့အဆင့်မီ ဓာတ်ခွဲခန်းသို့ ပေးပို့စစ်ဆေးပေးလျက် ရှိပါတယ်။
ကျောက်ကပ်အစားထိုးကုသခြင်းအတွက် အလွန်အရေးကြီးသော ကျောက်ကပ်အစားမထိုးမီနှင့် အစားထိုးပြီးနောက်ပိုင်းတွင်ပြုလုပ်ရမည့် သွေးစစ်ဆေးမှုများ-
🌟 Donor Screening Tests
🌟 Crossmatch
🌟 Flow Crossmatch
🌟 Donor Specific Antibody
🌟 Tissue Typing
🌟 CMV test, BK test, Anti-PLA2R test
🌟 Sirolimus level, Tacrolimus Level
🌟 Cyclosporine Level, Everolimus Level တို့အပြင် အခြားသော သွေးစစ်ဆေးမှုများစွာကိုလည်း ပေးပို့စစ်ဆေးပေးနေပါပြီ။
Mascots Laboratory Referral Centreရှိ သွေးစစ်ဆေးခြင်း ဝန်ဆောင်မှုများအကြောင်း အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ )၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄



🧐အဖြစ်နည်းပေမယ့် လျစ်လျူမရှုသင့်တဲ့ သည်းခြေပြွန်ကင်ဆာ🧐 သည်းခြေပြွန်ကင်ဆာဆိုတာ သည်းခြေပြွန်အတွင်းရှိဆဲလ်များတွင် မျို...
19/02/2026

🧐အဖြစ်နည်းပေမယ့် လျစ်လျူမရှုသင့်တဲ့ သည်းခြေပြွန်ကင်ဆာ🧐
သည်းခြေပြွန်ကင်ဆာဆိုတာ သည်းခြေပြွန်အတွင်းရှိဆဲလ်များတွင် မျိုးရိုးဗီဇပြောင်းလဲချို့ယွင်းမှုများ ဖြစ်ပေါ်လာပြီး ကင်ဆာဆဲလ်များ ပွါးများလာကာ ကင်ဆာကျိတ်ဖြစ်ခြင်းကို ခေါ်ပါတယ်။ ထိုကင်ဆာကျိတ်ကြောင့် အချိန်ကြာလာတာနဲ့အမျှ သည်းခြေရည်များ ကောင်းစွာ မစီးဆင်းတော့ဘဲ ပိတ်ဆို့လာနိုင်ပါတယ်။ သည်းခြေပြွန်ကင်ဆာဟာ အခြားကင်ဆာရောဂါများနှင့် နှိုင်းယှဉ်ပါက ဖြစ်ပွါးမှုနှုန်းနည်းပါးသော်လည်း ရောဂါအဆင့်မြင့်မှ သိရှိရတတ်လို့ အချိန်မီကုသဖို့ ခက်ခဲနိုင်ပါတယ်။
🚨သတိပြုသင့်တဲ့ ရောဂါလက္ခဏာများ
⚠️မျက်လုံးများနှင့် အသားများ ဝါလာခြင်း
⚠️ဆီးအရောင် ရင့်ခြင်း
⚠️ဝမ်းအရောင် ဖြူဖျော့လာခြင်း
⚠️ခန္ဓာကိုယ်အရေးပြား ယားယံခြင်း
⚠️နံရိုးအောက် ညာဘက်ဝမ်းဗိုက်အပေါ်ပိုင်း အောင့်ခြင်း
⚠️အကြောင်းအရင်းမရှိ ကိုယ်အလေးချိန် ကျဆင်းခြင်း
⚠️မောပန်းပင်ပန်းလွယ်ခြင်း
ကျွမ်းကျင်ဆရာဝန်များဟာ သည်းခြေပြွန်ကင်ဆာ ဖြစ်ပွါးနေခြင်းရှိ၊မရှိ အတည်ပြုနိုင်ဖို့အတွက် အသည်းလုပ်ဆောင်ချက်များအတွက် သွေးစစ်ဆေးခြင်း၊ CEA, CA 19-9ကဲ့သို့ ကင်ဆာဓာတ်များအတွက် သွေးစစ်ဆေးခြင်း၊ Ultrasound, CT, MRIကဲ့သို့ ပုံရိပ်ဖော်နည်းပညာများဖြင့် စစ်ဆေးခြင်း၊ အသားစစစ်ဆေးခြင်း (Biopsy), သွေးမှတစ်ဆင့် ကင်ဆာဆဲလ်များကို ရှာဖွေစစ်ဆေးခြင်း (Liquid Biopsy) စတဲ့ စစ်ဆေးမှုတွေကို ပြုလုပ်ကြပါတယ်။ Liquid Biopsyစစ်ဆေးခြင်းဟာ အသားစ စစ်ဆေးရန် မလုံလောက်တဲ့အခါတွေမှာပါ သွေးတွင်းရှိ ကင်ဆာဆဲလ်များရဲ့ မျိုးရိုးဗီဇ ချို့ယွင်းပြောင်းလဲမှုတွေကို ရှာဖွေဖော်ထုတ်နိုင်ပြီး တိကျမှန်ကန်တဲ့ ကုထုံးတွေကို ရွေးချယ်နိုင်ဖို့ အကူအညီဖြစ်စေပါတယ်။
ကုသမှုနည်းလမ်းတွေကတော့ ကင်ဆာအဆင့်နှင့် အကျိတ်တည်နေရာပေါ် မူတည်ပြီး အောက်ပါကုသမှုများကို အများအားဖြင့် ပြုလုပ်ကြပါတယ်။
✅ခွဲစိတ်ဖယ်ရှားခြင်း
✅သည်းခြေပြွန်ပိတ်ဆို့မှုကို ပွင့်ရန် ကုသခြင်း
✅ကင်ဆာဆေးသွင်းကုသခြင်း (Chemotherapy)
✅ကင်ဆာဓာတ်ရောင်ခြည်ကုသခြင်း (Radiation Therapy)
✅ပစ်မှတ်ထားကုထုံးဖြင့် ကုသခြင်း (Targeted Therapy)
✅Immunotherapy ကုထုံးဖြင့် ကုသခြင်း
သည်းခြေပြွန်ကင်ဆာနှင့်ပတ်သက်သည့် မျိုးရိုးဗီဇပြောင်းလဲချို့ယွင်းခြင်းများကို သိရှိနိုင်ရန် အသားစစစ်ဆေးခြင်းနှင့် သွေးမှတစ်ဆင့် စစ်ဆေးခြင်းများကို ကျွန်ုပ်တို့ Mascots Laboratory Referral Centreမှ စင်ကာပူ၊ တောင်ကိုရီးယားနှင့် အမေရိကန်နိုင်ငံများရှိ အဆင့်မြင့်ဓာတ်ခွဲခန်းများသို့ ပို့ဆောင် စစ်ဆေးပေးနေပြီဖြစ်ပါတယ်။ အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄





🤧ကျောက်ကပ်အစားထိုးပြီးနောက် ဓာတ်မတည့်မှုတွေကနေ ဘယ်လိုကာကွယ်နိုင်လဲ🛡️ ဓာတ်မတည့်မှုတွေ ဖြစ်လာတဲ့အခါမှာ အများအားဖြင့်...
10/02/2026

🤧ကျောက်ကပ်အစားထိုးပြီးနောက် ဓာတ်မတည့်မှုတွေကနေ ဘယ်လိုကာကွယ်နိုင်လဲ🛡️
ဓာတ်မတည့်မှုတွေ ဖြစ်လာတဲ့အခါမှာ အများအားဖြင့် ရာသီအလိုက် ဓာတ်မတည့်မှုတွေကြောင့် နှာချေခြင်း၊ နှာပိတ်ခြင်း၊ ချောင်းဆိုးခြင်း၊ မျက်လုံးယားယံခြင်းစတဲ့ လက္ခဏာတွေ ဖြစ်ပေါ်ခံစားရနိုင်ပါတယ်။ ကျောက်ကပ်အစားထိုးကုသမှု ခံယူထားသူများဟာ ကိုယ်ခံအားလျော့ဆေးတွေကို သောက်သုံးနေရတဲ့အတွက် ကိုယ်ခံအားလျော့နည်းသဖြင့် ရောဂါဖြစ်ပွါးနိုင်ချေပိုများခြင်း၊ အဆုတ်နှင့် အသက်ရှူလမ်းကြောင်းဆိုင်ရာရောဂါများ ပိုဖြစ်နိုင်ခြင်း၊ ကိုယ်ခံအားလျော့ဆေးများနှင့် အခြားဆေးများကြား အပြန်အလှန်သက်ရောက်မှုရှိနိုင်ခြင်းစတာတွေကြောင့် ပုံမှန်ဓာတ်မတည့်မှုလက္ခဏာတွေကိုပါ သေချာဂရုပြုပြီး သတိထားစောင့်ရှောက်ဖို့ ပိုလိုအပ်ပါတယ်။
ဓာတ်မတည့်မှုတွေကို လျော့ချနိုင်မယ့်နည်းလမ်းတွေကတော့
🌟ပန်းဝတ်မှုန်၊ ဖုန်မှုန့်စတာတွေနဲ့ ထိတွေ့မှုကို ရှောင်ရှားပါ
🌟အပြင်ထွက်ပြီးတိုင်း ရေချိုးပြီး အဝတ်အစားလဲပါ
🌟ကိုယ်ခံအားတက်စေရန် အိပ်ရေးဝအောင် ပုံမှန်အိပ်စက်ပါ
🌟ရေကိုလုံလောက်အောင် သောက်ပြီး ကိုယ်ခံအားတိုးစေရန် ကျန်းမာရေးနှင့် ညီညွှတ်စွာ နေထိုင်စားသောက်ပါ
🌟နေထိုင်ရာပတ်ဝန်းကျင်ကို သန့်ရှင်းစွာထားပြီး လေဝင်လေထွက်ကောင်းအောင် ပြုလုပ်ပါ
🌟ဓာတ်မတည့်မှုဖြစ်ပွါးပါက ဓာတ်မတည့်မှုအတွက် သောက်သုံးရသောဆေးများကို ကျွမ်းကျင်ဆရာဝန်ရဲ့ လမ်းညွှန်မှုဖြင့်သာ သောက်သုံးပါ
🌟ဓာတ်မတည့်မှုပိုဆိုးလာပါက ဆေးရုံ၊ ဆေးခန်းများသို့ အမြန်ဆုံးသွားရောက် ပြသပါ
ဖော်ပြပါနည်းလမ်းတွေကို လိုက်နာပြီး ဓာတ်မတည့်မှုတွေ မဖြစ်အောင် ကြိုတင်ကာကွယ်တာဟာ ကျန်းမာရေးအတွက်လည်း ကာကွယ်ပေးပြီး အစားထိုးကျောက်ကပ်ကိုပါ ကောင်းမွန်စွာ ထိန်းသိမ်းနိုင်ဖို့ အကူအညီဖြစ်စေပါတယ်။
ဆီးနှင့်ကျောက်ကပ်ဆရာဝန်များနှင့် ဆွေးနွေးတိုင်ပင်လိုခြင်း၊ သွေးတွင်းရှိ ကိုယ်ခံအားလျော့ဆေးပမာဏများ၊ Viral Loadစစ်ဆေးမှုများနှင့် ကျောက်ကပ်လုပ်ဆောင်မှုများကို သိရှိနိုင်ရန် ပုံမှန်သွေးစစ်ဆေးခြင်းများအတွက် ကျွန်ုပ်တို့ Mascots Laboratory Referral Centreမှ ဝန်ဆောင်မှုပေးလျက်ရှိပါတယ်။ အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄




🌏🎗️World Cancer Day (4 February)🎗️🌏 ယနေ့ကျရောက်တဲ့ “ကမ္ဘာ့ကင်ဆာရောဂါနေ့”မှာ ကင်ဆာရောဂါကို သတ္တိရှိစွာ မလျှော့သောဇွဲ...
04/02/2026

🌏🎗️World Cancer Day (4 February)🎗️🌏
ယနေ့ကျရောက်တဲ့ “ကမ္ဘာ့ကင်ဆာရောဂါနေ့”မှာ ကင်ဆာရောဂါကို သတ္တိရှိစွာ မလျှော့သောဇွဲဖြင့် ရင်ဆိုင်ကျော်လွှားနေ/ခဲ့ကြတဲ့ ကင်ဆာဝေဒနာရှင်များအားလုံးကို ကျွန်ုပ်တို့ Mascots Laboratory Referral Centreမှ အားပေးဂုဏ်ယူကြောင်း ပြောချင်ပါတယ်။
နှစ်စဉ် ကမ္ဘာပေါ်ရှိ လူသန်းပေါင်းများစွာဟာ ကင်ဆာရောဂါကို ခံစားနေရပြီး မိမိတွင်ကင်ဆာဖြစ်ပွါးနေသည်ကို အချိန်နောက်ကျမှ သိရှိနေရခြင်းများ ကြုံတွေ့နေရပါတယ်။ ကင်ဆာရောဂါဖြစ်ပွါးနေမှုကို စောစီးစွာ ရှာဖွေသိရှိခြင်းဟာ ကင်ဆာရောဂါကုသမှုအတွက် အလွန်အရေးကြီးပါတယ်။
ကင်ဆာရောဂါကို စောစီးစွာ ရှာဖွေသိရှိခြင်းကြောင့် ထိရောက်သော ကုသမှုများ အချိန်မီပြုလုပ်နိုင်ခြင်း၊ ရောဂါပျောက်ကင်းနိုင်မှု ရာခိုင်နှုန်းမြင့်မားခြင်း၊ ကင်ဆာအဆင့်နိမ့်သဖြင့် ရိုးရှင်းသော ကုသမှုများကို ပြုလုပ်နိုင်ကာ ကုန်ကျစရိတ်သက်သာခြင်း၊ ကင်ဆာ၏နောက်ဆက်တွဲဆိုးကျိုးများ ဖြစ်ပွါးမှု လျော့နည်းခြင်းစတဲ့ အကျိုးကျေးဇူးများ ရရှိနိုင်ပါတယ်။
ကင်ဆာရောဂါဖြစ်ပွါးခြင်းနှင့် ပတ်သက်သော ဗဟုသုတများကို သိရှိခြင်း၊ ရောဂါရှာဖွေစစ်ဆေးမှုများ ပုံမှန်ပြုလုပ်ခြင်း၊ စောစီးစွာ ကင်ဆာရောဂါကို ရှာဖွေသိရှိပြီး တိကျမှန်ကန်သော ကင်ဆာကုထုံးများဖြင့် ကုသပျောက်ကင်းနိုင်ခြင်း၊ ကင်ဆာဝေဒနာရှင်များ လျှောက်လမ်းနေရသော ကင်ဆာကုသမှုစဉ်တွင် ကြုံတွေ့ရနိုင်သော အခက်အခဲများကို သိရှိနားလည်ထားကာ အားပေးကူညီခြင်းဖြင့် ကင်ဆာရောဂါကို အတူတကွ ရင်ဆိုင်ကျော်လွှားနိုင်ပါတယ်။
ကင်ဆာရောဂါကို စောစီးစွာ သိရှိနိုင်ရန် ကြိုတင်စစ်ဆေးမှုများနှင့် တိကျမှန်ကန်သော အဖြေများ ရရှိနိုင်သည့် သွေးနှင့်အသားစ စစ်ဆေးခြင်းများကို Mascots Laboratory Referral Centre မှ နွေးထွေးစွာဝန်ဆောင်မှုပေးလျက်ရှိပါတယ်။

🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄



🤔Liquid Biopsyစစ်ဆေးမှုက ပုံရိပ်ဖော်နည်းပညာတွေထက် Minimal Residual Disease (MRD)ကို ဘာကြောင့် ပိုမိုစောစီးစွာ သိရှိနိုင်...
31/01/2026

🤔Liquid Biopsyစစ်ဆေးမှုက ပုံရိပ်ဖော်နည်းပညာတွေထက် Minimal Residual Disease (MRD)ကို ဘာကြောင့် ပိုမိုစောစီးစွာ သိရှိနိုင်တာလဲ🤔
ကင်ဆာကုသမှုမှာ အခက်ခဲဆုံးအချက်တွေထဲက တစ်ခုက ကင်ဆာကုသမှုပြီးနောက် ကင်ဆာပြန်လည်ဖြစ်ပွါးလာတာကို ပုံရိပ်ဖော်နည်းပညာတွေလို ပုံမှန်စစ်ဆေးစမ်းသပ်မှုတွေမှာ မတွေ့နိုင်ခင် စောစီးစွာ သိရှိနိုင်ဖို့ပါ။ Precision oncology တိုးတက်လာတာနဲ့အမျှ Liquid Biopsyစစ်ဆေးခြင်းဟာ ကင်ဆာရောဂါကို စောင့်ကြည့်တဲ့ နည်းလမ်းတွေအတွက် ကောင်းမွန်တဲ့ စစ်ဆေးမှုတစ်ခု ဖြစ်လာပါတယ်။
CT၊ MRI၊ PET scan တို့လို ပုံရိပ်ဖော်စစ်ဆေးမှုတွေက မျက်စိနဲ့ မြင်နိုင်လောက်တဲ့ အကျိတ်အရွယ်အစား ရှိမှသာ တွေ့နိုင်ပေမယ့် Liquid Biopsy ကတော့ သွေးထဲမှာ လည်ပတ်နေတဲ့ circulating tumor DNA (ctDNA)တွေကို စမ်းသပ်စစ်ဆေးတာကြောင့် ကင်ဆာပြန်လည်ဖြစ်ပွါးလာတာကို စောစီးစွာ သိရှိနိုင်ပါတယ်။ ဒီctDNAဆိုတာက အနည်းငယ်ကျန်ရှိနေတဲ့ ကင်ဆာဆဲလ်တွေကနေ သွေးထဲကို ထုတ်လွှတ်နေတဲ့ အလွန်သေးငယ်တဲ့ မျိုးရိုးဗီဇ အစိတ်အပိုင်းတွေ ဖြစ်ပါတယ်။
MRDကို ရှာဖွေရာမှာ Liquid Biopsyက ပိုအာရုံခံနိုင်စွမ်းရှိပြီး စောစီးစွာ သိရှိနိုင်တဲ့ အကြောင်းအရင်းတွေကတော့
✅ ကင်ဆာပြန်လည်ဖြစ်ပွါးလာခြင်းကို မော်လီကျူးအဆင့်အနေအထားမှာပင် စောစီးစွာ ရှာဖွေဖော်ထုတ်နိုင်ခြင်း
✅Next Generation Sequencing နည်းပညာတွေကြောင့် ကင်ဆာဆဲလ်မှ ဆင်းသက်လာတဲ့ ctDNAကို ပုံရိပ်ဖော်စစ်ဆေးမှုတွေမှာ မြင်
နိုင်လောက်တဲ့ အကျိတ်မဖြစ်လာခင်ကတည်းက တွေ့ရှိနိုင်ခြင်း
✅သာမန်အတိုင်း သွေးဖောက်ယူကာ စစ်ဆေးစမ်းသပ်မှု ပြုလုပ်တဲ့အတွင် ကိုယ်ခန္ဓာတွင်း နေရာအားလုံးရဲ့ ရောဂါဖြစ်ပွါးမှုကို ပိုမိုကောင်းမွန်စွာ ဖော်ပြနိုင်ခြင်း
✅ပစ်မှတ်ထားကုသခြင်းကဲ့သို့သော ကုသမှုများကို ပြုလုပ်နိုင်ရန် ဆုံးဖြတ်ရာတွင် ပိုမိုတိကျစွာ သိရှိနိုင်ခြင်း
✅ကင်ဆာကုသမှုအပေါ် တုံ့ပြန်မှုကို အချိန်နှင့်တပြေးညီ စောင့်ကြည့်နိုင်ခြင်း
✅လူနာတစ်ဦးချင်းစီအတွက် ကိုက်ညီတဲ့ နောက်ဆက်တွဲ စောင့်ကြည့်မှုအစီအစဉ် ပြုလုပ်နိုင်ပြီး ရလဒ်တွေကို ပိုမိုကောင်းမွန်စေခြင်းတို့ ဖြစ်ပါတယ်။
ကင်ဆာရောဂါများအား သွေးဖောက်စစ်ဆေးရုံမျှဖြင့် ရှာဖွေဖော်ထုတ်ကုသနိုင်ပြီဖြစ်ပြီး Mascots Laboratory Referral Centreမှ စင်ကာပူ၊ တောင်ကိုရီးယားနှင့် အမေရိကန်နိုင်ငံများရှိ အဆင့်မြင့်ဓာတ်ခွဲခန်းများသို့ ပို့ဆောင် စစ်ဆေးပေးနေပြီဖြစ်ပါတယ်။ အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄




🩸အောင်မြင်သော ကျောက်ကပ်အစားထိုးကုသခြင်းအတွက် အရေးကြီးသည့် သွေးစစ်ဆေးမှု Tissue Typing (HLA Typing)🩸 ကျောက်ကပ်အစားထ...
27/01/2026

🩸အောင်မြင်သော ကျောက်ကပ်အစားထိုးကုသခြင်းအတွက် အရေးကြီးသည့် သွေးစစ်ဆေးမှု Tissue Typing (HLA Typing)🩸
ကျောက်ကပ်အစားထိုး ခွဲစိတ်ကုသရာတွင် Tissue Typing စစ်ဆေးမှုသည် ကျောက်ကပ်အစားထိုးမှု အောင်မြင်ရန်နှင့် အစားထိုးပြီးနောက်ပိုင်း လူနာ၏နောက်ဆက်တွဲ ကျန်းမာရေးအခြေအနေ ဆက်လက်ကောင်းမွန်စေရန်အတွက် အလွန်အရေးပါသည့် သွေးစစ်ဆေးမှုတစ်ခုပဲ ဖြစ်ပါတယ်။
Tissue Typing စစ်ဆေးမှုဆိုသည်မှာ ကျောက်ကပ်အစားထိုးကုသမည့် လူနာနှင့် ကျောက်ကပ်အလှူရှင်တို့၏ ခန္ဓာကိုယ်တွင်းရှိ ဆဲလ်များ၏ မျက်နှာပြင်ပေါ်တွင် ရှိနေသော Human Leukocyte Antigens (HLAs)ဟု ခေါ်သည့် ပရိုတင်းများ ကိုက်ညီမှုရှိ၊မရှိကို သွေးမှတစ်ဆင့် စစ်ဆေးခြင်းပဲ ဖြစ်ပါတယ်။ HLAsများဟာ ကိုယ်ခံအားစနစ်မှ ကိုယ်ခန္ဓာအတွင်းရှိဆဲလ်များသည် ကိုယ်ခန္ဓာ၏ဆဲလ်များ ဟုတ်၊မဟုတ် ခွဲခြားသည့် လုပ်ငန်းတွင် ပါဝင်သော အဓိကအရေးကြီးသည့် ပရိုတင်းများ ဖြစ်ပါတယ်။
HLAsအမျိုးအစားများ Class I (A, B, C)နှင့် Class II (DR, DP, DQ)တို့ ရှိသည့်အနက် Tissue Typing စစ်ဆေးရာတွင် HLA-A, HLA-B, HLA-Cနှင့် HLA-DRတို့အား ကိုက်ညီမှုရှိ၊မရှိကို ကျောက်ကပ်အစားထိုးကုသမှုမတိုင်ခင် အဓိကစစ်ဆေးကြပါတယ်။ လူနာနှင့် အလှူရှင်၏ HLAsများ အနီးစပ်ဆုံး ကိုက်ညီမှုရှိမှသာလျှင် လူနာ၏ကိုယ်ခံအားစနစ်မှ အစားထိုးကျောက်ကပ်ကို တိုက်ခိုက်မှုမရှိဘဲ ကျောက်ကပ် အစားထိုးခွဲစိတ်ကုသမှု အောင်မြင်နိုင်မှာ ဖြစ်ပါတယ်။
ကျောက်ကပ်အစားထိုး ခွဲစိတ်ကုသရာတွင် Tissue Typingစစ်ဆေးခြင်းဖြင့်
✅HLAsကိုက်ညီမှုရှိခြင်းကြောင့် ကျောက်ကပ်အစားထိုး ခွဲစိတ်ကုသမှု အောင်မြင်နိုင်ချေ မြင့်မားခြင်း
✅ လူနာ၏ခန္ဓာကိုယ်မှ အစားထိုးကျောက်ကပ်အား ငြင်းပယ်နိုင်ချေကို လျှော့ချနိုင်ခြင်း
✅အစားထိုးကျောက်ကပ်အား ငြင်းပယ်နိုင်ချေကို လျှော့ချနိုင်ခြင်းကြောင့် နောက်ဆက်တွဲဆိုးကျိုးများနှင့် အရေးပေါ်အခြေအနေများ ဖြစ်ပွါးခြင်း လျော့နည်းကာ ဆေးရုံမှ မြန်ဆန်စွာ ဆင်းနိုင်ခြင်း
✅အစားထိုးကျောက်ကပ်အား ငြင်းပယ်မှု မရှိသဖြင့် ကျောက်ကပ်လုပ်ဆောင်နိုင်စွမ်းကောင်းမွန်ကာ ပိုမိုကျန်းမာ အသက်ရှည်သော လူနေမှုဘဝကို ရရှိနိုင်ခြင်း
✅လူနာတစ်ဦးချင်းစီအလိုက် ခုခံအားလျှော့ချသောဆေးများအား အနိမ့်ဆုံးပမာဏဖြင့် ဘေးထွက်ဆိုးကျိုးနည်းစွာ အသုံးပြုနိုင်ခြင်းစသည့် အကျိုးကျေးဇူးများ ရရှိနိုင်ပါတယ်။
Mascots Laboratory Referral Centre တွင် ကျောက်ကပ်အစားထိုးကုသရန်အတွက် လိုအပ်သော Tissue Typing သွေးစစ်ဆေးခြင်းနှင့် အခြားသော သွေးစစ်ဆေးမှုများစွာကိုလည်း စင်ကာပူနိုင်ငံရှိ ကမ္ဘာ့အဆင့်မီဓာတ်ခွဲခန်းသို့ ပေးပို့စစ်ဆေးပေးနေပါပြီ။ သွေးစစ်ဆေးခြင်း ဝန်ဆောင်မှုများအကြောင်း အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ )၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit-5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄



🔬Biopsy Sampleတွေကို စနစ်တကျ ကိုင်တွယ်ထိန်းသိမ်းဖို့ ဘာကြောင့်အရေးကြီးတာလဲ🔬 ရောဂါအမျိုးအစားများကို တိကျမှန်ကန်အောင...
22/01/2026

🔬Biopsy Sampleတွေကို စနစ်တကျ ကိုင်တွယ်ထိန်းသိမ်းဖို့ ဘာကြောင့်အရေးကြီးတာလဲ🔬
ရောဂါအမျိုးအစားများကို တိကျမှန်ကန်အောင် ရှာဖွေဖော်ထုတ်တဲ့အခါ အဆင့်မြင့်နည်းပညာများနဲ့ ကျွမ်းကျင်မှုများသာမက Biopsy Sampleတွေကို နည်းလမ်းမှန်ကန်စွာ စနစ်တကျကိုင်တွယ်ခြင်းဟာလည်း အရေးကြီးဆုံး အခြေခံအချက်ပဲ ဖြစ်ပါတယ်။
🤔တစ်ရှူးနမူနာများကို စတင်ယူတဲ့အချိန်မှစပြီး လုပ်ငန်းအဆင့်ဆင့်တိုင်းဟာ ဘာကြောင့်အရေးကြီးရတာလဲ🤔
✅Biopsy Sampleများကို မှန်ကန်တဲ့ fixationအချိုးအစားနဲ့ အချိန်မီ processingပြုလုပ်ခြင်းက ဆဲလ်ပျက်စီးမှုကို ကာကွယ်ပေးနိုင်ပြီး တစ်ရှူးအရည်အသွေးကို ထိန်းသိမ်းနိုင်ပါတယ်။
✅တစ်ရှူးအရည်အသွေးကောင်းမွန်တာကြောင့် တစ်ရှူးနမူနာချို့ယွင်းချက်များ မဖြစ်ဘဲ မှားယွင်းဖော်ပြမှု၊ ရလာဒ်မရှင်းလင်းမှုများ လျော့နည်းကာ ရောဂါအမျိုးအစားခွဲခြားမှုကို တိကျသေချာစေပါတယ်။
✅တိကျမှန်ကန်သော ရောဂါအမျိုးအစားအဖြေများကို ရရှိတဲ့အတွက် ယုံကြည်စိတ်ချရသော ရောဂါကုသမှုနည်းလမ်းများကို ရွေးချယ်နိုင်ပြီး ကုသမှုရလာဒ်ကောင်းများ ရရှိနိုင်ပါတယ်။
✅လူနာအချက်အလက်များနှင့် နမူနာယူသည့်နေရာကို ရှင်းလင်းမှန်ကန်စွာ Labelတပ်ခြင်းနှင့် ဓာတ်ခွဲခန်းသို့ အချိန်မီ စနစ်တကျပို့ဆောင်ခြင်းများက တိကျမှန်ကန်သော ရောဂါအဖြေများကို ရရှိစေနိုင်တာမို့ biopsyပြန်လည်ပြုလုပ်ရခြင်းများကို လျှော့ချနိုင်ပါတယ်။
Biopsy Sampleများကို နည်းလမ်းမှန်ကန်စွာ စနစ်တကျကိုင်တွယ်ခြင်းဟာ ရောဂါအမျိုးအစားများ ခွဲခြားဖော်ထုတ်မှုအပေါ် ယုံကြည်မှုပိုရှိစေပြီး တိကျမှန်ကန်တဲ့ အဖြေရလာဒ်များကြောင့် ရောဂါနှင့်ကိုက်ညီသော ကုသမှုနည်းလမ်းများကို ရွေးချယ်နိုင်ကာ ဓာတ်ခွဲခန်းများရဲ့ အမြင့်ဆုံးစံနှုန်းများကို ထိန်းသိမ်းထားနိုင်ပါတယ်။
ကျွန်ုပ်တို့ Mascots Laboratory Referral Centreမှ စင်ကာပူနိုင်ငံရှိ ကမ္ဘာ့အဆင့်မီဓာတ်ခွဲခန်းသို့ ပေးပို့ကာ အသားစစစ်ဆေးမှုအမျိုးမျိုးကို ဝန်ဆောင်မှုပေးလျက် ရှိပါတယ်။ အသားစစစ်ဆေးခြင်း(Biopsy)အကြောင်း အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄



🧬ကျောက်ကပ်ရောဂါများ ကုသရာတွင် အကျိုးရှိစေတဲ့ မျိုးရိုးဗီဇစစ်ဆေးခြင်း (Genetic Testing for Renal Diseases)🧬 ကျောက်က...
10/01/2026

🧬ကျောက်ကပ်ရောဂါများ ကုသရာတွင် အကျိုးရှိစေတဲ့ မျိုးရိုးဗီဇစစ်ဆေးခြင်း (Genetic Testing for Renal Diseases)🧬
ကျောက်ကပ်ရောဂါအများစုဟာ မျိုးရိုးဗီဇဆိုင်ရာ ပြောင်းလဲချို့ယွင်းခြင်းများကြောင့်လည်း ဖြစ်ပွါးနိုင်တယ်လို့ သုတေသနအဖွဲ့အစည်းများက ရှာဖွေတွေ့ရှိထားကြပါတယ်။ ထိုသို့သောကျောက်ကပ်ရောဂါများကို ကုသရာတွင် မျိုးရိုးဗီဇ ချို့ယွင်းပြောင်းလဲခြင်း ရှိ၊မရှိကို စစ်ဆေးခြင်းဖြင့် ရောဂါဖြစ်ပွါးမှုအခြေအနေ၊ တိကျသော ကုသမှုနည်းလမ်းများနှင့် နောက်ဆက်တွဲရောဂါအခြေအနေများကိုပါ ပိုမိုကောင်းမွန်စွာ စီမံခန့်ခွဲ ကုသနိုင်ပါတယ်။
မျိုးရိုးဗီဇချို့ယွင်းပြောင်းလဲမှုများကြောင့် ဖြစ်တတ်သော ကျောက်ကပ်ရောဂါများတွင် Polycystic Kidney Diseaseနှင့် Nephrotic Syndromeမှာ အဖြစ်များသော မျိုးရိုးဗီဇဆိုင်ရာ ကျောက်ကပ်ရောဂါများ ဖြစ်ပါတယ်။ Polycystic Kidney Diseaseဟာ PKD1 (သို့) PKD2စတဲ့ မျိုးရိုးဗီဇ ချို့ယွင်းပြောင်းလဲမှုကြောင့် ကျောက်ကပ်တွင် ရေအိတ်တည်သောရောဂါ ဖြစ်ပါတယ်။ Nephrotic Syndromeကတော့ ကလေးများနှင့် လူငယ်များတွင် အဖြစ်များတတ်ပြီး NPHS1, NPHS2, WT1စတဲ့ မျိုးရိုးဗီဇ ချို့ယွင်းပြောင်းလဲမှုများကြောင့် ဖြစ်ပွါးနိုင်ပါတယ်။
🤔ဘယ်သူတွေက Genetic Testingကို ပြုလုပ်သင့်လဲ🤔
✅အသက်၃၀မတိုင်ခင် နာတာရှည်ကျောက်ကပ်ရောဂါဖြစ်ပွါးသူများ
✅မိသားစုဝင်များတွင် ကျောက်ကပ်ဆေးနေရခြင်း၊ ကျောက်ကပ်ပျက်စီးခြင်းနှင့် ကျောက်ကပ်ရောဂါ ဖြစ်ပွါးဖူးသူများ
✅ဆီးထဲတွင် သွေး၊ ပရိုတင်းဓာတ်ပါပြီး ကျောက်ကပ်အားနည်းသူများ
✅မွေးရာပါကျောက်ကပ်ချို့ယွင်းမှုရှိသော ကလေးငယ်များ
✅ဆေးကုသမှုများကို ကောင်းမွန်စွာ တုံ့ပြန်ခြင်းမရှိသော ကျောက်ကပ်ရောဂါ ဖြစ်ပွါးနေသူများ
✅ကျောက်ကပ်ဖွဲ့စည်းပုံမမှန်ကန်ခြင်း (သို့) ကျောက်ကပ်ရေအိတ်တည်ရောဂါ ဖြစ်ပွါးနေသူများ
မျိုးရိုးဗီဇချို့ယွင်းပြောင်းလဲမှုများကို စစ်ဆေးခြင်းဖြင့် ရောဂါစောစီးစွာ ရှာဖွေဖော်ထုတ်နိုင်ပြီး မှန်ကန်ထိရောက်သော ကုထုံးနည်းလမ်းများကို ရွေးချယ်နိုင်ကာ မလိုအပ်သော ဆေးကုသမှုများကို ရှောင်ရှားနိုင်ပါတယ်။ ထို့ပြင် ရောဂါတိုးတက်မှုအခြေအနေကို သိရှိနိုင်ခြင်း၊ ကျောက်ကပ်အစားထိုးမှုအတွက် ကြိုတင်ပြင်ဆင်နိုင်ခြင်း၊ မိသားစုဝင်များတွင်ပါ ဖြစ်ပွါးနိုင်ချေရှိ၊မရှိ သိရှိနိုင်ခြင်းစတဲ့ အရေးကြီးသော အချက်အလက်များကိုပါ သိရှိနိုင်ပါတယ်။
သွေးဖောက်စစ်ဆေးရုံမျှဖြင့် ကျောက်ကပ်ရောဂါများအတွက် မျိုးရိုးဗီဇချို့ယွင်းပြောင်းလဲမှုများကို စစ်ဆေးနိုင်ပြီဖြစ်ပြီး ကျွန်ုပ်တို့ Mascots Laboratory Referral Centreမှ အမေရိကန်နိုင်ငံရှိ အဆင့်မြင့်ဓာတ်ခွဲခန်းများသို့ ပို့ဆောင် စစ်ဆေးပေးနေပြီဖြစ်ပါတယ်။ အသေးစိတ်သိရှိလိုခြင်းနှင့် စစ်ဆေးနိုင်ရန် စုံစမ်းလိုပါက အောက်ပါလိပ်စာများနှင့် ဖုန်းနံပါတ်များအတိုင်း ဆက်သွယ်မေးမြန်းနိုင်ပါတယ်။
🏥 ရန်ကုန်ရုံး - အမှတ် (၂၄/ ၁စီ)၊ နဝရတ်ကွန်ဒို၊ စမုံလမ်း၊ ဒဂုံမြို့နယ်၊ ရန်ကုန်မြို့။
☎️ ဖုန်းနံပါတ်များ - ၀၉-၉၇၇၂၉၉၉၉၂၊ ၀၉-၉၇၇၅၉၉၉၉၅
🏥 မန္တလေးရုံး - Block(3)၊ Unit 5၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေးမြို့။
☎️ ဖုန်းနံပါတ်များ - ၀၉-၉၇၇၄၉၉၉၉၄၊ ၀၉-၉၇၇၄၃၃၃၃၄





Address

No. 24(1-C) , Nawarat Condo , Samone Street
Dagon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 12:00

Telephone

+95943099995

Website

Alerts

Be the first to know and let us send you an email when Mascots Laboratory Referral Centre posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Mascots Laboratory Referral Centre:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category

Our Story

Mascots Medical & Laboratory Centre သည္ ျပီးျပည့္စံုေသာ ဝန္ေဆာင္မႈမ်ားျဖင့္ လူၾကီးမင္းတုိ႔၏ က်န္းမာေရးကို တာဝန္ယူေဆာင္ရြက္ေပးေနပါသည္။


  • အထူးကုဆရာဝန္ၾကီးမ်ားႏွင့္ ေဆြးေႏြးကုသမႈခံယူႏုိင္ျခင္း

  • မိသားစုက်န္းမာေရးေစာင့္ေရွာက္မႈဆရာဝန္ႏွင့္ ေဆြးေႏြးကုသမႈခံယူႏုိင္ျခင္း

  • ကင္ဆာေဆးသြင္းကုသႏုိင္ျခင္း