မြမေတ္တာမွန် အထူးကုဆေးခန်း

08/11/2025

မည်သူမဆို အိမ်အလုပ်တွင်ဖြစ်စေ၊ ရုံးအလုပ်တွင်ဖြစ်စေ/ ကာယအလုပ်ဖြစ်စေ၊ ဉာဏအလုပ်ဖြစ်စေ ၊ ကိုယ်ပိုင်လုပ်ငန်းဖြစ်စေ၊ ဝန်ထမ်းဖြစ်စေ အလုပ်ကရတဲ့ စိတ်ဖိစီးမှုဒဏ်ကို လူတိုင်းနီးပါးခံစားဖူးကြမှာပဲဖြစ်ပါတယ်။

Work Stress တွေက မဖြစ်အောင်တားဆီးလို့မရတာမှန်ပေမယ့် အမြဲတမ်း နီးပါးဖြစ်နေရပြီ၊ ခံစားနေရပြီဆိုရင်တော့ ရေရှည်မှာ မိမိရဲ့ လူမှုဘဝကိုပါ တဖြည်းဖြည်း ထိခိုက်လာနိုင်ပါတယ်။

ဒါကြောင့် မိမိကိုယ်တိုင် အလုပ်ဖိစီးမှုဒဏ်တွေကို ဖြေလျှော့ပေးနိုင်ဖို့ကအရေးကြီးလှပါတယ်။

ယခုပြောပြပေးမယ့် အချက်(၅)ကတော့ လိုက်နာရလွယ်ကူသလို လူကြီးမင်းတို့ရဲ့ အလုပ်ဖိစီးမှု/စိတ် ဖိစီးမှုဒဏ် ကိုလည်းတော်တော်များများ ပြေလျော့စေနိုင်မှာပဲဖြစ်ပါတယ်ဗျ။

🍀 ကိုယ့်ကိုကိုယ်အနားပေးပါ။

အလုပ်ကို အနားမပေးဘဲ လုပ်တာကြာလာတဲ့အခါမှာ လူရောစိတ်ပါ ပင်ပန်းလာပြီး ခြေကုန်လက်ပမ်းကျလာပါလိမ့်မယ်။ ဒါကြောင့် အလုပ်လုပ်နေတုန်းမှာလည်း ခဏတဖြုတ်အနားယူတာလေးတွေလုပ်သင့်သလို တစ်ပတ်မှာတစ်ခါတော့ အပြည့်အဝအနားယူသင့်ပါတယ်။

🍀အရင်ပြီးမြောက်ရမည့်အလုပ်ကို ဦးစားပေးလုပ်ပါ။

Deadline (နီးမှ) ကပ်လုပ်တဲ့အခါ Work Stress ကိုပိုမိုဖြစ်ပွားစေပါတယ်။ ဒါကြောင့် အလုပ်လုပ်တဲ့အခါမှာ မိမိ အရင်ပြီးမြောက်အောင်လုပ်ရမယ့်အလုပ်နဲ့ အေးဆေးမှ လုပ်လည်းရတဲ့အလုပ်များကိုခွဲခြားပြီးပါမှ အရင်ပြီးမြောက်အောင်လုပ်ဆောင်ရမယ့် အလုပ်များကို ဦးစားပေးပါ။

🍀အလုပ်လုပ်ချိန်နှင့် ကိုယ်ပိုင်အချိန်ကို ခွဲခြားသတ်မှတ်ပါ။

Work-Life Balance ဆိုတဲ့စကားအတိုင်း အလုပ်လုပ်ချိန်မှာ အလုပ်လုပ်သင့်သလို ကိုယ်ပိုင်အချိန်ကိုလည်း မဖြစ်မနေပေးဖို့မမေ့ပါနဲ့။ မိမိရဲ့ကိုယ်ပိုင်အချိန်မှာ အလုပ်မှလွဲပြီး တခြား သဘောကျတဲ့ စိတ်အပန်းပြေစေမယ့် အရာလေးတွေကိုပြုလုပ်ပေးခြင်းကလည်း Work Stress ဖြစ်ပွားခြင်းမှ ပြေလျော့စေနိုင်ပါတယ်။ (ဥပမာ -ရုပ်ရှင်ကြည့်ခြင်း၊ သီချင်းနားထောင်ခြင်း၊ အပြင်သွား၍ရှုခင်းကြည့်ခြင်း၊ သူငယ်ချင်းမိသားစုများနှင့် အချိန်ကုန်ခြင်း)

🍀ကျန်းမာအောင်စားသောက်နေထိုင်ပါ။

အစားအသောက်စားသုံးရာမှာလည်း ကျန်းမာရေးနဲ့ညီညွတ်တဲ့ အစားအစာများကို စားခြင်း၊ ရေဓာတ်ပြည့်ဝနေစေဖို့ ရေသောက်ပေးခြင်း၊ အိပ်ရေးဝအောင်အိပ်စက်ခြင်းတို့ကလည်း လုပ်ငန်းခွင်မှာ ပင်ပန်းတာတွေလျော့ကျစေဖို့အတွက် အထောက်အကူဖြစ်စေမှာပါ။

🍀တရားထိုင်ပါ။

တရားထိုင်ခြင်းက စိတ်ကို တည်ငြိမ်စေတဲ့အတွက် စိတ်ဖိစီးမှုများကို လျော့ကျစေပါတယ်။

အခုဖော်ပြပေးလိုက်တဲ့ အချက်(၅)ချက်က လိုက်နာလုပ်ဆောင်ဖို့လွယ်ကူသလို Work Stress တွေကိုလည်း ပြေလျော့စေဖို့ အထောက်အကူပြုမှာပါ။

အမြဲတမ်းပုံမှန်လိုက်နာနေဖို့ ခဲယဥ်းတယ်ဆိုရင်တောင် ဒီအချက်လေးတွေကို တတ်နိုင်သမျှ လိုက်နာကြဖို့ တိုက်တွန်းပါရစေ။

ကိုယ့်ကိုယ်ကိုယ် Stress ပိနေပြီလားဆိုတာကို ဘယ်လိုသိနိုင်သလဲဆိုတော့❓

⚠️Psychological Signs
အာရုံစူးစိုက်ဖို့ခက်လာတာ၊ သတိအရမ်းမေ့လာတာ၊ ကိစ္စတစ်ခုကို ၃/၄ ခါလောက်ပြန်ပြန်လုပ်နေတာ၊ သောက ဗျာပါဒတွေများလာတာ။

⚠️Emotional Signs
အလွယ်တကူဒေါသထွက်တာ၊ ခံစားချက်အတက်အကျမြန်တာ၊ လွယ်လွယ်ကူကူစိတ်ရှုပ်တတ်လာတာ၊ အရင်ကဘာမဟုတ်တဲ့ ကိစ္စလေးတွေက ခေါင်းထဲပေါက်ထွက်မတတ် ခံစားလာရတာ။

⚠️Physical sings
သွေးတိုးတာ၊ ကိုယ်အလေးချိန်အတက်အကျမြန်တာ၊ ချူချာလာတာ၊ လိင်စိတ်အားနည်းတာ၊ ဓမ္မတာမမှန်တာ။ ရုပ်တုန်/နှလုံးအောင့်/မောတာတွေမက အသက်ထွက်မတတ်ခံစားလာရတာ။

⚠️Behavioral Signs
တကိုယ်ရည်သန့်ရှင်းမှု အားနည်းလာတာ၊ ကိုယ်ပျော်နေကျအရာတွေအတွက် အချိန်မပေးနိုင်တော့တာ၊ သောကတွေကို အရက်၊ မူယစ်ဆေး/ အပျော်အပါးတွေနဲ့ဖြေရှင်းဖို့ ကြိုစားလာတာ။

ဒါမျိုး စိတ်ကျန်းမာရေးပြဿနာများ ကြုံလာရပြီဆိုရင်တော့ ကျိုင်းတုံမြို့မှ မြမေတ္တာမွန်ဆေးခန်းမှာ #စိတ်ကျန်းမာရေးအထူးကုဆရာဝန် နဲ့ လာရောက်တိုင်ပင်ဆွေးနွေးပြီး လမ်းညွှန်ကုသမှုများခံယူန်ိုင်ပြီပဲ ဖြစ်ပါတယ်။ ဒါမှသာ မိမိတန်ဖိုးကို ကိုယ်တိုင်ရှာဖွေနိုင်ရုံသာမက စိတ်ဖိစီးမှုကင်းဝေးစွာ လုပ်ကိုင်နိုင်ပြီး ပျော်ရွှင်ကျန်းမာ စိတ်ချမ်းသာလာမှာပဲဖြစ်ပါတယ်ခင်ဗျ။

မြမေတ္တာမွန်
အထူးကုဆေးခန်း

🏨ရပ်ကွက်(၂)၊နောင်ကျောက်လမ်း၊နောင်တုံဟိုက်ပါမားကတ်ရှေ့၊မင်စိမ်းသောက်ရေသန့်ဘေး၊ကျိုင်းတုံမြို့။

📞09 977751777
☎️09 444499964

31/10/2025

World Stroke Day
29th October 2025

🧠 ကမ္ဘာတဝှမ်းမှာနှစ်စဥ်နှစ်တိုင်း လူဦးရေ ၁၂သန်းခန့်ဟာ လေဖြတ်ရောဂါကိုခံစားနေရပြီး ၆.၅ သန်းခန့်ဟာလေဖြတ်ခြင်းကြောင့်သေဆုံးလျှက်ရှိပါသည်။

🧠လူ (၄)ဦးလျှင် တစ်ဦးတစ်ချိန်ချိန်မှာလေဖြတ်နိုင်ချေရှိပါသည်။

🧠လူမျိုးဘာသာအသက်အရွယ်မရွေး ဖြစ်နိုင်သည့်အတွက် လေဖြတ်ခြင်းနဲ့ပတ်သက်ပြီး သိထားသင့်တဲ့အကြောင်းအရာလေးတွေကို မျှဝေပေးချင်ပါတယ်……

လေဖြတ်ရောဂါဆိုတာက ဦးနှောက်ရဲ့အစိတ်အပိုင်းများကို ထောက်ပံ့ပေးသောသွေးကြောများ ပိတ်ခြင်း၊ ပေါက်ခြင်းတစ်မျိုးမျိုးကြောင့် သွေးအလုံအလောက်မရရှိသည့်အတွက် ထိုအစိတ်အပိုင်းများမှထိန်းချုပ်ထားသောလုပ်ငန်းများကို ခန္ဓာကိုယ်မှမလုပ်ဆောင်နိုင်တော့ဘဲ လေဖြတ်ရောဂါလက္ခဏာများ ခံစားရခြင်းဖြစ်ပါသည်။

ဒါ့အပြင်…လေဖြတ်ရောဂါလက္ခဏာများကို BE FAST ဆိုပြီး အတိုကောက်မှတ်သားထားလို့ရပါတယ်💙

B - Balance (ရုတ်တရက် ဒယိမ်းဒယိုင်ဖြစ်ခြင်း၊ လမ်းလျှောက်ရခက်ခြင်း)

E - Eye (မျက်စိရုတ်တရက် ဝါးသွားခြင်း၊ နှစ်ထပ်မြင်ခြင်း)

F - Facial Drooping (ရုတ်တရက် မျက်နှာရွဲ့သွားခြင်း)

A - Arm Weakness (ရုတ်တရက် လက် သို့မဟုတ် ခြေထောက် အားနည်းသွားခြင်း)

S - Speech Difficulties (ရုတ်တရက် စကားပြောလို့မရတော့ခြင်း၊ ပီသစွာမပြောနိုင်ခြင်း)

T - Time to Call

🧠 ဒါ့အပြင် အမြင်အာရုံချို့ယွင်းခြင်း၊ မှတ်ဉာဏ်ချို့ယွင်းခြင်းနှင့် အာရုံစူးစိုက်မှု အားနည်းခြင်း၊ သတိလစ်ခြင်း၊ ကယောင်ကတမ်းဖြစ်ခြင်း၊ အစာ ရေမျိုရခက်ခြင်း၊ ဆီး ဝမ်းမထိန်းနိုင်ခြင်း၊ ခေါင်းမူးခြင်း၊ ခေါင်းကိုက်ခြင်း၊ တက်ခြင်း စတဲ့ရောဂါလက္ခဏာများလဲ ကြုံတွေ့ခံစားရတတ်ပါတယ်။

လေဖြတ်ရောဂါ ဖြစ်စေသောအကြောင်းများတွင် ပြုပြင်ပြောင်းလဲ၍မရသောအကြောင်းများနှင့် ပြုပြင်ပြောင်းလဲ၍ရနိုင်သော အကြောင်းများဟူ၍ နှစ်မျိုးရှိပါတယ်။

ပြုပြင်ပြောင်းလဲ၍ မရနိုင်သောအကြောင်းများ

(၁) အသက်ကြီးလာခြင်း
(၂) အမျိုးသားဖြစ်ခြင်း
(၃) လူမျိုးအရ လူမည်းနှင့် အာရှတိုက်သားများတွင် ပိုဖြစ်ခြင်း
(၄) မိဘမျိုးရိုးတွင် လေဖြတ်ရောဂါ နှင့် နှလုံးရောဂါ ရှိခြင်း
(၅) ယခင်က လေဖြတ်၊ လေဖြန်း၊ နှလုံးသွေးကြောပိတ်ဖူးခြင်း တို့ပဲဖြစ်ပါတယ်။

ပြုပြင်ပြောင်းလဲ၍ ရနိုင်သော အကြောင်းများ

(၁) သွေးတိုးရောဂါ
(၂) ဆီးချိုရောဂါ
(၃) သွေးတွင်းအဆီဓာတ်များခြင်း
(၄) အဝလွန်ခြင်း၊ ကိုယ်လက်လှုပ်ရှားမှုနည်းခြင်း၊ လေ့ကျင့်ခန်းမှန်မှန်မလုပ်ခြင်း
(၅) ကျန်းမာရေးနှင့် မညီညွတ်သော အစားအသောက်များစားခြင်း
(၆) ဆေးလိပ်သောက်ခြင်း၊ ဆေးရွက်ကြီးနှင့် ကွမ်းစားခြင်း
(၇) အရက်သောက်ခြင်း
(၈) စိတ်ကျရောဂါ၊ စိတ်ဖိစီးမှုများခြင်း
(၉) နှလုံးခုန်မမှန်ခြင်း
(၁၀) နှလုံးရောဂါရှိခြင်း တို့ပဲဖြစ်ပါတယ်။

လေဖြတ်ခြင်းအမျိုးအစားအနေနှင့် အဓိကအားဖြင့် အမျိုးအစား နှစ်မျိုး ရှိပါတယ်။

(၁) ဦးနှောက် သွေးကြောပိတ်၍ လေဖြတ်ခြင်း

ဦးနှောက်အတွင်းရှိသွေးကြောငယ်များကျဉ်း၍ ပိတ်ခြင်း၊ နှလုံးနှင့်သွေးလွှတ်ကြောများထဲမှ သွေးခဲငယ်များ လာရောက်ပိတ်ဆို့ခြင်းကြောင့် ဖြစ်နိုင်ပါတယ်။
သွေးကြောပိတ်၍ လေဖြတ်သောလူနာများသည် ဆေးရုံသို့ ရောဂါလက္ခဏာစဖြစ်သည့်အချိန်မှ ၃ နာရီခွဲအတွင်းရောက်ပါက စံနှုန်းကိုက်ညီသောလူနာများမှာ သွေးခဲပျော်ဆေးထိုးပေးခြင်းဖြင့် အလျင်အမြန်ပြန်ကောင်းနိုင်ပါတယ်။ သွေးခဲပျော်ဆေးထိုးဖို့ မမီတဲ့ လူနာတွေမှာလဲ သွေးကျဲဆေးကို အမြန်ဆုံးပေးနိုင်လေလေ ရောဂါလက္ခဏာပိုဆိုးလာမှာကို ကာကွယ်နိုင်လေလေဖြစ်ပါတယ်။

(၂) ဦးနှောက် သွေးကြောပေါက်၍ လေဖြတ်ခြင်း

ဦးနှောက်အတွင်းရှိ သွေးကြောနံရံများ ပျက်စီးခြင်း၊ သွေးကြောဖောင်းခြင်း၊ သွေးကြောထုံးခြင်း တို့ကြောင့် ဦးနှောက်အတွင်းသို့ သွေးယိုစီးခြင်းဖြစ်သဖြင့် လေဖြတ်ရောဂါလက္ခဏာများ ဖြစ်ပေါ်ခြင်း ဖြစ်ပါတယ်။
သွေးကြောပေါက်ရင် လူနာရဲ့အခြေအနေပေါ်မူတည်ပြီး ခွဲစိတ်ဖို့လိုမလို ဆုံးဖြတ်ပါတယ်။ သွေးတိတ်ဆေး၊ ဦးနှောက်အရောင်လျော့ဆေးပေးခြင်း၊ သွေးပေါင်ကျဆေးပေးခြင်း စသဖြင့် အရေးပေါ်ကုသမှုကို မြန်မြန်ခံယူခြင်းဖြင့် ရောဂါဆိုးနှုန်း၊ အသေအပျောက်များနှုန်းတို့ကို လျော့ကျစေပါတယ်။

#ကျိုင်းတုံမြို့ နှင့်အနီးတဝိုက်မှ မိဘပြည်သူများအနေနဲ့ အထက်ပါရောဂါလက္ခဏာများခံစားနေရပါလျှင်သော်လည်းကောင်း၊ သွေးတိုး/ဆီးချို စသည့် ရောဂါအခံရှိနေပြီဆိုရင်သော်လည်းကောင်း လေဖြတ်၊လေငန်းရောဂါများအတွက် #မြမေတ္တာမွန် အထူးကုဆေးခန်း တွင် #ဦးနှောက်နှင့်အာရုံကြောအထူးကုသမားတော်ကြီး နှင့်လာရောက်တိုင်ပင်ပြသပြီး ထိရောက်တဲ့ကုသမှုများ ရယူန်ိုင်ပြီဖြစ်ပါကြောင်း သတင်းကောင်းပါးလိုက်ပါရစေခင်ဗျာ။

မြမေတ္တာမွန်
အထူးကုဆေးခန်း

🏨ရပ်ကွက်(၂)၊နောင်ကျောက်လမ်း၊နောင်တုံဟိုက်ပါမားကတ်ရှေ့၊မင်စိမ်းသောက်ရေသန့်ဘေး၊ကျိုင်းတုံမြို့။

📞09 977751777
☎️09 444499964

11/10/2025

#ကမ္ဘာ့စိတ်ကျန်းမာရေးနေ့
#၂၀၂၅ခုနှစ်အောက်တိုဘာ၁၀ရက်
( World Mental Health Day )

ကမ္ဘာ့စိတ်ကျန်းမာရေးနေ့ကို နှစ်စဉ်နှစ်တိုင်း အောက်တိုဘာလ (၁၀)ရက်နေ့မှာ ကျင်းပလေ့ရှိပါတယ်။ ၁၉၉၂ ခုနှစ်မှ စ၍ အောက်တိုဘာ၁၀ရက်နေ့ကို ကမ္ဘာ့စိတ်ကျန်းမာရေးအသင်းချုပ် (WFMH) မှ စိတ်ကျန်းမာရေးအသိပညာပေးခြင်းနဲ့ ပိုမိုကောင်းမွန်သော စိတ်ကျန်းမာရေးဝန်ဆောင်မှုများကို ကူညီပံ့ပိုးဆောင်ရွက်ပေးနိုင်ရန် ရည်ရွယ်၍ " ကမ္ဘာ့စိတ်ကျန်းမာရေးနေ့ "အဖြစ် သတ်မှတ်ကာ စတင်ကျင်းပခဲ့ခြင်းဖြစ်ပါတယ်။

ကွဲပြားခြားနားသောရှုထောင့်များမှနေ၍ စိတ်
ကျန်းမာရေးရဲ့အရေးကြီးပုံကို မီးမောင်းထိုးပြလေ့ရှိတဲ့ဆောင်ပုဒ်တစ်ခုစီကိုလည်း နှစ်စဥ်နှစ်တိုင်း ကမ္ဘာစိတ်ကျန်းမာရေးနေ့မှာထုတ်ပြန်ကြေငြာလေ့ရှိပါတယ်။

ဒီနှစ် ကမ္ဘာ့စိတ်ကျန်းမာရေးနေ့ရဲ့ဆောင်ပုဒ်ကတော့ "Access to Services – Mental Health in Catastrophes and Emergencies" ဖြစ်ပြီး
"သဘာဝဘေးအန္တရာယ်နှင့် အရေးပေါ်အခြေအနေများတွင် စိတ်ကျန်းမာရေးစောင့်ရှောက်မှု ရရှိနိုင်ရေး" ကို အဓိကထားလှုံ့ဆော်ထားပါတယ်။

ဒီနှစ်စိတ်ကျန်းမာရေးနေ့မှာ ဦးစားပေးဖော်ပြထားတဲ့အကြောင်းကိုဆက်ရမယ်ဆိုလို့ရှိရင် ဒီဖက်ခေတ်ကာလတွေမှာ တစ်ဉီးတစ်ယောက်ချင်းစီ ကြုံတွေ့နေကျဖြစ်တဲ့ လောကဓံရဲ့လှိုင်းဒဏ်အနိမ့်အမြင့်၊ အတက်အကျတွေသာမက ကျွန်တော်တို့ရဲ့လူ့အဖွဲ့အစည်းကြီးဟာ မျှော်လင့်မထားတဲ့သဘာဝဘေးအန္တရာယ်များဖြစ်တဲ့ ရေကြီးခြင်း၊ မြေပြိူခြင်း၊ မီးဘေး၊ ငလျင်ဘေးနဲ့ လူလုပ်ဘေးအန္တရာယ်များဖြစ်တဲ့ စစ်ဘေးဒဏ်များစတာတွေကို ကမ္ဘာကြီးရဲ့ ဘယ်နေရာဘယ်ဒေသမှာမဆို ခပ်စိပ်စိပ်ထိခိုက်ခံစားလာရတာကို သတိထားမိကြမှာပဲဖြစ်ပါတယ်။

ဒီလိုအန္တရာယ်နဲ့ အရေးပေါ်အခြေအနေများမှာ ဘေးကင်းလုံခြုံစိတ်ချရရေး၊ ခန္ဓာကိုယ်ကျန်းမာရေးကောင်းမွန်နေစေရေးသာမက သိသာထင်ရှားမှုသိပ်မရှိလာသေးတဲ့ စိတ်ပိုင်းဆိုင်ရာကျန်းမာရေးကိုပါအဓိကမီးမောင်းထိုးဖော်ပြနေတာဖြစ်ပြီး စိတ်ကျန်းမာရေးနဲ့ပက်သက်လို့ ဝန်ဆောင်မှုများ၊ ကုသမှုများကို အချိန်နဲ့တပြေးညီ၊ လွယ်လင့်တကူရရှိကြစေဖို့ရာဟာလည်း အမှန်တကယ်မှအရေးကြီးလှပါတယ်။

မြန်မာနိုင်ငံမှာ မတ်လပိုင်းလောက်ကထိခိုက်ခံစားခဲ့ရတဲ့သိသာတဲ့ သဘာဝဘေးအန္တရာယ်ကြီးဖြစ်တဲ့ ငလျင်ဒဏ်ကြောင့် ပျက်စီးဆုံးရှူံးမှုများကိုလည်း အမှတ်ရနေကြအုံးမှာဖြစ်သလို အဲ့ဒီအချိန်ကကျွန်တော်တို့တွေခံစားခဲ့ရတဲ့ ခံစားချက်များကလည်း ခုချိန်ထိအရိပ်မဲကြီးတစ်ခုလို နောက်ကလိုက်လာနေသေးတာကိုလည်းအားလုံးနားလည်ခံစားမိကြမယ်လို့ထင်ပါတယ်။

စိတ်မကျန်းမာခြင်းဆိုတာက လူတစ်ဦးတစ်ယောက်မှာ တစုံတခုသော အကြောင်းကြောင်းကြောင့် စိတ်ခံစားမှု ပြောင်းလဲလာခြင်း၊ တွေးခေါ်စဥ်းစားပုံ ပြောင်းလဲလာခြင်းနှင့် ပြုမူပြောဆိုပုံ ပြောင်းလဲလာခြင်းတို့မှာ ပုံမမှန်ဖြစ်လာပြီး၊ လူမှုရေး၊ ပညာရေး၊ စီးပွားရေး(သို့) အလုပ်အကိုင်နဲ့ အခြားသော နယ်ပယ်အသီးသီးတို့တွင် ထိခိုက်ကျဆင်းမှုများ ရှိလာသော အခြေအနေတရပ်ကိုခေါ်ဆိုတာပဲဖြစ်ပါတယ်။

စိတ်ကျန်းမာရေးကောင်းမွန်ခြင်းဆိုတာ ကလည်း"စိတ်ရောဂါမရှိခြင်း" တစ်ခုတည်းကို ဆိုလိုတာမဟုတ်ဘဲ ဘဝရဲ့ အတက်အကျတိုင်းကို ကောင်းမွန်စွာရင်ဆိုင်ဖြေရှင်းနိုင်ပြီး ကိုယ့်ရဲ့နေ့စဉ်ဘဝကို အကောင်းဆုံးဖြတ်သန်းနိုင်တဲ့ စွမ်းအားတစ်ခုကို ဆိုလိုတာပဲ ဖြစ်ပါတယ်။ လူအများစုက စိတ်ကျန်းမာရေးပြဿနာဆိုတာကို သိသာထင်ရှားတဲ့ ဝမ်းနည်းမှုလိုမျိုး (ဒါမှမဟုတ်) စိတ်ဓာတ်ကျတာလိုမျိုးလို့ပဲ ထင်တတ်ကြပါတယ်။ တကယ်တော့ စိတ်ကျန်းမာရေးပြဿနာဆိုတာ ဒီလိုသိသာထင်ရှားတဲ့ အခြေအနေတွေထက် အများကြီး ပိုရှုပ်ထွေးပါတယ်။ ဒါကြောင့် ခန္ဓာကိုယ်ကျန်းမာရေးလိုပဲ ကျွန်တော်တို့တွေရဲ့ စိတ်ကျန်းမာရေးကိုလည်း ကောင်းစွာဂရုစိုက်ပေးဖို့ လိုအပ်ပါကြောင်း အသိပေးလိုက်ပါရစေခင်ဗျ။

#မြမေတ္တာမွန်အထူးကုဆေးခန်း
#စိတ်ကျန်းမာရေးအထူးကုဆရာဝန်

နေ့စဉ် - ညနေ (၄) နာရီမှ ည (၇) နာရီထိ။
စနေ၊ တနင်္ဂနွေ - နံနက် (၉) နာရီမှ နေ့လည် (၁၁)နာရီထိ၊ ညနေ (၄) နာရီမှ ည (၇) နာရီထိ။

တည်နေရာ -

ရပ်ကွက်(၂)၊ နောင်ကျောက်လမ်း၊ မင်စိမ်းသောက်ရေသန့်ဘေး၊ နောင်တုံအဆင့်မြင့်စျေးအနီး၊ ကျိုင်းတုံမြို့။

ဆက်သွယ်ရန် -

09 9777 51 777, 09 430 74 850

06/10/2025

19/09/2025

#ရှမ်းပြည်နယ်အရှေ့ပိုင်း နှင့် #ကျိုင်းတုံမြို့နှင့်အနီးတဝိုက် ရှိမိဘပြည်သူများ ကျန်းမာရေးနှင့်ပက်သက်ပြီး ပိုမိုအဆင်ပြေစေရန်နှင့် လိုအပ်သော ကျန်းမာရေးစောင့်ရှောက်မှုများအား တစ်နေရာတည်းတွင် အချိန်နှင့်တပြေးညီ ရရှိစေနိုင်ရန်ရည်ရွယ်၍ အထူးသဖြင့် -

မြို့ပေါ်မှအရေးပေါ် #သမားတော် နှင့်ပြသရန်လိုအပ်သူများ
ประชาชนที่ต้องการไปพบแพทย์ฉุกเฉินจากในเมือง
想從市內看急診的人

နီးစပ်ရာမြို့နယ်များမှ သမားတော်နှင့်ပြသပြီး နေ့ချင်းပြန်လိုသူများ
ผู้ที่ต้องการพบแพทย์จากเมืองใกล้เคียงและกลับมาภายในวันเดียวกัน
想要從附近城市看病並當天返回的人

နယ်ဝေးမှလာရောက် ပြသလိုသူများ
ผู้ที่ต้องการมาจากแดนไกล
那些想從遠方來的人

အချိန်ပေးစောင့်ဆိုင်းရန် အဆင်မပြေကြသူများ
คนที่ไม่สะดวกในการรอ
不習慣等待的人

ကားရပ်နားရန်နှင့် စားသောက်နားခိုရန် အခက်အခဲရှိသူများ
ผู้ที่มีปัญหาเรื่องที่จอดรถและทานอาหาร
停車和吃飯有困難的人

အတွက် အဆင်ပြေချောမွေ့စေရန်ရည်ရွယ်ပြီး
မြမေတ္တာမွန်ဆေးခန်းမှ နံနက် (၈)နာရီမှစ၍ ဝန်ဆောင်မှုများပေးနေပြီ ဖြစ်ပါတယ်ခင်ဗျ။

အထွေထွေရောဂါကုသမားတော်နှင့်
လာရောက်ပြသနိုင်သောရောဂါများမှာ

- ဦးနှောက်နှင့်အာရုံကြောဆိုင်ရာရောဂါများ
- နှလုံးရောဂါများ
- အဆုတ်နှင့်ရင်ခေါင်းဆိုင်ရာရောဂါများ
- ဆီးချို၊သွေးချိုရောဂါ
- ဟော်မုန်းဆိုင်ရာရောဂါများ
- အစာအိမ်၊အသည်း၊မုန့်ချိုအိတ်နှင့်အူလမ်းကြောင်းဆိုင်ရာရောဂါများ
- ဆီးလမ်းကြောင်းနှင့်ကျောက်ကပ်ဆိုင်ရာရောဂါများ
- သွေးရောဂါများ
- ကူးစက်ရောဂါများ
- လေးဖက်နာဆိုင်ရာရောဂါများ

အား ပြင်ပလူနာကြည့်ရှူစောင့်ရှောက်မှုအဖြစ် #အထွေထွေရောဂါကုသမားတော် နှင့် လာရောက်ပြသ၍ ကုသမှုများ ခံယူနိုင်ပြီပဲဖြစ်ပါတယ်ခင်ဗျ။

မြမေတ္တာမွန်
အထူးကုဆေးခန်း
🏨ရပ်ကွက်(၂)၊နောင်ကျောက်လမ်း၊နောင်တုံဟိုက်ပါမားကတ်ရှေ့၊မင်စိမ်းသောက်ရေသန့်ဘေး၊ကျိုင်းတုံမြို့။

☎️ 09 9777 51 777

19/09/2025

#လေဖြတ်ခြင်း

🧠 ကမ္ဘာတဝှမ်းမှာ နှစ်စဥ်နှစ်တိုင်း လူဦးရေ ၁၂သန်းခန့်ဟာ လေဖြတ်ရောဂါကို ခံစားနေရပြီး ၆.၅ သန်းခန့်ဟာ လေဖြတ်ခြင်းကြောင့် သေဆုံးလျက်ရှိပါသည်။

🧠လူ (၄)ဦးလျှင် တစ်ဦး တစ်ချိန်ချိန်မှာ လေဖြတ်နိုင်ချေရှိပါသည်။

🧠လူမျိုးဘာသာအသက်အရွယ်မရွေး ဖြစ်နိုင်သည့်အတွက် လေဖြတ်ခြင်းနဲ့ပတ်သက်ပြီး သိထားသင့်တဲ့အကြောင်းအရာလေးတွေကို မျှဝေပေးချင်ပါတယ်။

လေဖြတ်ရောဂါဆိုသည်မှာ ဦးနှောက်ရဲ့ အစိတ်အပိုင်းများကို ထောက်ပံ့ပေးသောသွေးအလုံအလောက်မရရှိသည့်အတွက် ထိုအစိတ်အပိုင်းများမှ ထိန်းချုပ်ထားသောလုပ်ငန်းများကို ခန္ဓာကိုယ်မှ မလုပ်ဆောင်နိုင်တော့ဘဲ လေဖြတ်ရောဂါလက္ခဏာများ ခံစားရခြင်းဖြစ်ပါသည်။

ဒါ့အပြင်…လေဖြတ်ရောဂါလက္ခဏာများကို BE FAST ဆိုပြီး အတိုကောက်မှတ်သားထားလို့ရပါတယ်။

B - Balance (ရုတ်တရက် ဒယိမ်းဒယိုင်ဖြစ်ခြင်း၊ လမ်းလျှောက်ရခက်ခြင်း)

E - Eye (မျက်စိရုတ်တရက် ဝါးသွားခြင်း၊ နှစ်ထပ်မြင်ခြင်း)

F - Facial Drooping (ရုတ်တရက် မျက်နှာရွဲ့သွားခြင်း)

A - Arm Weakness (ရုတ်တရက် လက် သို့မဟုတ် ခြေထောက် အားနည်းသွားခြင်း)

S - Speech Difficulties (ရုတ်တရက် စကားပြောလို့မရတော့ခြင်း၊ ပီသစွာမပြောနိုင်ခြင်း)

T - Time to Call

🧠 ဒါ့အပြင် အမြင်အာရုံချို့ယွင်းခြင်း၊ မှတ်ဉာဏ်ချို့ယွင်းခြင်းနှင့် အာရုံစူးစိုက်မှု အားနည်းခြင်း၊ သတိလစ်ခြင်း၊ ကယောင်ကတမ်းဖြစ်ခြင်း၊ အစာ ရေမျိုရခက်ခြင်း၊ ဆီး ဝမ်းမထိန်းနိုင်ခြင်း၊ ခေါင်းမူးခြင်း၊ ခေါင်းကိုက်ခြင်း၊ တက်ခြင်း စတဲ့ရောဂါလက္ခဏာများလဲ ကြုံတွေ့ခံစားရတတ်ပါတယ်။

လေဖြတ်ရောဂါ ဖြစ်စေသောအကြောင်းများတွင် ပြုပြင်ပြောင်းလဲ၍မရသောအကြောင်းများနှင့် ပြုပြင်ပြောင်းလဲ၍ရနိုင်သော အကြောင်းများဟူ၍ နှစ်မျိုးရှိပါတယ်။

ပြုပြင်ပြောင်းလဲ၍ မရနိုင်သောအကြောင်းများ

(၁) အသက်ကြီးလာခြင်း
(၂) အမျိုးသားဖြစ်ခြင်း
(၃) လူမျိုးအရ လူမည်းနှင့် အာရှတိုက်သားများတွင် ပိုဖြစ်ခြင်း
(၄) မိဘမျိုးရိုးတွင် လေဖြတ်ရောဂါ နှင့် နှလုံးရောဂါ ရှိခြင်း
(၅) ယခင်က လေဖြတ်၊ လေဖြန်း၊ နှလုံးသွေးကြောပိတ်ဖူးခြင်း တို့ပဲဖြစ်ပါတယ်။

ပြုပြင်ပြောင်းလဲ၍ ရနိုင်သောအကြောင်းများ

(၁) သွေးတိုးရောဂါ
(၂) ဆီးချိုရောဂါ
(၃) သွေးတွင်းအဆီဓာတ်များခြင်း
(၄) အဝလွန်ခြင်း၊ ကိုယ်လက်လှုပ်ရှားမှုနည်းခြင်း၊ လေ့ကျင့်ခန်းမှန်မှန်မလုပ်ခြင်း
(၅) ကျန်းမာရေးနှင့် မညီညွတ်သော အစားအသောက်များစားခြင်း
(၆) ဆေးလိပ်သောက်ခြင်း၊ ဆေးရွက်ကြီးနှင့် ကွမ်းစားခြင်း
(၇) အရက်သောက်ခြင်း
(၈) စိတ်ကျရောဂါ၊ စိတ်ဖိစီးမှုများခြင်း
(၉) နှလုံးခုန်မမှန်ခြင်း
(၁၀) နှလုံးရောဂါရှိခြင်း တို့ပဲဖြစ်ပါတယ်။

လေဖြတ်ခြင်းအမျိုးအစားအနေနှင့် အဓိကအားဖြင့် အမျိုးအစား နှစ်မျိုး ရှိပါတယ်။

(၁) ဦးနှောက် သွေးကြောပိတ်၍ လေဖြတ်ခြင်း

ဦးနှောက်အတွင်းရှိသွေးကြောငယ်များကျဉ်း၍ ပိတ်ခြင်း၊ နှလုံးနှင့်သွေးလွှတ်ကြောများထဲမှ သွေးခဲငယ်များ လာရောက်ပိတ်ဆို့ခြင်းကြောင့် ဖြစ်နိုင်ပါတယ်။
သွေးကြောပိတ်၍ လေဖြတ်သောလူနာများသည် ဆေးရုံသို့ ရောဂါလက္ခဏာစဖြစ်သည့်အချိန်မှ ၃ နာရီခွဲအတွင်းရောက်ပါက စံနှုန်းကိုက်ညီသောလူနာများမှာ သွေးခဲပျော်ဆေးထိုးပေးခြင်းဖြင့် အလျင်အမြန်ပြန်ကောင်းနိုင်ပါတယ်။ သွေးခဲပျော်ဆေးထိုးဖို့ မမီတဲ့ လူနာတွေမှာလဲ သွေးကျဲဆေးကို အမြန်ဆုံးပေးနိုင်လေလေ ရောဂါလက္ခဏာပိုဆိုးလာမှာကို ကာကွယ်နိုင်လေလေဖြစ်ပါတယ်။

(၂) ဦးနှောက် သွေးကြောပေါက်၍ လေဖြတ်ခြင်း

ဦးနှောက်အတွင်းရှိ သွေးကြောနံရံများ ပျက်စီးခြင်း၊ သွေးကြောဖောင်းခြင်း၊ သွေးကြောထုံးခြင်း တို့ကြောင့် ဦးနှောက်အတွင်းသို့ သွေးယိုစီးခြင်းဖြစ်သဖြင့် လေဖြတ်ရောဂါလက္ခဏာများ ဖြစ်ပေါ်ခြင်း ဖြစ်ပါတယ်။
သွေးကြောပေါက်ရင် လူနာရဲ့အခြေအနေပေါ်မူတည်ပြီး ခွဲစိတ်ဖို့လိုမလို ဆုံးဖြတ်ပါတယ်။ သွေးတိတ်ဆေး၊ ဦးနှောက်အရောင်လျော့ဆေးပေးခြင်း၊ သွေးပေါင်ကျဆေးပေးခြင်း စသဖြင့် အရေးပေါ်ကုသမှုကို မြန်မြန်ခံယူခြင်းဖြင့် ရောဂါဆိုးနှုန်း၊ အသေအပျောက်များနှုန်းတို့ကို လျော့ကျစေပါတယ်။

#ရှမ်းပြည်နယ်အရှေ့ပိုင်း နဲ့ #ကျိုင်းတုံမြို့နှင့်အနီးတဝိုက် မှ မိဘပြည်သူများအနေနဲ့ အထက်ပါရောဂါလက္ခဏာများခံစားနေရပါလျှင်သော်လည်းကောင်း၊ သွေးတိုး/ဆီးချို စသည့် ရောဂါအခံရှိနေပြီဆိုရင်သော်လည်းကောင်း လေဖြတ်၊လေငန်းရောဂါများအတွက် မြမေတ္တာမွန် အထူးကုဆေးခန်းတွင် #ဦးနှောက်နှင့်အာရုံကြောအထူးကုသမားတော်ကြီး
နှင့် လာရောက်တိုင်ပင်ပြသပြီး ထိရောက်တဲ့ကုသမှုများ ရယူန်ိုင်ပြီဖြစ်ပါကြောင်း သတင်းကောင်းပါးလိုက်ပါရစေခင်ဗျာ။

17/09/2025

#ဦးနှောက်နှင့်အာရုံကြောရောဂါဝေဒနာရှင်များအတွက်သတင်းကောင်း

#ရှမ်းပြည်နယ်အရှေ့ပိုင်းမှဦးနှောက်နှင့်အာရုံကြောရောဂါဝေဒနာရှင်များ အနေဖြင့်
- တစ်ဖက်က ထိုင်းနိုင်ငံသို့သွားရောက်ကုသပြီးငွေကုန်ကြေးကျများလို့ အဆင်မပြေဖြစ်နေပါသလား?
- ဒါမှမဟုတ် ဘာသာစကားအခက်အခဲကြောင့်ထိရောက်တဲ့ကုသမှုမရရှိနိုင်ပဲဖြစ်နေပါသလား?
- ရန်ကုန် ၊မန်းလေး၊နေပြည်တော်၊ တောင်ကြီးစသည့် မြို့ကြီးများ သို့ မကြာခဏသွားရောက် ကုသနေရသောကြောင့် အချိန်ကုန်၊လူပင်ပန်း ဖြစ်နေကြပါသလား?

ဦးနှောက်နှင့်အာရုံကြော ရောဂါများဖြစ်သည့်

- မကြာခဏ ခေါင်းတစ်ခြမ်းကိုက်ခြင်း။
- သတိလစ်ခြင်း၊ မေ့လဲခြင်း။
- နာတာရှည်မူးဝေအားနည်းခြင်း။
- မကြာခဏမူးခြင်း၊ ချာချာလည်မူးခြင်း
- နာတာရှည်ခြေလက်ထုံကျဉ်ခြင်း၊ ခြေလက်များတုန်ရီအားနည်းခြင်း။
- မှတ်ညဏ်လျော့ပါးခြင်း။
- အတက်ရောဂါ။
- အယ်ဇိုင်းမားရောဂါ။
- ပါကင်ဆန်ရောဂါ။
- ဦးနှောက်သွေးကြောပြဿနာများ။
- ဦးနှောက်အကြိတ်ဖြစ်ခြင်း။
- လေဖြတ်ခြင်း။
- ခန္ဓာကိုယ်ရှိ ကြွက်သားများ အားနည်းခြင်း၊တောင့်တင်းခြင်းနှင့် အကြောဆွဲခြင်း။

စသည့်ဦးနှောက်၊ အာရုံကြောနှင့်နှင့်သက်ဆိုင်‌သောရောဂါများအတွက် ကျွန်တော်တို့ရဲ့ #ကျိုင်းတုံမြို့ မှာပင် ဦးနှောက်နှင့်အာရုံကြောဆိုင်ရာအထူးကုသမားတော်ကြီးနှင့် ကိုယ်တိုင်ကိုယ်ကျ လာရောက်ဆွေးနွေးပြသပြီး ထိရောက်သောကုသမှုများခံယူနိုင်ပြီဖြစ်ပါကြောင်း သတင်းကောင်းပါးလိုက်ပါရစေခင်ဗျာ။

ဆေးခန်းပြနိုင်သည့်အချိန် -
နေ့စဉ် ညနေ၄နာရီမှ၇နာရီအထိ။
စနေ၊ တနင်္ဂနွေ -
နံနက် ၉နာရီမှ၁၁နာရီထိ။

#မြမေတ္တာမွန်အထူးကုဆေးခန်း
#ကျိုင်းတုံမြို့

📞 09 9777 51 777

15/09/2025

Epilepsy ( #အတက်ရောဂါ)

တက်ခြင်း (ယခင်အခေါ်/အများသုံးအခေါ်) ဝက်ရူးပြန်ခြင်း ဆိုတာက ဦးနှောက်အတွင်းမှာရှိတဲ့ လျှပ်စီးကြောင်းများရုတ်တရက် မူမမှန်ပြောင်းလဲခြင်းကြောင့်ဖြစ်ပြီး ယေဘုယျအားဖြင့် ခန္ဓာကိုယ်တစ်ခုလုံးသော်လည်းကောင်း၊ အစိတ်အပိုင်းတစ်ခုသော်လည်းကောင်း ကြွက်သားလှုပ်ရှားမှုများဖြစ်ပေါ်ကာ တုန်ရီသတိလစ်သွားခြင်းဖြစ်ပါတယ်။

လတ်တလောအကြောင်းရင်းခံမရှိပါပဲ အနည်းဆုံး (၂၄) နာရီခြားပြီး ၂ကြိမ်နဲ့အထက် တက်နေပြီဆိုရင်တော့ အတက်ရောဂါရှိတယ်လို့ သာမာန်အားဖြင့် ယူဆနိုင်ပါတယ်။

အတက်ရောဂါဆိုတာကတော့ လူအများထင်မှတ်မှားကြသလို စိတ်ရောဂါ၊ ကူးစက်တတ်သောရောဂါနဲ့ လူဖြစ်ရှုံး/လူညွှန့်တုံးရလောက်အောင်ဆိုးရွားတဲ့ရောဂါမျိုးမဟုတ်ဘဲ အသက်အရွယ်/ကျားမ မရွေး ဖြစ်ပွါးန်ိုင်တဲ့ နာတာရှည်ဦးနှောက်နဲ့အာရုံကြောဆိုင်ရာရောဂါတစ်ခုပဲဖြစ်ပါတယ်။

ရောဂါလက္ခဏာများအနေနဲ့ သက်ဆိုင်ရာဦးနှောက်အစိတ်အပိုင်းပေါ်မူတည်၍သော်လည်းကောင်း၊ ရောဂါလက္ခဏာအရသော်လည်းကောင်း ကွဲပြားခြားနားကြပြီး အတွေ့များတဲ့ လက္ခဏာများကတော့

- မတက်ခင် ထူးခြားသော အနံ့/အရသာ အလိုလိုခံစားမိခြင်း၊
- အလင်းတန်းများ မြင်ရခြင်း၊
- ခေါင်းအုံခြင်း၊ ဒယိမ်းဒယိုင်ဖြစ်ခြင်း ကဲ့သို့သော ရှေ့ပြေးလက္ခဏာများ ပြသခြင်း
- ခန္ဓာကိုယ်၏တစ်စိတ်တစ်ပိုင်း(သို့)တစ်ကိုယ်လုံးတွင်ပုံမှန်မဟုတ်သောကြွက်သားလှုပ်ရှားမှုများဖြစ်ခြင်း။
- ရုတ်တရက် အသိလက်လွတ် အာရုံထွေပြားခြင်း
- ကြွက်သားများ တောင့်တင်းလာခြင်း
- အသိစိတ်ခဏပျောက်ဆုံးသွားခြင်း
- ဆီး၊ဝမ်းမထိန်းနိုင်ခြင်း၊ အချို့တွင်လျှာကိုက်မိတတ်ခြင်း တို့ကိုတွေ့ရတတ်ပြီး
နောက်ဆက်တွဲအနေနဲ့
- မတော်တဆဖြစ်ပွားမှုပိုမိုဖြစ်ပွားလာခြင်း (လဲကျ/ချော်လဲခြင်း၊ ရေနစ်ခြင်း၊ မီးလောင်ခြင်း)
- အိပ်ရေးပျက်ခြင်း။ကောင်းမွန်သော အိပ်စက်မှုမရရှိခြင်း
- ကိုယ်ဝန်ဆောင်ချိန်တွင် သန္ဓေသားကို ထိခိုက်စေနိုင်ခြင်း
- မှတ်ဉာဏ်များပျောက်ဆုံးခြင်း
- စိတ်ပိုင်းဆိုင်ရာ ဝေဒနာများ ခံစားရခြင်း (စိတ်ကျဝေဒနာ၊စိုးရိမ်စိတ်များခြင်း၊ စိတ်ဖိစီးမှုဒဏ်များခံစားရခြင်း၊ မိမိကိုယ်ကို အဆုံးစီရင်ချင်စိတ်များပေါ်ပေါက်လာခြင်း) တို့ခံစားရနိုင်ပါတယ်။

ရောဂါဝေဒနာခံစားနေရတဲ့လူနာကိုယ်တိုင်မှာလည်း လူမှုဘဝစာမျက်နှာမှာ ထိခိုက်ခံစားရမှုတွေရှိနေသလို ခွဲခြားဆက်ဆံခံရတာ၊ မိသားစုပတ်ဝန်းကျင်မှာလည်း အနည်းနဲ့အများထိခိုက်မှုတွေကို ကြုံတွေ့ခံစားကြရတဲ့အတွက်ကြောင့် နှစ်စဉ် ဖေဖော်ဝါရီလ ၁၃ ရက်နေ့ကို ကမ္ဘာ့အတက်ရောဂါနေ့ အဖြစ်သတ်မှတ်ပြီး လူနာနဲ့လူနာရှင်တွေအပေါ်က ခွဲခြားဆက်ဆံမှုတွေ ရောဂါနဲ့ ပက်သက်တဲ့အယူအဆမှားတွေ ပပျောက်အောင် ကမ္ဘာနဲ့အဝှမ်းကြိုးစားပြီး အသိပညာပေးမျှဝေနေကြပြီဖြစ်ပါတယ်။

အတက်ရောဂါအကြောင်းခံကို စစ်ဆေး ရှာဖွေမှုပြုလုပ်ဖို့ သက်ဆိုင်ရာ #အာရုံကြောသမားတော်နဲ့ ပြသပြီး စစ်ဆေး အကဲဖြတ်ခံရန် လိုအပ်ပါတယ်။

အတက်ရောဂါ ကုသမှုအနေနဲ့ကတော့
အာရုံကြောသမားတော်ကြီးများရဲ့ ညွှန်ကြားချက်အရ
- အတက်ရောဂါဖြစ်စေမှု၏ အကြောင်းခံကို သီးသန့် ဦးတည် ကုသခြင်း၊
- အတက်တားဆေး (Anti-seizure medications) သောက်စေခြင်းနှင့်
- လှုံ့ဆော်မှုအကြောင်းတရားများမဖြစ်အောင် ရှောင်ကျဉ် နေထိုင်စေခြင်း စတာတွေနဲ့
ပေါင်းစပ်ကုသကြရပါတယ်။

သက်ဆိုင်ရာ #ဦးနှောက်နှင့်အာရုံကြောဆိုင်ရာသမားတော်ကြီး ရဲ့လမ်းညွှန်ကုသမှုတွေကို လိုက်နာပြုကျင့်နိုင်မယ်ဆိုရင် ၆၀ရာခိုင်နှုန်းမှ၇၀ရာခိုင်နှုန်းထိ သက်သာပျောက်ကင်းစေနိုင်တဲ့အတွက်ကြောင့် ကုသမှုစောစီးစွာခံယူကြဖို့ မေတ္တာရပ်ခံပါရစေခင်ဗျ။

#မြမေတ္တာမွန်အထူးကုဆေးခန်း

🏨ရပ်ကွက်(၂)၊နောင်ကျောက်လမ်း၊နောင်တုံဟိုက်ပါမားကတ်ရှေ့၊မင်စိမ်းသောက်ရေသန့်ဘေး၊ #ကျိုင်းတုံမြို့။

📞09 977751777
☎️09 444499964

09/09/2025

Neuropsychiatric complications of stroke
#လေဖြတ်ပြီးနောက်ခံစားရလေ့ရှိသောနောက်ဆက်တွဲစိတ်ကျန်းမာရေးပြဿနာများ

ခန္ဓာကိုယ်လုပ်ဆောင်မှုတွေနဲ့တစ်ကိုယ်ရည် စွမ်းဆောင်နိုင်မှုတွေလျော့ကျသွားတတ်တဲ့ လေဖြတ်ခြင်းဝေဒနာ ခံစားရပြီဆိုပါက လူနာကိုယ်တိုင်ရော မိသားစုပါ ကြီးမားသော စိတ်ဖိစီးမှုများနှင့် ရင်ဆိုင်ရလေ့ရှိကြပါတယ်။

- အရင်လို ပြန်ကောင်းပါ့မလား ?
- ပိုဆိုးသွားမှာလား ?
- ဘယ်လောက်ကြာမှ ပြန်ကောင်းမှာလဲ ?
- ဘာတွေလုပ်ရမလဲ ?

စတဲ့ မေးခွန်းပေါင်းများစွာနဲ့ လူနာကိုယ်တိုင်သော်လည်းကောင်း၊ အဖေ/အမေ/အဖိုး/အဖွား (လူနာ) ကို ဘယ်သူပြုစုမလဲ/ ဘယ်သူကြည့်ပေးမလဲ က စပြီး လူနာမိသားစုဝင်တွေကသော်လည်းကောင်း
စိုရိမ်စိတ်တွေဝင်လာကြတတ်ပါတယ်။

- မလှုပ်ရှားနိုင်တော့ခြင်း၊
- စကားပီပီသသ မပြောနိုင်တော့ခြင်း၊
- အစားမျိုရ ခက်ခဲခြင်း ၊
- စိတ်ခံစားချက် (အငို/အရယ်) များမထိန်းနိုင်ခြင်း
- ဆီး၊ဝမ်းထိန်းသိမ်းနိုင်မှုအားနည်းခြင်း

စတဲ့အကြောင်းအရာ အမျိုးမျိုးတွေကြောင့်
လူနာကိုယ်တိုင်က စိတ်ပိုင်းဆိုင်ရာထိခိုက်လာသလို အပေါ့အပါးသွားတာ၊ ထမင်းစားတာကအစ ရေရှည်ပြုစုရတဲ့ မိသားစုဝင်တွေမှာလည်း
စိတ်ဖိစီးမှုတွေ များလာတတ်ပါတယ်။

ဒီနေရာမှာ များသောအားဖြင့် လူနာရဲ့မိသားစုဝင်များက ခန္ဓာကိုယ်ပိုင်းဆိုင်ရာများ ပြန်လည်ကောင်းမွန် လာစေဖို့သာ အာရုံစိုက်မိတတ်ပြီး

လူနာရဲ့ လေဖြတ်ပြီးနောက် ခံစားရတဲ့ စိတ်ဝေဒနာများကို လျစ်လျူရှု နေမိတတ်သလို၊ ကုသပေးဖို့လည်း သတိမရတတ်ကြပါဘူး။

မိမိကိုယ်တိုင် သာမန် နေ့ဒဓူဝ ကိစ္စလေးတွေတောင် အကူအညီမပါဘဲ စွမ်းဆောင်ဖို့ရာ အခက်အခဲရှိလာတာကတစ်ကြောင်း၊

မိသားစုနဲ့ လူနာရှင်များကလည်း နေ့စဉ်နေ့တိုင်း အပေါ့အလေးကစလို့ လုပ်ကိုင်ဆောင်ရွက်ပေးနေရတဲ့အတွက် စိတ်ပင်ပန်း လူပင်ပန်းပြီး ပြုစုစောင့်ရှောက်မှုတွေ လစ်ဟင်းလို့ လူနာနဲ့အဖုအထစ်လေးတွေဖြစ်ရတာကတစ်ကြောင်း၊

လူနာရှင်များရဲ့ လူနာအပေါ် မျှော်လင့်ချက်မြင့်မားမှုကြောင့် အားမလို အားမရဖြစ်တာတွေနဲ့ ငြိုငြင်လာတာတွေကလည်း စိတ်ကျန်းမာရေး ပြဿနာတွေဖြစ်လာစေဖို့ တွန်းအားပေးတတ်ကြပါသေးတယ်။

လေဖြတ်ပြီးနောက် ခံစားရတဲ့ စိတ်ဝေဒနာတွေကိုလည်း အလေးထား ကုသမှသာလျှင် ရောဂါသက်သာပျောက်ကင်းမှု မြန်ဆန်မှာ ဖြစ်ပါတယ်။

ဒါကြောင့် လေဖြတ်ပြီးနောက် ခံစားရတတ်တဲ့ စိတ်ဝေဒနာများကို ဖော်ပြလိုက်ပါတယ်။

#လေဖြတ်ပြီးနောက်ဖြစ်သောစိတ်ကျရောဂါ
( Post-stroke depression)

လေဖြတ်သွားတဲ့ လူနာတွေရဲ့ ၃၀% ခန့်ဟာ စိတ်ကျဝေဒနာ ခံစားရတတ်ပါတယ်။

အဖြစ်များတဲ့ စိတ်ရောဂါ တစ်ခုဖြစ်ပြီးယခင်က စိတ်ဝေဒနာ ခံစားဖူးသူ၊ အစာမမျိုနိုင်သူ၊ ပြုစုစောင့်ရှောက်မှု နည်းပါးသူနဲ့ အထီးကျန်ဆန်စွာနေထိုင်ရမှု စတဲ့သူတွေမှာ ပိုပြီးဖြစ်တတ်ကြပါတယ်။

မလှုပ်ရှားနိုင်၊ စကားမပြောနိုင်ဖြစ်နေတဲ့လူနာရဲ့ စိတ်ဝေဒနာကို လွယ်လွယ်နဲ့သိရှိ သတိထားမိဖို့ အနည်းငယ်ခက်ခဲပါတယ်။

အကြမ်းဖျင်းအားဖြင့်

- အအိပ်၊ အစား လျော့လာမယ်၊
- ဘာကိုမှ စိတ်ဝင်စားမှု မရှိတော့ဘူး
- သည်းမခံနိုင်တာ၊ ရုတ်တရက် ဒေါသထွက် ပေါက်ကွဲတာတွေ ဖြစ်လာမယ်
- သေသွားတာမှ ကောင်းဉီးမယ် စသည်ဖြင့် သတ်သေဖို့လုပ်မယ်၊ စဉ်းစားမယ်လို့တစ်ခါတစ်လေဖွင့်ပြောလာတတ်မယ်
- အမြဲ တငိုငိုနဲ့ စိတ်ဓါတ်တွေကျပြီး ကူကယ်ရာမဲ့သလိုခံစားနေရမယ်
- အသက်ရှင်နေရတာ/သူ့ကိုပြုစုပေးနေရတာတွေကြောင့် ကိုယ့်ကိုကိုယ်အပြစ်ရှိသလို၊ အသုံးမကျတဲ့သူလိုထင်မှတ်လာမယ်

ဆိုရင်တော့ သက်ဆိုင်ရာဆရာဝန်နဲ့ သေချာပြသပြီးကုသမှုခံယူကာ မိသားစုရဲ့ နွေးထွေးဖေးမပေးမှု များလိုအပ်လာပြီပဲဖြစ်ပါတယ်။

#ခံစားချက်များမထိန်းချုပ်နိုင်တော့ခြင်း ( Emotional Incontinence)

လေဖြတ်လူနာများရဲ့ ၁၁% မှ ၃၅ % လောက်ထိမှာ တွေ့ရတတ်တယ်။

မပြောပလောက်တဲ့ အကြောင်းအရာလေးတခုကြောင့် ငိုယိုတာ/ ရယ်မောတာမျိုးနဲ့ ရယ်ရယ်မောမော ပြောဆိုနေရင်းကနေရုတ်တရက် ငိုချလိုက်၊ ငိုနေရင်းနဲ့ ထရယ်လိုက်နဲ့ မိမိစိတ်ခံစားချက်နဲ့ ဖော်ပြမှုကို မထိန်းနိုင်ပဲဖြစ်နေတတ်ပါတယ်။

#လေဖြတ်ပြီးနောက်ဆက်တွဲမှတ်ဉာဏ်လျော့နည်းခြင်း
( Post-stroke dementia)

လေဖြတ်ပြီးနောက် အဖြစ်များတတ်တဲ့ နောက်ထပ် စိတ်ကျန်းမာရေးပြဿနာတစ်ခုက မှတ်ဉာဏ်ချို့ယွင်းလာခြင်းဖြစ်ပါတယ်။ ဉီးနှောက်အစိတ်အပိုင်းအချို့ကို ထိခိုက်ဆုံးရှုံးမှုနဲ့အတူ မှတ်ဉာဏ်ပိုင်းဆိုင်ရာတွေပါ ယုတ်လျော့လာတတ်ပါတယ်။

အကြမ်းဖျင်းအားဖြင့်

-ရင်းနှီးတဲ့ လူအချို့ကို မမှတ်မိတော့တာမျိုး
-သွားလာနေကျ နေရာ၊ လမ်း စသည်တို့ကို မမှတ်မိတော့တာ
-လုပ်နေကျ အလုပ်တွေ ဉပမာ- ကားမောင်းတာ၊ စက်ဘီးပြင်တာ စသည်တို့ကို မေ့လျော့သွားတာမျိုးတွေ ဖြစ်လာနိုင်ပါတယ်။

လေဖြတ်တယ်ဆိုတာကဦးနှောက်အစိတ်အပိုင်းတချို့ သေဆုံးသွားတာဖြစ်တဲ့အတွက် ခန္ဓာကိုယ် မလှုပ်ရှားနိုင်တာအပြင် စိတ်ခံစားမှု၊ သိမြင်မှု၊ အပြုအမူ၊ ကိုယ်ရည်ကိုယ်သွေး စတာတွေပါ ပြောင်းလဲသွားတတ်ပါတယ်။

လေဖြတ်ဝေဒနာသည်တွေကို ကိုယ်ခန္ဓာနဲ့ လုပ်ငန်းဆောင်တာများ တိုးတက်အောင်ပြုစု စောင့်ရှောက်ကြသလို စိတ်ပိုင်းဆိုင်ရာကိုလည်း ပြုစုစောင့်ရှောက်ဖို့၊ ကုသကူညီပေးဖို့ လိုအပ်ပါတယ်ဆိုတဲ့အကြောင်း စေတနာများစွာဖြင့် ဝေမျှပါရစေခင်ဗျ။

#မြမေတ္တာမွန်အထူးကုဆေးခန်း
#ဦးနှောက်နှင့်အာရုံကြောသမားတော်ကြီး
#စိတ်ကျန်းမာရေးအထူးကုဆရာဝန်
#ကျိုင်းတုံမြို့
#ရှမ်းပြည်နယ်အရှေ့ပိုင်း

📞 09 9777 51 777