25/01/2021
မြန်မာနိုင်ငံသားတို့ ထိုးနှံရမည့် COVISHIELD ကိုဗစ်ကာကွယ်ဆေးနှင့် ပတ်သက်သော အမေးအဖြေများ
---၊ ဒေါက်တာမိုးအောင်ကျော်နိုင် (အထွေထွေရောဂါအထူးကု ဆရာဝန်ကြီး) ဖြေကြားသည်၊---
''မြန်မာနိုင်ငံသားတို့ ထိုးနှံရမည့် COVISHIELD ကိုဗစ်ကာကွယ်ဆေးနှင့်ပတ်သက်၍ Healthy Life စာဖတ်ပရိသတ်တို့ မေးမြန်းထားသော မေးခွန်းများကိုအထွေထွေရောဂါအထူးကု ဆရာဝန်ကြီး ဒေါက်တာမိုးအောင်ကျော်နိုင်က ယခုလိုဖြေကြားပေးထားပါသည်။ ထပ်မံ သိလိုသည်များရှိပါက Comment တွင် မေးမြန်းနိုင်ပါသည်။''
Q. ကာကွယ်ဆေးက ဘယ်အသက်အရွယ်အတွင်း စိတ်ချလက်ချထိုးလို့ရပါသလဲ။ ဘယ်သူတွေ ထိုးလို့ မသင့်ဘူးလဲ။
A. ကာကွယ်ဆေးကို စမ်းသပ်ထားတာက အသက် ၁၈ နှစ်နဲ့အထက် လေ့လာစမ်းသပ်ထားတာ ဖြစ်လို့ ဒီအသက်အရွယ်အတွင်း လူအားလုံး ထိုးနှံသင့်ပါတယ်။၁၈ နှစ်အောက်အရွယ်၊ကိုယ်ဝန်ဆောင်နဲ့ နို့တိုက်မိခင်တွေမှာတော့ စမ်းသပ်ထားတာ မရှိသေးပါဘူး။ နို့တိုက်မိခင်တွေကတော့ ပိုးဝင်ဖို့ အခွင့်အလမ်းများတယ်ဆိုရင်တော့ ဆရာဝန်နဲ့ တိုင်ပင်ပြီး ထိုးနှံလို့ ရနိုင်ပါတယ်။
ဘယ်သူတွေ လုံးဝ မထိုးသင့်ဘူးလဲဆိုတာကတော့ COVISHIELD ကိုဗစ်ကာကွယ်ဆေးထဲမှာ ပါ၀င်တဲ့ ပစ္စည်းတွေ ရှိတယ်။ အဲဒီဓာတ်ပေါင်းတွေနဲ့ မတည့်တဲ့သူတွေကတော့ လုံးဝ မထိုးသင့်ပါဘူး။ သာမန်လူတွေကသိမှာ မဟုတ်တဲ့အတွက် မိမိတို့ ပြနေတဲ့ ဆရာဝန်နဲ့ တိုင်ပင်ရပါမယ်။ ဘယ်လိုလူတွေ သတိထားရမလဲဆိုတော့ ကိုယ်က ဆေးဝါးတစ်မျိုးမျိုး ဒါမှမဟုတ် အစားအသောက်တစ်ခုခုကြောင့် မတည့်ဘဲနဲ့ ရှော့ခ်ရပြီး ပြန်သက်သာအောင် ဆေးကုထားရသူတွေဆိုရင်တော့ တော်တော်ဂရုစိုက်ရပါမယ်။ ဒါပေမဲ့ ဆေးရုံမှာ အနီးကပ်စောင့်ကြပ်ကြည့်ရှုပြီး ဆေးထိုးတာမျိုးဆိုရင် ကာကွယ်ဆေး ထိုးနှံလို့ရပါတယ်။
သွေးမခဲဆေး ၀ါဖာရင်၊ ဟက်ပရင်ထိုးဆေးထိုးနေရသူတွေအနေနဲ့ ဆေးထိုးတဲ့နေရာမှာ သွေးခဲဖြစ်နိုင်တဲ့အတွက် သူတို့လည်း ကာကွယ်ဆေး မထိုးသင့်ပါဘူး။ စတီးရွိုက်ပါတဲ့ ကိုယ်ခံအားချိုးနှိမ်ဆေး မှီဝဲနေသူတွေကလည်း ဆရာဝန်နဲ့ တိုင်ပင်ပြီးမှ ထိုးသင့်ပါတယ်။
သွေးခဲစေတဲ့ ရောဂါရှိသူတွေ၊ အရေပြားလေးဖက်နာရောဂါရှိသူတွေ၊ ခုခံအားကျစေတဲ့ သူတွေမှာ ကိုယ်ခံစနစ်ကောင်းကောင်းမထွက်တဲ့အတွက် သူတို့က ပြနေကျ ဆရာဝန်နဲ့ တိုင်ပင်ပြီး အဆိုးနဲ့ အကောင်းကို ချင့်ချိန်ဆောင်ရွက်သင့်ပါတယ်။
သွေးတိုး၊ ဆီးချိုသမားတွေကတော့ ကာကွယ်ဆေးကို ထိုးလို့ရပါတယ်။ သွေးတိုးကျဆေး၊ ဆီးချိုဆေးကလည်း ကာကွယ်ဆေးနဲ့ ဓာတ်မတည့်မှု မရှိပါဘူး။
--------------------------------
Q.ကာကွယ်ဆေးမထိုးခင် Negative ဖြစ်ကြောင်း ဆေးစစ်ဖို့ လိုပါသလား၊ ဆေးမစစ်ဘဲ ထိုးလို့ရပါသလား။
A. ဆေးစစ်ဖို့ မလိုပါ။
--------------------------------
Q. အရက်သောက်သူတွေက ကိုဗစ်ကာကွယ်ဆေးထိုးလို့ရပါသလား၊ အရက်ကို ကာကွယ်ဆေးမထိုးခင် ဘယ်နှစ်ရက်အလိုနဲ့ ကာကွယ်ဆေးထိုးပြီးဘယ်နှစ်ရက်အထိ ရှောင်ထားသင့်ပါသလဲ။
A. အရက်သောက်တာနဲ့ ကိုဗစ်ကာကွယ်ဆေး ဆက်စပ်မှု မရှိပါဘူး။ ကိုဗစ်ကာကွယ်ဆေးက ကိုဗစ်ကူးစက် နိုင်ခြေရှိသူအားလုံး ထိုးသင့်ပါတယ်။ တစ်ကမ္ဘာလုံး ပြန့်နှံ့တဲ့ ရောဂါဖြစ်လို့ တစ်ကမ္ဘာလုံးက လူအားလုံး ထိုးနိုင်လေ၊ ကောင်းလေ။ အရက်ကတော့ ကျန်းမာရေးထိခိုက်လို့ တစ်သက်လုံး ဆင်ခြင်နိုင်ရင် ကောင်းပါတယ်။
--------------------------------
Q. ၁၈ပြည့်ဖို့လအနည်းငယ်လိုသူတွေကော ကာကွယ်ဆေးထိုးပေးလို့ရပါသလား။
A. ထိုးလို့ရတယ်လို့ ဆရာ့အနေနဲ့ ထင်မြင်ပါတယ်။ ကာကွယ်ဆေးက ၁၈ နှစ်အောက်အရွယ်အတွက် စမ်းသပ်ထားတာ မရှိသေးလို့သာ စိတ်ချရမှု ရှိ၊ မရှိမပြောနိုင်လို့ပါ။
--------------------------------
Q. ဘယ်လောက် ရာခိုင်နှုန်း ကာကွယ်ပေးနိုင်ပါသလဲ။ အချိန်ဘယ်လောက်အကြာထိ ကာကွယ်ပေးနိုင်ပါသလဲ။
A. ပထမတစ်ကြိမ် ထိုးပြီးတော့ လေးပတ်မြောက်မှာ ၆၁ ရာခိုင်နှုန်းလောက် ကာကွယ်မှုရနိုင်တယ်၊ ဒုတိယအကြိမ် ထိုးပြီး လေးပတ်မြောက်မှာတော့ ၇၀-၉၀ ရာခိုင်နှုန်းအထိ ကာကွယ်မှုရတယ်လို့ လေ့လာမှုတွေ အရ သိရပါတယ်။ တစ်လုံး ထိုးရုံနဲ့တော့ အပြည့်အဝ ကာကွယ်တာမဟုတ်လို့ ကြားထဲမှာ ကိုရိုနာဗိုင်းရပ်စ်ပိုး နဲ့ ထိတွေ့မိရင် ပိုးဝင်နိုင်ပါသေးတယ်။ ဒါကြောင့် နှစ်ကြိမ်လုံး ထိုးပြီးမှ စိတ်ချရမှာ ဖြစ်ပါတယ်။
--------------------------------
Q. နှာအမြဲချေတဲ့သူတွေကကော ထိုးလို့ရပါသလား။
နှာအမြဲချေတာကတော့ Allergic Rhinitis လို့ခေါ်တဲ့ နှာခေါင်းအမြှေးပါးနဲ့ ဓာတ်မတည့်တဲ့ အခြေအနေကြောင့် ဖြစ်နိုင်ပါတယ်။ တခြားဓာတ်မတည့်တဲ့ လက္ခဏာတွေ ပြင်းပြင်းထန်ထန် ဖြစ်ဖူးတာ မရှိဘူးဆိုရင် သတိထားပြီး ထိုးလို့ရပါတယ်။ အကောင်းဆုံးက ဆေးထိုးမယ့်အချိန်မှာ မိသားစုဆရာဝန်နဲ့ တိုင်ပင်ပြီးတော့ ထိုးနှံတာက ပိုကောင်းပါတယ်။ သတိထားပြီး ထိုးရမယ်ဆိုတာက ဆေးထိုးပြီး ဆေးနဲ့ မတည့်တဲ့ လက္ခဏာပေါ်ပေါက်ခဲ့ရင် Adrenaline,Hydrocortisone စတဲ့ ရှော့ခ်ဖြစ်ရင် ကုသနိုင်မယ့် ဆေးတွေ အဆင်သင့်ရှိတဲ့ နေရာမှာ ထိုးသင့်ပါတယ်။
---------------------------------
Q. ကာကွယ်ဆေးကြောင့် ဘယ်လိုဘေးထွက်ဆိုးကျိုးလေးတွေ ဖြစ်တတ်ပါသလဲ။
A. ဦးစားပေးထိုးနှံရမယ့် အုပ်စုထဲပါသူတွေကို အရင်စောင့်ကြည့်ပြီး သူတို့စကားသံတွေကို နားထောင်ကြည့်ပါဦး။ ကျန်းမာရေးဝန်ထမ်းတွေနဲ့ ကိုဗစ်လူနာတွေကို အနီးကပ်စောင့်ကြည့်နေရတဲ့စေတနာ့ဝန်ထမ်းတွေကို အရင်ဆုံး ထိုးနှံပေးတော့မှာ ဖြစ်လို့ အဲဒါလေးကို အရင်နားထောင်ကြည့်ပါ။
ကာကွယ်ဆေးရဲ့ ဘေးထွက်ဆိုးကျိုးလေးတွေကတော့-
♦ ထိုးတဲ့နေရာမှာ တင်းမယ်၊ နာမယ်၊
♦ ကိုယ်လက်ကိုက်ခဲမယ်၊
♦ ကြွက်သားနာမယ်၊ အဆစ်ကိုက်မယ်
♦ ဖျားမယ်၊ ချမ်းမယ်၊ ညောင်းညာမယ် ဒါမျိုးလေးတွေ ဖြစ်တတ်ပါတယ်။
အများစုကတော့ ဆိုးဆိုးရွားရွားမဖြစ်ဘဲနဲ့ ကိုယ့်အိမ်မှာကိုယ်နားနေပြီး ပါရာစီတမောသောက်ရုံနဲ့ တစ်ပတ်လောက်အကြာမှာ ဒီဝေဒနာတွေ ပျောက်ကင်းသွားမယ်ဆိုတဲ့ စမ်းသပ်တွေ့ရှိချက်တွေအရ သိရပါတယ်။ ဒီကာကွယ်ဆေးက အသက် ၆၅ နှစ်အထက်လူကြီးတွေအတွက် ဘေးထွက်ဆိုးကျိုး ပြင်းပြင်းထန်ထန် မတွေ့ရဘူးဆိုတာကတော့ ၀မ်းသာစရာ သတင်းကောင်းပါ။
မြန်မာနိုင်ငံသားတို့ ထိုးနှံရမည့် COVISHIELD ကိုဗစ်ကာကွယ်ဆေးနှင့် ပတ်သက်သော အမေးအဖြေများ
---၊ ဒေါက်တာမိုးအောင်ကျော်နိုင် (အထွေထွေရောဂါအထူးကု ဆရာဝန်ကြီး) ဖြေကြားသည်၊---
''မြန်မာနိုင်ငံသားတို့ ထိုးနှံရမည့် COVISHIELD ကိုဗစ်ကာကွယ်ဆေးနှင့်ပတ်သက်၍ Healthy Life စာဖတ်ပရိသတ်တို့ မေးမြန်းထားသော မေးခွန်းများကိုအထွေထွေရောဂါအထူးကု ဆရာဝန်ကြီး ဒေါက်တာမိုးအောင်ကျော်နိုင်က ယခုလိုဖြေကြားပေးထားပါသည်။ ထပ်မံ သိလိုသည်များရှိပါက Comment တွင် မေးမြန်းနိုင်ပါသည်။''
Q. ကာကွယ်ဆေးက ဘယ်အသက်အရွယ်အတွင်း စိတ်ချလက်ချထိုးလို့ရပါသလဲ။ ဘယ်သူတွေ ထိုးလို့ မသင့်ဘူးလဲ။
A. ကာကွယ်ဆေးကို စမ်းသပ်ထားတာက အသက် ၁၈ နှစ်နဲ့အထက် လေ့လာစမ်းသပ်ထားတာ ဖြစ်လို့ ဒီအသက်အရွယ်အတွင်း လူအားလုံး ထိုးနှံသင့်ပါတယ်။၁၈ နှစ်အောက်အရွယ်၊ကိုယ်ဝန်ဆောင်နဲ့ နို့တိုက်မိခင်တွေမှာတော့ စမ်းသပ်ထားတာ မရှိသေးပါဘူး။ နို့တိုက်မိခင်တွေကတော့ ပိုးဝင်ဖို့ အခွင့်အလမ်းများတယ်ဆိုရင်တော့ ဆရာဝန်နဲ့ တိုင်ပင်ပြီး ထိုးနှံလို့ ရနိုင်ပါတယ်။
ဘယ်သူတွေ လုံးဝ မထိုးသင့်ဘူးလဲဆိုတာကတော့ COVISHIELD ကိုဗစ်ကာကွယ်ဆေးထဲမှာ ပါ၀င်တဲ့ ပစ္စည်းတွေ ရှိတယ်။ အဲဒီဓာတ်ပေါင်းတွေနဲ့ မတည့်တဲ့သူတွေကတော့ လုံးဝ မထိုးသင့်ပါဘူး။ သာမန်လူတွေကသိမှာ မဟုတ်တဲ့အတွက် မိမိတို့ ပြနေတဲ့ ဆရာဝန်နဲ့ တိုင်ပင်ရပါမယ်။ ဘယ်လိုလူတွေ သတိထားရမလဲဆိုတော့ ကိုယ်က ဆေးဝါးတစ်မျိုးမျိုး ဒါမှမဟုတ် အစားအသောက်တစ်ခုခုကြောင့် မတည့်ဘဲနဲ့ ရှော့ခ်ရပြီး ပြန်သက်သာအောင် ဆေးကုထားရသူတွေဆိုရင်တော့ တော်တော်ဂရုစိုက်ရပါမယ်။ ဒါပေမဲ့ ဆေးရုံမှာ အနီးကပ်စောင့်ကြပ်ကြည့်ရှုပြီး ဆေးထိုးတာမျိုးဆိုရင် ကာကွယ်ဆေး ထိုးနှံလို့ရပါတယ်။
သွေးမခဲဆေး ၀ါဖာရင်၊ ဟက်ပရင်ထိုးဆေးထိုးနေရသူတွေအနေနဲ့ ဆေးထိုးတဲ့နေရာမှာ သွေးခဲဖြစ်နိုင်တဲ့အတွက် သူတို့လည်း ကုသပေးတဲ့ဆရာဝန်နဲ့အရင်တိုင်ပင်သင့်ပါတယ်။ စတီးရွိုက်ပါတဲ့ ကိုယ်ခံအားချိုးနှိမ်ဆေး မှီဝဲနေသူတွေကလည်း ဆရာဝန်နဲ့ တိုင်ပင်ပြီးမှ ထိုးသင့်ပါတယ်။
သွေးခဲစေတဲ့ ရောဂါရှိသူတွေ၊ အရေပြားလေးဖက်နာရောဂါရှိသူတွေ၊ ခုခံအားကျစေတဲ့ သူတွေမှာ ကိုယ်ခံစနစ်ကောင်းကောင်းမထွက်တဲ့အတွက် သူတို့က ပြနေကျ ဆရာဝန်နဲ့ တိုင်ပင်ပြီး အဆိုးနဲ့ အကောင်းကို ချင့်ချိန်ဆောင်ရွက်သင့်ပါတယ်။
သွေးတိုး၊ ဆီးချိုသမားတွေကတော့ ကာကွယ်ဆေးကို ထိုးလို့ရပါတယ်။ သွေးတိုးကျဆေး၊ ဆီးချိုဆေးကလည်း ကာကွယ်ဆေးနဲ့ ဓာတ်မတည့်မှု မရှိပါဘူး။
--------------------------------
Q.ကာကွယ်ဆေးမထိုးခင် Negative ဖြစ်ကြောင်း ဆေးစစ်ဖို့ လိုပါသလား၊ ဆေးမစစ်ဘဲ ထိုးလို့ရပါသလား။
A. ဆေးစစ်ဖို့ မလိုပါ။
--------------------------------
Q. အရက်သောက်သူတွေက ကိုဗစ်ကာကွယ်ဆေးထိုးလို့ရပါသလား၊ အရက်ကို ကာကွယ်ဆေးမထိုးခင် ဘယ်နှစ်ရက်အလိုနဲ့ ကာကွယ်ဆေးထိုးပြီးဘယ်နှစ်ရက်အထိ ရှောင်ထားသင့်ပါသလဲ။
A. အရက်သောက်တာနဲ့ ကိုဗစ်ကာကွယ်ဆေး ဆက်စပ်မှု မရှိပါဘူး။ ကိုဗစ်ကာကွယ်ဆေးက ကိုဗစ်ကူးစက် နိုင်ခြေရှိသူအားလုံး ထိုးသင့်ပါတယ်။ တစ်ကမ္ဘာလုံး ပြန့်နှံ့တဲ့ ရောဂါဖြစ်လို့ တစ်ကမ္ဘာလုံးက လူအားလုံး ထိုးနိုင်လေ၊ ကောင်းလေ။ အရက်ကတော့ ကျန်းမာရေးထိခိုက်လို့ တစ်သက်လုံး ဆင်ခြင်နိုင်ရင် ကောင်းပါတယ်။
--------------------------------
Q. ၁၈ပြည့်ဖို့လအနည်းငယ်လိုသူတွေကော ကာကွယ်ဆေးထိုးပေးလို့ရပါသလား။
A. ထိုးလို့ရတယ်လို့ ဆရာ့အနေနဲ့ ထင်မြင်ပါတယ်။ ကာကွယ်ဆေးက ၁၈ နှစ်အောက်အရွယ်အတွက် စမ်းသပ်ထားတာ မရှိသေးလို့သာ စိတ်ချရမှု ရှိ၊ မရှိမပြောနိုင်လို့ပါ။
--------------------------------
Q. ဘယ်လောက် ရာခိုင်နှုန်း ကာကွယ်ပေးနိုင်ပါသလဲ။ အချိန်ဘယ်လောက်အကြာထိ ကာကွယ်ပေးနိုင်ပါသလဲ။
A. ပထမတစ်ကြိမ် ထိုးပြီးတော့ လေးပတ်မြောက်မှာ ၆၁ ရာခိုင်နှုန်းလောက် ကာကွယ်မှုရနိုင်တယ်၊ ဒုတိယအကြိမ် ထိုးပြီး လေးပတ်မြောက်မှာတော့ ၇၀-၉၀ ရာခိုင်နှုန်းအထိ ကာကွယ်မှုရတယ်လို့ လေ့လာမှုတွေ အရ သိရပါတယ်။ တစ်လုံး ထိုးရုံနဲ့တော့ အပြည့်အဝ ကာကွယ်တာမဟုတ်လို့ ကြားထဲမှာ ကိုရိုနာဗိုင်းရပ်စ်ပိုး နဲ့ ထိတွေ့မိရင် ပိုးဝင်နိုင်ပါသေးတယ်။ ဒါကြောင့် နှစ်ကြိမ်လုံး ထိုးပြီးမှ စိတ်ချရမှာ ဖြစ်ပါတယ်။
--------------------------------
Q. နှာအမြဲချေတဲ့သူတွေကကော ထိုးလို့ရပါသလား။
နှာအမြဲချေတာကတော့ Allergic Rhinitis လို့ခေါ်တဲ့ နှာခေါင်းအမြှေးပါးနဲ့ ဓာတ်မတည့်တဲ့ အခြေအနေကြောင့် ဖြစ်နိုင်ပါတယ်။ တခြားဓာတ်မတည့်တဲ့ လက္ခဏာတွေ ပြင်းပြင်းထန်ထန် ဖြစ်ဖူးတာ မရှိဘူးဆိုရင် သတိထားပြီး ထိုးလို့ရပါတယ်။ အကောင်းဆုံးက ဆေးထိုးမယ့်အချိန်မှာ မိသားစုဆရာဝန်နဲ့ တိုင်ပင်ပြီးတော့ ထိုးနှံတာက ပိုကောင်းပါတယ်။ သတိထားပြီး ထိုးရမယ်ဆိုတာက ဆေးထိုးပြီး ဆေးနဲ့ မတည့်တဲ့ လက္ခဏာပေါ်ပေါက်ခဲ့ရင် Adrenaline,Hydrocortisone စတဲ့ ရှော့ခ်ဖြစ်ရင် ကုသနိုင်မယ့် ဆေးတွေ အဆင်သင့်ရှိတဲ့ နေရာမှာ ထိုးသင့်ပါတယ်။
---------------------------------
Q. ကာကွယ်ဆေးကြောင့် ဘယ်လိုဘေးထွက်ဆိုးကျိုးလေးတွေ ဖြစ်တတ်ပါသလဲ။
A. ဦးစားပေးထိုးနှံရမယ့် အုပ်စုထဲပါသူတွေကို အရင်စောင့်ကြည့်ပြီး သူတို့စကားသံတွေကို နားထောင်ကြည့်ပါဦး။ ကျန်းမာရေးဝန်ထမ်းတွေနဲ့ ကိုဗစ်လူနာတွေကို အနီးကပ်စောင့်ကြည့်နေရတဲ့စေတနာ့ဝန်ထမ်းတွေကို အရင်ဆုံး ထိုးနှံပေးတော့မှာ ဖြစ်လို့ အဲဒါလေးကို အရင်နားထောင်ကြည့်ပါ။
ကာကွယ်ဆေးရဲ့ ဘေးထွက်ဆိုးကျိုးလေးတွေကတော့-
♦ ထိုးတဲ့နေရာမှာ တင်းမယ်၊ နာမယ်၊
♦ ကိုယ်လက်ကိုက်ခဲမယ်၊
♦ ကြွက်သားနာမယ်၊ အဆစ်ကိုက်မယ်
♦ ဖျားမယ်၊ ချမ်းမယ်၊ ညောင်းညာမယ် ဒါမျိုးလေးတွေ ဖြစ်တတ်ပါတယ်။
အများစုကတော့ ဆိုးဆိုးရွားရွားမဖြစ်ဘဲနဲ့ ကိုယ့်အိမ်မှာကိုယ်နားနေပြီး ပါရာစီတမောသောက်ရုံနဲ့ တစ်ပတ်လောက်အကြာမှာ ဒီဝေဒနာတွေ ပျောက်ကင်းသွားမယ်ဆိုတဲ့ စမ်းသပ်တွေ့ရှိချက်တွေအရ သိရပါတယ်။ ဒီကာကွယ်ဆေးက အသက် ၆၅ နှစ်အထက်လူကြီးတွေအတွက် ဘေးထွက်ဆိုးကျိုး ပြင်းပြင်းထန်ထန် မတွေ့ရဘူးဆိုတာကတော့ ၀မ်းသာစရာ သတင်းကောင်းပါ။
