01/02/2026
အစားအစာဆိုတာ စားသုံးတတ်ရင် ဆေးဖြစ်နိုင်သလို မစားသုံးတတ်ရင် ဘေးလည်းဖြစ်နိုင်ပါတယ် 👩⚕️
ကမ္ဘာတစ်ဝန်းမှာ ပြောင်းလဲလာတဲ့ နေထိုင်စားသောက်မှုပုံစံတွေကြောင့် ကင်ဆာရောဂါဖြစ်ပွားမှုနှုန်းတွေက တရိပ်ရိပ်နဲ့ တက်လာနေပါတယ် 📈 ဒီတော့ ကင်ဆာကို ကာကွယ်ဖို့ ကိုယ့်ရဲ့ပန်းကန်ထဲမှာ ဘာတွေထည့်စားလဲဆိုတာကိုပါ ထည့်စဉ်းစားဖို့ လိုလာပါပြီ 🤔
ဒါကြောင့် ကင်ဆာရောဂါမဖြစ်ဖို့ အတတ်နိုင်ဆုံး ရှောင်ရှားစားသုံးသင့်တဲ့ (ဒါမှမဟုတ်) လျှော့စားသင့်တဲ့ အစားအစာတွေကို YOC ကနေ ဗဟုသုတအနေနဲ့ မျှဝေပေးချင်ပါတယ်ရှင့် 🤗
🥓 ပထမဦးဆုံးအနေနဲ့ကတော့ Processed Meat လို့ခေါ်တဲ့ တာရှည်ခံအောင် ပြုပြင်ထားတဲ့ အသားတွေပါ။ ဒီထဲမှာ ဘေကွန်၊ ဝက်အူချောင်း၊ ဟော့ဒေါ့၊ အသားပြားနဲ့ စည်သွပ်ဘူး အစရှိတဲ့ အစားအစာတွေ ပါဝင်ပါတယ်။ WHO က ဒီအစားအစာတွေကို Group 1 Carcinogens အဖြစ် ကင်ဆာဖြစ်စေတတ်တဲ့ အစားအစာတွေလို့ သတ်မှတ်ထားပါတယ်။
🥩 အနီရောင်အသားတွေဖြစ်တဲ့ အမဲသား၊ ဝက်သားနဲ့ သိုးသားလို အသားမျိုးတွေကို အလွန်အကျွံစားမယ်ဆို အူမကြီးနဲ့ ပန်ကရိယကင်ဆာ ဖြစ်ပွားနိုင်ခြေတွေ ပိုမြင့်မားစေမှာဖြစ်ပါတယ်။ ဒီအသားတွေမှာ Heme Iron များစွာပါဝင်တဲ့အပြင် အပူချိန်မြင့်မြင့်နဲ့ ချက်ပြုတ်တဲ့အခါ HCAs လိုမျိုး ကင်ဆာဖြစ်စေနိုင်တဲ့ဓာတ်တွေ ထွက်လာနိုင်ပါတယ်။
🥤 သကြားဓာတ်များတဲ့ အချိုရည်နဲ့ အစားအစာတွေဟာလည်း အဝလွန်ခြင်းနဲ့ ခန္ဓာကိုယ်ရောင်ရမ်းခြင်းတို့ကို ဖြစ်စေသလို ကင်ဆာအမျိုးအစားအတော်များများနဲ့လည်း ဆက်စပ်မှုရှိနေပါတယ်။ လုံးဝမရှောင်နိုင်ရင်တောင် လျှော့ပြီးစားတာက မမှားပါဘူး။
🧫 မှိုတက်နေတဲ့ အစားအစာတွေကို နှမြောပြီးတော့လည်း မစားပစ်ပါနဲ့။ အဲဒီမှိုတွေကနေ ထွက်လာတတ်တဲ့ အဆိပ်တစ်မျိုးဖြစ်တဲ့ Aflatoxin က အသည်းကင်ဆာကို ဖြစ်စေတတ်တဲ့ အဓိကတရားခံတစ်ခုဖြစ်ပါတယ်။ အစားအစာတွေကို ချက်ပြုတ်ကြော်လှော် မစားသောက်ခင်မှာ သေချာစစ်ဆေးပြီး စားသုံးတာက ပိုစိတ်ချရပါတယ်။
🧈 တိရစ္ဆာန်ထွက်ဆီ ဒါမှမဟုတ် ပြည့်ဝဆီပါတဲ့ နို့ထွက်ပစ္စည်းတွေ၊ အစားအစာတွေကို အတတ်နိုင်ဆုံးရှောင်ရှားပါ။ ပြည့်ဝဆီဟာ LDL ကိုမြင့်တက်စေတာကြောင့် သွေးထဲမှာ ကိုလက်စထရောတွေ မြင့်တက်လာတာ၊ နှလုံးရောဂါ၊ Type 2 Diabetes တွေ ဖြစ်စေနိုင်တဲ့အပြင် ကင်ဆာရောဂါဖြစ်ပွားနိုင်ခြေလည်း မြင့်မားလာတတ်တာကြောင့် သတိပြုစားသုံးဖို့လိုပါတယ်။
ဒါကြောင့် ကျန်းမာပျော်ရွှင်တဲ့ဘဝကို ပိုင်ဆိုင်ချင်တယ်ဆို ဒီလိုအစားအစာမျိုးတွေကို အတတ်နိုင်ဆုံးရှောင်ရှားပြီး အသီးအရွက်၊ အစေ့အဆန်နဲ့ အသားဓာတ်များများပါတဲ့ အစားအစာတွေကိုသာ ရွေးချယ်စားသုံးဖို့ YOC ကနေ အကြံပြုလိုက်ပါတယ်ရှင့် 💁♀️
YOC လိပ်စာ
🏥 တိုက် ၃ အေ၊ လမ်းသစ်ရိပ်သာ၊ ဘုန်းကြီးလမ်း၊ အပေါ်ဘလောက်၊ လမ်းမတော်မြို့နယ်၊ ရန်ကုန်မြို့။
🏥 Shop House Building 3 A, Lan thit Yeik Thar Avenue, Lanmadaw Tsp, Yangon.
📍 လမ်းညွှန် - ဘုန်းကြီးလမ်းအပေါ် ဘလောက်မှာ စန်းသော်တာ မျက်စိဆေးရုံတွေ့တဲ့အခါ လမ်းသစ်
ရိပ်သာ ထဲကို ဝင်ခဲ့လိုက်ပါ။ စန်းသော်တာနဲ့ ကပ်ရပ်မှာရှိနေပါတယ်။
☎️ ဆက်သွယ်ရန်ဖုန်းနံပါတ်များ - 09966800022 ၊ 09943033332 ၊ 09943033334
🗺️ Google Map - [https://maps.app.goo.gl/fzzxnWeYd4uACR6PA](https://maps.app.goo.gl/fzzxnWeYd4uACR6PA
