DR. WIN WIN CHO

06/01/2026

ဆူးနဲ့တူတဲ့သူ ✍🏻
ဘဝထဲမှာ ဆူးနဲ့တူတဲ့သူတွေ ရှိတယ်။ ကိုယ့်ဘဝကို နာကျင်အောင် လုပ်နေတဲ့သူမျိုးပေါ့။ 💔 အဲဒီ "ဆူး" တွေကို ကိုယ့်ဘဝထဲမှာ ဆက်ထားနေဦးမှာလား။ မကောင်းတဲ့ ဗီဇနဲ့ လူတစ်ယောက်ကို ပြောင်းလဲဖို့ ကြိုးစားနေတာဟာ ကိုယ့်ကိုယ်ကိုယ် နာကျင်မှုတွေ ပိုပေးနေတာနဲ့ အတူတူပဲ။ ဘာဖြစ်လို့ ကိုယ့်ကိုယ်ကိုယ် အဲဒီလောက် ဒုက္ခပေးနေရမှာလဲ။ မကောင်းတဲ့ လူတစ်ယောက်ကို ဆွဲထားတယ်ဆိုတာဟာ အဆိပ်အတောက်တွေကို ပွေ့ပိုက်ထားတာနဲ့ တူပါတယ်။ "သူ ပြောင်းလဲလာမှာပါ" ဆိုတဲ့ မျှော်လင့်ချက်အမှားနဲ့ ကိုယ့်ကိုယ်ကိုယ် မနှိပ်စက်ပါနဲ့။ ဗီဇဆိုတာ ပြင်ရခက်တဲ့ အမျိုးအစားမို့ သူ့ကို ပြင်ဖို့ ကြိုးစားနေမယ့်အစား ကိုယ့်ရဲ့ စိတ်ချမ်းသာမှုကိုပဲ ရှာဖွေပါ။
📌သူ့ကြောင့် စိတ်ညစ်ရတယ်။
📌သူ့ကြောင့် ပူလောင်ရတယ်။
📌သူ့ကြောင့် အားငယ်ရတယ်။
ဒါဆိုရင် အဲဒီ "ဆူး" ကို နှုတ်ပစ်လိုက်ပါ။ အချိန်မီ နှုတ်ပစ်တာကသာ ကိုယ့်ရဲ့ စိတ်ငြိမ်းချမ်းရေးအတွက် အကောင်းဆုံးပါပဲ။ 🌿 တစ်ယောက်တည်း ရပ်တည်ရမှာကို မကြောက်ပါနဲ့။ ခပ်ညံ့ညံ့ အတွေးတွေ မတွေးပါနဲ့။ ကိုယ်က "ဆူး" တွေ မပါဘဲ လှပနေနိုင်တဲ့ "ပန်းတစ်ပွင့်" ဖြစ်ပါတယ်။ လဲကျခဲ့ရင် ပြန်ထမယ်။ မကောင်းတဲ့အတွေးတွေကို ခါချလိုက်။ ရှေ့ဆက်သွားပါ။ မင်းရဲ့ စိတ်ဓာတ်ခိုင်မာမှုနဲ့ အောင်မြင်မှုကို တစ်နေ့ကျရင် လူတိုင်းကို ပြုံးပြုံးကြီး ပြနိုင်ရမယ်။ "ဆူး" တွေကို ဖယ်ရှားပြီး မင်းရဲ့ဘဝကို မင်းကိုယ်တိုင်ပဲ လှပအောင် ဖန်တီးလိုက်ပါ။ ဆူးမပါတဲ့ ပန်းခင်းလမ်းကို လျှောက်လှမ်းနိုင်ကြပါစေလို့ ဆုတောင်းမေတ္တာပို့သလိုက်ပါတယ်။
ချစ်တဲ့
ဖူး🐻🤎

31/12/2025

Happy New Year 2026🎉
ဒီနှစ်ထဲမှာ တွေ့ကြုံခဲ့ရသမျှ ပျော်ရွှင်မှု အနည်းအကျဉ်းရယ်၊ အဆင်မပြေ ဝမ်းနည်းထိခိုက် ဆုံးရှုံးမှုအများစုတွေကို ကျေကျေနပ်နပ်ကြီး လက်ခံဖြတ်သန်းနိုင်ခဲ့လို့ ကိုယ့်ကိုယ်ကိုတော့ ချီးကျူးမိပါတယ်။ ကိုယ့်အတွက်တော့ အကောင်းဆုံး နှစ်တစ်နှစ် မဟုတ်ခဲ့ဘူးဆိုပေမယ့် ကျေနပ်စွာ လက်ပြနှုတ်ဆက်ခဲ့ပါတယ် 2025 ခုနှစ်ကြီးရေ။ ရှေ့လာမယ့် နှစ်တွေများမှာတော့ ကြုံကြိုက်ခဲ့ရသမျှကို သင်ခန်းစာအဖြစ် မှတ်ယူပြီး အပေါင်းလက္ခဏာ (Optimistic) ဆောင်တဲ့ နေထိုင်မှုမျိုးနဲ့ ရှင်သန်ခွင့်ရတဲ့ လက်ကျန်နေ့ရက်များကို အေးချမ်းစွာ ဖြတ်သန်းသွားချင်ပါတယ်။
𝙂𝙤𝙤𝙙𝙗𝙮𝙚 𝙏𝙧𝙖𝙪𝙢𝙖𝙩𝙞𝙘 𝙔𝙚𝙖𝙧 2025 👋
💭 || 𝗦𝗮𝗺

31/12/2025

လူတွေက "နင် ပြောင်းလဲသွားတယ်၊ အရင်လို မဟုတ်တော့ဘူး" လို့ ပြောကြတဲ့အခါ ကိုယ့်အနားမှာ ဘယ်သူမှ မရှိတော့မှာကို ကြောက်ပြီး သူတို့နဲ့ ဝင်ဆံ့ဖို့အတွက် အရင်ပုံစံဟောင်းတွေအတိုင်း ပြန်နေပြစရာ မလိုပါဘူး။ Because the reality is လူတိုင်းက ကိုယ့်ပြောင်းလဲမှုကို လက်ခံနိုင်မှာ မဟုတ်ဘူး။ ဒါကြောင့် ကိုယ့်ပြောင်းလဲမှုက ကိုယ့်အနားက တချို့သူတွေကို ဆုံးရှုံးရစေတယ်ဆိုရင်တောင် အဲ့ဒါက ကိုယ့်ကိုယ်ကိုယ် ပြန်ရှာတွေ့စေတယ်ဆိုရင် It is totally worth it. ✨

30/12/2025

“မိန်းမဆိုတာ ပါးနပ်ရတယ်”။ သန်မာသင့်တဲ့နေရာမှာ သန်မာရတယ်။ ချွဲသင့်တဲ့နေရာမှာ ချွဲတတ်ရတယ်။ ငှက်ကလေးလိုလည်း ညင်သာရတယ်။ တကယ်တော့ “ထက်မြက်တဲ့ မိန်းမ” ဆိုတာ နေရာတကာ အမြဲ ခက်ထန်နေရမှာ မဟုတ်ပါဘူး။ အမျိုးသမီးတစ်ယောက် အမြဲ မာကြောနေတယ် ဆိုရင် သူမရဲ့ ရင်ထဲမှာ ဒဏ်ရာတွေ၊ မကျေနပ်ချက်တွေ ရှိနေလို့ပါ။ ပျော်ရွှင်ခြင်းအစစ်အမှန်က လွတ်လပ်ခြင်းပါပဲ။ စိတ်လွတ်လပ်တဲ့ အမျိုးသမီးတွေမှာ ပေါ့ပါးတဲ့ အပြုံးတွေ ရှိတယ်။ တကယ်တော့ ထက်မြက်တဲ့ မိန်းမ ဆိုတာ “ကိုယ်ကြုံတွေ့လာသမျှ ကိစ္စရပ်တိုင်းကို ပါးနပ်စွာ ကိုင်တွယ်ဖြေရှင်းနိုင်တဲ့သူပါ” ပဲ။ 🩵
Dr.Kathry

28/12/2025

အသက် လေးဆယ်ကျော်မှ အမျိုးသမီးတစ်ယောက်ရဲ့ တောက်ပမှုက တကယ် စတာတဲ့။ အမျိုးသမီးတစ်ယောက်ရဲ့ ငယ်ရွယ်မှုက အသက် သုံးဆယ် မတိုင်ခင်မှာ ပြီးဆုံးတယ်လို့ လူအများက ပြောကြတယ်။ တကယ်တော့ အသက် လေးဆယ်မှာမှ အမျိုးသမီးတစ်ယောက်ရဲ့ ပွင့်လန်းမှုက စတာပါ။ ဒီအသက်အရွယ်မှာ မရင့်ကျက်မှု၊ စိတ်မလုံခြုံမှု စတာတွေရဲ့ ချည်နှောင်တာကို ခံရမှာ မဟုတ်တော့ဘဲ တည်ငြိမ်မှု၊ ဉာဏ်ပညာရှိမှုတွေ ပိုင်ဆိုင်လာတာကြောင့် ဘဝအပေါ် ယုံကြည်မှုက ဒီအရွယ်မှာ တဖြည်းဖြည်း ပေါ်လာပါတယ်။

✨ တည်ငြိမ်တဲ့ အမူအရာက ရုပ်ရည်ထက် ပိုဆွဲဆောင်မှုရှိတယ်။ အသက် နှစ်ဆယ်အရွယ်မှာ ရုပ်ရည်ချောမောဖို့ ပိုဦးစားပေးတယ်။ အသက် သုံးဆယ်အရွယ်မှာ ခန္ဓာကိုယ်အချိုးအစားကို ထိန်းဖို့ ပိုအာရုံစိုက်တယ်။ အသက် လေးဆယ်အရွယ်မှာတော့ တခြားလူကို ပိုမှတ်မိစေတဲ့အရာက အတွင်းစိတ်ရဲ့ အရည်အသွေးပဲ ဖြစ်တယ်။ အချိန်ရဲ့ တိုက်စားမှုကြောင့် ဖြစ်တည်လာတဲ့ စကားအပြောအဆိုနဲ့ ရင့်ကျက်တဲ့ မျက်ဝန်းအကြည့်တွေက တခဏတာ လှပချောမောမှုထက် ပိုပြီး စွဲမက်စရာ ကောင်းပါတယ်။ စာဖတ်ခြင်း၊ ခရီးသွားခြင်း၊ စိတ်ဝင်စားမှုတွေကို ပြုစုပျိုးထောင်ခြင်း စတာတွေက ချက်ချင်း အကျိုးမရနိုင်ပေမယ့် ဖြည်းဖြည်းချင်း စုဆောင်းရင်းကနေ နောက်ဆုံးမှာ လူကို ထူးခြားတဲ့ ဆွဲဆောင်မှု ရှိလာစေပါတယ်။

✨ ပစ္စည်းဥစ္စာ ဘယ်လောက် ပိုင်ဆိုင်တယ် ဆိုတာထက် အတွင်းစိတ် ကြွယ်ဝမှုက ပိုပြီး အရေးပါပါတယ်။ ငယ်ရွယ်စဉ်မှာ "အများကြီး ပိုင်ဆိုင်နိုင်ရင်" အောင်မြင်တယ်လို့ ထင်လေ့ရှိကြတယ်။ အသက် လေးဆယ်ကျော်မှ တကယ့်ကြွယ်ဝမှုဟာ အတွင်းစိတ် ငြိမ်းချမ်းမှု နဲ့ တည်ငြိမ်မှုပဲ ဖြစ်တယ် ဆိုတာကို သဘောပေါက်လာတယ်။

✨ ရိုးရှင်းမှုကို အာရုံစိုက်တဲ့ လူနေမှုဘဝပုံစံမှာ နေထိုင်ရတာကို ပိုပြီး နှစ်ခြိုက်လာတယ်။ အသုံးမဝင်တဲ့ လူမှုဆက်ဆံရေးတွေမှာ အချိန် မဖြုန်းတော့ဘူး။ ဝင့်ကြွားဖို့အတွက် ကိုယ့်ကိုယ်ကိုယ် ခံရခက်အောင် မလုပ်တော့ဘူး။ စွမ်းအင်ကို တကယ် အရေးပါတဲ့ လူနဲ့ ကိစ္စရပ်အတွက်ပဲ ချန်ထားလိုက်တယ်။ ဒီလိုဆို ဘဝက ပိုပေါ့ပါးပြီး ပိုတည်ငြိမ်လာတယ်။

✨ ကျန်းမာရေးက အကြီးမားဆုံး ပိုင်ဆိုင်မှု ဖြစ်တယ်။ အသက် လေးဆယ်ကျော်လာရင် ကျန်းမာရေးက ဘဝမှာ အရှားပါးဆုံး တန်ဖိုးရှိတဲ့ အရာလို့ ခန္ဓာကိုယ်က တိတ်တိတ်လေး သတိပေးလာပါတယ်။ ညဉ့်နက်တဲ့အထိ မနေတော့ဘဲ၊ ကျန်းမာရေးနဲ့ မညီညွတ်တဲ့ အစားအသောက်တွေ မစားတော့ဘဲ ခန္ဓာကိုယ်ရဲ့ လိုအပ်ချက်ကို လိုလိုလားလား နားထောင်လာတယ်။ ပုံမှန် အိပ်တယ်၊ သင့်တင့်တဲ့ လေ့ကျင့်ခန်း လုပ်တယ်၊ စိတ်ခံစားချက်ကို တည်ငြိမ်အောင် ထိန်းတယ်။ ဒါတွေက အသားအရေ ထိန်းသိမ်းတဲ့ ကုန်ပစ္စည်းထက် ကိုယ့်ကို ပိုပြီး ရေရှည် စောင့်ရှောက်ပေးပါတယ်။

✨ အလုပ် မရွေးတာမျိုး မလုပ်တော့ဘဲ အရည်အသွေးကို ပို ဦးစားပေးလာတယ်။ ငယ်တုန်းအချိန်မှာတော့ ဘာမဆို စမ်းကြည့် ကြိုးစားကြည့်လို့ ရတယ်။ အသက် လေးဆယ် ကျော်လာရင်တော့
ရွေးချယ်မှုက ကြိုးစားအားထုတ်မှုထက် ပိုအရေးကြီးလာတယ်။ စဉ်ဆက်မပြတ် တိုးတက်နိုင်တဲ့၊ ပြုစုပျိုးထောင်နိုင်တဲ့၊ တန်ဖိုးစုဆောင်းနိုင်တဲ့ နယ်ပယ်တစ်ခုကို ရှာဖွေလာတယ်။ ငယ်ရွယ်သူတွေနဲ့ ခွန်အားအရ ယှဉ်ပြိုင်ဖို့ မလိုအပ်တော့ဘူး။ ကိုယ့်မှာ ရင့်ကျက်တဲ့ ရှုထောင့်၊ တည်ငြိမ်တဲ့ စည်းချက်နဲ့ ပိုရှင်းလင်းတဲ့ ဦးတည်ချက်တွေ ရှိနေပါပြီ။

✨မိသားစုကို စီမံခန့်ခွဲဖို့ ဉာဏ်ပညာနဲ့ နွေးထွေးမှု လိုအပ်တယ်။ အသက် လေးဆယ်ကျော်လာရင်
မိသားစုမှာ ကိုယ့်အခန်းကဏ္ဍက ပိုပြီး အရေးပါလာတယ်။ မိဘတွေလည်း အသက်ကြီးလာပြီး ကလေးတွေလည်း ကြီးပြင်းလာကြတယ်။ အိမ်ထောင်ဖက် ဆက်ဆံရေးကိုလည်း ဂရုတစိုက် ထိန်းသိမ်းဖို့ လိုအပ်လာတယ်။ ဒါဟာ အဆုံးမဲ့ ပေးဆပ်တာ မဟုတ်ဘူး။ ဉာဏ်ပညာပါတဲ့ ဟန်ချက်ညီမှုတစ်ခုဖြစ်တယ်။ ကောင်းကောင်းမွန်မွန် ပြောဆိုဆက်ဆံတယ်။ အပြန်အလှန် နားလည်မှု ပေးတယ်။ အိမ်ကို စိတ်ဖိစီးမှုရဲ့ အရင်းအမြစ် မဖြစ်စေဘဲ နွေးထွေးတဲ့ ခိုလှုံရာတစ်ခု ဖြစ်အောင် ဖန်တီးတယ်။

အသက် လေးဆယ် ဆိုတာဟာ လူငယ်ဘဝ ကုန်ဆုံးချိန် မဟုတ်ဘူး။ ဘဝ အခန်းသစ်တစ်ခု စတင်ချိန်ဖြစ်တယ်။ မိမိကိုယ်ကိုယ်ယုံကြည်မှုဆိုတာ တခြားသူနဲ့ နှိုင်းယှဉ်ခြင်းကနေ လာတာ မဟုတ်ဘူး။ မနေ့ကထက် ဒီနေ့ ကိုယ် ပိုကောင်းလာတာကနေ လာတာဖြစ်တယ်။

အသက် လေးဆယ်ကျော်အရွယ်ကို ရောက်လာတဲ့ အမျိုးသမီးတိုင်း ရှည်လျားတဲ့ အချိန်ကာလမှာ ကျော့ရှင်းမှု၊ တည်ငြိမ်မှု၊ ခွန်အားတွေနဲ့ နေထိုင်ပြီး ကိုယ့်ဘဝရဲ့ အတောက်ပဆုံး အလင်းတန်းတစ်ခု ဖြစ်လာနိုင်ပါစေ။

💌
#နိုင်းနိုင်းစနေ

28/12/2025

"Still chill lady, it's just a bad day, not a bad life." ဘဝမှာ အကောင်းဆုံး ရှင်သန် လှပနိုင်ဖို့အတွက်ဆိုရင် ကိုယ့်ဘဝထဲမှာ ရှိနေတဲ့ မကောင်းတဲ့သူတွေ၊ မကောင်းတဲ့အရာတွေကို ဖယ်ထုတ်ပစ်ရတယ်။ 👍🏻🙂

26/12/2025

စိတ်အကြည်ဓာတ်ပေးတဲ့ လူတွေနဲ့ hang out ပိုလုပ်သင့်တယ်။ ပျော်ရွှင်မှုတွေ ပေးတဲ့ရပ်ဝန်းဆီ ပိုချဉ်းကပ်ပါ။ Life is a choice. ကိုယ့်ဘဝကို ကိုယ် ရွေးချယ်လို့ရတယ်။ comfort ဖြစ်စေမယ့် ပတ်ဝန်းကျင်မျိုးမှာ ရှင်သန်နိုင်တယ်။

မပတ်သက်ချင်တဲ့လူနဲ့ဆို မပတ်သက်နဲ့။ block စရာ ရှိရင် block လိုက်။ unfollow စရာရှိရင် unfollow လုပ်လိုက်။ unfriend စရာရှိရင် unfriend လုပ်လိုက်။ ဆိုးကျိုးအနေနဲ့ အပေါင်းအသင်းတော့ နည်းမယ်။ ကောင်းကျိုးက စိတ်အေးချမ်းမယ်။ ပူလောင်မှု နည်းမယ်။ အကုသိုလ် နည်းမယ်။

Life is already hard. ဘဝဆိုတာ အစကတည်းက ခက်ခဲပြီးသားမို့ တခြားသူတွေကြောင့်တော့ ကိုယ့်ဘဝကို ထပ်ပြီး ခက်ခဲစွာ မရှင်သန်ပါနဲ့။ ရိုးရှင်းပြီး လွတ်လပ်ပေါ့ပါးနေရမယ်။

21/12/2025

ပွဲလာတဲ့ သူငယ်ချင်းတချို့နဲ့အတူ အမှတ်တရ😊

21/12/2025

နဝမအကြိမ်မြောက် မြတ်ဆရာပူဇော်ပွဲ🙏🏻😍

20/12/2025

Lone wolf 🦊🌹

19/12/2025

It's been a year.🌹🙂

တရားဝင် လွတ်လပ်သွားသော နေ့ 😊