11/03/2026
#ခေါင်းကိုက်ခြင်း
ခေါင်းကိုက်တယ်ဆိုဟာက ခေါင်းထဲမှာနေရဟာ သက်တောင့် သက်သာမရှိတဲ့အနေအထားမျိုးပါ။ လှုပ်ရှားလွန်းတာကြောင့် ဖြစ် နိုင်သလို ခေါင်းထဲမှာရှိတဲ့ နာကျင်မှုကိုအာရုံခံတဲ့ အစိတ်အပိုင်းတွေ မှာ ပြဿနာရှိနေတာကြောင့်လည်းဖြစ်နိုင်ပါတယ်။ ခေါင်းကိုက်တာ ကအကြောင်းအမျိုးမျိုးကြောင့်ဖြစ်နိုင်ပြီး ခေါင်းကိုက်တဲ့အမျိုးအစား ကလည်း အမျိုးမျိုးပါ။
သာမန်ခေါင်းကိုက်တာက က ရောဂါတစ်ခုခု ကြောင့်ဖြစ်တဲ့ရှေ့ပြေးလက္ခဏာတစ်ရပ်မဟုတ်ပါဘူး။ ဦးနှောက်ထဲမှာ ဖြစ်ပေါ်တဲ့ Chemical activity၊ ဦးခေါင်းခွံတဝိုက်က အာရုံကြောတွေ၊ သွေးကြောတွေ၊ ဦးခေါင်းနဲ့ဇက်က ကြွက်သားတွေက ခေါင်းကိုက်တာ ကိုဖြစ်စေရာမှာ အခန်းကဏ္ဍတစ်ရပ်အနေနဲ့ပါဝင်နေကြတာပါ။
🔷🔷 ခေါင်းကိုက်စေတက်တဲ့ အကြောင်းအရင်းတွေကဘာလဲ?
(၁) ရာသီဥတုအခြေအနေ
အဓိကအကြောင်းအရင်းတွေထဲကတစ်ခုပါ။ အရမ်းပူလွန်းတဲ့ရာသီဥတုအခြေအနေ၊ ပတ်ဝန်းကျင်က စို ထိုင်းဆ ပြောင်းလဲသွားမှုအနေအထားတွေက ဦးနှောက်ရဲ့ ဓါတု ပစ္စည်းထုတ်လုပ်မှုကို ပြောင်းလဲသွားခြင်းတို့က ခေါင်းကိုက် တာကို ဖြစ်စေတာပါ။
(၂) စိတ်ဖိစီးမှု
တစ်နေ့တာမှာကြုံတွေ့ရတဲ့ စိတ်ဖိစီးမှုကြောင့် ပခုံး၊ဇက် နဲ့ဦးရေပြားကကြွက်သားတွေမှာတင်းအားတွေဖြစ်ပေါ်ပြီး ခေါင်း ကိုက်နိုင်ပါတယ်။
(၃) ဒေါသဖြစ်တာ
ဒေါသထွက်တဲ့အခါ ဇက်နဲ့ဦးရေပြားကကြွက်သားတွေတင်းလာ ပြီး ခေါင်းကိုက်နိုင်ပါတယ်။
(၄) အလင်းစူးလွန်းတာ
ဖုန်း၊ကွန်ပျူတာမျက်နှာပြင်တို့က အလင်းစူးလွန်းတာကြောင့် ဦးနှောက်တွင်းက ဓါတုပစ္စည်းပမာဏ ကိုတိုးစေပြီးခေါင်းကိုက် စေနိုင်ပါတယ်။
(၅) အစားအသောက်
ချိစ်၊ချောကလက်၊ အချဉ်သီးတွေ၊ အသားဆားနယ်တွေ၊ အခွံမာသီးတွေ၊ ကြက်သွန်နီ၊ အငန်များတဲ့အစားအစာတွေနဲ့ အချိုမှုန့်ကဲတဲ့ အစားအစာတွေ၊ နိုက်တရိတ်ဓာတ်ပါတဲ့ အသားစားများတာတွေ ကြောင့် ခေါင်းကိုက်စေနိုင်ပါတယ်။
(၆) သောက်စရာ
ဆေးလိပ်၊ ကော်ဖီ၊ လက်ဖက်ရည်၊အယ်လ်ကိုဟောပါတဲ့သောက်စရာတွေက ခေါင်း ကိုက်စေနိုင်ပါတယ်။
(၇) အစာစားချိန်မမှန်တာ
အစားစားချိန်မမှန်တာကြောင့် သွေးတွင်းသကြားဓါတ်ကျဆင်းသွားတဲ့အခါ ခေါင်းကိုက်နိုင်ပါတယ်နော်။ အလုပ်များနေရင်တောင်တစ်ခုခုတော့ စားပါ။
(၈) အိပ်ရေးမဝတာ
အိပ်ရေးမဝခြင်းက ခေါင်းကိုက်ခြင်းကိုဖြစ်တဲ့ နံပါတ် ၁ အကြောင်း အရင်းပါ။ ညတိုင်း ညဉ့်နက်အထိနေတာမျိုးမလုပ်ဘဲ အိပ်ချိန်ကို တိတိကျကျလေးသတ်မှတ်ပြီး စောစောအိပ်ရာဝင်နိုင်ဖို့ ကြိုးစားပါ။
(၉) လေ့ကျင့်ခန်းတွေ အလွန်အကျွံလုပ်တာ
လေ့ကျင့်ခန်းအလွန်အကျွံလုပ်တဲ့အခါ ဦးခေါင်းနဲ့ဇက် မှာ သွေးစီးဆင်းမှုတိုးသွားစေပြီး သွေးကြောတွေကိုရောင်စေနိုင် ပါ တယ်။ ဒီအခြေအနေက ခေါင်းကိုက်တာကိုဖြစ်စေနိုင်ပါတယ်။
(၁၀) အချိန်အကြာကြီး တစ်ပုံစံတည်းနေခြင်း
ရှေ့ကိုကိုင်းပြီး အချိန်အကြာကြီးထိုင်တာက နောက်ကျောနဲ့ ဇက် ကြွက်သားတွေကိုတင်းစေပြီး ခေါင်းကိုက်တာကိုဖြစ်ပေါ် စေနိုင်ပါ တယ်။ ဒါကြောင့် ပုံစံတစ်ခုတည်းမှာ အချိန်အကြီးမထိုင်ပါနဲ့။ ကိုယ် ကို မတ်မတ်လေးထိုင် ပေးပါ။
♦♦ဘယ်လို သက်သာအောင် လုပ်မလဲ?
ခေါင်းကိုက်တာကို ပျောက်ကင်းအောင် ကုသနိုင်ဖို့အတွက် ခေါင်းကိုက်တာကို ဖြစ်စေတဲ့ အကြောင်းရင်းတွေကို ရှာဖွေကုသရပါတယ်။
– ရှူဆေးဘူး ရှူပါ။
– ဆေးပလာစတာ ကပ်ပါ။ ပရုတ်အေး ပါဝင်တဲ့ ဆေးပလာစတာ လေးတွေကို နားထင်နဲ့ ဇက်ကြောပေါ်မှာ ကပ်ထားလိုက်ပါ။
– ရေသောက်ပါ။
– အနားယူပါ။
– နှိပ်နှယ်ပေးပါ။ (အောက်ပါပုံတွင် ကြည့်ရန်)
– ဆရာဝန်ညွှန်ကြားတဲ့ အကိုက်အခဲပျောက်ဆေး သောက်ပါ။
