26/01/2026
25-1-2026
အမှောင်ထဲကသေမင်းတမန်(သို့)နီပါးဗိုင်းရပ်စ် (Nipah Virus)
၂၀၂၆ ခုနှစ်၊ဇန်နဝါရီလရဲ့ အအေးဓာတ်ကြားမှာလူမသိသူမသိနိုးထလာတဲ့သေမင်းတမန်တစ်ခုလာနေပါပြီ။
မြန်မာနိုင်ငံကျန်းမာရေးဝန်ကြီးဌာနကလည်းသတိပေးစာထုတ်ပြန်လိုက်ပါပြီ
အိမ်နီးချင်း အိန္ဒိယနိုင်ငံ၊ ဘာရာဆတ်ဒေသမှာ ၁၉ နှစ်ကြာ ငုပ်လျှိုးနေတဲ့ နီပါးဗိုင်းရပ်စ် (Nipah Virus) ဟာ လူသား ၅ ဦးကို စတေးပြီး ပြန်လည်ကျူးကျော်လာပါပြီ။
ဒီဗိုင်းရပ်စ်ကို တိုက်ထုတ်ဖို့ ကာကွယ်ဆေးလည်း မရှိ၊ ကုသဆေးလည်း မရှိသေးပါဘူး။
ကူးစက်ခံရသူ ၇၅ ရာခိုင်နှုန်းဟာ အသက်ရှင်လျက် ပြန်မထွက်နိုင်ဘဲ သေဆုံးသွားနိုင်ပါတယ်။
ဗိုင်းရပ်စ်ဟာ သင့်ခန္ဓာကိုယ်ထဲ ရောက်တာနဲ့ ဦးနှောက်ကို တိုက်ရိုက်တိုက်ခိုက်ပြီး ၂၄ နာရီကနေ ၄၈ နာရီအတွင်း သင့်ကို မေ့မြောခြင်းကမ္ဘာထဲ ဆွဲခေါ်သွားမှာပါ။
လင်းနို့တွေ ချန်ထားခဲ့တဲ့ တံတွေး၊ ဆီးနဲ့ သွေးတွေဟာ သင်စားမယ့် အသီးအနှံတွေ၊ သင်သောက်မယ့် အုန်းရည်၊ ထန်းရည်တွေထဲမှာ ပုန်းအောင်းနေပါတယ်။
လင်းနို့တွေ စားကြွင်းချန်ခဲ့တဲ့ အသီးတစ်လုံး၊ လတ်ဆတ်ပါတယ်ဆိုပြီး ခံယူထားတဲ့ အုန်းရည်၊ ထန်းရည်တစ်ခွက်ဟာ သင့်အတွက် နောက်ဆုံးထမင်းဟင်း ဖြစ်သွားနိုင်ပါတယ်။
သူတို့ရဲ့ တံတွေးနဲ့ ဆီးတွေထဲမှာ ပါလာတဲ့ ဗိုင်းရပ်စ်ဟာ တိရစ္ဆာန်ကတစ်ဆင့် လူကို၊ လူကတစ်ဆင့် လူအချင်းချင်းကို တိတ်တဆိတ် ကူးစက်ပျံ့နှံ့နေတတ်ပါတယ်
သင်ချစ်ရတဲ့သူရဲ့ တံတွေး၊ သွေး၊ ဆီး စတဲ့ ခန္ဓာကိုယ်ထွက်ရည်တွေနဲ့ ထိတွေ့မိရုံနဲ့တင် ဒီငရဲပိုးဟာ သင့်ဆီကို ကူးစက်ပျံ့နှံ့သွားနိုင်ပါတယ်။
သူဟာ အဆုတ်ကို ရောင်ရမ်းစေပြီး အသက်ရှူလမ်းကြောင်းကို ပိတ်ဆို့ကာ သင့်ကို တဖြည်းဖြည်းချင်း အသက်ရှူကျပ် သေဆုံးစေပါလိမ့်မယ်။
လင်းနို့ကိုက်ထားတဲ့ အသီးတွေကို လုံးဝ(လုံးဝ) မထိပါနဲ့
အုန်းရည်၊ ထန်းရည်တွေကို အစိမ်းသောက်ခြင်းဟာ သေမင်းကို ဖိတ်ခေါ်ခြင်းပါပဲ။ သေချာကျိုချက်ပြီးမှ သောက်ပါ။
လက်ကို မကြာခဏ ဆေးကြောပါ၊ လူနာနဲ့ ထိတွေ့မိရင် Mask နဲ့ လက်အိတ်ကို မဖြစ်မနေ သုံးပါ။
အဖျားကြီးတာ၊ စိတ်ရှုပ်ထွေးတာ၊ တက်တာမျိုး ဖြစ်လာရင် အချိန်မဆွဲပါနဲ့၊ ဆေးရုံကို အမြန်ဆုံးပြေးပါ။
မြန်မာနိုင်ငံအတွင်းမှာ လက်ရှိအချိန်ထိ ကူးစက်မှု မတွေ့ရသေးပေမယ့် ရောဂါသယ်ဆောင်တဲ့ လင်းနို့တွေဟာ ကျွန်ုပ်တို့ ပတ်ဝန်းကျင်မှာ ကျက်စားနေတာရှိနေလို့သင်၏ "ပေါ့ဆမှု" ဟာ သင်နှင့် သင့်မိသားစုအတွက် "နောက်ဆုံး" ဖြစ်သွားနိုင်ပါတယ်
အန္တာရာယ်ဟာသင်ရဲ့လက်တစ်ကမ်းအကွာကိုရောက်ရှိနေပါပြီ
သတိပြုမိနိုင်ကြစေဖို့အသိပေးလိုက်ပါတယ်
မြို့နယ်ကျန်းမာရေးဉီးစီးဌာန
