19/08/2020
#အသည်းရောင်အသားဝါဘီပိုးကာကွယ်ဆေး Hepatitis B Vaccine အကြောင်းကိုသာမန်ပြည်သူတွေအနေနဲ့မဖြစ်မနေသိထားသင့်တဲ့အချက်ကလေးတွေအနည်းငယ်မျှဝေချင်ပါတယ်။
Vaccine အကြောင်းမပြောခင်အသည်းရောင်ဘီပိုးဘယ်လိုကူးစက်နိုင်သလဲဆိုတာလေးအရင်ပြောပါရစေ။
အဓိကကူးစက်နိုင်တာကရောဂါပိုးရှိသူရဲ့သွေးကနေတဆင့်ကူးတာပါ။နောက်တနည်းကတော့လိင်ဆက်ဆံရာမှတဆင့်ကူးစက်တာဖြစ်ပါတယ်။ရောဂါပိုးရှိသူမိခင်မှသန္ဓေသားသို့လည်းကူးစက်နိုင်ပါသေးတယ်။
#ဒီမှာတချို့တွေစိုးရိမ်နေကြသလိုနှာချေခြင်း၊ချောင်းဆိုးခြင်း၊သာမန်ဖက်ရမ်းနမ်းရှုံ့ခြင်း၊ထမင်းတဝိုင်းထဲအတူစားသောက်ခြင်း၊မိခင်နို့တိုက်ကျွေးခြင်းတို့ကနေတဆင့်မကူးစက်နိုင်ဘူးဆိုတာသေသေချာချာသိထားသင့်ပါတယ်။
#ဘယ်လိုကာကွယ်ကြရမလဲ။
#ကာကွယ်ဆေး
ကာကွယ်ဆေးမထိုးရသေးတဲ့သူများမှာဆေးကို၃ကြိမ်အပြည့်ထိုးနှံရပါမယ်။ကာကွယ်ဆေးထိုးတဲ့နည်းကတော့*ပထမတကြိမ်နဲ့ဒုတိယတကြိမ်ကိုတလခြားပြီးထိုးရပါမယ်။ *တတိယတကြိမ်ကိုတော့ဒုတိယအကြိမ်အကြိမ်ထိုးပြီးတလ(သို့မဟုတ်) ၆လ၊ချွင်းချက်အနေနဲ့ ပထမအကြိမ်ထိုးပြီးတနှစ်အတွင်းထိုးလို့လည်းရပါတယ်။
ကာကွယ်ဆေးထိုးဖို့အခွင့်မသာသေးသူများအနေနဲ့တော့ကူးစက်ပုံကူးစက်နည်းကိုသိထားရင်မကူးအောင်ဘယ်လိုကာကွယ်နိုင်မလဲဆိုတာအကြမ်းအားဖြင့်မှန်းဆနိုင်ပါတယ်။
#ပိုးရှိသူရဲ့သွေးမိမိကိုယ်တွင်းသို့မရောက်အောင်
ပိုးရှိသူသုံးစွဲသောဆေးထိုးအပ်၊တက်တူး၊ခေါင်းရိတ်ဒါး၊မုတ်ဆိတ်ရိတ်ဒါး၊ခေါင်းဘီး၊သွားတိုက်တံ၊သွားကြားထိုးတံ..စသည်များကိုအတူသုံးစွဲခြင်းမပြုရန်
သွားရောဂါကုသပစ္စည်းများ၊ခွဲစိတ်ကရိယာ၊သွေးသွင်းခြင်း၊ကျောက်ကပ်ဆေးခြင်း...စသည့်ပစ္စည်းကရိယာများကိုစနစ်တကျပိုးသတ်ပြီးမှသုံးစွဲခြင်း
ပိုးရှိသူနှင့်လိင်ဆက်ဆံလျင်အကာအကွယ်သုံးခြင်း..စသည်
ရောဂါရှိသူမိခင်မှကလေးသို့မကူးစက်ရန်ကာကွယ်ခြင်း
(သီးခြားပို့စ်ဖြင့်အသေးစိတ်ရေးသားဖေါ်ပြထားပါတယ်)
#မြန်မာနိုင်ငံမှာ ကာကွယ်ဆေးကို
(၀,၁,၂) သို့မဟုတ် (၀,၁,၆) ပုံစံနဲ့ အများဆုံးထိုးကြပါတယ်။
(၀,၂,၄) ပုံစံလည်းရံဖန်ရံခါထိုးကြပါတယ်။
High risk people များအတွက် (၀,၇,၂၁) ရက် အတွင်းလည်းထိုးနှံပေးနိုင်ပါတယ်။
လို့ခေါ်တဲ့အားဖြည့်ခြင်းကိုတော့လိုအပ်သူများမှာသာထိုးဖို့လိုပါတယ်။ ကာကွယ်ဆေးအောင်မအောင်ကိုတော့ပဠိပစ္စည်းလို့ခေါ်တဲ့HBs Ab ကိုစစ်ကြည့်ရပါမယ်။ကာကွယ်ဆေး၃ကြိမ်ပြည့်ပြီးနောက်၆ပတ်(သို့မဟုတ်)၈ပတ်မှာကာကွယ်ဆေးအောင်မအောင်စစ်နိုင်ပါတယ်။
ကာကွယ်ဆေးထိုးပြီးသူတိုင်းအသည်းရောင်အသားဝါဘီပိုးမဝင်နိုင်တော့ဘူးလားလို့မေးရင်၁၀%ခန့်သောဆေးထိုးပြီးသူများမှာဝင်နိုင်ပါသေးတယ်။ကာကွယ်ဆေးထိုးနှံသူ၉၀%မှ၉၅%အထိဟာရောဂါကာကွယ်မှုရကြပါတယ်။
- - - - - - - - - - - - - - -
ဘယ်လိုလူတွေကကာကွယ်ဆေးမအောင်ကြတာလဲ။
#ကာကွယ်ဆေးကိုမတုန့်ပြန်ကြသူတွေရှိပါတယ်။
- မျိုးရိုးဗီဇကြောင့်တုန့်ပြန်မှုမရှိခြင်း
- အသက်၅၀ကျော်မှစထိုးသူများမှာတုန့်ပြန်မှုနဲပါးခြင်း
- ကိုယ်ခံစွမ်းအားကျစေတဲ့ဆေး-Immunosuppressive သောက်နေရသူများ၊ဥပမာ Prednisolone၊
HIV infection ရှိသူများမှာတုန်ု့ပြန်မှုအားနည်းတတ်ပါတယ်။
- Vaccine storage ကာကွယ်ဆေးသိုလှောင်မှုနည်းစနစ်မမှန်တာတွေဟာလည်းတုန့်ပြန်မှုနည်းပါးစေတဲ့အကြောင်းရင်းတခုဖြစ်ပါတယ်။
#ပထမ၃ကြိမ်ကာကွယ်ဆေးထိုးပြီးမတုန့်ပြန်သူတွေကိုဘယ်လိုဆက်လုပ်ပေးရမလဲ။
-နောက်တလုံးထပ်ထိုးပေးရင်၂၅%ဟာပြန်ပြီးတုန့်ပြန်တာတွေ့ရပါတယ်။
-နောက်၃ကြိမ်တကျော့ပြန်ထိုးပေးရင်တော့၇၅%ဟာတုန့်ပြန်တာတွေ့ရပါတယ်။
#တုန်ု့ပြန်မှုရှိမရှိဆိုတာဘာကိုပြောတာလဲ။
တုန့်ပြန်မှုရှိမရှိသိရအောင်ပဠိပစ္စည်းလို့ခေါ်တဲ့ HBs Ab ကိုတိုင်းတာရပါတယ်။ဆေး၃ကြိမ်ထိုးပြီး၂လလောက်မှာစစ်ရင်ပိုသေချာပါတယ်။ International Unit per Litre (IU/L)
နဲ့အဖြေထွက်ပါတယ်။
10-IU/L ယူနစ်၁၀ကျော်ရင်ကာကွယ်ဆေးအောင်ပါတယ်။ ( according to WHO Guideline)
၁၀ယူနစ်အောက်ဆိုဆေးမအောင်ပါဘူး၊ လို့ခေါ်ပါတယ်။
၁၀ယူနစ်နဲ့၁၀၀ယူနစ်ကြားအောင်မြင်သူဆို လို့ခေါ်ပါတယ်။
ကာကွယ်ဆေးထိုးပြီး၂လမှာပဌိပစ္စည်းမထွက်သေးပဲနောက်တဖြေးဖြေးမှထွက်လာတာမျိုးလည်းရှိပါတယ်။ ခေါ်ပါတယ်။
၁၀၀ယူနစ်ကျော်ရှိရင်စိတ်ချရပါတယ်။ဘီပိုးမကူးစက်နိုင်တော့ပါဘူး။ (မြန်မာနိုင်ငံလို High Risk Country မှာ ၁၀ယူနစ်ကျော်ရုံနဲ့စိတ်မချရပါဘူး။ ၁၀၀ထက်မကများလေကာကွယ်မှုပိုကောင်းလေပါ။)
Crd. Dr.ရီရီစိန်
B ပိုးကာကွယ်ဆေး ထိုးနှံလိုပါက.. 0943188397 သို့ ဆက်သွယ်စုံစမ်းနိုင်ပါသည် ခင်ဗျာ.....
Clinic
