11/02/2022
ဆောင်းတွင်းမို့ ရေသောက်နည်းလို့မရသလို
သောက်ရင်လည်း ပမာဏထက်ကျော်လွန်ပြီး
မသောက်မိစေဖို့ မျှဝေပေးလိုက်ရပါတယ်..
✨✨✨✨✨✨✨✨✨✨✨✨✨✨✨
ရေသောက်နည်းမှန်ရင် တော်ရုံတန်ရုံ ရောဂါတွေဖြစ်ဖို့ မလွယ်တာကို သတိထားမိကြမှာပါ။
လူ့ကိုယ်ခန္ဓာရဲ့ ၇၂.၈% ဟာ ရေနဲ့ဖွဲ့စည်းထားတာဖြစ်တဲ့အတွက် ရေလုံလောက်အောင် သောက်ပေးဖို့လိုပါတယ်။ ပုံထဲမှာ မိမိကိုယ်ခန္ဓာ အလေးချိန်အလိုက် လိုအပ်တဲ့ရေပမာဏကို ဖေါ်ပြထားပါတယ်။
လိုတာထက် လျှော့မသောက်နဲ့ လိုတာထက် ပိုမသောက်နဲ့။ တန်ဆေးလွန်ဘေးပါ။ "ရေများများသောက်ရင် ဝိတ်ကျတယ်" ဆိုပြီး နင်းကန်မသောက်ပါနဲ့။ လိုအပ်တာထက်ပိုရင် ရေဆိပ်တက်တတ်ပါတယ်။ ...............
ရေကို လိုအပ်တာထက် ပိုသောက်လျှင်..
၁။ သွေးထဲမှာ ဆိုဒီယမ်ဓာတ်နည်းပြီး ပျို့အန်၊ နုံးချိ၊ ဆီးသွား၊ မှတ်ဉာဏ်ချို့ယွင်းခြင်းနှင့် ခေါင်းကိုက်ခြင်းတို့ ဖြစ်စေနိုင်ပါတယ်။
၂။ နှလုံးနှင့်သွေးကြောဖိအားများစေပြီး နှလုံးအလုပ်ပိစေပါတယ်။
၃။ ကျောက်ကပ်က စစ်ထုတ်နိုင်သော ပမာဏကျော်လွန်သွားတဲ့အတွက် မစစ်ထုတ်နိုင်တဲ့အခါ ကိုယ်တွင်းဆိုးရွားသော ကျန်းမာရေးအခြေအနေကို ရောက်ရှိစေနိုင်ပါတယ်။
၄။ ဆဲလ်များတွင်း ရေဓာတ်များဖောင်းပွကာ သွေးတွင်းဓာတ်များ မညီမျှမှုဖြစ်ပြီး ခန္ဓာကိုယ်ကို အန္တရာယ်ဖြစ်စေတတ်ပါတယ်။
၅။ သွေးကြောအတွင်း ရေများကာ သွေးကျဲစေတဲ့အတွက် သွေးရဲ့ အလုပ်လုပ်တဲ့ကဏ္ဍကို ထိခိုက်စေပါတယ်။
၆။ သွေးကြောမှရေများဟာ ဦးနှောက်ဆဲလ်များသို့ လျှံထွက်ပြီး ဦးနှောက်ဆဲလ်များဖောင်းခြင်း (brain edema) အဖြစ်သို့ ရောက်ရှိနိုင်ပါတယ်။ ပြင်းထန်ပါက ဦးနှောက်သေခြင်း၊ ဦးနှောက်ကျွံခြင်းနှင့် အသက်ရှူလမ်းကြောင်း ပြဿနာများ ရင်ဆိုင်ရနိုင်ပါတယ်။
၇။ ပိုတက်ဆီယမ်လျော့ပြီး ရင်ဘတ်အောင့်ခြင်းနှင့် ခြေသလုံးနာခြင်းတို့ ဖြစ်စေနိုင်ပါတယ်။
၈။ ရေများပြီး အခြားအာဟာရဓာတ် လျှော့နည်းကာ ဓာတ်များမညီမျှမှုကြောင့် အစာအိမ်ပြဿနာဖြစ်တတ်ပါတယ်။
၉။ * အချို့ရေများတွင် ထုံးဓာတ်များ ပါဝင်သောကြောင့် ကျောက်ကပ်ကျောက်တည်ခြင်း၊ သည်းခြေကျောက်တည်ခြင်းများ ဖြစ်စေနိုင်ပါတယ်။
၁၀။ ဆီးပိုသွားကာ ကိုယ်ခန္ဓာအတွက် လိုအပ်သော စုပ်ယူမူမရှိဘဲ စုပ်ယူမူဖြစ်စဉ် ပျက်စီးယိုယွင်းမှုဖြစ်စဉ်ကို ဖြစ်စေပါတယ်။.......
Crd. ဒေါက်တာ ပြည့်ရှင်း
Via; Anney Sullivan
#အောင်နိုင်ထွန်း_မြန်မာစာ
ပြန်လည်မျှဝေပါသည်။
