Medical Family Mandalay - MFM

30/11/2025

GIBBON HNIN (သို့) နိုက်တင်ဂန်း

MDY PDF မှာ ကိုယ်တိုင်စစ်ပညာ သင်တန်းတက်ရောက်ခဲ့ပြီး ချိန်ကစလို့ အခြေခံ စစ်ပညာသင်တန်းကွင်း ဆေးတာဝန်ခံစတင် တာဝန်ယူခဲ့သူ ၊ မိခင်အဖွဲ့အစည်းဖြစ်တဲ့ Medical Family Mandalay အတူ လက်တွဲပြီး MDY PDF ဆေးတပ်ဖွဲ့ စတင်ထူထောင်ချိန်မှာပဲ ပါဝင်ထမ်းဆောင်ခဲ့သူ။

ဒီလိုအမျိုးသမီးတစ်ယောက်ရဲ့ ခွန်အား တစိတ်တပိုင်း ကို အခု မှတ်တမ်းရုပ်ရှင် မှာ ကြည့်ရှုခံစားနိုင်ပါတယ်။

28/11/2025

ဝမ်းနည်းကြောင်း သဝဏ်လွှာ

၂၀၂၅ ခုနှစ်၊ နိုဝင်ဘာလ (၂၈) ရက်

၁။ (၁၈-၁၁-၂၀၂၅) ရက်နေ့တွင် အကြမ်းဖက်စစ်ကောင်စီ (အကြမ်းဖက်စစ်ကော်မရှင်) က စစ်ကိုင်းတိုင်း၊ ဗန်းမောက်မြို့နယ်အတွင်းရှိ ဆေးရုံတစ်ခုကို လေကြောင်းဖြင့် ဗုံးကြဲတိုက်ခိုက်မှုကြောင့် ဆေးရုံတွင် တာဝန်ထမ်းဆောင်နေသော စေတနာ့ဝန်ထမ်း ကျန်းမာရေးဝန်ထမ်း (၂) ဦး ဖြစ်သည့် ကိုဇင်မင်းနိုင် (ခ) ကိုနိုင် (ကနန်းမြေ)၊ အသက် (၂၄) နှစ်နှင့် မဇင်နွယ်စိုး (ခ) သစ္စာ၊ အသက် (၂၄) နှစ်တို့ ကျဆုံးခဲ့ရပြီး အခြား စေတနာ့ဝန်ထမ်း ကျန်းမာရေးဝန်ထမ်း (၁) ဦးနှင့် ဆေးကုသမှုခံယူနေသော ပြည်သူ (၂) ဦး ထိခိုက်ဒဏ်ရာရရှိခဲ့ကြောင်း သိရှိရပါသည်။

၂။ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနသည် ကျဆုံးခဲ့သော ကျန်းမာရေးဝန်ထမ်း (၂) ဦးကို အာဇာနည်သူရဲကောင်းများအဖြစ် အသိအမှတ်ပြုအပ်ပြီး မိသားစုများနှင့်ထပ်တူ ကြေကွဲဝမ်းနည်းရပါသည်။

၃။ ဝန်ကြီးဌာနသည် မြန်မာနိုင်ငံတွင် စစ်အာဏာရှင်စနစ် အပြီးတိုင်ချုပ်ငြိမ်း၍ ဖက်ဒရယ်ဒီမိုကရေစီပြည်ထောင်စုကြီး ပေါ်ထွန်းသည်အထိ တိုင်းရင်းသားပြည်သူတစ်ရပ်လုံးနှင့် လက်တွဲ၍ ဆတက်ထမ်းပိုး ကြိုးပမ်းတိုက်ပွဲဝင်သွားမည်ဖြစ်ကြောင်းကို စစ်အာဏာရှင်စနစ် ဖြုတ်ချရေးအတွက် အသက်‌၊ ခန္ဓာနှင့် ဘဝများပုံအပ်၍ ခေတ်အဆက်ဆက် တိုက်ပွဲဝင်ခဲ့ကြသည့်၊ တိုက်ပွဲဝင်လျက်ရှိကြသည့် အာဇာနည်သူရဲကောင်းများအား တိုင်တည်၍ ကတိသစ္စာပြုအပ်ပါသည်။

ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ

28/10/2025

"ခဝါသည်ကရေစီ ရွေးကောက်ပွဲ" by Lynn Lynn

Composed and music arranged by Lynn Lynn

"Based on the people. Came from the people. Feel the truth."

12/09/2025

၂၀၂၆ ပညာသင်နှစ်အတွက် Associate Degree in Nursing (ADN) Program (Batch – 2) သင်တန်း ဝင်ခွင့်လျှောက်လွှာများ ခေါ်ယူခြင်း။

၂၀၂၅ ခုနှစ်၊ စက်တင်ဘာလ ၈ ရက်

တအာင်းပြည် သူနာပြုနှင့် ကျန်းမာရေးသိပ္ပံကောလိပ်မှ Enrolled Nurse ဖြစ်လိုသူ ကျောင်းသား၊ ကျောင်းသူများအတွက် ရည်ရွယ်ဖွင့်လှစ်သည့် ADN Program (Batch – 2) သင်တန်းအတွက် သင်တန်းလျှောက်လွှာများကို (၈-၉-၂၀၂၅) ရက်နေ့မှစတင်၍ (၂၇-၁ဝ-၂၀၂၅) ရက်နေ့ထိ လက်ခံသွားမည် ဖြစ်ပါသည်။

တအာင်း သူနာပြုကောလိပ်တွင် သင်ကြားပေးသွားမည့် ဘာသာရပ်များ
- English
- Applied Chemistry for Nursing
- Applied Physics for Nursing
- Introduction to Nursing Profession and
Nursing Concept
- Communication Skills
- Anatomy and Physiology
- Microbiology
- Pharmacology for Nursing
- Psychology
- Fundamental of Nursing
- Health Assessment
- Medical and Surgical Nursing
- Maternal and Child Health Nursing
- Paediatric Nursing
- Community Health Nursing

ADN Program (Batch – 2) ကို တက်ရောက်ကြမည့် ကျောင်းသား၊ ကျောင်းသူများသည်
Year 1, Semester 1 (၆ လ)
Year 1, Semester 2 (၆ လ)
Year 2, Semester 1 (၆ လ)
Year 2, Semester 2 (၆ လ) ဖြင့် စုစုပေါင်း သင်တန်းကာလ ၂ နှစ် အထိ တက်ရောက်ကြရမည် ဖြစ်သည်။

ယခု သင်တန်းအား အသက် ၁၇ နှစ်အထက်ရှိပြီး ဇီဝဗေဒဘာသာတွဲဖြင့် တက္ကသိုလ်ဝင်တန်း စာမေးပွဲ အောင်မြင်သူများ (သို့မဟုတ်) ဇီဝဗေဒဘာသာတွဲဖြင့် Grade 12 အောင်မြင်သူများ လျှောက်ထားနိုင်ပါသည်။

သင်တန်းလျှောက်လွှာပုံစံများကို
နမ့်ဆန်ပြည်သူ့ဆေးရုံ၊
နမ့်ခမ်းပြည်သူ့ဆေးရုံ၊
နမ္မတူပြည်သူ့ဆေးရုံ၊
မန်တုံပြည်သူ့ဆေးရုံ၊
ကွတ်ခိုင်ပြည်သူ့ဆေးရုံ၊
မိုင်းလုံပြည်သူ့ဆေးရုံတို့တွင် အပတ်စဉ် တနင်္လာနေ့မှ သောကြာနေ့အထိ ရုံးဖွင့်ချိန် နံနက် (၉း၀၀) နာရီမှ ညနေ (၄း၀၀) နာရီအတွင်း ထုတ်ယူနိုင်ပါသည်။

လျှောက်ထားသူများသိထားရမည့် နေ့ရက်များ
🔶🔶🔶🔶🔶🔶🔶🔶🔶🔶🔶🔶🔶🔶🔶🔶

လျှောက်လွှာစတင်ရယူနိုင်သည့်ရက်
👉 ၈ ၊ ၉ ၊ ၂၀၂၅

လျှောက်လွှာ နောက်ဆုံးထား ပေးပို့ရမည့်ရက်
👉 ၂၇ ၊ ၁၀ ၊ ၂၀၂၅

ဝင်ခွင့်ရေးဖြေ စာမေးပွဲ ဖြေဆိုခွင့်ရရှိသူများအား ကြေညာမည့်နေ့ရက်
👉 ၈ ၊ ၁၁ ၊ ၂၀၂၅

ဝင်ခွင့်ရေးဖြေ စာမေးပွဲ ဖြေဆိုမည့်ရက်
👉 ၁ ၊ ၁၂၊ ၂၀၂၅

ဝင်ခွင့်ရေးဖြေ စာမေးပွဲအောင်စာရင်း ကြေညာမည့်ရက်
👉 ၁၅ ၊ ၁၂ ၊ ၂၀၂၅

လူတွေ့နှုတ်ဖြေ စာမေးပွဲ ဖြေဆိုမည့်ရက်
👉 ၂၉ ၊ ၁၂ ၊ ၂၀၂၅

လူတွေ့နှုတ်ဖြေ စာမေးပွဲ အောင်စာရင်း ကြေညာမည့် နေ့ရက်
👉 ၅ ၊ ၁ ၊ ၂၀၂၆

တက်ရောက်နိုင်ခြင်း ရှိ/မရှိ နောက်ဆုံးထား အကြောင်းကြားရမည့် နေ့ရက်
👉 ၁၂ ၊ ၁ ၊ ၂၀၂၆

သင်တန်းကျောင်းသို့ နောက်ဆုံးထား ရောက်ရှိရမည့် နေ့ရက်
👉 ၁၇ ၊ ၁ ၊ ၂၀၂၆

ကျောင်းစတင် ဖွင့်လှစ်မည့် နေ့ရက်
👉 ၁၉ ၊ ၁ ၊ ၂၀၂၆

ဝင်ခွင့်လျှောက်လွှာနှင့် အတူပူးတွဲပေးပို့ ရမည့် အချက်အလက်များ
1. ပညာရေးနှင့် ပတ်သက်နိုင်သော စာရွက်စာတမ်းများ(အခြေခံပညာ အထက်တန်း အောင်မြင်ကြောင်း လက်မှတ်၊ သင်တန်းဆင်းလက်မှတ်များ၊ ဘွဲ့လက်မှတ်များ)
2. နိုင်ငံသားမှတ်ပုံတင် မိတ္တူတစ်စုံ (သို့) အခြားတူညီသော အထောက်အထား မိတ္တူတစ်စုံ
3. ကျန်းမာရေး ကောင်းမွန်ကြောင်း ထောက်ခံချက် (သက်ဆိုင်ရာ ကျန်းမာရေးဌာန)
4. ကိုယ်ကျင့်တရား ကောင်းမွန်ကြောင်း ထောက်ခံချက် (သက်ဆိုင်ရာ အုပ်ချုပ်ရေးမှူး)

မှတ်ချက်။ ။ ဝင်ခွင့်လျှောက်လွှာနှင့်အတူ အထက်ပါ စာရွက်စာတမ်းများ အားလုံးကို ၂ဝ၂၅ ခုနှစ်၊ အောက်တိုဘာလ ၂၇ ရက်နေ့တွင် နောက်ဆုံးထားပြီး ပေးပို့ရမည် ဖြစ်သည်။

သတ်မှတ်ရက်ထက် နောက်ကျ၍ ပေးပို့လာသော လျှောက်လွှာများအား ထည့်သွင်းစဉ်းစားမည် မဟုတ်ပါ။

Program (Batch – 2) သင်တန်း (၂ နှစ် သင်တန်း)
#တအာင်းပြည် သူနာပြုနှင့် ကျန်းမာရေးသိပ္ပံကောလိပ်

၂၀၂၆ ပညာသင်နှစ်အတွက် Associate Degree in Nursing (ADN) Program (Batch – 2) သင်တန်း ဝင်ခွင့်လျှောက်လွှာများ ခေါ်ယူခြင်း။

၂၀၂၅ ခုနှစ်၊ စက်တင်ဘာလ ၈ ရက်

တအာင်းပြည် သူနာပြုနှင့် ကျန်းမာရေးသိပ္ပံကောလိပ်မှ Enrolled Nurse ဖြစ်လိုသူ ကျောင်းသား၊ ကျောင်းသူများအတွက် ရည်ရွယ်ဖွင့်လှစ်သည့် ADN Program (Batch – 2) သင်တန်းအတွက် သင်တန်းလျှောက်လွှာများကို (၈-၉-၂၀၂၅) ရက်နေ့မှစတင်၍ (၂၇-၁ဝ-၂၀၂၅) ရက်နေ့ထိ လက်ခံသွားမည် ဖြစ်ပါသည်။

တအာင်း သူနာပြုကောလိပ်တွင် သင်ကြားပေးသွားမည့် ဘာသာရပ်များ
- English
- Applied Chemistry for Nursing
- Applied Physics for Nursing
- Introduction to Nursing Profession and
Nursing Concept
- Communication Skills
- Anatomy and Physiology
- Microbiology
- Pharmacology for Nursing
- Psychology
- Fundamental of Nursing
- Health Assessment
- Medical and Surgical Nursing
- Maternal and Child Health Nursing
- Paediatric Nursing
- Community Health Nursing

ADN Program (Batch – 2) ကို တက်ရောက်ကြမည့် ကျောင်းသား၊ ကျောင်းသူများသည်
Year 1, Semester 1 (၆ လ)
Year 1, Semester 2 (၆ လ)
Year 2, Semester 1 (၆ လ)
Year 2, Semester 2 (၆ လ) ဖြင့် စုစုပေါင်း သင်တန်းကာလ ၂ နှစ် အထိ တက်ရောက်ကြရမည် ဖြစ်သည်။

ယခု သင်တန်းအား အသက် ၁၇ နှစ်အထက်ရှိပြီး ဇီဝဗေဒဘာသာတွဲဖြင့် တက္ကသိုလ်ဝင်တန်း စာမေးပွဲ အောင်မြင်သူများ (သို့မဟုတ်) ဇီဝဗေဒဘာသာတွဲဖြင့် Grade 12 အောင်မြင်သူများ လျှောက်ထားနိုင်ပါသည်။

သင်တန်းလျှောက်လွှာပုံစံများကို
နမ့်ဆန်ပြည်သူ့ဆေးရုံ၊
နမ့်ခမ်းပြည်သူ့ဆေးရုံ၊
နမ္မတူပြည်သူ့ဆေးရုံ၊
မန်တုံပြည်သူ့ဆေးရုံ၊
ကွတ်ခိုင်ပြည်သူ့ဆေးရုံ၊
မိုင်းလုံပြည်သူ့ဆေးရုံတို့တွင် အပတ်စဉ် တနင်္လာနေ့မှ သောကြာနေ့အထိ ရုံးဖွင့်ချိန် နံနက် (၉း၀၀) နာရီမှ ညနေ (၄း၀၀) နာရီအတွင်း ထုတ်ယူနိုင်ပါသည်။

လျှောက်ထားသူများသိထားရမည့် နေ့ရက်များ
🔶🔶🔶🔶🔶🔶🔶🔶🔶🔶🔶🔶🔶🔶🔶🔶

လျှောက်လွှာစတင်ရယူနိုင်သည့်ရက်
👉 ၈ ၊ ၉ ၊ ၂၀၂၅

လျှောက်လွှာ နောက်ဆုံးထား ပေးပို့ရမည့်ရက်
👉 ၂၇ ၊ ၁၀ ၊ ၂၀၂၅

ဝင်ခွင့်ရေးဖြေ စာမေးပွဲ ဖြေဆိုခွင့်ရရှိသူများအား ကြေညာမည့်နေ့ရက်
👉 ၈ ၊ ၁၁ ၊ ၂၀၂၅

ဝင်ခွင့်ရေးဖြေ စာမေးပွဲ ဖြေဆိုမည့်ရက်
👉 ၁ ၊ ၁၂၊ ၂၀၂၅

ဝင်ခွင့်ရေးဖြေ စာမေးပွဲအောင်စာရင်း ကြေညာမည့်ရက်
👉 ၁၅ ၊ ၁၂ ၊ ၂၀၂၅

လူတွေ့နှုတ်ဖြေ စာမေးပွဲ ဖြေဆိုမည့်ရက်
👉 ၂၉ ၊ ၁၂ ၊ ၂၀၂၅

လူတွေ့နှုတ်ဖြေ စာမေးပွဲ အောင်စာရင်း ကြေညာမည့် နေ့ရက်
👉 ၅ ၊ ၁ ၊ ၂၀၂၆

တက်ရောက်နိုင်ခြင်း ရှိ/မရှိ နောက်ဆုံးထား အကြောင်းကြားရမည့် နေ့ရက်
👉 ၁၂ ၊ ၁ ၊ ၂၀၂၆

သင်တန်းကျောင်းသို့ နောက်ဆုံးထား ရောက်ရှိရမည့် နေ့ရက်
👉 ၁၇ ၊ ၁ ၊ ၂၀၂၆

ကျောင်းစတင် ဖွင့်လှစ်မည့် နေ့ရက်
👉 ၁၉ ၊ ၁ ၊ ၂၀၂၆

ဝင်ခွင့်လျှောက်လွှာနှင့် အတူပူးတွဲပေးပို့ ရမည့် အချက်အလက်များ
1. ပညာရေးနှင့် ပတ်သက်နိုင်သော စာရွက်စာတမ်းများ(အခြေခံပညာ အထက်တန်း အောင်မြင်ကြောင်း လက်မှတ်၊ သင်တန်းဆင်းလက်မှတ်များ၊ ဘွဲ့လက်မှတ်များ)
2. နိုင်ငံသားမှတ်ပုံတင် မိတ္တူတစ်စုံ (သို့) အခြားတူညီသော အထောက်အထား မိတ္တူတစ်စုံ
3. ကျန်းမာရေး ကောင်းမွန်ကြောင်း ထောက်ခံချက် (သက်ဆိုင်ရာ ကျန်းမာရေးဌာန)
4. ကိုယ်ကျင့်တရား ကောင်းမွန်ကြောင်း ထောက်ခံချက် (သက်ဆိုင်ရာ အုပ်ချုပ်ရေးမှူး)

မှတ်ချက်။ ။ ဝင်ခွင့်လျှောက်လွှာနှင့်အတူ အထက်ပါ စာရွက်စာတမ်းများ အားလုံးကို ၂ဝ၂၅ ခုနှစ်၊ အောက်တိုဘာလ ၂၇ ရက်နေ့တွင် နောက်ဆုံးထားပြီး ပေးပို့ရမည် ဖြစ်သည်။

သတ်မှတ်ရက်ထက် နောက်ကျ၍ ပေးပို့လာသော လျှောက်လွှာများအား ထည့်သွင်းစဉ်းစားမည် မဟုတ်ပါ။

ဝင်ခွင့်လျှောက်လွှာဖောင် ရယူရန် Link 👇
https://drive.google.com/file/d/1X-qvv-3RLY4tN9JzHC_bYQV3nbOQ6PeK/view?usp=sharing

ဝင်ခွင့်ဖြေဆိုရမည့် ဘာသာရပ်များ လေ့လာရန် ရယူရမည့် Link 👇
https://drive.google.com/file/d/18v-GlyWSlywlG892mP1NV_C8cueMT4K9/view?usp=sharing

Program (Batch – 2) သင်တန်း (၂ နှစ် သင်တန်း)
#တအာင်းပြည် သူနာပြုနှင့် ကျန်းမာရေးသိပ္ပံကောလိပ်

06/08/2025

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရအဖွဲ့
ကျန်းမာရေးဝန်ကြီးဌာန
ထုတ်ပြန်ကြေညာချက်အမှတ် (၆/၂၀၂၅)
၂၀၂၅ ခုနှစ်၊ ဩဂုတ်လ (၆) ရက်

၁။ (၂၉-၇-၂၀၂၅) ရက်နေ့၊ ည (၁၀:၃၀) နာရီအချိန်ခန့်တွင် စစ်ကိုင်းတိုင်း၊ ကန့်ဘလူမြို့နယ်ရှိ ချာဂျင် (Charging) ပြည်သူ့ဆေးရုံအား အကြမ်းဖက်စစ်ကောင်စီတပ်က လေကြောင်းဖြင့် (၂) ကြိမ်တိုင် ဗုံးကြဲတိုက်ခိုက်ခဲ့ရာ ဆေးရုံတက်ရောက်ကုသနေသော ကလေးငယ် (၁) ဦး၊ သက်ကြီးရွယ်အို (၁) ဦး၊ အမျိုးသမီး (၂) ဦးအပါအဝင် စုစုပေါင်း အပြစ်မဲ့ပြည်သူ (၅) ဦး သေဆုံးခဲ့ရပြီး (၃) ဦးမှာ ပြင်းထန်ဒဏ်ရာများ ရရှိခဲ့ပါသည်။ လူနာဆောင်၊ ခွဲစိတ်ခန်း၊ ဓာတ်မှန်ခန်း၊ ဆေးဝါးနှင့် ဆေးရုံသုံးပစ္စည်းများ၊ ဝန်ထမ်းနားနေဆောင်အပါအဝင် ဆေးရုံအဆောက်အအုံများ ထိခိုက်ပျက်စီးခဲ့ရပါသည်။

၂။ အကြမ်းဖက်စစ်ကောင်စီသည် ဆေးရုံဆေးခန်းများအပေါ် လေကြောင်းဖြင့် ဗုံးကြဲတိုက်ခိုက်မှု များကို ယခင်နှစ်များထက် ၂၀၂၅ ခုနှစ်အတွင်း အကြိမ်ရေများစွာ တိုးမြှင့်၍ ရည်ရွယ်ချက်ရှိရှိ အကြမ်းဖက်တိုက်ခိုက်လျက်ရှိပါသည်။ အထူးသဖြင့် မြန်မာနိုင်ငံအလယ်ပိုင်းတွင် (၂၈-၃-၂၀၂၅) ရက်နေ့က လှုပ်ခတ်ခဲ့သော စစ်ကိုင်းငလျင်ကြီးကြောင့် ပြည်သူတို့၏ အသက်အိုးအိမ်များစွာ ထိခိုက်ဆုံးရှုံးခဲ့ရပြီး နောက်ပိုင်းကာလများတွင် အကြမ်းဖက်စစ်ကောင်စီက ဆေးရုံဆေးခန်းများအပေါ် လေကြောင်းတိုက်ခိုက်မှုများကို အရှိန်တိုးမြှင့် အကြမ်းဖက်တိုက်ခိုက်ခဲ့ကြောင်းကို အောက်ပါအတိုင်း တွေ့ရှိရပါသည်။

၂၀၂၅ ခုနှစ်၊ ဧပြီလအတွင်း

- စစ်ကိုင်းတိုင်း၊ ဝက်လက်မြို့နယ်အရှေ့ခြမ်း၊ သစ်ဆိမ့်ကျေးရွာရှိ ဆေးခန်း
- စစ်ကိုင်းတိုင်း၊ ကောလင်းမြို့နယ်အတွင်းရှိ ဆေးရုံ
- စစ်ကိုင်းတိုင်း၊ ဝန်းသိုမြို့နယ်၊ နမ်းခမ်းကျေးရွာရှိ ဆေးရုံ
- စစ်ကိုင်းတိုင်း၊ အင်းတော်မြို့နယ်၊ ဂျုံးဂျုံးကျကျေးရွာရှိ ကျေးလက်ဆေး‌ပေးခန်း
- စစ်ကိုင်းတိုင်း၊ ဒီပဲယင်းမြို့နယ်အတွင်းရှိ ဆေးခန်း
- စစ်ကိုင်းတိုင်း၊ အင်းတော်မြို့နယ်၊ ပိန္နဲကုန်းကျေးရွာရှိ ဆေးခန်း
- မန္တလေးတိုင်း၊ မတ္တရာမြို့နယ်၊ အိုင့်ဒိုင်ကျေးရွာတွင် ငလျင်ဒဏ်သင့် ပြည်သူများအား ကျန်းမာရေးစောင့်ရှောက်မှုပေးနေသော ရွေ့လျားဆေးခန်း
- စစ်ကိုင်းတိုင်း၊ စစ်ကိုင်းမြို့နယ်၊ လင်းယဉ်ကျေးရွာရှိ ဆေးခန်း
- ကချင်ပြည်နယ်၊ မိုးညှင်းမြို့နယ်အတွင်းရှိ ချန်ဂင်တို့စခန်း ဆေးရုံ
- မန္တလေးတိုင်း၊ စဉ့်ကူးမြို့နယ်အတွင်းရှိ ဆေးရုံဆေးခန်းများ
- စစ်ကိုင်းတိုင်း၊ ထီးချိုင့်မြို့နယ်၊ လေသာကျေးရွာရှိ ဆေးရုံ
- မန္တလေးတိုင်း၊ သပိတ်ကျင်းမြို့နယ်အတွင်းရှိ ဆေးရုံ

၂၀၂၅ ခုနှစ်၊ မေလအတွင်း

- စစ်ကိုင်းတိုင်း၊ ဆားလင်းကြီးမြို့နယ်အတွင်းရှိ ဆေးရုံ
- စစ်ကိုင်းတိုင်း၊ ပင်လည်ဘူးမြို့၊ တောင်ကုန်းကျေးရွာရှိ ဆေးရုံ
- စစ်ကိုင်းတိုင်း၊ ကောလင်းမြို့နယ်၊ ချောင်းနားကျေးရွာရှိ ဆေးရုံ
- ကေအဲန်ယူ-ကရင်အမျိုးသားအစည်းအရုံး၊ သထုံခရိုင်၊ တပ်မဟာ (၁) ထိန်းချုပ်နယ်မြေ၊ ဖားအံမြို့နယ်၊ ဖလံတောင်ကျေးရွာရှိ ဆေးရုံ
- တနင်္သာရီတိုင်း၊ ပုလောမြို့နယ်အတွင်းရှိ ဆေးရုံ
- မကွေးတိုင်း၊ ပခုက္ကူမြို့နယ်၊ ကမ္မမြို့၊ ဂျိုးပျံရပ်ကွက်ရှိ ဆေးခန်း
- မကွေးတိုင်း၊ မြိုင်မြို့နယ်အတွင်းရှိ ဆေးရုံ
- မကွေးတိုင်း၊ ပေါက်မြို့နယ်အတွင်းရှိ ဆေးခန်း
- မကွေးတိုင်း၊ ရေစကြိုမြို့နယ်အတွင်းရှိ ဆေးရုံ (လက်နက်ကြီးဖြင့် ပစ်ခတ်တိုက်ခိုက်ခံရ)

၂၀၂၅ ခုနှစ်၊ ဇွန်လအတွင်း

- စစ်ကိုင်းတိုင်း၊ ဆားလင်းကြီးမြို့နယ်၊ မတောင့်တကျေးရွာ၊ တိုက်နယ်ဆေးရုံ (စက်တပ်လေထီးဖြင့် ဗုံးကြဲတိုက်ခိုက်ခံရ)
- တနင်္သာရီတိုင်း၊ သရက်ချောင်းမြို့နယ်အတွင်းရှိ ဆေးခန်း
- မန္တလေးတိုင်း၊ နွားထိုးကြီးမြို့နယ်၊ ခံစပ်ကုန်းကျေးရွာရှိ ကျေးလက်ဆေးခန်း
- မန္တလေးတိုင်း၊ စဉ့်ကူးမြို့နယ်နှင့် မတ္တရာမြို့နယ်အစပ်ရှိ ပါမောက္ခချုပ်ဆရာတော် ဒေါက်တာနန္ဒမာလာဘိဝံသ၏ မေတ္တာနန္ဒဆေးရုံ (ယက္ကန်းစင်ဆေးရုံ)
- မန္တလေးတိုင်း၊ စဉ့်ကူးမြို့နယ်၊ ကျည်တောက်ပေါက်ကျေးရွာရှိ ဆေးရုံ

၂၀၂၅ ခုနှစ်၊ ဇူလိုင်လအတွင်း

- ရှမ်းပြည်နယ်မြောက်ပိုင်း၊ သီပေါမြို့ရှိ ဆေးရုံ
- ကရင်နီပြည်၊ ဒီးမော့ဆိုမြို့နယ်အတွင်းရှိ ဆေးခန်း
- မကွေးတိုင်း၊ ပေါက်မြို့နယ်၊ စံဖဲကျေးရွာရှိ ကျေးလက်ဆေးပေးခန်း
- စစ်ကိုင်းတိုင်း၊ ကန့်ဘလူမြို့နယ်အတွင်းရှိ ချာဂျင် (Charging) ဆေးရုံ

အဆိုပါဖြစ်စဉ်များတွင် ကျန်းမာရေးဝန်ထမ်းများနှင့် မိသားစုဝင်များ၊ လူနာများ၊ လူနာစောင့်များ၊ သံဃာတော်များ၊ ကလေးသူငယ်များ၊ အမျိုးသမီးများ၊ ကိုယ်ဝန်ဆောင်များနှင့် သက်ကြီးရွယ်အိုများ အပါအဝင် အပြစ်မဲ့ပြည်သူများစွာ ထိခိုက်ဒဏ်ရာရခြင်း၊ အသက်သေဆုံးခြင်းတို့ ရှိခဲ့ပြီး ဆေးရုံဆေးခန်း အဆောက်အအုံများ၊ ဆေးနှင့် ဆေးပစ္စည်းများ၊ ကျန်းမာရေးဝန်ထမ်းနေအိမ်များ၊ ဘာသာရေးအဆောက်အအုံများ၊ စာသင်ကျောင်းများနှင့် ပြည်သူတို့၏ နေအိမ်များလည်း ထိခိုက်ပျက်စီးခဲ့ရပါသည်။

၃။ အကြမ်းဖက်စစ်ကောင်စီသည် လူ့ဘီလူးဝါဒ ကိုင်စွဲထားသည့် စစ်အာဏာရှင်ပီပီ (၄) နှစ်ကျော်ကာလအတွင်း ဆေးရုံဆေးခန်းများနှင့် ကျန်းမာရေးကဏ္ဍအပေါ် တမင်ပစ်မှတ်ထား၍ တိုက်ခိုက်မှုများသည် ဂျီနီဗာကွန်ဗန်းရှင်း (Geneva Conventions) ၊ ကမ္ဘာ့ကုလသမဂ္ဂ လုံခြုံရေးကောင်စီဆုံးဖြတ်ချက်များ၊ လူသာချင်းစာနာထောက်ထားရေးနှင့် လူအခွင့်အရေးဆိုင်ရာ နိုင်ငံတကာဥပဒေများကို ပြောင်ပြောင်တင်းတင်း ချိုးဖောက်နေခြင်းဖြစ်သည်။

၄။ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနသည် ကျဆုံးသွားသော ကျန်းမာရေးဝန်ထမ်းများ၊ လူနာများ၊ ပြည်သူများ၊ တော်လှန်ရေးရဲဘော်များ၏ မိသားစုများနှင့်ထပ်တူ အထူးကြေကွဲဝမ်းနည်းရပါသည်။ ဝန်ကြီးဌာနအနေဖြင့် မိမိတို့၏ အသက်ကိုပင် ပဓာနမထားဘဲ ပြည်သူ့ကျန်းမာရေးစောင့်ရှောက်မှု လုပ်ငန်းများကို သက်စွန့်ကြိုးပမ်းဆောင်ရွက်နေသော ကျန်းမာရေးဝန်ထမ်းများ၊ ဒေသခံပြည်သူများနှင့်အတူ ခိုင်မာစွာ လက်တွဲရပ်တည်လျက်ရှိပြီး အကြမ်းဖက်စစ်ကောင်စီ၏ အကြမ်းဖက်လုပ်ရပ်များကို ပြင်းထန်စွာ ရှုတ်ချလိုက်သည်။

၅။ ဝန်ကြီးဌာနသည် သေဆုံးထိခိုက်ခဲ့ရသည့် ကျန်းမာရေးဝန်ထမ်းများနှင့် ပြည်သူများအတွက် တရားမျှတမှုကို ဆောင်ကျဉ်းသွားမည်ဖြစ်ပြီး အကြမ်းဖက်စစ်ကောင်စီနှင့် ၎င်းတို့၏ လက်ပါးစေကြံရာပါများကို တရားဥပဒေအရ ပြင်းထန်စွာ အရေးယူဆောင်ရွက်သွားမည် ဖြစ်သည်။ လူစိတ်ပျောက်နေသော အကြမ်းဖက်စစ်ကောင်စီနှင့် လက်တွဲဆောင်ရွက်နေသူများ၊ ထောက်ခံအားပေးနေသူများအနေဖြင့် မိမိတို့၏ လုပ်ရပ်များကို ရပ်တန်းက ရပ်ကြရန် အလေးအနက် တိုက်တွန်းသည်။

၆။ မြန်မာနိုင်ငံ၏ ကျန်းမာရေးကဏ္ဍနှင့် အပြစ်မဲ့ပြည်သူများအပေါ် အကြမ်းဖက်စစ်ကောင်စီ၏ လေကြောင်းတိုက်ခိုက်မှုများ၊ စစ်ရာဇဝတ်မှုများနှင့် လူသားမျိုးနွယ်အပေါ် ကျူးလွန်သည့် ရာဇဝတ်မှုများကို နိုင်ငံတကာအနေဖြင့် လစ်လျူရှုမထားဘဲ ဖြစ်နိုင်သမျှ နည်းလမ်းများ အသုံးပြု၍ မြန်ဆန်ထိရောက်စွာ တားဆီးအရေးယူပြီး ထိခိုက်ခံစားနေရသည့် မြန်မာပြည်သူတို့ဘက်၌ စာနာရပ်တည်ပေးရန် အထူးလိုအပ်နေပါသည်။

၇။ ဝန်ကြီးဌာနသည် အခက်အခဲနှင့် စိန်ခေါ်မှုများစွာရှိသည့်တိုင် သူရဲကောင်းကျန်းမာရေး ဝန်ထမ်းများ၊ တိုင်းရင်းသားအဖွဲ့အစည်းများ၊ ဒေသခံအဖွဲ့အစည်းများ၊ ပြည်သူများနှင့်လက်တွဲ၍ ပြည်သူ့ကျန်းမာရေးစောင့်ရှောက်မှုလုပ်ငန်းများကို အစွမ်းကုန် ဆက်လက်ကြိုးပမ်းဆောင်ရွက်သွားမည်ဖြစ်ပါသည်။ မြန်မာနိုင်ငံတွင် စစ်အာဏာရှင်စနစ် အပြီးတိုင်ချုပ်ငြိမ်း၍ ဖက်ဒရယ်ဒီမိုကရေစီပြည်ထောင်စုကြီး ပေါ်ထွန်းသည်အထိ တိုင်းရင်းသားပြည်သူတစ်ရပ်လုံးနှင့် လက်တွဲ၍ ဆက်လက်တိုက်ပွဲဝင်သွားမည်ဖြစ်ကြောင်း ကတိသစ္စာပြုအပ်ပါသည်။

ကျန်းမာရေးဝန်ကြီးဌာန
အမျိုးသားညီညွတ်ရေးအစိုးရ
https://moh. nugmyanmar. org/

11/07/2025

"ဘေးကင်းဆေးရုံများ တည်ဆောက်နိုင်ရေး Safe Hospital, Safe Healthcare ကမ်ပိန်း" တွင် ပါဝင်လှူဒါန်းကြသူများကို ကျေးဇူးတင် ဂုဏ်ပြုခြင်း

၂၀၂၅ ခုနှစ်၊ ဇူလိုင်လ (၁၁) ရက်

အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနသည် "ဘေးကင်းဆေးရုံများ တည်ဆောက်နိုင်ရေး Safe Hospital, Safe Healthcare ကမ်ပိန်း" ကို ၂၀၂၅ ခုနှစ်၊ မေလ ၂၄ ရက်နေ့မှ ဇွန်လ ၃၀ ရက်နေ့အထိ ပြုလုပ်ဆောင်ရွက်ခဲ့ရာ ပြည်တွင်း၊ ပြည်ပမှ အလှူရှင်များက အင်တိုက်အားတိုက် ပါဝင်လှူဒါန်းခဲ့ကြပါသည်။

ရည်မှန်းချက် (Target) အဖြစ် အမေရိကန်ဒေါ်လာ (၄) သိန်း ရရှိရန် သတ်မှတ်ထားခဲ့သော်လည်း ကမ်ပိန်းအပြီးတွင် ‌အ‌
မေရိကန်ဒေါ်လာ (၆) သိန်း (၉) သောင်းကျော်အထိ ရရှိခဲ့ပါသည်။ ရာခိုင်နှုန်းအားဖြင့် (၁၇၂) ရာခိုင်နှုန်းအထိ ရရှိခဲ့ခြင်းလည်း ဖြစ်ပါသည်။ သတ်မှတ်ရည်မှန်းချက်ထက် များစွာ ကျော်လွန်အောင် ပါဝင်လှူဒါန်းခဲ့ကြသည့် တစ်ဦးချင်း၊ တစ်ယောက်ချင်းစီတိုင်းကို အထူးကျေးဇူးတင်ရှိပါသည်။

မြန်မာနိုင်ငံတွင် ဘေးကင်းသော ကျန်းမာရေးစောင့်ရှောက်မှု ရရှိရေး၊ ကျန်းမာရေးလုပ်သားများနှင့် လူနာများ ဘေးကင်းရေးတို့အတွက် ဘေးကင်းသော ဆေးရုံများ တည်ဆောက်နိုင်ရန် အထူးလိုအပ်နေသည်ကို သိရှိကြသည့်အလျောက် ယခုကဲ့သို့ အားတက်သရော ပါဝင်လှူဒါန်းခဲ့ကြသူတိုင်းကို ဝန်ကြီးဌာနအနေဖြင့် အထူးဂုဏ်ယူလေးစားစွာ မှတ်တမ်းတင်၊ ဂုဏ်ပြုအပ်ပါသည်။

ဝန်ကြီးဌာနသည် မြန်မာနိုင်ငံတွင် စစ်အာဏာရှင်စနစ် အပြီးတိုင်ချုပ်ငြိမ်း၍ ဖက်ဒရယ် ဒီမိုကရေစီပြည်ထောင်စုကြီး ပေါ်ထွန်းသည်အထိ တိုင်းရင်းသားပြည်သူတစ်ရပ်လုံးနှင့် လက်တွဲ၍ ဆတက်ထမ်းပိုး ကြိုးပမ်းတိုက်ပွဲဝင်သွားမည်ဖြစ်ကြောင်းလည်း ထပ်လောင်း ကတိသစ္စာပြုအပ်ပါသည်။

ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ

"ဘေးကင်းဆေးရုံများ တည်ဆောက်နိုင်ရေး Safe Hospital, Safe Healthcare ကမ်ပိန်း" တွင် ပါဝင်လှူဒါန်းကြသူများကို ကျေးဇူးတင် ဂုဏ်ပြုခြင်း

၂၀၂၅ ခုနှစ်၊ ဇူလိုင်လ (၁၁) ရက်

အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနသည် "ဘေးကင်းဆေးရုံများ တည်ဆောက်နိုင်ရေး Safe Hospital, Safe Healthcare ကမ်ပိန်း" ကို ၂၀၂၅ ခုနှစ်၊ မေလ ၂၄ ရက်နေ့မှ ဇွန်လ ၃၀ ရက်နေ့အထိ ပြုလုပ်ဆောင်ရွက်ခဲ့ရာ ပြည်တွင်း၊ ပြည်ပမှ အလှူရှင်များက အင်တိုက်အားတိုက် ပါဝင်လှူဒါန်းခဲ့ကြပါသည်။

ရည်မှန်းချက် (Target) အဖြစ် အမေရိကန်ဒေါ်လာ (၄) သိန်း ရရှိရန် သတ်မှတ်ထားခဲ့သော်လည်း ကမ်ပိန်းအပြီးတွင် ‌အ‌မေရိကန်ဒေါ်လာ (၆) သိန်း (၉) သောင်းကျော်အထိ ရရှိခဲ့ပါသည်။ ရာခိုင်နှုန်းအားဖြင့် (၁၇၂) ရာခိုင်နှုန်းအထိ ရရှိခဲ့ခြင်းလည်း ဖြစ်ပါသည်။ သတ်မှတ်ရည်မှန်းချက်ထက် များစွာ ကျော်လွန်အောင် ပါဝင်လှူဒါန်းခဲ့ကြသည့် တစ်ဦးချင်း၊ တစ်ယောက်ချင်းစီတိုင်းကို အထူးကျေးဇူးတင်ရှိပါသည်။

မြန်မာနိုင်ငံတွင် ဘေးကင်းသော ကျန်းမာရေးစောင့်ရှောက်မှု ရရှိရေး၊ ကျန်းမာရေးလုပ်သားများနှင့် လူနာများ ဘေးကင်းရေးတို့အတွက် ဘေးကင်းသော ဆေးရုံများ တည်ဆောက်နိုင်ရန် အထူးလိုအပ်နေသည်ကို သိရှိကြသည့်အလျောက် ယခုကဲ့သို့ အားတက်သရော ပါဝင်လှူဒါန်းခဲ့ကြသူတိုင်းကို ဝန်ကြီးဌာနအနေဖြင့် အထူးဂုဏ်ယူလေးစားစွာ မှတ်တမ်းတင်၊ ဂုဏ်ပြုအပ်ပါသည်။

ဝန်ကြီးဌာနသည် မြန်မာနိုင်ငံတွင် စစ်အာဏာရှင်စနစ် အပြီးတိုင်ချုပ်ငြိမ်း၍ ဖက်ဒရယ် ဒီမိုကရေစီပြည်ထောင်စုကြီး ပေါ်ထွန်းသည်အထိ တိုင်းရင်းသားပြည်သူတစ်ရပ်လုံးနှင့် လက်တွဲ၍ ဆတက်ထမ်းပိုး ကြိုးပမ်းတိုက်ပွဲဝင်သွားမည်ဖြစ်ကြောင်းလည်း ထပ်လောင်း ကတိသစ္စာပြုအပ်ပါသည်။

ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ

03/07/2025

အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာန၏ (၄) နှစ်တာ ကာလအတွင်း ဆောင်ရွက်ချက်များ (ဧပြီလ၊ ၂၀၂၁ မှ ဧပြီလ၊ ၂၀၂၅ အထိ)

Myanmar Version PDF File (17.8 MB) Download Link:

https://moh.nugmyanmar.org/4-year-nug-moh/

English Version PDF File – Coming Soon…

25/06/2025

ပြည်ထောင်စုသမ္မတမြန်မာနိုင်ငံတော်၊ပြည်ထောင်စုလွှတ်တော်မှ ၂၀၂၅ခုနှစ်၊ဇွန်လ ၁၃ ရက်နေ့တွင် ထုတ်ပြန်ကြေညာခဲ့သည့် အကြမ်းမဖက် အာဏာဖီဆန်ရေးလှုပ်ရှားမှုဆိုင်ရာနိုင်ငံ့ဝန်ထမ်းဥပဒေနှင့် စပ်လျဉ်း၍ CDM ကျန်းမာရေးကွန်ယက်များ၏ ပူးတွဲသဘောထားထုတ်ပြန်ချက်
—————————————————————————
၁။​အကြမ်းမဖက်အာဏာဖီဆန်ရေးလှုပ်ရှားမှု (Civil Disobedience Movement) သည် ၂၀၂၁ ခုနှစ်၊ဖေဖော်ဝါရီလ ၁ ရက်နေ့တွင် စစ်အုပ်စုမှ နိုင်ငံတော်၏ အာဏာကို မတရားသဖြင့် သိမ်းယူခဲ့သည့်အချိန်မှစ၍ နွေဦးတော်လှန်ရေး၏ တပ်ဦးမှ ပေါ်ပေါက်ခဲ့သည့် လှုပ်ရှားမှု တစ်ခုဖြစ်ပါသည်။

၂။​CDM လှုပ်ရှားမှုသည် မည်သည့်အဖွဲ့အစည်း၊မည်သူတစ်ဦးတစ်ယောက်၏ စေခိုင်းမှု၊ ညွှန်ကြားမှုဖြင့်မျှ ဆောင်ရွက်ခဲ့သည့် လှုပ်ရှားမှုတစ်ခုမဟုတ်ဘဲ စစ်အုပ်စု၏ ယန္တရား အောက်တွင် ဆက်လက်တာဝန်ထမ်းဆောင်ခြင်းမပြုလိုသည့် နိုင်ငံ့ဝန်ထမ်းများမှ မိမိတို့၏ ရွေးချယ်မှုဖြင့် တုံ့ပြန်အံတုဆောင်ရွက်ခဲ့သည့် လှုပ်ရှားမှုတစ်ခုသာဖြစ်ပါသည်။

၃။​CDM လှုပ်ရှားမှုတွင်ပါဝင်ခဲ့ကြသည့် နိုင်ငံ့ဝန်ထမ်း CDM များနှင့် လက်ရှိတွင် တော်လှန်ရေးအတွင်း ကျရာကဏ္ဍများ၌ တာဝန်ထမ်းဆောင်ပေးလျက်ရှိသော CDM ဝန်ထမ်းများ၏ အနာဂတ်ဘဝအာမခံချက်ပေးခြင်း၊ စစ်အုပ်စု၏ ဖိနှိပ်မှုများကြောင့် နစ်နာမှုများကို ပြန်လည်ကုစားပေးခြင်းနှင့် အမှန်တရားနှင့်တရားမျှတမှု ပြန်လည်ရှာဖွေခြင်း လုပ်ငန်းများ သည် လွှတ်တော်အရပ်ရပ်၊ နွေဦးတော်လှန်ရေးနှင့် အတူ ပေါ်ပေါက်လာသည့် ပြည်သူ့အစိုးရ၊ ဖက်ဒရယ်အစိုးရများ နှင့် လူမှုအဖွဲ့အစည်းများ ၏ တာဝန်တစ်ရပ် ဖြစ်လာပါသည်။

၄။​CDM လှုပ်ရှားမှုတွင် မပါဝင်ခဲ့သည့် နိုင်ငံ့ဝန်ထမ်းများ သည် မြန်မာနိုင်ငံပြည်သူများ၏ ဒုက္ခအရပ်ရပ် ကို သက်ဆိုးရှည်စေရန် စစ်အုပ်စုနှင့် ပူးပေါင်းဆောင်ရွက်လျက်ရှိသည့် ထောက်တိုင်များအဖြစ် ရောက်ရှိခဲ့ကြသည်မှာ ငြင်းပယ်ရန်ခက်ခဲသော အမှန်တရားပင် ဖြစ်သည်။

၅။​မြန်မာနိုင်ငံ၏ CDM ဖြစ်စဉ် သည် သမိုင်းတလျှောက် ပေါ်ပေါက်ခဲ့သော ကမ္ဘာ့နိုင်ငံများ၏ ခေတ်ပြောင်း စနစ်ပြောင်းတော်လှန်ရေးဖြစ်စဥ်များကို ပြန်လည်သုံးသပ်ပြီး အမုန်းတရားများ မပြန့်ပွားစေ‌ရန်နှင့် ဥပဒေမဲ့ တရားလက်လွန် စီရင်မှုများ မဖြစ်ပေါ်စေရန် သိမ်မွေ့စွာ ဆောင်ရွက်ရန် အလွန်အရေးကြီးပါသည်။ နိုင်ငံ၏အနာဂတ်နှင့် မျိုးဆက်သစ် လူငယ်များအကြား အမုန်းတရားများဆက်လက် မထွန်းကားရေးအတွက် အသွင် ကူးပြောင်းရေး ဆိုင်ရာ တရားမျှတမှုရှာဖွေရေး ဖြစ်စဉ်များဖြစ်သည့် အမှန်တရားရှာဖွေမှု၊ တိုင်ကြားမှု၊ အပြစ်ပေးအရေးယူမှုများကို စနစ်တကျ လုပ်ဆောင်ရမည်ဖြစ်ပြီး ဝန်ထမ်းယန္တရား အပါအဝင် အဖွဲ့စည်းဆိုင်ရာပြုပြင်ပြောင်းလဲမှု နှင့် နောက်ကြောင်းပြန်စီစစ်မှုများကိုပါ ထည့်သွင်း စဉ်းစားရမည်ဖြစ်ပါသည်။

၆။​ပြည်ထောင်စုလွှတ်တော်မှထုတ်ပြန်ကြေညာခဲ့သည့် အကြမ်းမဖက် အာဏာဖီဆန်ရေး လှုပ်ရှားမှုဆိုင်ရာ နိုင်ငံ့ဝန်ထမ်းဥပဒေ သည် နိုင်ငံ့ဝန်ထမ်း CDM များကို အသိအမှတ်ပြုခြင်း၊ဂုဏ်ပြုချီးမြှင့်ခြင်း၊ ပြန်လည်ကုစားပေးခြင်း၊အမှန်တရား နှင့် တရားမျှတမှုရှာဖွေဖော်ထုတ်ခြင်း လုပ်ငန်းများကို အာမခံချက် ပေးထားကြောင်းတွေ့ရှိရပြီး ချွင်းချက်မရှိထောက်ခံကြိုဆိုပါသည်။

၇။​CDM လှုပ်ရှားမူတွင်မပါဝင်ခဲ့သည့် နိုင်ငံ့ဝန်ထမ်းများကို အရေးယူခြင်းသည် ဥပဒေ၊ နည်းဥပဒေများဖြင့် ထိန်းသိမ်းဆောင်ရွက်မှုများ မရှိပါက တော်လှန်ရေးကို အကျည်းတန်ရုပ်ဆိုးစေသည့်ဖြစ်စဉ်များ ဖြစ်ပေါ်နိုင်စေခြင်း၊ ပဋိပက္ခများ သက်ဆိုးရှည်နိုင်စေခြင်းနှင့် လူ့အခွင့်အရေးချိုးဖောက်မှု တကြော့ပြန် ဖြစ်ပေါ်လာနိုင်ခြင်းကြောင့် ဥပဒေတစ်ရပ်ရပ် ဖြင့် ကြိုတင်စီမံထားခြင်း ကို လည်း ကြိုဆိုထောက်ခံပါသည်။

၈။​CDM ကျန်းမာရေးကွန်ယက်များသည် ကျန်းမာရေးCDM ဦးဆောင်သူများ၊ ကျန်းမာရေးCDM ကိုယ်စားလှယ်များ၊ ကျန်းမာရေး CDM အစုအဖွဲ့များ ၏ သဘောထား မှတ်ချက်များကိုစုဆောင်းပြီး ပြည်ထောင်စုလွှတ်တော်မှ ထုတ်ပြန်ကြေညာခဲ့သည့် အကြမ်းမဖက် အာဏာဖီဆန်ရေး လှုပ်ရှားမှုဆိုင်ရာနိုင်ငံ့ဝန်ထမ်းဥပဒေ ကို ထောက်ခံ ကြိုဆိုကြောင်း နှင့် ဥပဒေပါ အခန်းများ၊ ပုဒ်မများကို အမှန်တကယ် လက်တွေ့အကောင် အထည်ဖော် ဆောင်ရွက်နိုင်ရန် လည်း တိုက်တွန်း လိုက် ပါသည်။

“တော်လှန်ရေး၏တပ်ဦး CDM များနှင့်ထပ်တူ”

- CDM ကျန်းမာရေး ကွန်ယက်
- ရန်ကုန် ကျန်းမာရေးကွန်ယက်
- မန္တလေး ကျန်းမာရေးမိသားစု
- ကြားကာလဖက်ဒရယ်သူနာပြုနှင့်သားဖွားကောင်စီ
- ကြားကာလဖက်ဒရယ် ကျန်းမာရေးမှုးနှင့် ပြည်သူ့ကျန်းမာရေးကြီးကြပ်ကောင်စီ


ဆက်သွယ်ရန် − contact@cdmmn.org

21/06/2025

👉 ဘေးကင်းဆေးရုံများ တည်ဆောက်နိုင်ရေး ပါဝင်လှူဒါန်းကြရန် အမျိုးသားညီညွတ်ရေးအစိုးရ၊ ပညာရေးဝန်ကြီးဌာနနှင့် ကျန်းမာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခ ဒေါက်တာဇော်ဝေစိုးက ထပ်မံတိုက်တွန်းနှိုးဆော်

👉 ဘေးကင်းဆေးရုံများ တည်ဆောက်မည့် မြေနေရာ ရွေးချယ်ခြင်း၊ ပြင်ဆင်ခြင်းနှင့် ဆောက်လုပ်ခြင်းလုပ်ငန်းများကို ပြည်ထောင်စုဝန်ကြီး ကိုယ်တိုင် ကွင်းဆင်းကြီးကြပ်ဆောင်ရွက်လျက်ရှိ

ဆက်သွယ်လှူဒါန်းနိုင်သည့် Fund Raiser များစာရင်း
https://www.facebook.com/share/p/16DGGuKkV3/

Safe Hospital, Safe Healthcare
ရည်မှန်းချက် (Target) - အမေရိကန်ဒေါ်လာ ၄ သိန်း
Campaign ကာလ (Duration) - မေလ ၂၄ ရက်နေ့မှ ဇွန်လ ၃၀ ရက်နေ့အထိ

Campaign အကြောင်း အသေးစိတ်ဖတ်ရှုနိုင်ရန်-
https://www.facebook.com/share/p/16QKnZz3eM/

Fundraising Campaign: Building Safe Hospitals for Safe Healthcare in Myanmar

ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ

19/06/2025

Happy 80th Birthday🎂 အမေစု 🎂 အမြန်ဆုံး အချုပ်အနှောင်က လွတ်မြောက်ဖို့ MFM မှ ဆုတောင်းပေးပါတယ်🙏🙏🙏