Z&T Gastro Intestinal Specialist Clinic Mandalay

Z&T Gastro Intestinal Specialist Clinic Mandalay Z&T Gastro Intestinal Specialist Clinic was founded by Dr.Moe Myat Aung M.B.,B.S, M.Med.Sc(Surgery),MRCS(UK).

ယနေ့ ၅၄ နှစ်ပြည့် မွေးနေ့ကတော့ ထူးခြားလှပါသည် ၊ အမှန်မှာ ရည်မှန်းထားသည့် schedule အရ ရေခဲပြင်ထဲ ယနေ့ နေ့လည် ၁နာရီရောက်...
26/11/2025

ယနေ့ ၅၄ နှစ်ပြည့် မွေးနေ့ကတော့ ထူးခြားလှပါသည် ၊ အမှန်မှာ ရည်မှန်းထားသည့် schedule အရ ရေခဲပြင်ထဲ ယနေ့ နေ့လည် ၁နာရီရောက်ပြီး Happy birthdayအမှတ်တရ ရေခဲပြင်ပုံများရိုက်ကာ အလှဓါတ်ပုံတင်ရန်ပါ ၊ သို့သော် Mother Nature ၏ မညှာမတာ ရက်စက်မူ့ဖြင့် ရေခဲပြင်ကြီးရှိရာ လေဆိပ်သို့ လေယာဥ်ပျံမှာ ၂ခါတိတိကြိုးစားဆင်းသော်လည်း နှင်းမုန်တိုင်းကျနေလို့ ဆင်းမရ မနက် ၁၀ နာရီစထွက်ခဲ့သော နော်ဝေနိုင်ငံ Oslo မြို့ကို ပြန်ရောက်လာတာ ယခု သူတို့ဒေသစံတော်ချိန် ည ၇ နာရီ လေဆိပ်ထဲမှာပဲရှိသေးတာ ၊ ည ၁၀ နာရီမှ လေယာဥ်တစ်ခါပြန်စီး ရတော့မှာ ၊စိတ်လျှော့ပြီး မနက်ဖြန် ရေခဲပြင်ရောက်မှ ပုံများရိုက်ကာ Happy Birthday ပုံတင်မလို့စဥ်းစားမိသော်လည်း FB memory ပြန်တက်လာရင် ၂၅ ရက်နေ့ အနေနဲ့သာ ပေါ်စေချင်လို့ လေဆိပ်ထဲရှိ သိပ်မလှသော Christmas Tree တစ်ခုမှာပဲ Emergency ပုံရိုက်ကာ တင်လိုက်ရပါတယ် ။

ပါမောက္ခချုပ်ဆရာတော်ဘုရားကြီးမှလည်း viber မှတဆင့် မွေးနေ့ဆုတောင်းပေးလို့ ပြီးပြည့်စုံသွားရပါသည် ၊ ချစ်မိတ်ဆွေများစွာကလည်း မွေးနေ့ဆုတောင်းများစွာရေးပို့ကြတာလည်း ကျေးဇူးကမ္ဘာပါ၊ မွေးနေ့ဆုတောင်းအဖြစ် ရှေ့လျှောက် မိမိနှင့် စပ်ဆပ်မိသမျှ ပါတ်ဝန်းကျင်တွင် ကောင်းကျိုးအဖြာဖြာပြည့်စုံစွာဖြင့် ကုသိုလ်တရားများတိုးပွားခွင့်ကိုသာ ပေးနိုင်သောသူ ဖြစ်ရပါလို၏ ၊ ဆုတောင်းရုံသာမဟုတ် လက်တွေ့အမှန်လည်း ပြည့်စုံစေရန် အထူးကြိုးစားအားထုတ်ပါမည် ။

ဆရာဝန်တစ်ယောက်ဖြစ်လို့ မပြည့်စုံသူ၊ ချို့တဲ့သူ ၊ လိုအပ်သူများကို မွေးနေ့အထိမ်းအမှတ် ဇီဝိတဒါနအလှူများလည်း ယခုလအတွင်း များစွာလှူဖြစ်ခဲ့ပါသည် ။

ရေခဲပြင်ကြီးကို မနက်ဖြန်မှ ရောက်တော့မှာဖြစ်လို့ ရည်မှန်းထားသည့်အတိုင်း ရေခဲပြင်ပေါ်မှ Happy Birthday ကို back date အဖြစ် မနက်ဖြန် ထပ်မံထပ်တင်ရင် စိတ်ဆိုးကြမှာပါလား 😜

၆ နှစ်ပြည့်အလွမ်း 16.11.2025ကျေးဇူးရှင် ဖခင်ကြီး ဘဝတပါးသို့ပြောင်းသွားတာ ၆ နှစ်ပြည့်ခဲ့ပါပြီ ၊ လွမ်းပါတယ်ဆိုတာကို ပါးစပ်...
17/11/2025

၆ နှစ်ပြည့်အလွမ်း 16.11.2025

ကျေးဇူးရှင် ဖခင်ကြီး ဘဝတပါးသို့ပြောင်းသွားတာ ၆ နှစ်ပြည့်ခဲ့ပါပြီ ၊ လွမ်းပါတယ်ဆိုတာကို ပါးစပ်မှာပြောရတာ လွယ်တာပေါ့ ၊ တကယ်လွမ်းဆွတ်လျှင် တကယ်သတိရလျှင် တကယ်ကျေးဇူးသိတတ်ရင် ဘာလုပ်ရမည်နည်း ?

မိမိတို့အပေါ် ကောင်းရာကောင်းကျိုး သွန်သင်ဆုံးမပေးခဲ့မူ့လေးများကို အမြဲသတိရနေပြီး အမြဲလိုက်နာကျင့်သုံးနေခြင်းက ပါးစပ်မှလွယ်ကူစွာပြောနိုင်သော ချစ်လှပါသည် လွမ်းလှပါသည် ဆိုတာတွေထက် ပိုမိုထိရောက်ပါသည် ၊ Action speaks louder than words ပါ ။

နှစ်စဥ် လွန်လေပြီးသော နှစ်ပါတ်လည်တိုင်း Eulogy ဆိုသည့် အမှတ်တရ လွမ်းဆွတ်မူ့များကို ဖခင်ကြီး ချမှတ်ပေးခဲ့သော စနစ်ကောင်းများအား တစ်နှစ်လျှင် တစ်မျိုးစီ မျှဝေပေးခဲ့တာ ယခုဆို ၆ နှစ်မြောက် ၆ခုမြောက် အကြောင်း ပြောပြပါမည် ။

ဖခင်ကြီးမှာ နေ့စဥ် အဝင်အထွက် စာရင်းပြုလုပ်ပါသည် ၊ ရက်စွဲဖြင့် အတိအကျပါ ၊ ယနေ့ ဝင်ငွေ အမှတ်စဥ်များဖြင့် မှတ်ထားသည် ၊ ယနေ့ထွက်ငွေ အသေးစိတ်ကို ဥပမာ ကားဆီထည့်ခြင်း၊ တာယာလေထိုးခြင်း ၊ မုန့်ဝယ်စားခြင်း ၊ လှူဒါန်းခြင်း ၊ ကားဂိတ် pass ပေးရခြင်း ၊ ဆံပင်ညှပ်ခြင်း ၊ shampoo ဝယ်ခြင်း ၊ အစရှိသဖြင့် နေ့စဉ် income နှင့် outcome ရေးမှတ်ထားပါသည် ၊ သူတို့သူငယ်ချင်းများနှင့် Golf ရိုက်လျှင် ကြေးမများသော်လည်း အနိုင်အရူံးလောင်းကြေး ၊ Golf ကွင်းတွင် ကယ်ရီကြေး ဖျော်ရည် ဘီယာသောက်ခြင်းများအထိပါ ရေးမှတ်တတ်ပါသည် ၊ ကျွန်တော့်အားလည်း ထိုသို့ရေးမှတ်ရန် သွန်သင်ပြခဲ့သည် ၊ အသေးအဖွဲ ရာ ထောင် သောင်းဂဏန်းပင်ဖြစ်ပါစေ ၊ သေသေချာချာ မမှတ်ထားလျှင် အိတ်ပေါက်နှင့် ဖားကောက်ဖြစ်မည် ၊ ရေတိုင်ကီမှ ရေယိုနေတာ အမူ့မဲ့အမှတ်မဲ့ဖြစ်လျှင် ရေတိုင်ကီတစ်ခုလုံး ဆုံးရူံးသွားနိုင်သည် လို့ အမြဲဆုံးမခဲ့ပါသည် ၊ ထိုအကျင့်ကပါလာ၍ နေ့စဉ် ညအချိန် နေ့တစ်နေ့၏ အဝင်အထွက်စာရင်းအား နည်းသည်များသည်ဖြစ်စေ ၊ မမှတ်ထားမိလျှင် ၁ ရက် ၂ရက် အလုပ်တွေများနေလို့ ဒီအတိုင်းပဲနေမိလျှင် ( ငွေကုန်ခြင်း ကြီးကြီးမားမား မရှိတောင် ) နောက်ကျောမလုံပဲ ရေတိုင်ကီရေယိုနေပြီဟု ထင်မိပါသည် ၊ ထိုနေ့အဖို့ စုစုပေါင်း ထောင်ဂဏန်းလောက်ပဲ အထွက်ရှိတောင် ရေးမှတ်ထားလိုက်ရမှ ကိုယ့်ကိုကိုယ်လုံခြုံတော့သည် ၊ ရီစရာပြောရရင် ၂၀၀၆ ခုနှစ် NUS စင်္ကာပူအမျိုးသားတက္ကသိုလ်မှာ ပညာတော်သင်သွားစဥ် ဖြိုးက အလည်လိုက်လာရာ မြို့ထဲအလည်သွားပြီး ရေခဲချောင်းစားကြတာ ဖျော်ရည် သောက်ကြတာတွေ ရေခဲရေသောက်တာတွေ MRT smart card လုပ်ပြီး ငွေထပ်ဖြည့်ခြင်း top up လုပ်တာတွေ အသေးစိတ်စာရင်း ရေးထားလို့ ရေခဲချောင်း ၁ချောင်း ၁ဒေါ်လာ စားရတာတောင် နင်သွားသလို ဖြစ်သည်ဟု ပြောခဲ့ဖူးပါသည် ၊ ယခုတော့ သူက ပိုဆိုးသည် ၊ ဝင်ငွေ ထွက်ငွေကို Leger လယ်ဂျာစာအုပ်ဖြင့် စာရင်းကိုင် LCCI ကလည်းတတ်လို့ အသေးစိတ်ကို ဇယားများဖြင့်ရေးကာ မှတ်သူဖြစ်နေသည် ၊ အလေအလွင့်မရှိအောင် မိမိဘယ်လောက်ဝင်ပြီး ဘယ်လောက်သုံးခဲ့သည်ကို ဖခင်ကြီးအားအတုယူ နမူနာယူကာ လွမ်းသမျှ အလွမ်းဖြေနေရပါသည် ။

ဝဋ်ဆိုတာလည်း လည်တတ်သည့်သဘောရှိပါသည် ၊ ငယ်စဥ်က အဝတ်အစားအသစ်ဝယ်လိုလျှင် walking shoes အသစ်ဝယ်လိုလျှင် ဖခင်ကြီးက သူ့ထံရှိသော အင်္ကျီများ ဖိနပ်များကို ယူဝတ်ရန်ပြောပါသည် ၊ ဖေဖေ့အဝတ်တွေက date အောက်နေပြီ ၊ လူကြီးအဆင်များလို့ ပြောမိသည် ၊ မင်းကတော့ကွာ ငါငယ်ငယ်တုန်းက ဒါတွေမသိပေါင် မသုံးရက်ပါ မသုံးခဲ့နိုင်ပါလို့ပြောလျှင် သုံးခွမြို့နယ် ဖရုံကန်ကျေးရွာမှ လယ်သမားကြီး၏ သား ဖေဖေက ဒီလောက်ပဲသုံးနိုင်ခဲ့တာပေါ့ ၊ ယခု NDC ကျောင်းအုပ်ကြီးသားက ဒီလောက်တော့သုံးရတာပေါ့ ဖေဖေရေလို့ပြောလျှင် မေတ္တာစိတ်ဖြင့် အပြစ်မမြင် တဟားဟားရီပြီး မင်းတို့ခေတ်ပဲကွာ မင်းတို့ကံကောင်းတာလို့ ပြောခဲ့သည် ၊ ယခု သားဇွဲကလည်း ဗီဒိုထဲရှိ ဖေဖေ့အင်္ကျီများ ရေမွှေးများ ကြိုက်ရာသားယူသုံးပါဆိုတာကို လူကြီးအနံ့ ရေမွှေးတွေ ၊ လူကြီးအဆင်တွေ No No No လို့သာပြောပြန်သည် ၊ မင်းရေမွှေးတွေ မင်းအဝတ်တွေကလည်း စျေးကြီးလိုက်တာလို့ ပြောရင် သွန်းရော ဇွဲရော ဖေဖေကဆရာဝန်ကြီးပဲ နေ့စဥ်ဆေးခန်းမှာ ငွေတွေဝင်နေတာ သားကလည်း တစ်ဦးတည်းသောသား သမီးကလည်း တစ်ဦးတည်းသောသမီးဖြစ်လို့ ဖေဖေက ပေးသင့်တာပေါ့တဲ့လေ ၊ ယဥ်ယဥ်ကျေးကျေးလေးတော့ ပြောရှာပါသည် ၊ ဖေဖေ သားတို့ သမီးတို့ကို ကျေးဇူးပြုပြီး ဒါလေးများဝယ်ပေးလို့ရပါလား ၊ ဒီအစားအစာလေး သားတို့ မစားရတာကြာလို့ delivery မှာလိုက်မယ်နော်၊ သားတို့ စာကြိုးစားထားတယ် သမီး ဘယ်ဘာသာ ဘယ်နှစ်မှတ်ရတယ်လို့ပြောပြီး ခွင့်တောင်းကြရင်ဖြင့် မိမိငယ်စဥ်က ဂျီကျသမျှ ဖခင်ကြီးက ခေါင်းညှိတ်ခဲ့ရသလို ယခုမိမိလည်း ဝဋ်များလည်နေရပါပြီ ။

လွန်ခဲ့သော ၆နှစ်က ဘဝတပါးသို့ ပြောင်းသွားခဲ့ပြီးသော ဖခင်ကြီးအားရည်စူးပြီး ဇီဝိတဒါန ဆေးအလှူများလည်း Z& T အစာအိမ် အူလမ်းကြောင်းအထူးကုဆေးရုံတွင် ယခုလ များများပိုလှူဖြစ်ပါသည် ၊ အခြားလိုအပ်ရာ နေရာများတွင်လည်း များများပိုလှူမိပါသည် ၊ မြင့်မြတ်ရာ ဘုံဘဝမှ သာဓုခေါ်ဆိုနိုင်ပြီး သူတော်ကောင်းတရားများ ဆက်လက် ကျင့်ကြံကြိုးကုပ်အားထုတ်နိုင်ပါစေသတည်း 🙏🙏🙏

ကျေးဇူးရှင် ဖေဖေ့ကို သားသမီးများက လွမ်းဆွတ်သမျှ နူတ်ဖြင့်ပင် ပြောဆိုနေခြင်းသာမက ၊ဖေဖေချမှတ်ပေးခဲ့သော စည်းကမ်းကောင်းများကို လိုက်နာနေကြခြင်းဖြင့် အလွမ်းများဖြေနေကြပါကြောင်း ဖေဖေသာ သိခွင့်ရှိခဲ့ရင် သာဓုများစွာ ခေါ်ဆိုနိုင်ပါစေသတည်း 🙏🙏🙏

MPT ဖုန်းလိုင်းများ ဆက်ရတာ ခက်လွန်းလို့ ၊ လူနာများလည်း အလိုမကျ ဖြစ်ရလို့ ၊ နားလည်မူ့လွဲပြီး လိုင်းမမိတာကို ဖုန်းမကိုင်...
12/11/2025

MPT ဖုန်းလိုင်းများ ဆက်ရတာ ခက်လွန်းလို့ ၊ လူနာများလည်း အလိုမကျ ဖြစ်ရလို့ ၊ နားလည်မူ့လွဲပြီး လိုင်းမမိတာကို ဖုန်းမကိုင်လို့ဆိုကာ လူနာများမှ ရန်များပင်တွေ့ကြတာကိုလည်း ကျွန်တော်တို့ ဝန်ထမ်းများက မကြာခဏ တောင်းပန်ခဲ့ကြရပါသည် ၊ ထို့ကြောင့် မန္တလေးမြို့ရှိ Z& T အစာအိမ် အူလမ်းကြောင်း အထူးကုဆေးခန်းမှ အကောင်းဆုံးဝန်ဆောင်မူ့များကို ပေးနိုင်ရန် Atom ဖုန်းနံပါတ်များဖြင့် ထပ်ဖြည့်လိုက်ရပါသည် ၊ လူနာများ စိတ်ချမ်းသာ ကိုယ်ကျန်းမာပြီး နှလုံးစိတ်ဝမ်း အေးချမ်းကြပါစေ 🙏🙏🙏

တန်ဆောင်မုန်းလပြည့်နေ့ကုသိုလ် မျှဝေလို 4 .11.2025ငယ်စဥ်တောင်ကျေး ကလေးဘဝကတည်းက ပရိတ်ကြီး ၁၁ သုတ်အား ဂျောင်းဂျောင်းပြေး ရွ...
04/11/2025

တန်ဆောင်မုန်းလပြည့်နေ့ကုသိုလ် မျှဝေလို 4 .11.2025

ငယ်စဥ်တောင်ကျေး ကလေးဘဝကတည်းက ပရိတ်ကြီး ၁၁ သုတ်အား ဂျောင်းဂျောင်းပြေး ရွတ်ဆိုခဲ့ပါသည် ၊ သို့သော် အနက်အဓိပ္ပါယ်များကို ခြုံငုံပြီးသာသိသည် ၊ တစ်ကြောင်းချင်းကို သိနားလည်လိုခဲ့သည် ၊ အင်္ဂလိပ်စကား နားမလည်ပါပဲ အင်္ဂလိပ်ကားကြည့်နေရသလို ၊ ကိုးရီးယားကား စာတန်းမထိုး ကိုးရီးယားစကားလည်းနားမလည်ပဲ အမူအယာကို ခန့်မှန်းပြီး လိုရာဆွဲတွေးကာ ကြည့်နေရသလို တစ်ခုခုလိုနေသလိုကို ခံစားရပါသည် ၊ အနက်အဓိပ္ပါယ်များကို တစ်ကြောင်းချင်း သိခွင့်ရရင် ပိုပြီး ကြည်ငြိုသဒ္ဒါပွားများရမှာ ဖြစ်ပါသည် ။

ယခုတော့ ဆန္ဒလေးပြည့်ခဲ့ပြီ ၊ internet မှာ ရှာဖွေတွေ့ပြီး အသက်ကြီးလာလို့ မျက်စိမူန်လာ၍ စာလုံးကြီးကြီးဖြင့် ဖတ်လိုပါသောကြောင့် မိမိဘာသာ စာအုပ်အဖြစ် print ထုတ်လိုက်ရာ ၆၅ မျက်နှာရှိသော သာသနာရေးဦးစီးဌာနမှ ထုတ်ဝေထားသော ပရိတ်ကြီး ၁၁ သုတ်၏ တစ်ကြောင်းချင်း အနက်အဓိပ္ပါယ်ကို ယခုသိခွင့်ရ၍ အလွန်ဝမ်းသာပီတိဖြစ်ရပါသည် ၊ တကယ်တော့ ထိုပရိတ်တော်များမှ မင်္ဂလသုတ်တော် မေတ္တာသုတ်တော်တို့ဟာ ရွတ်ဖတ်နေရမှာထက် ကျင့်ကြံရမှာတွေမဟုတ်ပါလား ၊ မေတ္တာသုတ်ကို အကြိမ် ၁၀၀ ရွတ်ပြီး မေတ္တာတွေ မပွားများတတ် မမျှဝေတတ်လို့ မိုးကုတ်ဆရာတော်ဘုရားကြီး၏ စကားနှင့်ပြောရလျှင် သောက်ဆေးကို လိမ်းဆေးလုပ် ၊ လိမ်းဆေးကို သောက်ဆေးလုပ်နေကြလို့ မိမိတို့ ပုထုစဥ်တွေ သံသရာ ဒုက္ခတွင်း မျောမြဲမျောလျှက် ကမ်းမကပ်နိုင်အောင် ဖြစ်နေကြရပါသည် ။

ပါမောက္ခချုပ်ဆရာတော်ဘုရားကြီးကလည်း ကွက်ကွက်ကွင်းကွင်း ဟောထားပါသေးသည် ၊ အမဲသားတွင် အရွတ်နှင့် အသား တန်ဖိုးချင်းကွာလို့ ရွတ်သာရွတ်နေသူ နားမလည်ကြသူများအဖို့ ရသင့်သောအကျိုးကို မရကြဟု ဆိုပါသည် ၊ ဂုဏ်တော်ပုတီးစိတ်ရာတွင်လည်း ဂုဏ်တော်ရဲ့ အနက်အဓိပ္ပါယ်ကို နှလုံးမသွင်းပဲ ဂျောက်ဂျက် ဂျောက်ဂျက် ပုတီးပတ် ၁၀ ၊ ၁၀၀ ၊ ၁၀၀၀ စိတ်နေတာ အရေအတွက်ကို ဦးစားမပေးသင့်ကြောင်း ဟောကြားထားပါသည် ၊ သို့သော် နားမလည်ပဲရွတ်နေရုံဖြင့် ကုသိုလ်မရဖူးလို့တော့ ဆရာတော်ကြီးကမပြောပါ ၊ နားမလည်ပဲရွတ်နေလျှင်လည်း ကုသိုလ်တော့ ရနေပါသေးသည် ၊ အရွတ်၏တန်ဖိုးနှင့် အသား၏တန်ဖိုး ကွာဟနေသလိုသာ ဖြစ်နေမှာဖြစ်ပါသည် ။

မိမိ၏အသိဉာဏ်လေးဖြင့် ထပ်ဆင့်ဥပမာပေးရလျှင် မူကြိုကလေးဘဝကတည်းက အမြဲလိုလိုရွတ်ဆိုနေကြသော Every morning , when I get up , I wash my face , I brush my teeth ဆိုသောကဗျာလေးကို မနက်တိုင်းရွတ်ဆိုမိသော်လည်း အင်္ဂလိပ်စကား နားမလည်လို့ မနက်မိုးလင်းတိုင်း မျက်နှာလည်း မသစ်မိ ၊ သွားလည်းမတိုက်မိရင်ဖြင့် ရွတ်ဆိုနေခြင်းသက်သက်က ဘယ်အကျိုးထူးပါတော့မည်နည်း ။

တရားဦးဓမ္မစကြာ၏ အနှစ်သာရ အစွန်း၂ဖက်မှာမရပ်ရန် ၊အလယ်အလတ်လမ်းစဥ် မဇျိမပဋိပဒါ ကိုသာကျင့်ကြံရန် ၊ မဂ္ဂင် ၈ပါး အကျင့်ဖြင့် သံသရာကို ကူးခတ်ရန် အတိအလင်းညွှန်ကြားထားသော်လည်း၊ သာယာနာပျော်ဖွယ်ကောင်းအောင် အသင်းအဖွဲ့များ နေရာဌာနအသီးသီးမှာ သံပြိုင် ဥပုသ်နေ့တိုင်း ရွတ်နေရုံသာရွတ်နေတာ နားမလည်လို့ အကျိုးများသင့်သလောက် မများနိုင်ကြတာပါ ။

ယခုတော့ထီပေါက်သလို ပရိတ်ကြီး ၁၁ သုတ်ကို တစ်ကြောင်းချင်းစီ အနက်အဓိပ္ပါယ်ဖြင့် ရင်ထဲနှလုံးသားထဲ နားလည်ကာ လိုက်နာကျင့်ကြံ ပွားများအားထုတ်ခြင်းဖြင့် ကုသိုလ်များတိုးပွားရန် ကြိုးစားပါမည် ၊ စာမျက်နှာ ၆၅ မျက်နှာဖြစ်လို့ ၊ ဆေးရုံမှာ မနက်မှ ညအထိ အလုပ်လည်းအလွန်များသူဖြစ်လို့ ၊ နေ့စဥ်အကုန် ရွတ်ရန် အခြေအနေမပေးလျှင် တစ်နေ့တာမှာ နိုင်သလောက် သုတ်တော်များလောက်သာ သေသေချာချာ ရိုရိုသေသေ စူးစူးစိုက်စိုက် ရွတ်ဖတ်ပူဇော်ပါမည် ။

မိုးတဖြောက်ဖြောက်နှင့် Z& T ဆေးရုံဝင်းအတွင်း စိမ်းလန်းစိုပြေ အေးချမ်းနေသော ညချမ်းချိန်ခါမှာ ဆေးပေါင်းခတဲ့ မယ်ဇလီဖူးသုတ်လေးစားကာ ပရိတ်တရားတော်အား ပူဇော်နေမူ့လေးကို ယနေ့ တန်ဆောင်မုန်းလပြည့်နေ့ကုသိုလ်အဖြစ်မျှဝေပေးလိုက်ရပါသည်ခင်များ 🙏🙏🙏🙏🙏🙏🙏🙏🙏🙏🙏🙏🙏🙏🙏

ကျေးဇူးတင်ထိုက်သူများကို ထုတ်ဖော်ပြောကြား ကျေးဇူးတင်ရတာ မင်္ဂလာ တစ်ပါးပါ 🙏🙏🙏သီတင်းကျွတ်အချိန်ခါသမယမ မန္တလေးမြို့ရှိ Z&...
01/11/2025

ကျေးဇူးတင်ထိုက်သူများကို ထုတ်ဖော်ပြောကြား ကျေးဇူးတင်ရတာ မင်္ဂလာ တစ်ပါးပါ 🙏🙏🙏

သီတင်းကျွတ်အချိန်ခါသမယမ မန္တလေးမြို့ရှိ Z& T အစာအိမ်အူလမ်းကြောင်း အထူးကုဆေးရုံမှာ တပည့်များက ကန်တော့ကြစဥ် ယခုလို ကျေးဇူးတင်စကား ပြောကြားပေးခဲ့ပါသည် ။

၁။ ဆေးရုံဝင်းအတွင်းသို့ ဝင်လိုက်သည်နှင့်ပင် သန့်ရှင်းသပ်ရပ်ခြင်း ၊ မြက်ခင်းစိမ်းများ သစ်ပင်ပန်းမာန်များ မျက်စိပဒါသ လှပနေခြင်း ၊ အမှိူက်များမရှိခြင်းတို့အတွက် မနက်စောစောစီးစီး ခြံဝင်းအတွင်း သန့်ရှင်းရေးလုပ်ပေးထားသော security ညီငယ်များအား ကျေးဇူးတင်ရပါသည် ။

၂ ။ ဆေးခန်းအတွင်းရောက်သည်နှင့်ပင် OPD လူနာများ၏နားနေခန်းများ ၊ ဆေးရုံတက်လူနာအခန်းများ ၊ မှန်ပြောင်းကြည့်လူနာအခန်းများ၊ အိမ်သာများကို ဆေးခန်းအနံ့အသက်ပင်မရှိရစေပဲ အမွှေးရည်များ ဆပ်ပြာရည်များ ပိုးသတ်ဆေးရည်များဖြင့် သန့်ရှင်းစင်ကြယ်စွာ ကြမ်းတိုက်ထားခြင်း သန့်ရှင်းပေးထားသော သန့်ရှင်းရေးညီမငယ်တို့အားလည်း ကျေးဇူးတင်ရပါသည် ။

၃ ။ ဝေဒနာခံစားနေရသော လူနာများအား ကြည်သာရွှင်ပြစွာ ကြိုဆိုပေးသော ဧည့်ကြိုညီမငယ်များ Receptionist များကိုလည်း ကျေးဇူးတင်ရပါသည် ။

၄ ။ ရောက်ရှိလာသော လူနာအသစ်များအား အစာအိမ်ရောဂါနှင့် ဆက်စပ်သော မေးခွန်း ၂၀ အားပြည့်စုံစွာမေးပေးသော ၊ History taking အပြည့်အစုံ ယူပေးသော ၊ သွေးပေါင်ချိန်တိုင်း နှလုံးခုန်နူန်း အောက်စီဂျင်ဝင်နူန်း အဖျားရှိ/မရှိ vital signs များယူပေးသော သူနာပြုများအားလည်း ကျေးဇူးတင်ပါသည် ။

၅ ။ ရောဂါရှာဖွေရာတွင် အထောက်အကူဖြစ်စေသော Ultrasound ဆရာဝန်များကိုလည်း ကျေးဇူးတင်ပါသည် ။

၆ ။ အချိန်နည်း တပြေးညီ ရောဂါကုသရာတွင် အထောက်အပံ့ကောင်းဖြစ်သော လိုအပ်သည့် သွေးအဖြေများကို စစ်ဆေးပေးပါသော Lab technician ကိုလည်း ကျေးဇူးတင်ပါသည် ။

၇ ။ ကျွန်တော်မှ လူနာအား ရောဂါဖြစ်စဥ်ကို အသေးစိတ်ပြန်လည်မေးမြန်းခြင်း၊ စမ်းသပ်ခြင်း ၊ ကလေးများကို စာသင်သလိုကိုရှင်းပြခြင်းတို့ပြုလုပ်ရာတွင် လူနာဘေး ဖေးကူပေးသော သူနာပြုများကိုလည်း ကျေးဇူးတင်ပါသည် ။

၈ ။ မှန်ပြောင်းကြည့်ရန် လိုအပ်သောလူနာများအား အသေးစိပ်ထပ်မံပြင်ဆင်ခြင်း၊ ရှင်းပြခြင်း၊ အူမကြီးမှန်ပြောင်းကြည့်ရလျှင် ဝမ်းချူရခြင်းတို့ကို ပြုလုပ်ပေးပါသော သူနာပြုများကိုလည်း ကျေးဇူးတင်ပါသည် ။

၉ ။ လူတိုင်းကြောက်ကြသော မှန်ပြောင်းကြည့်ရခြင်းကို မနာမကျင် မျိုချရပင်မလို စင်္ကာပူ ဘန်ကောက်မှာကြည့်ရသလို ၊ သိပင်မသိလိုက်ရ ငြင်သာစွာ အိပ်ပျော်သွားရန် အိပ်ဆေးပေးသော မေ့ဆေးဆရာဝန်များအားလည်း ကျေးဇူးတင်ပါသည် ။

၁၀ ။ အစာအိမ် အူလမ်းကြောင်း မှန်ပြောင်းအား အထိအခိုက်မရှိ စိတ်အေးချမ်းသာစွာ ကြည့်ခွင့်ရစေရန် ကူညီပေးကြသော မှန်ပြောင်းကြည့်အဖွဲ့ Endoscopic team အားလည်း ကျေးဇူးတင်ပါသည် ။

၁၁ ။ ကြည်လင်ပြတ်သားသော မှန်ပြောင်းကြည့်ပြီး ဓါတ်ပုံများကိုလည်း တစ်ပုံချင်းစီ၏အောက်တွင် ပိုမိုသိရှိနားလည်ရန် မြန်မာလိုရေးသားရိုက်နှိပ်ပေးသော ၊ ရေရှည်ခံစေရန် ပလတ်စတစ်ပါလောင်းပေးသော အဖွဲ့အားလည်း ​ကျေးဇူးတင်ပါသည် ။

၁၂ ။ မှန်ပြောင်းကြည့်ပြီးလူနာများ သက်ဆိုင်ရာရောဂါအလိုက် နာရီဝက်မှ ၁နာရီခန့် ဆေးသွင်းကုသပေးပါသော Endoscopy room မှသူနာပြုအဖွဲ့ကိုလည်း ကျေးဇူးတင်ပါသည် ။

၁၃ ။ မှန်ပြောင်းကြည့်ပြီး တိကျမှန်ကန်သော ၊ ဆေးကုသရာတွင် များစွာ အထောက်အကူဖြစ်စေသော ၊ အသားစအဖြေ စစ်ဆေးပေးပါသော Pathologist ရောဂါဗေဒ ဆရာဝန်ကြီးများနှင့် အင်ကြင်းဖြူ Lab တို့ကိုလည်း ကျေးဇူးတင်ပါသည် ။

၁၄ ။ ရောဂါရှာဖွေပြီး လိုအပ်သော ဆောင်ရန်ရှောင်ရန်များ ၊ နေမူ့ထိုင်မူ့များ ၊ Life styleများကို နူတ်ဖြင့်ဖြစ်စေ ၊ လက်ကမ်းစာစောင်များ pamphlets များမှဖြစ်စေ ၊ ၁ လစာအစားအသောက် အနေအထိုင်တို့ကို အသေးစိတ် ရက်စွဲများဖြင့် ရှင်းလင်းပြောကြားပေးပါသော သူနာပြုအဖွဲ့အားလည်း ကျေးဇူးတင်ပါသည် ။

၁၅ ။ ရောဂါပြင်းထန်သော ၊ လိုအပ်သော လူနာများ ဆေးရုံတက်ရာ ဆေးသွင်းရာ သွေးသွင်းရာ လူနာများအတွက် အခင်းကြီးငယ် ဆီးရောဝမ်းပါမကျန် ပြုစုကုသပေးပါသော Ward ထဲမှ သူနာပြုများအားလည်း ကျေးဇူးတင်ပါသည် ။

၁၆ ။ OPD လူနာအဖြစ်၄င်း ၊ မှန်ပြောင်းကြည့်ပြီးလူနာများအား၄င်း ၊ ဆေးရုံဆင်းလူနာများအား သူ့ရက်စွဲနှင့်သူ၊ သူ့အချိန်နှင့်သူ သောက်ရန် ဆေးဝါးများကို ပြည့်ပြည့်စုံစုံ ရှင်းလင်းပြောပြပေးပါသော ဆေးကောင်တာ pharmacist အဖွဲ့အားလည်း ကျေးဇူးတင်ပါသည် ။

၁၇ ။ အဟာရဒါနအဖြစ် ဆေးရုံတက်လူနာများအား တစ်နေ့ ၅ကြိမ်၊ ဆေးသွင်းကုသလူနာများအား တစ်နေ့ ၃ကြိမ် ၊ မှန်ပြောင်းကြည့်အပြီးလူနာများ စားရန်အတွက်၄င်း ၊ ဝန်ထမ်း အယောက် ၄၀ အတွက် တစ်နေ့ ၄ကြိမ် ၊ ပင်ပန်းကြ၍ တစ်ပါတ်လျှင် ၂ကြိမ် special Lunch ချက်ပြုတ်ပေးပါသော ၊ အချို့နေ့များတွင် ချက်ကြီးတို့အဖွဲ့ လူနာများလွန်းလျှင် ထိုင်၍ပင် မနားလိုက်ရသော Masterchef အဖွဲ့အားလည်း ကျေးဇူးတင်ပါသည် ။

၁၈ ။ နယ်မှလူနာများ ၊ ကိုယ်ပိုင်ကားမရှိကြသော လူနာများအတွက် စေတနာဖြင့် ပို့ဆောင်ရေးလုပ်ပေးကြပါသော မီနီအိုးဝေ တုတ်တုတ်အဖွဲ့သားများကိုလည်း ကျေးဇူးတင်ပါသည် ။

၁၉ ။ ဆေးရုံတစ်ခုလုံး မီးလုံး မီးချောင်းများကျွမ်းခြင်း၊ မီးလိုင်းပြတ်တောင်ခြင်း ၊ ရေစက်ပျက်ခြင်း ရေအခက်အခဲဖြစ်ခြင်း ၊ မီးစက်ဆီ မီးစက်ပိုင်းဆိုင်ရာ အခက်အခဲများ ၊ အဲကွန်းများ servicing ဝင်ပေးခြင်း ၊ အင်ဗာတာစက်များ လိုအပ်သလို ပြင်ဆင်ပေးပါသော အဖွဲ့သားများကိုလည်း ကျေးဇူးတင်ပါသည် ။

၂၀ ။ လူနာများအတွက် လိုအပ်သော ဆေးဝါးများကို လိုသည့်အချိန်ရရှိစေရန် ကူညီပေးပါသော Z& T နှင့် လက်တွဲလုပ်ကိုင်နေသော ဆေးကုမ္မဏီ ၂၅ ခုကိုလည်း ကျေးဇူးတင်ပါသည် ။

၂၁ ။ နောက်ဆုံးမှ ဖော်ပြရသော်လည်း မန္တလေးမြို့ရှိ Z& T အစာအိမ် အူလမ်းကြောင်း အထူးကုဆေးရုံ၏ ထမင်းရှင် ကျေးဇူးရှင်များဖြစ်ကြသော လူနာများအား မေ့ထား၍မရပါ ၊ မိမိတို့က သူတို့ရောဂါများကို ကိုယ်ချင်းစာတရား အပြည့်ထားကာ ကုသပေးလို့ သူတို့ကကျေးဇူးတင်သလို ၊ မိမိတို့လည်း သူတို့လာပြကြ စိတ်ချမ်းသာလို့ စိတ်ကျေနပ်လို့ တဆင့်စကားတဆင့်ကြားဖြင့် အနယ်နယ်အရပ်ရပ်မှ လာရောက်ကုသကြလို့ ကုသိုလ်လည်းရ ဝမ်းလည်းဝ မိမိတို့ဘဝတွေလည်း ကောင်းစွာရပ်တည်ခွင့်ရကြလို့ မိမိတို့၏ မိသားစုများကိုလည်း ပြန်လည်ထောက်ပံ့ ကြည့်ရူ့ပေးနိုင်လို့ ၊ ထိုထမင်းရှင် လူနာများကို ချန်ထားလို့မရ အထူးအထူးပင် ကျေးဇူးတင်ရှိရပါသည် ။

လူနာများက မန္တလေးမြို့ Z& T အစာအိမ်အူလမ်းကြောင်းအထူးကုဆေးရုံမှာ ဆရာဝန်ကြီး ဒေါက်တာ မိုးမြတ်အောင် နှင့်သွားပြကြတာ စိတ်ချမ်းသာရ ရောဂါပျောင်ကင်းကြလို့ ပြောကြရာ တကယ်တော့ မိမိ၏ ကျေးဇူးမှာ ၂၅ % သာရှိပါသည် ၊ အထက်ဖော်ပြပါ ကျေးဇူးတင်ထိုက်သူများ၏ ၇၅ % ကြောင့်သာ Z& T အစာအိမ် အူလမ်းကြောင်း အထူးကုဆေးရုံ အချိန်တိုအတွင်း အောင်မြင်လာရခြင်းဖြစ်ကြောင်း ရိုးသားစွာ ဝန်ခံရင်း ကျေးဇူးတရားများကို မှတ်ကျောက်တင် ဂုဏ်ပြုလိုက်ရပါသည် ။ 🙏🙏🙏

သီတင်းကျွတ်လပြည့်နေ့၏ မင်္ဂလာရှိလှသော ပါမောက္ခချုပ်ဆရာတော်ဘုရား၏ တရားတော် 7.10.2025သီတင်းကျွတ်လပြည့်နေ့တွင် ပါမောက္ခချုပ...
08/10/2025

သီတင်းကျွတ်လပြည့်နေ့၏ မင်္ဂလာရှိလှသော
ပါမောက္ခချုပ်ဆရာတော်ဘုရား၏ တရားတော် 7.10.2025

သီတင်းကျွတ်လပြည့်နေ့တွင် ပါမောက္ခချုပ်ဆရာတော်ဘုရားထံ သွားရောက်ကြည်ညိုဖူးမျှော်ကန်တော့ခဲ့ပါသည် ၊ ဆရာတော်ဘုရားကြီးကျောင်းမှ ရဟန်းရှင်လူများ အစာအိမ်ရောဂါဝေဒနာဖြစ်ခဲ့လျှင် သောက်နိုင်ရန် အစာအိမ်အူလမ်းကြောင်းဆိုင်ရာ ဆေးများ လှူဒါန်းခဲ့ပါသည် ၊ ဆရာတော်ဘုရားမှ သီတင်းကျွတ်ချိန်ခါ ကန်တော့ရခြင်း၏ ရည်ရွယ်ချက်များ ၊ အကျိုးကျေးဇူးများ ၊ သူတော်ကောင်းဟု သတ်မှတ်ရာတွင် ပြည့်စုံရမည့် အချက် ၇ ချက်၊ အကုသိုလ်တရားများအား တားဆီးရန် ဂိတ်တံခါး ၅ခုတို့ကို နေကောင်းပြီးကာစ ချောင်းများဆိုးနေသည့်ကြား ဆရာတော်ဘုရား၏ အဓိက အမာခံ လူရင်း အနီးကပ် ဝေယျာဝစ္စ အဖွဲ့များကို မေတ္တာရှေ့ထား ဟောကြားပေးရာ မိမိကလည်း ရောက်ရှိနေခိုက် ရေကန်အသင့် ကြာအသင့် ကောင်းမွန်စွာ နာယူခဲ့ရပါသည် ၊ အစားကောင်းများစားရလျှင် ချစ်ရခင်ရသူများကိုပါ မျှဝေပေးချင်သော စေတနာကိုအရင်းခံကာ တရားတော်ကို မိမိကိုယ်တိုင် ပြန်လည်ကူးယူပြီး မျှဝေပေးလိုက်ရပါသည် ၊ ဓမ္မမိတ်ဆွေများလည်း အကျိုးရှိသည်ဟု နာယူပြီးခံစားမိလျှင် ထပ်ဆင့်မျှဝေပေးကြပါရန် တိုက်တွန်းနိူးဆော်လိုက်ရပါသည် ။ 🙏🙏🙏

ဘယ်သူပဲဖြစ်ဖြစ် စိတ်ကပြစ်မှားမိတာ ၊ နူတ်ကပြစ်မှားမိတာ ၊ ကိုယ်ထိလက်ရောက် ပြစ်မှားမိတဲ့ အမူ့ကိစ္စများအတွက် တောင်းပန်ဝန်ချခြင်းဆိုတာ ဗုဒ္ဓဘာသာတွေအတွက် အစဥ်အလာကြီးတစ်ခုဖြစ်တယ် ၊ ယခုလို အခါကြီးရက်ကြီး ကန်တော့ကြတယ် ၊ သက်ကြီးဝါကြီး ပုဂ္ဂိုလ်တွေကို ကန်တော့ကြတယ် ၊ မိဘဘိုးဘွားတွေကို ကန်တော့ကြတယ် ဆိုတာ သူတော်ကောင်းတွေ သတ်မှတ်ထားတဲ့ ရှေးရိုးစဥ်လာ တစ်ခုဖြစ်တယ် ။

ခရစ်ယာန်တွေက တနင်္ဂနွေ ဘုရားကျောင်းသွားတယ် ၊ မူဆလင်တွေက သောကြာနေ့ ဗလီတက်တယ် ၊ ဟိန္နူတွေကလည်း သတ်မှတ်ထားတဲ့ရက်တွေမှာ ဘုရားကျောင်း သွားကြတယ် ၊ ဗုဒ္ဓဘာသာတွေက ဘယ်နေ့လည်း ၊ ဗုဒ္ဓဘာသာမှာ တစ်လမှာ ၄ရက်ရှိတယ် ၊ လဆန်း ၈ရက် ၊ လပြည့်နေ့ ၊ လဆုတ် ၈ရက် ၊ လကွယ်နေ့တွေပါ ၊ ခုခေတ်တော့ ဥပုသ်ကို မသိကြတော့ပါ ၊ ဘာပဲဖြစ်ဖြစ် သိနေဖို့တော့လိုသည် ၊ လုပ်တာမလုပ်တာက တကဏ္ဏပါ ၊သိကိုမသိတာကတော့ဆိုးသည် ၊ ရှေးခေတ်ကဆို ဥပုသ်မတိုင်ခင် ၄ရက်နေ့နှင့် ဥပုသ်ပေါင်းပြီး ၄ရက် စုစုပေါင်း ၈ရက်ရှိခဲ့သည် ၊ ကာလကြာလာတော့ ၈ရက်မှ ၄ရက် ယခုတော့ လပြည့်နေ့ ၁ရက်သာကျန်တော့သည် ။

ခရစ်ယာန်တွေမှာ ကိုယ့်အပြစ်ကို ကျူးလွန်ထားတာကို Confession လုပ်လိုက်ရင် ပျောက်သွားတယ်ဆိုတာရှိတယ် ၊ ဗုဒ္ဓဘာသာမှာရော ရှိလား ? ပျောက်သွားမယ်လို့တော့ ဗုဒ္ဓကမပြောဖူး ၊ ဗုဒ္ဓဘာသာမှာ ကန်တော့သောနည်းနဲ့ အကုသိုလ်ကို လျှော့ချမယ် ၊ ဟိန္နူမှာကတော့ ဂင်္ဂါမြစ်ထဲ ရေချိုးလိုက်ရင် တစ်နှစ်လောက်လုပ်ထားတဲ့ အကုသိုလ်တွေ ပျောက်သွားတယ်လို့ပြောတယ် ၊ ရေနဲ့ဆေးလိုက်တယ် ၊ ဘုရားလက်ထက်ကတည်းကကိုရှိတယ် ။

ဗုဒ္ဓဘာသာကတော့ ကန်တော့တယ် ၊ ဝန်ချတယ် ၊ ကန်တော့တာ ၃ချက်ပြောပြတယ် --

၁ ။ ကိုယ့်အမှားကို မှားတယ်လို့သိ
၂ ။ မှားတာကို တောင်းပန်ဝန်ချ
၃ ။ နောက်ထပ်မဖြစ်အောင် သတိထားပေး

ထို ၃မျိုးလုပ်လိုက်တော့ အကုသိုလ်က လွတ်သွားလား ?
အဲ့လိုပြောတာ မဟုတ်ပါ ၊ ရှေ့ဆက်ပြီးတော့ အကုသိုလ်မတိုးတော့တာ ၊ ကင်ဆာရောဂါ မတိုးအောင် ကျုံ့လိုက်သလို ဆေးဝါးနှင့်ထိန်းချုပ်တဲ့သဘောပါ ၊ ဘုရားဟောကြားထားတာက ---

ကိုယ့်အပြစ်ကိုယ်သိ
ဝန်ချတောင်းပန်
နောင်မဖြစ်အောင် ထိန်းသိမ်းရန်ပါ

ကိုယ့်အပြစ်ကိုယ်သိသွားရင် ထပ်ပြီးမလုပ်တော့ဖူး ၊ ဒါထိန်းချုပ်ခြင်းတစ်မျိုးပါ ၊ အပြစ်ကို ကုစားတယ်ဆိုတာ ဝန်ချတောင်းပန်ပြီး နောက်မလုပ်တော့တာပါ ။

အကုသိုလ်ဆိုတာ ၂မျိုးရှိတယ် ၊ လုပ်ခြင်းကြောင့်ဖြစ်တဲ့ အကုသိုလ်နှင့် ပြန်တွေးပြီး စိတ်ပူပန်နေသော အကုသိုလ်တစ်ခုပါ ၊ ကိုယ်က တစ်ဦးဦးအပေါ် ပြစ်မှားမိလျှင် ပြစ်မှားလိုက်တုန်းကတော့ စိတ်ဆိုးမာန်ဆိုး ၊ စိတ်လိုက်မာန်ပါလုပ်မိတယ် ၊ မှားမှန်းသိလာတဲ့အခါမှာ စိတ်မကောင်းဖြစ်နေတယ် ၊ လုပ်တုန်းကဖြစ်နေသော အကုသိုလ်ကတစ်ခု ၊ စိတ်မကောင်းဖြစ်နေသော အကုသိုလ်ကတစ်ခု ၊ ပေါင်း ၂ခုရှိတယ် ၊ အဲ့ဒီ ၂ခုမှာ စိတ်မကောင်းဖြစ်နေသော အကုသိုလ်ကို ပျောက်ရန် ကန်တော့တာ ၊ လုပ်တုန်းက အကုသိုလ်ကို ပျောက်ရန် ကန်တော့တာ မဟုတ်ဖူး ၊ လုပ်တုန်းက ဖြစ်ပြီးသားကို ပြင်လို့မရပါ ၊ မနေ့ကဟာကို ဒီနေ့ပြန်ယူလို့မှ မရတာ ၊ မနေ့ကပြီးသွားပြီ ၊ ဗုဒ္ဓဘာသာတွေ သဘောပေါက်ရန်လိုသည် ။

ဗုဒ္ဓဘာသာက အသိပညာအဓိကကျသည် ၊ ယုံကြည်မူ့ သက်သက်မဟုတ်ပါ ၊ ပညာနှင့်သိအောင် ကြိုးစားရမည် ၊ လုပ်လို့ဖြစ်တဲ့ အကုသိုလ်ကို စိတ္တဇဖြစ်ပြီး ထပ်ရတဲ့ အကုသိုလ်ကို ပျောက်ရန် ကန်တော့တာ ၊ ကိုယ့်စိတ်ထဲကျေနပ်သွားတယ် ၊ ငါဝန်ချတောင်းပန်လိုက်ရပြီ ၊ စိတ်မှာကြည်နူးသွားရသည် ၊ စိတ်မကောင်းဖြစ်တာ ကျေအေးသွားပြီ ၊ ဗုဒ္ဓဘာသာအကြောင်းအရာတွေကို စာပေလည်းဖတ်ရူ့ ၊ တရားလည်းနာ ၊ မှတ်လည်းမှတ်သား ၊ လိုက်လည်းလိုက်နာ ၊ မသိတာတွေ သိလာရမယ် ၊ မသိတဲ့ဘောင်ကြီး ကျယ်နေရာကနေ သိတဲ့ဘောင်ကျဥ်းနေတာကို ပိုကျယ်လာရန် သုတဓမ္မ စာမေးပွဲကိုလုပ်ပေးနေတာ ၊ ကြားနာအပ်တဲ့ဓမ္မတရား ၊ မြတ်စွာဘုရားဟောကြားတဲ့တရားတွေကို ပိုပိုပြီးသိလာရန် ၊ ပိုပြီးကြိုးစားဖို့ ၊ မသိခင်ကထက် သိလာတဲ့အခါ အကုသိုလ်များနည်းသွားရန် ကြိုးစားကြပါ ။

ဗုဒ္ဓဘာသာဝင်တို့ရဲ့ သူတော်ကောင်းတို့၏ အရည်အချင်း ၇ခုရှိပါသည် ၊ ကိုယ့်ကိုကိုယ် သူတော်ကောင်းလို့ ပြောရဲရအောင် ဤအချက်များ ရှိရပါမည် ၊

၁ ။ သဒ္ဓါ = ကံ ကံ၏အကျိုးကို ယုံကြည်တာ

၂ ။ ဟီရိ = မဟုတ်တာလုပ်ရမှာကို ရွံမုန်းတာ

၃ ။ သြတ္တပ္ပ = မဟုတ်တာ လုပ်ရမှာကို ကြောက်တာ

၄ ။ ဗဟုသုတ = မြတ်စွာဘုရား၏ အဆုံးအမတွေကို များများသိရန်
ကြိုးစားရမည် ၊

၅ ။ ဝီရိယ = သိတာထက်ကို စဥ်းစားရမည် ၊ လိုက်နာရမည် ၊
မကောင်းတာတွေရှောင်ပြီး ကောင်းတာတွေဖြစ်လာရန်
ပိုကြိုးစားရမည် ၊

၆ ။ သတိ = အသိသတိ ရှိရမည် ၊မှန်တာကို လုပ်ရဲရမယ် ၊

၇ ။ ပညာ = အကြောင်းအကျိုး အကောင်းအဆိုးကို ခွဲခြားနိုင်သော
အားလုံးဟာ တကယ်တော့ ခဏပဲဆိုတာ ဖြစ်ခြင်း
ပျက်ခြင်း သဘောတရားကြီးကို သိအောင်ကြိုးစား
ရမယ် ၊

အဲ့ဒီသူတော်ကောင်းတရားရှိမှ သူတော်ကောင်းလို့မြည်တာ ၊ သူတော်ကောင်းတရား ၇ပါးက ဝိဇ္ဇာစရဏ သမ္မတော မှာပါတယ် ၊ ဒါမှ ဗုဒ္ဓဘာသာ သူတော်ကောင်းတစ်ယောက်ဖြစ်သွားပါမည် ၊ ကိုယ်နှင့် ကိုယ့်ပါတ်ဝန်းကျင် ၊ ကိုယ့်သားသမီး မိဘ ၊ ကိုယ့်ဆွေမျိုး ၊ ကိုယ့်မိတ်တွေ သူတို့လည်း ဒီအရည်အချင်းတွေရရန် ပြောပေးလို့ရှိရင်ဗုဒ္ဓဘာသာတွေရဲ့ သူတော်ကောင်းလို့ သတ်မှတ်နိုင်ပါသည် ။

ခုခေတ် မဏိဇောတတို့ ၊ သီဟသုဓမ္မ ၊ သီရိသုဓမ္မတို့ ဘုန်းကြီးတွေပြောသော အဘိဓဇ္ဇတို့ အဂ္ဂမဟာပဏိတတို့ မဟုတ်ဖူး၊ ဒီအရည်အချင်းတွေရှိမှ သူတော်ကောင်းဖြစ်တာ ၊ ဘုန်းကြီးလည်းလူပဲ ၊ ဘုန်းကြီးတွေလည်း ဒီအရည်အချင်းရှိမှ သူတော်ကောင်းလို့ခေါ်တာ ၊ ဒါမရှိရင် သူတော်ကောင်းမဟုတ်ဖူး ၊ အဓိကက ပုဂ္ဂိုလ်ဆိုတာ cover ပဲ ၊ အခွံကြီးပဲ ၊ အဓိကက အနှစ်က အရေးကြီးတယ် ၊ cover ကြီးက အဝတ်အစားအမျိုးမျိုးဝတ်ပြီး changes လုပ်လို့ရတယ် ၊ ကိုယ့်ကိုကိုယ် coverကို အဓိကမထားနဲ့ ၊ အတွင်းအနှစ်သာရကို အဓိကထားပါ ၊ အဲ့ဒါဓမ္မ အရေးကြီးတယ် ။

လူတွေအကုသိုလ်မဖြစ်အောင် ၊ ဘယ်အကုသိုလ်မှမဝင်အောင် တားနိုင်တဲ့ စွမ်းရည် ၅မျိုးရှိပါသည် ၊ ခုခေတ်လိုဆို လုံခြုံရေးဂိတ် ၅ခုမရှိလျှင် အကုသိုလ်တွေ ပွင့်လာမည်

၁ ။ ယုံကြည်မူ့ ပျက်ပြားသွားလျှင် အကုသိုလ်များဖြစ်လာမည် ၊

၂ ။ ဟီရိ မကောင်းမူ့လုပ်တာကို ရှက်ရမည် ၊

၃ ။ သြတ္တပ္ပ မကောင်းမူ့လုပ်တာကို ကြောက်ရမည် ၊

၄ ။ ဝီရိယ ကိုယ့်သန္တန်မှာ အကုသိုလ်မဖြစ်ရန် ကြိုးစားရမည် ၊

၅ ။ ပညာ အကျိုးအကြောင်း အဆိုးအကောင်းကို သိနေရန်လိုသည် ၊

အဲ့တာကို သတိထားပြီးတော့ လိုက်နာကျင့်သုံးမည်ဆိုလျှင် ကိုယ့်ဘဝအတွက် စိတ်ချရမည် ၊ ဒီတရားတွေကို ကိုယ့်သန္တန်မှာ မပျောက်အောင် ကျင့်ကြံကျိုးကုတ် ပွားများအားထုတ်နိုင်ပါစေသတည်း

🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏

ဒေါက်တာမိုးမြတ်အောင်
အစာအိမ်အူလမ်းကြောင်း ခွဲစိတ်အထူးကုဆရာဝန်ကြီး
Z & T အစာအိမ် အူလမ်းကြောင်းအထူးကုဆေးရုံ
မန္တလေးမြို့

ဆရာတော်ဘုရား၏ အလွန်အဖိုးတန်လှသော ဤ တရားတော်ကို အများသူငါ တရားချစ်ခင်သူတော်စဥ်အပေါင်းတို့ နာယူနိုင်ကြစေရန် မေတ္တာစေတနာရှေ့ထား၍ ကိုယ်တိုင် အသံမှတဆင့် စာဖတ်နိုင်ကြစေရန် Mother trading and construction မှ ကိုအောင်ကျော်စိုး ( ကိုစိုးစိုး ) မှ ကျွန်တော်၏ ဖုန်းဖြင့် ရိုက်ပေးထားသော video လေးအား ပြန်လည်ကူးယူမျှဝေပေးလိုက်ရပါသည် ၊ မိမိတို့ နာယူမိပြီး အကျိုးရှိသည်ဟု ယူဆလျှင် အများသူငါများလည်း ပိုပိုပြီးသိလေ ပိုပိုပြီးအကျိုးရှိလာကြစေဖို့ ထပ်ဆင့်မျှဝေပေးကြပါရန် ပန်ကြားအပ်ပါသည် ။ 🙏🙏🙏🙏🙏

08/10/2025

သီတင်းကျွတ်လပြည့်နေ့၏ မင်္ဂလာရှိလှသော
ပါမောက္ခချုပ်ဆရာတော်ဘုရား၏ တရားတော် 7.10.2025

သီတင်းကျွတ်လပြည့်နေ့တွင် ပါမောက္ခချုပ်ဆရာတော်ဘုရားထံ သွားရောက်ကြည်ညိုဖူးမျှော်ကန်တော့ခဲ့ပါသည် ၊ ဆရာတော်ဘုရားကြီးကျောင်းမှ ရဟန်းရှင်လူများ အစာအိမ်ရောဂါဝေဒနာဖြစ်ခဲ့လျှင် သောက်နိုင်ရန် အစာအိမ်အူလမ်းကြောင်းဆိုင်ရာ ဆေးများ လှူဒါန်းခဲ့ပါသည် ၊ ဆရာတော်ဘုရားမှ သီတင်းကျွတ်ချိန်ခါ ကန်တော့ရခြင်း၏ ရည်ရွယ်ချက်များ ၊ အကျိုးကျေးဇူးများ ၊ သူတော်ကောင်းဟု သတ်မှတ်ရာတွင် ပြည့်စုံရမည့် အချက် ၇ ချက်၊ အကုသိုလ်တရားများအား တားဆီးရန် ဂိတ်တံခါး ၅ခုတို့ကို နေကောင်းပြီးကာစ ချောင်းများဆိုးနေသည့်ကြား ဆရာတော်ဘုရား၏ အဓိက အမာခံ လူရင်း အနီးကပ် ဝေယျာဝစ္စ အဖွဲ့များကို မေတ္တာရှေ့ထား ဟောကြားပေးရာ မိမိကလည်း ရောက်ရှိနေခိုက် ရေကန်အသင့် ကြာအသင့် ကောင်းမွန်စွာ နာယူခဲ့ရပါသည် ၊ အစားကောင်းများစားရလျှင် ချစ်ရခင်ရသူများကိုပါ မျှဝေပေးချင်သော စေတနာကိုအရင်းခံကာ တရားတော်ကို မိမိကိုယ်တိုင် ပြန်လည်ကူးယူပြီး မျှဝေပေးလိုက်ရပါသည် ၊ ဓမ္မမိတ်ဆွေများလည်း အကျိုးရှိသည်ဟု နာယူပြီးခံစားမိလျှင် ထပ်ဆင့်မျှဝေပေးကြပါရန် တိုက်တွန်းနိူးဆော်လိုက်ရပါသည် ။ 🙏🙏🙏

ဘယ်သူပဲဖြစ်ဖြစ် စိတ်ကပြစ်မှားမိတာ ၊ နူတ်ကပြစ်မှားမိတာ ၊ ကိုယ်ထိလက်ရောက် ပြစ်မှားမိတဲ့ အမူ့ကိစ္စများအတွက် တောင်းပန်ဝန်ချခြင်းဆိုတာ ဗုဒ္ဓဘာသာတွေအတွက် အစဥ်အလာကြီးတစ်ခုဖြစ်တယ် ၊ ယခုလို အခါကြီးရက်ကြီး ကန်တော့ကြတယ် ၊ သက်ကြီးဝါကြီး ပုဂ္ဂိုလ်တွေကို ကန်တော့ကြတယ် ၊ မိဘဘိုးဘွားတွေကို ကန်တော့ကြတယ် ဆိုတာ သူတော်ကောင်းတွေ သတ်မှတ်ထားတဲ့ ရှေးရိုးစဥ်လာ တစ်ခုဖြစ်တယ် ။

ခရစ်ယာန်တွေက တနင်္ဂနွေ ဘုရားကျောင်းသွားတယ် ၊ မူဆလင်တွေက သောကြာနေ့ ဗလီတက်တယ် ၊ ဟိန္နူတွေကလည်း သတ်မှတ်ထားတဲ့ရက်တွေမှာ ဘုရားကျောင်း သွားကြတယ် ၊ ဗုဒ္ဓဘာသာတွေက ဘယ်နေ့လည်း ၊ ဗုဒ္ဓဘာသာမှာ တစ်လမှာ ၄ရက်ရှိတယ် ၊ လဆန်း ၈ရက် ၊ လပြည့်နေ့ ၊ လဆုတ် ၈ရက် ၊ လကွယ်နေ့တွေပါ ၊ ခုခေတ်တော့ ဥပုသ်ကို မသိကြတော့ပါ ၊ ဘာပဲဖြစ်ဖြစ် သိနေဖို့တော့လိုသည် ၊ လုပ်တာမလုပ်တာက တကဏ္ဏပါ ၊သိကိုမသိတာကတော့ဆိုးသည် ၊ ရှေးခေတ်ကဆို ဥပုသ်မတိုင်ခင် ၄ရက်နေ့နှင့် ဥပုသ်ပေါင်းပြီး ၄ရက် စုစုပေါင်း ၈ရက်ရှိခဲ့သည် ၊ ကာလကြာလာတော့ ၈ရက်မှ ၄ရက် ယခုတော့ လပြည့်နေ့ ၁ရက်သာကျန်တော့သည် ။

ခရစ်ယာန်တွေမှာ ကိုယ့်အပြစ်ကို ကျူးလွန်ထားတာကို Confession လုပ်လိုက်ရင် ပျောက်သွားတယ်ဆိုတာရှိတယ် ၊ ဗုဒ္ဓဘာသာမှာရော ရှိလား ? ပျောက်သွားမယ်လို့တော့ ဗုဒ္ဓကမပြောဖူး ၊ ဗုဒ္ဓဘာသာမှာ ကန်တော့သောနည်းနဲ့ အကုသိုလ်ကို လျှော့ချမယ် ၊ ဟိန္နူမှာကတော့ ဂင်္ဂါမြစ်ထဲ ရေချိုးလိုက်ရင် တစ်နှစ်လောက်လုပ်ထားတဲ့ အကုသိုလ်တွေ ပျောက်သွားတယ်လို့ပြောတယ် ၊ ရေနဲ့ဆေးလိုက်တယ် ၊ ဘုရားလက်ထက်ကတည်းကကိုရှိတယ် ။

ဗုဒ္ဓဘာသာကတော့ ကန်တော့တယ် ၊ ဝန်ချတယ် ၊ ကန်တော့တာ ၃ချက်ပြောပြတယ် --

၁ ။ ကိုယ့်အမှားကို မှားတယ်လို့သိ
၂ ။ မှားတာကို တောင်းပန်ဝန်ချ
၃ ။ နောက်ထပ်မဖြစ်အောင် သတိထားပေး

ထို ၃မျိုးလုပ်လိုက်တော့ အကုသိုလ်က လွတ်သွားလား ?
အဲ့လိုပြောတာ မဟုတ်ပါ ၊ ရှေ့ဆက်ပြီးတော့ အကုသိုလ်မတိုးတော့တာ ၊ ကင်ဆာရောဂါ မတိုးအောင် ကျုံ့လိုက်သလို ဆေးဝါးနှင့်ထိန်းချုပ်တဲ့သဘောပါ ၊ ဘုရားဟောကြားထားတာက ---

ကိုယ့်အပြစ်ကိုယ်သိ
ဝန်ချတောင်းပန်
နောင်မဖြစ်အောင် ထိန်းသိမ်းရန်ပါ

ကိုယ့်အပြစ်ကိုယ်သိသွားရင် ထပ်ပြီးမလုပ်တော့ဖူး ၊ ဒါထိန်းချုပ်ခြင်းတစ်မျိုးပါ ၊ အပြစ်ကို ကုစားတယ်ဆိုတာ ဝန်ချတောင်းပန်ပြီး နောက်မလုပ်တော့တာပါ ။

အကုသိုလ်ဆိုတာ ၂မျိုးရှိတယ် ၊ လုပ်ခြင်းကြောင့်ဖြစ်တဲ့ အကုသိုလ်နှင့် ပြန်တွေးပြီး စိတ်ပူပန်နေသော အကုသိုလ်တစ်ခုပါ ၊ ကိုယ်က တစ်ဦးဦးအပေါ် ပြစ်မှားမိလျှင် ပြစ်မှားလိုက်တုန်းကတော့ စိတ်ဆိုးမာန်ဆိုး ၊ စိတ်လိုက်မာန်ပါလုပ်မိတယ် ၊ မှားမှန်းသိလာတဲ့အခါမှာ စိတ်မကောင်းဖြစ်နေတယ် ၊ လုပ်တုန်းကဖြစ်နေသော အကုသိုလ်ကတစ်ခု ၊ စိတ်မကောင်းဖြစ်နေသော အကုသိုလ်ကတစ်ခု ၊ ပေါင်း ၂ခုရှိတယ် ၊ အဲ့ဒီ ၂ခုမှာ စိတ်မကောင်းဖြစ်နေသော အကုသိုလ်ကို ပျောက်ရန် ကန်တော့တာ ၊ လုပ်တုန်းက အကုသိုလ်ကို ပျောက်ရန် ကန်တော့တာ မဟုတ်ဖူး ၊ လုပ်တုန်းက ဖြစ်ပြီးသားကို ပြင်လို့မရပါ ၊ မနေ့ကဟာကို ဒီနေ့ပြန်ယူလို့မှ မရတာ ၊ မနေ့ကပြီးသွားပြီ ၊ ဗုဒ္ဓဘာသာတွေ သဘောပေါက်ရန်လိုသည် ။

ဗုဒ္ဓဘာသာက အသိပညာအဓိကကျသည် ၊ ယုံကြည်မူ့ သက်သက်မဟုတ်ပါ ၊ ပညာနှင့်သိအောင် ကြိုးစားရမည် ၊ လုပ်လို့ဖြစ်တဲ့ အကုသိုလ်ကို စိတ္တဇဖြစ်ပြီး ထပ်ရတဲ့ အကုသိုလ်ကို ပျောက်ရန် ကန်တော့တာ ၊ ကိုယ့်စိတ်ထဲကျေနပ်သွားတယ် ၊ ငါဝန်ချတောင်းပန်လိုက်ရပြီ ၊ စိတ်မှာကြည်နူးသွားရသည် ၊ စိတ်မကောင်းဖြစ်တာ ကျေအေးသွားပြီ ၊ ဗုဒ္ဓဘာသာအကြောင်းအရာတွေကို စာပေလည်းဖတ်ရူ့ ၊ တရားလည်းနာ ၊ မှတ်လည်းမှတ်သား ၊ လိုက်လည်းလိုက်နာ ၊ မသိတာတွေ သိလာရမယ် ၊ မသိတဲ့ဘောင်ကြီး ကျယ်နေရာကနေ သိတဲ့ဘောင်ကျဥ်းနေတာကို ပိုကျယ်လာရန် သုတဓမ္မ စာမေးပွဲကိုလုပ်ပေးနေတာ ၊ ကြားနာအပ်တဲ့ဓမ္မတရား ၊ မြတ်စွာဘုရားဟောကြားတဲ့တရားတွေကို ပိုပိုပြီးသိလာရန် ၊ ပိုပြီးကြိုးစားဖို့ ၊ မသိခင်ကထက် သိလာတဲ့အခါ အကုသိုလ်များနည်းသွားရန် ကြိုးစားကြပါ ။

ဗုဒ္ဓဘာသာဝင်တို့ရဲ့ သူတော်ကောင်းတို့၏ အရည်အချင်း ၇ခုရှိပါသည် ၊ ကိုယ့်ကိုကိုယ် သူတော်ကောင်းလို့ ပြောရဲရအောင် ဤအချက်များ ရှိရပါမည် ၊

၁ ။ သဒ္ဓါ = ကံ ကံ၏အကျိုးကို ယုံကြည်တာ

၂ ။ ဟီရိ = မဟုတ်တာလုပ်ရမှာကို ရွံမုန်းတာ

၃ ။ သြတ္တပ္ပ = မဟုတ်တာ လုပ်ရမှာကို ကြောက်တာ

၄ ။ ဗဟုသုတ = မြတ်စွာဘုရား၏ အဆုံးအမတွေကို များများသိရန်
ကြိုးစားရမည် ၊

၅ ။ ဝီရိယ = သိတာထက်ကို စဥ်းစားရမည် ၊ လိုက်နာရမည် ၊
မကောင်းတာတွေရှောင်ပြီး ကောင်းတာတွေဖြစ်လာရန်
ပိုကြိုးစားရမည် ၊

၆ ။ သတိ = အသိသတိရှိရမည် ၊မှန်တာကို လုပ်ရဲရမယ် ၊

၇ ။ ပညာ = အကြောင်းအကျိုး အကောင်းအဆိုးကို ခွဲခြားနိုင်သော
အားလုံးဟာ တကယ်တော့ ခဏပဲဆိုတာ ဖြစ်ခြင်း
ပျက်ခြင်း သဘောတရားကြီးကို သိအောင်ကြိုးစား
ရမယ် ၊

အဲ့ဒီသူတော်ကောင်းတရားရှိမှ သူတော်ကောင်းလို့မြည်တာ ၊ သူတော်ကောင်းတရား ၇ပါးက ဝိဇ္ဇာစရဏ သမ္မတော မှာပါတယ် ၊ ဒါမှ ဗုဒ္ဓဘာသာ သူတော်ကောင်းတစ်ယောက်ဖြစ်သွားပါမည် ၊ ကိုယ်နှင့် ကိုယ့်ပါတ်ဝန်းကျင် ၊ ကိုယ့်သားသမီး မိဘ ၊ ကိုယ့်ဆွေမျိုး ၊ ကိုယ့်မိတ်တွေ သူတို့လည်း ဒီအရည်အချင်းတွေရရန် ပြောပေးလို့ရှိရင်ဗုဒ္ဓဘာသာတွေရဲ့ သူတော်ကောင်းလို့ သတ်မှတ်နိုင်ပါသည် ။

ခုခေတ် မဏိဇောတတို့ ၊ သီဟသုဓမ္မ ၊ သီရိသုဓမ္မတို့ ဘုန်းကြီးတွေပြောသော အဘိဓဇ္ဇတို့ အဂ္ဂမဟာပဏိတတို့ မဟုတ်ဖူး၊ ဒီအရည်အချင်းတွေရှိမှ သူတော်ကောင်းဖြစ်တာ ၊ ဘုန်းကြီးလည်းလူပဲ ၊ ဘုန်းကြီးတွေလည်း ဒီအရည်အချင်းရှိမှ သူတော်ကောင်းလို့ခေါ်တာ ၊ ဒါမရှိရင် သူတော်ကောင်းမဟုတ်ဖူး ၊ အဓိကက ပုဂ္ဂိုလ်ဆိုတာ cover ပဲ ၊ အခွံကြီးပဲ ၊ အဓိကက အနှစ်က အရေးကြီးတယ် ၊ cover ကြီးက အဝတ်အစားအမျိုးမျိုးဝတ်ပြီး changes လုပ်လို့ရတယ် ၊ ကိုယ့်ကိုကိုယ် coverကို အဓိကမထားနဲ့ ၊ အတွင်းအနှစ်သာရကို အဓိကထားပါ ၊ အဲ့ဒါဓမ္မ အရေးကြီးတယ် ။

လူတွေအကုသိုလ်မဖြစ်အောင် ၊ ဘယ်အကုသိုလ်မှမဝင်အောင် တားနိုင်တဲ့ စွမ်းရည် ၅မျိုးရှိပါသည် ၊ ခုခေတ်လိုဆို လုံခြုံရေးဂိတ် ၅ခုမရှိလျှင် အကုသိုလ်တွေ ပွင့်လာမည်

၁ ။ ယုံကြည်မူ့ ပျက်ပြားသွားလျှင် အကုသိုလ်များဖြစ်လာမည် ၊

၂ ။ ဟီရိ မကောင်းမူ့လုပ်တာကို ရှက်ရမည် ၊

၃ ။ သြတ္တပ္ပ မကောင်းမူ့လုပ်တာကို ကြောက်ရမည် ၊

၄ ။ ဝီရိယ ကိုယ့်သန္တန်မှာ အကုသိုလ်မဖြစ်ရန် ကြိုးစားရမည် ၊

၅ ။ ပညာ အကျိုးအကြောင်း အဆိုးအကောင်းကို သိနေရန်လိုသည် ၊

အဲ့တာကို သတိထားပြီးတော့ လိုက်နာကျင့်သုံးမည်ဆိုလျှင် ကိုယ့်ဘဝအတွက် စိတ်ချရမည် ၊ ဒီတရားတွေကို ကိုယ့်သန္တန်မှာ မပျောက်အောင် ကျင့်ကြံကျိုးကုတ် ပွားများအားထုတ်နိုင်ပါစေသတည်း

🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏

ဒေါက်တာမိုးမြတ်အောင်
အစာအိမ်အူလမ်းကြောင်း ခွဲစိတ်အထူးကုဆရာဝန်ကြီး
Z & T အစာအိမ် အူလမ်းကြောင်းအထူးကုဆေးရုံ
မန္တလေးမြို့

ဆရာတော်ဘုရား၏ အလွန်အဖိုးတန်လှသော ဤ တရားတော်ကို အများသူငါ တရားချစ်ခင်သူတော်စဥ်အပေါင်းတို့ နာယူနိုင်ကြစေရန် မေတ္တာစေတနာရှေ့ထား၍ ကိုယ်တိုင် အသံမှတဆင့် စာဖတ်နိုင်ကြစေရန် Mother trading and construction မှ ကိုအောင်ကျော်စိုး ( ကိုစိုးစိုး )မှ ကျွန်တော့်ဖုန်းဖြင့် ရိုက်ကူးပေးထားသော video လေးကို ပြန်လည်ကူးယူမျှဝေပေးလိုက်ရပါသည် ၊ မိမိတို့ နာယူမိပြီး အကျိုးရှိသည်ဟု ယူဆလျှင် အများသူငါများလည်း ပိုပိုပြီးသိလေ ပိုပိုပြီးအကျိုးရှိလာကြစေဖို့ ထပ်ဆင့်မျှဝေပေးကြပါရန် ပန်ကြားအပ်ပါသည် ။ 🙏🙏🙏🙏🙏

ဆင်လည်း ဆင့်အထွာ ကြွက်လည်း ကြွက်အထွာCME များလိုအပ်တာ ၁ ။ CME = Continuing Medical Education ဆိုတာ ဘာပါလဲ ?ဆေးပညာသည် ...
28/08/2025

ဆင်လည်း ဆင့်အထွာ
ကြွက်လည်း ကြွက်အထွာ
CME များလိုအပ်တာ

၁ ။ CME = Continuing Medical Education ဆိုတာ ဘာပါလဲ ?

ဆေးပညာသည် နေ့နှင့်ည စဥ်ဆက်မပြတ် တိုးတက်နေပါသည် ၊ မိမိက အမှီမလိုက်နိုင်လျှင် နောက်ကျကျန်ခဲ့ဖို့သာ ရှိပါသည် ။

၂ ။ ကျန်ခဲ့လျှင် မည်သူတွေ ထိခိုက်ပါမည်နည်း ?

ဆရာဝန်များ သူနာပြုများ ထိခိုက်တာက နည်းနည်းပါ ၊ တိုးတက်သောနိုင်ငံကြီးများလို ၆လ ၁ခါ ၊ ၁နှစ်တစ်ခါ ၃ နှစ်တစ်ခါ ၊ ပြန်လည်ဆန်းစစ်ခြင်းမရှိသော နေရာတွင် ဆရာဝန် သူနာပြု တစ်ခါဖြစ်လျှင် တစ်သက်လုံးဖြစ်ခွင့်ရသော အရပ်၌ လူနာများကလည်း ဆေးပညာအသိ ကျန်းမာရေးအသိ အားနည်းချိန်တွင် ကျန်းမာရေးစောင့်ရှောက်ပေးနေသော ဆိုင်ရာ ဆိုင်ရာ တာဝန်ရှိသူများ ဆေးမှားပေးနေတာတောင် Guide line ကို သွေဖီနေတာတောင် ( ပွင့်ပွင့်လင်းလင်းပြောရလို့ အားနာပါသည် ) အနူတောလူချော ၊နွားခြေရာခွက်ထဲက ဖားဖြစ်နေလို့တောင်မှ လူနာများမသိကြပါ ၊ ဆရာဝန် သူနာပြုများ မထိခိုက်ကြပါ ၊ သနားစရာ လူနာများသာ ထိခိုက်ကြရပါမည် ။

၃ ။ CME ဘာလို့ လိုအပ်ပါသ နည်း ?

ကျွန်တော်တက်ရောက်ခဲ့သော ဆေးတက္ကသိုလ် ၁ ၏ လမ်းမတော်ကျောင်းဆောင်ရှေ့တွင် ဆေးပညာဘက်ဆိုင်ရာ ကမ္ဘာကျော် Sir William Osler ၏ အဆိုအမိန့်ကို ကပ်ထားပါသည် ၊ မြန်မာလိုပဲ ပြောပါမည် ၊ ဆေးပညာအား စာတွေ့မပါပဲသွားနေသူသည် ပင်လယ်ပြင်မှာ ပဲ့မပါပဲ သွားနေသူလို လိုရာခရီးအားမရောက် တစ်ဝဲလည်လည်သာ ဖြစ်နေကြမည် ၊ လက်တွေ့မပါပဲ လူနာနှင့် မတွေ့ထိပဲ ဆေးပညာကို လေ့လာနေလျှင် ( ကြက်တူရွေးလို စာတွေသာရွတ်တတ်နေလျှင် = ပိုထင်သာမြင်သာအောင် ဥပမာပေးတာပါ မူရင်းစာမှာ မပါပါ ) ပင်လယ်ပြင်ကို သွားကို မသွားပါနှင့်တော့လို့ ဆိုထားပါသည် ၊ ဆိုလိုသည်မှာ စာတွေ့ရော လက်တွေ့ပါ ပေါင်းစပ်ကာ လေ့လာသင်ယူကြရမည်လို့ လမ်းညွှန်ထားပါသည် ။

၄ ။ Knowledge အသိပညာ ၊ Skills အတတ်ပညာ Attitude လူနာများအပေါ် မိမိ၏ ပြုမူဆောင်ရွက်မူ့ တုန့်ပြန်မူ့ တို့ အချိုးညီညီ ရှိရန်လိုပါသည် ။

မနက် မှ ည အထိ အခန်းအောင်းပြီး စာများ နူတ်တိုက်ကျက်ပါ၊ ၆လလောက်အကြာ Knowledge ပြည့်ဝလာမှာ အမှန်ပါ ၊ အလွယ်ဆုံး ဥပမာ ဆေးထိုးကျင့်တာ တစ်နေ့ကို ၅ယောက်ကိုကျင့်ပါ ၊၆လအကြာ မျက်စိမှိတ်ပြီးတောင် ဆေးထိုးတတ်မှာပါ ၊ ဒါတွေပြည့်စုံသွားလျှင် ဘွဲ့ ၁၀ဘွဲ့လောက်ရနေသော ဆရာ့ဆရာ ပရော်ဖက်ဆာကြီးများ ၊သမားဆိုအိုမှဆိုသော လုပ်သင်ရင့် ဝါရင့် ကျွမ်းကျင် အဆင့် ၁ ဆရာဝန်ကြီးများ သူနာပြုကြီးများဖြစ်ပါစေ ၊ Attitude problem ဖြစ်နေလို့ လူနာများနှင့်တွေ့တိုင်း အပြန်အလှန် ကုသိုလ်စိတ်များ မဖြစ်ကြရပါ ၊ ဘာလိုအပ်နေလို့ပါလည်း ?????

၅ ။ Attitude လူနာအပေါ် ထားရှိရမည့် စေတနာ၊ အကြင်နာ၊ ဝါသနာ ၊ကိုယ်ချင်းစာတရားများပါ ၊ Sympathy , Empathy , Compassion

နဂိုကတည်းက ယခင်က ၁၀ တန်း၊ ယခုဆို ၁၂ တန်းမှာ အမှတ်အမြင့်ဆုံးရခဲ့လို့ မာနကြီးကြသည် ၊ လူဦးရေ၏ ၀.၀၀၀၀၀၀၁ % လောက်သာသင်ရသော ခက်ခဲသည့် ဆေးပညာကို သင်ခွင့်ရခဲ့လို့ ဘဝင်မြင့်ကြပြန်သည် ၊ နေရာလေးတစ်ခု လူရိုသေ ရှင်ရိုသေလေးဖြစ်လာကြတော့ မောက်မာလာကြသည် ၊ အားလုံးပေါင်းတော့ လူနာအပေါ် ကိုယ်ချင်းစာတရားပျောက်ကာ ကုသိုလ်စိတ်များ မထားနိုင်ကြတော့ပါ ၊ စိန်နားကပ်အရောင်ကြောင့်ပါးပြောင်နေသော သူနာပြုဆရာမများကပါ အော်​ဟောက်ကြတာကတော့ လွန်စွာဆိုးရွားလှပါသည် ၊ ကျွန်တော်တို့ Z& T ဆေးခန်းမှာတော့ ဒီလိုတင်းကြပ်စွာ စည်းကမ်းထုတ်ထားပါသည် ၊ မိမိတို့မှာရှိသော မောက်မာစရာ ဘွဲ့ထူး ဂုဏ်ထူးများအား ခေတ္တမေ့ထားပါ ၊ လူနာ၏ ကုတင်ခြေရင်းသို့ရောက်လျှင် ဦးစွာပထမ လူနာကိုကြည့်ပါ ၊ မိမိအဖေအရွယ်ဆို မိမိအဖေများဖြစ်နေလျှင် ဘယ်လိုနေမလဲ ၊ အမေအရွယ်ဆို ဘယ်လိုနေမလဲ ၊ ညီအစ်ကို မောင်နှစ်မများအရွယ်ဖြစ်နေလျှင် မိမိ အမျိုးများဖြစ်ရင် ဘယ်လိုနေမလဲလို့ ဦးစွာပထမ နှလုံးသွင်းခိုင်းပါသည် ၊ ထိုသို့ တွေးလိုက်နိုင်လျှင် မိမိတို့မှာရှိနေသော မာန်မာနများအား ကိုယ်ချင်းစာတရားတို့က အနိုင်တိုက်ထုတ်ကာ ဆရာဝန် သူနာပြု လူနာ အပြန်အလှန် ကုသိုလ်စိတ်များ တိုးပွားခွင့် ရကြရမှာ အမှန်ပင်ဖြစ်ပါသည် ။

၆ ။ Z& T ၏ CME လေးမှာ ဘာတွေဆွေးနွေး ဖလှယ်ကြပါသနည်း ?

တကယ်တော့ အလုပ်တွေ အလွန့် အလွန်များလှပါသည် ၊ မနက် ၉ မှ ည ၉ အထိ အချို့နေ့များ ထမင်းစားချိန် ၁၅ မိနစ်ကလွဲလို့ non stop လုပ်ရပါသည် ၊ အားလွန်းလို့ လုပ်နေတာ မဟုတ်ရပါ ၊ အထက်ဖော်ပြပါ CME ၏ ကောင်းကျိုးများကြောင့် ကြိုးစားပြီး အချိန်ရှာကာ အပတ်စဥ် ဗုဒ္ဓဟူးနေ့တိုင်း မနက် ၈ခွဲမှ ၁၀နာရီအထိ CME ပြုလုပ်ခဲ့တာ ၈ကြိမ်မြောက်ရှိပါပြီ၊ အလှည့်ကျသူမှ ၁၅ မိနစ်ခန့် စာတွေ့ သင်ခန်းစာတစ်ခုကို စတင်ဆွေးနွေးရပါသည် ၊ ( ပြီးပြီးရော ဆွေးနွေးတာမဟုတ်ပါ ပုံများကိုကြည့်ပါ အသေးစိတ် နားလည်လွယ်အောင် ဆေးပညာရပ်စာများထက် နားဝင်အောင် ပြောပြရှင်းပြကြတာပါ ) ဆေးခန်းမှာ OPD အပိုင်း ၊ ward လို့ခေါ်သော Day case ဆေးထိုးဆေးသွင်းအပိုင်း ၊
မှန်ပြောင်းကြည့် Endoscopy အပိုင်းဆိုပြီး ၃ပိုင်းရှိရာ OPD မှ ထူးခြားဖြစ်စဥ်အား ward ထဲမှ မသိလိုက်နိုင်ပါ ၊ Endoscopy မှ ရောဂါအဆန်းအား OPD မှ ဝန်ထမ်းများ မမြင်လိုက်ရပါ ၊ တစ်ပါတ်တာ ထူးခြားဖြစ်စဥ်များအား သူ့အပိုင်းနှင့်သူ ဆွေးနွေးကြ ကျွန်တော်မှ ထပ်ဆင့် ရှင်းပြကြတာ နာရီဝက်ပါ ၊ အရေးအကြီးဆုံး Attitude ဆိုင်ရာများကို တစ်ပါတ်တာ ဖတ်မိသမျှ ပါမောက္ခချုပ်ဆရာတော်ဘုရားကြီး၏ တရားများ ၊ ကောင်းမွန်သော အတုယူစရာ စာစုများ ၊ ပြည်တွင်းပြည်ပ ဂုဏ်ယူစရာ လိုက်နာစရာများကို နာရီဝက်ကြာ ပေါ့ပေါ့ပါးပါး ဆွေးနွေးကြ လေ့လာကြ သင်ယူကြပါသည် ။

၇ ။ စိတ်ဓါတ်လည်းတက်ရ စိတ်ဓါတ်လည်းကျရ ထိုခဏ

ပြီးခဲ့သော အပါတ်က ကျွန်တော် ဂျပန်နိုင်ငံမှာ အစာအိမ်အူလမ်းကြောင်း ပညာတော်သင်သွားရာမှ ( ကျွန်တော့်ဆေးရုံမှ ဆရာများတော့ တိုက်ရိုက်မဟုတ်ပါ ) မိတ်ဆွေများ Professor Kudo နှင့် Professor Nakanishi Yoshihiro တို့ Z& T ဆေးခန်းသို့ လာလည်ကြပါသည် ၊ မိမိ၏ တစ်ပိုင်တစ်နိုင် မိသားစုဆေးခန်းလေးကိုလည်း ချီးကျူးကြပါသည် ၊ ဆေးခန်းနှင့်မတူ Hotel လို့ မပြောပါ ၊ Motel လေး Inn လေးလို စိမ်းစိမ်းစိုစို ရာသီပန်းလေးများပါ ပွင့်နေသော ပန်းခြံငယ်လေးနှင့် သူတို့ဆေးရုံများနှင့်ယှဥ်လျှင် အဆ ၁၀၀ လောက် သိမ်ငယ်သော မိမိရဲ့ မိသားစုဆေးခန်းလေးမှာ နေ့စဉ် လူနာ ၁၀၀ လောက်အား ကိုယ်ချင်းစာတရား ရှေ့တန်းထားကာ ကုသပေးနေမူ့များ နေ့စဥ်ဇီဝိတဒါန ဆေးအလှူများကို သူတို့ချီးကျူးပေးလို့ စိတ်ဓါတ်ခွန်အား motivation များရခဲ့ရပါသည် ၊ သူတို့နိုင်ငံ၏ ကျန်းမာရေးစောင့်ရှောက်ပေးနေမူ့များ အခြားကဏ္ဏများအကြောင်း ၂နာရီကြာ ကျွန်တော့် ရုံးခန်းလေးထဲမှာ စကားလက်ဆုံ ပြောဖြစ်ခဲ့ကြအပြီး သူတို့အားပွင့်ပွင့်လင်းလင်းပင် မင်းတို့ နတ်ပြည်မှာနေတာ ငါတို့က ကမ္ဘာမြေရဲ့ အနိမ့်ဆုံးမှာပါလို့ ဝန်ခံရင်း စိတ်ဓါတ်များလည်း ကျခဲ့ရပြန်ပါတယ် ။

သို့သော် ဆင်လည်း ဆင့်အထွာ ၊ Z & T ကြွက်ပေါက်လေးလည်း ကြွက်ပေါက်လေး အထွာဆိုသလို ရုပ်ပိုင်းဆိုင်ရ အဆောက်အဦများကတော့ အခြားဆေးရုံများဖြင့်ယှဥ်ရလျှင် ကြွက်ပေါက်ကလေးသာဖြစ်နေသော်လည်း စေတနာ အကြင်နာ ကိုယ်ချင်းစာတရားများကတော့ ဆင်ကြီးများထက်ပင် ကြီးမား နေစေရန် အပတ်စဥ် CME များကို ပြုလုပ်နေ ကြိုးစားနေကြကြောင်းကို မျှဝေပေးလိုက်ရပါသည် ။

မှတ်ချက် ။ ယခင် အစိုးရဆေးရုံတွင် တာဝန်ကျစဥ် CME ကျင်းပရေး အတွင်းရေးမူးအဖြစ် တာဝန်ယူခဲ့ရာ မိမိတို့ ဌာနမှ ၂ပါတ်တစ်ခါ CME တွင် case များ အနည်းဆုံး ၃ခု မှ ၅ခု တင်တက်ကြွကြွ academic ဖြစ်ခဲ့တာ ကြုံဖူးသူတိုင်းသိမှာဖြစ်ပါသည် ။

Address

Ma/15/9+16, 101(Theik Pan ) Street, Corner Of 56 Street, Ye Mon Taung, Mahar Aung Myae Township
Mandalay

Opening Hours

Monday 09:30 - 12:00
14:00 - 18:00
Tuesday 09:30 - 12:00
14:00 - 18:00
Wednesday 09:30 - 12:00
14:00 - 18:00
Thursday 09:30 - 12:00
19:00 - 18:00
Friday 09:30 - 12:00
13:00 - 18:00
Saturday 09:30 - 12:00
14:00 - 18:00

Website

Alerts

Be the first to know and let us send you an email when Z&T Gastro Intestinal Specialist Clinic Mandalay posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Z&T Gastro Intestinal Specialist Clinic Mandalay:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category