နဝရတ်သစ္စာ တိုင်းရင်းဆေးခန်းနှင့်ဆေးဆိုင်

10/11/2025

အရိုးအဆစ်နာကျင်ကိုက်ခဲမှုအတွက် ရေခဲအုံခြင်း (Ice Compression) နှင့် ရေနွေးအုံခြင်း (Heat Compression) တို့၏ အသုံးပြုရမည့် အခြေအနေများ (Indications) နှင့် မသုံးသင့်သည့် အခြေအနေများ (Contraindications)

---

1. ရေခဲအုံခြင်း (Ice Compression/Cryotherapy)

အဓိကရည်ရွယ်ချက်: ရောင်ရမ်းမှုကို လျှော့ချခြင်း၊ သွေးကြောများကို ကျုံ့စေခြင်း၊ အာရုံကြောများ၏ တုံ့ပြန်မှုကို နှေးကွေးစေကာ နာကျင်မှုကို သက်သာစေခြင်း။

အသုံးပြုသင့်သော အခြေအနေများ (Indications for Ice)

1. ရုတ်တရက်ဒါဏ်ရာ (Acute Injuries): ချက်ချင်းဖြစ်သော ဒဏ်ရာများ (ဥပမာ - ချော်လဲခြင်း၊ ကြိုးခုန်ခြင်း၊ ခလုတ်တိုက်ခြင်း) ဖြစ်ပြီး ၄၈ နာရီမှ ၇၂ နာရီ အတွင်း။

2. ရောင်ရမ်းခြင်း၊ နီမြန်းခြင်း၊ ပူနွေးခြင်း (Inflammation, Redness, Heat): ဒဏ်ရာအသစ်တွင် ရောင်ရမ်းနေချိန်။

3. ထိခိုက်ဒဏ်ရာပြီး ချက်ချင်း: နာကျင်မှုကို အမြန်ဆုံး ထိန်းချုပ်လိုသော အချိန်။

4. လေ့ကျင့်ခန်း ပြုလုပ်ပြီးချိန်: ကြွက်သားများ နာကျင်ကိုက်ခဲခြင်း (Delayed Onset Muscle Soreness - DOMS) ကို ကာကွယ်ရန် သို့မဟုတ် သက်သာစေရန်။

မသုံးသင့်သော အခြေအနေများ (Contraindications for Ice)

1. သွေးလှည့်ပတ်မှု မကောင်းခြင်း (Poor Circulation): ဆီးချိုရောဂါကြောင့် သွေးကြောထိခိုက်သူများ၊ သွေးစီးဆင်းမှု အားနည်းသူများ။

2. အာရုံခံစားမှု ချို့ယွင်းခြင်း (Sensory Impairment): ဒဏ်ရာနေရာတွင် ထုံကျင်မှုရှိသူများသည် ရေခဲဒဏ်ကို မခံစားမိဘဲ အရေပြားပျက်စီးတတ်သည်။

3. အအေးဓာတ်နှင့် ဓာတ်မတည့်ခြင်း (Cold Hypersensitivity): အအေးဒဏ်ကို မခံနိုင်သူများ (ဥပမာ - Cold Urticaria)။

4. တစ်ရှူးများ ခြောက်သွေ့ပျက်စီးနေခြင်း (Open Wounds or Atrophic Skin): အနာဖေးမကပ်သေးသော ဒဏ်ရာများ၊ အရေပြားပြဿနာရှိသည့်နေရာတွင် မသုံးသင့်။

သတိပြုရန်: ရေခဲကို အရေပြားနှင့် တိုက်ရိုက်မထိပါစေနှင့်။ ပုဝါပါးတစ်ထပ်ခင်း၍ အုံပါ။ တစ်ကြိမ်လျှင် ၁၅-၂၀ မိနစ်ထက် ပိုမထားပါနှင့်။ တစ်နေ့လျှင် ၃-၄ ကြိမ်ခန့် သုံးနိုင်သည်။

---

2. ရေနွေးအုံခြင်း (Heat Compression/Thermotherapy)

အဓိကရည်ရွယ်ချက်: သွေးကြောများကို ပြန့်ကားစေခြင်း၊ ကြွက်သားများကို ပြေလျော့စေခြင်း၊ တောင့်တင်းမှုကို လျှော့ချပေးခြင်း။

အသုံးပြုသင့်သော အခြေအနေများ (Indications for Heat)

1. နာတာရှည် ကြွက်သားတောင့်တင်းမှု (Chronic Muscle Tension or Stiffness): ဇက်ကြောတက်ခြင်း၊ ခါးနာခြင်း စသည့် ကြာမြင့်စွာ ခံစားနေရသော ဝေဒနာများ။
2. ဒဏ်ရာ သက်တမ်းရင့်ပြီးချိန် (After 48-72 Hours of Acute Injury): အကြိတ်ရိုက်ဒဏ်ရာ၏ ရောင်ရမ်းမှု အဓိကကျသွားပြီး ကြွက်သားတောင့်တင်းမှု ကျန်နေချိန်။
3. အဆစ်အမြစ် ရောင်ရမ်းမှု မဟုတ်သော နာကျင်ကိုက်ခဲမှုများ (Non-inflammatory Pain): အကြောင်းရင်းမရှိဘဲ ကြွက်သားညောင်းညာကိုက်ခဲခြင်း။
4. လေ့ကျင့်ခန်း မစမီ ကြွက်သားပြေလျော့စေရန်: ကြွက်သားများကို သွေးပူစေပြီး ထိခိုက်မှုလျော့နည်းစေရန်။

မသုံးသင့်သော အခြေအနေများ (Contraindications for Heat)

1. ရုတ်တရက်ဖြစ်သောဒါဏ်ရာအသစ် (Acute Injuries with Inflammation): ရောင်ရမ်းနီမြန်းပူနွေးနေသော ဒဏ်ရာပေါ်တွင် ရေနွေးအုံပါက ရောင်ရမ်းမှု ပိုဆိုးစေသည်။
2. သွေးထွက်လွန်ခြင်း သို့မဟုတ် သွေးခဲခြင်း (Bleeding Tendency or Thrombosis): ရေနွေးသည် သွေးကြောများကို ချဲ့ပေးသောကြောင့် သွေးထွက်များစေနိုင်သည်။
3. အာရုံခံစားမှု ချို့ယွင်းခြင်း (Sensory Impairment): ရေနွေးပူလောင်ဒဏ်ကို မခံစားမိဘဲ ပူလောင်နိုင်သည်။
4. ကင်ဆာရောဂါ (Cancer): ရေနွေးသည် သွေးစီးဆင်းမှုကို မြင့်တက်စေကာ ကင်ဆာဆဲလ်များ ပြန့်ပွားနိုင်ခြေရှိသည်။
5. ပိုးဝင်နေသော ဒဏ်ရာ (Infected Areas): ရေနွေးသည် ဘက်တီးရီးယားပိုးများ ပွားများစေနိုင်သည်။

သတိပြုရန်: ရေနွေးအိတ်ကို အရေပြားနှင့် တိုက်ရိုက်မထိပါစေနှင့်။ ပုဝါဖြင့်ခံ၍ အုံပါ။ တစ်ကြိမ်လျှင် ၁၅-၂၀ မိနစ်ခန့်သာ ထားပါ။ အိပ်ပျော်သွားခြင်း၊ အချိန်ကြာမြင့်စွာ ထားခြင်းမှ ရှောင်ကြဉ်ပါ။

---

အတိုချုပ်ဆုံးချုပ်နည်း (Simple Rule of Thumb)

· ရေခဲ (ICE) = အသစ်၊ ရောင်နေသော ဒဏ်ရာများအတွက် (I-C-E: Inflammation, Cold, Elevate ဟု မှတ်ပါ)။
· ရေနွေး (HEAT) = ကြာပြီး၊ တောင့်နေသော၊ ညောင်းနေသော ဝေဒနာများအတွက်။
Thein Myint (GI)

31/10/2025

ဆေးဆိုင်တွေမှာ အလွယ်တကူဝယ်ယူလို့ရနိုင်သော အရောင်ကျဆေးလို့ခေါ်ကြသည့် Kimose (ကီးမို့စ်)ကို ဆရာဝန်ညွှန်ကြားချက်မပါပဲ ကလေးသူငယ်များကို ကိုယ့်သဘောနဲ့ကိုယ် မတိုက်ကျွေးသင့်ပါ။
စျေးကွက်မှာ Serrase ဆိုတဲ့ နာမည်နဲ့ အရောင်ကျဆေးလည်း ရှိပါတယ်။

သူ့အာနိသင်တွေက ရောင်ရမ်းမှုကို ကျစေတယ်၊ ရောင်ရမ်းခြင်းတွေကို သက်သာစေပါတယ်။
ချွဲသလိပ်ကိုပျော်စေတဲ့ အာနိသင်လည်းရှိပါတယ်။

ပါးချိတ်ရောင်တဲ့ကလေးတွေကို မိဘတွေက Kimose တွေတိုက်နေကြတာတွေ့ရလို့ပါ။
ပါးချိတ်ရောင်ရောဂါမှာ အရောင်ကျအောင် Kimose တိုက်စရာမလိုပါ။
မတိုက်ကျွေးရပါ။
ပါးချိတ်ရောင်ပိုးဟာ Virus ပိုးဖြစ်တဲ့အတွက် ၊ကလေးကို အဟာရပြည့်ဝအောင် ကျွေးမွေးခြင်း၊ လေဝင်လေထွက်ကောင်းသော ပတ်ဝန်းကျင်မှာနေထိုင်စေခြင်း၊ အားဆေးတစ်မျိုးမျိုးတိုက်ကျွေးခြင်း၊ ရေများများတိုက်ပေးခြင်း နဲ့သာ ကုသကြရမှာပါ။

ပါးချိတ်ရောင်ပြီး အဖျားတက်လာခဲ့ရင် ကလေးရဲ့ ကိုယ်အလေးချိန်အရ Paracetamol တိုက်ကျွေးလို့ရပါတယ်။
ပါးချိတ်ရောင်နေသောနေရာကို ရေခဲဝတ်(ရေခဲနဲ့တိုက်ရိုက်ထိခိုင်းတာမဟုတ်)ကပ်ပေးလို့ရပါတယ်။
ရေခဲဝတ်ကို တစ်နေ့တာမှာ သုံးလေးကြိမ်ကပ်ပေးနိုင်ပါတယ်။
ကလေးရဲ့ တုန့်ပြန်မှုပေါ်မူတည်ပြီး ရေခဲဝတ်ကပ်တာကို ရှောင်သင့်ရင်လည်း ရှောင်ကြရပါမယ်။

တစ်ချို့ အရပ်ကုတွေအပါအဝင်၊ ကျန်းမာရေးလုပ်သားအချို့တွေဟာ၊ ကလေးသူငယ်တွေမှာ Kimose ကို လွယ်လွယ်ပေးနေကြတာတွေ့ရလို့ပါ။
ရောင်ရမ်းတိုင်းပေးမရတာ Dexamethasone(ဒက်ဆာ) လို့ ခေါ်တဲ့ Steroid ဆေးတွေအပါအဝင် Kimose, Serraseလည်း ပါဝင်ပါတယ်။

ရောင်ရမ်းတာတွေရှိရင် ဒီဆေးသောက်လို့ရတယ်လို့ အလွယ်တကူ မှတ်သားထကြခြင်းကပဲ ၊သောက်သုံးသူလူနာတွေအတွက် ကောင်းကျိုးထက် ဆိုးကျိုးဖြစ်လာတာတွေ ခဏခဏကြုံတွေ့နေရပါတယ်။

ရောဂါပိုးဝင်နေတဲ့လူနာတစ်ယောက်၊
ဥပမာ- ပြည်တည်နာမှာ၊ ပြည်တည်ပြီးရောင်နေလို့ဆိုပြီး အရောင်ကျဆေး၊အကိုက်အခဲသက်သာဆေး Dexa (ဒက်ဆာ)ကို လုံးဝ လုံးဝ မသုံးရဘူးဆိုတာလည်း သိ​ထားကြရပါမယ်။
ပြည်တည်နာမှာ အဓိကထားပြီး သုံးရမှာက ပိုးသတ်ဆေး Antibiotic ပါ။

အသက်၁၈နှစ်ကျော်ရင်တော့ ၊ ရောဂါအခံတစ်ခုခုရှိမနေခဲ့ရင်၊ ဆေးတစ်မျိုးမျိုးနဲ့ မတည့်တဲ့ ရာဇဝင်ရှိမနေခဲ့ရင်၊ကိုယ့်သဘောနဲ့ကိုယ် Kimose သောက်လို့ ဖြစ်လာနိုင်တဲ့ ဆိုးကျိုးတော့ နည်းတတ်ပါတယ်။

အသက်၆၅နှစ်ကျော်ရင်လည်း Kimose တိုက်ကျွေးခြင်းကို ရှောင်ရှားသင့်ပါတယ်။

အစာအိမ်ရောဂါ
ကျောက်ကပ်ရောဂါ
နှလုံးရောဂါ
သွေးတိုးရောဂါရှိသူများနဲ့ ကိုယ်ဝန်ဆောင်မိခင် နို့တိုက်မိခင်တွေမှာလည်း Kimose သုံးစွဲခြင်းကို သတိထားကြရပါမယ်။

မှန်ကန်သော ကျန်းမာရေးအသိများကို လက်ခံနိုင်တဲ့သူများသာဖြစ်ကြပါ​စေခင်ဗျာ။

(Health Education Post)

29/03/2025

အမိတက္ကသိုလ်ကြီး

24/03/2025

ကျီးပေါင်းဆေးဆိုတာ ရှိလား။

အချို့လူနာတွေ ရောဂါအခံမေးရင် ကျီးပေါင်းရှိတယ်။ ကျီးပေါင်းဆေးတွေ သောက်နေရတယ်ဆရာဆိုပြီး
ဆေးအထုပ်လိုက်ကြီးတွေ လာပြတာ ဆရာဝန်မိတ်ဆွေတွေ ကြုံဖူးမယ်ထင်တယ်ဗျ။
ဆရာဝန်မဟုတ်တဲ့ မိတ်ဆွေတွေထဲမှာလည်း ကျီးပေါင်းဆေးဆိုပြီး ဆေးအများကြီး သောက်နေရတဲ့သူတွေ၊ ဆေးဖိုးတွေ မနည်းမနောကုန်နေသူတွေရှိမယ်ထင်တယ်ဗျ။

အဲ့ဒီတော့ စဉ်းစားစရာက ကျီးပေါင်းဆေးဆိုတာ တကယ်ရှိသလား။

စွဲသောက်စရာရော လိုသလား

တကယ်တော့ ကျီးပေါင်းဆိုတာ လူကြီးနာပါ။ အသက်ကြီးလာရင် လူတိုင်းဖြစ်မှာပဲဗျ။ မဖြစ်ချင်လည်း ဖြစ်မှာပဲ။

အသက်ကြီးတာကို ဟန့်တားတဲ့ဆေးမှ မပေါ်သေးတာ။ ကြီးတဲ့အသက်ကို ပြန်ငယ်စေတဲ့ဆေးလည်း မရှိသေးဘူးဗျ။
အဲ့ဒါကြောင့် ကျီးပေါင်းဆိုတာ မပျောက်နိုင်ဘူး။ ကျီးပေါင်းပျောက်ဆေးလည်း လူ့လောကမှာ မရှိဘူး။ အဲ့ဒီအမှန်တရားကို နှလုံးသားထဲက လက်ခံဖို့လိုတယ်။ မဟုတ်ရင် ဂျင်းအတောင့်လိုက်မိလိမ့်မယ်။

တကယ်တော့ ကျီးပေါင်းကို ဆရာဝန်တွေ ဆေးပေးတယ်ဆိုတာ ကျီးပေါင်းရဲ့ ရောဂါလက္ခဏာတွေကို သက်သာအောင်ပေးတာပါ။

နာကျင်ကိုက်ခဲရင် အကိုက်အခဲပျောက်ဆေးတွေပေးတယ်။
ထုံကျဉ်ရင် ထုံကျဉ်တာကို ဆေးပေးတယ်။ အကြောတက်ရင် အကြောပြေဆေးပေးတယ်။ ဒါပဲဗျ။
ဒီဆေးတွေကိုလည်း မဖြစ်မနေ နှစ်ရှည်လများ စွဲသောက်စရာမလိုဘူး။ ဝေဒနာခံစားရချိန်ပဲ သောက်ဖို့လိုပါတယ်။ အကိုက်အခဲပျောက်ဆေးတွေဆို စွဲသောက်ရင် ကျောက်ကပ်ထိတာ၊ လေဖြတ်နိုင်ချေမြင့်တက်တာ၊ အစာအိမ်ထိတာတောင် ဖြစ်နိုင်
တယ်ဗျ။

အချို့ glucosamine တွေ၊ chondritin sulphate တွေ အကြာကြီးသောက်နေကြတာတွေ့ရတယ်။ ဒီဆေးတွေက ကျီးပေါင်းကို မဟန့်တားနိုင်ပါဘူး။ အကျိုးမရှိတာ များပါတယ်ဗျ။ ( Glucosamine and chondritin products are not helpful in treating cervical spondylosis.)

ဗမာဆေးထဲမှာလည်း ကျီးပေါင်းဆေး ဆိုပြီး ရောင်းတာတွေရှိတယ်။ သောက်ရင် သက်သာတယ်။ သက်သာမှာပေါ့ဗျ။အများစုက အင်္ဂလိပ်ဆေးတွေ ကြိတ်ပြီးဖော်ထားတာကိုး။ တိုင်းရင်ဆေးစစ်စစ်မှ မဟုတ်တာ။ ပြီးရင် ဆေးဒဏ်တွေ စုခံရရော။

ဒီလောက်ဆို ကျီးပေါင်းဆေးအကြောင်းရှင်းလောက်ပါပြီ။

အားလုံးအဆင်ပြေကြပါစေဗျာ။
Crd #

11/11/2023

Salt and Sugar ဆား နဲ့ သကြား
ဆေးသုတေသနအသစ်တခုအရ သွေးတိုးရောဂါမှာ ဆားထက် သကြားပိုစားရင် ပိုဆိုးတာကိုတွေ့ရပါတယ်။ သကြားဆိုတာ Monosaccharide fructose ကိုပြောတာဖြစ်ပါတယ်။ နှလုံး-သွေးကြောရောဂါတွေဟာ ဖွံ့ဖြိုးတဲ့ တိုင်းပြည်တွေမှာ အသက်တိုစေနေပါတယ်။
သွေးတိုးရောဂါကြောင့် အမေရိကမှာ ၂၀၀၉ ခုနှစ်တုန်းက လူပေါင်း ၃၄၈၀၀၀ ယောက် သေဆုံးခဲ့ပါတယ်။ ငွေကြေးအနေနဲ့ ဒေါ်လာ ၅၀ ဘီလီယန်ကုန်ကျပါတယ်။ သွေးတိုးရောဂါ ထိန်းချုပ်နိုင်ရေးကို ပြည်သူ့ကျန်းမာရေးမှာ ဦးစားပေးထားပါတယ်။ အစာအာဟာရနည်းနဲ့ ဆာလျှော့စားအောင် ချဉ်းကပ်နည်းလဲပါတယ်။ ဒီလမ်းညွှန်တွေရဲ့ထိရောက်မှုကို အမြဲ ဆန်းစစ်နေပါတယ်။ ဆားလျှော့လို့ သွေးတိုးကျတာ နည်းပါးတာတွေ့လာရပါတယ်။
လတ်တလော ဆန်းစစ်မှုတခုကို လူပေါင်း တသိန်းကိုလုပ်ခဲ့ပါတယ်။ ဆားတနေ့မှာ 3-6 g/day သာ စားစေသူတွေမှာ နှလုံး-သွေးကြောရောဂါနဲ့ သေဆုံးရနှုန်းဟာ ဒိထက် (ဆိုဒီယမ်) ဆား ပိုစားသူတွေထက် နည်းတာသိရပါတယ်။ ဒါပေမဲ့ တနေ့မှာ ဆား 3 g/day ထက်နည်းရင်လဲ မကောင်းပါ။ Processed foods ပြုပြင်ထားတဲ့အစားအစာတွေကနေ ဆားပိုရနေကြတယ်။ အလားတူပဲ ပြုပြင်ထားတဲ့ (ကာဗွန်ဟိုက်ဒရိတ်) ကနေလဲ မသင့်တာတွေ့ရပါသေးတယ်။
သကြားအမျိုးမျိုးမှာ (၁) စားပွဲသကြားဖြစ်တဲ့ Sucrose (ဆူးခရို့စ်) သကြား၊ Glucose (ဂလူးကို့စ်) နဲ့ Fructose (ဖရပ်တို့စ်) တွေဖြစ်တယ်။ ပြုပြင်ထားတဲ့အစားအစာတွေထဲမှာ (ဆူးခရို့စ်) သကြားပါတယ်။ (ဖရပ်တို့စ်) နဲ့ (ဂလူးကို့စ်) အညီအမျှ ပါတယ်။ High-fructose corn syrup (HFCS) အချိုရည်ထဲမှာ (ဖရပ်တို့စ်) ၅၅% နဲ့ (ဂလူးကို့စ်) ၄၅% ပါတယ်။
အချိုရည် ဥပမာ ဆိုဒါ ၂၄ အောင်စသောက်ရင် ပျမ်းမျှ သွေးဖိအား 15/9 mm Hg တိုးပြီး၊ နှလုံးခုန်နှုန်း 9 bpm ပိုမြန်တယ်။ ဒီအချက်ကိုကြည့်ရင် အချို (သကြား) ဟာ ဆား (ဆိုဒီယမ်) ထက် သွေးတိုးကို ပိုဆိုးစေတာတွေ့ရပါတယ်။ ၈ ပါတ်ကြာလေ့လာမှုအရ သကြားများပြီး စားသောက်သူတွေမှာ သွေးဖိအား အပေါ်ဂဏန်း 6.9 mm Hg နဲ့ အောက်ဂဏန်း 5.6 mm Hg တိုးလာစေတာတွေ့ရတယ်။ သကြား စက်မှုလုပ်ငန်းကနေ ထုတ်ပြန်ခဲ့တာကတော့ 7.6/6.1 mm Hg တက်တယ်လို့ဖြစ်ပါတယ်။
(ကယ်လိုရီ) ၂၅% ဒါမှမဟုတ် ဒိထက်ပိုစားသုံးသူတွေမှာ နှလုံး-သွေးတိုးကြောင့်သေဆုံးမှု (၃) ဆ များတယ်။ လက်ရှိ အမေရိကန် နှလုံးရောဂါအသင်းနဲ့ WHO ကမ္ဘာ့ကျန်းမာရေးအဖွဲ့တို့ကနေ သတ်မှတ်ပေးထားတာထက် လူတွေက (၂) ဆ ကနေ (၈) ဆပိုစားနေကြတယ်။ လူငယ်တွေမှာဆို (၁၆) ဆ များနေပါတယ်။
ဒါကြောင့် သကြားလျှော့စားသောက်ပါ။ ပြုပြင်ထားတဲ့အချိုစာတွေ လျှော့စားသုံးပါ။ ကိုယ်ရောင်နေသူတွေအတွက်တော့ ဆားကပိုဆိုးစေပါတယ်။
ဒေါက်တာတင့်ဆွေ

30/07/2023

ကုသိုလ်ပိုရတဲ့နည်း

တဝါတွင်းလုံး မြတ်စွာဘုရားရှင်အား ဝါဆိုသက်န်း
နှစ်တိုင်းကပ်လှူနေကျမို့ ဝေမျှကုသိုလ်ပါရှင်🙏🏻

"ဝါဆိုသင်္ကန်း"
"ကထိန်သင်္ကန်း"
ဖြစ်ပေါ်လာအောင်

ခွင့်ပြု ပေးတဲ့
မြတ်စွာဘုရားရှင်ကို
ဝါဆိုသင်္ကန်း ၊ ကထိန်သင်္ကန်း မကပ်ဖူးသေးရင်
ကပ်လှူပူဇော်ပါ။

ကိုယ့်အိမ်ကဘုရားကို
ဝါဆိုသင်္ကန်း ကပ်မယ်ဆိုရင်...

(၁*၈*၂၀၂၃)ဝါဆိုလပြည့်နေ့ နံနက်အာရုံတက်ချိန်

ဘုရားရှေ့မှာ
ကိလေသာအပူအားလုံး ကင်းဝေးစင်ကြယ်တော်မူသော မြတ်စွာဘုရား။
စိတ်ကွယ်ရာအရပ်၌ပင် မကောင်းမူ့ကို မပြုမကျင့်တော်မူသော မြတ်စွာဘုရား။
လူမင်း၊ နတ်မင်း၊ ဗြဟ္မာမင်းတို့၏ပူဇော်အထူးကိုခံယူတော်မူထိုက်သော မြတ်စွာဘုရား။
တပည့်တော်တို့ ဤဝါဆိုသင်္ကန်းကို
ဆက်ကပ်လှူဒါန်းပါတယ်ဘုရား🙏🏻🙏🏻🙏🏻
ဆိုပြီး ဝါဆိုသင်္ကန်းကပ်လှူပါ

မြတ်စွာဘုရားရှင်ကို
ကပ်လှူထားတဲ့
ဝါဆိုသင်္ကန်းကို တစ်ဝါတွင်းလုံး
ဘုရားစင်မှာ ကပ်လှူထားပါ,..
"သီတင်းကျွတ်" လပြည့်နေ့မှ စွန့်ပါ

စွန့်ပြီး အဲ့ဒီသင်္ကန်းကို
သံဃာတစ္ပါးပါး
အားစွန့်ပြီး ပြန်လှူလိုက်ပါ..

" ဘုရားလှူရတဲ့ ကုသိုလ်ရယ် "

" သံဃာလှူရတဲ့ ကုသိုလ်ရယ် "

ကုသိုလ်ပိုရပါတယ်။

သီတင်းကျွတ်လပြည့်ကျော် (၁)ရက်နေ့ကစပြီး
သင်္ကန်းတစ်စုံ ထပ်ဝယ်ပြီး
ဘုရားကို ကထိန်သင်္ကန်းကပ်လှူပါ
ဘုရားခွင့်ပြု တော်မူတဲ့လ,
သီတင်းကျွတ်လပြည့်ကျော်(၁)ရက်နေ့ကနေ
တန်ဆောင်မုန်းလပြည့်ထိ

တစ်လတာအတွင်း, ကထိန်သင်္ကန်း လှူလို့ရတယ်..

အဲ့ဒါ ဘုရားမှာ
တပတ်လှူ , (၅)ရက်လှူ , (၃)ရက်လှူ
လှူပြီးတာနဲ့ စွန့်ပြီး
အိမ်နားက ကျောင်းမှာ ကထိန်ခင်းတာရှိမယ်
အဲ့ဒါ သွားလှူလိုက်ပါ။

အဲ့တော့ ဘုရားလည်း
"ကထိန်သင်္ကန်း"ကပ်ရတယ်။
ကျောင်းမှာလည်း သံဃာတော်တွေအတွက်
"ကထိန်သင်္ကန်း လှူရပါတယ်။

ဘုရားရှင်ကို
" ဝါဆိုသင်္ကန်း "
" ကထိန်သင်္ကန်း "
မကပ်ဖူးသေးတဲ့ သူတွေ
ဒီနည်းအတိုင်းလုပ်လို့ရပါတယ်...

ကုသိုလ်တွေ ပို၍ရအောင် လှူနိူင်ကြပါစေ။
ကုသိုလ်အထူးလည်းရကြပါစေ။ #ဝေမျှကုသိုလ်ပါရှင်

မှတ်ချက်။ ။ဘုရားဟောနဲ့ညီမညီတော့မသိပါ အများသူငှာကုသိုလ်ရစေရန်copyယူလာတာပါ။

18/07/2023

" "
ဘာဆေးတွေအစုံစားစား - ဒါလေးတော့ငုံထား

လေးညှင်းပွင့် ( Clove - flower )

သင် မနက်အိပ်ယာထ မျက်နှာသစ်သွားတိုက်ပြီးတာနဲ့ ရေအေးတစ်ခွက်သောက်ပြီး နောက် လေးညှင်းပွင့်တစ်ပွင့်ကိုယူပြီး ခံတွင်းမှာငုံထားလိုက်ပါ။ သို့မဟုတ် ပါးစောင်မှာငုံထားလိုက်ပါ။

ရရှိမဲ့အကျိုးကျေးဇူးကတော့ - သင်ဟာခါတိုင်း မနက်ထဝမ်းမသွားဘူး ဝမ်းချုပ်တတ်သူဆိုရင် မကြာခင် ဝမ်းသွားချင်လာပါလိမ့်မယ်။

သင်ဟာခံတွင်းပျက်ပြီး စားချင်သောက်ချင်စိတ်မရှိသူဖြစ်နေရင်တောင် လေးညင်းပွင့်ငုံထားပြီး မကြာခင်မှာ စားချင်သောက်ချင်စိတ်တွေပေါ်လာပါလိမ့်မယ်။

သင်ဟာ ခံတွင်းအနံ့ဆိုးသူဆိုရင် လေးညှင်းပွင့်က သင့်ကို စကားပြောတဲ့အခါ အာပုတ်နံ့ထွက်ခြင်းမှကာကွယ်ပေးနိုင်ပါတယ်။

သွားမှာအခေါင်းရှိသူတွေ၊ သွားခြေမှာရောင်ရမ်းမှုရှ်သူတွေ၊ သွားကိုက်တတ်သူတွေအတွက် လေးညှင်းပွင့်က သွားဆရာဝန်ပါ။

အအေးပတ် နှာစေး၊ နှာရည်ကျသူအတွက်ကုဆေးကတော့ လေးညှင်းပွင့်ပြုတ်ရည်ပူပူလေးကို မှုတ်သောက်ပေးပြီး လေးညှင်းပွင့်ကို တစ်ပွင့်ပြီးတစ်ပွင့် အာနီသင်ကုန်သွားရင် အသစ်လဲပြီး ပါးစပ်ထဲမှာငုံထားပေးရင် သုံးရက်အတွင်း နှာစေးရောဂါပျောက်ပါတယ်။

ခေါင်းကိုက်သူများ လေးညှင်းပွင့်ကို ငုံထားခြင်းဖြင့် တဖြည်းဖြည်းသက်သာလာတာကိုတွေ့ရပါတယ်။

ဆီးချိုရောဂါရှိသူများဟာ ထမင်းစားပြီးတိုင်း လေးညှင်းပွင့် (၃)ပွင့် ငုံထားပြီး တဖြည်းဖြည်း ဝါးပြီးအရည်ကိုမျိုချကြည့်ပါ။ ဆီးချိုမတက်တာတွေ့ရပါလိမ့်မယ်။

သွေးတိုးရှိသူများဟာ မနက်ထမျက်နှာသစ်ပြီးသွားတိုက်ပြီးတာနဲ့ လေးညှင်းပွင့်နှစ်ပွင့် ငုံပေးထားရင် သွေးတိုးခြင်းမှကာကွယ်ပေးနိုင်ပါတယ်။

ညအိပ်မပျော်သူများဟာ မအိပ်မီ တစ်နာရီခန့်ကြိုတင်ပြီးလေးညှင်းပွင့်ငုံထားပေးခြင်းဖြင့်အိပ်ပျော်စေနိုင်ပါတယ်။

ကြည်လွင်မြင့်(မုဒြာ)

14/07/2023

#ရေသောက်ပါ

“ ညအိပ်ခါနီးမှာ ရေသောက်ရင် အိပ်ရေးပျက်မယ်။ ညသန်းခေါင်ကျော် အချိန်ကြီးမှာ ဆီးထသွားရမယ်။ ဒါကြောင့် အိပ်ခါနီးရင် ရေမသောက်ကြနှင့်”

လူတိုင်း ဒီလိုပဲ ထင်ပြီး ဒီလိုပဲ ပြောဆိုလေ့ ရှိကြပါတယ်။
မမှန်ဘူးခင်ဗျား… ။

နှလုံးနာတဲ့ ဝေဒနာ… အဲ… (Heart Attack) နှင့် ရေဆိုတာ ဒွန်တွဲနေပါတယ်။

“ လူတွေ ညဘက်မှာ နေ့ဘက်အချိန်တွေထက် ဘာကြောင့် ဆီးပိုသွားတတ်သလဲ”
“ နေ့ဘက်မှာ လူတွေက မတ်တပ်ရပ်နေကြတယ်။ ကမ္ဘာ့ဆွဲအား(gravity)ကြောင့် ခန္ဓာကိုယ်ထဲမှာ ရှိတဲ့ ရေတွေက ပေါင်နဲ့ခြေထောက်မှာ သွားစုနေတယ်။ ၀ပ်နေတယ်။

ညဘက်ရောက်တော့ ဒီလိုမဟုတ်တော့ဘူး။
လှဲနေ… အိပ်နေကြတဲ့အတွက် ခန္ဓာကိုယ်က ဆန့်နေတယ်။ ခန္ဓာကိုယ်ထဲမှာရှိတဲ့ ရေတွေက ကျောက်ကပ် (Kidney)နှင့် တပြေးတည်း ရှိနေတယ်။ ဒီတော့ ခန္ဓာကိုယ် အောက်ပိုင်းမှာ ရှိတဲ့ ရေတွေက ကျောက်ကပ်ထဲကို စီး၀င်ဖို့ ပိုလွယ်ကူသွားတာပေါ့ ခင်ဗျား။”

ကျောက်ကပ်နှင့် ရေက ဘယ်လို ဆက်စပ်နေကြလဲ။ ခန္ဓာကိုယ်အထဲမှာ ရှိတဲ့ အဆိပ်တွေကို ဆီးအဖြစ် ခန္ဓာကိုယ် အပြင်ကို ရောက်ရှိအောင် ပြုလုပ်ပေးတာပေါ့ ခင်ဗျား။
မှန်ပါတယ်။

အဲ… ဒါပေမယ့်… ။ နှလုံးရောဂါကု ပညာရှင်တွေရဲ့ အဆိုအရ ရေကို ပိုသောက်ပေးသင့်တဲ့ အချိန်တွေကို သတ်မှတ်ပေးထားပါတယ်။

ဘယ်လို သတ်မှတ်ထားသလဲ။

မနက် အိပ်ရာနိုးနိုးချင်း ရေ(၂)ခွက် သောက်ပါ။
သင့်ခန္ဓာကိုယ်အတွင်းမှ ကလီစာတွေ ပိုပြီး အလုပ်လုပ်ကြ ပါလိမ့်မည်။
နံနက်စာ မစားခင် မိနစ်(၃၀)အလိုမှာ ရေ (၁)ခွက် သောက်ပါ။
အစာကြေ လွယ်တာကို ခံစားရပါမယ်။
ရေမချိုးခင် ရေ (၁)ခွက် သောက်ပါ။
သွေးတိုး (blood pressure) ကျစေပါလိမ့်မည်။
အိပ်ရာမ၀င်ခင် ရေ (၁)ခွက် သောက်ပါ။
လေဖြတ်ရောဂါနှင့် နှလုံးနာရောဂါမှ ကင်းဝေးပါလိမ့်မယ်။
အဲ… ပြောရအုံးမယ်။

အိပ်ရာမ၀င်ခင် ရေ (၁)ခွက် သောက်ခြင်းဟာ အထက်ပါရောဂါ (၂)မျိုးမှသာ ကင်းဝေးစေတာ မဟုတ်ပါဘူး။
ညဘက် ခြေထောက် ကြွက်တက်တဲ့ ဒုက္ခ … Leg Cramp မှလည်း ကင်းဝေးစေပါတယ်။

ဘာကြောင့်လဲ။
ညဘက် ခြေထောက်ကြွက်သားတွေ တင်းလာတယ်ဆိုတာ ရေငတ်လာကြတဲ့အတွက်ပါ။
ဒီအကြောင်းတွေကို အကျယ်သိချင်လျှင်… (၂၉.၇.၂၀၀၉) ခုနှစ်ထုတ် (The Journal of American College of Cardiology)မှာ ဖတ်ကြည့်ပါ။

နှလုံးနာတဲ့ရောဂါ… heart attack ဆိုတာဟာ နေ့ဘက်မှာပဲ ဖြစ်လေ့ ပိုရှိပါတယ်။
နံနက် (၆)နာရီနှင့် မွန်းတည့်အချိန် အတွင်းမှာဖြစ်တတ်ပါတယ်။
ညဘက် မဖြစ်ဘူးလား။ အဖြစ် နည်းပါတယ်။

နှလုံးရောဂါသည်တွေကို လေဖြတ်မှာ စိုးရိမ်တဲ့အတွက် (baby asipirin) ဆေးပြားကို တနေ့(၁)ပြား သောက်ခိုင်းပါတယ်။
ညအိပ်ရာ မ၀င်ခင် သောက်ပါ။
ဘာကြောင့်လဲ နေ့ဘက်မှ ပိုပြီး ဆေးစွမ်းပြစေချင်တဲ့ အတွက်ပါ။ (baby aspirin) တပြားဟာ (၂၄)နာရီ အာနိသင် ရှိပါတယ်။
လေဖြတ်နိုင်တဲ့ အခွင့်အလမ်း အများဆုံး က မနက် စောစောပိုင်း အချိန်တွေပါ။
(အက်စပလင်) ဆေးပြားတွေက အချိန်ကြာကြာ သိမ်းထားရင် ရှာလကာရည် (Vineger) အနံ့ထွက်လာလေ့ ရှိပါတယ်။ ဒီ(အက်စပလင်)ကို အသက်ကယ်ဆေးတမျိုးလို့လဲ မှတ်ယူနိုင်ပါတယ်။
မှန်ပါတယ်။ လေဖြတ်ပြီး ဘ၀ပျက်ရမဲ့ ဒုက္ခကို ဒီဆေးပြားက ကယ်နိုင်တယ် မဟုတ်လား။
ဒါကြောင့် ဒီဆေးပြားကို မိမိ အိပ်ရာနှင့် မလှမ်းမကမ်းမှာ အမြဲ ဆောင်ထားသင့်ပါတယ်။ မိမိ လျှာ အပေါ် တင်လိုက်တာနှင့် သွေးကြောထဲ အလွယ်တကူ ပျော်၀င်သွားနိုင်တဲ့ (အက်စပလင်)အမျိုးအစားကို ရှာဖွေပြီး သုံးသင့်ပါတယ်။
Heart attack… အဲ… နှလုံးနာရောဂါ ဖြစ်တော့မယ် ဆိုတာနှင့် ကြိုတင်သတိပေးတဲ့ ရောဂါလက္ခဏာတွေ အများကြီး ရှိပါတယ်။
ဘယ်လက်မောင်းရင်းမှာ ကိုက်လာမယ်။
မေးစေ့အောက်မှာ မခံမရပ်နိုင်အောင် နာလာမယ်။ မူးမယ်။ ချွေးစေးတွေ ရုတ်တရက် ခန္ဓာကိုယ်မှာ ထွက်လာမယ်။
အဲ… ဒါပေမဲ့ တခါတရံ နှလုံးနာဝေဒနာ စဖြစ်နေပြီ ဖြစ်ပေမဲ့ ဒီလက္ခဏာတွေ မပေါ်တာလဲ ရှိတတ်ပါတယ်။
နှလုံးရှိတဲ့ ရင်ဘတ်နေရာမှာတောင် မနာဘူး။ မကိုက်ဘူးတဲ့ ခင်ဗျား။
မှန်ပါတယ်။
အိပ်ပျော်နေတဲ့ ဝေဒနာသည် ၆၀(ခြောက်ဆယ်) ရာခိုင်နှုန်းက နှလုံးနာဝေဒနာ စတင် ဖိစီးနေကြပေမဲ့ သူတို့ အိပ်ပျော်နေကြရာမှတောင် မနိုးဘူးတဲ့။

မြန်မာတွေ ပြောလေ့ရှိတဲ့ “အိပ်ပျော်နေရင်းနှင့် အသက်ထွက်သွားတယ်ဗျာ” ဆိုတာ ဒီလို သေတာမျိုးတွေပေါ့ ခင်ဗျား။

ဒါပေမဲ့ နိုးသွားကြတဲ့ လူတွေက များပါတယ်။
အဲ… အိပ်ရာက နိုးနိုးချင်း ဘာလုပ်သင့်ပါသလဲ။
(အက်စပလင်) ဆေး (၂)ပြားကို ပါးစပ်ထဲ ပစ်ထည့်ပြီး ရေသောက်ချလိုက်ပေါ့ ခင်ဗျား။

အဲ… ဒီမှာ ရေက အရေးကြီးလာပြီ။
ရေကို မိမိ အိပ်ရာဘေးတွင် အဆင့်သင့် မဆောင်ထားလျှင် ဒုက္ခမရောက်ပေဘူးလား။ ဒါကြောင့် လူတိုင်းဟာ မိမိတို့ အိပ်ရာဘေးရှိ စားပွဲပေါ်တွင် ရေပုလင်း… အဲ… ရေဗူးကို အမြဲ အဆင်သင့် ဆောင်ထားပြီး အိပ်သင့်ကြပါတယ်။
နောက်… ဘာဆက်လုပ်သင့်ပါသလဲ။
အိပ်ရာပေါ်တွင် ဆက်ပြီး လှဲမနေသင့်ပါဘူး။

အိပ်ရာမှ ဖြည်းဖြည်း ထထိုင်ပြီး အနီးဆုံး ကုလားထိုင် တလုံးပေါ်မှာ သက်သက်သာသာ ငြိမ်ပြီး ထိုင်နေပါ။
အနီးပတ်၀န်းကျင်မှ လူတွေကို နှိုးပြီး အကူအညီ တောင်းပါ။ ဆေးရုံကို အမြန်ဆုံး ရောက်အောင် ပို့ခိုင်းပါ။
အင်္ဂလိပ်ဘာသာဖြင့် ရေးသားထားတဲ့ (Heart attack and water)ဆိုတဲ့ ဆောင်းပါးက ဒီလောက်ပါပဲ။
တိုတိုလေးပါ။
ဒါပေမဲ့ ဆောင်းပါးရှင်က ပြောထားပါတယ်။
ဒီဆောင်းပါးကို သင် လူ (၁၀)ယောက်ထံကို မျှဝေပို့ပေးပါ။
လူတယောက်ရဲ့ အသက်ကို သင်ကယ်ကောင်း ကယ်နိုင်ပါလိမ့်မယ်။
မှန်ပါတယ်။
ကျွန်တော်လည်း ဒီအတိုင်းပင် ယုံကြည်ပါတယ်။
စာရှုသူ… ။
ဒီနေ့ ကမ္ဘာကြီးမှာ နှစ်စဉ် နှလုံးရောဂါဖြင့် သေသူ လူဦးရေ ဘယ်လောက် ရှိတယ်လို့ သင် ထင်ပါသလဲ။
(၂၀၁၇) ခုနှစ်မှာ (၁၇)ဒဿမ (၃)သန်း ရှိပါတယ်။
(၂၀၃၀)ခုနှစ်မှာ (၂၃)ဒဿမ (၆)သန်းအထိ တိုးလာနိုင်တယ်လို့ ခန့်မှန်းထားပါတယ်။
(၂၀၀၈)ခုနှစ်အတွင်း ကမ္ဘာပေါ်မှာ သေတဲ့လူ ၃၀ (သုံးဆယ်) ရာခိုင်နှုန်းက နှလုံးရောဂါဖြင့် သေကြပါတယ်။ ဒီသေတဲ့ လူတွေအထဲက (၈၀)ရာခိုင်နှုန်း ဦးရေက ဆင်းရဲတဲ့ တိုင်းပြည်က သေကြတဲ့ လူတွေပါ။
အမေရိကန်ပြည်ထောင်စု တခုထဲမှာ ဒီရောဂါဖြင့် သေတဲ့ဦးရေက ၈ (ရှစ်)သိန်းနီးပါး ရှိပါတယ်။
အမေရိကန်ပြည်ထောင်စုမှာ တရက်ကို နှလုံးရောဂါဖြင့် သေတဲ့ ပျှမ်းမျှ ဦးရေက ၂၁၅၀ (နှစ်ထောင့် တစ်ရာ့ငါးဆယ်) ရှိပါတယ်။
စက္ကန့် (၄၀)မှာ (၁)ယောက်နှုန်း သေနေကြတယ်ပေါ့ ခင်ဗျား။
(ကင်ဆာ) ရောဂါကို ဒီနေ့ လူတိုင်း အလွန်ကြောက်လန့်ကြပါတယ်။ အဲ… ဒါပေမဲ့ ဒီကင်ဆာရောဂါ ကြောင့် ဒီနေ့ သေနေတဲ့ ဦးရေက နှလုံးရောဂါကြောင့် သေကြရတဲ့ ဦးရေလောက် မများပါဘူး။
အမေရိကန်ပြည်ထောင်စုမှာ နှလုံးနှင့် နွယ်တဲ့ ရောဂါတမျိုးမျိုးကို ခံစားနေကြတဲ့ လူဦးရေက ၈၅ ဒဿမ ၆သန်းကျော် ရှိပါတယ်။
မှန်ပါတယ်။
ဒါကြောင့်လည်း ဒီနှလုံးရောဂါသည်တွေအတွက် အသုံးပြုနေရတဲ့ ဆေးကုသစရိတ်က အမေရိကန် ဒေါ်လာ (ဗေလီယံ)ပေါင်း ၃၂၀ (သုံးရာ့နှစ်ဆယ်) ကျော် ရှိပါတယ်။


ဦးလှ၀င်း (လေသူရဲတစ်ဦး)
၁၂. ၄. ၂၀၁၈

12/07/2023

❣️အာရုံကြောအားနည်း နေတဲ့ လက္ခဏာ (၇) မျိုး။

1. ထုံကျဉ်တာ

ခြေတွေ၊ လက်တွေ ထုံကျဉ်တာ ဖြစ်ဖူးတယ်မလား။ ရာသီဥတုအေးလို့လည်း မဟုတ်ပါဘဲ မကြာခဏ ထုံကျဉ်တာ နေရခက်ပါတယ်။ ဗီတာမင် B12 အားနည်းခြင်းက အာရုံကြောတွေကိုဖုံးအုပ်ပေးထားတဲ့ အကာအကွယ်အလွှာကို ထိခိုက်ပျက်စီးစေနိုင်ပါတယ်။ Crohn’s ရောဂါ သို့မဟုတ် တခြား အူလမ်းကြောင်းရောဂါတွေကြောင့်လည်း ဗီတာမင်စုပ်ယူနိုင်စွမ်းကို အနှောင့်အယှက်ဖြစ်စေနိုင်ပါတယ်။

2. ပိုချမ်းတတ်တာ

အရင်ကဆို မှုလောက်မှာမဟုတ်တဲ့ အအေးဓာတ်လောက်ကို အခုမှ အရမ်းချမ်းတတ်နေတာမျိုး။ နည်းနည်းအေးတာနဲ့ ကိုယ်က ခိုက်ခိုက်တုန်နေတာမျိုး ခံစားရတယ်ဆို သွေးအားနည်းနေတာဖြစ်နိုင်ပါတယ်။ ဒီလိုဖြစ်ရတဲ့ အကြောင်းရင်းထဲမှာ B12 ဓာတ်မလုံလောက်လို့ သွေးနီဥတွေ နည်းတာ ဖြစ်စေနိုင်ပါတယ်။ ဒါဆို ခြေဖျား၊ လက်ဖျားတွေ အေးစက်ပြီး တဆတ်ဆတ်တုန်ပြီး ချမ်းတတ်တာပေါ့။

3. ဦးနှောက်လုပ်ဆောင်ချက်တွေကမောက်ကမ
ဖြစ်တာ

စိတ်ဓာတ်ကျတာ၊ အာရုံရှုပ်ထွေးတာ ၊မေ့တတ်လာတာ၊ အာရုံစူးစိုက်မရတာတွေက B12 အားနည်းရာကနေ ဖြစ်လာတဲ့လက္ခဏာတွေပါ။

4. အားနည်းတာ

လူကအားနည်းသလိုဖြစ်နေတယ်၊ ကြွက်သားတွေအားမရှိဘူး၊ ပင်ပန်းနုံးချိနေမယ်၊ ခေါင်းမူးတယ်ဆိုရင် အာရုံကြောအားနည်း တာဖြစ်နိုင်ပါတယ်။ ဒီလက္ခဏာတွေ ပိုဆိုးလာတယ်၊ ကြာလာတယ်ဆိုရင် ဆရာဝန်ပြပြီး အားဆေးသောက်သင့်သောက်ရပါမယ်။

5. နှလုံးခုန်မြန်တာ

နှလုံးခုန်မြန်တာကလည်း အာရုံကြောအားနည်း တဲ့ လက္ခဏာထဲမှာ ပါဝင်ပါတယ်။ ကြက်သား၊ ကြက်ဥ၊ ငါး တို့ကနေ ဗီတာမင်B12 ရရှိနိုင်ပါတယ်။ B12 ချို့တဲ့တယ်ဆိုရင် သွေးအားနည်းခြင်း၊ စိတ်အတက်အကျမြန်ခြင်း၊ အာရုံကြောထိခိုက်ခြင်းနဲ့ တခြားပြင်းထန်တဲ့ ရောဂါတွေ ဖြစ်လာစေနိုင်ပါတယ်။

6. ပါးစပ်အနာ

သွားဖုံး သို့မဟုတ် လျှာမှာ အနာလေးတွေ ဖြစ်လာတယ်ဆိုရင် B12 အားနည်းတာ၊ သွေးအားနည်းခြင်း
သို့မဟုတ် တခြားရောဂါ အကြောင်းရင်းတစ်ခုခုကြောင့် ဖြစ်နေနိုင်ပါတယ်။

7. ဗိုက်ပြဿနာ

ခံတွင်းပျက်တာ၊ အရမ်းပိန်သွားတာ၊ ဝမ်းချုပ်တာ စတဲ့ အစာအိမ်နဲ့ အူလမ်းကြောင်းပြဿနာတွေ ဖြစ်လာနိုင်ပါတယ်။ ကိုယ်ထဲမှာ B12 ပမာဏချို့တဲ့လွန်းရင် ဆရာဝန်ပြပြီး အားဆေးထိုးသင့် ထိုးရပါမယ်။
Crd:

💝အာရုံကြောအားကောင်းစေတဲ့အစားအစာများ။

❣️အာရုံကြော အားနည်းလာပြီးလာဆိုရင် အာရုံကြောတွေ ပျက်စီးခြင်းတွေနဲ့ အခြားသော ခန္ဓာကိုယ်တွင် လက္ခဏာအမျိုးမျိုး ဖြစ်ပေါ်တတ်ပါတယ်။

❣️ဒါကြောင့် အာရုံကြော စနစ် အားကောင်းလာစေဖို့အတွက် အစားအစာကနေ ပြုလုပ်လိုရပါတယ်။ ကဲ ဘယ်လိုအရာတွေက အာရုံကြောစနစ်ကို အားကောင်းစေလလဲ ကြည့်လိုက်ရအောင်ရှင်

❣️အာရုံကြောစနစ် ကျန်းမာဖို့အတွက် ဒီဓါတ်တွေလိုအပ်ပါတယ်ရှင်

💓ဗီတာမင် B1 (သီရာမင်း)

ခြေထိပ်လက်ထိပ်လေးတွေမှာ အာရုံခံစားမိစေဖို့ လုပ်ဆောင်ပေးပါတယ်။

💓ဗီတာမင် B6

အာရုံခံစားမှုတွေကို သိရှိခံစားနိုင်စေဖို့ အရေးပါတဲ့ ဓါတ်တစ်ခုပါ။

💓ဗီတာမင် B12

ခြေလက်တွေ ထုံကျဉ်တာမျိုး မဖြစ်အောင်ကာကွယ်ပေးပါတယ်။

💓ကော့ပါး

သိမြင်မှုစွမ်းရည်ကိုကောင်းမွန်စေပြီး အာရုံကြောကို ကျန်းမာစေနိုင်ပါတယ်။

💝အာရုံကြောကျန်းမာစေဖို့ ဘာတွေစားမလဲ

💓ဟင်းနုနွယ်

အာဟာရနဲ့ဗီတာမင်တွေကြွယ်ဝစေတယ်။ ဓါတ်တိုးဆန့်ကျင်ပစ္စည်းတွေကြွယ်ဝစွာပါဝင်တာကြောင့် ခန္ဓါကိုယ် ကျန်းမာစေနိုင်သလို ဦးနှောက်နဲ့အာရုံကြောကိုလည်း ကျန်းမာစေနိုင်ပါတယ်။

💓ဆန်လုံးညို

ဗီတာမင် B6 ကြွယ်ဝစွာပါဝင်တာကြောင့် စိတ်ပိုင်းဆိုင်ရာကျန်းမာစေနိုင်ပါတယ်။ အန္တရာယ်ရှိတဲ့homocysteines ပမာဏမြင့်တက်မှုကြောင့် စိတ်ပိုင်းဆိုင်ရာ ချို့ယွင်းမှုတွေမဖြစ်အောင် ကာကွယ်ပေးနိုင်ပါတယ်။ မဂ္ဂနီဆီယမ်ပါဝင်တာကြောင့် အာရုံကြောစနစ်ကို ကျန်းမာစေနိုင်ပါတယ်။

💓ကိုကိုး

ဓါတ်တိုးဆန့်ကျင် အာနိသင်တွေကြွယ်ဝတာကြောင့်oxidative stressတွေကြောင့်ဖြစ်လာမယ့် အာရုံကြောထိခိုက်မှုပြဿနာတွေကို ကာကွယ်ပေးနိုင်ပါတယ်။

💓ငါး

အထူးသဖြင့်ကတော့ ပင်လယ်ငါးပါ။ Omega- 3 fatty acids ကြွယ်ဝစွာပါဝင်တာကြောင့် ဦးနှောက်နဲ့အာရုံကြောစနစ်တွေကို ကျန်းမာစေနိုင်ပါတယ်။

💓ငှက်ပျောသီး

ပိုတက်ဆီယမ်ကြွယ်ဝတဲ့ ငှက်ပျောသီးလေးက ဦးနှောက်နဲ့အာရုံကြောစနစ်ကိုရေဓါတ်ပြည့်အောင်ဖြည့်ပေးပြီး အာရုံကြောစနစ် ကျန်းမာအောင်လုပ်ဆောင်ပေးပါတယ်။

💓ကြက်သွန်ဖြူ

ဓါတ်တိုးဆန့်ကျင်အာနိသင်ကြွယ်ဝစွာပါဝင်တာကြောင့် ဦးနှောက်နဲ့အာရုံကြောစနစ်ကို ကျန်းမာစေနိုင်ပါတယ်။
ဦးနှောက်နဲ့အာရုံကြောစနစ် ကျန်းမာစေဖို့အတွက် အခုပြောခဲ့တဲ့ အစားအသောက်လေးတွေကိုနေ့စဉ်တစ်ခု နှစ်ခုလောက်ပါဝင်အောင်စားသုံးပေးပြီး အာရုံကြောကျန်းမာအောင်စောင့်ရှောက်လိုက်ပါရှင်။

to original uploader

09/07/2023

14/06/2023

ဒါတွေဖြစ်ရင် ဒီလိုလုပ်

03/04/2023

ထမင်းစားပြီး ချက်ချင်းရေမချိုးသင့်တဲ့အကြောင်းအရင်း

အလုပ်များတဲ့နေ့ရက်တွေကို ဖြတ်သန်းရတာများလာတာနဲ့ ကျွန်တော်တို့တွေက ကျန်းမာရေးနဲ့ညီညွှတ်တဲ့အလေ့အကျင့်တွေရှိဖို့ ခဲယဉ်းလာကြပါတယ်။ ကျွန်တော်တို့တွေ အလုပ်များလို့ ပင်ပန်းနေရင်တောင် ကျွန်တော်တို့ရဲ့ဘဝနေထိုင်မှုပုံစံနဲ့ပတ်သက်ပြီး အာရုံစိုက်ဖို့တော့ အရေးကြီးပါတယ်။ တစ်နေ့တာအလေ့အထတွေထဲမှာ တစ်ခုကတော ရေချိုးချိန်မှန်ဖို့ပါပဲ။ “ထမင်းစားပြီး ချက်ချင်းရေမချိုးနဲ့နော်” လို့ လူကြီးတွေပြောကြမှာပါ။ အဲဒီလိုဘာလို့ ပြောကြတာလဲဆိုတာ တကယ်တော့အကြောင်းအရင်းရှိပါတယ်။ ကဲ…စာဖတ်ပရိသတ်တွေလည်း ဆက်လက်ဖတ်ရှုကြည့်ပါနော်..။

ထမင်းစားပြီး ချက်ချင်းရေချိုးတာက ကျန်းမာရေးအတွက်ဘာလို့မကောင်းတာလဲ

ထမင်းစားပြီး ချက်ချင်းရေချိုးလိုက်မယ်ဆိုရင် သင့်ကျန်းမာရေးအတွက် မကောင်းနိုင်ပါဘူးနော်။ ရေချိုးပြီးတဲ့နောက်မှာ ကျွန်တော်တို့ခန္ဓာကိုယ်အပူချိန်ကလျော့နည်းသွားပါတယ်။ ခန္ဓာကိုယ်အေးသွားတာနဲ့ အစာခြေဖျက်ဖို့အတွက် သတ်မှတ်ထားတဲ့အပူချိန်ကို ထိန်းဖို့ခက်ခဲသွားပါတယ်။ ရလဒ်အနေနဲ့ အစာခြေတာကို အကူညီပေးတဲ့ သွေးက အခြားခန္ဓာကိုယ်အစိတ်အပိုင်းတွေကို စီးဆင်းနေတဲ့အတွက် အစာခြေဖျက်တဲ့ဖြစ်စဉ်က နှေးသွားပါတယ်။ နေလို့ထိုင်လို့မကောင်းတာ၊ အစာအိမ်အချဉ်ပေါက်တာတွေလည်း ဖြစ်စေနိုင်ပါတယ်လို့ သုတေသီတွေက ဆိုထားပါတယ်။ ထမင်းစားပြီး ရေချိုးမယ်ဆိုရင် အနည်းဆုံး (၂-၃) နာရီကြာမှ ရေချိုးသင့်ပါတယ်။

Ref: The REAL reason why you should never take a bath after eating

crd #