17/02/2022
🔹 ကိုဗစ်-၁၉ ရောဂါတွင် ပရိုဘိုင်အိုတစ်များ သုံးစွဲသင့်ကြောင်း ပထမဆုံး ထောက်ခံတင်ပြခဲ့သူများ 🔹
၂၀၂၀ ခုနှစ် မေလ (၈) ရက်နေ့တွင် ထုတ်ဝေခဲ့သည့် ''Frontiers in Public Health'' ဆေးပညာဂျာနယ်တွင် ကမ္ဘာကျော် တက္ကသိုလ်ကြီး (၃) ခုမှ ဆေးပညာရှင်ကြီး (၅) ဦးက ကိုဗစ်-၁၉ ကမ္ဘာ့ကပ်ရောဂါအတွက် ပရိုဘိုင်အိုတစ်များ အသုံးပြုခြင်းဖြင့် ရောဂါဖြစ်ပွားမှု အရှိန်အဟုန်ကို လျှော့ချပေးနိုင်ပါကြောင်း တင်ပြခဲ့ကြသည်။ အဆိုပါပညာရှင်များမှာ ဆွစ်ဇာလန်နိုင်ငံ လော်စိန်းမြို့ (Lausanne, Switzerland) ရှိ လော်စိန်းတက္ကသိုလ် ဆေးရုံမှ ဒေါက်တာ ဒေးဗစ် ဘတ် (Dr. David Baird) နှင့် ဒေါက်တာ ဗာဗာရာ ဒိုင်မိုပူလူ အက်ဂရီ (Dr. Varvara Dimopoulou Agri)၊ ယူကေနိုင်ငံ ရီးဒင်းတက္ကသိုလ် (University of Reading, United Kingdom) မှ ဒေါက်တာ ဂလင် အာ ဂစ်ဆမ် (Dr. Glenn R. Gibson)၊ ကနေဒါနိုင်ငံ အနောက်အွန်တာရီယိုတက္ကသိုလ် (University of Western Ontario, Canada) မှ ဒေါက်တာ ဂရီ ဂါရိ (Dr. Gregor Reid) နှင့် ဒေါက်တာ အဲရစ် ဂျီနာနိုနီ (Dr. Eric Giannoni) တို့ဖြစ်ကြပါသည်။
ယင်းတို့၏ တင်ပြချက်မှာ ယခင်က ပြုလုပ်ခဲ့ပြီးဖြစ်သည့် သုတေသနစာတမ်းများအရ အသက်ရှူလမ်းကြောင်းဆိုင်ရာ ရောဂါများတွင် ပရိုဘိုင်အိုတစ်ကိုပေးပါက ရောဂါသက်သာပျောက်ကင်းမှု ပိုကောင်းစေသည် ဆိုသည့်အချက်ကို ထောက်ပြထားသည်။ အဆင့်အတန်းမြင့်မြင့် ပြုလုပ်ထားသော သုတေသနစာတမ်း (RCTs) ၁၂ စောင်ကို ခြုံငုံ သုံးသပ်ချက်အရ (Meta-analysis) အကျိုးရှိကြောင်း ခိုင်ခိုင်မာမာ တွေ့ရှိခဲ့ရသည်ဟု ဆိုသည်။ လူပေါင်း ၃၇၂၀ ကို လေ့လာချက်အရ ပရိုဘိုင်အိုတစ် မှီဝဲသူများသည် မမှီဝဲသူများထက် အသက်ရှူလမ်းကြောင်းဆိုင်ရာရောဂါ ဖြစ်ပွားမှု တစ်ဝက်ခန့် လျော့နည်းနေကြောင်း တွေ့ရပါသည်။ ထို့အပြင် အခြားသော အသက်ရှူလမ်းကြောင်းဆိုင်ရာ ရောဂါဖြစ်နေသူ ၄၇၉ ယောက်ကို လေ့လာမှုအရ ပရိုဘိုင်အိုတစ်ပေးပါက ရောဂါလက္ခဏာများကို သက်သာစေသည့်အပြင် ရောဂါဖြစ်ပွားသည့်ရက် ပို၍တိုကြောင်း တွေ့ခဲ့ရသည်။
ထိုသို့ သက်သာရခြင်းမှာ ပရိုဘိုင်အိုတစ်များသည် အသက်ရှူလမ်းကြောင်းကို ကာကွယ်ပေးရုံမက ကိုယ်ခံစွမ်းအားကို မြှင့်တင်ပေးခြင်း၊ ရောင်ရမ်းစေသော ဓာတ်ပစ္စည်းများ ဖြစ်သည့် တီအင်အက်ဖ်-အာဖာ (TNF-α)၊ အင်တာလူကင်-၆ (IL-6) ကဲ့သို့သော ဓာတ်ပစ္စည်းများ ထွက်ရှိမှုကို လျော့နည်းစေခြင်း တို့ကြောင့်ဖြစ်ကြောင်း တင်ပြခဲ့သည်။ ထို့အပြင် ဗိုင်းရပ်စ်ပိုးများကို နှိမ်နင်းရာ၌ အဓိကကျသည့် အင်တာဖရွန်-၁ (Type I interferon) ထွက်ရှိစေခြင်း၊ အင်တီဂျင်ကိုဖမ်းယူသည့် ဆဲလ်များကို တိုးပွားစေခြင်း (Increase the number and activity of antigen presenting cells)၊ ဗိုင်းရပ်စ်ပိုးများကို သတ်ဖြတ်ပေးသော သွေးဖြူဥများကို ပိုမိုများပြားလာစေခြင်း (Increase the number of Natural Killer cells)၊ အဆုတ်အတွင်း၌ အင်တီဘော်ဒီများ ပိုမိုထွက်စေကာ ဗိုင်းရပ်စ်များကို နှိမ်နင်းနိုင်စွမ်း တိုးတက်ကောင်းမွန်စေခြင်း (Increase levels of systemic and mucosal specific antibodies in the lungs) တို့ကြောင့်ဖြစ်ကြောင်း တင်ပြခဲ့သည်။
အထက်ပါ သိပ္ပံနည်းကျ အထောက်အထားများအရ ကိုဗစ်-၁၉ ရောဂါ ကာကွယ်ကုသရာ၌ ပရိုဘိုင်အိုတစ်များကို အသုံးပြုသင့်ပါကြောင်း သက်ဆိုင်ရာနိုင်ငံများ၏ အစိုးရများသို့ အကြံပြုတင်ပြခဲ့သည်။ ယင်းတို့၏ဖော်ပြချက်အရ အသုံးပြုသင့်သော ပရိုဘိုင်အိုတစ် မျိုးစိတ်များမှာ -
🔷 Lactobacillus acidophilus
🔷 Lactobacillus brevis
🔷 Lactobacillus plantarum
🔷 Lactobacillus gasseri
🔷 Bifidobacterium bifidum
🔷 Bifidobacterium longum တို့ ဖြစ်ပါသည်။
ထို့အပြင် အစိုးရများအနေနှင့် ပရိုဘိုင်အိုတစ်များ အသုံးပြုခြင်းဖြင့် ကိုဗစ်-၁၉ ရောဂါအပေါ် မည်သို့မည်ပုံ အကျိုးပြုသည်ကို ယခုထက် ပိုမိုကျယ်ပြန့်သော သုတေသနလုပ်ငန်းများ ဆောင်ရွက်စေလိုကြောင်းလည်း တိုက်တွန်းပြောကြားထားပါသည်။
၂၀၂၀ ခုနှစ်နှင့် ၂၀၂၁ ခုနှစ်အတွင် ကိုဗစ်ရောဂါ ဖြစ်ပွားသူများနှင့် ယင်းတို့နှင့် ထိတွေ့ဆက်ဆံခဲ့သူများကို ပရိုဘိုင်အိုတစ်များပေး၍ စမ်းသပ်မှုများ ပြုလုပ်ခြင်း၊ ဓာတ်ခွဲခန်းအတွင်း စမ်းသပ်ခြင်းနှင့် တိရစ္ဆာန်များ၌ စမ်းသပ်ခြင်းများ ပြုလုပ်ခဲ့ရာ စုစုပေါင်း သုတေသန စာတမ်း (၁၅) စောင် ထွက်ရှိခဲ့ပါသည်။ အဆိုပါစာတမ်းများကို အင်တာနက် စာမျက်နှာတွင် မည်သူမဆို ဖတ်ရှူလေ့လာနိုင်ပါသည်။ အဆိုပါ သုတေသနစာတမ်းများကို အဖွဲ့အစည်းတစ်ခုတည်းက ပြုလုပ်ခဲ့ခြင်း မဟုတ်ဘဲ နိုင်ငံပေါင်းများစွာရှိ ကျန်းမာရေးဆိုင်ရာ အဖွဲ့အစည်းနှင့် တက္ကသိုလ်များ၌ ပြုလုပ်ခဲ့ခြင်းဖြစ်သည်။ တရုတ်၊ အမေရိကန်၊ ကနေဒါ၊ ဆွစ်ဇာလန်၊ ယူကေ၊ စလိုဗေးနီးယား၊ အီရန်၊ အီတလီ၊ သြစတေးလျ၊ ထိုင်ဝမ်၊ ပါကစ္စတန်၊ အိန္ဒိယ၊ ဂျာမနီ၊ နယ်သာလန်၊ ပြင်သစ် အစရှိသည့် နိုင်ငံများမှ ပညာရှင်များက ရေးသားတင်ပြခဲ့ခြင်း ဖြစ်သည်။
ကိုဗစ်-၁၉ နှင့် ပတ်သက်သည့် တင်သွင်းခဲ့ပြီးဖြစ်သော သုတေသနစာတမ်း (၁၅) စောင်
1. Metaproteomics Analysis of SARS-CoV-2-Infected Patient Samples Reveals Presence of Potential Coinfecting Microorganisms
(https://dx.doi.org/10.1021/acs.jproteome.0c00822)
2. The Modulation of Mucosal Antiviral Immunity by Immunobiotics: Could They Offer Any Benefit in the SARS-CoV-2 Pandemic?
(https://doi.org/10.3389/fphys.2020.00699)
3. The potential application of probiotics and prebiotics for the prevention and treatment of COVID-19
(https://doi.org/10.1038/s41538-020-00078-9)
4. Using Probiotics to Flatten the Curve of Coronavirus Disease COVID-2019 Pandemic
(https://doi.org/10.3389/fpubh.2020.00186)
5. Randomised, double-blind, placebo-controlled trial of Probiotics To Eliminate COVID-19 Transmission in Exposed Household Contacts (PROTECT-EHC): a clinical trial protocol
(http://dx.doi.org/10.1136/bmjopen-2020-047069)
6. Probiotics for the Prevention of Acute Respiratory-Tract Infections in Older People: Systematic Review
(https://doi.org/10.3390/healthcare9060690)
7. The effect of probiotics on respiratory tract infection with special emphasis on COVID-19: Systemic review 2010–20
(https://doi.org/10.1016/j.ijid.2021.02.011)
8. Probiotics and Covid-19
(https://doi.org/10.1080/09637486.2020.1807475)
9. Modulation of Gut Microbiota for the Prevention and Treatment of COVID-19
(https://doi.org/10.3390/jcm10132903)
10. Gut probiotic Lactobacillus rhamnosus attenuates PDE4B-mediated interleukin-6 induced by SARS-CoV-2 membrane glycoprotein
(https://doi.org/10.1016/j.jnutbio.2021.108821)
11. Probiotics reduce self-reported symptoms of upper respiratory tract infection in overweight and obese adults: should we be considering probiotics during viral pandemics?
(https://doi.org/10.1080/19490976.2021.1900997)
12. The emerging role of probiotics as a mitigation strategy against coronavirus disease 2019 (COVID‑19)
(https://doi.org/10.1007/s00705-021-05036-8)
13. Nutraceuticals in the Prevention of Viral Infections, including COVID-19, among the Pediatric Population: A Review of the Literature (https://doi.org/10.3390/ijms22052465)
14. Probiotics: Helpful for the prevention of COVID-19?
(https://doi.org/10.15419/bmrat.v7i11.646)
15. Probiotics in Prevention and Treatment of COVID-19: Current Perspective and Future Prospects
(https://doi.org/10.1016/j.arcmed.2021.03.002)
ဒေါက်တာခင်မောင်လွင် (FAME)
