Han Thi Zin

11/12/2025

Good night with sweet words 💫
ဒီနေ့ရဲ့ မှော်လေးတွေ အတွက် ⚡️

You are the MAGICIAN 🔮
ရွှေငွေစိန်ကျောက် စုဝေးရောက် တန်ခိုးရှင်ရဲ့ 2026 ✨

Ohh hooo !!
လိုချင်သမျှ အရာရာကို ဖန်တီးလို့ရယူနိုင်လိ့်မ်မယ် တကယ် ....
ဝေဖန် ပြစ်တင် ရှုံ့ချသံတွေကို လုံးဝ (လုံးဝ) ဂရုမစိုက်ဘူး ....
ကိုယ့်ကိုယ်ကို ယုံကြည်တယ် .... ကိုယ့်လိပ်ပြာ ကိုယ်လုံတယ် .... ကိုယ့်ကိုယ်ကို အရမ်းချစ်တယ် .... ဒီလိုနဲ့ ကိုယ့်အတွက် ကိုယ်ဟာ အဖိုးတန်ဆုံးရတနာလေးဖြစ်နေပါရော ....

ကိုယ့်ကိုယ်ကို ဘယ်သူနှင့်မှ နှိုင်းယှဉ်ခြင်းမရှိ .... ဘယ်သူ့ကိုမှ တုပယှဉ်ပြိုင်ခြင်းမရှိဘဲ ကိုယ့်ရဲ့ဖြတ်သန်းနိုင်ခဲ့ခြင်းတွေကိုသာ ပြန်သုံးသပ်ရင်း ကျေနပ်နေပါတယ် ... လှပစွာ စွမ်းအားကြီးစွာ ခွန်အားပြည့်စွာ နှလုံးသားဟာ ကြီးပြင်းလာခဲ့ပါပြီ ...

လူတွေနှင့်တွေ့ဆုံဖို့ထက် တော တောင် ပင်လယ် သစ်ပင်တွေကြားမယ် တိုးဝှေ့ပျော်ရွှင်ရင်း ကမ္ဘာမြေတဝှမ်းကို ကောင်းကင်ယံဝေဟင်ကနေ ငုံ့ကြည့်နေရသလို ခံစားမိမယ့် နှစ်ပါ ....

နာကျင်နေသောလူသားများအတွက် စိတ်ပိုင်းဆိုင်ရာ ပံ့ပိုးမှုတွေကို လုပ်ပေးရလိမ့်မယ် ....
အောင်မြင်မယ့် ကိုယ်ပိုင်လုပ်ငန်းရှင်လေးတွေ အများကြီးတွေ့နေရပါတယ် ....
Congratulations 🎉🍾🎈

အနုပညာဖန်တီးမှုတွေ သူမတူအောင် စွမ်းဆောင်နိုင်ပြီး ဆုကြီးကြီးတွေရမယ့်သူများလည်း မှော်ဆန်တဲ့ ဒီအဖွဲ့ထဲမှာ တွေ့ရတယ် .....
ဆန်းကြယ်သော ပညာရပ်တွေကို ယုံကြည်မြတ်နိုးတတ်သလို လေ့လာသင်ယူနိုင်စွမ်းရှိသူမို့ စကြဝဠာရဲ့ဘာသာစကားတွေကိုလည်း နားလည်နေသူလေးပါ ....
ဒါကြောင့် ကိုယ့်ရဲ့လောကကို သုံးသပ်တဲ့အမြင်တွေဟာ အများနှင့်မတူ တမူကွဲပြားနေတယ်နော် ....
That's OK !!
မတူညီခြင်းကိုက လူသားဖြစ်တည်ခြင်းရဲ့ သဘာဝအလှတစ်ခုပါပဲလေ ......

သီလဆောက်တည်နော် .... သေချာ ပုံမှန်ဆောက်တည်ပါ .... ကျန်းမာစေဖို့ ဒါ လုပ်ကိုလုပ်ရလိမ့်မယ် .... မြေဓာတ် မီးဓာတ် မျှတစေဖို့ နေပူစာလှုံပါ ... မြေကြီးနင်းပါ

ငွေက ဝင်သမျှပြန်ထွက်နေလည်း စိတ်မညစ်ပါနဲ့လေ .... ထွက်သမျှငွေထက် အဆများစွာ ပြန်ဝင်ဖို့ ထွက်သွားတဲ့အခါ ကျေးဇူးတရားပါသွားပါစေလေ

လူတွေရဲ့ ကိုယ့်အပေါ်နားမလည်ပေးနိုင်ခြင်းတွေကြောင့် နာကျင်မောပန်းတာလေးတွေရှိနိုင်တယ် ..... မကိုက်ညီတာတွေ လွှတ်ချတတ်ဖို့ သင်ခန်းစာတွေချပေးနေတာပါ ... အောင်မြင်စွာ သင်ယူပြီးမြောက်ပါစေလေ

ဒီကမ္ဘာမြေ နှင့် လူသားတွေအတွက် ဘာတွေကူညီပေးနိုင်မလဲဆိုတဲ့အတွေးနှင့် ပြုဖွယ်ကိစ္စမှန်သမျှကို ဆောင်ရွက်တတ်သူမို့ အောင်မြင်မှုဟာ ကိုယ့်အနီးနား အမြဲရှိပါတယ် ....
ယုံကြည်ထားဖို့ပဲ လိုပါတယ် ...

ကိုယ့်ကိုယ်ကို သေချာစစ်မှန်စွာ ချစ်တတ်ဖို့ သင်ယူလေ့ကျင့်ရမယ့်နှစ်ပါ ....
မှန်ကန်သော အသက်မွေးမှုကို ကြိုးစားပြုခဲ့သူမို့ ဒီနှစ်မှာ ကံကြမ္မာက ဆုလက်ဆောင်တွေ ပေးလိမ့်မယ် ....
အကျိုးအမြတ်များမယ့်အလုပ်တွေ အလိုလို အရှေ့ရောက်လာတာမျိုးပေါ့ .....

စိတ်နှလုံးသားရဲ့ ခေါ်ဆောင်ရာကို လိုက်နိုင်ဖို့ ဖြူစင်သောစိတ်ထားရှိဖို့လဲ လိုတယ်နော် .....
လိုသမျှအရာရာ ကြွယ်ဝမှုအဖြာဖြာကို ကိုယ်လိုသလို ဖန်တီးနိုင်မယ့်နှစ်မို့ မရှိစကား ငြီးငြူပြောကြားခြင်းများ ရှောင်ရှားပါ .....

မိဘများကို သေချာပြုစုစောင့်ရှောက်လေလေ အလိုလို ဝင်ငွေတိုးလေလေ ကြုံရမယ် .....
ခရမ်းရောင်ပန်း ပုဝါ ကျောက်လေးများတွေ့ရင် ကံကောင်းမယ့်နိမိတ်မို့ ထီထိုးလိုက်လေနော် ....

🔮💫🐚

11/12/2025

✨ ကံကောင်းနေသူ မြင်ကာတွေ့ အောင်နိမိတ် အောင်အတိတ် စိတ်အတွေးကောင်း ဖြစ်ပါလေ့ ✨

So Soul
♾

10/12/2025

✨✨✨ အလင်းတန်းလေး ရဲ့ 2026 ✨✨

You are the LIGHT ✨
အလင်းရောင်လေးတွေ ဖြာကျ အေးမြနေမယ့် နှစ်တစ်နှစ်

မငြိမ်းချမ်းတဲ့လူတွေအလယ် ငြိမ်းချမ်းအောင် နေနိုင်မယ့် 2026 ပေါ့ ....
ဆုံတွေ့ရသူအားလုံးဟာ ကိုယ့်ရင်မှဖြစ်သော သွေးသားဆွေမျိုးများလို့ ခံစားမိပြီး မေတ္တာစိတ်ထားနှင့် ဖြတ်သန်းသွားလိမ့်မယ် ....

ဒီအဖွဲ့ထဲမှာ အိမ်ထောင်ပြုဖြစ်မယ့် singel လေးတွေ အများကြီးပဲ တွေ့ရတယ် ....
အိမ်ထောင်ရှိပြီးသား ဦးဦး ဒေါ်ဒေါ် ကိုကို မမ ညီမလေး မောင်လေးများလည်း ချစ်ကြည်နူး တစ်တီတူး ပျော်ရွှင်မြူးတူးရမယ့် Honeymoon Year လေးပါ ....

အခြားသူတွေရဲ့ မဟုတ်မမှန်တာတွေတွေ့ရင် လိုက်ပြုပြင်ဖို့ မကြိုးစားဘဲ ကိုယ်တိုင်မှန်နေဖို့သာ ပိုအာရုံစိုက် ကြိုးစားပါ ....
နေကောင်းအောင် ဂရုစိုက်နေနော် ....
ခြေအေး လက်အေး အစာအိမ်ဘေး ဥပါဒ်တွေ မဖြစ်စေဖို့ နွေးနွေးထွေးထွေးနေပေးပါ .....

အမြပြုံးမိနေတဲ့ကိုယ့်အတွက် ပြုံးရမယ့်အရာတွေ တစ်ခုပြီး တစ်ခု ဘဝထဲကို ဝင်ရောက်လာလိမ့်မယ် ....
အလိမ်ခံရလွယ်တတ်လို့ အရာရာကို သေချာစစ်ဆေး သုံးသပ်ပြီးမှ ဆောင်ရွက်ပါ ....

လူတွေရဲ့ မှတ်ချက်ကောင်းတွေရဖို့ထက် ကိုယ့်ရင်ထဲမှာ လိပ်ပြာလုံဖို့ကို ပိုတွေးပြီး ရှင်သန်ပါ .....
လူတိုင်း စိတ်ကျေနပ်ဖို့ဟာ ကိုယ့်တာဝန်မဟုတ်ဘူးလေနော် ....
ကူညီပံ့ပိုးပေးခြင်းတွေမှာ စည်းထားတတ်ဖို့ ကြိုးစားပါ .....

ရှင်သန်ရတာ ပင်ပန်းနေတတ်တယ် ....
အနီးဆုံးလူတွေနှင့် အတူမနေချင်စိတ်ဖြစ်နေတတ်တယ် ....
ကျေးဇူးတရားလေးတွေ ရှာဖွေပါ ....
မေတ္တာစိတ်လေး ထားကြည့်ပါ ....
ပူနေတာတွေ ငြိမ်းသွားလိမ့်မယ် ....
ညှိုးနေတာတွေ လန်းသွားလိမ့်မယ် ....

စီးပွားရေး လုပ်တိုင်းဖြစ်လာမယ့် နှစ်မို့ ဝင်လာသမျှထဲက တကယ်လိုအပ်နေတဲ့နေရာတွေကို နိုင်သရွေ့ ပြန်မျှပေးနော် ....
ရေရှည်မှာ ကိုယ့်အတွက် အကျိုးမရှိမယ့်အရာတွေကို လက်လွတ်ရမယ့်နှစ်မို့ လွှတ်ချခြင်းတွေမှာ လက်ခံတတ်ပါစေ ...

မိဘ ဆွေမျိုး ကျေးဇူးရှိဖူးသူများကို စိတ်တိုင်းကျ ပြုစုစောင့်ရှောက်ခွင့်ရလို့ ကုသိုလ်တိုးမယ့် နှစ်တစ်နှစ်ပါပဲ ....
ဘာသာရေးနှင့်ပတ်သက်သော စာမေးပွဲများ / အလှူဒါနများ အောင်မြင်စွာပြုလုပ်နိုင်အုံးမယ် ....

ချောကလက် ချိုချဉ် သစ်သီးများ ချစ်ရသူတွေကို လက်ဆောင်ပေးဖို့ မမေ့နဲ့နော်

🍭🦋💎

10/12/2025

♥️ မြင်တွေ့သူအတွက် ပြည့်စုံသော နိမိတ်မင်္ဂလာဖြစ်ပါစေ ♥️

So Soul
♾

09/12/2025

ယနေ့ တဖန် အလှည့်ကျလာတာကတော့ .......
The One group ဖြစ်ပါတယ်ရှင် ✨

မင်္ဂလာရှိသောညချမ်းလေးမှာ စိတ်လက်ကြည်သာရှိကြပါစေရှင် 🌙

You are the ONE ♾

တိမ်မြှုပ်နေသောစွမ်းအားတွေ ထွက်ပေါ်လာမယ့်နှစ်

Hiii Yaaa !!
You are Super Duper One 💫
အလုပ်တွေ အများကြီးလုပ်ရသလို အကျိုးအမြတ်တွေ တထောကြီးရလိမ့်မယ် .....
ပင်ပန်းရပေမယ့် မပင်ပန်းနေသလို ပေါ့ပါးတက်ကြွနေမယ့် စွမ်းအားအပြည့်နှင့် 2026 ....

စိတ်ရှုပ်စေသောအရာတွေကို အထာကျကျ လက်ပြနှုတ်ဆက်ရင်း ပြုံးပြုံးလေး လျစ်လျူရှုနိုင်မယ့် နှစ်သစ်မဂ်လာလေးပါ ....
ဘဝမှာ ကိုယ်အပါအဝင် အားလုံးဟာ ကျရာဇာတ်ရုပ်သရုပ်ဆောင်နေကြရသူတွေမို့ ကိုယ့်အပေါ် မကောင်းတဲ့သူကိုပင် သူ့ဇာတ်ကွက်သူ သရုပ်ဆောင်နေတယ်လို့ မြင်ပြီး ခွင့်လွှတ်နားလည် မေတ္တာပေးနိုင်နေလိမ့်မယ် ..... ဒီစိတ်လေးအတွက် တကယ် ဝမ်းသာဂုဏ်ယူပါတယ် 💐

ငွေကြေး သိသိသာသာ ချောင်လည်စုဆောင်းမိလာမယ် ... လိုနေတာတွေ ကိုယ်တိုင်စိတ်ကြိုက် ဝယ်ယူနိုင်မယ် .... အသုံး နှင့် အဖြုန်း သေချာခွဲခြားသိသူမို့ အထွေအထူး မှာစရာမရှိ ....

အကြောတက် ကျီးပေါင်း ခါးနာ ဖြစ်ခဲ့ရင် ကိုယ်လက်လှုပ်ရှားဖို့ မမေ့နဲ့ .... သဘာဝကျောက်တုံးလေးတွေ ကိုယ့်အနားရောက်လာခဲ့ရင် သေချာရေဆေးသန့်စင်ပြီး အိပ်ရာနားထားလိုက် .... ရောဂါဖြစ်တဲ့အခါ ကိုယ်သာနာစေ စိတ်မနာစေနဲ့ ....

လေယာဉ်ကြီးစီးပြီး ခရီးတွေသွားရအုံးမယ် .... အဲ့လိုသွားဖြစ်တဲ့အခါ ဒို့ပြောထားတာမှန်တယ်ဆိုပြီး ကျေးဇူးတင်ရင် ဒို့အတွက် ရောက်လေရာအရပ်က magnet တစ်ခု လက်ဆောင်ဝယ်ခဲ့ ....

ချစ်ရေးချစ်ရာ သာသာယာယာ နှစ်လေတစ်နှစ်ပါ ..... အဟောင်းတွေ ပြန်ဆက်ဖို့တွေးနေရင်း ပိုကောင်းတဲ့အသစ်လေးနှင့် ဆုံရမယ့်သူတွေ အများကြီးပဲ ... ဒီလောကကြီးထဲ သစ္စာတရား ဆိုတာဟာ တကယ်ရော ရှိသေးရဲ့လား တွေးမိနေရင် ကိုယ်တိုင်ကစ ပျိုးထောင်ကြည့်လိုက်ပါ ...

ပတ်ဝန်းကျင်မှာ အကြံဉာဏ်ကောင်းတွေပေးရင်း ကိုယ့်မေတ္တာကို ဖော်ပြနိုင်လာလို့ အများရဲ့ကျေးဇူးတင်သောစိတ်တွေကြောင့် ပီတိပွားလို့ အကျိုးများရမယ့် 2026

စတင်ထားတဲ့အလုပ်တွေ ပီပီပြင်ပြင် ရုပ်လုံးပေါ် တိုးတက်လာမှာပါ .... အမှောင်တွေဖုံးလာရင် ကိုယ့်ရင်ထဲကအလင်းအားနှင့် ဆက်တောင့်ခံထားပါ .... အများမိုးခါးရေသောက်တိုင်း လိုက်မသောက်ဘဲ လိမ္မာတဲ့ ကလေးမို့ ကမ္ဘာကြ်ီးက လက်ဆောင်တွေ ပို့ပေးလာလိမ့်မယ် ...

မိဘ ဆွေမျိုး အသိုင်းအဝိုင်းအတွက်လည်း စိတ်ရှိတိုင်း ပံ့ပိုးနိုင်လိမ့်မယ် .... မပူနဲ့ .... ဖြစ်ချင်တာတွေကို လျှော့လေလေ ဖြစ်ချင်တာတွေ ဖြစ်လာလေလေ ဆိုတာ မျက်မြင်ဒိဌ ကြုံရအုံးမှာ ...

⭐️🎖

09/12/2025

ဒါ တကယ် မလွယ်ကူတဲ့အလုပ်ပါပဲ။ ဒါကို တကယ်လုပ်နိုင်ရင်လဲ တကယ်ထူးခြားတာတွေ ရနိုင်တယ်။

အခြားသူတွေတော့ မသိဘူး။ ကျွန်မကလေ လူအများ​ရှေ့ဆို မလုပ်တဲ့အရာတွေ လူကွယ်ရာမှာလဲ မလုပ်မိဖို့ ထိန်းသိမ်းရခက်တာတွေ ရှိခဲ့ဖူးတယ်။လူတွေရဲ့ အရှေ့မှာ မလုပ်တဲ့အရာတွေကို လူမမြင်ကွယ်ရာမှာပါ မလုပ်ဖို့ တကယ်ထိန်းသိမ်းနိုင်လာတဲ့အခါ ကိုယ့်ကိုယ်ကို ယုံကြည်မှုတွေ တိုးလာတာ တွေ့ရတယ်။

ဒါနဲ့ပတ်သက်လို့ ကျွန်မ Director တစ်ယောက်ရဲ့ အတွင်းရေးမှူးပေါက်စဘဝတုန်းက အဖြစ်အပျက်လေးတစ်ခု သတိရမိတယ်။ ဝန်ထမ်းဘဝမှာ လစာတွေဟာ confidential (လျှို့ဝှက်ထိန်းသိမ်းရမယ့်အချက်) ဆိုတဲ့ စည်းကမ်းကို လိုက်နာကြရတယ်။ ကျွန်မက အတွင်းရေးမှူးတွေ စုဝေးရုံးထိုင်ရတဲ့အခန်းမှာ နေရတယ်။ အားလုံး အသက်အရွယ် မတိမ်းမယိမ်း အမျိုးသမီးတွေချည်းပါပဲ။ ကိုယ့်ရဲ့အတွင်းရေးတွေ ဖွင့်ချတိုင်ပင်ရတဲ့အထိ လူချင်း အင်မတန်ရင်းနှီးလာကြပေမယ့် ethic အရ သူ့လစာ ကိုယ့်လစာ မပြောကြ မမေးကြဘူး။

တနေ့ လစာထုတ်တဲ့ တစ်ရက်မှာ အားလုံး အပြင်ရောက်နေချိန် ကျွန်မတစ်ယောက်ထဲ အခန်းထဲမှာ ကျန်ခဲ့တယ်။ ဒီနေ့ သေချာတာက အားလုံးရဲ့ စားပွဲအံဆွဲထဲမှာ လစာ pay slip တွေဟာ ရှိနေမှာပဲမို့ သိချင်စိတ် ဖျတ်ဆို ဖြစ်သွားတယ်။ ရုံးခန်းတွေ သေချာမဖွဲ့စည်းရသေးတဲ့ ဆောက်လုပ်ရေးကာလမို့ စားပွဲတစ်လုံးကို အားလုံးမျှသုံးပြီး အလုပ်,လုပ်ကြရတဲ့အချိန်မှာ သူ့စားပွဲ ကိုယ့်စားပွဲ ပုံသေမရှိသေးလို့ စားပွဲကို အလွယ်တကူ ဖွင့်လို့လဲရတယ်။ ကျွန်မဖွင့်လဲ ဘယ်သူမှ သင်္ကာမကင်းဖြစ်မှာ မဟုတ်ပါဘူး။ အခန်းထဲမှာ CCTV လည်း မရှိသေးတာ ကျွန်မ အသိဆုံးပေမယ့် တစ်ယောက်,ယောက်က ကြည့်နေတယ်လို့လဲ ခံစားမိနေတယ်။ မဟုတ်တာလုပ်ပြီးရင် စိတ်မလုံတတ်ကြသလိုမျိုးပေါ့လေ။

ပိုက်ဆံ သိန်းရာချီ ထောင်ချီထားခဲ့ရင်တောင် စိတ်ချရလို့ ကိစ္စကြီးတွေ တာဝန်ပေးခြင်းခံရတဲ့ ကျွန်မရဲ့စိတ်ထဲမှာ ဒီလစာပမာဏတွေကို စပ်စုချင်တဲ့စိတ်ကြောင့် ခိုးကြောင်ခိုးဝှက် ကြည့်ချင်စိတ်တွေ ဖြစ်နေတာများ တဖွားဖွားနဲ့ ထိုင်လိုက် ထလိုက် ဂနာမငြိမ်။ ဒါဟာ ဘယ်သူမှ မသိနိုင်တဲ့အခြေအနေ ဖြစ်နေတယ်ဆိုတဲ့ အမှောင်စိတ်ရဲ့တွန်းအားကြောင့် ဖြစ်လိမ့်မယ်။ စိတ်ဆိုတာ စောင့်ကြည့်လေလေ ဆန်းပြားတာ တွေ့ရလေလေ။

အဲ့လိုနဲ့ ချီတုံချတုံ ဖြစ်နေရင်း ငါဟာ အဲ့လို ရှေ့တမျိုး ကွယ်ရာတစ်မျိုးလူ မဖြစ်ချင်ဘူးဟယ် ဆိုတဲ့စိတ်နဲ့ မကြည့်ဖို့ ဒုံးကနဲ ဆုံးဖြတ်ချက်ချလိုက်တယ်။ အဲ့ဒီ့တော့မှ လူလဲနေရတာ ပေါ့ပါးသွားတယ်။ အဲ့လို ဆုံးဖြတ်ပြီး နေနိုင်လိုက်တဲ့အခါ ကိုယ့်ကိုယ်ကို ယုံကြည်မှုလဲ ပိုတိုးသွားသလိုပဲ။ ယုံကြည်မှုဆိုတာ ဒီလိုပဲ တည်ဆောက်ရတယ်ဆိုတာ နားလည်ခဲ့တယ်။

အဲ့ဒီကိစ္စပိစိလေးဟာ (၁၀) နှစ် ကျော်ခဲ့ပြီ။ ဒါပေသိ အဲ့တုန်းက younger ME လေးကို ပြန်တွေးတိုင်း ကျွန်မလေ သိပ်ချစ်မိပြီး အင်မတန် smart ကျတယ်လို့ ခံစားရတယ် ။ ဒါလေးဟာ ဘယ်သူမှတောင် မသိလိုက်တဲ့ ကိစ္စသေးသေးလေးပေမယ့် ဒီနေ့အထိ ကျွန်မဘဝမှာ ကိုယ်လုပ်နိုင်ခဲ့တဲ့ achievement တွေ ပြန်စဉ်းစားရင် ကျေနပ်မိရဆဲ အရာလေးတစ်ခုပါပဲ။ အဲ့ကထဲက အခုထိ အဲ့ဒီ့အကျင့်လေးကိုလဲ ဆက်ထိန်းသိမ်းဖြစ်တယ်။

"သူများ ဘယ်လောက်ရနေလဲ" " သူများ ဘာတွေဖြစ်နေလဲ " ဆိုတာကို သိချင်လာတိုင်း တွေးမိလာတိုင်း "ငါ လုပ်နေတာနဲ့ ငါ ရနေတာကို ငါကျေနပ်လား " လို့ ကိုယ့်ကိုယ်ကိုပဲ ပြန်မေးဖြစ်တယ်။ သူ ရနေတာသည် သူ့သမိုင်း သူ့ကံအကြောင်း။ ငါရနေတာကို ငါ ကျေနပ်ရင် ပြီးပြီလေ ။ ကိုယ်ရနေတာကို မကျေနပ်ရင် ကျေနပ်တဲ့အထိရအောင် ဘာလုပ်ရမလဲပဲ တွေးတဲ့အကျင့်ရအောင် ပြင်လိုက်တယ်။ ဒီလိုနဲ့ ဝန်ထမ်းဘဝမှာလဲ ကိုယ်လုပ်ရတာနှင့် ပြန်ရတာ တန်တဲ့အနေအထားတွေ ရခဲ့တယ်။ ကိုယ့်လမ်းကိုပဲ ကြည့်လျှောက်တဲ့အခါ စိတ်လဲ တကယ် အေးချမ်းခဲ့ရတယ် ရှေ့လည်းတကယ်ရောက်ခဲ့တယ်။

လူ့စိတ်သဘာဝအရ သူများရတာ သိချင် ယှဉ်ချင်တတ်တာကို ကိုယ့်ကိုယ်ကို အပြစ်မတင်ဘဲ ဒီစိတ်ကို အရှိအတိုင်းလက်ခံပြီး ဉာဏ်ပညာနှင့် စိတ်နှလုံးသွင်းမှန်ကန်ခြင်းတွေနှင့် ပြန်ထိန်းသိမ်းနိုင်ဖို့ပဲ ကြိုးစားတယ်။ ဝန်ထမ်းဘဝမှာ စည်းကမ်းတွေကို လိုက်နာတတ်လွန်းလို့ စာအုပ်ကြီးဆန်တယ်လို့ ကွယ်ရာမှာ ဝေဖန်ခံရဖူးသလို ကျွန်မ့လေးစားရသူတွေရဲ့ ယုံကြည်စိတ်ချခြင်းတွေလည်း ပြန်လည်ရရှိခဲ့တာ အများကြီးပါပဲ။

တချို့မိတ်ဆွေတွေက " ခိုင်မိုးက ကိုယ့်ကိုယ်ကို ယုံကြည်မှုအမြဲရှိနေသလိုပဲနော် ဘာကြောင့်လဲ " လို့ မကြာခဏ မေးဖူး ပြောဖူးကြတယ်။ ဒီမေးခွန်းအတွက် ကျွန်မ တိတိကျကျ ပြည့်စုံစွာ မဖြေတတ်ပေမယ့် သေချာတဲ့တစ်ချက်ကတော့ ဒီလို မမြင်ကွယ်ရာမှာ မဟုတ်မမှန်တာတွေ လုပ်ချင်လာတဲ့အခါ ကိုယ့်ကိုယ်ကို မလေးစားနိုင်တော့မှာစိုးလို့ သတိကပ်ကြိုးစား ထိန်းသိမ်းနိုင်ခြင်းကြောင့်ပါ။

" စိတ်ကွယ်ရာအရပ်၌ပင် မကောင်းမှုကို ပြုတော်မမူသော မြတ်စွာဘုရား " ဆိုတဲ့ ဂုဏ်တော်ကို နှလုံးသွင်းပါများလာတော့ ဓာတ်တွေကူးလာခဲ့တယ် ထင်ပါတယ်။ ကိုယ်တိုင်လဲ ငါ့သန္တာန်မှာ ဒီလိုဖြစ်ဖို့ ကြိုးစားရမယ်လို့ တွေးမိပြီိး နည်းနည်းချင်း အကျင့်လုပ် ထိန်းနိုင်လာတော့မှ ဘုရားဂုဏ်တော်ထဲမှာ ဒါဟာ ပူဇော်ထိုက်တဲ့အချက်အဖြစ် ပါဝင်နေတာကို နားလည်လက်ခံမိပြီး ဗုဒ္ဓကို ပိုကြည်ညိုလာမိတယ်။

ဒီလိုနဲ့ပေါ့လေ .... ကျွန်မကတော့ တရားကိုတွေ့မှ ဘုရားကို တကယ့်ကိုယ်ဉာဏ်မျက်စိနှင့် မြင်တွေ့လာတတ်ခဲ့တာပါပဲ။ ကိုယ်ကြုံဖူးတာလေး မျှဝေခြင်းသာပါ။

So Soul
♾

09/12/2025

✨ ချမ်းသာပြည့်စုံအေးချမ်းခြင်း နိမိတ်မင်္ဂလာ✨
✨ လက်တွေ့ကြုံခွင့်ရှိမည့်သူများ မြင်တွေ့ပါစေ ✨

So Soul
♾

08/12/2025

❤️ 2 0 2 6 UNIVERSE is so warmly cool 🪐

You are the UNIVERSE 🪐

✨ ရင်ခုန်စိတ်လှုပ်ရှားရမယ့်နှစ် ဒီနှစ် ✨

ကိုယ့်ကို universe က ဒီလောက်ပံ့ပိုးချစ်ခင်ပေးတာပါလားလို့ ခံစားမိရမယ့်နှစ် ....
ဆန္ဒပြု Manifest ထားတာတွေ အံ့ဩဖွယ်ကောင်းအောင် တစ်ခုပြီး တစ်ခု အကုန်ရလာလို့လေ ....
ဒီအရာနှင့်အတူ " ငါ " ဆိုတဲ့ မာနလေး ကြီးထွားလာပြီး အတွေးမှားလေးတွေ ဝင်လာတတ်တာကိုတော့ သတိကပ်ထိန်းဖို့ လိုမယ်နော် ....

ဘယ်လောက် ပင်ပန်းပါစေ ...
ခန္ဓာကိုယ်က နွမ်းလျခြင်းမရှိ လန်းဆန်းနေမှာမို့ အနားယူဖို့တော့ မမေ့နဲ့လေနော် ...
ကြီးမားသော မင်္ဂလာကိစ္စများ ဦးစီးဆောင်ရွက်ရအုံးမယ် .... ကိုယ့်ပွဲလား သူများပွဲ ဖြစ်မလားတော့ မပြောတတ် ...

မွေးရပ်မြေရဲ့အဝေး နိုင်ငံရပ်ခြား တောတောင်တွေထဲ သွားလာလှုပ်ရှားရင်း မောပန်းနေတဲ့စိတ်ကိုကုစားခွင့်ရမယ် ....
မစွဲလမ်းသင့်တဲ့အရာတွေကို စွဲလမ်းတတ်လာလို့ သေချာထိန်းဖို့လဲ လိုပြန်တယ် ....

universe လေးတွေဟာ ကိုယ့်ဘာသာတစ်ဦးတည်း ပျော်ရွှင်စွာ ဒီနှစ်တွေကို ဖြတ်သန်းခဲ့တာပဲ ....
2026 မှာတော့ ကိုယ့်ဘဝထဲကို ဒီ စကြဝဠာကြီးက သိပ်နွေးထွေးကြောင်း ခံစားမိစေတဲ့ တစ်စုံတစ်ဦး ဝင်ရောက်လာလိမ့်မယ် ....
​ကျေနပ်ကြည်နူးစွာ အပြန်အလှန်ငေးကြည့်ရင်း ကမ္ဘာကြီးအနှံ့ အတူခြေဆန့်ကြရတော့မှာ ...

လွှတ်ချသင့်တာတွေ အကုန်နီးပါး လွှတ်ချပြီးပြီမို့ စိတ်သစ် လူသစ် ဘဝသစ်မှာ နေ့ရက်တိုင်းဟာ ကျေးဇူးတင်စရာအတိဖြစ်နေတယ်ဟုတ် ....
Congratulations 🎉🎊🎈

စီးပွားရေး ကြီးပွားရေးဆိုတာမျိုး သိပ်မတွေးဖြစ်နေပေမယ့် အများအတွက်အကျိုးရှိစေမှာလေးတွေကို တွေးလုပ်နေရင်း လုပ်ငန်းများ တိုးတက်ကြီးပွားလာမယ့် Your 2026 ပါ ....

ကမ္ဘာကြီးငြိမ်းချမ်းရေးဟာ ကိုယ့်အတွင်းစိတ်ငြိမ်းချမ်းခြင်းမှ စတင်တယ်လို့ လက်ခံနှလုံးသွင်းပြီး ဘယ်သူ့ကိုမှ ဘယ်အရာကိုမှ ဝေဖန်ပြစ်တင်မှုတွေ မလုပ်ဖြစ်တော့တဲ့ကိုယ်ဟာ တကယ်ကို လှပစွာကြီးပြင်းလာခဲ့ပြီ ....

2026 ဟာ ဒီလို ပြန်လည်ဖူးပွင့်လာတဲ့ပန်းကလေး ကိုယ့်ကို သေချာဆုချလိမ့်မယ် ....
ကြီးမားသောပြောင်းလဲမှုတစ်ခုဖြစ်လာရင် ဒါဟာကောင်းသောအရွေ့တစ်ခုလို့ မှတ်ယူနိုင်ပါတယ် .....
အခြားသူတွေအားလုံးအတွက် ကိုယ်ဟာ နားလည်ရခက်တဲ့ သီးခြားစကြဝဠာလေးတစ်ခုလို ဖြစ်တည်နေပါလိမ့်မယ် ....

ဘေးနားရောက်လာသူမှန်သမျှ အေးမြစေနိုင်စွမ်း
ကြုံလာသမျှ ကောင်းစွာ ထိန်းချုပ်ဖြေရှင်းနိုင်စွမ်း
လိုတာမှန်သမျှ လိုသလို ပြည့်လာနိုင်စွမ်းများနှင့်
Future Self က 2026 မှာ စောင့်ကြိုနေပါတယ် ....

Do you believe !!
Can you feel it !!

♾

08/12/2025

✨ မြင်တွေ့သူထံ လုံခြုံ နွေးထွေး ချမ်းမြေ့ခြင်းတွေ ဖြန့်ကျက်ရောက်ရှိပါစေ ✨
⚡️ ကောင်းမြတ်သော ဂုဏ်တော်များပွားများခြင်းဖြင့် အန္တရာယ်အပေါင်းမှ ကင်းဝေးစေပါလေ ⚡️

🧿 we are SAFE 🧿
🪬 We are PROTECTED 🪬

So Soul
♾

07/12/2025

✨ မြင်တွေ့သူအတွက် နာကျင်လေးလံစေသောအရာတွေရဲ့အဝေးမှာ ပျော်ရွှင်ရမယ့် နိမိတ်မင်္ဂလာဖြစ်ပါစေ ✨

So Soul
♾

06/12/2025

✨ YOUR 2026 ✨
✨ Choose one by following your intuition ✨
✨ I will create for one group in each day ✨
✨ Starting from tomorrow , you can feel your mesaages day by day ✨

Love you all ♥️

So Soul
♾

06/12/2025

ဘဝမှာ သုတဓမ္မ အပါအဝင် စာမေးပွဲတိုင်းကို မသမာသောနည်းမသုံးဘဲ စည်းကမ်းနှင့်အညီ အမြဲဖြေဆိုဖြစ်ခဲ့တယ်။

🌿 ကျရှုံးတဲ့စာမေးပွဲတွေလည်း ရှိခဲ့ဖူးတယ်။ ကိုယ် မကျက်/မလေ့လာလို့ မဖြေနိုင်တဲ့အခါ သေချာလေ့လာထားလို့ရတဲ့သူဆီက ကူးချရမှာ အင်မတန် အားနာမိတယ်။ သူများတွေ ကြိုးစားလေ့လာဖြေဆိုနေချိန် ခိုးချရမှာ အင်မတန် ရှက်ရွံမိတယ်။ မရရင် ရတာတွေ ချရေးပစ်တတ်တာလေးကလွဲရင် ဒီလိုခံယူချက်ရှိတဲ့ ကိုယ့်ကိုယ်ကို ကျရှုံးမှုတွေကြားကပင် ကျေနပ်လေးစားမိတဲ့စိတ် ပိုတိုးခဲ့ရတယ်။

🌿 ဂုဏ်ထူးနှင့် အောင်မြင်ခဲ့တဲ့ စာမေးပွဲတွေလည်း ဘဝမှာ အများကြီးပါပဲ။ တရားစာတွေကို လေ့လာဖြေဆိုတဲ့အခါ စစ်မှန်သောအရည်အချင်းကို အသုံးချပြီး ဖြေသူ နှင့် မဖြေသူ ရလာဒ်တူရင်တောင် ကွာခြားသွားမှာတွေ အများကြီးပါလားလို့ ဒီနေ့ မီးဖိုချောင်သန့်ရှင်းရေးလုပ်ရင်း တွေးမိတယ်။
အောင်မြင်တဲ့အခါ ....
** ရွှင်ကြည်ဝမ်းမြောက်ခြင်းမှာ ကွာသွားမယ် **
** ကြည်နူး ငြိမ်းချမ်းခြင်းမှာ ကွာသွားမယ် **
** ချမ်းသာ တည်ငြိမ်ခြင်းမှာ ကွာသွားမယ် **
** အဆုံးမှာ ယထာဘူတဉာဏဒသနဉာဏ် ရခြင်းမှာ ကွာသွားနိုင်တယ် **

🌿 ဒီအတွေးတွေ ဘယ်ကလာသလဲဆိုရင် သမထ နှင့် ဝိပသနာ ၊ စိတ်​၏အတွေးများ စသော သင်ခန်းစာတွေမှာ လေ့လာမှတ်သားခဲ့တဲ့ တရားအသိတွေက လာပါတယ်။ ဓမ္မစာပေတွေကို လေ့လာပြီး စာလိုသိရုံတင်မက လက်တွေ့ဘဝမှာပါ စိတ်အပူတွေကပ်လာရင် အလိုလို ပြန်အသုံးချနိုင်တဲ့ စိတ်အခြေအနေဖြစ်လာတာမို့ ဒီစာမေးပွဲဟာ ကျွန်မအတွက် အင်မတန်အဖိုးတန်ပါတယ်။

🌿 ယူသလို ရကြမယ့်ဘဝရဲ့သဘာဝကံစနစ်ကြီးက သူ့အလုပ် သူလုပ်နေရှာတယ်။ သဘာဝတရားရဲ့ စစ်မှန်သော အကြောင်းအကျိုးတွေ မြင်နိုင်သောဉာဏ်ရစေဖို့ ဒီဓမ္မစာပေတွေ လေ့လာခွင့်ရခြင်းကြောင့် ဒီဘဝကို ကျေနပ်ကျေးဇူးတင်မိရတယ်။

🌿 ဒီလိုနဲ့ ငါကတော့ အလုပ်တွေမအားတဲ့ကြားကကြိုးစားဖြေလိုက်ရတာ ။ ကူးချ ခိုးချ အဖြေပြောပြခံရပြီး ဖြေတဲ့သူတွေနှင့် Result တူရင် fair မဖြစ်ဘူး ဆိုတဲ့ အတွေးတွေဟာ လွင့်စင်သွားရပါတော့တယ်။

ဒီရက်ပိုင်း သုတဓမ္မစာမေးပွဲနှင့်ပတ်သက်ပြီး မြင်တွေ့ရတာတွေကြောင့် အတွေးများစဉ်းစားအပူပွားမိတဲ့ ကိုယ့်စိတ်ကို ဆုံးမမိတာလေးများ ရေးထားတာပါ။ ကျွန်မရဲ့စာမှာ လိုတာရှိရင် ယူနိုင်ပြီး မလိုတာရှိရင် ကျော်သွားပါရှင်။

So Soul
♾

#သုတဓမ္မ_ပညာဘူမိတက္ကသိုလ်