What are the opening hours?

Monday 09:00 - 21:00 Tuesday 09:00 - 21:00 Wednesday 09:00 - 21:00 Thursday 09:00 - 21:00 Friday 09:00 - 21:00 Saturday 09:00 - 21:00 Sunday 09:00 - 21:00

https://www.facebook.com/109805854087040/

𝙐𝙡𝙩𝙞𝙢𝙖𝙩𝙚 𝙋𝙝𝙮𝙨𝙞𝙤𝙩𝙝𝙚𝙧𝙖𝙥𝙮 𝙈𝙮𝙖𝙣𝙢𝙖𝙧, Mandalay (2026)

07/03/2026

အဖြစ်အများဆုံး ဖနောင့်နာရခြင်း အကြောင်းရင်း (၃) ခု🤔
⸻

1️⃣ Plantar Fasciitis (ခြေဖဝါးအရွတ်ရောင်ခြင်း)

ခြေဖဝါးအောက်/ ဖနောင့်အောက်မှာရှိတဲ့ plantar fascia လို့ခေါ်တဲ့အရွတ်ကို အသုံးများတာ (overuse/ overstretch)ကြောင့်၊ အရွတ်ရောင်ပြီး ဖနောင့်နာတတ်ပါတယ်။

လက္ခဏာအနေနဲ့
• မနက်အိပ်ယာထထချင်း ခြေလှမ်းစလှမ်းတာနဲ့ ခြေထောက် ထောက်လို့မရအောင် နာတတ်ပါတယ်

• ဒါ့အပြင် ကြာကြာထိုင်ပြီးနောက် လမ်းစလျှောက်ရင်လည်း ဖနောင့်နေရာကနေ စူးပြီးနာတတ်ပါတယ်
⸻

2️⃣ Calcaneal Spur/ Heel spur (ဖနောင့်အတက်ထွက်ခြင်း)

ဖနောင့်ပေါ်ကို အချိန်ကြာကြာ stress ဖြစ်ခြင်းကြောင့် ဖနောင့်အရိုးမှာ calcium deposits ဖြစ်ပြီး(ကယ်လ်စီယမ်အနယ်ထိုင်ပြီး) bone spur အရိုးအချွန်လေးဖြစ်လာတာပါ။

ဒီနေရာမှာ အရေးကြီးတဲ့ point အနေနဲ့👉
- Heel spur ရှိတိုင်း မနာတတ်ပါဘူး၊

- အများစု နာရတာက plantar fascia inflammation (ခြေဖဝါးအရွတ်ရောင်ခြင်း)ကြောင့်ဖြစ်ပါတယ်။

⸻

3️⃣ Achilles Tendinitis (ဖနောင့်အနောက်မှာရှိတဲ့ အရွတ်ရောင်ခြင်း)

Achilles tendon လို့ခေါ်တဲ့ ဖနောင့်အနောက်မှာရှိတဲ့အရွတ်ရောင်တဲ့အခါ

လက္ခဏာတွေအနေနဲ့
• ဖနောင့် အနောက်ဘက်နာခြင်း

• လမ်းလျှောက်ရင်/ ပြေးရင် နာခြင်း

• Morning stiffness လို့ခေါ်တဲ့ မနက်စောစော လှုပ်ရှားမှုလုပ်တဲ့အခါ တောင့်တင်းနေခြင်းတို့ကို ခံစားရတတ်ပါတယ်။
(အထူးသဖြင့် Runner တွေ/ Athlete တွေမှာပိုတွေ့ရပါတယ်။)

🤔ဘယ်လိုလူတွေမှာဖြစ်တတ်လဲ? (Risk Groups)
အထူးသဖြင့်—
• အချိန်ကြာရှည်စွာမတ်တပ်ရပ်ရသူတွေ

• Runner / athlete လို running/ jumping activities များတဲ့သူတွေ

• အဝလွန်၊ Overweight ဖြစ်တဲ့သူတွေ

• Flat foot / high arch foot ရှိတဲ့သူတွေ

• ဒေါက်ဖိနပ်စီးတာ၊ ဖိနပ်အမာစီးတာ၊ ဖိနပ်အပါးစီးတာများတဲ့သူတွေ

• ဖိနပ်မပါပဲ လမ်းလျှောက်တာများတဲ့သူတွေမှာ ပိုပြီးတွေ့ရတတ်ပါတယ်။

🚨အပေါ်မှာပြောထားတဲ့ အကြောင်းအရင်းတွေအပြင်
တခါတလေမှာ ဖနောင့်အရိုးအက်တာ (calcaneum stress fracture) ကြောင့်လည်း နာတတ်ပါသေးတယ်။

🤔Heel pain ကို ဘယ်လိုကာကွယ် ကုသလို့ရမလဲ?
•မတ်တပ်ကြာကြာရပ်ခြင်းကို လျှော့ပါ

• ဖိနပ်အပါးတွေ၊ ဒေါက်တွေမစီးပဲ၊ ဖိနပ်ခုံအပျော့လေးတွေပြောင်းစီးပါ

•အဝလွန်သူများအနေဖြင့် weight ထိန်းပါ။

• ဒါ့အပြင် Physiotherapy ကုထုံးများအနေဖြင့် စက်ပစ္စည်းများဖြင့်ကုသခြင်း (Electrotherapy), အကြောလျှော့လေ့ကျင့်ခန်းများ (stretching), ပြန်လည်သန်စွမ်းရေးလေ့ကျင့်ခန်းများ (strengthening) ဖြင့်လည်း ကုသနိုင်ပါတယ်။

UPM ၏စာဖတ်သူများအနေဖြင့် ဖနောင့်နာတာ နာတာရှည်ဖြစ်နေတယ်ဆိုရင် မပေါ့ဆဘဲ physiotherapist နဲ့ သေချာတိုင်ပင်ပြီး assessment လုပ်သင့်ပါတယ်ရှင်။

Shwe Hnin Yi Kyaw
Physiotherapist

(Pictures credit to google)

05/03/2026

Online Physiotherapy Treatment ကလူတိုင်းအတွက်အဆင်ပြေပါ့မလား?🤔

Ultimate Physiotherapy Myanmar ရဲ့ Online Physiotherapy Treatment ကရော ဘာတွေလုပ်ပေးတာလဲ?

Online Physiotherapy Treatment ရဲ့ကောင်းကျိူး၊ ဆိုးကျိူးကရောဘာတွေလဲ?

02/03/2026

သာမန် Hip pain ကနေ အရိုးပုတ်တဲ့အထိ ဖြစ်နိုင်တယ်ဆိုတာ သင်သိပါသလား👀?

Hip pain ကို ပေါ့ပေါ့တန်တန် မထားပါနဲ့။
နာနေတာရိုးရိုး muscle pain မဟုတ်နိုင်ပါဘူး။
Avascular Necrosis (AVN) လို့ခေါ်တဲ့ အရိုးပုတ်တဲ့ရောဂါဖြစ်နိုင်ပါတယ်။

ဒီနေ့ video လေးမှာတော့ AVN အကြောင်း sharing လုပ်ပေးထားပါတယ်ရှင်

Shwe Hnin Yi Kyaw
Physiotherapist

11/02/2026

ယခုလတ်တလောမှာ တိုင်းရင်းဆေးပညာနှင့် Physiotherapy ပညာရပ်နဲ့ပတ်သက်ပြီး အငြင်းပွါးမှုလေးတွေတွေ့လို့ အနည်းငယ်လောက်ရှင်းပြချင်ပါတယ်။
စာကတော့ရှည်ပါမယ်။

ပထမဦးစွာပြောချင်တာက ကျွန်မသည် တိုင်းရင်းဆေးပညာကိုအင်မတန်သဘောကျပြီး တန်ဖိုးထားပါတယ်။
ကျွန်မကို အပ်စိုက်ပညာသင်ပေးတဲ့ ကျွန်မရဲ့ကျေးဇူးရှင်ဆရာမဟာလည်း တိုင်းရင်းဆေးဆရာမဖြစ်လို့ပါ။ (ကျွန်မအစာမကြေဖြစ်တာ၊ အဆစ်မြစ်ကိုက်တာဖြစ်ရင်တောင် မြန်မာဆေးသောက်လိုက်၊ လိမ်းလိုက်လုပ်တတ်ပါတယ်)

အကြောင်းကတော့ အခုနောက်ပိုင်း Physiotherapy ဆေးခန်းတွေမှာသုံးတဲ့စက်တွေကို တိုင်းရင်းဆေးခန်းတွေက ပိုပြီးသုံးလာကြတာကိုတွေ့ရပါတယ်။

အရင်က အနီအောက်ရောင်ခြည် (Infrared Therapy) နဲ့ ES/ TENS (လျှပ်စစ်ကျဉ်စက်လို့ပဲ မြင်အောင်ပြောလိုက်ပါမယ်၊ တကယ်တော့ ကျဉ်စက်မဟုတ်ပါဘူးနော်) စတဲ့ ပစ္စည်းတွေကိုပဲ သုံးတာမြင်ဖူးပါတယ်။

အခုနောက်ပိုင်းတော့ Ultrasound therapy လို စက်မျိူးတွေ၊ shockwave ၊ Laser လိုစက်မျိူးတွေကိုပါ တချိူ့သုံးကြတာကို တွေ့လာရပါတယ်။

အဲ့တော့ အရှင်းဆုံးပြောရရင် ပိုက်ဆံရှိရင် ကြိုက်တဲ့ဘယ်စက်ကိုမဆို ဝယ်ပြီး သုံးလို့ရပါတယ်။
ဒါက ရိုးရိုးသာမန်လူတွေဆိုရင်ပေါ့။

ဒါပေမယ့် ကိုယ်က Professional တစ်ဦးဖြစ်တယ်၊ ဒါ့အပြင် Medical Field ထဲကသူ၊ Medical Professional တစ်ဦးဖြစ်နေရဲ့သားနဲ့ ဒီစက်တွေကို သေချာလေ့လာသင်ယူမှုမရှိပဲ အသုံးပြုနေတာဟာ Professional အမြင်နဲ့ကြည့်ရင် အင်မတန် ကျင့်ဝတ်(ethics) မရှိတဲ့လုပ်ရပ်ဖြစ်ပါတယ်။
***အရေးအကြီးဆုံးကတော့ လူနာအတွက် အန္တရာယ်များပါတယ်။

Physiotherapist တွေသုံးနေတဲ့စက်တွေက ဒီအတိုင်း ခလုတ်ဖွင့်တတ်ရုံ၊ လှည့်တတ်ရုံ၊ သုံးတတ်ရုံနဲ့မဖြစ်ပါဘူး။

ဒီစက်တွေကို သေချာသုံးနိုင်ဖို့အတွက် Major မှာ Electrotherapy ဆိုတဲ့ ဘာသာရပ်ကို သီးသန့်သင်ကြားခဲ့ရတာဖြစ်ပါတယ်။

စက်တွေသုံးဖို့အတွက် Clinical Reasoning and Diagnosis သိရပါမယ်။

Infrared တို့၊ wax တို့လို heat therapy တွေကတော့ တိုင်းရင်းဆေးနဲ့အနီးစပ်ဆုံးပြောရရင် ကြပ်ထုတ်ထိုးသလို အပူပေးတာပါပဲ၊
အကျိူးအာနိသင်တော့မတူဘူးပေါ့။
ဒါပေမယ့်လည်း အန္တရာယ်အရမ်းများတာမျိူးမဟုတ်လို့ လူနာတွေတောင် ကိုယ့်ဘာသာဝယ်သုံးလို့ရပါတယ်။
***ဒါတောင် သေချာမသုံးရင် အပူလောင်တာတွေဖြစ်တတ်ပါသေးတယ်။

⛔️အခုလက်ရှိသုံးနေကြတဲ့ Ultrasound, TENS, ES, Shockwave, Laser လိုစက်တွေဆို ပိုပြီးအန္တရာယ်များပါတယ်။

စက်တွေတိုင်းမှာ
*သူတို့ကိုအသုံးပြုနိုင်မယ့်ရောဂါတွေ (indications) ၊
*လုံးဝမသုံးသင့်တဲ့ရောဂါတွေ (contraindications)၊
*သတိထားဆင်ခြင်ရမယ့်အရာတွေ (precautions),
*ဖြစ်တဲ့ရောဂါအပေါ်မူတည်ပြီး ဘယ်လောက်အချိန်အဆနဲ့သုံးရမလဲဆိုတဲ့ adjustments တွေ မသိရင် လူနာအတွက် အင်မတန်များ အန္တရာယ်များတဲ့စက်တွေဖြစ်ပါတယ်‼️

Physiotherapist တစ်ယောက်အနေနဲ့ပြောရရင် ကျွန်မကိုယ်တိုင်တောင် စက်ပစ္စည်းတွေကို အရံ treatment အနေနဲ့ လိုအပ်မှသုံးပါတယ်။

အကျဉ်းချူပ်အနေနဲ့ပြောရရင် ဒီလိုတွေရှင်းပြ၊ ပြောပြလို့ တိုင်းရင်းဆေးဆရာ၊ဆရာမတွေအနေနဲ့ ဒီစက်တွေကို လုံးဝမသုံးပဲရပ်သွားမယ်လည်း မထင်ပါဘူး။
(Edit: ရှင်းပြလည်း လက်မခံကြပဲ တိုင်းရင်းဆေးပညာရှင်တွေလည်း ခေတ်မှီတဲ့စက်တွေကိုသုံးခွင့်ရှိပါတယ်ဆိုပြီး ဇွတ်ငြင်းနေကြလို့😅😅)

အဓိကက Electrotherapy ဘာသာရပ်ကို တတ်ကျွမ်းတဲ့၊ အသိအမှတ်ပြုလက်မှတ်မရှိပဲ စက်တွေကိုအသုံးပြုနေတဲ့သူတွေအနေနဲ့ ဖြစ်လာမယ့် နောက်ဆက်တွဲအရာတွေကို ဆင်ခြင်သတိထားကြပါလို့ပဲ ပြောချင်ပါတယ်။
ကျေးဇူးတင်ပါတယ်ရှင်။

ပညာရှင်များအား လေးစားလျက်
Shwe Hnin Yi Kyaw
Physiotherapist

02/01/2026

အားလုံးပဲ Happy New Year ပါရှင့်🎊❤️
၂၀၂၆ ခုနှစ် မှစပြီး အားလုံးပဲ စိတ်ချမ်းသာ၊ ကိုယ်ကျန်းမာ၊ ရောဂါဘယ ကင်းဝေးပြီး၊ ချစ်ရသူများနှင့်အတူ ပျော်ရွှင်နိုင်ကြပါစေလို့ ဆုမွန်ကောင်း‌ တောင်းပေးပါတယ်ရှင့်❤️

Shwe Hnin Yi Kyaw
(Physiotherapist)

15/11/2025

အကြောအဆစ်နှင့် ပြန်လည်သန်စွမ်းရေးဆိုင်ရာ ရောဂါဝေဒနာများနှင့် ပတ်သက်သော 𝙊𝙣𝙡𝙞𝙣𝙚 𝘾𝙤𝙣𝙨𝙪𝙡𝙩𝙖𝙩𝙞𝙤𝙣 (အွန်လိုင်းဆွေးနွေးမှု)အကြောင်း

မင်္ဂလာပါရှင်။
Ultimate Physiotherapy Myanmar မှ ပြန်လည်ကြိုဆိုလိုက်ပါတယ်။
ဒီနေ့မှာတော့ကျွန်မတို့ page မှာရနိုင်တဲ့ အကြောအဆစ်နှင့် ပြန်လည်သန်စွမ်းရေး
ဆိုင်ရာ ရောဂါဝဒနာများနှင့် ပတ်သက်တဲ့ 𝐎𝐧𝐥𝐢𝐧𝐞 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 (အွန်လိုင်းဆွေးနွေးမှု) အကြောင်းလေးကို ပြောပြပေးချင်ပါတယ်။

ကျွန်မတို့ရဲ့ Page မှာအကြောအဆစ်ဆိုင်ရာရောဂါဝေဒနာများနှင့်ပတ်သက်ပြီး professional physiotherapists ပညာရှင်များနှင့် တိုင်ပင်ဆွေးနွေးနိုင်ပါတယ်။

𝐎𝐧𝐥𝐢𝐧𝐞 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 လုပ်တဲ့အခါ လူနာကိုအရင်ဆုံး Assessment လုပ်မှာဖြစ်ပြီး၊ လိုအပ်သောလေ့ကျင့်ခန်းများ နှင့် နေထိုင်မှုပုံစံများကို သေချာပြသ သင်ကြားပေးမှာဖြစ်ပါတယ်။

ပြုလုပ်နိုင်သော 𝐎𝐧𝐥𝐢𝐧𝐞 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 𝐒𝐞𝐫𝐯𝐢𝐜𝐞 များ
၁) Patient Assessment လုပ်ပြီး၊ လိုအပ်သောလေ့ကျင့်ခန်းများ နှင့် နေထိုင်မှုပုံစံများကို သေချာသင်ကြားပြသပေးခြင်း၊
၂) ဆေးရုံမှဆင်းလာသောလူနာများကို ပြန်လည်သန်စွမ်းရေးအတွက် လေ့ကျင့်ပေးခြင်း။
၃) ဖိုးဖိုးဘွားဘွားများအတွက် ပြန်လည်သန်စွမ်းခြင်းဆိုင်ရာလေ့ကျင့်ခန်းများကို သင်ကြားပြသပေးခြင်း။
၄) လေဖြတ်ထားသောလူနာများအတွက် ပြန်လည်သန်စွမ်းရေးလေ့ကျင့်ခန်းများ နှင့် စောင့်ရှောက်မှုပုံစံများကို သင်ကြားပေးခြင်း တို့ဖြစ်ပါတယ်။

𝐎𝐧𝐥𝐢𝐧𝐞 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 အတွက် appointment ကြိုပြီးတင်ရန်လိုအပ်ပါတယ်။
Appointment တင်တဲ့အခါ
- နာမည်၊ အသက်၊
- အလုပ်အကိုင်၊
- ရောဂါအကြောင်းအရာနှင့်ရောဂါမှတ်တမ်း၊
- ဆွေးနွေးလိုသောနေ့ရက်နှင့်အချိန်တို့ကို ပေးပို့ပေးရန်လိုအပ်ပါတယ်။
ကျွန်မတို့ဘက်မှာအတတ်နိုင်ဆုံးအမြန်ဆုံးပြန်လည်ဖြစ်ကြားပေးမှာဖြစ်ပါတယ်ရှင်။

အောက်တွင် ကျွန်မတို့ Page မှာ ဆွေးနွေးနိုင်သော နေ့ရက်နှင့်အချိန်များကို ဖော်ပြပေးလိုက်ပါတယ်ရှင်။
အားလုံးပဲ ကျေးဇူးတင်ပါတယ်ရှင်။

06/09/2025

How to prevent Fall in Elderly People?
ဘိုးဘိုးဘွားဘွားတို့ လဲကျခြင်းမဖြစ်အောင် ဘယ်လိုကာကွယ်ကြမလဲ?

Shwe Hnin Yi Kyaw
Physiotherapist

20/07/2025

အားလုံးပဲ မင်္ဂလာပါရှင်။
Ultimate Physiotherapy Myanmar မှ ပြန်လည်ကြိုဆိုလိုက်ပါတယ်။

ဒီနေ့မှာတော့ကျွန်မက ခါးနာ ခါးပတ် ပတ်တဲ့အခါ သိရမယ့် အကြောင်းအရာလေးတွေနဲ့ပတ်သက်ပြီးအနည်းငယ်လောက် ပြောပြပေးချင်ပါတယ်။

⚠️အထူးသတိပြုရန်⚠️
🚨ဒီပိုစ့်သည် လူနာများအနေဖြင့် မိမိဘာသာ ကောက်ချက်ချပြီး ဝယ်တပ်ဖို့ မဟုတ်ပါရှင်။
🚨မိမိ၏ ခါးရောဂါအခြေအနေအရ ခါးပတ် သုံးသင့်/မသုံးသင့် တတ်သိနားလည်သောဆရာဝန်/ Physiotherapist များ၏ တိကျတဲ့အကြံပြုချက်ဖြင့်သာ အသုံးပြုရပါမယ်။
🚨ဒီ post သည် ခါးပတ်ကို ဘယ်အချိန်မှာ၊ ဘယ်လိုမှန်ကန်စွာ အသုံးပြုရမလဲဆိုတာကို အကြံပေး ပြောပြခြင်းသာ ဖြစ်ပါသည်။

Lumbosacral Belt (or) Lower Back Brace
(ခါးနာ ခါးစည်း) ကို မှန်ကန်တဲ့နည်းလမ်းနဲ့တပ်ဖို့၊ လုပ်သင့်တာ၊ မလုပ်သင့်တာတွေကို အောက်ပါအတိုင်း ရှင်းပြပေးပါမယ်။

✅Lumbar brace ကို ဘယ်လိုလူတွေ တပ်သင့်လဲ?
1) ခါးအောက်ပိုင်း (lumbar-sacral region) နာကျင်မှုကိုခံစားနေရတဲ့သူတွေ၊

2) ခါးဆစ်ရိုးကျွံထားတဲ့သူ တွေ၊

3) ခါးအာရုံကြောညပ်တဲ့သူတွေ (Sciatica pain) ခံစား နေရတဲ့သူတွေ

4) Post-surgery recovery
ခါးနဲ့ပတ်သက်တဲ့ ခွဲစိတ်ကုသမှုခံယူပြီးတဲ့သူတွေ

5) Heavy lifters
အလေးအပင်အမ များတဲ့သူတွေမှာ ပိုပြီးအသုံးပြုသင့်ပါတယ်။

✅ဘယ်လို မှန်ကန်စွာတပ်မလဲ?
1. မတ်တပ်ရပ် / ထိုင်လျက် အနေအထားဖြင့် တပ်ရပါမယ်။ (မတ်တပ်ရပ်ပြီး တပ်တာ အကောင်းဆုံးပါ)

2. ခါးရိုးဟာ ခါးပတ်ရဲ့ ထောက်တိုင်များ၏ အလည်တည့်တည့်မှာ ရှိရပါမယ်။

3. ခါးအောက်ပိုင်း (lumbar-sacral region) ကိုအုပ်ပြီး သေချာတင်းတင်းပတ်ပါ။ (အသက်ရှုခက်အောင် တင်းကြပ်စရာမလိုပါ)

4. ခါးအထက်နဲ့အောက် ညီအောင်တပ်ပါ။ ဘေးဘယ်/ညာ မညီမညာဖြစ်ရင်လည်း ပိုပြီး နာစေနိုင်ပါတယ်။

5. အသားပေါ်တိုက်ရိုက် မပတ်ရပါ။ Skin rashes ဖြစ်နိုင်ပါတယ်။

✅ဘယ်အချိန်တွေမှာ တပ်ရမလဲ/ ဖြုတ်ရမလဲ?
1. လှုပ်ရှားမှုမရှိချိန် (အနားယူချိန်၊ အိပ်ချိန်) တွင် ဖြုတ်ထားရန်။

2. အလေးအပင် မ ချိန်၊ အလုပ်လုပ်ချိန်၊ ကား မောင်းချိန်၊ ဆိုင်ကယ်မောင်းချိန်၊ ကြာကြာ လမ်းလျှောက်/ထိုင် ရမယ့်အချိန် တွေမှာ တပ်ရပါမယ်။

3. တစ်နေ့တွင် အကြာကြီး မပတ်ရ (တစ်နေ့တွင် ၈ နာရီထက်ပိုပြီး မပတ်ရပါ။ အကောင်းဆုံးက ၄ နာရီပတ်ပြီး နာရီဝက် ဖြုတ်ထားပါ၊ ပြီးမှ နောက်ထပ် ၄နာရီ တပ်ပါ။)

‼️အရေးကြီးတာတစ်ခု ပြောချင်တာက‼️
Lumbosacral belt သည် အမြဲတမ်းအသုံးပြုရမယ့်
permanent solution မဟုတ်ပါ❌

✅ မိမိ၏ ခါးဝေဒနာကို သက်သာပျောက်ကင်းဖို့အတွက် physiotherapy exercises များ၊ core muscle strengthening စတဲ့ လေ့ကျင့်ခန်းများနှင့် တွဲပြီးလုပ်ဖို့ လိုအပ်ပါတယ်။

✅ မိမိအနေနဲ့ Lumbar brace သုံးဖို့ လို/မလိုကို မိမိရဲ့ Physiotherapist/ ဆရာဝန်နှင့် တိုင်ပင်ပြီးမှသာ အသုံးပြုပါရန် ထပ်လောင်း အကြံပေးချင်ပါတယ်ရှင်‼️

အားလုံးပဲ ‌‌‌‌‌‌‌‌‌‌‌‌‌‌‌‌‌‌‌‌‌‌‌အန္တရာယ်ကင်းကာ၊ ကျန်းမာကြပါစေရှင်❤️
Shwe Hnin Yi Kyaw
(Physiotherapist)

Pictures crd to google
#ခါးနာခြင်း #ခါးနာခါပတ်ပတ်နည်း

26/06/2025

အားလုံးပဲမင်္ဂလာပါရှင်။
Ultimate Physiotherapy Myanmar ကနေပြန်လည်ကြိုဆိုလိုက်ပါတယ်။

ဒီနေ့မှာတော့ကျွန်မက Foot Drop အကြောင်းကိုပြောပြပေးမှာဖြစ်ပါတယ်။

🐾Foot Drop ဆိုတာက ခြေချင်းဝတ်မကော့နိုင်တဲ့အခြေအနေတစ်ခု ဖြစ်ပါတယ်။ foot drop ရှိတဲ့လူနာသည် ခြေကျင်းဝတ်မကော့နိုင်ဘဲ ခြေဖျားကအောက်ကိုစိုက်ကျနေတတ်ပါတယ်။။
(Foot Drop ကိုများသောအားဖြင့် မြင်အောင်ပြောရရင် လေဖြတ်ထားတဲ့လူနာတွေ နဲ့ Bed Bound လူနာတွေမှာ ပိုပြီး တွေ့ရတတ်ပါတယ်)

🐾Foot Drop ဖြစ်ရတဲ့အကြောင်းအရင်းက အများကြီးရှိပါတယ်။အဓိကအားဖြင့်ကတော့ ခြေကျင်းဝတ်ကိုကော့ပေးတဲ့ကြွက်သားတွေ (Ankle dorsiflexors) ထိခိုက်မိတာ ဒါမှမဟုတ်ရင် အားနည်းတာ၊ ခြေချင်းဝတ်ကြွက်သားတွေကို ထောက်ပံ့ပေးတဲ့အာရုံကြောတွေ (Peroneal Nerve, Tibial Nerve...) ပြတ်တောက်တာ၊ အားနည်းတာတွေကြောင့်လည်း ဖြစ်တတ်ပါတယ်။
ဒါ့အပြင်အမျိုးမျိုးသောထိခိုက်ဒဏ်ရာများကြောင့်လည်း foot drop ရတတ်ပါတယ်။

🐾အထူးသဖြင့် Peroneal Nerve လို့ခေါ်တဲ့ခြေထောက်မှာရှိတဲ့အာရုံကြော ထိခိုက်/ပြတ်တောက်တာကြောင့် Foot Drop ပိုပြီးဖြစ်စေနိုင်ပါတယ်။

🐾Foot drop ကိုဖြစ်စေတဲ့အကြောင်းအရင်းအမျိုးမျိုးထဲမှာ
- ခြေချင်းဝတ်ကော့တဲ့ကြွက်သားတွေ ankle dorsiflexors တွေကိုထိခိုက်မိခြင်းသို့မဟုတ်ပြတ်ထွက်ခြင်းတို့ကြောင့်လည်းကောင်း၊

- ခါးအာရုံကြော ညပ်ခြင်း၊ ခါးဆစ်ပြား ကျွံခြင်း၊ ခါးဆစ်ရိုး ချော်ခြင်း၊ အသက်အရွယ်အရ ခါးဆစ်ရိုးပျက်စီးလာခြင်း နှင့် ခါးရိုးခွဲစိတ်ပြီး လူနာများတွင်လည်းကောင်း၊

- ဒူးဆစ် သို့မဟုတ် ပေါင်ရိုး အစားထိုးခွဲစိတ်ကုသထားသော လူနာများတွင်လည်းကောင်း၊

- ခြေထောက်အရိုးကျိူးထားသော လူနာများတွင် လည်းကောင်း၊

- လေဖြတ်ထားသောလူနာများ၊ ကာလကြာရှည်စွာ အိပ်ယာမှ မထနိုင်သောလူနာများ၊ ခြေထောက်ကြွက်သားအားနည်း‌သော လူနာများ တွင်လည်းကောင်း၊

- တစ်ခါတစ်ရံတွင် ရောဂါပိုးဝင်လို့သော်လည်း ကောင်း၊ မွေးရာပါရောဂါကြောင့် သော်လည်း ကောင်း ဖြစ်တတ်ကြပြီး၊

- အချိူ့တွင်လည်း အကြောင်းအရင်းမရှိပဲ ဖြစ်တတ်ကြပါတယ်။

🐾Foot Drop ဖြစ်နေမှန်းဘယ်လိုသိနိုင်မလဲဆိုရင်
- လူနာက ခြေဖျား/ခြေကျင်းဝတ်ကို အပြည့်အဝ/လုံးဝမကော့နိုင်ခြင်း၊ပက်လက်အိပ်ယာပေါ်လှဲနေရင်လည်း ခြေဖျားက အောက်ကို စိုက်ကျနေခြင်း၊

- လမ်းလျှောက်ပုံ ပုံမှန်မဟုတ်ပဲ ခြေထောက်တရွတ်ဆွဲသွားခြင်း၊ ခြေထောက်ကို မ ပြီး / ဝိုက်ပြီး လျှောက်ရခြင်း၊

- ခြေထောက်တလျှောက် ထုံ/ကျဉ် မှူ ခံစားရခြင်း၊
လမ်းလျှောက်နေစဉ် ကိုယ်ဟန်ကိုယ်ထား မထိန်းနိုင်ခြင်း/ ထိန်းရန်ခက်ခြင်း၊

- မကြာခဏ ခလုတ်တိုက်ခြင်း/ လဲကျခြင်း၊

- ခြေထောက်ကြွက်သား၊ ပေါင်ကြွက်သား၊ တင်ပါးကြွက်သားများ သိမ်နေတတ်ခြင်း တို့ရှိတတ်ပါတယ်။

🐾Foot Drop ဖြစ်တဲ့အခါ ဖြစ်တဲ့နေရာ(ကြွက်သား/အာရုံကြော) ပေါ်မူတည်ပြီး၊ ဘယ်လောက် ထိခိုက်ပျက်စီးထားလဲဆိုတာကို သေချာစစ်ဆေးမှသာ ပြန်ကောင်းဖို့ အချိန်မကြာမှာ ဖြစ်ပါတယ်။

🐾Foot Drop ကို ပြန်ကောင်းဖို့ဆိုရင် Physiotherapy လေ့ကျင့်ခန်းတွေ၊ စက်ပစ္စည်းတွေနဲ့ စိတ်ရှည်ရှည်ထားပြီး အချိန်ယူကုသဖို့လဲ အရေးကြီးပါတယ်။ အဲ့တာမှသာ recovery ကောင်းကောင်းရမှာ ဖြစ်ပါတယ်။

⚠️အကယ်၍ မိမိရဲ့လူနာက Foot Drop ဖြစ်နေမှန်း သေချာမသိဘူးဆိုရင်တော့ နီးစပ်ရာ ‌အကြောအဆစ်ဆရာဝန်/ပညာရှင်နဲ့ ဆွေးနွေးနိုင်ပင်သင့်ပါတယ်။

ဒါဆိုရင်တော့ ကျွန်မရဲ့ Physio ပရိတ်သတ်ကြီးလဲ Foot Drop အကြောင်းကို အနည်းငယ်မျှဖြစ်ဖြစ် ဗဟုသုတရမယ်လို့ မျှော်လင့်ပါတယ်ရှင်။

အကြောအဆစ်ရောဂါများနှင့်ပတ်သက်၍ တိုင်ပင် ဆွေး နွေးလိုပါက Ultimate Physiotherapy Myanmar ရဲ့ page messenger တွင်လာ ရောက် ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌မေးမြန်းနိုင်ပါတယ်ရှင်။

အားလုံးပဲ ဘေးအန္တရာယ်ကင်းဝေးပြီး ကျန်းမာကြပါစေရှင်🙏🩷
Shwe Hnin Yi Kyaw
(Physiotherapist)

25/06/2025

Hello အားလုံးပဲ မင်္ဂလာပါရှင်။
Ultimate Physiotherapy Myanmar ကနေ ပြန်လည်ကြိုဆိုလိုက်ပါတယ်။

လတ်တလောမှာကျွန်မရဲ့ ကျန်းမာရေးအခြေအနေကြောင့် page ကို ခဏပစ်ထားခဲ့ရပါတယ်။
အဲ့တာကြောင့် messenger မှာစာပို့ထားတာတွေကို ကျွန်မ မဖတ်မိ၊ ပြန်မပြောမိခဲ့ရင် အများကြီးတောင်းပန်ပါတယ်လို့ ပြောပါရစေရှင်။
အခုတော့ ကျွန်မရဲ့ကျန်းမာရေးလည်း ပြန်ကောင်းလာပြီမို့လို့ အရင်ကလို Physio နဲ့ပတ်သက်တဲ့ knowledge sharing လေးတွေပြန်လုပ်ရင်း online consultation ကိုလည်းပြန်လုပ်နိုင်ပါပြီဖြစ်ကြောင်း ပြောချင်ပါတယ်ရှင့်။

အားလုံးပဲ ရောဂါဘယကင်းဝေးပြီး ကျန်းမာကြပါစေရှင်။
Shwe Hnin Yi Kyaw
(Physiotherapist)

11/08/2024

𝙋𝙧𝙚𝙥𝙖𝙧𝙞𝙣𝙜 𝙁𝙤𝙧 𝙆𝙣𝙚𝙚 𝙍𝙚𝙥𝙡𝙖𝙘𝙚𝙢𝙚𝙣𝙩 𝙎𝙪𝙧𝙜𝙚𝙧𝙮
ဒူးအစားထိုးခွဲစိတ်ကုသမှုလုပ်မယ်ဆိုရင် ဘာတွေ ပြင်ဆင်ထားသင့်လဲ?

SHWE HNIN YI KYAW
( )

𝙐𝙡𝙩𝙞𝙢𝙖𝙩𝙚 𝙋𝙝𝙮𝙨𝙞𝙤𝙩𝙝𝙚𝙧𝙖𝙥𝙮 𝙈𝙮𝙖𝙣𝙢𝙖𝙧

07/03/2026

05/03/2026

02/03/2026

11/02/2026

02/01/2026

15/11/2025

06/09/2025

20/07/2025

26/06/2025

25/06/2025

11/08/2024

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 21:00
Tuesday	09:00 - 21:00
Wednesday	09:00 - 21:00
Thursday	09:00 - 21:00
Friday	09:00 - 21:00
Saturday	09:00 - 21:00
Sunday	09:00 - 21:00