01/07/2022
ဓာတ်ဆား တစ်ထုတ် 300 (လက်ကားစျေးသက်သက်ရှိပါသည်)
📲09950734597
#ဓာတ်ဆား #.............
သင်မသိသေးသောအချက်များ
ယခင်က ၀မ်းပျက်၀မ်းလျှောဖြစ်တဲ့အခါမှာ ရွာလုံးကျွတ်သေကြတာတွေ ဖြစ်ဖူးပါတယ်။
တစ်ဦးနဲ့တစ်ဦးကူးစက်တာကြောင့်ပါ။ သွေးပေါင်ချိန်ထိုးကျ (hypovolemic shock) ရပြီး သေသွားကြတာဖြစ်ပါတယ်။
ဒါကြောင့် ၀မ်းပျက်၀မ်းလျှောပါက အချိန်မီရေဓာတ်မဖြည့်ပေးနိုင်ပါက အသက်အန္တရာယ်နှင့် နီးကပ်နေတာကိုတော့ သိစေချင်ပါတယ်။ ခပ်ပေါ့ပေါ့ မမှတ်စေချင်ပါဘူး။
ယနေ့ခေတ်မှာတော့ ဓာတ်ဆားထုတ်များအလွယ်တကူရနိုင်ပြီး သောက်ရကောင်းမှန်းသိလာတဲ့အတွက် ဆိုးဆိုးရွားရွားတွေတော့ အဖြစ်နည်းသွားပါပြီ။
ဒါကြောင့် မသိမဖြစ်သိသင့်တဲ့ ဓာတ်ဆားအကြောင်းကို သိထားသင့်ပါတယ်။
ဓာတ်ဆားဆိုတာဘာလဲ၊ ဘာအတွက်သုံးတာလဲ?
----------------------------------------------------
ဓာတ်ဆားဆိုတာ ကိုယ်ခနွာအတွက် လိုအပ်သော calcium, potassium နှင့် sugar တို့ကို အချိူးညီညီ ထည့်ပေးထားတာ ဖြစ်ပါတယ်။
ချွေးထွက်လို့ ဖြစ်စေ၊ဝမ်းပျက်ဝမ်းလျှောလို့ ဖြစ်စေ၊အူရောင်လို့ဖြစ်စေ အကြောင်းအမျိူးမျိူးကြောင့် ခန္ဓာကိုယ်မှ ဆုံးရှုံးသွားတဲ့ ရေနဲ့ဆားဓာတ်တွေ ပြန်လည်ဖြည့်တင်းဖို့ အလိုအပ်ဆုံး ဖြည့်စွက်ဆေးတစ်မျိူး ဖြစ်ပါတယ်။
ဘယ်လိုအခြေအနေမျိုးမှာ ဓာတ်ဆားရည်သောက်ဖို့လိုမလဲ?
----------------------------------------------------------------
နေ့စဉ်တိုင်း စားသုံးနေတဲ့ အစားအစာတွေထဲမှာ ဓာတ်ဆားဓာတ်
က ပါဝင်နေတာကြောင့် ပုံမှန်အချိန်တွေမှာ ဓာတ်ဆားရည်သောက်ဖို့ မလိုပေမယ့် ဒီလိုအခြေအနေမျိုးမှာ ဓာတ်ဆားရည်သောက်ဖို့လိုပါမယ်။
- ဝမ်းပျက်ဝမ်းလျှော ဖြစ်တဲ့အခါ
- အော့အန်နေတဲ့အခါ
- ဖျားနေတဲ့အခါ
- ချွေးထွက်များတဲ့အခါ
- တစ်နာရီကျော်တဲ့ လေ့ကျင့်ခန်း လုပ်ပြီးတဲ့အခါ
- အချိန်အကြာကြီး နေပူထဲမှာနေမိတဲ့အခါ
- လှုပ်လှုပ်ရှားရှားလုပ်တာကြောင့် ချွေးအရမ်းထွက်တဲ့အခါ
- ရေဓာတ်ခမ်းခြောက်တဲ့အခါ နဲ့
- ကြွက်တတ်တဲ့အခါမျိုးတွေမှာ
ခန္ဓာကိုယ်က လျော့နည်းသွားတဲ့ ဓာတ်ဆားဓာတ်တွေကို ပြန်လည်ဖြည့်တင်းဖို့အတွက် ဓာတ်ဆားရည်ကို သောက်ပေးဖို့လိုပါမယ်။
ဓာတ်ဆားက ခန္ဓာကိုယ်အတွက် ဘာလုပ်ပေးလဲ?
----------------------------------------------------
ဓာတ်ဆားဓာတ်ဆိုတာက ကိုယ်တွင်းက အရည်ပမာဏကို ထိန်းညှိပေးတတ်တဲ့ သတ္တူဓာတ်တစ်မျိုးပါ။
ခန္ဓာကိုယ်ကျန်းမာနေစေဖို့နဲ့ ကောင်းမွန်စွာလှုပ်ရှားနိုင်စေဖို့အတွက် ဓာတ်ဆားဓာတ်က မရှိမဖြစ်လိုအပ်တာပါ။
ကိုယ်တွင်းအရည်ဓာတ်ကို ထိန်းညှိပေးတယ်။
သွေးပေါင်ချိန်ကို ထိန်းညှိပေးတယ်။
ကြွက်သားတွေ ကျုံ့ဆန့်မှုကို ကောင်းစေတယ်။
နှလုံးကျန်းမာစေတယ်။
သွေးတွင်း အက်ဆစ်ပမာဏကို ထိန်းညှိပေးတယ်။
ဓာတ်ဆားရည်မှာပါဝင်တဲ့ အခြေခံပါဝင်ပစ္စည်းတွေကဘာတွေလဲ?
-----------------------------------------------------------------
ဓာတ်ဆားရည်အများစုမှာ
ဆိုဒီယမ် - သွေးပေါင်ချိန်ကို ထိန်းညှိပေးတယ်။ ကြွက်သားတွေကိုကျန်းမာစေပြီး အာရုံကြောစနစ်ကျန်းမာစေဖို့ အကောင်းဆုံးထောက်ပံ့ပေးပါတယ်။ ခန္ဓာကိုယ်အတွက် နေ့စဉ်စားသုံးပေးသင့်တဲ့ ဓာတ်တစ်မျိုးပါ။
ပိုတက်ဆီယမ် - သွေးတွင်း အက်ဆစ်ပမာဏနဲ့ သွေးပေါင်ချိန်ကိုထိန်းညှိပေးပါတယ်။
ဆိုဒီယမ်များသွားတာကြောင့်သွေးတိုးတာမျိုးမဖြစ်အောင် ကာကွယ်ပေးပါတယ်။
မဂ္ဂနီဆီယမ် - သွေးပေါင်ချိန်ကိုထိန်းညှိပေးပြီး ခန္ဓာကိုယ်ရဲ့လှုပ်ရှားမှုတွေကောင်းမွန်အောင် ထောက်ပံ့ပေးသလို စိတ်ပိုင်းဆိုင်ရာ ကျန်းမာစေနိုင်ပါတယ်။
နာကျင်ရောင်ရမ်းမှုကို သက်သာစေပြီး ခေါင်းတစ်ခြမ်းကိုက်တာကို သက်သာစေနိုင်ပါတယ် စတဲ့ ဓာတ်တွေပါဝင်နေတာပါ။
ဓာတ်ဆားရည်သောက်ပေးတာကြောင့် ရရှိမယ့်ကျန်းမာရေး အကျိုးကျေးဇူးတွေ
-----------------------------------------------------
ဓာတ်ဆားရည်သောက်ပေးဖို့ အချိန်တိုင်းမလိုအပ်ပေမယ့် အပေါ်မှာပြောခဲ့တဲ့ အခြေအနေမျိုးတွေမှာဆိုရင်တော့ ဓာတ်ဆားရည်သောက်ပေးတာက အကောင်းဆုံးဖြစ်မှာပါ။
ဓာတ်ဆားရည်သောက်ပေးတာကြောင့်
ကိုယ်တွင်းရေဓာတ် ပြည့်ဝစေနိုင်တယ်။
ခန္ဓာကိုယ်အပူချိန်ကိုလျော့ကျစေနိုင်တယ်။
လေ့ကျင့်ခန်းလုပ်ဆောင်နိုင်မှုကို ပိုမိုကောင်းမွန်စေနိုင်တယ်။
အပူရှပ်တာကို ကာကွယ်ပေးတယ်။
အော့အန်တာ၊ ဝမ်းသွားတာကြောင့် ကုန်ဆုံးသွားတဲ့ ရေဓာတ်ကို အမြန်ဆုံးပြန်ဖြည့်ပေးနိုင်တယ်။
ကဖင်း၊ အယ်လ်ကိုဟောပါတဲ့ သောက်စရာတွေသောက်တာကြောင့် ရေဓာတ်ဆုံးရှုံးတာကို အမြန်ဆုံး ပြန်လည်ဖြည့်တင်းပေးနိုင်တယ်။
ဓာတ်ဆားဘယ်နှစ်မျိူးရှိသလဲ?
--------------------------------
လူကြီးသောက်တဲ့ဓာတ်ဆားနဲ့ ကလေးသောက်တဲ့ဓာတ်ဆား ဆိုပြီးနှစ်မျိူးရှိပါတယ်။
လူကြီးသောက်ဓာတ်ဆားနဲ့ ကလေးသောက်ဓာတ်ဆားကဘာတွေလဲ?
BPI ORS, MPF ORS တွေက လူကြီးသောက်တဲ့ ဓာတ်ဆားတွေဖြစ်ပြီး ကလေးတွေကို တိုက်ရမဲ့ ဓာတ်ဆားတွေကတော့ Pharolit,Peditral တို့ ဖြစ်ပါတယ်။
ဓာတ်ဆားထုတ်ဝယ်ရင် ဘာတွေသိထားသင့်လဲ?
--------------------------------------------------
ဓာတ်ဆားထုတ်ဝယ်တဲ့အခါပထမဆုံးကြည့်သင့်တာက သက်တမ်းကုန်ဆုံးရက် (Expiry date) ပါ။
Date ကောင်းတာနဲ့တင်မပြီးပါဘူး။
လတ်ဆတ်မှုရှိနေရမယ်။
အထဲကအမှုန့် အရောင်ပြောင်းနေရင် လုံးဝမသောက်သင့်ပါဘူး။
ဓာတ်ဆားထုတ်ကို ဘယ်လိုထားသိုရမလဲ ၊ ဘယ်ရေနဲ့ဖျော်ရမလဲ?
-----------------------------------------------------------------------
သတိထားရမှာက ရေနွေးနဲ့ မဖျော်ရသလို ရေခဲသေတ္တာထဲကရေအေးနဲ့လဲ မဖျော်သင့်ပါဘူး။
ဓာတ်ပျယ်သွားတတ်ပါတယ်။
ဓာတ်ဆားထုတ်ကို အေးပြီး ခြောက်သွေ့တဲ့ နေရာမှာထားသိုရမှာဖြစ်ပြီး နေရောင်ခြည်တိုက်ရိုက်ထိတွေ့တဲ့ နေရာတွေမှာ မထားသင့်ပါဘူး။ ဓာတ်ဆားတစ်ထုတ်ကို ရေကျက်အေး(သို့) ရေတစ်လီတာ (1L) နဲ့ ဖျော်ရပါမယ်။ တစ်ဝက်ထည့်လို့ မရပါ။ နည်းနည်းထည့်ချင်လို့မရပါ။ ငံနေလို့ဆိုပြီး အချိုလေး နည်းနည်းရောမယ်ဆိုလို့ မရပါ။
အချိုထပ်ထည့်ပါက ဓာတ်ဆား၏ Formula ပျက်သွားပြီး ၀မ်းပိုလွယ်သွားတတ်ပါတယ်။
သတိပြုရမှာကတော့ ကလေးများကို တိုက်ရမယ့် ဓာတ်ဆားထုပ်များကို ရေ ၂၀၀ မီလီလီတာ (200 ml) နဲ့ပဲ ဖျော်ရမှာ ဖြစ်ပါတယ်။
ဓာတ်ဆားကို ဖျော်ပြီး ၂၄ နာရီအတွင်း သောက်ရပါတယ်။
ဖျော်ပြီး ၂၄ နာရီ ကျော်သွားသော ဓာတ်ဆားကို မသောက်ရပါ။
ဓာတ်ဆားကိုဘယ်သူတွေ မသောက်ရဘူးလဲ?
------------------------------------------------
အလွန်ပျိူ့အန်နေသူများ၊
အူလမ်းကြောင်း ငြိမ်နေသူများ၊
အူလမ်းကြောင်း ပိတ်ဆို့နေသူများ
သတိထားရှောင်ရှားသင့်ပါတယ်။
#သူနာပြုမှတ်စု
#ဓာတ်ဆား
