28/03/2026
ဆီးချိုသမားများ စားပြီးရင် နောင်တရစမြဲ မဖြစ်ရလေအောင်
ဆီးချိုသွေးချိုရောဂါရှင်တွေအနေနဲ့ အချိုကလွဲရင် သာမန်လူတစ်ယောက် စားနေကျအတိုင်း အစားအသောက်များကို စားသုံးနိုင်ပါတယ်။
ရောဂါရှင်တွေအနေနဲ့ လုံးဝရှောင်ရမယ့် အစားအသောက်များကတော့……
(၁) ချိုသောသစ်သီးများ (ဆီးချိုတက်နေစဉ်ကာလအတွင်း ယာယီ ရှောင်ရန်)
ဉပမာ - သရက်သီး၊ ဖီးကြမ်းငှက်ပျောသီးနှင့် အခြားငှက်ပျောသီးများ၊ ပန်းသီး၊ လိမ္မော်သီး၊ သစ်တော်သီး၊ ကျွဲကောသီး၊ နာနတ်သီး၊ ဖရဲသီး၊ စပျစ်သီး၊ ဒူးရင်းသီး စသော ရာသီပေါ်သစ်သီးများကို သွေးချိုတက်နေစဉ်ကာလတွင် ယာယီရှောင်ရမှာဖြစ်ပြီး နောက်ပိုင်းသွေးချိုထိန်းလို့ရတဲ့ အခါမှာတော့ အနည်းငယ်ပြန်စားလို့ ရပါတယ်။
(၂) ချိုသောအရည်များ(အမြဲတမ်းရှောင်ကြဉ်ရန်)
ဉပမာ - ကော်ဖီ၊ လက်ဖက်ရည်၊ ကွေကာအုပ်၊ Diet ကော်ဖီ၊ Diet လက်ဖက်ရည်၊ Diet ကွေကာ၊ ဟောလစ်၊ မိုင်လို၊ အိုဗာတင်း၊ အအေးပုလင်း၊ အချိုရည်သံဗူးများ၊ ကြံရည် စတဲ့ အချိုရည်အမျိုးမျိုးကိုတော့ အမြဲတမ်းရှောင်ကြဉ်ရမှာ ဖြစ်ပါတယ်။ ဒါပေမဲ့ သကြားအစား ဆီးချိုသကြားကို အသုံးပြုပြီးတော့ သောက်သုံးနိုင်ပါတယ်။
(၃) ချိုသောမုန့်များ(ဆီးချိုတက်နေစဉ်ကာလအတွင်း ယာယီရှောင်ရန်)
ဉပမာ - ကိတ်မုန့်၊ ဘီစကစ်၊ ကိတ်ခြောက်၊ မုန့်ကြွပ်၊ ပေါင်မုန့်၊ ထန်းလျက်၊ ကြံသကာ၊ မလိုင်ပါသော အစားအစာများ၊ ဗမာမုန့်တွေဖြစ်တဲ့ ရွှေကြည်၊ နနွင်းမကင်း၊ ဘိန်းမုန့်၊ ထိုးမုန့်၊ လမုန့်၊ ပဲမုန့်၊ မုန့်ကျွဲသဲ၊ ကျောက်ကျော စသည်တို့အပြင် ချိုသော တရုတ်မုန့်၊ ကုလားမုန့် စတာတွေကိုလည်း ရှောင်ကြဉ်သင့်ပါတယ်။
ချင့်ချိန်ပြီး စားသင့်တဲ့အစားအစာတွေကတော့ ဆန်၊ ဂျုံနှင့် ပြုလုပ်ထားသော ကစီဓာတ်ပါသော အစားအစာများ
ဉပမာ - ထမင်း၊ ဆန်ပြုတ်၊ မုန့်ဟင်းခါး၊ ညှပ်ခေါက်ဆွဲ၊ မြူစွမ်၊ ဂျုံနဲ့လုပ်ထားတဲ့ ချပါတီ၊ ခေါက်ဆွဲ၊ ကြာဆံ၊ ပလာတာ၊ အီကြာကွေး၊ ပေါင်မုန့်၊ နံပြား။ နောက်တစ်ခုက စေးထန်နေတဲ့ဉတွေ ဉပမာ - အာလူး၊ ကန်စွန်းဉလို့ဟာမျိုးတွေ ဖြစ်ပါတယ်။
ကြိုက်သလောက်စားလို့ရတဲ့ အစားအစာတွေကတော့ ကစီဓာတ်မပါတဲ့ လတ်ဆတ်ပြီး အစိမ်းရောင်ရှိတဲ့ ဟင်းသီးဟင်းရွက်တွေပဲ ဖြစ်ပါတယ်။
ဉပမာ - ကန်စွန်းရွက်၊ ဟင်းနုနွယ်ရွက်၊ မန်းကျည်းရွက်၊ ဘူးသီး၊ ဂေါ်ဖီထုပ်၊ မုန်လာရွက် စသည်တို့ ဖြစ်ပါသည်။
ဆီးချိုသမားများ မှန်ကန်သောအစားအစာပမာဏ၊ စားသောက်ချိန်၊ စားသောက်မှုပုံစံများကို ကျင့်သုံးရင်း ဆီးချိုကို ကောင်းမွန်စွာ ထိန်းချုပ်နိုင်ပါစေရှင့်။
ဆီးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့💙 Sinocare Myanmar 💙Page လေးကို Like & Follow လုပ်ထားဖို့ ၊ See First လုပ်ထားဖို့ မမေ့ပါနဲ့ရှင့်။😊
❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️
🙏ကိုယ်စိတ်နှစ်ပါးကျန်းမာရွှင်လန်းကြပါစေရှင်🙏
🍀 အထက်ပါအကြောင်းအရာများကို ပါမောက္ခဒေါက်တာတင့်ဆွေလတ် ရေးသားသော ဆီးချိုသွေးချိုဆိုင်ရာ အမေးများသော မေးခွန်းများ စာအုပ်မှ ကောက်နုတ်ဖော်ပြထားသောကြောင့် လေးစားစွာဖြင့် Credit ပေးပါသည်ရှင့်။🍀
Sinocare Myanmar
Bhone Shwe Yi Min Co.,Ltd
ဆီးချိုသွေးတိုးသုတများ
#ဆီးချိုတိုင်းစက် #ဆီးချိုသွေးချို #ဆီးချို #သွေးချို
#အလုပ်လျှောက်ထားရန်
***********************
Viber : 09444011925
Messenger : Bhone Shwe Yi Min HR
#အလုပ် #အလုပ်အကိုင် #ဝန်ထမ်း
