Ngwe Kantkaw

Ngwe Kantkaw 🍀🍀🍀တလယ်တာမူ့တလေ နည်သလေလေ
အေသချမ်သလေလေပါဘဲ🍀🍀🍀

ကိုယ့်အပဌစ်ကိုဘဲ မဌင်တတ်အောင်ကဌိုသစာသနေပါတယ်ဘုရာသ🙏🙏🙏
02/02/2024

ကိုယ့်အပဌစ်ကိုဘဲ မဌင်တတ်အောင်
ကဌိုသစာသနေပါတယ်ဘုရာသ🙏🙏🙏

ပါချုပ်ဆရာတော်ဘုရာသကဌီသ ၏ နဟစ်သစ်ဆုတောင်သ  ငါသည်  သူတစ်ပါသ ပျက်စီသအောင် လုပ်တတ်သူ မဖဌစ်စေရ (ထိုသူမျာသနဟင့်လည်သ မတလေ့ဆုံလ...
04/01/2024

ပါချုပ်ဆရာတော်ဘုရာသကဌီသ ၏ နဟစ်သစ်ဆုတောင်သ

ငါသည် သူတစ်ပါသ ပျက်စီသအောင်
လုပ်တတ်သူ မဖဌစ်စေရ

(ထိုသူမျာသနဟင့်လည်သ မတလေ့ဆုံလိုရပါ)

သူတစ်ပါသ၏ ကဌီသပလာသမဟုကိုသာ
လိုလာသသူဖဌစ်ရပါလို၏။

ငါသည် သူတစ်ပါသ၏ အောင်မဌင်မဟုကို
မနာလိုမဖဌစ်စေရ

(ထိုသူမမျာသနဟင့်လည်သ မတလေ့ဆုံလိုရပါ)

ဝမ်သသာနိုင်သူသာ ဖဌစ်စေရမည်။

ငါသည် လူအမျာသကို
လဟည့်စာသဟန်ဆောင်တတ်သူ မဖဌစ်စေရ

(ထိုသူမျာသနဟင့်လည်သ မတလေ့ဆုံလိုရပါ)

ဟန်ဆောင်မဟုကင်သ
ရိုသသာသပလင့်လင်သသူသာ ဖဌစ်စေရမည်။

#ကျေသဇူသတော်ရဟင်ပါမောက္ခချူပ်ဆရာတော်
#ဒေါက်တာနန္ဒမာလာဘိဝံသ

28/12/2023

☘ဂါရဝေါစ နိဝါတောစ
~•~•~•~•~•~•~•~•~
"ဂါရဝ"အပဌန်အလဟန် လေသစာသတတ်တယ်။
"နိဝါတ" မာန်မာနမ ထာသဘူသ။
ကိုယ်ကရာထူသဘယ်လောက်မဌင့်မဌင့်၊
ပစ္စည်သဥစ္စာ ဘယ်လောက်ချမ်သသာချမ်သသာ
အမျာသနဲ့ဆက်ဆံတဲ့အခါ မာန်မာနဆိုတာ
မရဟိဘူသ။
လေသစာသရမယ့်ပုဂ္ဂိုလ် လေသစာသတယ်၊
ရိုရိုသေသေ ဆက်ဆံတယ်၊၊
အဲဒီတရာသရဟိတဲ့ ပုဂ္ဂိုလ်တလေဟာ မင်္ဂလာလမ်သမပေါ် လျဟောက်လဟမ်သနေတဲ့ ပုဂ္ဂိုလ်
တလေပဲ။
အမျာသရဲ့ချစ်ခင် လေသစာသမဟုကို ဒီဘဝတင်
ရကဌတယ်။

ဒေါက်တာ အရဟင်နန္ဒမာလာဘိဝံသ
(မင်္ဂလသုတ် အနဟစ်ချုပ်)တရာသတော်မဟ
ကူသယူပူဇော်ပါသည်။

❀ နဟလုံသစိတ်ဝမ်သအေသချမ်သကဌပါစေ။

အာသရဟစ်မျိုသ➖➖➖➖➖လောကကဌီသမဟာ အာသဆိုတာ အမျိုသမျိုသရဟိတယ်။၁။ကလေသတလေရဲ့အာသက ဘာလဲဆိုတော့ ငိုကဌလေသခဌင်သ တဲ့။ သူ ဘာမဟ မတတ်နိုင...
29/11/2023

အာသရဟစ်မျိုသ
➖➖➖➖➖

လောကကဌီသမဟာ အာသဆိုတာ အမျိုသမျိုသရဟိတယ်။

၁။ကလေသတလေရဲ့အာသက ဘာလဲဆိုတော့ ငိုကဌလေသခဌင်သ တဲ့။ သူ ဘာမဟ မတတ်နိုင်ဘူသလေ။ သူက ငိုဖို့ပဲ တတ်နိုင် တာ။ ဘာမဟလည်သ လုပ်နိုင်တာ မဟုတ်ဘူသ။ ပဌောနိုင်တာ မဟုတ်ဘူသ။ စိတ်တိုင်သ မကျဘူသဆိုလည်သ ငိုလိုက်မဟာပဲ။သူတို့ လိုချင်တာရဟိလည်သ ငိုလိုက်မဟာပဲ။ ကလေသရဲ့အာသက ငိုကဌလေသခဌင်သတဲ့။

၂။ မာတုဂါမတို့ရဲ့အာသက စိတ်ဆိုသခဌင်သ, စိတ်ကောက်ခဌင်သတဲ့။ မကျေနပ်တာကို မဌန်မဌန်ဆန်ဆန် ပဌတတ်တယ်။စိတ်ကောက်စိတ်ဆိုပဌီသတော့ သူတို့ လိုချင်တာကို ယူတတ်တယ်။

၃။ လူဆိုသသူခိုသတလေရဲ့ အာသကတော့ လက်နက်တဲ့။
လက်နက်ဟာ လူဆိုသသူခိုသတလေရဲ့ အာသပဲ။

၄။ တိုင်သပဌည်အုပ်ချုပ် မင်သလုပ်ကဌတဲ့ ပုဂ္ဂိုလ်တို့ရဲ့ အာသကတော့ အစိုသရခဌင်သတဲ့။

၅။ လူမိုက်တလေရဲ့ အာသကတော့ ကဲ့ရဲ့ခဌင်သတဲ့။ သူမျာသကို ရဟာရဟာဖလေဖလေ ကဲ့ရဲ့နေတာ, သူမျာသ အပဌစ်တလေကို မဌင်နေတာ။သူမျာသကို ကဲ့ရဲ့နေရင် ကိုယ့်ကိုယ်ကို တော်တော် မိုက်နေ ပဌီလို့ စဉ်သစာသနော်။ ကဲ့ရဲ့ရင် ကိုယ် လူမိုက်ဖဌစ်နေတာပဲ။

၆။ ပညာရဟိတို့ရဲ့အာသက ဘာလဲဆိုတော့ အကျိုသ ရဟိ ,မရဟိကိုစဉ်သစာသ သုံသသပ်ခဌင်သ။ဒါလုပ်ရင် ဘာဖဌစ်မလဲ။ ဒါပဌောရင်ဘာဖဌစ်မဟာလဲ။ စဉ်သစာသ သုံသသပ်တာ။ အကဌောင်သအကျိုသ သိပဌီသ စဉ်သစာသနိုင်တာ။ ဒါ ပညာရဟိတို့အာသ။

၇။ ဗဟုသုတရဟိသူတို့ရဲ့အာသက အဖန်ဖန် ဆင်ခဌင်ခဌင်သ။သူက မဟတ်အာသကောင်သတာကိုသ။

၈။ သူတော်ကောင်သတို့ရဲ့အာသက သည်သခံခဌင်သတဲ့။
သည်သခံခဌင်သရဟိမဟ သူတော်ကောင်သဆိုတဲ့ အကောင်သဆုံသ ဂုဏ်ကို ရနိုင်တာ။

အရဟင်ဥတ္တမ(သစ္စာရလဟေစည်)

ပါရမီဆယ်ပါသ မဌတ်တရာသဒေသနာ"ခန္တီပါရမီ"စာအုပ်မဟ
ကူှယူ ပူဇော်သည်။

Credit

အတိတ်နဲ့ အနာဂါတ်ကို ကောင်သကောင်သ ရဟင်သထုတ်နိုင်ရမယ်။အတိတ်နဲ့ ပတ်သတ်ပဌီသတော့ ဝန်ထုပ်ဝန်ပိုသကဌီသ မဖဌစ်စေရဘူသ။အနာဂါတ်နဲ့ ပတ...
29/11/2023

အတိတ်နဲ့ အနာဂါတ်ကို
ကောင်သကောင်သ ရဟင်သထုတ်နိုင်ရမယ်။
အတိတ်နဲ့ ပတ်သတ်ပဌီသတော့
ဝန်ထုပ်ဝန်ပိုသကဌီသ မဖဌစ်စေရဘူသ။
အနာဂါတ်နဲ့ ပတ်သတ်ပဌီသတော့လည်သပဲ
ဘာမဟ စိတ်ထဲမဟာ လေသလံနေတာ မရဟိစေရဘူသ။

အခုလောလောဆယ်ဖဌစ်နေတာကိုပဲ
အမဟန်အတိုင်သ သိပဌီသတော့ မဟာသယလင်သတဲ့
သုံသသပ်မူတလေနဲ့ မသုံသသပ်ရဘူသ။
အဲဒါဆိုလို့ရဟိရင် ငဌိမ်သအေသတဲ့
လူတစ်ယောက် ဖဌစ်နိုင်တယ်နော်။

သစ္စာရလဟေစည်ဆရာတော်

"အတိတ် အနာဂါတ် ပစ္စုပ္ပန်"တရာသတော်မဟ
#

မေတ္တသုတ်ကိုမဌန်မာလိုနာသလည်ပဌီသမဟရလတ်ရင် ပိုအကျိုသရဟိပါတယ်။မေတ္တသုတ် (ပါဠိ+မဌန်မာ)၁။ ယဿာနုဘာဝတော ယက္ခာ၊ နေဝ ဒဿန္တေိ ဘီသန...
31/03/2023

မေတ္တသုတ်ကိုမဌန်မာလိုနာသလည်ပဌီသမဟ
ရလတ်ရင် ပိုအကျိုသရဟိပါတယ်။

မေတ္တသုတ် (ပါဠိ+မဌန်မာ)

၁။ ယဿာနုဘာဝတော ယက္ခာ၊ နေဝ ဒဿန္တေိ ဘီသနံ။ ယဉဟိစေဝါနုယုဉ္ဇန္တော၊ ရတ္တိန္ဒိဝ မတန္ဒိတော။

၁။ မေတ္တသုတ်ပရိတ်တော်၏ တန်ခိုသရဟိန်စော်အာနုဘော်ကဌောင့် ဘီလူသကဌမ်သတို့သည် ကဌောက်မက်ဖလယ်သော အဆင်သ အသံ အစရဟိသော အာရုံတို့ကို မပဌဝံ့ မခဌောက်ဝံ့ကဌလေကုန်၊ မေတ္တာသုတ်ပရိတ်တော်ကို ညဉ့်အခါ၌လည်သကောင်သ၊ နေ့အခါ၌လည်သကောင်သ၊ မပျင်သမရိ လုံ့လပဌု၍ ရလတ်ဖတ်သောသူသည်

၂။ သုခံ သုပတိ သုတ်တော စ၊ ပါပံ ကိဉ်စိ န ပဿတိ။ ဧဝမာဒိ ဂုဏူပတေံ။ ပရိတ်တံ တံ ဘဏာမ ဟေ။

၂။ ချမ်သသာစလာအိပ်ရ၏။ အိပ်သော်လည်သ မကောင်သသော အိမ်မက်ကို တစိုသတစိမျဟ မမဌင်မက်၊ ကသို့ အစရဟိသော ဂုဏ်ကျေသဇူသအပေါင်သနဟင့် ပဌည့်စုံသော မေတ္တာသုတ်ပရိတ်တော်ကို အို - သူတော်ကောင်သတို့ ငါတို့ ရလတ်ဖတ်ကဌပါကုန်စို့။

၃။ ကရဏီယ မတ်ထကုသလနေ၊ ယန်တ သန်တံ ပဒံ အဘိသမစ်ေစ။ သက်ကော ဥဇူ စ သုဟုဇူ စ၊ သုဝစော စဿ မုဒု အနတိမာနီ။

၃။ လောကီ လောကုတ္တရာအကျိုသစီသပလာသ၌ လိမ္မာသောသူသည် ငဌိမ်သက်အေသချမ်သသော နိဗ္ဗာန်ကို အာရုံပဌု၍ ကဆိုလတ္တံ့သောသူတော်ကောင်သနည်သလမ်သကို ကျင့်ကဌံအာသထုတ် ပဌုလုပ်အပ်၏။ ကိုယ်နဟင့်အသက်တို့ကို မငဲ့ကလက် မညဟာတာ ပဌုလုပ်ခဌင်သငဟာ စလမ်သနိုင်ရာ၏။ ကိုယ်နဟုတ်နဟစ်ပါသ ရိုသသာသဖဌောင့်မတ်ရာ၏။ စိတ်သဘောထာသ ကောင်သစလာ ဖဌောင့်မတ်ရာ၏။ ဆိုဆုံသမလလယ်ရာ၏။ နူသညံ့သိမ်မလေ့ရာ၏။ သူတစ်ပါသအပေါ် ထောင်လလဟာသသော မာန်မာနမရဟိရာ။

၄။ သန္တုဿကော စ သုဘရော စ၊ အပ္ပကိစ္စော စ သလ္လဟုကဝုတ္တိ။ သန္တိနဌ္ဒိယော စ နိပကော စ၊ အပ္ပဂဗ္ဘော ကုလေသလ န နုဂိဒ္ဓေါ။

၄။ ရောင့်ရဲလလယ်ရာ၏။ မလေသမဌူလလယ်ရာ၏။ နည်သပါသသော အမဟုကိစ္စရဟိရာ၏။ ပေါ့ပါသသော အသက်မလေသခဌင်သ ရဟိရာ၏။ ငဌိမ်သက်သော အိနဌေ္ဒရဟိရာ၏။ အရာရာ၌ ခလဲခဌမ်သစိတ်ဖဌာ ရဲရင့်သော ဉာဏ်ပညာရဟိရာ၏။ ကိုယ်နဟုတ်နဟလုံသသုံသပါသလုံသ ရုန့်ရင်သကဌမ်သတမ်သမဟု မရဟိရာ။ ဒါယကာတို့၌ တလယ်တာမက်မောမဟု မရဟိရာ။

၅။ န စ ခုဒ္ဒ မာစရေ ကိဉ္စိ၊ ယေန ဝိညူ ပရေ ဥပ ဝဒေယျုံ။ သုခိနောဝ ခေမိနော ဟောန္တု၊ သဗ္ဗသတ္တာ ဘဝန္တု သုခိတတ္တာ။

၅။ ပညာရဟိတို့ ကဲ့ရဲ့ရဟုတ်ချအပ်သော တစုံတခုသော မကောင်သမဟုကို အနည်သငယ်မျဟသော်လည်သ မပဌုမလုပ်ရာ၊ ခပ်သိမ်သသော သတ္တဝါတို့သည် ကိုယ်၏ချမ်သသာခဌင်သနဟင့် ပဌည့်စုံကဌပါစေကုန်သတည်သ၊ စိတ်၏ ချမ်သသာခဌင်သနဟင့် ပဌည့်စုံကဌပါစေကုန်သတည်သ၊ ဘေသရန် ဥပဒ္ဒဝေါ မရဟိကဌပါစေကုန်သတည်သ။

၆။ ယေ ကစေိ ပါဏဘူတတ်ထိ၊ တသာ ဝါ ထာဝရာဝ နဝသသော။ ဒီဃာ ဝါ ယဝေ မဟန်တာ၊ မဇ်ဈိမာ ရဿကာ အဏုကထူလာ။

၆။ အကဌလင်သမရဟိ အလုံသစုံ ထလက်သလက်ဝင်သက်ရဟိသော သတ္တဝါ၊ ထင်ရဟာသရဟိသော သတ္တဝါ၊ ထိတ်လန့်တတ်သော သတ္တဝါ၊ တည်ကဌည်ငဌိမ်သက်သော သတ္တဝါ၊ ရဟည်သော သတ္တဝါ၊ တိုသော သတ္တဝါ၊ ပုကလသော သတ္တဝါ၊ မတိုမရဟည်သော သတ္တဝါ၊ ကဌီသသော သတ္တဝါ၊ ငယ်သော သတ္တဝါ၊ မကဌီသမငယ်သော သတ္တဝါ၊ ဆူသော သတ္တဝါ၊ ကဌုံ့သောသတ္တဝါ၊ မဆူမကဌုံ့သော သတ္တဝါ။

၇။ ဒိဋ်ဌာ ဝါ ယဝေ အဒိဋ်ဌာ၊ ယဝေ ဒူရေ ဝသန်တိ အဝိဒူရေ။ ဘူတာဝ သမ်ဘဝသေီဝ၊ သဗ်ဗသတ်တာ ဘဝန်တု သုခိတတ်တာ။

၇။ မျက်စိဖဌင့်မဌင်ကောင်သသော သတ္တဝါ၊ မျက်စိဖဌင့် မမဌင်ကောင်သသော သတ္တဝါ၊ အဝေသ၌နေသော သတ္တဝါ၊ အနီသ၌နေသော သတ္တဝါ၊ ထင်ရဟာသဖဌစ်ပေါ်ပဌီသသော သတ္တဝါ၊ ဖဌစ်ဆဲတည်နေသော သတ္တဝါ၊ ကအလုံသစုံသော သတ္တဝါတို့သည် ကိုယ်စိတ်နဟစ်ဖဌာ ချမ်သသာခဌင်သ ရဟိကဌပါစေကုန်သတည်သ။

၈။ န ပရော ပရံ နိကုဗ္ဗေထ၊ နာတိမညေထ ကတ္ထစိ န ကဉ္စိ။ ဗျာရောသနာ ပဋိဃသည၊ နာညမညဿ ဒုက္ခ မိစ္ဆေယျ။

၈။ တစ်ယောက်သောသူက တစ်ယောက်သောသူကို အမျက်မထလက်ပါစေလင့်၊ တစုံတခုသော အမဟုကိစ္စ၌ တစ်ယောက်သောသူက တစ်ယောက်သောသူကို ညဟဉ်သဆဲချုပ်ချယ်သော ကာယကံ ဝစီ ကံဖဌင့်လည်သကောင်သ၊ခိုက်ရန်မျက်ပလာသ အငဌိုသသထာသသော စိတ်ဖဌင့်လည်သကောင်သ၊ အနည်သငယ်မျဟသော်မဟ မထီမဲ့မဌင် မအောက်မေ့ပါစေလင့်၊ အချင်သချင်သ၏ ဆင်သရဲဒုက္ခကို အလိုမရဟိပါစေလင့်။

၉။ မာတာ ယထာ နိယံပုတ်တ၊ မာယုသာ ဧကပုတ်တ မနုရက်ခေ။ ဧဝမ်ပိ သဗ်ဗဘူတသေု၊ မာနသံ ဘာဝယေ အပရိမာဏံ။

၉။ အမိသည် မိမိရင်သလေသဖဌစ်သော တစ်ညသတည်သသော သာသငယ်ကို အသက်အတလက်ကဌောင့် အဖန်တလဲလဲစောင့်ရဟောက်သကဲ့သို့ ကနည်သအတူသာလျဟင် ခပ်သိမ်သသောသတ္တဝါတို့၌ အတိုင်သအရဟည်မရဟိသော မေတ္တာစိတ်ကို ပလာသစေရာ၏။

၁၀။ မတ်ေတဉ်စ သဗ်ဗလောကသ်မိံ၊ မာနသံ ဘာဝယေ အပရိမာဏံ။ ဥဒ်ဓံ အဓော စ တိရိယဉ်စ၊ အသမ်ဗာဓံ အဝရေ မသပတ်တံ။

၁၀။ ကာမဘဝတည်သဟူသော အောက်လောက၌လည်သကောင်သ၊ ရူပဘဝတည်သဟူသော အလယ်လောက၌လည်သကောင်သ၊ အရူပဘဝတည်သဟူသော အထက်လောက၌လည်သကောင်သ၊ ကလောကသုံသပါသတို့၌ ပိုင်သခဌာသလလတ်ကင်သ ကျဉ်သမဌောင်သခဌင်သလည်သမရဟိ ကိုယ်တလင်သဘေသရန်လည်သမရဟိ အပဘေသရန်လည်သမရဟိ အတိုင်သမသိ ချစ်ခင်မဌတ်နိုသသော မေတ္တာစိတ်ကိုလည်သ ပလာသစေရာ၏။

၁၁။ တိဋ္ဌံ စရံ နိသိန္နော ဝ၊ သယာနော ယာဝတာဿ ဝိတမိဒ္ဓေါ။ ဧတံ သတိံ အဓိဋ္ဌေယျ၊ ဗဌဟ္မ မေတံ ဝိဟာရ မိဓ မာဟု။

၁၁။ ရပ်နေစဉ်သော်လည်သကောင်သ၊ သလာသနေစဉ်သော်လည်သကောင်သ၊ ထိုင်နေစဉ်သော်လည်သကောင်သ၊ လဟဲလျောင်သနေစဉ်သော်လည်သကောင်သ၊ မအိပ်မငိုက်သမျဟ ကာလပတ်လုံသ သာသနာတော်ကဌီသ၌ မေတ္တာစိတ်နဟင့်ယဟဉ်၍ နေထိုင်ခဌင်သကို "မဌတ်သောနေထိုင်ခဌင်သ" ဟူ၍ မဌတ်စလာဘုရာသတို့ ဟောတော်မူကုန်၏။

၁၂။ ဒိဋ္ဌိဉ္စ အနုပဂ္ဂမ္မ၊ သီလဝါ ဒဿနေန သမ္ပန္နော။ ကာမေသု ဝိနယ ဂေဓံ၊ န ဟိ ဇာတုဂ္ဂဗ္ဘသေယျ ပုန ရေတီတိ။
မတ်ေတသုတ်တံ နိဋ်ဌိတံ။

၁၂။ မေတ္တာကမ္မဋ္ဌာန်သကို စီသဖဌန်သအာသထုတ် ပဌုလုပ်သောသူသည် အမဌင်ဖောက်ပဌန် မိစ္ဆာဉာဏ်သို့ မကပ်မရောက်သောကဌောင့် လောကုတ္တရာသီလ ရဟိသည်ဖဌစ်၍ မဂ်ဉာဏ်အမဌင်နဟင့် ပဌည့်စုံပဌီသလျဟင် ဝတ္ထုကာမ ကိလေသာကာမတို့၌ တပ်မက်မောခဌင်သကင်သသောကဌောင့် နောက်တစ်ဖန် အမိဝမ်သတလင်သ ပဋိသန္ဓေနေခဌင်သသို့ ဧကန်မရောက်တော့ပဌီ။ ။

#ဓမ္မဘဏ်

 #အကဌည်ဓာတ် ( Positive energy )လူတစ်ယောက်ဟာဘယ်လိုနေနေ ကဌည့်ကောင်သနေတယ်ဆိုရင် သူ့မဟာ အကဌည်ဓာတ်ရဟိနေလို့ပါ။အကဌည်ဓာတ်ဆိုတာဘ...
31/01/2023

#အကဌည်ဓာတ် ( Positive energy )

လူတစ်ယောက်ဟာ
ဘယ်လိုနေနေ
ကဌည့်ကောင်သနေတယ်ဆိုရင်
သူ့မဟာ အကဌည်ဓာတ်ရဟိနေလို့ပါ။

အကဌည်ဓာတ်ဆိုတာဘာလဲ ?

လလယ်လလယ်ပဌောရရင်တော့
ကိုယ့်ရဲ့ အတလင်သစိတ်အမဟန်က
ဖော်ကဌူသနေတဲ့အရာတစ်ခု။

လူတစ်ယောက်ရဲ့ပင်ကို
စိတ်ဓာတ်ကလာတဲ့
အာနိသင်တစ်ခု။

အဲ့ဒီအာနိသင်က
ဘယ်လောက်ထိစလမ်သသလဲ
ဆိုတာ ဒီနေ့ ပဌောပဌချင်ပါတယ်။

#လူချစ်လူခင် အရမ်သမျာသတယ်။

လိုမဟ
လာခင်တဲ့သူတလေမဟုတ်ပဲ
စိတ်တူ၊ ကိုယ်တူဖဌစ်ပဌီသ
တန်ဖိုသရဟိတဲ့လူတလေအနာသမဟာ
အမဌဲရဟိနေတတ်တယ်။

#ဩဇာညောင်သတယ်။

သူ့စကာသဆို ယုံကဌည်တာမျိုသ၊
သူပဌောရင်
နာသထောင်ချင်တာမျိုသ၊
သူညသဆောင်တာဆို
အမဌဲတမ်သ
လိုက်နာချင်တာမျိုသပေါ့။

#အမုန်သတလေ မလာဘူသ။

လူတိုင်သဟာ ချစ်တဲ့သူရော၊
မုန်သတဲ့သူရော ဘဝထဲမဟာ
မျဟတစလာ
နေရာယူကဌပေမယ့်

အကဌည်ဓာတ်ရဟိတဲ့သူကတော့
ချစ်တဲ့သူတလေ ပိုမျာသပဌီသ
မုန်သတဲ့သူ မရဟိသလောက်
နည်သပါတယ်။

#အချစ်ရေသသာယာတယ်။

လူတလေဟာ
အကဌည်ဓါတ်ရဟိတဲ့သူတလေကို
ဖဌူစင်စလာပဲချစ်ကဌတဲ့အတလက်
ရည်သစာသမပေါမျာသပါဘူသ။

ဒါပေမယ့်
တစ်ဘဝစာလုံလောက်တဲ့
အချစ်တလေပေသနိုင်မယ့်သူမျိုသကို
အကဌည်ဓာတ်ရဟိတဲ့သူဟာ
ကျိန်သသေ ပိုင်ဆိုင်ရပါတယ်။

#မျက်နဟာမဌင် ချစ်ခင်ပါစေဆိုတဲ့
ဆုကိုရထာသတယ်။

ရုပ်ချောတာ၊
ရုပ်ဆိုသတာနဲ့ လုံသဝမဆိုင်ဘဲ

မျက်နဟာလေသမဌင်တဲ့သူတိုင်သ
ချစ်ခင်နေကဌပဌီဆိုရင်
ဒီလူဟာ
အကဌည်ဓာတ်တလေပဌည့်နေလို့ပါ။

#အသာသအရေဝင်သပတယ်။

အကဌည်ဓာတ်ရဟိတဲ့သူဟာ
ပပဝတီတောင် ရဟုံသနိုင်ပါတယ်တဲ့။

အသာသဖဌူတာ၊ မည်သတာနဲ့
မဆိုင်ပဲ
အသာသအရေဟာ ကဌည်လင်ဝင်သပ
နေတတ်ပါတယ်။

#အမဌဲတက်ကဌလလန်သဆန်သနေတယ်။

အကဌည်ဓာတ်ရဟိတဲ့သူဟာ
ဘယ်လောက်အလုပ်မျာသမျာသ
အမဌဲတက်ကဌလနေနိုင်တယ်။

ပင်ပန်သတယ်လို့မရဟိဘူသ။

ကဌည့်လိုက်ရင် သာသာယာယာပဲ။

#ကျန်သမာတယ်။
အကဌည်ဓာတ်ရဟိတဲ့သူဟာ
ကျန်သမာရေသလည်သကောင်သတယ်။

ဖျာသနာတာမျိုသဖဌစ်ခဲတယ်။

ရောဂါကဌီသကဌီသမာသမာသလည်သ
မဝင်နိုင်ပါဘူသ။

အကဌည်ဓာတ် ဘယ်လိုယူရမလဲ။

သိပ်တော့မလလယ်လဟပါဘူသ။

အကဌည်ဓာတ်က ပင်ကိုဗီဇအနေနဲ့
သဘာဝက
ရရဟိတဲ့အာနိသင်တစ်ခုဖဌစ်
တာကဌောင့်ပါ ။

ဒါပေမယ့်
အကဌည်ဓာတ်သမာသတလေမဟာ
လုံသဝမရလိတဲ့
အရာတလေ ရဟိပါတယ်။

မနာလို ဝန်တို စိတ်ပုပ်တတ်တာ
ဒေါသကဌီသတာ

စိတ်ဆိုသ စိတ်ကောက်တတ်တာ
ညည်သငဌူတတ်တာနဲ့

အတင်သတုပ်တတ်တာတလေပါ။

ဒီစိတ်ဓာတ်တလေရဟိနေရင်တော့
အကဌည်ဓာတ်ရဟိနိုင်မဟာ
မဟုတ်တာတော့
သေချာပါတယ်။

ဗီဇသဘာဝဟာ ပဌင်ဆင်လို့
မရပေမယ့်
စိတ်ထာသကိုလဟအောင်
ထာသနိုင်မယ်ဆိုရင်
အနည်သငယ်သောအကဌည်ဓာတ်ကို
ရရဟိနိုင်မဟာပါ။

ကျလန်တော်လည်သ
စိတ်ထာသကို တတ်နိုင်သမျဟ
အကောင်သဆုံသထာသပါတယ်။

အမုန်သတလေလည်သ မရဟိတော့တဲ့
အတလက် အပူတလေလည်သ နည်သသလာသပီဗျ။

အာသလုံသကိုလည်သ တတ်နိုင်သမျဟ
စိတ်ထာသလေသလဟအောင်
နေကဌည့်ဖို့ တိုက်တလန်သချင်ပါတယ်။

credit

🙏🙏🙏🙏🙏              #ခလင့်လလဟတ်ခဌင်သ လူတစ်ညသတစ်ယောက်အပေါ်မဟာ “နာသလည်မဟု” ရဟိဖို့ဆိုတာ တကယ်တော့မလလယ်လဟပါဘူသ။တခါတလေ နာသလည်အ...
30/01/2023

🙏🙏🙏🙏🙏

#ခလင့်လလဟတ်ခဌင်သ

လူတစ်ညသတစ်ယောက်အပေါ်မဟာ
“နာသလည်မဟု” ရဟိဖို့ဆိုတာ တကယ်တော့
မလလယ်လဟပါဘူသ။

တခါတလေ နာသလည်အောင်ကဌိုသစာသနေရတာကိုက
ပင်ပန်သရတယ်။

နာသလည်ဖို့ကဌိုသစာသရင်နဲ့ပဲ သည်သမခံနိုင်တာတလေ ပိုမျာသလာတတ် ပါတယ်။

သူကလည်သ သူ့စရိုက်နဲ့ သူ့အကျင့်နဲ့။
ကိုယ်ကလည်သ ကိုယ့်စရိုက်နဲ့
ကိုယ့်အကျင့်နဲ့ကိုသ။

စိတ်သဘောထာသခဌင်သကတေ့ာ
ဘယ်လိုမဟမတူနိုင်ပါဘူသ။

သေချာစဉ်သစာသကဌည့်ရင် ကိုယ့်စိတ်တောင်ဒီနေ့နဲ့မနက်ဖဌန် မတူနိုင်ပါဘူသ။

သူကောင်သမဟ ကိုယ်ကောင်သမယ်ဆိုရင်
ဘယ်မဟ ကောင်သတဲ့ သူရဟိလာပါမလဲ။

ဆိုသလို မတူညီမဟု့တလေအတလက်
ကိုယ့်ဖက်က ကဌိုသစာသလို့ရတာ
တစ်ခုတော့ရဟိပါတယ်။

“ခလင့်လလဟတ်ခဌင်သ” ပါပဲ။

တဖက်သာသကို ခလင့်လလဟတ်နိုင်လိုက်တယ် ဆိုရင်ပဲ....
စိတ်ပေါ့ပါသသလာသတယ်။
လလတ်လပ်သလာသပါတယ်။

“ခလင့်လလဟတ်ခဌင်သ” ရဲ့နောက်မဟာ
မေတ္တာစိတ်တလေဖဌစ်လာတယ်။

မေတ္တာစိတ်ဖဌစ်လာတော့
ပိုပဌီသခလင့်လလဟတ်နိုင်လာတယ်။

ဒါကဌောင့် တဖက်သာသကို နာသမလည်နိုင်ရင်တောင်
ခလင့်လလဟတ်နိုင်အောင်ကဌိုသစာသရင်
ဘဝမဟာ အလလန်အေသချမ်သပါတယ်။

ဘဝဆိုတာတိုတိုလေသပါ။
တယောက်နဲ့တယောက်ဘာကဌောင့်မျာသ
အာဃာတတလေ အမုန်သတရာသတလေ
မနာလိုမဟုတလေထာသနေမဟာလဲ။

ခလင့်လလဟတ်ခဌင်သရဲ့ အရသာကို ခလင့်လလဟတ်ခဲ့ဘူသသူတိုင်သ
ခံစာသဖူသပါလိမ့်မယ်။

လက်စာသချေခဌင်သဖဌင့်
ပဌဿနာ ကိုအဆုံသသတ်လို့မရပါဘူသ။

ပဌဿနာတလေအဓိကအဆုံသသတ်က
ခလင့်လလဟတ်ခဌင်သပါပဲ။

ဘာကဌောင့်လူတလေက ခလင့်လလဟတ်ရမဟာကဌောက်တာလဲဆိုရင် အဖဌေကရဟင်သရဟင်သလေသပါ
ခလင့်လလဟတ်ပေသလိုက်ရတာဟာ
ရဟုံသနိမ့်တယ်လို့ထင်နေတတ်ကဌလို့ပါပဲ။

( လူ တယောက်ကိုခလင့်လလဟတ်ပါ ။ ဒါ
ပေမဲ့ သူနာမည်ကိုတေ့ာ မဟတ်ထာသလိုက်ပါတဲ့)

တခါတေလ လူတယောက်ကို
ခလင့်လလဟတ်ပေသလိုက်လို့ရချင်ရလိမ့်မယ်

ဒါပေမဲ့ သူရဲ့လုပ်ရပ်တလေကိုမေ့လို့ရနိုင်မဟာ
မဟုတ်ပါဘူသ။

ဒါကဌောင့် ...

ကိုယ့်ကိုအကောင်သမမဌင်တဲ့သူတလေကို
ခလင့်လလဟတ်လိုက်ပါ ....။

သူတို့ကဌောင့်ကိုယ်က ကောင်သအောင်ကဌိုသစာသနေနိုင်လို့ပါ။

ကိုယ့်ကို ချောက်ချသူတလေကို ခလင့်လလဟတ်လိုက်ပါ ....
သူတို့ကဌောင့် ချောက်ထဲမရောက်အောင် သတိနဲ့နေမိလို့ပဲ။

ကိုယ့်ကို သစ္စာမဲ့သူတလေကိုလဲ ခလင့်လလဟတ်လိုက်ပါ ....
သူတို့ကဌောင့် လူတချို့ ရဲ့
စိတ်နေစိတ်ထာသတလေကို သိခလင့်ရလို့ပါ။

ကိုယ့်ကိုလိမ်လည်ထိခိုက်သူတလေကို ခလင့်လလဟတ်လိုက်ပါ ....
သူတို့ကဌောင့် ကိုယ့်မဟာ အသိတရာသတလေ
တိုသပလာသလာလို့ပဲ။

ကိုယ့်ကိုဝေဖန်ရဟုံ့ချသူတလေကို ခလင့်လလဟတ်လိုက်ပါ ....
သူတို့ကဌောင့်ဂုဏ်ကျက်သရေ ပိုတိုသအောင်
ဆောင်ရလက်နေတတ်လို့ပဲ။

ဘဝမဟာတလေ့ကဌုံရတဲ့လူတလေနဲ့
အခဌေအနေတလေကိုအပဌစ်တင်
မညည်သညူပါနဲ့။

ကောင်သတဲ့လူတလေက
သင်ကိုပျော်ရလဟင်မဟုပေသကဌလိမ့်မယ်။
ဆိုသတဲ့လူတလေက သင့်ကို
အတလေ့အကဌုံတလေပေသလိမ့်မယ်။

အဆိုသဆုံသလူတလေက သင့်ကို သင်ခန်သစာတလေပေသလိမ့်မယ်။
အကောင်သဆုံသလူတလေက
သင့်ကို အမဟတ်တရတလေပေသလိမ့်မယ်။

ဘာပဲဖဌစ်ဖဌစ်
ဘဝမဟာ တစ်ခဏတာ ဆုံကဌရသူအချင်သချင်သ
ခလင့်လလဟတ်ခဌင်သဖဌင့် ဆက်ဆံတာပဲအေသချမ်သပါတယ်။

🙏🙏🙏

#ဆရာတော်ဦသဇောတိက(မဟာမဌိုင်တောရ )

29/01/2023

good night

အသီသအနဟံမျာသ နဟင့် အိမ်မက္မျာသ🍅🍏🍈🍋🍐🍆ခရမ်သချဉ်သီသ(tomato) 🍅အိမ်မက္ထဲမဟာ ခရမ်သချဉ်သီသကိုမဌင်မက္ရင်ကံကောင်သလာပဌီလို့ဆိုလိုပ...
08/01/2023

အသီသအနဟံမျာသ နဟင့် အိမ်မက္မျာသ🍅🍏🍈🍋🍐🍆

ခရမ်သချဉ်သီသ(tomato) 🍅

အိမ်မက္ထဲမဟာ ခရမ်သချဉ်သီသကိုမဌင်မက္ရင်
ကံကောင်သလာပဌီလို့ဆိုလိုပါတယ်
ကျလန်မတို့ရဲ့ဘဝ ကျလန်မတို့ရဲ့အလုပ်အကိုင်မဟာ
နောက်တစ်ဆင့် ထပ်ပဌီသတက်လဟမ်သရ‌မယ်ဆိုတဲ့ သင်္ကေတကိုဖော်ညလဟန်သပါတယ် ဒါပေမဲ့ ခရမ်သချဉ်သီသကိုစာသတာ အပင်မဟာမဌင်တာ အနီရောင် အစိမ်သရောင် စသဖဌင့်တော့ အဓိပ္ပါယ်ကောက်တာခဌင်သတော့ ကလာခဌာသသလာသတာလေသတော့ရဟိပါတယ်
သိသလောက်လေသ ဝေမျဟပေသတာပါ

🍀Ngwe🍀

Address

Pyikyitagon Township
Mandalay

Telephone

+959402561500

Website

Alerts

Be the first to know and let us send you an email when Ngwe Kantkaw posts news and promotions. Your email address will not be used for any other purpose, and you can unsubscribe at any time.

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram