14/08/2022
ချောင်းဆိုးနေတယ် ဘာဆေးသောက်ရမလဲဆိုရင်
အရင်ဆုံးကိုယ်ဆိုးတဲ့ချောင်းက အစိုလား အခြောက်လား သိရပါမယ်။
ယေဘုယျအားဖြင့် ချောင်းအစို-အခြောက်ပေါ်မူတည်ပြီး သောက်ရတဲ့ဆေး ကွဲသွားပါလိမ့်မယ်။
----------
ချောင်းစို
----------
ချောင်းစိုဆိုတာ သလိပ်ထွက်တဲ့ချောင်းပါ။ သလိပ်အကြည်ပဲဖြစ်ဖြစ် အစိမ်း အဝါရောင်ပဲဖြစ်ဖြစ် သလိပ်ပါပြီဆိုရင် ချောင်းစိုလို့ သတ်မှတ်ရပါမယ်။
ချွဲသလိပ်ကို အပြင်ရောက်အောင် ခပ်ထုတ်ပြီးဆိုးရတဲ့ချောင်းဖြစ်လို့ အရှိန်ပြင်းပြီး လူလည်း တအားပင်ပန်းပါတယ်။ 😓
အဲလိုချောင်းတွေမှာ ချွဲသလိပ်ပျော်ဆေးပါတဲ့ ချောင်းဆိုးပျောက်ဆေး သောက်ပေးရပါမယ်။ အဲဒီဆေးတွေမှာ ပါတဲ့ Acetylcysteine (သို့) Carbocysteine ဆိုတာက ချွဲသလိပ်ကို ချေဖျက်ပေးပါတယ်။ ချွဲသလိပ်ပျော်ပြီး အပြင်ထွက်သွားမှသာ သက်သာမှာပါ။
ဆေးဗူးပေါ်မှာ Productive Cough လို့ ရေးထားတတ်ကြပါတယ်။ Expectorant တို့ Mucolytic တို့လည်း ရေးထားတတ်ကြပါတယ်။
သလိပ်ထွက်တဲ့ ချောင်းစို ချောင်းဆိုးပျောက်ဆေး တွေက…
💠ဆေးရည်ထဲမှာဆိုရင်…
Wood’s အပြာရောင်ဗူး၊ Ascoril ဆေးရည်၊ Bisolvon ဆေးရည်၊ Flemex ဆေးရည်၊ Solmux ဆေးရည်၊ Bena ဆေးရည်၊ Herba cough ဆေးရည်
💠သောက်ဆေးတွေထဲမှာဆိုရင်…
Solmux, Musol, Flemex, Muclear, Mucoclean
----------------
ချောင်းခြောက်
----------------
ချောင်းခြောက်ကတော့ သလိပ်မထွက်ဘဲ လည်ချောင်းယားပြီးဆိုးတဲ့ချောင်းပါ။
အအေးမိတာ၊ ဓာတ်မတည့်တာ၊ လေပြွန်ရောင်တာတို့ကြောင့် လည်ချောင်းယားပြီး ချောင်းဆိုးတာပါ။ နှာရည်တွေ အပြင်မယိုဘဲ လည်ချောင်းထဲ ယိုကျရင်လည်း လည်ချောင်းယားပြီး ချောင်းဆိုးတတ်ပါတယ်။
လည်ချောင်းတအားယားတော့ ဟန်မဆောင်နိုင် မထိန်းနိုင် မသိမ်းနိုင်ချောင်းဆိုးတတ်ကြပါတယ်။ 😣
အဲလိုချောင်းတွေမှာ ချောင်းဆိုးချင်စိတ် မဖြစ်အောင် ဟန့်တားပေးတဲ့ Dextromethorphan ပါတဲ့ ချောင်းဆိုးပျောက်ဆေး သောက်ပေးရပါမယ်။
ဆေးဗူးပေါ်မှာ Non-Productive Cough လို့ရေးထားတတ်ပါတယ်။ Dry Cough၊ Antihistamine ၊ Cough Suppressants နဲ့ Antitussive လို့လည်း ရေးထားတတ်ပါတယ်။ Antihistamine ပါလို့ အိပ်တော့ငိုက်တတ်ပါတယ်။
သလိပ်မထွက်တဲ့ ချောင်းခြောက် ချောင်းဆိုးပျောက်ဆေးတွေက…
💠ဆေးရည်ထဲမှာဆိုရင်…
Wood’s အနီရောင်၊ Chericof ဆေးရည်၊ Zecuf ဆေးရည်၊ Dantusil ဆေးရည်၊ Exicof ဆေးရည်၊ Atussin ဆေးရည်
💠သောက်ဆေးတွေထဲမှာဆိုရင်…
Tussic, Atussin, Bronchest, Konidin, De-tussin
——————————
ဘယ်လိုပဲချောင်းဆိုးဆိုး...
——————————
🔸ရေများများသောက်ပါ။ ရေဓာတ်များရင် အသက်ရှူလမ်းကြောင်းတစ်လျှောက် ပိတ်ဆို့နေတဲ့ ချွဲသလိပ်တွေကို ပျော်စေနိုင်ပါတယ်။
🔸ရေနွေးပူပူသောက်ပါ။ ရေနွေးပူကလည်း ချွဲသလိပ်တွေကိုပျော်စေပါတယ်။
🔸ခြေဖဝါးပရုတ်ဆီလူးပြီး ခြေစွတ်ဝတ်အိပ်ပါ။
🔸ရင်ဘတ်နဲ့ လည်ချောင်းတလျှောက် ပရုတ်ဆီ ပါးပါးလူးထားပါ။ လည်ပင်းကို မာဖလာလေးပတ်အိပ်ပါ။
🔸ရေနွေးငွေ့ရှူပါ။ ရေနွေးထဲ ရာပန်းဆီ ၂ စက်လောက် ထည့်ရှူပေးပါ။ အသက်ရှုလမ်းကြောင်းတစ်လျှောက် ပိုးတွေသန့်စင်ပေးပြီး ချွဲသလိပ်ပျော်စေပါတယ်။
🔸ဆားရည်နွေးနဲ့ ပလုတ်ကျင်းပါ။ ဆားရည်နွေးက Virus ပိုးတွေ မကြိုက်တဲ့ Alkaline Environment ဖြစ်စေသလို လည်ချောင်းယားသက်သာစေတယ်။
🔸လေသန့်စက် (Air Purifier) ရှိရင် အခန်းထဲ ဖွင့်ထားပါ။ ချောင်းဆိုးနှာစေးစေနိုင်တဲ့ Allergen တွေ၊ အမှုန်အမွှားတွေ၊ တော်ရုံပိုးမွှားတွေကို ဖယ်ပေးနိုင်ပါတယ်။ Mini လေသန့်စက်လေးတွေ Home Smart Home page မှာ In stock ရှိပါတယ်။ စျေး ၃ သောင်းကျော်လောက်ပဲ ရှိပါတယ်။
🔸လည်ချောင်းယားရင် Menthol ပါတဲ့ ငုံဆေးလေးတွေ ငုံပေးပါ။ ကွမ်းရွက်ပုံ၊ မှန်ချို၊ တို့ကျောင်းသားလို ချောင်းဆိုးပျောက်ဆေးတွေလည်း ငုံပေးလို့ရပါတယ်။
———————
သတိထားရမှာက
———————
🔺ချောင်းဆိုးတာ ၃ ပတ်ကျော်ထိမပျောက်ရင်
🔺ရင်ဘတ်အောင့်ရင်
🔺ကိုယ်အလေးချိန်သိသိသာသာလျော့ကျနေရင်
🔺ကိုယ်အပူချိန်မြင့်တက်နေရင်
🔺ချောင်းဆိုးပြီး သွေးပါရင်
🔺နှုတ်ခမ်း၊ပါးစပ်နဲ့ လက်သည်းတွေ ပြာနှမ်းလာရင်
🔺အသက်ရှူကျပ်လာရင်
🔺ပုံမှန်မဟုတ်တဲ့ အသက်ရှူသံတွေထွက်လာရင်တော့ ဆေးခန်းပြသင့်နေပါပြီ။
အားလုံးပဲ ချောင်းဆိုးသက်သာ ကျန်းမာကြပါစေ။
Credit -ဒေါက်တာနုမြတ်သိင်္ဂီဦး
💁🏻♀️လူကြီးမင်းတို့၏ ကိုယ်စိတ်ကျန်းမာမှုသည် #ရွှန်းဆေးဆိုင်က တန်ဖိုးထားသောအရာဖြစ်သည်။💁🏻♀️
🏡ဆက်သွယ်ရန်လိပ်စာ - ၅၆(၁၁၄)မြင့်ဇူလမ်း၊ချမ်းမြသာစည်၊မန္တလေး။
📱ဖုန်း - ၀၉၇၉၈၆၆၅၁၀၅ကိုဆက်သွယ်လို့ဖြစ်စေ၊ Viber ကတစ်ဆင့်ဖြစ်စီ၊ Page Messenger က ဖြစ်စီ ဆက်သွယ်မှာယူလို့ရပါတယ် ကျေးဇူးတင်ပါရှင့်🙋🏻♀️
