15/10/2025
လက်သန့်ရှင်းမှုဖြင့် ရောဂါများကို ကာကွယ်ပါ!
ဒီနေ့အောက်တိုဘာ ၁၅ ရက်နေ့ဟာ ကမ္ဘာ့လက်ဆေးရေးနေ့ (Global Handwashing Day) ဖြစ်ပါတယ်။
လက်သန့်ရှင်းမှုဟာ ရိုးရှင်းပြီး၊ ထိရောက်မှုရှိကာ အသက်သာဆုံး ရောဂါကာကွယ်ရေး နည်းလမ်းတစ်ခု ဖြစ်ပါတယ်။
👉 ကျွန်တော်တို့ရဲ့ လက်တွေဟာ ပိုးမွှားတွေကို အလွယ်တကူ သယ်ဆောင်ပြီး၊ မျက်လုံး၊ နှာခေါင်း၊ ပါးစပ်ကို ထိတွေ့မိတဲ့အခါ ရောဂါတွေ ကူးစက်ခံရနိုင်ပါတယ်။ ဆပ်ပြာနဲ့ စနစ်တကျ လက်ဆေးခြင်းက ဝမ်းရောဂါ၊ အသက်ရှူလမ်းကြောင်းဆိုင်ရာ ရောဂါတွေနဲ့ တခြားကူးစက်ရောဂါ အများအပြားကို သိသိသာသာ လျှော့ချပေးနိုင်ပါတယ်။
ရောဂါဖြစ်ပြီးမှ အရည်အသွေးမြင့် ဆေးဝါးတွေနဲ့ ကုသတာဟာ အရေးကြီးပေမယ့်၊ ရောဂါမဖြစ်အောင် ကြိုတင်ကာကွယ်တာက ပိုပြီး အကျိုးရှိပါတယ်။ ဆေးဝါးတွေဟာ ကုသမှုအတွက် မရှိမဖြစ်လိုအပ်သလို၊ လက်ဆေးခြင်းကဲ့သို့ ရိုးရှင်းတဲ့ ကာကွယ်ရေးနည်းလမ်းကလည်း ရောဂါအစကို ဖြတ်တောက်ပေးနိုင်ပါတယ်။ လက်သန့်ရှင်းမှုက ရောဂါဖြစ်မှာစိုးရိမ်ရတဲ့ စိတ်ဒုက္ခတွေနဲ့ ဆေးကုသမှု ကုန်ကျစရိတ်တွေကိုပါ သက်သာစေပါတယ်။
💊 ကာကွယ်ခြင်းဟာ ကုသခြင်းထက် ပိုကောင်းပါတယ်
📢 မိမိကိုယ်တိုင်နဲ့ မိသားစုကို ရောဂါပိုးကူးစက်မှုကနေ ကာကွယ်ဖို့အတွက် လက်ဆေးတဲ့ အလေ့အကျင့်ကောင်းကို တိတိကျကျ လိုက်နာကြပါစို့!
👉 ဆပ်ပြာနှင့်ရေဖြင့် စက္ကန့် ၂၀ ကြာ စနစ်တကျ ဆေးကြောပါ! 👍
#လက်ဆေးပါ
