သုခမေတ္တာအထွေထွေနှင့်စိတ်ရောဂါကုဆေးရုံကြီး

06/12/2025

E-Cigarette ဆိုတာ နစ်ကိုတင်းအရည်ကို ဘက်ထရီအသုံးပြုရတဲ့ ကိရိယာထဲမှာထည့်ပြီး အပူပေးလိုက်လို့ အငွေ့ပျံလာတာကိုရှူသွင်းရတဲ့ ကိရိယာတစ်ခုဖြစ်ပါတယ်။ ဆေးလိပ်သောက်ရင် အဓိကစွဲလန်းစေတဲ့၊ ကျေနပ်မှုဖြစ်စေတဲ့ နစ်ကိုတင်းကို အဓိကထည့်သွင်းထားပေမယ့် အဲ့ဒီနစ်ကိုတင်းကို အရည်ဘဝနဲ့ ကြာရှည်တည်ရှိနေနိုင်အောင် base လို့ခေါ်တဲ့ ဖျော်တဲ့ပစ္စည်းတွေ၊ အနံ့အရသာကောင်းအောင် ထည့်သွင်းထားတဲ့ essence တွေပါ ရောထားပါသေးတယ်။ e-cigs လို့လည်း အတိုကောက်ခေါ်သလို Va**ng လို့လည်း ခေါ်ပါတယ်။ အချို့တွေက တစ်ခါသုံးဖြစ်ပြီး အထဲကအရည်ကုန်တာနဲ့ လွှင့်ပစ်ရပါတယ်။ များသောအားဖြင့်တော့ အရည်ပြန်ဖြည့်ပြီးသုံးရတဲ့ Refillable Catridge နဲ့ သုံးတာကပိုများပါတယ်။ ဘက်ထရီကိုလည်း ကွန်ပြူတာ ဒါမှမဟုတ် Power Bank နဲ့ အားသွင်းပြီး အသုံးပြုနိုင်ပါတယ်။ မူလ idea ကို ၁၉၆၃ ခုနှစ်မှာ Herbert A. Giebert ဆိုသူက စတင်တီထွင်ပြီး မူပိုင်ခွင့်ပြုလုပ်ခဲ့ပါတယ်။ ဒါပေမယ့် စျေးကွက်တင်ရောင်ချနိုင်ခြင်း မရှိခဲ့ပါဘူး။ ဒီကနေ့သုံးနေတဲ့ပုံစံကို တရုတ်လူမျိုး Pharmacist ဖြစ်တဲ့ Hon Lik က တီထွင်ခဲ့တာဖြစ်ပြီး Golden Dragon Holding ကုမ္ပဏီအတွက် လုပ်ခဲ့တာဖြစ်ပါတယ်။ နောင်ပိုင်းမှာတော့ အဲ့ဒီကုမ္ပဏီကို Ruyan လို့ အမည်ပြောင်းခဲ့ပါတယ်။ ၂ဝဝ၃ခုနှစ်က စတင်ထုတ်လုပ်ခဲ့ပြီး တရုတ်ပြည်မှာ၂ဝဝ၄ ခုနှစ်အတွင်း စတင်ဖြန့်ဖြူးရောင်းချခဲ့ပါတယ်။ ၂ဝဝ၅-၂ဝဝ၆ လောက်မှာတော့ နိုင်ငံအသီးသီးကို ဖြန့်ဖြူးရောင်းချနိုင်ခဲ့ပါတယ် ဒါပေမယ့် တကယ်တွင်ကျယ်လာတာက ၂ဝ၁ဝ နောက်ပိုင်းကျမှဖြစ်ပါတယ်။
၂ဝ၁၁ ခုနှစ်ကနေ ၂ဝ၁၅ ခုနှစ် ၅နှစ်တာကာလအတွင်း အမေရိကန်လူငယ်တွေကြားမှာ ရာခိုင်နှုန်း ၉ဝဝ (၉ဆ) လောက် တိုးတက်သုံးစွဲလာတာတွေ့ရပါတယ်။ ၂ဝ၁၆ ရောက်တဲ့အခါမှာ အမေရိကန်နိုင်ငံမှာရှိတဲ့ ၁၈ နှစ်အထက် လူတွေအားလုံးရဲ့ ၃့၂ % ဟာ သူ့ကို စွဲနေကြပါပြီ။ ဒါ့ကြောင့် နောက်ဆက်တွဲ ကျန်းမာရေးပြဿနာတွေ တစ်နေ့ထက်တစ်နေ့ များလာနေတဲ့ အတွက် အမေရိကန် FDA က ဥပဒေတွေပြဌာန်းပြီး ကန့်သတ်ဖို့ကြိုးစားလာနေရပါပြီ။

E-Cigarette သုံးရင် ဆိုးကျိုးတွေကတော့ အဓိကအနေနဲ့ (၅) ချက်ရှိပါတယ်။

(၁) နစ်ကိုတင်းကြောင့်ဖြစ်လာသည့် ကျန်းမာရေးဆိုးကျိုးများ - အဓိကအားဖြင့် နစ်ကိုတင်းအရည်ကို အငွေ့ပျံစေပြီး ရှူရှိုက်တာဖြစ်ပါတယ်။ သာမန်ဆေးလိပ်မှာပါဝင်တဲ့ နစ်ကိုတင်းထက်ပိုမိုသန့်စင်အောင် ပြုလုပ်ထားပြီး ထုတ်ထားတာဖြစ်လို့ သူ့ချည်းပါဝင်မှု Concentration ပိုများပါတယ်။ ဒါ့ကြောင့် ရှူလိုက်ရင်ဝင်သွားတဲ့ နစ်ကိုတင်းပမာဏဟာ သာမန်ဆေးလိပ်တစ်လိပ်ကို ရှူလိုက်ရင်ဝင်လာတဲ့ပမာဏထက် ပိုများပါတယ်။ ဒါ့ကြောင့် နစ်ကိုတင်းကြောင့် ဖြစ်ရတဲ့ကျန်းမာရေးဆိုးကျိုးတွေဖြစ်တဲ့ သွေးတိုးရောဂါ၊ နှလုံးသွေးကြောကျဥ်းရောဂါ၊ လေဖြတ်တာ၊ ခြေလက်တွေသွေးကြောပိတ်ပြီး ပုပ်တာ၊ ဦးနှောက်နဲ့အာရုံကြောတွေ ထိခိုက်တာ၊ ဆီးချိုသွေးချိုဖြစ်တာ၊ ဟိုမုန်းတွေပုံမှန်မဖြစ်တော့တာ၊ အရိုးတွေပွတာ၊ ကြွက်သားတွေနာကျင်တာ၊ အသက်တိုစေတာ အစရှိသဖြင့် အကုန်လုံးဖြစ်မှာပါ။

(၂) E-Cigarette အရည်ထဲမှာပါဝင်တဲ့ ဖျော်ရည်အခြေခံပစ္စည်း (base) ဖြစ်တဲ့ Propylene glycol, glycerol တို့အပြင် ကြာရှည်ခံစေတဲ့ပစ္စည်းတွေ၊ အနံ့အရသာကောင်းဖို့ ထည့်ထားတဲ့ ဓာတုပစ္စည်းမျိုးစုံဟာလည်း ဒုက္ခပေးနိုင်ပါတယ်။ အဲ့ဒီပစ္စည်းတွေကို မီးနဲ့အပူပေးလိုက်ရင် ဓာတ်ပြုရာက Formaldehyde တွေ ထွက်လာလေ့ရှိပါတယ်။ အဲ့ဒီပစ္စည်းထဲကတစ်ချို့ဟာ အဆိပ်အတောက်ဖြစ်စေပြီး ကင်ဆာရောဂါအထိ ဖြစ်စေနိုင်ပါတယ်။

(၃) E-Cigarette ကို အပူပေးလို့ထွက်လာတဲ့ အငွေ့တွေမှာပါဝင်တဲ့ ဓာတ်ပစ္စည်းတွေဟာ ဓာတုပစ္စည်းတွေကို မီးရှို့ရာကထွက်လာတဲ့ ပစ္စည်းတွေဖြစ်လို့ အဆုတ်ကိုထိခိုက်စေပါတယ်။ အဲ့ဒီအထဲမှာ အဆိုးဆုံးပစ္စည်းကတော့ Dicetyl လို့ခေါ်ပြီး အဆုတ်ကို တိုက်ရိုက်ဖျက်ဆီးတဲ့အတွက် ဓာတ်မှန်ရိုက်ကြည့်ရင် အဆုတ်နေရာတစ်ဝိုက်မှာ အဖြူရောင်အလုံးတွေ တွေ့ရလေ့ရှိပါတယ်ပြောင်းဖူးပေါက်ပေါက်နဲ့တူလို့ ဆေးပညာအရ Popcorn Lung လို့ခေါ်ပြီး ပြန်ကုလို့မရတဲ့အခြေအနေ (Irreversible Lung Disease) ဖြစ်ပါတယ်။

(၄) E-Cigarette ရဲ့ အငွေ့ထဲမှာပါဝင်နေတဲ့ Nitrosamine တွေဟာ ခန္ဓာကိုယ်ထဲမှာရှိတဲ့ ဆဲလ်တွေရဲ့ DNA ကို ထိခိုက်ပျက်စီးစေတဲ့အတွက် ကင်ဆာရောဂါအမျိုးမျိုး ဖြစ်စေနိုင်ပါတယ်။ လောလောဆယ် ကြွက်တွေမှာစမ်းသပ်ပြီး ထွက်ရှိလာတဲ့ သုတေသနစာတမ်းတွေအရ ကြွက်တွေကို e-cigs အငွေ့တွေ ရှူခိုင်းကြည့်ရာမှာ အဆုတ်ကင်ဆာနဲ့ ဆီးအိမ်ကင်ဆာတွေ ဖြစ်လာတာတွေ့ရပါတယ်။ အခုလောလောဆယ် အသုံးပြုနေတဲ့လူတွေကိုတော့ နောင်၁ဝ နှစ်လောက်ကြာလို့ လေ့လာခဲ့ရင် လူတွေမှာလည်း ကင်ဆာဖြစ်စဥ်တွေ ပိုတွေ့ရတော့မှာပါပဲလို့ ပညာရှင်တွေက ယုံကြည်လျက်ရှိပါတယ်။

(၅) E-Cigarette သုံးစွဲသူလူငယ်များ တိုးပွားလာခြင်းဟာလည်း အဓိကပြဿနာတစ်ခုဖြစ်ပါတယ်။ သူ့ကို စတင်ထုတ်လုပ်ခဲ့တဲ့ မူလရည်ရွယ်ချက်က ဆေးလိပ်သောက်သုံးသူတွေကို ဆေးလိပ်ဖြတ်တဲ့အခါ အစားထိုးအသုံးပြုနိုင်ဖို့ ရည်ရွယ်ပြီးထုတ်ခဲ့တာဖြစ်ပါတယ်။ ဒါပေမယ့် တကယ့်လက်တွေ့မှာ ဆေးလိပ်လုံးဝမသောက်ဖူးသူ လူငယ်တွေအနေနဲ့ အန္တရာယ်ကင်းတယ်ထင်ပြီး အသုံးပြုမှုဟာ တဟုန်ထိုးတိုးတက်လာတာ တွေ့ရပါတယ်။ အမေရိကန်နိုင်ငံမှာ ပြုလုပ်ခဲ့တဲ့ စစ်တမ်းတစ်ခုအရ ၂ဝ၁၁ ကနေ ၂ဝ၁၃ ခုနှစ်အတွင်း အရင်ကဆေးလိပ်လုံးဝ မသောက်သုံးခဲ့တဲ့သူ သုံးစွဲနေသူပေါင်း ၂.၆၃ သိန်း ရှိတာ တွေ့ရပါတယ်။ အခုဆိုရင် သန်းဂဏန်းကျော်သွားလောက်ပြီလို့ ထင်ပါတယ်။ ဒါကလည်း သူ့မှာပါဝင်တဲ့ နစ်ကိုတင်းဟာ စွဲလန်းစေလို့ လူငယ်တွေကြားမှာ တွင်တွင်ကျယ်ကျယ်အသုံးပြုလာတာ ဖြစ်ပါတယ်။ ဒါဟာ အနာဂတ်မျိုးဆက်တွေအတွက် အင်မတန်မှ ရင်လေးစရာဖြစ်ပါတယ်။

ဒေါက်တာခင်မောင်လွင် (FAME)

25/11/2025

🏨ကျွန်တော်တို့ဆေးရုံမှ ပြုစု ကုသပေးနေသော ရောဂါများနှင့် ၀န်ဆောင်မှုများမှာ
✅အရက်ဖြတ်
✅ဆေးဖြတ်
✅စိတ်ကြွ
✅စိတ်ကျ
✅စိတ်ကျန်းမာရေး ရောဂါများကို အထူးကုဆရာဝန်ကြီးများနှင့် ကုသ စောင့်ရှောက် ပေးနေပါသည်။
⭐ထို့အပြင်နာတာရှည်စိတ်ကျန်းမာရေးလူနာများနှင့် အရက်စွဲ၊ မူးယစ်ဆေးစွဲလူနာများ၏ပြန်လည်ထူထောင်ရေးအတွက်လည်း အထူးဝန်ဆောင်မှုများပေးလျက်ရှိပါသည်။

✅ဂေဟာ၏ဝန်ဆောင်မှုများ
👉လူနာစောင့်ထားရှိပေးရန်မလိုအပ်ခြင်း
👉စားစရိတ်ငြိမ်း ၀န်ဆောင်မှုပေးခြင်း
👉အမျိုးသားဆောင်၊ အမျိုးသမီးဆောင်များတွင် အဆောင်ကြီးကြပ်ရေးမှူးများဖြင့် စနစ်တကျ ပြန်လည်သန်စွမ်းရန်လေ့ကျင့်ပေးခြင်း
👉ပြန်လည်သန်စွမ်းခြင်းသင်ရိုးများအတိုင်း လေ့ကျင့်မှုများ ပြုလုပ်ပေးခြင်း
💡မှတ်ချက်။ ။ ဆေးကုသမှုခံယူပြီးသည့် လူနာများသာစိတ်ရောကိုယ်ပါကျန်းမာစေရန် အတွက် နေ့စဉ်လေ့ကျင့်ခန်းများ ဆောင်ရွက်ပေးခြင်း၊ နှစ်သိမ့်ဆွေးနွေးအကြံပြုခြင်းများကိုလည်း စီစဉ်ဆောင်ရွက်ပေးထားပါသည်။
လူနာများ ၏ စားဝတ်နေရေး ကိစ္စ အဝဝ အတွက် အပြည့်အစုံ စီမံ ဆောင်ရွက်ပေးထားပါသည်။ သို့ဖြစ်ပါ၍ လူနာရှင်များ လိုက်လံစောင့်ရှောက် ပေးရန် မလိုအပ်ပါ။

🚨အရေးအကြီးဆုံးအနေဖြင့် လူနာတိုင်း၏ Privacy နှင့် Confidentiality ကိုလုံခြုံစိတ်ချရစေရန် အထူးအလေးထားဆောင်ရွက်ပေးထားပါသည်။

☎️အသေးစိတ်ဆက်သွယ်စုံစမ်းလိုပါက -
စိတ်ရောဂါကု ဆေးရုံကြီးဖုန်း-
09-764 737 355
09-964 737 355
လိပ်စာ - ၆၅လမ်း၊ (၁၄၁)လမ်းနှင့်(၁၄၂)လမ်းကြား၊ စက်မှု (၂)၊ ပြည်ကြီးတံခွန်မြို့နယ်၊ မန္တလေးမြို့။

အထွေထွေရောဂါကုဆေးရုံကြီးဖုန်း -
09-8841 6666 3
09-8841 6666 5
(၁၄၀)လမ်း၊ (၆၂)လမ်းနှင့်(၆၃)လမ်းကြား၊ စက်မှု (၂)၊ ပြည်ကြီးတံခွန်မြို့နယ်၊ မန္တလေးမြို့။

04/11/2025

🙏ကျန်းမာသုခနှင့်ပြည့်စုံပြီး ဆေးပေါင်းခသော လတန်ဆောင်တိုင်ဖြစ်ပါစေကြောင်း ဆုမွန်ကောင်းများတောင်းအပ်ပါသည်....
သုခမေတ္တာဆေးရုံမိသားစု

31/10/2025

သုခမေတ္တာအထွေထွေဆေးရုံကြီးမှ အောက်ဖော်ပြပါရာထူးများ လျှောက်ထားနိုင်ပါသည်။
✅ သူနာပြုအကူ- (3)post
✅ ဆေးကာင်တာအကူ - (5)post
✅ အထွေ ထွေလုပ်သား - (5)post

လျှောက်ထားရန်လိုအပ်သော အချက်အလက်များ
✅ သက်ဆိုင်ရာ အောင်လက်မှတ်မိတ္တူ
✅ အိမ်ထောင်စုဇယားမိတ္တူ
✅ မှတ်ပုံတင်မိတ္တူ
✅ ပါတ်စပို့စ် ဓါတ်ပုံ ( ၆ လအတွင်းရိုက်ယူထားသောပုံဖြစ်ရမည် )
👉 ဝန်ထမ်းများအတွက် အဆောင်စီစဉ်ပေးပါသည်

👉CV ဖောင်တင်ရမည့်လိပ်စာ -
Viber - 09975096069 သို့လည်း CV Form တင်နိုင်ပါသည်

သုခမေတ္တာအ‌ေထွ‌ေထွ‌ေရာဂါကုဆေးရုံ (အမှတ်-၂)
🏠 လိပ်စာ - (၁၄၀)လမ်း၊ (၆၂)လမ်းနှင့် (၆၃)လမ်းကြား၊ စက်မှု (၂) ၊ ပြည်ကြီးတံခွန်မြို့နယ်၊ မန္တလေးမြို့။
☎️ 09-975 096 060, 09-962 019 729

သုခမတ္တာစိတ်ရာဂါကုဆးရုံ (အမှတ်-၁)
✅လိပ်စာ - (၆၅)လမ်းနှင့် (၁၄၁)လမ်းထောင့်၊ စက်မှု (၂) ၊ ပြည်ကြီးတံခွန်မြို့နယ်၊ မန္တလေးမြို့။
☎️ 09 964 737 355
09 764 737 355

21/10/2025

🤯စိုးရိမ်ပူပန်ခြင်းဆိုတာ အန္တရာယ်ကြုံလာချိန်မှာ ကိုယ်ခန္ဓါကနေ သဘာဝအလျောက် တုံ့ပြန်ခြင်းပဲ ဖြစ်ပါတယ်။ ကြောက်ရွှံချိန်၊ ဖိအားများချိန်၊ စိတ်ဖိစိးမှုကြုံရချိန်တွေမှာ သတိပေးတဲ့ အချက်ပေးခေါင်းလောင်းပဲ ဖြစ်ပါတယ်။

စိတ်ပူပန်မှုအမျိုးအစားများ
– အထွေထွေပူပန်ခြင်း။ အမြဲတမ်းလိုလို ပူပန်နေတတ်ပါတယ်။ အကြောင်းအရာ ပေါင်းစုံအတွက် ပူပန်နေတတ်ပြီး ခြောက်လနဲ့ အထက် ကြာတတ်ပါတယ်။

– လူမှုနယ်ပယ်ကိုစိုးရွံ့ခြင်း။ မိမိကိုယ် သူတပါးက ဝေဖန်မှာ၊ အရှက်ကွဲစေမှာ စသဖြင့် ကြောက်ရွှံနေတတ်ပါတယ်။ နေ့စဉ်ကြုံနေကြ လူအများအလယ်မှာ စကားပြောရမှာ၊ အစားအသောက်စားရမှာ စတာတွေကိုပါ ကြောက်ရွှံ့နေတတ်ပါတယ်။

– သီးသန့်ကြောက်ရွှံ့မှု။ အရာဝတ္တုတခုခု၊ အခြေအနေတခုခုကို ကြောက်ရွှံ့ပြီး ရှောင်ရှား နေတတ်ပါတယ်။ ဥပမာ ဆေးထိုးခံရမှာ၊ လေယာဉ်စီးရမှာ ကြောက်ရွံ့နေတတ်ပါတယ်။ တခြား စိုးရိမ်ကြောက်ရွံ့အမျိုးအစားတွေ အများကြီး ရှိပါတယ်။

– စိတ်စွဲလွန်ခြင်းပြသနာ။ မလိုလားအပ်တဲ့ အတွေးတွေ၊ ကြောက်ရွံ့မှုတွေကို မထိန်းချုပ်နိုင်ဘဲ စိုးရိမ်ပူပန်မှုတွေ ဖြစ်လာတတ်ပါတယ်။ ဥပမာ ရောဂါပိုးကို ကြောက်တဲ့စိတ်ကြောင့် လိုတာထက်ပိုပြီး လက်ကိုဆေးနေတာ၊ အဝတ်လျှော်တာ စတာတွေ ဖြစ်လာနိုင်ပါတယ်။

– ထိခိုက်မှုကြုံပြီးနောက် စိတ်တွင် စွဲထင် ကျန်ခဲ့ခြင်း။ စိတ်ထိခိုက်စရာ ဖြစ်ရပ် (ဥပမာ စစ်ပွဲ၊ အတိုက်ခိုက်ခံရခြင်း၊ မတော်တဆဖြစ်ရပ်) စတာတွေ ကြုံပြီးချိန်မှာ ဖြစ်တတ်ပါတယ်။ လက္ခဏာတွေအနေနဲ့ အေးဆေးသက်သာစွာ မနေနိုင်ခြင်း၊ အိပ်မက်ဆိုးများမက်ခြင်း၊ ဖြစ်ရပ်ကို ပြန်သတိရနေခြင်း၊ ဖြစ်ရပ်နဲ့ ပတ်သက်တဲ့ ကိစ္စတိုင်းကို ရှောင်ရှားလိုနေခြင်း စတာတွေ ဖြစ်တတ်ပါတယ်။

– ထိတ်လန့်ကြောက်ရွံ့ခြင်း။ ဆိုးရွားပြင်းထန်ပြီး မထိန်းချုပ်နိုင်တဲ့ ခံစားမှုဖြစ်ပေါ်ပြီး ရုပ်ပိုင်းဆိုင်ရာ လက္ခဏာတွေနဲ့ပါ ဆက်စပ်နေတတ်ပါတယ်။

လက္ခဏာများ
ပုံစံအမျိုးမျိုးရှိပေမယ့် စိုးရိမ်ပူပန်တဲ့ ပြသနာတွေမှာ အဓိကတွေ့ရတဲ့ လက္ခဏာရှိပါတယ်။ အဲဒါကတော့ စိုးရိမ်ထိတ်လန့်ခြင်းကို လူအများစု မခံစားရတဲ့ အချိန်မှာ ကိုယ်ကခံစားနေရခြင်းပဲ ဖြစ်ပါတယ်။

စိုးရိမ်ပူပန်ခြင်း၏ စိတ်ပိုင်းဆိုင်ရာ လက္ခဏာများ
မယ်မယ်ရရ မရှိဘဲ ကြောက်ရွံ့နေတတတ်တာ အပြင် တခြားတွေ့ရနိုင်တဲ့ လက္ခဏာတွေကတော့

– အလွန်ထိတ်လန့်ကြောက်ရွံ့တတ်ခြင်း

– အာရုံစိုက်ရခက်ခြင်း

– သက်တောင့်သက်သာမရှိခြင်း

– အဆိုးဆုံးကိုသာ မျှော်မှန်းတတ်ခြင်း

– စိတ်ကသိကအောင့်ဖြစ်ခြင်း

– ဂနာမငြိမ်ဖြစ်ခြင်း

– အန္တရာယ်ရှိသော လက္ခဏာများကို စောင့်ကြည့်နေတတ်ခြင်း

– ခံစားချက်မဲ့နေတတ်ခြင်း စတာတွေ ဖြစ်တတ်ပါတယ်။

စိတ်ပူပန်ခြင်း၏ ရုပ်ပိုင်းဆိုင်ရာ လက္ခဏာများ
အောက်ပါလက္ခဏာတွေ တွေ့ရများတတ်ပါတယ်။

– နှလုံးခုန်မြန်ခြင်း

– ချွေးပြန်ခြင်း

– အစာအိမ်နာခြင်း၊ မူးဝေခြင်း

– မကြာခဏဆီးသွားခြင်း၊ ဝမ်းလျှောခြင်း

– အသက်ရှူခက်ခြင်း

– ခြေတုန်လက်တုန်ခြင်း၊ အကြောဆွဲသလို ဖြစ်ခြင်း

– ကြွက်သားများတောင့်တင်းခြင်း

– ခေါင်းကိုက်ခြင်း

– မောပန်းနွမ်းနယ်ခြင်း

– အိပ်မပျော်ခြင်း စတာတွေ တွေ့ရများပါတယ်။

အကြောင်းအရင်းများ
ဒီပြသနာကို ဖြစ်စေတဲ့ အကြောင်းအရာ တခုထက်မက ရှိတတ်ပါတယ်။

ဝန်းကျင်အကြောင်းခြင်းရာများကြောင့် ဖြစ်သော စိတ်ပူပန်မှု
အောက်ပါအခြေအနေတွေပါဝင်ပါတယ်။

– အနိုင်ကျင့်ခံရခြင်း၊ ဖြစ်ရပ်ဆိုး တခုခုတွင် သားကောင်ဖြစ်ရခြင်း၊ မိမိချစ်ခင်သူ သေဆုံးခြင်း

– တဦးနှင့်တဦး ဆက်ဆံရေး အဆင်မပြေခြင်း၊ အိမ်ထောင်ဖက်၊ မိတ်ဆွေ ုသို့ အိမ်ထောင် ကွာရှင်းမှုကြောင့် စိတ်ဖိစီးမှု ဖြစ်ခြင်း

– လုပ်ငန်းခွင်တွင် စိတ်ဖိစိးခြင်း

– ကျောင်းတွင်စိတ်ဖိစီးခြင်း

– ငွေရေးကြေးရေးပြသနာကြောင့် စိတ်ဖိစီးခြင်း

– သဘာဝဘေးအန္တရာယ်ကြောင့် စိတ်ဖိစီးခြင်း

– အမြင့်ပိုင်းများတွင် အောက်ဆီဂျင်ပြတ်လပ်ခြင်း စတာတွေ ဖြစ်ပါတယ်။

ကျန်းမာရေးအခြေအနေကြောင့် စိုးရိမ်ပူပန်ခြင်း
စိုးရိမ်ပူပန်ခြင်းဟာ သွေးအားနည်းခြင်း၊ ရင်ကျပ်ပန်းနာ၊ ရောဂါပိုးဝင်ခြင်း၊ နှလုံးရောဂါ စတာတွေနဲ့ ဆက်စပ်နေပါတယ်။ တချို့အကြောင်းအရာတွေကတော့

– ဆိုးဆိုးရွားရွား နေမကောင်းတာကြောင့် စိတ်ဖိစီးခြင်း

– အချို့ဆေးဝါးများ၏ ဘေးထွက်ဆိုးကျိုးများ

– ရောဂါများ၏ လက္ခဏာများ

– အဆုတ်အတွင်း ပြင်ပလေဝင်ခြင်း၊ အဆုတ်တွင်း သွေးခဲခြင်း စတာတွေကြောင့် အောက်ဆီဂျင်ပြတ်လပ်ခြင်း စတဲ့ပြသနာတွေ ဖြစ်ပါတယ်။

မူးယစ်ဆေးသုံးခြင်းကြောင့်ဖြစ်သော စိုးရိမ်ပူပန်ခြင်း
– ကိုကိန်း၊ အင်ဖက်တမင်းစသော တားမြစ်ဆေးဝါးများမှ အာနိသင် သက်ရောက်ခြင်း

– ဘိန်းဖြူနှင့် တားမြစ်ဆေးများ၊ Vicodin, benzodiazepines နှင့် barbiturates စသော ဆေးများကို သုံးစွဲမှုရပ်တန့်ခြင်း စတာတွေ ဖြစ်တတ်ပါတယ်။

မျိုးရိုးဗီဇကြောင့် ဖြစ်တတ်သော စိုးရိမ်ပူပန်ခြင်း
မိသားစုရာဇဝင်ရှိခြင်းဟာ စိတ်ပူပန်ခြင်းကို ဖြစ်နိုင်စေများစေတယ်လို့ သုတေသီတွေက ဆိုပါတယ်။

ဦးနှောက်ဓါတ်ဖွဲ့စည်းပုံကြောင့် ဖြစ်တတ်သော စိုးရိမ်ပူပန်ခြင်း

ဦးနှောက်ဓါတုလျှပ်ကူးပစ္စည်းတွေ ပုံမှန်ပမာဏ မရှိသူများဟာ စိတ်ပူပန်မှု ပိုပြီး ဖြစ်နိုင်ခြေ များတယ်လို့ သုတေသီတွေက ဆိုပါတယ်။

Helloဆရာဝန်မှ ကူးယူဖော်ပြပါသည်။

20/10/2025

ပျော်ရွှင်ဖွယ်ကောင်းသော ဒီပါဝလီနေ့လေး ဖြစ်ပါစေကြောင်း ဆုမွန်ကောင်း တောင်းအပ်ပါသည်။
သုခမေတ္တာဆေးရုံမိသားစု

06/10/2025

🏮ကျန်းမာ‌‌ပျော်ရွှင်သော သီတင်းကျွတ် ချိန်ခါဖြစ်ကြပါစေကြာင်း ဆုမွန်ကောင်းများ‌ေတာင်းအပ်ပါသည်
🏥 သုခမတ္တာ ဆေးရုံမိသားစု

07/09/2025

ဆေးလိပ်ဖြတ်ခြင်းကို ရင်ဆိုင်နိုင်စေသော အချက်၇ချက်
ခြုံပြောရမယ်ဆိုရင် နီကိုတင်းဖြတ်တယ်ဆိုတာ တိုးတောင်းသော်လည်း တော်တော်လေးပြင်းထန်ပါတယ်။ အထူးသဖြင့် ဘာတွေရင်ဆိုင်ရမလဲဆိုတာ မသိရင် ပိုဆိုးပါတယ်။
ဆေးလိပ်စစဖြတ်ချင်းမှာ ဘာတွေ ကြုံတွေရမယ်ဆိုတာ သိအောင်လုပ်ထားပါ။ အဲဒါကို ကိုင်တွယ်နိုင်လိမ့်မယ်၊ ပြီးတော့ ခဏတာလေးပဲဆိုတာ သင်သိသွားပါလိမ့်မယ်။

၁။ ဘာကြောင့် ဆေးလိပ်ဖြတ်ချင်တာလဲ ပြန်ဆန်းစစ်ပါ။
ဆေးလိပ်ဖြတ်တဲ့လူတိုင်း အကြောင်းပြချက်ရှိကြပါတယ်။ တော်တော်များများဟာ အကြောင်းပြချက်တွေ တူညီနေကြလေ့ရှိပါတယ်။
အချို့ကတော့ တခြားသူတွေနဲ့မတူတဲ့ အကြောင်းပြချက်မျိုးရှိပါတယ်။
ကိုယ်တိုင်အကြောင်းပြချက်တစ်ခုကို ခိုင်မာအောင်ထားပြီး ဆက်လုပ်သွားရပါမယ်။ စိတ်ထဲမှာ ပေါ်လာတဲ့အကြောင်းပြချက်တွေကို ထပ်ထည့်ရပါမယ်။ ချရေးထားပြီး မကြာခဏ ပြန်ဖတ်ပေးပါ။ အဲဒီအကြောင်းပြချက် အစုအဝေးကြီးက သင်ဆေးလိပ်ပြတ်စေဖို့ အကောင်းဆုံးလက်နက်ပါပဲ။

၂။ ကျိုးသင့်ကြောင်းသင့်ဆင်ခြင်နေရမယ့်အချိန်ကို သိပါစေ။
ဆေးလိပ်စဖြတ်တဲ့နေ့တွေမှာဆိုရင် ဆေးလိပ်တစ်လိပ်လောက် သောက်လိုက်မယ်ဆိုတဲ့ အတွေးတွင်ဝင်လာမှာ ဧကန်မုချပါပဲ။ အမှန်အတိုင်းပြောရမယ်ဆိုရင် ပထမ၁ပတ်၊၂ပတ်လောက်မှာ ဆေးလိပ်သောက်ဖို့ပဲ ခေါင်းထဲရှိနေပါလိမ့်မယ်။
စွဲလမ်းမှုမှာ ရုပ်ပိုင်းဆိုင်ရာထက် စိတ်ပိုင်းဆိုင်ရာက ပိုပြင်းထန်ပါတယ်။ ဆေးလိပ်ဖြတ်လိုက်ပြီဆိုတာနဲ့ အတွင်းစိတ်က ဆေးလိပ်ပြန်သောက်ဖို့ ဆွဲဆောင်နေပါလိမ့်မယ်။
ကိုယ်စိတ်ကိုနိုင်အောင် ပြင်ဆင်ထားပါ။ ဆေးလိပ်ဖြတ်တဲ့သူတိုင်း ကြုံတွေ့ရနိုင်ပါတယ်။ နီကိုတင်းစွဲလမ်းမှုကို တိုက်ခိုက်တဲ့နေရာမှာ တစ်စိတ်တစ်ဒေသဖြစ်ပြီး သင့်ကြိုးပမ်းမှုကို ဖျက်စီးမခံရဖို့ မှတ်ထားပါ။
များသောအားဖြင့်တော့ ဆေးလိပ်ဖြတ်ပြီး ပထမလလောက်ဆိုရင် အဆိုးဆုံးချိန်တွေ ပြီးဆုံးသွားပါပြီ။

၃။ ဆေးလိပ်သောက်အောင်လုပ်မယ့်အရာတွေကို အနိုင်ယူလိုက်ပါ။
နီကိုတင်းကို ရုပ်ပိုင်းဆိုင်ရာ စွဲလမ်းမှုတွေက ဆေးလိပ်သောက်ချင်စိတ်ပေါက်စေပါတယ်။ နီကိုတင်းသွေးထဲမှာ မရှိတော့ဘူးဆိုရင် နှစ်နဲ့ချီပြီး ခံနိုင်သွားပါလိမ့်မယ်။ ဒါပေမယ့်လည်း ဆေးလိပ်ပြန်သောက်စေတဲ့အရာတွေက ထိုအရာတွေကို ပျက်စီးစေပါတယ်။ မနက်အိပ်ရာနိုးတဲ့အချိန်ကစပြီး ညအိပ်ရာဝင်တဲ့အထိ ဆေးလိပ်က ကျွန်တော်တို့ရဲ့ တစ်စိတ်တစ်ပိုင်း ဖြစ်လာပါတယ်။
ဆေးလိပ်ပြန်သောက်စေတဲ့အရာတွေဟာ ရုတ်တရက်ပြန်ပေါ်လာတတ်ပြီး သွေးထဲမှာနီကိုတင်းမရှိဘဲနဲ့ ဆေးလိပ်စဖြတ်တဲ့ အချိန်မျိုးကို ပြန်ရောက်သွားစေတတ်ပါတယ်။ သေချာလေ့ကျင့်လိုက်မယ်ဆိုရင် အကျင့်ဟောင်းတွေ ပျောက်ပြီး ကောင်းမွန်တဲ့ အကျင့်တွေ ပေါ်ပေါက်လာမှာပါ။
ဆေးလိပ်သောက်ချင်စိတ်ပြန်ပေါ်လာတဲ့အခါမှာ ကျော်လွှားနိုင်မယ့် အောက်ပါအချက်များကို စမ်းကြည့်သင့်ပါတယ်။
စိတ်ကို အခြားနေရာပို့ထားပါ။ မိမိဝါသနာပါတာတွေနဲ့ အလုပ်ရှုပ်နေပါစေ။
ဆေးလိပ်၊လက်၊ပါးစပ် အကျင့်ပါနေမှုကို ဖြေရှင်းဖို့ ကျန်းမာရေးနဲ့ ညီညွတ်တဲ့ မုန့်ပဲသရေစာတွေကို လက်ထဲမှာ အမြဲထားပါ။ သစ်သီးစိ၊ မြေပဲ၊ မြေပဲထောပတ် စတာတွေက ကောင်းမွန်တဲ့ရွေးချယ်မှုတွေပါ။ သကြာမပါထားတဲ့ ပီကယ် ဒါမှမဟုတ် ကောက်ရိုးတွေ ဝါးပေးခြင်းကလည်း အသုံးဝင်နိုင်ပါတယ်။
အရက်သောက်ခြင်းကို ရှောင်ကျဉ်ပါ။ ဆေးလိပ်သောက်နေတဲ့သူတွေကြားထဲ့ အစောကြီးပြန်မသွားပါနှင့်။ အဲဒါတွေ လုပ်နိုင်မယ့် အချိန်ရောက်လာပါလိမ့်မယ်။ ဒါပေမယ့် ရက်သတ္တပတ် ဒါမှမဟုတ် လအနည်းငယ်လောက်နဲ့တော့ မမျှော်လင့်ပါနဲ့။ အချိန်ယူပါ။ လုပ်နိုင်တာထက် ပိုပြီး တွန်းအား အရမ်းမပေးပါနှင့်။

၄။ ကူညီအားပေးနှစ်သိမ့်မှုတွေ ယူပါ။
သင့်ဘေးမှာ အပြုသဘောနဲ့ အားပေးမယ့်သူတွေရှိနေမယ်ဆိုရင် ဆေးလိပ်ဖြတ်ရတာပိုလွယ်ပြီး တာရှည်ခံပါလိမ့်မယ်။ မိသားစု၊ မိတ်ဆွေက အကူအညီပေးနိုင်ပါတယ်။ ဒါပေမယ့်လည်း သူတို့တွေ ဆေးလိပ်တစ်ခါမှ မသောက်ဖူးရင် သင့်အခက်အခဲတွေကို နားလည်ပေးနိုင်မှာ မဟုတ်ပါဘူး။ သင်လိုချင်တဲ့ အားပေးမှုမရတာမျိုး ဖြစ်သွားတတ်ပါတယ်။

၅။ မိမိကိုယ်ကို ဆုချပါ။
ဆေးလိပ်စဖြတ်တဲအချိန်မှာ တစ်လိပ်မှမသောက်ပဲ နေလိုက်တဲ့နေ့တွေက ရိုးရှင်းတဲ့ အောင်မြင်မှုတွေပါပဲ။ သင်ထင်ချင်မှထင်ပါလိမ့်မယ်။ နောက်ဆုံးဆေးလိပ်သောက်ခဲ့တဲ့ရက်ကနေ လက်ရှိအချိန်ရှိနေ့ရက်အရေအတွက်တွေက ဆေးလိပ်ဖြတ်ဖို့ ခွန်အားတွေပေးနေပါလိမ့်မယ်။ ဆေးလိပ်မရှိပဲ ဘယ်လိုနေထိုင်ရမလဲဆိုတာ မိမိဘာသာ နည်းနည်းချင်းစီ သင်ယူနေရပါမယ်။ အနည်းဆုံး ပထမလလောက် ရုန်းကန်တိုက်ထုတ်လိုက်ပြီး တစ်နေ့တစ်ကြိမ်လောက် မိမိကိုယ်ကို အလိုလိုက်လိုက်ပါ။ တခြားလူတွေ အားပေးနှစ်သိမ့်တာကို စောင့်မနေပါနဲ့။ ကိုယ့်ဘာသာကြိုးစားပါ။ နေ့စဉ် မိမိကိုယ်ကို ဆုချီမြှင့်ခြင်းက အသေးစိတ်စီစဉ်နေဖို့ မလိုပါဘူး။ တစ်ယောက်တည်း စာဖတ်ခြင်း၊ ရေနွေးဖြင့်ရေချိုးခြင်းတို့လိုမျိုး ရိုးရိုးရှင်းရှင်းလေးတွေက ဆေးလိပ်ကို အချိန်ကြာကြီး တိုက်ထုတ်နိုင်ဖို့ ကူညီပေးနိုင်ပါတယ်။ စိတ်ဖိစီးမှုလျော့နည်းစေမယ့် ဆုလဒ်တွေကို ရွေးချယ်နိုင်မယ်ဆိုရင် အရာအားလုံးပိုအဆင်ပြေလာပါလိမ့်မယ်။

၆။ ကိုယ်ဘဝကို ပြောင်းလဲချင်ရင် စိတ်ကိုပြောင်းလဲလိုက်ပါ။
ပုံမှန်လူတစ်ယောက်မှာ တစ်နေ့လျှင် အတွေးပေါင်း၆၀၀၀၀ကျော်ရှိတယ်လို့ သိရပါတယ်။ ကျွန်တော်တို့ စိတ်ဟာ အမြဲအလုပ်လုပ်နေလျက်ရှိပါတယ်။ အဲအတွေးတွေထဲက ဘယ်လောက်ဟာ အပျက်သဘောဆောင်နေမယ်ဆိုတာသိရင် သင်အံ့သြသွားပါလိမ့်မယ်။ ပိုဆိုးတာက အဲဒီဆိုးတဲ့ အတွေးတွေကိုပဲ ထပ်ခါထပ်ခါ ပြန်တွေးနေကြတာပါ။
ဘာတွေတွေးနေတယ်ဆိုတာ အာရုံစိုက်ပေးရပါမယ်။ အပျက်သဘောဆောင်တဲ့ အတွေးတွေဝင်လာပြီဆိုရင် သတိထားပြီး အပြုသဘောဆောင်တဲ့အတွေးတွေနဲ့ ပြန်လည်အစားထိုးပေးပါ။ မလုပ်နိုင်ဘူးဆိုတဲ့အတွေးတွေကို လုပ်နိုင်တယ်ဆိုတဲ့အတွေးနဲ့ အစားထိုးလိုက်ပါ။ အပြုသဘောဆောင်အောင်နေပါ။

ဥပမာအားဖြင့် အောက်ပါကဲ့သို့ တွေးနိုင်ပါတယ်။
“ငါစိတ်ထဲမှာ ဆေးလိပ်ပဲရှိတယ်။ ငါဆေးလိပ်ကို တမ်းတနေတာ ဘယ်တော့မှ ရပ်သွားမှာမဟုတ်ဘူး။”

အောက်ပါကဲ့သို့သော အတွေးဖြင့် အစားထိုးလိုက်ပါ။
“ငါနီကိုတင်းစွဲနေတာမို့ိလို့ ငါ့စိတ်ကငါ့ကို လှည့်စားနေတာ။ ငါသီးခံလိုက်တာနဲ့ ဆေးလိပ်ပြတ်တော့မှာပါ”
ကိုယ်လိုချင်တဲ့ဘဝဟာ ကိုယ့်အတွေးတွေကနေ စတင်တာပါ။ အရှုံးပေးတဲ့စိတ်တွေ၊ အပျက်သဘောဆောင်တဲ့ စိတ်တွေမထားပါနဲ့။ သင်ဒီထက်ပိုလုပ်ဆောင်နိုင်ပါတယ်။ ကိုယ့်စိတ်ကို လေ့ကျင့်ပါ။ ဆေးလိပ်က ကိုယ့်အတွက်ဘာလဲဆိုတဲ့ အရာကို ပြောင်းလဲလိုက်ပါ။ သင့်လွတ်လပ်မှုကို ရှာဖွေတွေ့ရှိလာပါလိမ့်မယ်။

၇။ စိတ်ရှည်ခြင်းနဲ့ အချိန်ကာလက သင့်မိတ်ဆွေတွေပါ။
ဆေးလိပ်ဖြတ်တဲ့လူတွေဟာ အစပိုင်းမှရလာတဲ့ ဝေဒနာအားလုံးကို မြန်မြန်ပြီးဆုံးစေချင်ကြပါတယ်။ ဒါလက်ခံပေးနိုင်ပေမယ့်လည်း လက်တွေ့မကျပါဘူး။ ဆေးလိပ်ပြတ်ဖို့က အချိန်လိုပါတယ်။ စိတ်အေးအေးနဲ့ အချိန်ယူနိုင်လေ ပိုအဆင်ပြေလေပါပဲ။
ကိုယ်က ကုစားတဲ့အဆင့်တစ်ခုဖြတ်သန်းနေတာကို နားလည်ပြီး စိတ်ရှည်ရှည်ထားပါ။ ဘယ်လောက်ကြာမယ်ဆိုတာ မိမိနဲ့ပဲသက်ဆိုင်ပါတယ်။ အခြားတစ်နည်းနဲ့ပြောရရင် သင့်ကိုယ်သင်အခြားသူတွေနဲ့ မနှိုင်းယှဉ်ပါနှင့်။ ကိုယ်တိုင်ယုံကြည့်မှုထားပြီး အချိန်ယူလိုက်ပါ။
နေ့တိုင်းဆေးလိပ်မသောက်ဘူးဆိုတဲ့ ဆုံးဖြတ်တစ်ခုကို လက်ကိုင်ထားပြီး အိပ်ရာထပါ။ ဆေးလိပ်မသောက်ဖြစ်တဲ့နေ့တိုင်းကို ဝမ်းသာဂုဏ်ယူလိုက်ပါ။ အချိန်ကြာလာလေ ဆေးလိပ်နဲ့ဝေးလေပါပဲ။ ဒါကြောင့်စိတ်အေးအေးထားပြီး အသာမျှောလိုက်သွားလိုက်ပါ။

ကျန်းမာရေးအတွက် အထောက်အကူပြုစေရန် hellosayarwon မှကူးယူဖော်ပြပါသည်

03/09/2025

သုခမေတ္တာအထွေထွေဆေးရုံကြီးမှ အောက်ဖော်ပြပါရာထူးများ လျှောက်ထားနိုင်ပါသည်။
✅ Cashier- (2)post
✅General worker - (2)post

လျှောက်ထားရန်လိုအပ်သော အချက်အလက်များ
✅ သက်ဆိုင်ရာ အောင်လက်မှတ်မိတ္တူ
✅ အိမ်ထောင်စုဇယားမိတ္တူ
✅ မှတ်ပုံတင်မိတ္တူ
✅ ပါတ်စပို့စ် ဓါတ်ပုံ ( ၆ လအတွင်းရိုက်ယူထားသောပုံဖြစ်ရမည် )
👉 ဝန်ထမ်းများအတွက် အဆောင်စီစဉ်ပေးပါသည်

👉CV ဖောင်တင်ရမည့်လိပ်စာ -
Viber - 09975096069 သို့လည်း CV Form တင်နိုင်ပါသည်သု

သုခမတ္တာစိတ်ရာဂါကုဆးရုံ (အမှတ်-၁)
✅လိပ်စာ - (၆၅)လမ်းနှင့် (၁၄၁)လမ်းထောင့်၊ စက်မှု (၂) ၊ ပြည်ကြီးတံခွန်မြို့နယ်၊ မန္တလေးမြို့။
☎️ 09 964 737 355
09 764 737 355

28/08/2025

⚠️အရက်ကြောင့်ဖြစ်သော စိတ်ပိုင်းဆိုင်ရာပြဿနာများ
- သံသယစိတ်လွန်ကဲခြင်း
- အမှန်တကယ်မရှိသော အသံများကြားရခြင်း၊ မြင်ရခြင်း
- စိုးရိမ်စိတ်လွန်ကဲခြင်း
- စိတ်ဓါတ်ကျခြင်း
- ကိုယ်ပိုင်အရည်အချင်းများ၊ ဆုံးဖြတ်ချက်များ ချို့ယွင်းလာခြင်း
- မိမိကိုယ်ကို သေကြောင်းကြံစည်ခြင်း၊ သတ်သေခြင်း

❎အရက်သောက်ခြင်းကို အစမပြုမိစေရန်လိုအပ်ပါသည်❎
အရက်ဖြတ်လိုပါက -

☎️အသေးစိတ်ဆက်သွယ်စုံစမ်းရန်
ဆေးရုံဖုန်း-
09 964 737 355
09 764 737 355
09 441 818 233

🚑လိပ်စာ - ၆၅လမ်းနှင့် ၁၄၁လမ်းထောင့် (တပင်ရွှေထီး နှင့် ရွှေလှံဘို လမ်းကြား ) စက်မှု (၂) ပြည်ကြီးတံခွန်မြို့နယ်၊ မန္တလေးမြို့။
စိတ်နှလုံးရွှင်လန်းစေဖို့ “သုခမေတ္တာဆေးရုံကြီး” မှတာဝန်ယူပါရစေ

30/07/2025

🏨ကျွန်တော်တို့ဆေးရုံမှ ပြုစု ကုသပေးနေသော ရောဂါများနှင့် ၀န်ဆောင်မှုများမှာ
✅အရက်ဖြတ်
✅ဆေးဖြတ်
✅စိတ်ကြွ
✅စိတ်ကျ
✅စိတ်ကျန်းမာရေး ရောဂါများကို အထူးကုဆရာဝန်ကြီးများနှင့် ကုသ စောင့်ရှောက် ပေးနေပါသည်။
⭐ထို့အပြင်နာတာရှည်စိတ်ကျန်းမာရေးလူနာများနှင့် အရက်စွဲ၊ မူးယစ်ဆေးစွဲလူနာများ၏ပြန်လည်ထူထောင်ရေးအတွက်လည်း အထူးဝန်ဆောင်မှုများပေးလျက်ရှိပါသည်။

✅ဂေဟာ၏ဝန်ဆောင်မှုများ
👉လူနာစောင့်ထားရှိပေးရန်မလိုအပ်ခြင်း
👉စားစရိတ်ငြိမ်း ၀န်ဆောင်မှုပေးခြင်း
👉အမျိုးသားဆောင်၊ အမျိုးသမီးဆောင်များတွင် အဆောင်ကြီးကြပ်ရေးမှူးများဖြင့် စနစ်တကျ ပြန်လည်သန်စွမ်းရန်လေ့ကျင့်ပေးခြင်း
👉ပြန်လည်သန်စွမ်းခြင်းသင်ရိုးများအတိုင်း လေ့ကျင့်မှုများ ပြုလုပ်ပေးခြင်း
💡မှတ်ချက်။ ။ ဆေးကုသမှုခံယူပြီးသည့် လူနာများသာစိတ်ရောကိုယ်ပါကျန်းမာစေရန် အတွက် နေ့စဉ်လေ့ကျင့်ခန်းများ ဆောင်ရွက်ပေးခြင်း၊ နှစ်သိမ့်ဆွေးနွေးအကြံပြုခြင်းများကိုလည်း စီစဉ်ဆောင်ရွက်ပေးထားပါသည်။
လူနာများ ၏ စားဝတ်နေရေး ကိစ္စ အဝဝ အတွက် အပြည့်အစုံ စီမံ ဆောင်ရွက်ပေးထားပါသည်။ သို့ဖြစ်ပါ၍ လူနာရှင်များ လိုက်လံစောင့်ရှောက် ပေးရန် မလိုအပ်ပါ။

🚨အရေးအကြီးဆုံးအနေဖြင့် လူနာတိုင်း၏ Privacy နှင့် Confidentiality ကိုလုံခြုံစိတ်ချရစေရန် အထူးအလေးထားဆောင်ရွက်ပေးထားပါသည်။

☎️အသေးစိတ်ဆက်သွယ်စုံစမ်းလိုပါက -
စိတ်ရောဂါကု ဆေးရုံကြီးဖုန်း-
09-764 737 355
09-964 737 355
လိပ်စာ - ၆၅လမ်း၊ (၁၄၁)လမ်းနှင့်(၁၄၂)လမ်းကြား၊ စက်မှု (၂)၊ ပြည်ကြီးတံခွန်မြို့နယ်၊ မန္တလေးမြို့။

အထွေထွေရောဂါကုဆေးရုံကြီးဖုန်း -
09-8841 6666 3
09-8841 6666 5
(၁၄၀)လမ်း၊ (၆၂)လမ်းနှင့်(၆၃)လမ်းကြား၊ စက်မှု (၂)၊ ပြည်ကြီးတံခွန်မြို့နယ်၊ မန္တလေးမြို့။

စိတ်နှလုံး ရွှင်လန်းစေဖို့ "သုခမေတ္တာ" မှာဆေးကုကြစို့

12/07/2025

😔စိတ်ကစဉ့် ကလျားရောဂါ လက္ခဏာများ
⏩မည်သူမှ မရှိပဲ အသံများ ကြားနေရခြင်း၊ ထိုအသံများကို တုံ့ပြန်နေခြင်း
⏩မည်သို့မျှ မဖြစ်နိုင်သည့် ကိစ္စများကို ဖြစ်နိုင်သည်ဟု ယုံကြည်ခြင်း ။(ဥပမာ - အမည်မသိသူများက ရုပ်မြင်သံကြားစက်မှတဆင့် ထောက်လှမ်းနေသည်ဟု ယုံကြည်ကာ ရုပ်မြင်သံကြားစက်ကို ဖျက်ဆီးပစ်ခြင်း)
⏩မိမိအတွေးကို အခြားသူများက အလိုအလျောက် သိနေသည်၊ သတင်းပျံ့နှ့ံ့နေသည်၊ မိမိအတွေးကို သူတစ်ပါးက နှုတ်ယူသွားသည်၊ သူတပါးအတွေးကို မိမိခေါင်းထဲ အထည့်ခံရသည်ဟု ယုံကြည်ခြင်း။
⏩မည်သူနှင့်မျှ အတွေ့မခံပဲ တစ်ကိုယ်တည်းနေလာခြင်း။
⏩သာမန်အာရုံများကို လွဲမှားစွာ အဓိပ္ပါယ်ဖွင့်ဆို ယုံကြည်လာခြင်း။
⏩မိမိ၏ တစ်ကိုယ်ရေ သန့်ရှင်းမှု၊ အသွင်အပြင်ကို လုံးဝဂရုမစိုက်တော့ခြင်း။
⏩အတွေးများ ဂယောက်ဂယက်ဖြစ်ခြင်း။
စိတ်ကျန်းမာရေး ဗဟုသုတ ပိုမိုပြန့်ပွားလာစေရန် ရည်ရွယ်ပါသည်။ အထက်ပါအချက်အလက်များနှင့် ပတ်သက်ပြီး ပိုမိုသိရှိသေချာစေရန် စိတ်ကျန်းမာရေး အထူးကု သမားတော်များနှင့် တွေ့ဆုံ ဆွေးနွေး အကြံဉာဏ် ရယူသင့်ပါသည်။ မိမိကိုယ်တိုင်ရော၊ သူတစ်ပါးကိုပါ ရောဂါနာမည်တပ်ခြင်း၊ စနောက်ခြင်း၊ ကုသခြင်းများ လုံးဝမလုပ်ဆောင်ပါရန် မေတ္တာရပ်ခံအပ်ပါသည်။
From: Mind to Mind Myanmar

စိတ်နှလုံးရွှင်လန်းစေဖို့ “သုခမေတ္တာဆေးရုံကြီး” မှတာဝန်ယူပါရစေ....
ကျွန်တော်တို့ဆေးရုံမှ ပြုစု ကုသပေးနေသော ရောဂါများနှင့် ဝန်ဆောင်မှုများကို တင်ပြပေးပါရစေ
- အရက်ဖြတ်
- ဆေးဖြတ်
- စိတ်ကြွ
- စိတ်ကျ ရောဂါများကို (၂၄)နာရီ အထူးကုဆရာဝန်ကြီးများနှင့် ကုသ စောင့်ရှောက် ပေးနေပါသည်။

စိတ်ရောကိုယ်ပါကျန်းမာစေရန် အတွက် နေ့စဉ်လေ့ကျင့်ခန်းများ ဆောင်ရွက်ပေးခြင်း၊ နှစ်သိမ့်ဆွေးနွေးအကြံပြုခြင်းများကိုလည်း စီစဉ်ဆောင်ရွက်ပေးထားပါသည်။

လူနာများ ၏ စားဝတ်နေရေး ကိစ္စ အဝဝ အတွက် အပြည့်အစုံ စီမံ ဆောင်ရွက်ပေးထားပါသည်။ သို့ဖြစ်ပါ၍ လူနာရှင်များ လိုက်လံစောင့်ရှောက် ပေးရန် မလိုအပ်ပါ။

အရေးအကြီးဆုံးအနေဖြင့် လူနာတိုင်း၏ Privacy နှင့် Confidentiality ကိုလုံခြုံစိတ်ချရစေရန် အထူးအလေးထားဆောင်ရွက်ပေးထားပါသည်။

အသေးစိတ်ဆက်သွယ်စုံစမ်းလိုပါက
ဆေးရုံဖုန်း- 09-764 737 355, 09-964 737 355

လိပ်စာ - ၆၅လမ်း၊ တပင်ရွှေထီး နှင့် ရွှေလံှဘို လမ်းကြား စက်မှု (၂) ပြည်ကြီးတံခွန်မြို့နယ်၊ မန္တလေးမြို့။