19/09/2020
ကျွန်တော်နှင့် အရက်စွဲအသည်းရောင် ရောဂါရှင်များ
ဆရာ့အသက်မှာ ၆၅ နှစ်ရှိပြီဖြစ်ပြီး ဆေးကုသမှုသက်တမ်းမှာ ၃၂ နှစ်ခန့်ရှိပါပြီ။
ထိုနှစ်များအတွင်းအသည်းရောဂါရှင်တွေကို သီးခြားကုသလာသည်မှာ ၁၀ နှစ်ကျော်ရှိပြီဖြစ်သည်။
ထို၁၀နှစ်အတွင်း အတွေ့ရအများဆုံးသော ဝေဒနာရှင်တွေမှာ
(၁) အရက်စွဲပြီးဖြစ်သော အသည်းရောင် ရောဂါ( Alcoholics Hepatitis)
(၂) အသည်းကြွပ်၊ အသည်းခြောက်ရောဂါ( COL- Cirrhosis of Liver) တွေဖြစ်ပါတယ်။
⚡️ဆရာ့အနေနဲ့ ယနေ့အထိမှတ်မိနေတဲ့ အရက်စွဲအသည်းရောင်ရောဂါ အကြောင်းကိုပြောပြချင်ပါတယ်။
ဆရာ့ရဲ့ညွှန်ကြားချက်အပေါ်လိုက်နာမှု အားနည်းတဲ့လူနာဆိုလည်းမမှားပါဘူး။
⚡️အရက်စွဲလူနာအများစုရဲ့ သွင်ပြင်လက္ခဏာနှင့် ရောဂါရာဇဝင်တွေ၊ အသည်းရှိရာနေရာတွေကို စစ်ဆေး မေးမြန်းတီးခေါက်ကြည့်ရုံနဲ့ ရောဂါအခြေအနေကို အကြမ်းဖျဉ်းသိနိုင်ပါတယ်။
Ultrasound (တီဗီဓာတ်မှန်) ရိုက်ကြည့်ရင်တော့ ပိုပြီးသေသေချာချာ သိရပါတယ်။
ရောဂါသိလျှင်တော့
(၁) အရက်ကိုဖြစ်နိုင်လျှင် လုံးဝမသောက်ဖို့
(၂) ဆေးဝါးမှန်မှန်သောက်ဖို့
(၃) အာဟာရဖြစ်သော အစားအစာပုံမှန်စားဖို့
(၄) အသည်းထိခိုက်မယ့် ဆေးဝါး၊ အစာတွေရှောင်ဖို့
(၅) ဆီး ဝမ်း မချုပ်စေဖို့
(၆) မတဲ့ တဲ့အစားအစာတွေမစားဖို့ ........
စသည်တို့ဖြစ်ပါတယ်။
ခက်ခဲတာက အရက်ကို အတိုင်းအတာတစ်ခုထိ လျော့ချဖို့ ပြောရာတွင် အတော်လေးစိတ်ပျက်ရပါတယ်။
များသောအားဖြင့် အရက်စွဲရတဲ့ အကြောင်းရင်းမှာ အိမ်ထောင်ရေးပြဿနာတွေ များကြပါတယ်။
ထိုပြဿနာများကို ဆရာကစနစ်တကျ ဆွေးနွေးညှိနှိုင်းပြောဆိုရင်း တစ်ဖက်ကလည်း အရက်ကိုကြာရှည်စွာ စွဲသောက်ခြင်းရဲ့နောက်ဆက်တွဲ ဆိုးကျိုးများကိုလည်း လူနာလက်ခံသည်အထိရှင်းပြရပါတယ်။
⚡️သည်အချက်ကအခက်ခဲဆုံးအပိုင်းပါပဲ။
အရက်မသောက်ဖို့ သို့မဟုတ် လျော့သောက်ဖို့ လူနာ လက်ခံလျှင်ဆေးကုသမှု့ ၅၀% ပြီးမြောက်ပါတယ်။
လူနာကအရက်လျော့သွားလျှင် ကိုယ်ခံအားတွေတက်လာပြီး အသည်းအထောက်အကူပြုဆေး( သဘာဝအသည်းအားတိုးဆေး ဆီး၊ ဝမ်းမှန်ဆေး၊ စားဝင်အိပ်ပျော်ဆေး) တွေဆက်ပေးလို့ လူနာ လိုက်နာလျှင် လူနာနှင့်ဆရာသမားအတွက် နှစ်ဦးနှစ်ဖက် စိတ်ချမ်းသာမည့် နည်းတွေပါ။
ဆရာဝန်ညွှန်ကြားချက် လိုက်နာနိုင်လေ လူနာအကျိုးရှိလေပါပဲ။
သို့ပေမယ့် လူနာကလိုက်နာမှုအားနည်းခြင်း သို့မဟုတ် ပျက်ကွက်ခြင်းတွေကတော့ စိတ်ပျက်ဖွယ်ကောင်းလှပါတယ်။
