Myat Myizzu Vaccination Center

22/10/2025

21/09/2025

🔎ဆီးချိုဆေးအသစ်များရဲ့အာနိသင်🔍

🌿ဆေးအကြောင်းမပြောခင် Incretin hormones တွေအကြောင်းအရင်ပြောပြချင်ပါတယ်။ ဘာလို့လဲဆိုတော့ incretin hormones တွေရဲ့အလုပ်လုပ်ပုံကို နားလည်သွားမှ ဆေးရဲ့ အာနိသင် နဲ့ Action ကိုသေသေချာချာသိသွားမှာပါ။

Incretin hormones တွေဟာအစာစားလိုက်တဲ့အခါ အစာအိမ်အူလမ်းကြောင်းကနေ သဘာဝအတိုင်းထွက်ရှိလာတဲ့ hormonesတွေဖြစ်ပါတယ်။ Incretin hormones ၂မျိုးရှိပါတယ်။
1. Glucagon like peptide -1(GLP-1)
2. Glucose dependent insulinotropic polypeptide (GIP)တို့ဖြစ်ပါတယ်။

ဒီ hormonesတွေရဲ့ action လုပ်ဆောင်ပုံတွေဟာ Pancreas(မုန့်ချိုအိတ်)၊ Brain နဲ့ Stomach တို့ပေါ်မှာ သက်ရောက်မှုရှိပါတယ်။
ဘယ်လို action တွေပေးလဲဆိုတော့
✅သွေးတွင်းသကြားဓါတ်မြင့်လာတဲ့အခါ မုန့်ချိုအိတ်(Pancreas) ကနေ insulin ထွက်အောင်လုပ်ဆောင်ပေးပါတယ်။
✅ဦးနှောက်ဆဲလ်တွေဆီကိုလည်း အစာစားလိုက်ပြီ ဗိုက်ပြည့်နေပြီဆိုတဲ့ သတင်းပို့တာကို လုပ်ပေးပါတယ်။ ✅အစာအိမ်ထဲမှာတော့ အစာခြေတာကိုနှေးစေတယ်၊ အကြာကြီးဗိုက်ပြည့်နေစေပါတယ်။

🔎🍀ဆီးချိုထိန်းတဲ့နေရာမှာ ဒီ incretin hormones တွေရဲ့ အရေးပါမှုကို ရှာတွေ့ပြီးတဲ့နောက်မှာ အစွမ်းထက်တဲ့ဆေးအသစ်တွေပေါ်ပေါက်လာပါတယ်။ အဲ့ဆေးတွေကတော့ DPP4 inhibitors နဲ့ GLP-1 Receptor Agonists တွေပဲဖြစ်ပါတယ်။ 🔎🍀
..…...👇👇👇..........
🌿DPP4 inhibitors တွေကတော့ Sitagliptin, Saxagliptin နဲ့ Linagliptinတို့ဖြစ်ပါတယ်။ သူတို့ရဲ့ လုပ်ဆောင်ပုံက incretin hormones တွေကို ဖျက်ဆီးမယ့် enzymesတွေကိုတားပေးတဲ့အတွက် incretin ရဲ့အာနိသင်ကြာစေတာပါ။ Pancreas ကနေ insulin ထုတ်လုပ်မှုကိုများစေပြီး အချိုဓါတ် Glucagon ထုတ်လုပ်မှုနည်းသွားစေတဲ့အတွက်ကြောင့် ဆီးချိုကျစေပါတယ်။
🌿သူ့ရဲ့ အားသာချက်ကတော့ သွေးတွင်းသကြားဓါတ်မြင့်တက်လာမှ insulinထုတ်တာဖြစ်တဲ့အတွက် Hypoglycaemic risk နည်းပါတယ်။ ဒါ့အပြင် ကိုယ်အလေးချိန်ဝခြင်း၊ပိန်ခြင်းပေါ်သက်ရောက်မှုမရှိတာဟာလည်း ဆီးချိုဆေးတွေမှာ အရေးကြီးတဲ့ အားသာချက်ဖြစ်ပါတယ်။
ဒီဆေးအုပ်စုတွေကို
🔔တရက်တကြိမ် သောက်ပေးရပါတယ်။ အရေးကြီးတာက ဆီးချိုဆေးတိုင်း နေ့စဥ် အချိန်သတ်မှတ်ပြီးတသတ်မတ်တည်းသောက်ပေးဖို့လိုပါတယ်။
🔔အစားအသောက်က ဆေးအာနိသင်ပေါ်သိသာတဲ့သက်ရောက်မှုမရှိလို့ အစာနဲ့ တွဲသောက်လည်းရပါတယ်၊တွဲမသောက်လည်းရပါတယ်။
🔔ဖြစ်ခဲပေမယ့်အရေးကြီးတဲ့ဘေးထွက်ဆိုးကျိုးအနေနဲ့ မုန့်ချိုအိတ်ရောင်ခြင်းနဲ့ အဆစ်အမြစ်နာခြင်းတို့ခံစားရတဲ့အခါ မပေါ့ဆသင့်ပါဘူး။
….....👇👇👇.…...
🌿နောက်အုပ်စုကတော့ အဆီကျဆေးလို့ကို နာမည်ကြီးတဲ့ Semaglutide, Dulaglutide, Liraglutide တွေဖြစ်ပါတယ်။ အမှန်က semaglutide နဲ့ high dose Liraglutide တို့ကို ကျန်းမာရေးရှုထောင့်အနေနဲ့ ‌အအဝလွန်တဲ့သူတွေအတွက် ဝိတ်ကျစေဖို့ အသုံးပြုကြပါတယ်။ ဒီဆေးတွေက GLP-1 RAs အုပ်စုဖြစ်ပါတယ်။ GLP-1ဆိုတာကို incretin hormones ဆိုတာ သိခဲ့ပြီးပါပြီ။ ပုံမှန်ဆို အစာစားမှ ဒီhormonesတွေကထွက်တာပါ။ ဒီဆေးထိုးထား/သောက်ထားတာဆိုရင်တော့ အစာစားစရာမလိုပဲ ဒီhormonesတွေလိုအလုပ်လုပ်ပေးနေမှာဖြစ်ပါတယ်။
✅သူတို့က ဆီးချိုထိန်းတဲ့နေရာမှာ အာနိသင်မြင့်ပါတယ်။ Hb A1c ကိုလည်းကျစေလို့ ထိရောက်တဲ့ ဆီးချိုကျဆေးတွေဖြစ်ပါတယ်။
✅နှလုံးနဲ့သွေးကြောစနစ် (Cardiovascular system)အတွက် ဆိုရင်လည်း အချိုဓါတ်ကိုကျစေပြီးတော့ ကောင်းကျိုးအများကြီးပေးပါတယ်။
✅ဆီးထဲမှာ Albuminတွေကိုစွန့်ထုတ်ပေးလို့ ကျောက်ကပ်ပျက်စီးခြင်းကို ကာကွယ်ပေးပါတယ်။
ဝိတ်ကျစေတဲ့ အချက်ကတော့ အပေါ်ကပြောခဲ့သလို 🍀✅Brain cells ပေါ်မှာ appetite regulation လုပ်ပေးတဲ့အပြင်
✅အစာအိမ်မှာ အစာ‌ကြေတာကိုကြာအောင်လုပ်ထားတော့ ဗိုက်မဆာတော့ဘူး။ အဲ့တော့ မစားဖြစ်တော့ ဝိတ်ကျတာပေါ့နော်။ တခြားဝိတ်ကျစေတဲ့ ဆေးတွေထက်ပိုကောင်းတာက သူက ဘေးထွက်ဆိုးကျိုးပိုနည်းတယ်။ brain cellsပေါ်မှာ အလုပ်လုပ်တယ်ဆိုတာက appetite supressants လို မစားချင်တာ၊ခံတွင်းပျက်စေတာမျိုးမဟုတ်ဘူး။ ဗိုက်ပြည့်နေတယ် စားစရာမလိုသေးဘူးဆိုတာမျိုးလို Appetite regulation လုပ်ပေးတာပါ။

🌿စျေးကြီးပြီး အလွယ်တကူ ဝယ်ယူဖို့ မလွယ်တာကတော့ အားနည်းချက်ပါ။ ဆေးတိုင်းမှာ ဘေးထွက်ဆိုးကျိုးမကင်းပါဘူး။ ဒီဆေးတွေမှာ အတွေ့ရများတာကတော့ ရင်ပြည့်ရင်ကယ်၊ ပျို့အန်ချင်တာမျိုး၊ဗိုက်မအီမသာဖြစ်တာမျိုးတွေကြုံရပါတယ်။ ဖြစ်ခဲပေမယ့် မပေါ့ဆရမယ့်ဘေးထွက်ဆိုးကျိုးတွေကတော့ မုန့်ချိုအိတ်ရောင်ရမ်းခြင်း၊ weight မြန်မြန်ကျစေတဲ့အတွက်ကြောင့် သဲခြေအိတ်နဲ့ဆက်စပ်တဲ့ရောဂါတွေကြုံရနိုင်ပါတယ်။

🧑‍🔬🍀ဆီးချိုကုထုံးမှာIncretin hormones ရဲ့ကဏ္ဍကို ရှာဖွေတွေ့ရှိပြီးနောက် ပေါ်ပေါက်လာတဲ့ ဒီဆေးအုပ်စုတွေဟာ လူထုကို ဘယ်လိုအကျိုးပြုသလဲ၊ ဆေးအာနိသင်ဘယ်လိုရရှိလဲ၊ ဘေးထွက်ဆိုးကျိုးဘာတွေရှိသလဲဆိုတာသိရှိသွားလို့ အကျိုးများမယ်လို့ ယုံကြည်ပါတယ်။ 🧑‍🔬🍀

"Empowering every person to make healthier life"







References
https://professional.diabetes.org/standards-of-care

https://www.ncbi.nlm.nih.gov/books/NBK551568/

17/09/2025

💊ဒီပို့စ်က SGLT2 inhibitors ဆေးသောက်နေရသူတွေအတွက် အဓိကရည်ရွယ်ပါတယ်။ ဒီအုပ်စုမှာ ဆီးချိုကျဆေး ၄မျိုးရှိပါတယ်။ Cangliflozin, Dapagliflozin, Empagliflozin နဲ့ Ertugliflozin တို့ဖြစ်ပါတယ်။ ဒီဆေးတွေဟာ အလွန်အစွမ်းထက်တဲ့ဆေးတွေဖြစ်ပြီး ဘေးကင်းစွာသောက်သုံးတတ်ဖို့က အရေးကြီးပါတယ်။ 💊

🩸SGLT2 inhibitorsဆေးတွေရဲ့ လုပ်ဆောင်ပုံဟာ တခြားဆီးချိုကျဆေးတွေနဲ့မတူ ထူးခြားပါတယ်။ သူက ကျောက်ကပ်ကနေ သကြားဓါတ်နဲ့ ဆိုဒီယမ်ဓာတ်တွေကို သွေးထဲကိုပြန် မစုပ်ယူစေပဲ ဆီးထဲကနေစွန့်ထုတ်နိုင်အောင်ကူညီပေးပါတယ်။ Insulin ပေါ်မမူတည်ပဲ ဒီခြားနားတဲ့လုပ်ဆောင်ပုံကြောင့်ပဲ ‌ဆီးချိုထိန်းနိုင်ရုံသာမက နှလုံးနဲ့ကျောက်ကပ်အတွက်ပါ သိသာထင်ရှားတဲ့အကျိုးကျေးဇူးတွေရရှိစေတာဖြစ်ပါတယ်။

🚨ဒီဆေးတွေကိုသောက်တဲ့အခါ မဖြစ်မနေလုပ်ဆောင်ရမယ့် အချက်တွေနဲ့ ရှောင်ရန်အချက်များကို ‌Pharmacist တစ်ဦးအနေနဲ့မျှဝေပေးချင်ပါတယ်။

☑️လုပ်ဆောင်ရမယ့်အချက်များ
၁။ ဆရာဝန်ညွှန်ကြားချက်အတိုင်းတိတိကျကျသောက်ပါ။ ဒါကအရေးကြီးဆုံးအချက်ပါ။
၂။ နေ့တိုင်းပုံမှန်အချိန်(များသောအားဖြင့် မနက်ပိုင်း) အစာနဲ့ဖြစ်စေ၊ အစာမပါပဲဖြစ်စေ သောက်လို့ရပါတယ်။ ဆီးခနခနသွားနိုင်လို့ မနက်ပိုင်းသောက်တာပိုအဆင်ပြေပါတယ်။
၃။ ရေများများသောက်ပေးပါ။ ဒီဆေးတွေက ဆီးကနေသကြားဓါတ်ကိုစွန့်ထုတ်တာဖြစ်လို့ ပုံမှန်ထက် ဆီးခနခနသွားရလို့ ရေဓါတ်ခန်းခြောက်နိုင်ပါတယ်။
၄။ ဆီးထဲမှာ သကြားပါဝင်မှုမြင့်မားတဲ့အတွက်ကြောင့် လိင်အဂ်ါနားတဝိုက်မှိုပိုးဝင်ရောက်တာမျိုး၊ ဒါမှမဟုတ် ဆီးလမ်းကြောင်းပိုးဝင်တာမျိုးတွေ ဖြစ်နိုင်ခြေများပါတယ်။ လိင်အဂ်ါနေရာကို ခြောက်သွေ့သန့်ရှင်းအောင်ဂရုစိုက်ပေးဖို့လိုပါတယ်။
၅။ SGLT2 inhibitirsဆေးတွေက ဆီးဆေးတွေ၊ Insulin တို့ ၊Sulfonylureas (eg.Diamacron) တို့လိုဆေးတွေနဲ့တွဲသောက်ရင် ဓာတ်ပြုမှုတွေဖြစ်နိုင်တဲ့အတွက် ကိုယ်သောက်နေရတဲ့ဆေးတွေရှိရင် ဆရာဝန်ကိုပြောပြဖို့လိုပါတယ်။

☑️ရှောင်ရန်အချက်များ
၁။ ဆရာဝန်နဲ့တိုင်ပင်ခြင်းမရှိပဲ ဆေးသောက်တာကို ရုတ်တရက်ရပ်မပစ်ပါနဲ့။ ရုတ်တရက်ရပ်လိုက်ရင် ရောဂါအခြေအနေပိုဆိုးသွားနိုင်ပါတယ်။ ။
၂။ ဆေးသောက်ရမှာမေ့သွားတာမျိုးကြုံနိုင်ပါတယ်။ အဲ့လို အခြေအနေမှာ ဆေးကို၂ဆတိုးသောက်တာမျိုးမလုပ်ပါနဲ့။ သတိရတဲ့အခါ သောက်လိုက်ပါ။ နောက်တကြိမ်သောက်ရမယ့်အချိန်နဲ့နီးမှသတိရရင် မေ့သွားတဲ့ပမာဏကိုကျော်လိုက်ပြီး ပုံမှန်အတိုင်းဆက်သောက်ပါ။
၃။ အရက်အများကြီးသောက်ခြင်းကိုရှောင်ရပါ့မယ်။ ဆီးချိုးဆိပ်တက်နိုင်ခြေပိုများလို့ဖြစ်ပါတယ်။
၄။ ဆီးချိုဆိပ်တက်ခြင်း (DKA) ဟာ SGLT2 inhibitors ရှားပါးပေမယ့် အရေးကြီးတဲ့ ဘေးထွက်ဆိုးကျိုးတစ်ခုဖြစ်ပါတယ်။ ဆီးချိုဆိပ်တက်ခြင်းရဲ့လက္ခဏာတွေရှိလာရင် ဆရာဝန်ကို SGLT2 inhibitorဆေးသောက်နေရကြောင်းပြောပြဖို့မမေ့ပါနဲ့။

References

https://www.diabetes.org.uk/about-diabetes/looking-after-diabetes/treatments/tablets-and-medication/sglt2-inhibitors

https://pubmed.ncbi.nlm.nih.gov/35015430/

https://my.clevelandclinic.org/health/treatments/sglt2-inhibitors

12/09/2025

💊💊ဆီးချိုဆေးတွေအကြောင်းကို ပြောတဲ့အခါ လက်တွေ့ စျေးကွက်မှာ အသုံးများတဲ့ Brands တွေဖြစ်တဲ့ Diamicron MR, Remicron MR, Diabend MR တို့ ၊ နောက် Reclide, Glizideတို့လိုဆေးတွေ အကြောင်းကိုလည်း သိဖို့လိုပါတယ်။ ဒီဆေးတွေကိုသောက်တဲ့အခါ သိထားရမယ့် ရှောင်ရန် ဆောင်ရန် အရေးကြီးအချက်တွေကို မျှဝေပေးချင်ပါတယ်။

✨✨ဒီBrands တွေရဲ့ chemical name ကတော့ Gliclazide ဖြစ်ပါတယ်။ Sulfonylureas အုပ်စုဝင်တွေပါ။ Sulfonylureas အုပ်စုဆေးတွေဟာ insulin ထွက်ရှိဖို့ကို လှုံ့ဆော်ပေးပါတယ်။ဆီးချိုထိန်းတဲ့နေရာမှာ ထိရောက်သလို သောက်သုံးတဲ့အခါ ဂရုစိုက်ရမယ့် အချက်လေးတွေရှိပါတယ်။ သူရဲ့ ‌သွေးတွင်းသကြားဓါတ် လျော့နည်းစေတဲ့ Hypoglycaemic risk ကြောင့်ဖြစ်ပါတယ်။

ဘေးကင်းပြီးအာနိသင်ထိရောက်စေဖို့
☑️1. အစာမစားမီသောက်ပါ။ အစာစားပြီးတက်လာမယ့် သွေးတွင်းသကြားဓါတ်ကိုထိန်းဖို့ဖြစ်ပါတယ်။
☑️2. ဆေးသောက်ပြီး အစာကို စားဖြစ်အောင်စားပါ။ သွေးတွင်းသကြားဓါတ်ကျပြီးအန္တရာယ်မဖြစ်စေဖို့ဖြစ်ပါတယ်။
☑️3. နေ့တိုင်းအချိန်တသမတ်တည်းသောက်ပေးပါ။ ဥပမာ နေ့တိုင်း မနက်၈နာရီ အစားမစားခင်သောက်ပါ။ ဒီလိုတသတ်မတ်တည်းသောက်ခြင်းဟာ သွေးတွင်းသကြားဓါတ်ကို ပိုတည်ငြိမ်စေပြီး အာနိသင်ပိုထိရောက်ပါတယ်။
☑️4. Diclofenac, Ibuprofen တို့လို အကိုက်အခဲပျောက်ဆေးတွေ၊ Septrin လို ပိုးသတ်ဆေးတွေ၊ Canditral, Fluzole, Terbisil တို့လိုမှိုသတ်ဆေးတွေ၊ Propanolol , Bisoprolol တို့လိုနှလုံးအတွက်သောက်ရတဲ့ဆေးတွေ နဲ့ တွဲမသောက်ပါနဲ့ Hypoglycaemic risk ပိုဆိုးပြီး အန္တရာယ်ရှိနိုင်ပါတယ်။
☑️5. အရက်နဲ့လည်းလုံးဝတွဲမသောက်သင့်ပါဘူး။

💡နောက်တချက်အနေနဲ့ Conventional ရိုးရိုး Gliclazide နဲ့ Modified release (MR) Gliclazide ဘာတွေကွာလဲဆိုတာဖြစ်ပါတယ်။ Modified release လုပ်ထားတဲ့နည်းပညာအားသာချက်ကတော့ ဆေးပမာဏလျော့နည်းသွားပါတယ်။ ဥပမာ ရိုးရိုး Gliclazide 80mg နဲ့ MR formula Gliclazide 30mg ဟာ ညီမျှပါ🗡တယ်။ နောက်တချက်ကတော့ ဆေးအာနိသင်ရပုံကွာခြားပါတယ်။ ဒါ့ကြောင့် Clinical outcomes အနေနဲ့ Modified release တွေဟာ ဘေးထွက်ဆိုးကျိုးပိုနည်းပြီး သောက်ရမယ့် အကြိမ်ရေလျှော့ချနိုင်တဲ့အတွက် သောက်သုံးသူတွေအတွက် ပိုသင့်တော်ပါတယ်။

🙏ဆီးချိုဆေးများသောက်တဲ့အခါ ဘေးကင်းပြီး၊ အာနိသင်ထိရောက်စေဖို့ လိုက်နာရမယ့် အချက်လေးတွေကိုသိရှိပြီး ကျန်းမာပျော်ရွှင်စေဖို့ ဆေးဝါးပညာရှင်တစ်ဦးအနေနဲ့ဆုတောင်းပေးလိုက်ပါတယ်ရှင့်။

"Empowering every person to make healthier life"

Lae Yee Phyo Wai
Pharmacist





References
1.https://www.ncbi.nlm.nih.gov/books/NBK513225/ #:~:text=Sulfonylureas%20represent%20a%20class%20of,monitoring%2C%20and%20toxicity%20of%20sulfonylureas

2.https://pubmed.ncbi.nlm.nih.gov/26322096/

3.Clinical Pharmacy and Therapeutics Sixth Edition

04/09/2025

Insulin ထိုးဆေးများအကြောင်း

04/09/2025

🤱အသည်းရောင် B ပိုးရှိသော မိခင်မှကလေးသို့ ကူးစက်နိုင်သော အခြေအနေများ🤱

👉ကူးစက်နိုင်ခြေအများဆုံးအခြေအနေမှာ ကလေးမွေး နေစဥ်အချိန်ပဲဖြစ်ပါတယ်။ဘာကြောင့်လဲဆိုရင် ကလေးက မိခင်ရဲ့သွေးတွေနဲ့ မိခင်၏ကိုယ်မှ ထွက်သော အရည်များနဲ့ ကလေးမွေးစဥ်မှာထိတွေ့ရလို့ဖြစ်ပါတယ်။
✅ရိုးရိုးမွေး ခြင်း နဲ့ ခွဲစိတ်မွေးဖွားခြင်း နှစ်မျိုးစလုံးမှာ ဖြစ်နိုင်ပါတယ်။
✅အခြား ကူးစက်နိုင်သောအခြေအနေတွေကတော့ ကိုယ်ဝန်ဆောင်နေစဥ်အတောအတွင်း နဲ့ မွေးဖွားပြီးချိန် ပဲဖြစ်ပါတယ်။ သို့သော် ၎င်း အခြေအနေကတော့ ဖြစ်နိုင်ခြေ အလွန်နည်းပါတယ်။

💉မွေးပြီးစမှာ ကလေးကို ကာကွယ်ဆေးထိုးနိုင်ရင်တော့ အများအားဖြင့် မိခင်နို့တိုက်ကျွေးနိုင်ပါတယ်။နောက်ပြီး မိခင်မှာရှိနေတဲ့ အသည်းရောင် B virus ပိုးကောင်ရေ အနည်းအများနဲ့ ပွားများနှုံး ကလည်း ကလေးကို ကူးစက်နိုင်ခြေအပေါ်မှာ အများကြီးသက်ရောက်မှုရှိပါတယ်။

🧑‍⚕️ဒါဆိုဘာကြောင့် စိုးရိမ်ပူပန်စရာဖြစ်နေလည်းဆိုရင် မွေးကင်းစကလေးကို အသည်းရောင်B ပိုးကူးစက်ခဲ့မယ်ဆိုရင် 90% ကျော်လောက်က တသက်လုံး နာတာရှည် အသည်းရောင် ရောဂါဖြစ်သွားမှာပဲဖြစ်ပါတယ်။အရွယ်ရောက်ပြီးသူတွေ ကူးစက်ခံရရင်တော့ 5% အောက် အရေအတွက်လောက်သာ နာတာရှည်အသည်းရောင်ရောဂါ အဆင့်သို့ရောက်ရှိကြပါတယ်။ ဒါဲကြာင့် နှိုင်းယှဥ်လိုက်မယ်ဆိုရင် ရာခိုင်နှုံးအတော်ကွာခြားတဲ့အတွက်ကြောင့် မပေါ့ဆသင့်ပါဘူး။

🧑‍⚕️ဒါပေမဲ့ မိခင်မှကလေးကို မကူးစက်အောင် ကာကွယ်လို့ရပါတယ်။ ဘယ်လိုကာကွယ်မလဲဆိုရင်......
၁။ ကိုယ်ဝန်ဆောင်မိခင်တိုင်း အသည်းရောင် B ပိုးစစ်ဆေးခြင်း၊
၂။ ရောဂါပိုးရှိတဲ့မိခင်တွေက စနစ်တကျ ဆရာဝန်နှင့်​ပြသကုသခြင်း၊
၃။ မွေးပြီးပြီးချင် ကလေးကိုကာကွယ်ဆေးထိုးပေးခြင်းစတဲ့နည်းလမ်းတွေကိုစနစ်တကျ လိုက်နာမယ်ဆိုရင် မိခင်မှ ကလေးသို့ အသည်းရောင် B ပိုးကူးစက်နိုင်ခြေကိုအများကြီး လျော့ကျ ​​ေစနိုင်ပါကြောင်း မျှဝေလိုက်ရပါတယ်။

💉ကြိုတင်ကာကွယ်ခြင်းနည်းလမ်းဖြင့် ကိုယ်နဲ့ကိုယ့်မိသားစု၊ ကိုယ့်ပတ်ဝန်းကျင်ကို ကာကွယ်စောင့်ရှောက်ဖို့ Myat Myizzu Vaccination Center ရဲ့ "Where Prevention Meets Care! "ဆောင်ပုဒ်လေးအတိုင်း အကြံပြုတိုက်တွန်းပါတယ်ရှင်။

🎗️ Where Prevention Meets Care!🎗️

!

27/08/2025

🎗️HIV ကာကွယ်ဆေးရတော့မှာလား??🎗️

✅ကာကွယ်ခြင်းဟာ ကုသမှုထက်ပိုကောင်းတယ်ဆိုတဲ့ စကားအတိုင်း ကာကွယ်ဆေးတွေဟာ လူမှုဘဝတွေမှာ အရေးပါလှပါတယ်။ HIV virus ကိုကာကွယ်နိုင်မယ့်ဆေးပေါ်လာခဲ့ရင် လူထုအတွက်အကျိုးအရမ်းများမှာသေချာပါတယ်။

💁အခုလက်ရှိမှာတော့ HIV ကာကွယ်ဆေးဟာ စမ်းသပ်မှုအဆင့်မှာပဲရှိပါသေးတယ်။ WHO approved မရသေးပါဘူး။ ဒါပေမယ့် 2025 July 30မှာ ထွက်ရှိလာတဲ့ National Library of Medicine (NIH) page ရဲ့ ဆောင်းပါးမှာ HIV ကာကွယ်ဆေးနဲ့ပတ်သတ်တဲ့ မျှော်လင့်ချက်ရောင်ခြည်စတွေ့လာရပါပြီ။ Human Clinical trials မှာပါဝင်ခဲ့ကြသူတွေရဲ့ 80%ဟာ HIV virus ကိုတိုက်ထုတ်နိုင်မယ့် Antibodies ထွက်ရှိလာပြီဖြစ်ပါတယ်။

🎗️HIV ကာကွယ်ဆေးထွက်ရှိဖို့ အင်မတန်ခက်ခဲပါတယ်။ အကြောင်းကတော့ HIV virus ရဲ့ သဘာဝကြောင့်ပါ။ ဒီvirusကို လူ့ခန္ဓာကိုယ်ရဲ့ immune system ကနေမှတ်မိဖို့မလွယ်ပါဘူး။ mutations လည်းအရမ်းများပါတယ်။ ဒီအချက်တွေကြောင့် ကာကွယ်ဆေးထိုးပြီး HIV virus ကိုတိုက်ထုတ်နိုင်မယ့် neutralizing Antibodies ထွက်ရှိဖို့ခက်ခဲခဲ့တာဖြစ်ပါတယ်။ ဒါ့အပြင် mutations ကြောင့်ဖြစ်လာတဲ့ များစွာသော strains အားလုံးကို coverမိဖို့ broadly neutralizing Antibodies (bnAbs)ထွက်ရှိဖို့ ပိုခက်ခဲပါတယ်။

💉ဘယ်လိုပဲခက်ခဲပါစေ ဆေးထုတ်လုပ်မှုနည်းပညာတွေဟာလည်း တချိန်တည်းမှာ များစွာတိုးတက်ပြောင်းလဲလာပါတယ်။ အခုလည်း mRNA ဆိုတဲ့ novel vaccination strategy ပေါ်ပေါက်လာပါပြီ။ အရင်ကသုံးခဲ့တဲ့ conventional နည်းလမ်းတွေထက်သာလွန်တဲ့ novel အဆင့်ကိုရောက်ရှိနေပါပြီ။ mRNA vaccine ကို COVID-19 ကာကွယ်ဆေးတွေမှာ ဘယ်လောက် ထိရောက် အောင်မြင်ခဲ့လဲဆိုတာ တွေ့ရှိခဲ့ကြပြီးပါပြီ။

💉အခုHIV ကာကွယ်ဆေးဟာ mRNAလို novel vaccination strategy ကိုသုံးပြုပြီး အရင်ကလိုအပ်ချက်ကို ကျော်လွှားနိုင်တဲ့ membrane -anchored HIV envelope trimer (mRNA) ကိုတီထွင်လာနိုင်တာဖြစ်ပါတယ်။ ဒါ့အပြင် ဆေးကိုထိရောက်တဲ့ targeted drug delivery လုပ်ဆောင်မယ့် lipid nanoparticles design ကိုပါထည့်သွင်းထုတ်လုပ်ထားတဲ့အတွက် လုံးဝကိုsafeဖြစ်ပြီးထိရောက်တဲ့ကာကွယ်ဆေးဖြစ်လာမှာပါ။

🙂ကျွန်မတို့တွေလည်း ဒီနည်းပညာတွေနဲ့အလှမ်းမဝေးစေပဲ ကိုယ်သုံးရမယ့် ကာကွယ်ဆေးတွေရဲ့ လုပ်ဆောင်ပုံ၊ ဘေးကင်းမှု စတာတွေကို သေချာသိရှိပြီး ကျန်းမာရေးအသိကြွယ်ဝစေဖို့ ရည်ရွယ်ချက်နဲ့ Myat Myizzu ကာကွယ်ဆေးထိုးစင်တာ page ကနေမျှဝေလိုက်ပါတယ်။

လဲ့ရည်ဖြိုးဝေ (Pharmacist)

References :

https://pubmed.ncbi.nlm.nih.gov/40737434/
https://www.eatg.org/hiv-news/dual-studies-reveal-early-successes-for-mrna-hiv-vaccine-strategies/

26/08/2025

HIV vaccine မျှော်လင့်ချက်ရောင်ခြည်စတွေ့လာရပါပြီ။ ထုတ်ဖို့ ခက်တဲ့ HIV ကာကွယ်ဆေး ဘယ်လို စတင်အောင်မြင်လာတာလဲဆိုတာကို Pharmacist တစ်ဦးအနေနဲ့ မျှဝေပေးထားပါတယ်။
Where Prevention Meets Care!

09/08/2025

🦟🦟သွေးလွန်တုပ်ကွေးရောဂါ၏သတိပြုစရာ လက္ခဏာများ🦟🦟
သွေးလွန်တုပ်ကွေးရောဂါဟာ သာမန်တုပ်ကွေးလက္ခဏာမှသည် ပြင်းထန်လက္ခဏာများအထိ တွေ့ရတတ်တာကြောင့် မိဘများအနေနဲ့ မပေါ့ဆသင့်ပါဘူး။ မိမိကလေးငယ်မှာ ဒီလက္ခဏာတွေ ခံစားနေရလားဆိုတာ သတိရှိဖို့လိုပါတယ်။
👉အဖျားကြီးခြင်း
👉ခေါင်းကိုက်ခြင်း၊ မျက်လုံးအိမ် ကိုက်ခြင်းတို့အပြင်
အရိုးများအဆစ်အမြစ်များအလွန်အမင်းကိုက်ခဲခြင်း
👉ကိုယ်ခန္ဓာပေါ်တွင် အနီအစက်အပြောက်များလည်းတွေ့ရခြင်း
🚨အထူးသတိပြုရမဲ့အချက်တွေကတော့
✅ပြင်းထန်စွာ ဗိုက်နာလာခြင်း၊
✅တောက်လျောက်အန်ခြင်း နဲ့
✅သွေးယိုစိမ့်ခြင်းများ (နှာခေါင်းသွေးယိုခြင်း၊ သွားဖုံးသွေးယိုခြင်း၊ ဝမ်းမဲမဲသွားခြင်း ၊ဆီးသွားလျှင်သွေးပါခြင်း)
✅ရုတ်တရက် အဖျားကြီးလာခြင်းသည် အထူးသတိပြုစရာလက္ခဏာပဲဖြစ်ပါတယ်။

💁Shockလို့ ခေါ် တဲ့သွေးလန့်လက္ခဏာများ ကတော့သွေးလွန်တုပ်ကွေးရောဂါရဲ့ထောင်ချောက်တခုလို့ ‌ပြောရမှာဖြစ်ပါတယ်။
🌡️အများအားဖြင့်တော့ အဖျားကျသွားတဲ့အခါမှာ shock ရတတ်ပါတယ်။ ဒါကြောင့် အဖျားကျသွားပြီးနောက် မှာ 🚨လူနာဟာ ခြေဖျားလက်ဖျား အေးစက်လာမယ်
🚨သွေးပေါင်ကျလာမယ်၊ မှိန်းလာမယ် ၊ အန်လာမယ် စတဲ့ အချက်တွေ့ရပြီဆိုရင်တော့ shock ရတော့မှာဖြစ်ပါတယ်။သေချာစောင့်ကြည့်ပြီး အရေးပေါ်ကုသရမယ့်အခြေအနေဖြစ်ပါတယ်။

💁ဒါ့ကြောင့် ကလေးတယောက်ဖျားပြီဆိုရင် သွေးလွန်တုပ်ကွေးလက္ခဏာရှိမရှိ သတိပြုဖို့လိုပါတယ်။ ဆရာဝန်နဲ့သေချာပြသဖို့လိုအပ်ပါတယ်။ရိုးရိုးဖျားခြင်းနဲ့ အချိန်မီ ခွဲခြားသိနိုင်ရန် မျှဝေလိုက်ပါတယ်။

!

07/08/2025

သွေးလွန်တုပ်ကွေးကာကွယ်မှုအကြောင်း
Where Prevention Meets Care!

12/06/2025

💁အခုကာလမှာ ရာသီတုပ်ကွေးကာကွယ်ဆေးတွေထိုးနှံနေကြတဲ့ကာလဖြစ်ပါတယ်။ မိမိထိုးနှံတဲ့ကာကွယ်ဆေး တွေရဲ့ Product knowledge ကို Vaccine ထုတ်လုပ်တဲ့နည်းပညာပေါ် မူတည်ပြီး ဆေးဝါးပညာရှင်တစ်ဦးရဲ့ ရှုထောင့်ကနေပြီး ပြန်လည်မျှဝေပေးချင်ပါတယ်။
ကာကွယ်ဆေးတွေဟာလည်း တခြားဆေးတွေလိုပါပဲ ထုတ်လုပ်တဲ့ company နဲ့ နည်းပညာပေါ်မူတည်ပြီး ကွာခြားချက်တွေရှိပါတယ်။ အများစု ရင်းနှီးတဲ့ Brands တွေကို ရွေးချယ်ထားပါတယ်။

၁။ Vaxigrip Tetra
Sanofi pasteur company က ပြင်သစ်company ဖြစ်ပြီး Split virion egg based နည်းပညာနဲ့ ထုတ်လုပ်ထားပါတယ်။ Virus တစ်ကောင်လုံးကို ကြက်ဥပေါ်မှာ မွေးပြီး Vaccine ထုတ်ထားတာဖြစ်တဲ့အတွက် လိုချင်တဲ့ Antigen (Immune လှုံ့ဆော်မှုပေးနိုင်သော ပစ္စည်း) အပြင် virus ရဲ့ မလိုအပ်တဲ့ တခြားအစိတ်အပိုင်းတွေပါ ပါဝင်နိုင်ပါတယ်။ ဒါ့ကြောင့် side effects ပိုများနိုင်ပါတယ်။

၂။ Influvac tetra
Abbott Biological BW ကထုတ်လုပ်ပြီး Netherlands company ဖြစ်ပါတယ်။ Traditional နည်းလမ်းဖြစ်တဲ့ Egg based နည်းပညာနဲ့ထုပ်လုပ်ထားပေမယ့် ထူးခြားတာက Surface antigen (subunit) ကိုပဲယူထားတာဖြစ်ပါတယ်။ Results အနေနဲ့ သန့်စင်မှုအားပိုသာပြီး side effects ပိုနည်းပါတယ်။ ဒါ့ကြောင့် Influvac tetra ကိုထိုးရင် injection site မှာ နာကျင်မှုသိပ်မဖြစ်ပါဘူး။ အဖျားဝင်တာတို့၊ ကြွက်သားနာကျင်တာမျိုးတွေလည်း နည်းပါတယ်။

၃။ Skycellflu
SK bioscience ကနေထုတ်လုပ်ပြီး တောင်ကိုးရီးယား company ဖြစ်ပါတယ်။ ရိုးရာနည်းလမ်းမဟုတ်တော့ပဲ အဆင့်မြင့် နည်းပညာဖြစ်တဲ့ cell-culture-based technology နဲ့ထုတ်လုပ်တာဖြစ်ပါတယ်။ Surface antigen (subunit)ကို human cells နဲ့ နီးစပ်တဲ့ mammalian cells ပေါ်မှာprepareလုပ်ပြီးထုတ်လုပ်တာဖြစ်ပါတယ်။ ဒါ့ကြောင့် Antigenic Match ပိုဖြစ်ပါတယ်။ ဆိုလိုတာကတော့ ထွက်ရှိလာတဲ့ Antibodies တွေဟာflu virusကို ပိုတိတိကျကျပစ်မှတ်ထားတိုက်ခိုက်နိုင်လို့ vaccine ရဲ့ အာနိသင်ပိုမိုထိရောက်မှုရှိပါတယ်။

💉💉Dosing Schedule အနေနဲ့ flu vaccine ကို
၆လ- ၉နှစ်အောက် ကလေးငယ်တွေမှာ ကာကွယ်ဆေးမထိုးဖူးရင် 0-1ဆိုပြီး ၁လခြားပြီး၂ကြိမ်ထိုးရမှာပါ။
၉နှစ်နဲ့ အထက်ကလေးများနဲ့ လူကြီး များအတွက်တော့ ၁နှစ် ၁ကြိမ်ထိုးပေးရမှာပါ။

03/06/2025

COVID ကာကွယ်ဆေးတွေနဲ့ပတ်သတ်ပြီး မျှဝေပေးထားပါတယ်။ ကျန်းမာရေးဗဟုသုတကြွယ်ပြီး ပျော်ရွှင်သောနေ့ရက်များပိုင်ဆိုင်နိုင်ကြပါစေ။
💝Where Prevention Meets Care!
💉မြတ်မဉ္ဇူကာကွယ်ဆေးထိုးစင်တာ