07/02/2026
မန္တလေးမြို့၊ ချမ်းမြသာစည်မြို့နယ်၊ ၇၃ လမ်းနှင့် ၁၁၀ လမ်းထောင့်ရှိ KBZ Center Mandalay တွင် ဖေဖော်ဝါရီလ (၄) ရက်က အခမဲ့ ကျောက်ကပ်သွေးသန့်စင် ကုသပေးခြင်း၊ အရိုးအကြောအဆစ် အထူးကုဆရာဝန်ကြီးမှ အခမဲ့စမ်းသပ် စစ်ဆေးကုသပေးခြင်းနှင့် အထွေထွေရောဂါ အထူးကု ဆရာဝန်ကြီးမှ အခမဲ့စမ်းသပ် စစ်ဆေးကုသပေးခြင်းများကို ဆောင်ရွက်ပေးခဲ့သည်။
အထွေထွေရောဂါဝေဒနာ ခံစားနေရသူများအား အထွေထွေရောဂါ အထူးကုသမားတော်ကြီး ဒေါက်တာခင်ဇော်ဦးက အခမဲ့စမ်းသပ်စစ်ဆေး ကုသမှုများကို ဆောင်ရွက်ပေးခဲ့သည့်အပြင် အရိုးအကြောအဆစ် ရောဂါဝေဒနာ စမ်းသပ်စစ်ဆေး ကုသပေးခြင်းကို အရိုးအကြောအထူးကု ဆရာဝန်ကြီး ဒေါက်တာဦးဌေးကြွယ်မှ စမ်းသပ်စစ်ဆေး ကုသပေးခဲ့သည်။
အထွေထွေရောဂါ အထူးကုသမားတော်ကြီးများထံ ပြသလိုပါက ကနဦးအနေဖြင့် စင်တာတာဝန်ကျ ဆရာဝန်များနှင့် ရှေးဦးပဏာမ ဆွေးနွေးတိုင်ပင်ကုသမှု (Consultation) ပြုလုပ်ရန်လိုအပ်ပြီး အထူးကုသမားတော်ကြီးနှင့် ဆက်လက်ပြသရက် လိုအပ်လျှင် ရက်ချိန်းကို တစ်ပါတည်း သတ်မှတ်ပေးသွားမည် ဖြစ်သည်။
KBZ Center Mandalay ၏ အထွေထွေရောဂါ အထူးကုသမားတော်ကြီးထံ ပြသလိုပါက အပတ်စဥ် ဗုဒ္ဓဟူးနေ့နှင့် ကြာသပတေးနေ့တို့တွင် လည်းကောင်း အရိုးအကြောအဆစ် အထူးကုဆရာဝန်ကြီးများထံ ပြသလိုပါက အပတ်စဥ် ဗုဒ္ဓဟူးနေ့နှင့် သောကြာနေ့တို့တွင် လည်းကောင်း၊ Ultrasound ရိုက်ကူးမှုကို အပတ်စဉ် အင်္ဂါနေ့နှင့် သောကြာနေ့တို့တွင် လည်းကောင်း အခမဲ့စမ်းသပ်စစ်ဆေး ကုသပေးနေပြီး အထူးကုသမားတော်ကြီးများထံ ပြသခြင်းနှင့် အခမဲ့ ကျောက်ကပ်သွေးသန့်စင် ကုသပေးခြင်းအား အပတ်စဥ် တနင်္လာမှ စနေအထိ ဆောင်ရွက်ပေးလျက်ရှိသည်။
KBZ Center Mandalay မှ ဆောင်ရွက်ပေးနေသည့် အခမဲ့ကျန်းမာရေး စောင့်ရှောက်မှုများနှင့် ပတ်သက်ပြီး သိရှိလိုပါက Call Center ဖုန်း (၀၉ ၉၄၁ ၆၀၀ ၉၉၉) သို့မဟုတ် U9 ဖုန်းကိုင်ဆောင်သူများ အတွက် Short Code ၁၀၁၀ သို့ နေ့စဉ် တနင်္လာနေ့မှ သောကြာနေ့အတွင်း နံနက် ၉ နာရီမှ နေ့လယ် ၁၂ နာရီအထိ ဆက်သွယ်နိုင်ပါသည်။
