Prana Healing Myanmar

01/12/2025

Prana Healing Myanmar မိသားစု ဗုဒ္ဓမြတ်စွာဘုရား သီတင်းသုံးရာ ဇေတဝန်ကျောင်းတော်အတွင်းတရားမှတ်ယူနေကြစဥ်၊
#မြတ်သောဒါန #ဗုဒ္ဓဂယာ #သစ္စာအမြင် Ashwin Kumar

29/11/2025

🏵 ကုသိနာရုံမြေမှ အပရိမိတ ကုသိုလ်တော်

​ဂေါတမမြတ်စွာဘုရားရှင် ပရိနိဗ္ဗာန် စံတော်မူရာ
အထွဋ်အမြတ် နေရာတော်ဖြစ်သည့် ကုသိနာရုံ
မြေမြတ်၌
Prana Healing မိသားစုဝင်များ အားလုံး စုပေါင်း၍ မွန်မြတ်သော ဒါန၊ သီလ၊ ဘာဝနာ ကုသိုလ်များကို အောင်မြင်စွာ ဆောင်ရွက်ခဲ့ကြ၍ မိသားစုများအားလုံး ဝမ်း‌မြောက်သာဓုခေါ်ဆိုနိုင်ပါရန် ကုသိုလ်အမျှဝေငှပါသည် 🙏

🍂 ​ဒါနကုသိုလ် :
မြတ်စွာဘုရားရှင်အား ကြည်ညိုသဒ္ဓါဖြင့် ကြာသင်္ကန်းတော် လှူဒါန်းပူဇော်ခြင်း။

🍂 ​သီလ/ဘာဝနာကုသိုလ်:
မြတ်သော သီလ များကို ဆောက်တည်ခြင်း၊ ငြိမ်းအေးသော ဝိပဿနာတရား များကို အားထုတ်ခြင်း၊ စစ်မှန်သော မေတ္တာ များ ပို့သခြင်း။

🍂 ​သံဃာတော်များအား ပူဇော်မှု:
ကုသိနာရုံ ကျောင်းတိုက် ဆရာတော်ကြီးအား အမှူးထား၍ သံဃာတော် အရှင်သူမြတ်များအား ဆွမ်း၊ သင်္ကန်း၊ ကျောင်း၊ ဆေး အတွက် နဝကမ္မ အလှူငွေ စုစုပေါင်း (၄၅၀,၀၀၀) ကျပ် ကို ရိုသေစွာဆက်ကပ် လှူဒါန်းခဲ့ပါသည်။

​ဤကောင်းမှုအဖို့ကို Prana Healing မိသားစုဝင် အားလုံးနှင့်တကွ ဤပို့စ်ကို ဖတ်ရှုသူ အပေါင်းတို့အား စေတနာသုံးတန် ပြည့်စုံစွာဖြင့် အမျှ အမျှ အမျှ ပေးဝေငှပါ၏။

ကုသိုလ် အမျှ အမျှ အမျှ ယူတော်မူကြပါ 🙏

​သာဓု သာဓု သာဓု 🙏

#မြတ်သောဒါန #ဗုဒ္ဓဂယာ

28/11/2025

Prana Healing Myanmar မိသားစု ဗုဒ္ဓဂယာခရီးစဉ် 🙏🙏🙏

28/11/2025

"အရှင်အာနန္ဒာ၏ ဓာတ်တော်ဝေစု စတင်တည်ရှိရာ နေရာနှင့် ဆက်စပ်မှုရှိသော သမိုင်းဝင်နယ်မြေအကြောင်းသိကောင်းစရာ"
၁။ အရှင်အာနန္ဒာ၏ ဓာတ်တော် တည်ရာနေရာ

​အရှင်အာနန္ဒာမထေရ်သည် မြတ်စွာဘုရား၏ အနီးကပ်ပြုစုခဲ့သူဖြစ်ပြီး ဓမ္မဘဏ္ဍာဂါရိက (တရားဘဏ္ဍာစိုး) အဖြစ် ထင်ရှားခဲ့ပါသည်။
​ပရိနိဗ္ဗာန်ပြုခြင်း: အရှင်အာနန္ဒာ ပရိနိဗ္ဗာန်ပြုသည့်အခါ မဂဓတိုင်း နှင့် ဝေသာလီပြည် (လစ်ဆဝီမင်းများ) တို့သည် ဓာတ်တော်များကို ကိုးကွယ်ပူဇော်ခွင့်ရရန် အငြင်းပွားမှု ဖြစ်ပွားခဲ့သည်။

​ဓာတ်တော်ခွဲဝေခြင်း: ထို့ကြောင့် အရှင်အာနန္ဒာသည် ဂင်္ဂါမြစ်အလယ် တွင် ရေမီးအစုံဖြင့် ပရိနိဗ္ဗာန်ပြုကာ ဓာတ်တော်များကို တစ်ဖက်ကမ်းစီသို့ အညီအမျှ ကွဲသွားစေခဲ့သည်။

​ဝေသာလီနှင့် ဆက်စပ်မှု: ဤသို့ဖြင့် လစ်ဆဝီမင်းများ သည် အရှင်အာနန္ဒာ၏ ဓာတ်တော် တစ်ဝက်ကို ရရှိခဲ့ပြီး ဝေသာလီပြည်တွင် စေတီတည်ကာ ကိုးကွယ်ခဲ့ကြပါသည်။
​မိမိတို့အဖွဲ့ဓာတ်ပုံရိုက်ထားသော ဝေသာလီဒေသသည်ပင် အရှင်အာနန္ဒာ၏ ဓာတ်တော်ဝေစု စတင်တည်ရှိရာ နေရာနှင့် ဆက်စပ်မှုရှိသော သမိုင်းဝင်နယ်မြေ ဖြစ်ပါသည်။

​၂။ သံဃာယနာ တင်သည့်နေရာ (ဒုတိယသံဃာယနာ)
​ယ္ခုမိမိတို့ ရောက်ရှိနေသည့် ဝေသာလီပြည် သည် ဗုဒ္ဓဘာသာ သမိုင်းတွင် အလွန်အရေးပါသော ဒုတိယသံဃာယနာ တင်ခဲ့သည့် နေရာဖြစ်ပါသည်။
​ပထမသံဃာယနာ (အကျဉ်း): မြတ်စွာဘုရား ပရိနိဗ္ဗာန်စံပြီးနောက် ပထမဆုံး သံဃာယနာကို ရာဇဂြိုဟ်ပြည် (Rajgir) ရှိ သတ္တပဏ္ဏိဂူ တွင် အရှင်မဟာကဿပ ဦးဆောင်၍ တင်ခဲ့ပါသည်။

​ဒုတိယသံဃာယနာ (ဝေသာလီ):
​အချိန်ကာလ: ဒုတိယသံဃာယနာကို မြတ်စွာဘုရား ပရိနိဗ္ဗာန်စံပြီး နှစ်ပေါင်း ၁၀၀ ခန့်အကြာတွင် တင်ခဲ့ပါသည်။
​အကြောင်းအရင်း: ဝေသာလီပြည်မှ ဝဇ္ဇီပုတ္တက ရဟန်းများ သည် ဝိနည်းတော်နှင့် မညီသော 'ဝတ္ထု ၁၀ ပါး' ကို ကျင့်သုံးရာမှ အဓိကရုဏ်း ဖြစ်ပွားခဲ့ခြင်းကြောင့် ဖြစ်ပါသည်။

​ရလဒ်: အရှင်ယသ မထေရ် ဦးဆောင်သော အရှင်မြတ်များသည် ထိုဝတ္ထု ၁၀ ပါးကို စစ်ဆေးဆုံးဖြတ်ပြီး ဝိနည်းကို စင်ကြယ်စေခဲ့ပါသည်။
​ထို့ကြောင့် မိမိတို့ရောက်ရှိနေသော ဝေသာလီဒေသသည် ဒုတိယသံဃာယနာကို အောင်မြင်စွာ တင်ခဲ့သည့် မြေမြတ်မင်္ဂလာ ဖြစ်ပါသည်။

​၃။ Prana Healing Activity နှင့် သမိုင်းဝင်နေရာ
အဖေ​ဆရာ Ashwin Kumar ဦးဆောင်သော Prana Healing Myanmar မိသားစုအဖွဲ့မှ ယ္ခုကဲ့သို့သော မြင့်မြတ်သည့် သမိုင်းဝင်နေရာများတွင် Energy Healing (စွမ်းအင်ကုထုံး) လှုပ်ရှားမှုများ ပြုလုပ်ခြင်းဟာ ရှေးပညာရပ်နှင့် ခေတ်မီကုထုံးတို့ကို ပေါင်းစပ်ကာ တန်ဖိုးရှိသော အတွေ့အကြုံများကို ရယူခြင်းဖြစ်ပါသည်။
​ထိုနေရာများ၏ သန့်ရှင်းကြည်လင်သော သဘာဝစွမ်းအင် (High Vibration) များရှိပါသည်၊ ကုထုံးများအတွက် ပိုမိုအကျိုးပြုပါမည်ဟု ယုံကြည်ရပါသည်။

Prana Healing Myanmar
#မြတ်သောဒါန

21/11/2025

🏵 မန္တလေးမြို့ မစိုးရိမ်တိုက်သစ်၊ ဓမ္မာစရိယ ကျမ်းရင်းသုံးကျမ်း၊ ဝါပ အပတ်စဉ် စာမေးပွဲ၊ အပတ်စဉ် (၁) အောင်ပွဲ အလှူတော် မင်္ဂလာ 🙏

🙏 ပူဇော်အလှူ မြတ်‌သောဒါနကုသိုလ်

🍂 မန္တလေးမြို့၊ မစိုးရိမ်တိုက်သစ်၌ ကျင်းပ ပြုလုပ်သော ဓမ္မာစရိယ ကျမ်းရင်းသုံးကျမ်း၊
ဝါပအပတ်စဉ် စာမေးပွဲ၊ အပတ်စဉ် (၁) တွင်...

ပထမ၊ ဒုတိယ၊ တတိယ ဂုဏ်ထူးတို့ဖြင့် ထူးချွန်စွာ အောင်မြင်တော်မူကြသော အရှင်မြတ် (၉) ပါးတို့အား

ဆရာ Ashwin နှင့် Prana Healing Myanmar မိသားစုတို့မှ -

🔸 စာအောင်ထူးချွန်ဆု လှူဒါန်းပူဇော်ခြင်း ၊

🔸 ဆက်လက်ဖြေဆိုမည့် လက်ကျန် အပတ်စဉ် စာမေးပွဲများအတွက် စာအောင်ထူးချွန်ဆုအလှူတော်အလို့ငှာ နဝကမ္မ (ကျပ် ၇ သိန်း) တို့ကိုလည်း ထပ်မံ၍ လှူဒါန်းပူဇော်ခဲ့ကြပါသည် 🙏

မိသားစုဝင်များ၏ ဤပူဇော်အလှူဒါန ကုသိုလ်အစုစုတို့သည် သာသနာတော်အတွက် အလွန်မွန်မြတ်သော အကျိုးတရားများကို ဖြစ်ထွန်းစေပါသည်။

ဤ မွန်မြတ်သော ကုသိုလ်အဖို့ဘာဂကို မိသားစုဝင် အပေါင်းတို့အား အမျှကုသိုလ် ပေးဝေပါသည်။

ကုသိုလ် ~ အမျှ အမျှ အမျှ ယူတော်မူကြပါ 🙏
သာဓု .... သာဓု ... သာဓု 🙏

🙏 မိသားစုဝင်များအားလုံးသည် ~

တရားထူး တရားမြတ်များကို လွယ်ကူသောအသိ၊ လျင်မြန်သောဉာဏ်တို့ဖြင့် အကျိုးထူးကို ရရှိခံစားနိုင်ကြပါစေသော်

ဗောဓိဉာဏ်၏ အထောက်အပံ့ကောင်းဖြစ်သော ပညာပါရမီ ကုသိုလ်များ ဖြစ်ပါစေသော်

မဂ်ဉာဏ်၊ ဖိုလ်ဉာဏ်၊ မြတ်နိဗ္ဗာန်သို့ ရောက်ရာရောက်ကြောင်း အထောက်အပံ့ကောင်း ဖြစ်နိုင်ကြပါစေကုန်သော် 🙏🙏🙏

"သံဃသဒ္ဓါယ နိဗ္ဗာနဿ ပစ္စယော ဟောတု" 🙏
‌
https://www.facebook.com/share/p/16Y59eu17U/

Namaste 🙏

Prana Healing
Religion to Responsibility

#မြတ်သောဒါန #မစိုးရိမ်

09/11/2025

✨ အခမဲ့ မေတ္တာ Healing အလှူဒါန ✨
​"Healing လိုအပ်သူ မည်သူမဆို healing ခံယူနိုင်ပါသည်"
​ဆရာ Ashwin Kumar ဦးဆောင်မည့် Myitta Healing Program (မြတ်သောဒါန) သို့ မေတ္တာဖြင့် ဖိတ်ခေါ်အပ်ပါသည်။
​ယ္ခုအစီအစဥ်ဟာ ဆရာ့ရဲ့ မေတ္တာနဲ့ ကုသိုလ်ပြုခြင်းဖြစ်တာကြောင့် ဘယ်သူမဆို အခမဲ့ တက်ရောက်ပြီး healing ခံယူနိုင်မယ့် အစီအစဉ်ကောင်းတစ်ခု ဖြစ်ပါတယ်။
​အစီအစဉ်အသေးစိတ်
​🗓️ နေ့ရက်: 11-11-2025 (Tuesday)
🕗 အချိန်: ည 8:00 (မြန်မာစံတော်ချိန်)
💻 Platform: Zoom (အခမဲ့ တက်ရောက်နိုင်ပါသည်)
​Healing ခံယူလိုသူများ လိုက်နာရမည့် အချက်များ
​Healing အပြည့်အဝရရှိစေရန်၊ အဆင်ပြေစေရန်အတွက် ဒီအချက်လေးတွေကို လိုက်နာပေးပါနော်။
​1️⃣ Zoom တွင် Video အမြဲဖွင့်ထားရပါမည်။
2️⃣ Zoom တွင် Raise Hand (✋) ခလုတ်ကို နှိပ်ထားရပါမည်။
3️⃣ မိမိ healing ခံယူလိုသည့် အကြောင်းအရာကို ဆရာ Ashwin အား တိကျစွာ ပြောကြားပေးရပါမည်။
4G Camera ရှေ့တွင် ရှင်းလင်းစွာ မြင်သာအောင် ထိုင်ပေးရပါမည်။
5️⃣ Internet Line ကောင်းမွန်ရန် ကြိုတင်ပြင်ဆင်ထားပေးပါ။
​👇 Zoom Meeting သို့ တိုက်ရိုက်ဝင်ရန် 👇
​Join Zoom Meeting:
https://us02web.zoom.us/j/83092542050?pwd=bRGTM0z8n01YHmS6bakGXCUIMGnDyp.1

​Meeting ID: 830 9254 2050
Passcode: 29298

​🔸 မှတ်ချက်: ID ကြိုတင် လျှောက်ထားရန် မလိုပါ။ မည်သူမဆို အခမဲ့ တက်ရောက်၍ healing ခံယူနိုင်ပါသည်။
​❤️ Share ပေးခြင်းဖြင့် ကုသိုလ် ပါဝင်ယူပါ ❤️
​သင်ချစ်ခင်ရသူများ၊ မိသားစုဝင်များ၊ ဒါမှမဟုတ် healing လိုအပ်နေသူ မိတ်ဆွေများကို mention ခေါ်ပြီး ဒီ post လေးကို Share လုပ်ပေးခြင်းဖြင့် ဒီမေတ္တာကုသိုလ်မှာ အတူတကွ ပါဝင်နိုင်ပါတယ်နော်။
​Namastae🙏
Admin
Religion to Responsibility

05/11/2025

ချစ်သော Parana Healing (မြတ်သောဒါန) မိသားစုဝင်များရှင့် 🙏💚

ယနေ့ 05.11.2025 တွင် Prana Healing Myanmar ရဲ့ဖခင် ဆရာ Ashwin Kumar အားအမှူးထား၍ ဆရာ့အားကျေးဇူးဆပ်သောအားဖြင့် Prana Healing Myanmar မိသားစုဝင်များမှ လှိုင်သာယာ 8 ရပ်ကွက် သုမာလာလမ်းတွင်ပြုလုပ်ကျင်းပသော နိဗ္ဗာန်စျေးပွဲတော်အလှူ၌ လူအယောက် ၁၀၀ စာအား နိဗ္ဗာန်ကိုရည်စူး၍ ပါဝင်လှုဒါန်းကုသိုလ်ပြုခဲ့ကြပါတယ်ရှင်။

ဤသို့ပြုလုပ်ရသော ကုသိုလ်ကောင်းမှုကံ စေတနာတို့ကြောင့် ကျေးဇူးရှင်ဆရာ Ashwin Kumar နှင့်အတူ မိသားစုဝင်တစ်ယောက်ချင်းစီတိုင်းသည် လောကီလောကုတ္တရာ ကောင်းကျိုးအဖြာဖြာများ ရရှိနိူင်ကြပါစေ။ ကျန်းမာရွှင်လန်းစွာဖြင့် မိမိအကျိုး လောကကောင်းကျိုးတို့ကို ဆထက်တပိုးတိုးပြီး ဆောင်ရွက်နိူင်ကြပါစေကြောင်း မေတ္တာဖြင့် တောင်းဆုပြုလိုက်ပါတယ်ရှင်။

၃၁ ဘုံမှာရှိကြကုန်သော ဝေနေယျများစွာ သတ္တဝါအားလုံးတို့လည်း မိမိတို့နဲ့ ကုသိုလ်ထပ်တူရကြပါစေရန် အမျှပေးဝေပါတယ်ရှင်။

"ဣဒံ မေပုညံ ဗောဓိဉာဏဿ ပစ္စယော ဟောတု" 🙏🙏🙏

Namastae 🙏🌹
Admin
Religion to Responsibility

#သစ္စာအမြင် #မြတ်သောဒါန

03/11/2025

အားလုံး မင်္ဂလာပါခင်ဗျာ။
အခုဆိုရင် 2025 ရဲ့ နှစ်ကုန်ခါနီးဖြစ်နေပြီ။ ကျွန်တော်တို့ ဖြတ်သန်းလာခဲ့ရတဲ့ ဒီ 2025 ကို
ပြန်လည်သုံးသပ်ကြည့်မယ်ဆိုရင် ဒီ 2025 ဟာ ကျွန်တော်တို့တွေ ဘယ်လိုအခက်အခဲမျိုးတွေကို ကြုံတွေ့ရ ကြုံတွေ့ရ ယခုအချိန်ထိ ကောင်းမွန်စွာ ရှင်သန်ရပ်တည်နိူင်သူတွေ ဖြစ်နေကြတာကို ထင်ရှားစွာသိမြင်ရပါတယ်။

အဲဒီတော့ဗျာ ကျွန်တော် ဒီ 2025 ကို အားလုံးရဲ့ စုပေါင်းမေတ္တာနဲ့ ဖြတ်ကျော်ရအောင်၊ အကောင်းဆုံး အဆုံးသတ်နိူင်ဖို့အတွက် ဒီ Affirmation လေးတစ်ခုကို စီစဥ်ပေးလိုက်ပါတယ် ခင်ဗျာ။ အားလုံးလိုက်လုပ်ကြည့်ရအောင်နော်။

ဒီ Affirmation ကို ကျွန်တော်တို့ ဥုံနဲ့စမယ်၊ ဥုံနဲ့ ဆုံးမယ်နော်။ ဥုံကိုဆိုတဲ့အခါ လေကိုအစအဆုံးရှူမယ်၊ လေကိုထုတ်တဲ့အခါ ဥုံနဲ့ ဆိုရင်း လေကိုထုတ်မယ်နော်။

🕉 x 3 ကြိမ်

အခုစမယ်နော်။

🏵 ငါဟာ တွေ့ကြုံလာခဲ့တဲ့ အခက်အခဲများနဲ့ လောကဓံတွေကို ရင်ဆိုင်ကျော်ဖြတ်နိူင်တဲ့ ခွန်အားကြီးသူဖြစ်တယ်။ ငါ ခံနိူင်ရည်ရှိတယ်။ ငါ ဒီနှစ်မှာ ကြုံခဲ့ရတဲ့ အကောင်းအဆိုးတွေကို အကြောင်းအကျိုးအဖြစ်လက်ခံတယ်။ ငါ အကောင်းမြင်စိတ်နဲ့ ကြည့်တယ်နော်။ ဒီကြုံတွေ့ခဲ့ရတဲ့ အတွေ့အကြုံတွေဟာ ငါ့ရဲ့စိတ်ဓါတ်ကို ပိုပြီးခိုင်မာစေတယ်။ ငါကြီးပွားတိုးတက်ရေးအတွက် ငါသင်ယူတယ်နော်။ ငါ့ကို အထောက်အကူပြုတယ်နော်။

🏵 ငါဟာ ငါ့ရဲ့ ရည်မှန်းချက်ပန်းတိုင်ဆီကို တွန့်ဆုတ်ခြင်းမရှိပဲနဲ့ သတ္တိရှိရှိ ငါအရောက်သွားနိူင်ခဲ့တယ်နော်။ ငါ့ရဲ့ အိမ်မက်တွေကို၊ ငါ့ရဲ့ ရည်မှန်းချက်တွေကို ငါအကောင်းဆုံး အကောင်အထည်ဖော်နိူင်ခဲ့တယ် ငါယုံကြည်တယ်နော်။ ငါဒီနှစ်မှာ ရခဲ့တဲ့ အောင်မြင်မှုနဲ့ ပျော်ရွှင်မှုတွေကို အကြီးကြီးပဲဖြစ်ဖြစ် သေးသေးပဲဖြစ်ဖြစ် ငါတန်ဖိုးထားတယ်၊ ငါ ဂုဏ်ယူတယ်။ ငါ ဒီထက်အောင်မြင်မယ်နော်။ ငါ ကျေးဇူးတင်တယ်နော်။

🏵 ငါဟာ ငါ့ရဲဆရာသခင် ကျေးဇူးရှင်တွေရဲ့ အဆုံးအမတွေကို ဦးထိပ်ပန်ဆင်ပြီးတော့ လမ်းမှန်ပေါ်လျှောက်လှမ်းမယ်။ ငါ့ကိုစောင့်ရှောက်ပေးနေတဲ့ ဆရာကောင်း၊ မိတ်ဆွေကောင်းတွေနဲ့ ငါ့ရဲ့မိသားစုဝင်ကောင်းများစွာ ငါ့မှာရှိတယ်နော်။ ငါဟာ ငါကို စောင့်ရှောက်နေကြတဲ့ သမာဒေဝ နတ်ကောင်းနတ်မြတ်တို့နဲ့ Universe ရဲ့ သင်ကြားပြသမှုတွေကို ငါ လက်ခံရရှိတဲ့သူဖြစ်တယ်နော်။ ငါ အားလုံးကို ကျေးဇူးတင်တယ်နော်။

🏵 ငါဟာ ငါ့ရဲ့ ရှေးဘဝ​အဆက်ဆက်မှာရော ယခုဘဝမှာရော ငါပြုလုပ်စုဆောင်းထားတဲ့ ငါ့ရဲ့ ဒါန၊ သီလ၊ ဘာဝနာ အစရှိတဲ့ ကုသိုလ်တွေ ငါ အားကိုးစရာရှိတယ်နော်။ ဒီကုသိုလ်တွေကို ငါအမြဲအားထားတယ်နော်။ ငါဟာ ဒါန သီလ ဘာဝနာ ကုသိုလ်မှန်သမျှတို့ကို တနေ့ထက်တနေ့ တိုးတိုးပြီးလုပ်နိုင်နေတယ်နော်။ ငါ့ဘဝ အဆက်ဆက် သံသရာက မိဘဆွေမျိုး ဆရာသမားတို့ကို ငါဓမ္မနည်းလမ်းကျကျနဲ့ ကျေးဇူးဆပ်နိူင်ခဲ့ပြီ ဖြစ်တယ်နော်။ ငါ ကျေးဇူးတင်တယ်နော်။

🏵 ငါဟာ စကြာဝဠာ တခုလုံးအပေါ်မှာ မေတ္တာဓာတ်လွှမ်းခြုံနိူင်တယ်၊ အမုန်းတရားနဲ့ အာဃာတတွေ ဒေါသအငြိုးတွေ ကင်းအောင် ငါ ကျင့်ကြံနေနိူင်တဲ့သူဖြစ်တယ်နော်။ ငါကျေးဇူးတရားကို သိတတ်တယ်၊ ငါ အကောင်းမြင်တတ်တဲ့သူဖြစ်တယ်နော်။ ငါဟာ မိမိနဲ့ သူတပါး အားလုံးအပေါ်မှာ ဗြဟ္မာစိုရ်တရားလေးပါးနှင့်အညီ ငါ နှလုံးသွင်း ဆက်ဆံနိူင်တဲ့သူဖြစ်တယ်နော်။ ငါ အားလုံးကို ကျေးဇူးတင်တယ်နော်။

🏵 ငါဟာ ငါ့ကို တိုးတက်အောင် လုပ်တဲ့သူတွေကိုလည်း ငါကျေးဇူးတင်တယ်၊ ငါ့ကို ကျဆင်းအောင် လုပ်တဲ့သူတွေကိုလည်း ငါကျေးဇူးတင်တယ်။ ငါ့ရဲ့ဘုရားသခင်နဲ့ ကျေးဇူးရှင် ခင်ပွန်းကြီးဆယ်ပါးကိုလည်း ငါကျေးဇူးတင်တယ်။ ငါ Universe ရဲ့ ကလေးလေးဖြစ်တယ်နော်။

🏵 အခုလာမယ့် နှစ်သစ်မှာ ငါ ထပ်မံရရှိလာမယ့် ကောင်းခြင်းမင်္ဂလာတွေ၊ အောင်မြင်ခြင်းတွေ၊ ငါ့ရဲ့ စိတ်ချ​မ်းမြေ့မှုတွေကို ငါလက်ခံဖို့ အဆင်သင့်ဖြစ်နေပြီနော်။ ငါထိုက်တန်တယ်နော်။ ငါဟာယုံကြည်တယ် ငါအောင်မြင်ပြီနော်။

🏵 ငါ အားလုံးကိုချစ်တယ်။ သတ္တဝါအားလုံးကိုချစ်ပါတယ်။ သတ္တဝါအားလုံးရဲ့ မေတ္တာတွေကို ငါခံယူပါတယ်။ ငါ အားလုံးကိုကျေးဇူးတင်ပါတယ်။

🕉 x 3 ကြိမ်

အားလုံး ဘေးခပ်သိမ်း ရန်ခပ်သိမ်း ကင်းဝေးကြပါစေဗျာ။ နှလုံးစိတ်ဝမ်း အေးချမ်းပါစေဗျာ။

Namastae ပါ 🙏🌹

အားလုံး မင်္ဂလာပါခင်ဗျာ။ အခုဆိုရင် 2025 ရဲ့ နှစ်ကုန်ခါနီးဖြစ်နေပြီ။ ကျွန်တော်တို့ ဖြတ်သန်းလာခဲ့ရတဲ့ ဒီ 2025 ကို .....

02/11/2025

ချစ်သော Parana Healing(မြတ်သောဒါန) မိသားစုဝင်များရှင့် 💚

🎗Prana Healing (မြတ်သောဒါန)၏ပဲ့ကိုင်ရှင် ဆရာ Ashwin အားအမှူးထား၍
ရန်ကုန်မြို့ Healing Center-2 (Kamaryut Township )၌
✨🌷 ( 2. 11. 25 ) တနင်္ဂနွေနေ့ တွင်

✅ ဆရာ့မေတ္တာများအားခံယူ၍ မေတ္တာ Healing ခံယူလိုသူများအတွက် Healing ပေးခြင်းတို့ကို ကုသိုလ်ပြုဆောင်ရွက်ခဲ့ကြပြီးဖြစ်ပါတယ်

🤝 လာရောက်ကူညီသူ Healers = 9 ယောက်

👥 Healing လာရောက်ခံယူသူ Clients 8 ယောက်

✅ စုစုပေါင်း 17 ယောက်တို့မှ မေတ္တာပေးခြင်း မေတ္တာခံယူခြင်းများကိုပျော်ရွှင်စွာ ဆောင်ရွက်ခဲ့ကြပါတယ်🙏🙏🙏

🌷✨မြတ်သောဒါန ကုသိုလ်ပြုဆောင်ရွက်ခဲ့ကြပါသည် 🙏

Prana Healing မိသားစုဝင်များအနေဖြင့် ဆရာနှင့်ထပ်တူ ပါဝင်ကုသိုလ်ယူခဲ့ကြပါသည်။

ဆရာနှင့်ထပ်တူ မြတ်ကုသိုလ် ရနိုင်ကြပါစေ 🙏

မြတ်သောဒါန အစီအစဉ်ဖြစ်မြောက်အောင် ဦးဆောင်ပြုလုပ်ပေးသူများနှင့် လာရောက်အား
ဖြည့်ကူညီပေးကြပါသော တဦးတယောက်ချင်းစီတိုင်းကိုလည်း ကျေးဇူးအထူးတင်ရှိပါသည် 🙏

🏠Center နေရာအား ကူညီပေးသောမိသားစုများအားလည်း ကျေးဇူးအထူးတင်ရှိပါတယ်

"ဣဒံ မေပုညံ ဗောဓိဉာဏဿ ပစ္စယော ဟောတု" 🙏🙏🙏

Namaste 🙏
Admin
Religion to Responsibility

29/10/2025

ချစ်သော Parana Healing(မြတ်သောဒါန) မိသားစုဝင်များရှင့်💚💚💚

🎗Prana Healing (မြတ်သောဒါန)၏ ပဲ့ကိုင်ရှင် ဆရာ Ashwin အားအမှူးထား၍ ရန်ကုန်ဧရိယာအတွင်း၌ Healing Center 2 (Kamaryut Township ) တွင်

✨🌷မေတ္တာ Healing ခံယူလိုသော Clients များနှင့် မေတ္တာ Energy များကိုဖြန့်ဝေလိုပါသော Healers များကိုနွေးထွေးစွာဖြင့်ကြိုဆိုပါရစေရှင့်💚💚💚

✨🌷 ယခု
( 2. 11. 2025 ) တနင်္ဂနွေနေ့ တွင်
✅ ဆရာ့မေတ္တာများအားခံယူ၍Healers များမှ စုပေါင်း Chakra meditation & Energy work ဆောင်ရွက်ခြင်း

✅ မေတ္တာ Healing ခံယူလိုသူများအတွက် Healing ပေးခြင်းတို့ကို ကုသိုလ်ပြုလုပ်ဆောင်ရွက် မည်ဖြစ်ပါသည်။

🌷✨သို့ပါ၍ Healing ခံယူလိုသူများမှ

ဆရာလေးပညာစာရီ - 09767288835/09420182842
မသန်းသန်းစိုး - 09797221617

ထံသို့ ဆက်သွယ်စာရင်းပေးနိုင်ပါတယ်ရှင့် 🙏

✅ စာရင်းကို ( 1. 11. 2025 )နေ့ နောက်ဆုံးကြိုတင်စာရင်းပေးခြင်းဖြင့် ထပ်ဆင့်မေတ္တာရယူလိုက်ပါရှင့်....

Address for Location 👇
R4CC+R24 Yangon
https://goo.gl/maps/GtqLMKDJDSuTow5o6

ဆရာလေးပညာစာရီ

တိုက် ၇၉/၈၀ အခန်း ၄၀၁
အောင်သုခလမ်း(၅)ရပ်ကွက်
ကမာရွတ်မြို့နယ်

( ဆင်မလိုက်ဈေးနောက်ကျော၊ ၃ထောင်ကွေ့မီးပွိုင့် ဟံသာရိပ်မွန် အိမ်ရာဝန်းအနီး )

Namaste 🙏
Admin
Religion to Responsibility

26/10/2025

ချစ်သော Parana Healing(မြတ်သောဒါန) မိသားစုဝင်များရှင့် 💚

🎗Prana Healing (မြတ်သောဒါန)၏ ပဲ့ကိုင်ရှင် ဆရာ Ashwin အားအမှူးထား၍ -

ရန်ကုန်မြို့ Healing Center-3
( North Dagon Township )၌
✨🌷 ( 26. 10. 2025 ) တနင်္ဂနွေနေ့တွင်

✅ ဆရာ့မေတ္တာများအားခံယူ၍ မေတ္တာ Healing ခံယူလိုသူများအတွက် Healing ပေးခြင်းတို့ကို ကုသိုလ်ပြုဆောင်ရွက်ခဲ့ကြပြီးဖြစ်ပါတယ်

🤝 လာရောက်ကူညီသူ Healers = 11 ယောက်

👥 Healing လာရောက်ခံယူသူ Clients 7 ယောက်

✅ စုစုပေါင်း 18 ယောက်တို့မှ မေတ္တာပေးခြင်း မေတ္တာခံယူခြင်းများကိုပျော်ရွှင်စွာ ဆောင်ရွက်ခဲ့ကြပါတယ်🙏🙏🙏

🌷✨မြတ်သောဒါန ကုသိုလ်ပြုဆောင်ရွက်ခဲ့ကြပါသည် 🙏

Prana Healing မိသားစုဝင်များအနေဖြင့် ဆရာနှင့်ထပ်တူ ပါဝင်ကုသိုလ်ယူခဲ့ကြပါသည်။

ဆရာနှင့်ထပ်တူ မြတ်ကုသိုလ် ရနိုင်ကြပါစေ 🙏

မြတ်သောဒါန အစီအစဉ်ဖြစ်မြောက်အောင် ဦးဆောင်ပြုလုပ်ပေးသူများနှင့် လာရောက်အား
ဖြည့်ကူညီပေးကြပါသော တဦးတယောက်ချင်းစီတိုင်းကိုလည်း ကျေးဇူးအထူးတင်ရှိပါသည် 🙏

🏠Center နေရာအား ကူညီပေးသောမိသားစုများအားလည်း ကျေးဇူးအထူးတင်ရှိပါသည်။

"ဣဒံ မေပုညံ ဗောဓိဉာဏဿ ပစ္စယော ဟောတု" 🙏🙏🙏

Namaste 🙏
Admin
Religion to Responsibility

#မြတ်သောဒါန