http://rohtojapaneyehospital.com/

Golden Light - Rohto Eye Hospital, 62nd Street x 102nd (Padauk) Street, Chanmyathazi Township, Mandalay (2026)

Q: What is the address?

62nd Street X 102nd (Padauk) Street, Chanmyathazi Township

31/01/2026

ဒုတိယအခွင့်အရေးဆိုတာ အမြဲတမ်းရှိနေတတ်တဲ့အရာ မဟုတ်ပါဘူး။

မျက်စိဝေဒနာတချို့ကလည်း ထိုနည်းလည်းကောင်းပါပဲ။ မခံမရပ်နိုင်အောင် နာကျင်လာမှ၊ လုံးဝမမြင်ရတော့မှ အရေးပေါ်အခြေအနေဖြစ်တာ မဟုတ်ပါဘူး။ "ဘာမှမဟုတ်လောက်ပါဘူး" သင်ထင်ထားတဲ့လက္ခဏာတချို့က သင့်အမြင်အာရုံကိုကယ်တင်ဖို့ ပထမဆုံးနဲ့ နောက်ဆုံးအခွင့်အရေးလည်း ဖြစ်နေနိုင်ပါတယ်။

ဒါကြောင့် ဒီနေ့မှာတော့ မျက်စိဆရာဝန်နဲ့ ချက်ချင်းပြသဖို့လိုအပ်နိုင်တဲ့ အမြင်အာရုံဆိုင်ရာလက္ခဏာတွေကို အများသူငါသတိပြုနိုင်အောင် မျှဝေလိုက်ပါတယ်။

▪️ရုတ်တရက် အမြင်အာရုံပြောင်းလဲခြင်း - ရုတ်တရက် အမြင်ကွယ်သွားခြင်း၊ ပုံရိပ်နှစ်ထပ်မြင်ခြင်း၊ အမြင်အာရုံဝေဝါးသွားခြင်း၊ မျက်စိရှေ့မှာ အမည်းရောင်လိုက်ကာတစ်ခု ကာလိုက်သလိုဖြစ်ခြင်း။

▪️လျှပ်စီးလက်သလိုမြင်ခြင်း၊ အမည်းစက်များမြင်ရခြင်း - မျက်စိရှေ့မှာ အမည်းစက်များ၊ ပင့်ကူအိမ်လိုမျိုးအမျှင်များ ရုတ်တရက်အများအပြား ပေါ်လာပြီး လျှပ်စီးလက်သလို အလင်းတန်းများမြင်နေရခြင်း။

▪️ပြင်းထန်စွာ နာကျင်ကိုက်ခဲခြင်း၊ နေရခက်ခြင်း - မျက်စိအတွင်း ပြင်းထန်စွာနာကျင်ခြင်း၊ နီရဲလာခြင်း၊ မျက်စိထဲ တစ်ခုခုဝင်နေသလိုခံစားရခြင်း။

▪️ထိခိုက်ဒဏ်ရာရခြင်းနှင့် ဓာတုပစ္စည်း မျက်လုံးထဲဝင်ခြင်း - မျက်စိကို တစ်ခုခုနဲ့ ပြင်းထန်စွာထိခိုက်မိခြင်း၊ အက်ဆစ် (သို့) အယ်လ်ကာလီလိုမျိုး ဓာတုပစ္စည်းတွေ မျက်စိထဲ မတော်တဆဝင်ခြင်း။

▪️ဆက်စပ်လက္ခဏာများဖြစ်ပေါ်ခြင်း - မျက်စိဝေဒနာနဲ့အတူ ပြင်းထန်စွာ ခေါင်းကိုက်ခြင်း၊ ဖျားခြင်း၊ ပျို့အန်ခြင်း၊ ခန္ဓာကိုယ်တစ်ခြမ်း ထုံကျင်ခြင်းတစ်ခုခုကိုပါ ခံစားရခြင်း။

▪️အလင်းရောင်တွေမှာ ရောင်စုံအကွင်းများမြင်ရခြင်း - မီးချောင်း (သို့) အလင်းရောင်ကို ကြည့်တဲ့အခါ ဘေးပတ်ပတ်လည်မှာ ရောင်စုံအကွင်း၊ စက်ဝိုင်းတွေ ဝိုင်းရံနေသလိုမြင်ရခြင်း။

▪️မျက်စိရောင်ရမ်းခြင်း - မျက်လုံးထဲမှာ (သို့) မျက်လုံးတစ်ဝိုက် သိသိသာသာ ရောင်ရမ်းလာခြင်း။

▪️မျက်လုံးလှုပ်ရှားရခက်ခဲခြင်း - မျက်လုံးကို ဖွင့်ရခက်ခြင်း (သို့) ဘယ်ညာအထက်အောက် ရွေးလျားလှည့်ပတ်ကြည့်ရန် ခက်ခဲလာခြင်း။

ဒီအချက်တွေကို သတိပြုဖို့အရေးကြီးပါတယ်။
ဘာကြောင့်လဲဆိုရင် တချို့လက္ခဏာတွေဟာ မြင်လွှာကွာခြင်းလိုမျိုး အချိန်မီမကုရင် အမြင်အာရုံဆုံးရှုံးနိုင်တဲ့အခြေအနေ ဖြစ်နေနိုင်သလို ... ပြင်းထန်တဲ့ရောင်ရမ်းမှု၊ အာရုံကြောပြဿနာတွေလည်း ဖြစ်နေနိုင်တာမို့ မပေါ့ဆဘဲ မျက်စိဆရာဝန်နဲ့ အမြန်ဆုံးပြသဖို့ တိုက်တွန်းလိုက်ပါတယ်။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

29/01/2026

"စာလုံးတွေကြည့်ရတာ မရှင်းလင်းဘူး"
"ခပ်လှမ်းလှမ်းကဆိုရင် မျက်နှာတောင်မသဲကွဲဘူး"
"ညဘက်တွေဆို ကြည့်လို့မကောင်းဘူး"

ဒီလိုတွေခံစားရတဲ့အခါ "အသက်ကြီးလို့ဖြစ်မှာပါ"၊ "မျက်စိအာရုံစိုက်တာများလို့နေမှာပါ" ဆိုပြီး လျစ်လျူရှိထားမိနေလား။ တကယ်တော့ ဝေဒနာဆိုတာ ရှိလာပြီဆိုရင် အချိန်ဆွဲထားလေလေ ပိုဆိုးလာဖို့ပဲရှိပါတယ်။

👉 မျက်စိ၊ မျက်မှန် စမ်းသပ်စစ်ဆေးမှုတွေကို အချိန်နောက်မကျခင် အမြန်ဆုံးပြုလုပ်သင့်ပါတယ်

အမြင်အာရုံပြဿနာတွေမှာ မျက်မှန်နဲ့ဖြေရှင်းလို့ရတာရှိသလို၊ မျက်စိဆရာဝန်နဲ့ ကုသမှုခံယူမှရတာမျိုးလည်းရှိတာကြောင့် နားလည်တတ်ကျွမ်းတဲ့ မျက်စိဆေးရုံကိုသွားရောက်တာ အကောင်းဆုံးပါပဲ။

✅ သင့်မျက်စိအတွက်ဆိုရင် တစ်နေရာတည်းမှာ မျက်မှန်ရော၊ မျက်စိကျန်းမာရေးအတွက်ပါ အကောင်းဆုံးစောင့်ရှောက်မှုပေးနေတဲ့ ရွှေအလင်းရောင်(ရိုတို)ကိုသာ ကြွလှမ်းခဲ့ပါနော်။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

26/01/2026

"မျက်စိခွဲရမယ်" လို့ ဆရာဝန်ကပြောလိုက်ရင် လူတိုင်းက စိုးရိမ်သွားကြတာ သဘာဝပါ။ အထူးသဖြင့် ကျွန်တော်တို့ မြန်မာလူမျိုးတွေစိတ်ထဲမှာ အရိုးစွဲနေတဲ့အကြောက်တရားလေးတွေလည်း ရှိတတ်ကြပါတယ်။ ဒါတွေက တကယ်ပဲ ကြောက်စရာကောင်းသလားဆိုတာ ဒီနေ့မှာ ရှင်းလင်းဖော်ပြပေးသွားပါမယ်။

🚨 "မျက်စိကို ဓားနဲ့ခွဲမှာလား"

လူတော်တော်များများက မျက်စိကို ဓားနဲ့ခွဲစိတ်မယ်ထင်ပြီး တွေးကြောက်တတ်ကြပါတယ်။ တကယ်တော့ ဒီနေ့ခေတ်မှာ မျက်စိခွဲစိတ်မှုအများစုက ဓားနဲ့မဟုတ်တော့ပါဘူး။ အလွန်သေးငယ်တဲ့ အပေါက်လေးကနေတစ်ဆင့် အသံလှိုင်း (Ultrasound)နဲ့ဖြစ်ဖြစ်၊ ဒါမှမဟုတ် လေဆာ (Laser) နဲ့ဖြစ်ဖြစ် ခွဲစိတ်တာပါ။ မျက်စိကို ပြန်ချုပ်ရတာမျိုးတောင် မရှိသလောက်နည်းသွားပြီပဲဖြစ်ပါတယ်။

🚨 "မျက်စိကိုဖွင့်ထားရမှာဆိုတော့ နာမှာပေါ့"

"လူကအသိရှိနေတဲ့အချိန် မျက်စိကို ခွဲစိတ်နေတာ နာရင်ဘယ်လိုလုပ်မလဲ" လို့ တွေးကြောက်တာမျိုးလည်း ရှိကြပါသေးတယ်။ တကယ်ကျ ခွဲစိတ်ခါနီးမှာ ထုံဆေးမျက်စဉ်း ခတ်ပေးမှာဖြစ်လို့ မျက်စိက ထုံသွားပါလိမ့်မယ်။ ခွဲနေတဲ့အချိန်မှာ ဆရာဝန်က အလင်းရောင်လေးတစ်ခုကိုပဲ ကြည့်ခိုင်းထားမှာဖြစ်ပြီး ဘာတွေလုပ်နေလဲဆိုတာ မမြင်ရသလို၊ နာကျင်မှုကိုလည်း လုံးဝမခံစားရပါဘူး။

🚨 "ခွဲပြီးမှ ပိုဆိုးသွားရင် ဘယ်လိုလုပ်မလဲ"

ဒါကတော့ အဆိုးဆုံးကို တွေးပူတာမျိုးပါ။ နည်းပညာတိုးတက်လာတဲ့ ဒီနေ့ခေတ်မှာ အတွင်းတိမ်၊ ရေတိမ်စတဲ့ခွဲစိတ်မှုတွေဟာ အောင်မြင်မှုနှုန်း ၉၅% အထက် ရှိပါတယ်။ တကယ်က မခွဲဘဲ ထားလိုက်လို့ မျက်စိကွယ်သွားတာကမှသာ ပိုကြောက်ဖို့ကောင်းတာပါ။

🚨 "ခွဲပြီးရင် အကြာကြီးနားနေရမှာလား"

စားဝတ်နေရေး၊ အလုပ်ကိစ္စ၊ ကိုယ်ရေးကိုယ်တာတွေကြောင့် အကြာကြီး အနားယူရမှာကို စိုးရိမ်ကြပါတယ်။ အတွင်းတိမ်၊ ရေတိမ်အစရှိတဲ့ ခွဲစိတ်မှုတွေဟာ ပြီးတာနဲ့ ဆေးရုံကချက်ချင်းဆင်းလို့ရတဲ့ အပြင်လူနာကုထုံးတွေပါ။ အိမ်ပြန်ရောက်ရင် ပုံမှန်အတိုင်း လမ်းလျှောက်နိုင်၊ စကားပြောနိုင်ပါတယ်။ ရက်ပိုင်းအတွင်းမှာတင် ပုံမှန်အလုပ်တွေကို ပြန်လုပ်နိုင်ပါပြီ။ (မျက်စိမထိခိုက်အောင် ဆောင်ရ၊ ရှောင်ရမှာလေးတွေတော့ ဂရုစိုက်ရပါမယ်။)

အတွင်းတိမ်ကြောင့် မှုန်နေတာပဲဖြစ်ဖြစ်၊ ရေတိမ်ကြောင့် ဝေဒနာခံစားရတာပဲဖြစ်ဖြစ် အချိန်မီခွဲစိတ်လိုက်တာက အမြင်အာရုံကို တစ်သက်လုံး ဆုံးရှုံးမသွားအောင် ကာကွယ်ပေးနိုင်တာပါတယ်။
ဒါကြောင့် လိုအပ်လာရင် မျက်စိခွဲဖို့ကို "မကြောက်ပါနဲ့" လို့ အားပေးပါရစေ။

ရွှေအလင်းရောင်(ရိုတို)မှ ကျွမ်းကျင်တဲ့ ဆရာဝန်ကြီးတွေနဲ့ ခေတ်မီစက်ကိရိယာတွေကလည်း သင့်မျက်စိအတွက် အကောင်းဆုံးစောင့်ရှောက်ကုသမှုကိုပေးမှာဖြစ်လို့ စိတ်အေးချမ်းသာစွာ ခွဲစိတ်ကုသမှုခံယူလိုရင် ကြွလှမ်းခဲ့ဖို့ဖိတ်ခေါ်လိုက်ပါတယ်။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

23/01/2026

ဖုန်း၊ ကွန်ပျူတာ ကြည့်တာကြာလာရင် မျက်စိညောင်းရုံသာမက ဇက်ကြောပါ တောင့်တင်းကိုက်ခဲ လာတာကို လူအများစု ခံစားဖူးကြမှာပါ။ အမြင်အာရုံနဲ့ ဇက်ကြောဟာ မဆိုင်သလိုထင်ရပေမယ့် တကယ်တော့ နီးကပ်တဲ့ဆက်နွယ်မှု ရှိနေပါတယ်။

အဓိက အကြောင်းရင်းတွေကို ပြောရမယ်ဆိုရင်တော့ ...

၁။ ခေါင်းအရှေ့ထွက်ခြင်း

မျက်လုံးကပင်ပန်းလာတဲ့အခါ၊ စကားလုံးတွေကို သေချာမမြင်ရတဲ့အခါ လူကသတိမထားမိလိုက်ဘဲ ခေါင်းကိုရှေ့ထုတ်ပြီး ကြည့်တတ်ကြပါတယ်။ ခေါင်း ၁ လက်မခန့် ရှေ့တိုးတိုင်း လည်ပင်းကြွက်သားတွေအပေါ်ပိတဲ့ဝန်က ၁၀ ပေါင်ခန့် တိုးလာပါတယ်။ ဒါကြောင့် ဇက်ကြောတွေ တောင့်တင်းလာရခြင်းဖြစ်ပါတယ်။

၂။ အာရုံကြောဆိုင်ရာ ချိတ်ဆက်မှု

ကျွန်တော်တို့ရဲ့ မျက်လုံးကြွက်သားတွေကို ထိန်းချုပ်တဲ့ အာရုံကြောတွေနဲ့ လည်ပင်း၊ ပုခုံးက ကြွက်သားတွေဟာ နီးကပ်စွာဆက်နွယ်နေပါတယ်။ မျက်လုံးက အာရုံစိုက်ဖို့အားထုတ်ရတဲ့အခါ လည်ပင်းကြွက်သားတွေပါလိုက်ပြီး တင်းတတ်ပါတယ်။

၃။ Computer Vision Syndrome

မျက်လုံးညောင်းခြင်း၊ ခေါင်းကိုက်ခြင်း၊ ဇက်ကြောတက်ခြင်း ဒီသုံးခုတွဲဖြစ်တာကို CVS လို့ ခေါ်ပါတယ်။ မျက်မှန်ပါဝါမကိုက်ခြင်း၊ ကြည့်ရှုချိန်ကြာမြင့်ခြင်းတို့ကြောင့် မျက်ခုံးအထက်ကနေ ဦးခေါင်းနောက်ဘက်၊ အဲ့ဒီကနေတစ်ဆင့် ဇက်ကြောအထိ အတွဲလိုက် နာကျင်တောင့်တင်းစေပါတယ်။

✅ မဖြစ်အောင် ဘယ်လိုကာကွယ်မလဲ?

▪️Screen ကို မျက်လုံးနဲ့ တစ်တန်းတည်းထားပါ။ ဖုန်း၊ ကွန်ပျူတာ Screen ကို မျက်လုံးနဲ့ တည့်တည့် (သို့) အနည်းငယ်သာ နိမ့်တဲ့နေရာမှာ ထားကြည့်ပါ။ ခေါင်းငုံ့မကြည့်ပါနဲ့။ ခေါင်းရှေ့ထွက်မကြည့်ပါနဲ့။
▪️၂၀-၂၀-၂၀ စည်းမျဉ်းကိုလိုက်နာပါ။ မိနစ် ၂၀ ကြည့်ပြီးတိုင်း ပေ ၂၀ အကွာကို စက္ကန့် ၂၀ ကြည့်ပါ။ ဒီအချိန်မှာ မျက်တောင်ခတ်ပေးဖို့နဲ့ ပုခုံးကို အသာအယာလှည့်ပေးဖို့ မမေ့ပါနဲ့။
▪️မျက်မှန်ပါဝါ စစ်ဆေးပါ။ မျက်လုံးက အားစိုက်ကြည့်နေရသရွေ့ ဇက်ကြောက သက်သာမှာမဟုတ်ပါဘူး။

ဒီတော့ Screen အကြည့်များတဲ့သူတွေအနေနဲ့ ဇက်ကြောတက်တာသက်သာဖို့ဆိုရင် အခုပြောခဲ့တဲ့နည်းလမ်းတွေကို သတိတရနဲ့လိုက်နာလုပ်ဆောင်ပေးဖို့ တိုက်တွန်းလိုက်ပါတယ်။

👉 ခေတ်မီစက်ကိရိယာတွေနဲ့ တိကျမှန်ကန်တဲ့ မျက်စိပါဝါစစ်ဆေးမှုတွေပြုလုပ်လိုရင် ရွှေအလင်းရောင် (ရိုတို) မှာ လာရောက်ပြုလုပ်နိုင်ကြောင်း အသိပေးဖိတ်ခေါ်လိုက်ပါတယ်နော်။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

20/01/2026

ဆီးချိုဆိုတာ နောက်ဆက်တွဲဝေဒနာတွေများတဲ့ ရောဂါတစ်ခုပါ။ မျက်စိကျန်းမာရေးနဲ့ပတ်သက်ရင်လည်း ဆီးချိုရှိသူတွေဟာ သာမန်လူတွေထက် မျက်စိမြင်လွှာပျက်စီးခြင်း (Diabetic Retinopathy)၊ ရေတိမ်၊ အတွင်းတိမ်စတဲ့ အမြင်အာရုံပြဿနာတွေဖြစ်နိုင်ခြေ ပိုများပါတယ်။ ဒါပေမဲ့ ကြိုတင်သတိပြုလိုက်နာမယ်ဆိုရင်တော့ ကြောက်စရာကောင်းတဲ့ နောက်ဆက်တွဲအန္တရာယ်တွေကို ရှောင်ရှားနိုင်မှာဖြစ်လို့ ...

ဒီနေ့မှာတော့ ဆီးချိုကြောင့် အမြင်အာရုံပြဿနာမဖြစ်အောင် လိုက်နာရမယ့် အချက် ၅ ချက်ကို မျှဝေလိုက်ပါတယ်။

၁။ တစ်နှစ်လျှင် အနည်းဆုံးတစ်ကြိမ် မျက်စိစစ်ဆေးပါ 🩺

ဆီးချိုကြောင့် မျက်စိထိခိုက်မှုဟာ အစောပိုင်းမှာ ဘာလက္ခဏာမှ မပြတတ်ပါဘူး။ ဒါကြောင့် မျက်စိအထူးကုဆရာဝန်နဲ့ ပြသပြီး မျက်စိသူငယ်အိမ်ချဲ့ပြီး Dilated Eye Exam သေချာစစ်ဆေးမှသာ အမြင်အာရုံမထိခိုက်ခင် ကြိုတင်သိရှိကုသနိုင်မှာပါ။

၂။ သွေးတွင်းသကြားဓာတ်ကို ထိန်းချုပ်ပါ 🩸

သွေးချိုအရမ်းတက်ရင် မျက်စိမှန်ဘီလူးက ပုံစံပြောင်းလဲသွားလို့ အမြင်အာရုံ ဝေဝါးလာတတ်ပါတယ်။ သွေးချိုကိုပုံမှန်ဖြစ်အောင် ထိန်းထားခြင်းက မျက်လုံးအတွင်းက သွေးကြောလေးတွေ ပျက်စီးမှုကိုလည်း ကာကွယ်ပေးပါတယ်။

၃။ သွေးတိုးနဲ့ ကိုလက်စထရောကို ဂရုစိုက်ပါ ❤️

သွေးတိုးတာနဲ့ သွေးတွင်းအဆီဓာတ်များတာဟာ မျက်စိရောဂါဖြစ်နိုင်ခြေကို ပိုတိုးစေပါတယ်။ မျက်လုံးကျန်းမာရေးတင်မက ခန္ဓာကိုယ်တစ်ခုလုံးကျန်းမာဖို့အတွက် ဒါတွေကို ပုံမှန်ပမာဏအတွင်းရှိအောင် ထိန်းသိမ်းပါ။

၄။ ဆေးလိပ်ဖြတ်ပါ 🚭

ဆေးလိပ်သောက်ခြင်းက ဆီးချိုကြောင့်ဖြစ်တဲ့ မျက်စိရောဂါတွေကို ပိုမိုဆိုးရွားစေပါတယ်။ ဆေးလိပ်ဖြတ်လိုက်တာဟာ သင့်မျက်လုံးတွေကို အန္တရာယ်တွေကနေ ကာကွယ်ပေးလိုက်တာနဲ့ အတူတူပါပဲ။

၅။ ကိုယ်လက်လှုပ်ရှားမှု ပုံမှန်လုပ်ပါ 🏃‍♂️

လေ့ကျင့်ခန်းလုပ်တာဟာ ဆီးချိုကိုထိန်းချုပ်နိုင်ရုံတင်မကဘဲ မျက်စိကျန်းမာရေးကိုလည်း အထောက်အကူပြုပါတယ်။ နေ့စဉ် လှုပ်လှုပ်ရှားရှား နေထိုင်ပေးပါ။

အမြင်အာရုံဆိုတာ တန်ဖိုးဖြတ်လို့ရတဲ့အရာ မဟုတ်ပါဘူး။ ဒါကြောင့် ဆီးချိုရှိရင် စနစ်တကျကုသပြီး မျက်စိအထူးကုဆရာဝန်နဲ့လည်း တိုင်ပင်ဆွေးနွေးဖို့ကို မမေ့ပါနဲ့နော်။

✅ ကျွမ်းကျင်အားထားရတဲ့ မျက်စိအထူးကုဆရာဝန်တွေနဲ့ ဆွေးနွေးတိုင်ပင်ချင်ရင်တော့ ရွှေအလင်းရောင် (ရိုတို) ကို စိတ်ချယုံကြည်စွာကြွလှမ်းခဲ့ဖို့ ဖိတ်ခေါ်လိုက်ပါရစေ။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

17/01/2026

360p ရုပ်ထွက်ကို ဘာလို့သည်းခံကြည့်နေဦးမှာလဲ❓

လူ့ဦးနှောက်ရဲ့ အာရုံခံစားမှု ၈၀% က မျက်လုံးကနေလာတာပါ။ အမြင်အာရုံမကြည်လင်ဘူးဆိုရင် လူတစ်ယောက်ရဲ့နေ့စဥ်ဘဝက လွယ်ကူချောမွေ့ခြင်းမရှိတော့ဘဲ ခေါင်းကိုက်၊ ဇက်ကြောတက်နဲ့ ပင်ပန်းနေရပါလိမ့်မယ်။

ဒါကြောင့် သင့်အမြင်အာရုံက 360p လိုဝေဝါးနေတဲ့အခါ ဘယ်လိုအကြောင်းနဲ့မှ သည်းခံစောင့်ဆိုင်းမနေပါနဲ့တော့။
📌 Rohto Vision မှာ Full HD Quality ကို အမြန်ဆုံး ပြန်လည်ရယူလိုက်ပါ။

✅ ခေတ်မီတိကျတဲ့ စမ်းသပ်စစ်ဆေးမှု
✅ အရည်အသွေးမှန်၊ ဈေးတန်တဲ့ မျက်မှန်ကိုင်းအမျိုးမျိုး
✅ ဖော်ရွေပျူငှာတဲ့ ဝန်ဆောင်မှုတွေနဲ့ အကောင်းဆုံးအတွေ့အကြုံကို ကိုယ်တိုင်ခံစားနိုင်ဖို့ Rohto Vision ကို အခုပဲလှမ်းလာလိုက်တော့နော်။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

14/01/2026

လူကြီးမိဘတွေ အသက်အရွယ်ရလာတဲ့အခါ အတွင်းတိမ်ဆိုတာ အဖြစ်များတဲ့ရောဂါတစ်ခုပါ။ ဒီလိုနဲ့ ခွဲရစိတ်ရတော့မယ်ဆိုရင် ကြောက်လန့်ကြတာ သဘောဝပါပဲ။ ဒါပေမဲ့ အခုခေတ်မှာ အတွင်းတိမ်ခွဲစိတ်ခြင်းဟာ မိနစ် ၂၀ ဝန်းကျင်ပဲကြာပြီး အလွန်ဘေးကင်းတဲ့ ခွဲစိတ်မှုဖြစ်နေပြီမို့ စိုးရိမ်စရာမရှိသလောက်ဖြစ်နေပါပြီ။

ဒီတော့ ခွဲစိတ်မှုမလုပ်ခင် စိတ်အေးသွားရအောင် ဒါလေးတွေ ကြိုဖတ်ထားပါနော်။ 👇

✅ ခွဲစိတ်မှုမတိုင်ခင် စစ်ဆေးရမယ့်အချက်များ

▪️သွေးတိုး၊ ဆီးချိုရှိမရှိနဲ့ ပုံမှန်ဖြစ်မဖြစ် အရင်စစ်ရပါမယ်။ ဆီးချိုရှိရင် သတ်မှတ်ပမာဏအတွင်းရောက်အောင် အရင်ထိန်းရပါတယ်။
▪️ဆရာဝန်က မျက်စိအတွင်းထဲထည့်သွင်းမယ့် Lens (မျက်စိမှန်ဘီလူး) အတွက် စစ်ဆေးမှုလုပ်ပါလိမ့်မယ်။
▪️မိမိပုံမှန်သောက်နေတဲ့ ဆေးတွေ (အထူးသဖြင့် သွေးကျဆေး၊ သွေးကျဲဆေး) ရှိရင် ဆရာဝန်ကို ကြိုတင်ပြောပြဖို့ မမေ့ပါနဲ့။

🚿 ခွဲစိတ်မယ့်နေ့အတွက် ပြင်ဆင်မှု

▪️ခွဲစိတ်ပြီးရင် မျက်စိကိုရေထိလို့မရတာကြောင့် ခွဲစိတ်မယ့်နေ့မနက်မှာ ခေါင်းလျှော်၊ ရေချိုး သန့်စင်သွားပါ။
▪️မိတ်ကပ်၊ ခရင်မ် (Cream) နဲ့ အမွှေးနံ့သာတွေ (လုံးဝ)လိမ်းမသွားရပါဘူး။
▪️ဆရာဝန်က အစာဖြတ်ခိုင်းထားတာမရှိရင်တော့ ပေါ့ပေါ့ပါးပါး စားသွားလို့ ရပါတယ်။

🏥 ခွဲစိတ်နေစဉ်အတွင်း ဘာတွေခံစားရမလဲ?

▪️မျက်စိထဲကို ထုံဆေးအစက်ချတာ ဒါမှမဟုတ် ထုံဆေးထိုးတာမျိုး လုပ်မှာဖြစ်လို့ ခွဲနေစဉ်မှာ နာကျင်မှာကို လုံးဝမကြောက်ပါနဲ့။ နာကျင်မှုလုံးဝမရှိပါဘူး။
▪️များသောအားဖြင့် ၁၅ မိနစ်ကနေ မိနစ် ၂၀ လောက်ပဲ ကြာတတ်ပါတယ်။ ဆရာဝန်နဲ့ စကားပြောနေရင်းတောင် ပြီးသွားနိုင်ပါတယ်။

🛡️ ခွဲစိတ်ပြီးနောက်ပိုင်း သတိပြုရန်

▪️မျက်စိကို မပွတ်ပါနဲ့။ ခွဲပြီးစမှာ မျက်စိကို အကာအကွယ်လေး တပ်ပေးထားပါလိမ့်မယ်။ လက်နဲ့ပွတ်တာ၊ ထိတာမျိုး လုံးဝမလုပ်ရပါဘူး။
▪️ရေမထိပါစေနဲ့။ ပိုးဝင်တာကိုကာကွယ်ဖို့ အနည်းဆုံးတစ်ပတ်လောက် မျက်စိကို ရေမထိအောင် သတိထားရပါမယ်။
▪️အလေးအပင်မတာ၊ အားစိုက်ရတဲ့ အလုပ်တွေလုပ်တာ၊ ခေါင်းငုံ့တာမျိုးတွေကို ခေတ္တရှောင်ပေးပါ။
▪️ဆရာဝန်ညွှန်ကြားတဲ့ ပိုးသတ်ဆေး၊ မျက်စဥ်းဆေးတွေကို အချိန်မှန်မှန်ခတ်ပေးဖို့ အရေးကြီးပါတယ်။

အခုခေတ်မှာ အတွင်းတိမ်ခွဲစိတ်မှုဟာ (ရောဂါသာမရင့်ဘူးဆိုရင်) ဟိုးအရင်ခေတ်ကာလကလို ဓားတွေနဲ့မဟုတ်တော့ဘူး။ အလွန်သေးငယ်တဲ့အပေါက်လေးကတဆင့် အသံလှိုင်းနဲ့ ခွဲစိတ်ခြင်းဖြစ်လို့ နာကျင်မှုမရှိဘဲ အမြန်ဆုံးပြန်လည်သက်သာပါတယ်။ ခွဲစိတ်ပြီးလို့ အမြင်အာရုံတွေ ပြန်ကြည်လင်လာတဲ့အခါမှာ "စောစောကတည်းက ခွဲလိုက်ရင် ကောင်းသား" လို့တောင် တွေးမိပါလိမ့်မယ်။

ဒါကြောင့် မိသားစုဝင်တွေထဲမှာ၊ အသိမိတ်ဆွေတွေထဲမှာ အတွင်းတိမ်ခွဲစိတ်ဖို့ စိုးရိမ်နေ၊ ကြောက်နေတဲ့သူရှိရင် ဒီ Post လေးမှာ Mention ခေါ်ပြီး အားပေးလိုက်ပါဦးနော်။ 💙

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

12/01/2026

မနက်နိုးလို့ မှန်ကြည့်လိုက်တဲ့အခါ မျက်လုံးထဲမှာ ရုတ်တရက် သွေးအကွက် (သို့) သွေးစက်လေး မြင်လိုက်ရရင် ဘယ်သူမဆို ထိတ်လန့်သွားတတ်ကြပါတယ်။ "ငါ့မျက်လုံးတစ်ခုခု ဖြစ်ပြီလား" ၊ "မျက်စိကွယ်တော့မှာလား" ဆိုပြီး စိုးရိမ်တတ်ကြတာ သဘာဝပါ။

ဒီနေ့မှာတော့ မျက်လုံးသွေးခြေဥခြင်း (Subconjunctival Hemorrhage) က တကယ်ပဲ စိုးရိမ်ရသလားဆိုတာကို ရှင်းပြပေးသွားပါမယ်။

👁️ မျက်လုံးသွေးခြေဥတာ ဘာကြောင့်ဖြစ်တာလဲ?

မျက်လုံးရဲ့ အဖြူသားပေါ်မှာ အလွန်သေးငယ်ပြီး နုနယ်တဲ့ သွေးကြောလေးတွေဆိုတာ ရှိပါတယ်။ အကြောင်းအမျိုးမျိုးကြောင့် အဲဒီသွေးကြောလေးတွေ ပေါက်သွားတဲ့အခါ အဖြူသားနဲ့ အပေါ်ယံအလွှာကြားမှာ သွေးတွေပိတ်မိပြီး သွေးခြေဥသလို ဖြစ်သွားတာပါ။

အဖြစ်များတဲ့ အကြောင်းရင်းတွေကတော့ -
▪️ပြင်းထန်စွာ ချောင်းဆိုးခြင်း (သို့) နှာချေခြင်း
▪️အလေးအပင် အလွန်အကျွံမခြင်း
▪️မျက်လုံးကို အားပြင်းပြင်းဖြင့် ပွတ်မိခြင်း
▪️မတော်တဆ မျက်လုံးခိုက်မိခြင်း
▪️ဝမ်းချုပ်ပြီး ညှစ်ရခြင်း
▪️သွေးတိုးရောဂါရှိနေခြင်း
▪️သွေးကျဲဆေး သောက်နေခြင်း

🩸 စိုးရိမ်ရလား?

အဖြေကတော့ "အများအားဖြင့် မစိုးရိမ်ရပါဘူး"။
အရေပြားမှာ အညိုအမည်းစွဲရင် နာကျင်လေ့ရှိပေမဲ့ မျက်လုံးသွေးခြေဥတာကတော့ မနာကျင်တတ်ပါဘူး။ အမြင်အာရုံကိုလည်း ထိခိုက်မှု မရှိပါဘူး။ အချိန် ၁ ပတ်ကနေ ၂ ပတ် အတွင်းမှာ သူ့အလိုလို ပြန်ပျောက်သွားတတ်ပါတယ်။ အသားမှာ အညိုအမည်းစွဲတာ ပြန်ပျောက်သွားသလိုမျိုး အရောင်မှိန်သွားပြီး ပြန်ပျောက်သွားတာမျိုးဖြစ်ပါတယ်။

⚠️ ဘယ်အချိန်မှာ ဆရာဝန်နဲ့ ပြသင့်လဲ?

သွေးခြေဥတာက အန္တရာယ်မရှိဘူးဆိုပေမယ့် အောက်ပါလက္ခဏာတွေပါ တွဲဖြစ်လာရင်တော့ ဆရာဝန်နဲ့ ချက်ချင်းပြသဖို့ လိုအပ်ပါတယ်။
▪️နာကျင်မှုရှိခြင်း
▪️အမြင်အာရုံ ဝေဝါးလာခြင်း
▪️ထိခိုက်ဒဏ်ရာရပြီးမှ ဖြစ်ခြင်း
▪️အကြောင်းရင်းမရှိဘဲ ခဏခဏဖြစ်နေခြင်း

မျက်လုံးသွေးခြေဥလာရင် အရင်ဆုံး စိတ်ကိုအေးအေးထားပါ။ နာကျင်မှုမရှိရင် အလိုလို ပျောက်မှာဖြစ်လို့ စိတ်မပူပါနဲ့။ မျက်လုံးကိုပွတ်တာမျိုးလည်း မလုပ်ပါနဲ့။ ပွတ်လိုက်ရင် သွေးကြောလေးတွေ ထပ်ပေါက်နိုင်ပါတယ်။

မျက်လုံးသွေးခြေဥတာက ကြည့်ရတာ ကြောက်စရာကောင်းပေမယ့် အမြင်အာရုံကိုမထိခိုက်သလို အလိုလို ပြန်ပျောက်ကင်းနိုင်တဲ့ အခြေအနေတစ်ခုသာဖြစ်ပါတယ်။ ဒါပေမဲ့ အထက်မှာ ပြောခဲ့တဲ့ သတိပေးလက္ခဏာတွေ ရှိလာရင်တော့ မပေါ့ဆဘဲ မျက်စိအထူးကုဆရာဝန်နဲ့ ပြသဖို့ တိုက်တွန်းပါရစေ။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

08/01/2026

မျက်မှန်လုပ်ပြီဆိုတာနဲ့ "အမြဲတပ်ထားရင် မျက်စိပါဝါ ပိုတက်လာမလား" ဒါမှမဟုတ် "မျက်စိအကျင့်ဖြစ်သွားမလား" ဆိုတဲ့ စိုးရိမ်စိတ်တွေ လူတိုင်းလိုလိုရှိတတ်ကြပါတယ်။ တကယ်တော့ မျက်မှန်တပ်ခြင်းရဲ့ ရည်ရွယ်ချက်ဟာ ကြည်လင်ပြတ်သားစွာ မြင်ရဖို့နဲ့ မျက်စိညောင်းညာမှုကို သက်သာစေဖို့ ဖြစ်ပါတယ်။

ဒီတော့ ဘယ်လိုလူတွေက အမြဲတပ်သင့်ပြီး၊ ဘယ်သူတွေကတော့ လိုအပ်မှတပ်လို့ရလဲဆိုတာ ဒီနေ့မှာ မျှဝေပေးချင်ပါတယ်။

✅ မျက်မှန်အမြဲတပ်ထားဖို့ လိုအပ်သူများ

အောက်ပါအခြေအနေရှိသူတွေကတော့ အမြင်အာရုံ ကြည်လင်နေစေဖို့နဲ့ မျက်စိဝန်မပိစေဖို့ မျက်မှန်ကို တစ်ချိန်လုံး တပ်ထားသင့်ပါတယ်။

▪️ပါဝါများသူများ - အနီးမှုန်၊ အဝေးမှုန် ပါဝါ တော်တော်များသူတွေဟာ မျက်မှန်မပါဘဲ သွားလာဖို့ ခက်ခဲတာကြောင့် အမြဲတပ်ထားဖို့ လိုပါတယ်။

▪️မျက်စိစလင်ဒါရှိသူများ - မျက်စိစလင်ဒါရှိရင် ပုံရိပ်တွေက ဝေဝါးတာ၊ ပုံစံမမှန်တာတွေဖြစ်တတ်ပါတယ်။ ဒါဟာ ခေါင်းကိုက်ခြင်းနဲ့ မျက်စိညောင်းညာခြင်းကို ဖြစ်စေနိုင်လို့ အမြဲတပ်ထားတာ အကောင်းဆုံးပါ။

▪️ကလေးငယ်များ - ကလေးတွေမှာ မျက်စိပါဝါရှိနေရင် Lazy Eye မဖြစ်အောင်၊ အမြင်အာရုံ ကောင်းကောင်း ဖွံ့ဖြိုးလာအောင် ဆရာဝန်ညွှန်ကြားချက်အတိုင်း အမြဲတပ်ပေးဖို့ အရမ်းအရေးကြီးပါတယ်။

▪️မျက်စိပါဝါ ကွာခြားချက်ကြီးမားသူများ - မျက်စိနှစ်ဖက် ပါဝါမတူတဲ့သူတွေဟာ အမြဲတပ်ထားမှ ဦးနှောက်က ပုံရိပ်ကို မှန်ကန်စွာ ဖတ်ယူနိုင်မှာ ဖြစ်ပါတယ်။

✅ လိုအပ်မှ တပ်နိုင်သူများ

မျက်စိပါဝါ နည်းနည်းပဲရှိသူတွေ (သို့) အခြေအနေလိုက်ပြီး လိုအပ်သူတွေကတော့ လိုမှပဲတပ်နိုင်ပါတယ်။

▪️စာကြည့်မျက်မှန် တပ်သူများ - အသက် (၄၀) ကျော်လာလို့ အနီးကြည့်ရခက်သူတွေဟာ စာဖတ်တဲ့အခါ၊ ဖုန်းကြည့်တဲ့အခါမျိုးမှာပဲ တပ်နိုင်ပါတယ်။

▪️ပါဝါအနည်းငယ်သာ ရှိသူများ - ဥပမာအနေနဲ့ အဝေးကြည့် ပါဝါ - ၀.၅၀ လောက်ပဲ ရှိတဲ့သူတွေဟာ ကားမောင်းတဲ့အခါ၊ ရုပ်ရှင်ကြည့်တဲ့အခါမျိုးမှာပဲ တပ်လို့ရပါတယ်။

▪️ကွန်ပျူတာကြည့်မျက်မှန်တပ်သူများ - ကွန်ပျူတာ အကြည့်များလို့ မျက်စိသက်သာအောင် တပ်တဲ့မျက်မှန်တွေကိုတော့ အလုပ်လုပ်ချိန်မှာပဲ သုံးနိုင်ပါတယ်။

📌 ဒီနေရာတစ်ခါတည်း လူတွေအထင်မှားတတ်တဲ့ "မျက်မှန်အမြဲတပ်ရင် မျက်စိပါဝါ ပိုတက်သလား" ဆိုတာကိုလည်း ပြောပြချင်ပါတယ်။ ဒါဟာ တကယ်တော့ မှားယွင်းတဲ့ အယူအဆတစ်ခုပါ။ မျက်မှန်တပ်ခြင်းဟာ ပါဝါတက်ခြင်း၊ ကျခြင်းကိုဖြစ်စေတဲ့ မျက်စိပုံသဏ္ဌာန်ပြောင်းလဲခြင်းအပေါ် သက်ရောက်မှုမရှိပါဘူး။ ဒါပေမဲ့ မျက်မှန်မတပ်ဘဲ အားစိုက်ကြည့်နေရရင် မျက်စိညောင်းညာတာ၊ ခေါင်းကိုက်တာနဲ့ အမြင်အာရုံ ပိုဝေဝါးလာတာတွေပဲ ဖြစ်လာပါလိမ့်မယ်။

အကောင်းဆုံးကတော့ မိမိရဲ့ မျက်စိအထူးကုဆရာဝန် (သို့) နားလည်တတ်ကျွမ်းသူနဲ့ တိုင်ပင်ပြီး မိမိမျက်စိအခြေအနေအရ အမြဲတပ်သင့်၊ မသင့်ကို မေးမြန်းတာက အသေချာဆုံးဖြစ်ကြောင်း မျှဝေလိုက်ပါတယ်။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

05/01/2026

အသက်အရွယ်ရလာတာနဲ့အမျှ ဖြစ်ပွားတတ်တဲ့ အမြင်အာရုံပြဿနာတွေထဲမှာ အတွင်းတိမ် (Cataract) ဟာ အဖြစ်များဆုံးတစ်ခုပါ။ အတွင်းတိမ်ဆိုတာ မျက်လုံးထဲက မှန်ဘီလူး (Lens) က တဖြည်းဖြည်းနောက်ကျိလာပြီး အလင်းကောင်းစွာမဖြတ်သန်းနိုင်တော့လို့ အမြင်အာရုံမှုန်ဝါးလာတဲ့ အခြေအနေတစ်ခုပဲဖြစ်ပါတယ်။

📌 အတွင်းတိမ်ဖြစ်နေလား ဘယ်လိုသိနိုင်မလဲ?

သင့်အနေနဲ့ အောက်ဖော်ပြပါလက္ခဏာတွေကို ခံစားရနေပြီဆိုရင် အတွင်းတိမ် ဖြစ်နေနိုင်ခြေရှိပါတယ်။

▪️အမြင်အာရုံ တဖြည်းဖြည်း မှုန်ဝါးလာခြင်း၊ ဝေဝါးလာခြင်း။ မျက်မှန်အသစ်လုပ်လည်း အမြင်မကြည်လင်ဘဲ နောက်ကျိနေသလို ခံစားရခြင်း။

▪️အရောင်တွေကိုကြည့်ရင် စိုပြည်မှုမရှိဘဲ ဝါကျင့်ကျင့်၊ မှိန်ဖျော့ဖျော့ ဖြစ်နေသလို ခံစားရခြင်း။

▪️အလင်းရောင်ကြောင့် မျက်စိကျိန်းခြင်း။ နေရောင်ခြည်၊ ကားမီးတို့လို တိုက်ရိုက်အလင်းရောင်တွေကို ကြည့်မရလောက်အောင်ဖြစ်ခြင်း။

▪️အလင်းရောင်နည်းတဲ့ ညဘက်တွေမှာ အရာဝတ္ထုတွေကို ပိုပြီးမြင်ရခက်လာခြင်း။

▪️အရာဝတ္ထုတစ်ခုကို နှစ်ထပ်မြင်ရခြင်း (Double Vision)။ တစ်ခါတစ်လေ မျက်စိတစ်ဖက်တည်းနဲ့ ကြည့်ရင်တောင် နှစ်ထပ်မြင်ရခြင်း။

📌 ဘာကြောင့် ကုသမှုခံယူဖို့ အရေးကြီးတာလဲ?

အတွင်းတိမ်ဆိုတာဟာ သေချာကုသမှုခံယူမယ်ဆိုရင် ပြန်လည်ကောင်းမွန်နိုင်တဲ့ ဝေဒနာတစ်ခုဖြစ်ပါတယ်။ ကုသမှုမခံယူဘဲ နေမယ်ဆိုရင်တော့ မျက်စိကွယ်တဲ့အထိ ဖြစ်နိုင်ပါတယ်။

ဒါကြောင့် အထက်ပါလက္ခဏာတွေကို သင် (သို့) သင်ချစ်ရသူတစ်ဦးဦး ခံစားနေရပြီဆိုရင်၊ နောက်မကျခင် ရွှေအလင်းရောင်(ရိုတို) မျက်စိအထူးကုဆေးရုံမှာ မျက်စိအထူးကုဆရာဝန်များနဲ့ အချိန်မီ လာရောက်ပြသ၊ စစ်ဆေးမှုခံယူဖို့ အထူးတိုက်တွန်းလိုပါတယ်။

🏨- ရွှေအလင်းရောင် (ရိုတို) မျက်စိအထူးကုဆေးရုံ

၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။

☎️ - 09-424118808, 09-766566815
09-944458885 , 09-944468886

#ရွှေအလင်းရောင်ရိုတိုမျက်စိအထူးကုဆေးရုံ

04/01/2026

🇲🇲 (၇၈) ကြိမ်မြောက် လွတ်လပ်ရေးနေ့

ယနေ့ ၂၀၂၆ ခုနှစ်၊ ဇန်နဝါရီလ (၄) ရက်နေ့မှာ ကျရောက်တဲ့ (၇၈) ကြိမ်မြောက် "လွတ်လပ်ရေးနေ့"ကို ရွှေအလင်းရောင်(ရိုတို) မျက်စိအထူးကုဆေးရုံမှ ဝမ်းမြောက်ဝမ်းသာ ဂုဏ်ပြုကြိုဆိုလိုက်ပါတယ်။

#လွတ်လပ်ရေးနေ့ #ရွှေအလင်းရောင်ရိုတိုမျက်စိအထူးကုဆေးရုံ

31/12/2025

ခရစ်သက္ကရာဇ် ၂၀၂၆ ခုနှစ် နှစ်သစ်ကူးကာလမှာ ဘေးအန္တရာယ်အပေါင်းကင်းရှင်းပြီး ကောင်းခြင်းမင်္ဂလာအဖြာဖြာနဲ့ ပြည့်စုံကြပါစေကြောင်း ရွှေအလင်းရောင်(ရိုတို) မျက်စိအထူးကုဆေးရုံမှ ဆုတောင်းမေတ္တာပို့သလိုက်ရပါတယ်။

#ရွှေအလင်းရောင်ရိုတိုမျက်စိအထူးကုဆေးရုံ

Golden Light - Rohto Eye Hospital

31/01/2026

29/01/2026

26/01/2026

23/01/2026

20/01/2026

17/01/2026

14/01/2026

12/01/2026

08/01/2026

05/01/2026

04/01/2026

31/12/2025

Address

Telephone

Website

Alerts

Shortcuts

Share

Category

Mandalar Eye Care Center ( Sight For All, Vision For Future )