10/12/2025
ဆောင်းရာသီဟာ ခြောက်တတ်သူတွေ ပိုပြီးဂရုစိုက်ဖို့လိုတဲ့ ရာသီဥတုပါ။
လေထုခြောက်သွေ့မှုကြောင့် အသားခြောက်တဲ့သူတွေ ပိုခြောက်တတ်သလို၊ မျက်သားခြောက်တဲ့သူတွေလည်း ပိုခြောက်လေ့ရှိပါတယ်။ နဂိုက သိပ်မခြောက်ဘူးဆိုရင်တော့ ဆောင်းရောက်ရင်ဖြစ်လွယ်တာမို့ သတိထားဂရုစိုက်ခြင်းက အကောင်းဆုံးပါပဲ။
ဒီနေ့မှာတော့ ဆောင်းတွင်းရောက်လို့ မျက်သားပိုခြောက်သလိုခံစားနေရရင် အဆင်ပြေသက်သာစေမယ့် နည်းလမ်းတွေကိုမျှဝေလိုက်ပါတယ်။
✅ရေများများ သောက်ပါ
အေးရင် ရေသောက်ဖို့ လူတွေကမေ့နေတတ်ပါတယ်။ မမေ့ပါနဲ့နော်။ ခန္ဓာကိုယ်မှာ ရေဓာတ်ပြည့်ဝနေမှ မျက်လုံးအပါအဝင် ခန္ဓာကိုယ်တစ်ခုလုံး အစိုဓာတ်ရှိနေမှာပါ။
✅မျက်တောင် ခဏခဏခတ်ပေးပါ
ဖုန်းကြည့်တာ၊ ကွန်ပျူတာသုံးတာ များလာရင် မျက်တောင်ခတ်ဖို့ မေ့နေတတ်ကြပါတယ်။ ဆောင်းတွင်းမှာ မျက်သားကပိုခြောက်တတ်လို့ ပုံမှန်ထက် ပိုခတ်ပေးပါ။ ဒါမှ မျက်ကြည်လွှာအစိုဓာတ်ကို သဘာဝအတိုင်း ထိန်းသိမ်းထားနိုင်မှာပါ။
✅လေတိုက်ရိုက်မခံပါနဲ့
ကားပေါ်မှာဖြစ်ဖြစ်၊ အိမ်မှာပဲဖြစ်ဖြစ် အဲကွန်းလေအေး၊ Heater လေပူဖွင့်တဲ့အခါ လေထွက်ပေါက်ကို မျက်နှာတည့်တည့် မထားပါနဲ့။ လေတိုက်ရိုက်ထိရင် မျက်ရည်ခမ်းခြောက်မှု ပိုမြန်စေပါတယ်။
✅မျက်ရည်တု (Artificial Tears) ဆောင်ထားပါ
မျက်လုံး အရမ်းခြောက်ပြီး နေရခက်လာရင် Lubricating Eye Drops လေးတွေ ခတ်ပေးလို့ရပါတယ်။
✅နေကာမျက်မှန် တပ်ပါ
အပြင်ထွက်ရင် နေပူလို့တစ်ခုတည်းမဟုတ်ဘဲ လေတိုက်တာကိုပါ ကာကွယ်ဖို့ မျက်မှန်တပ်သင့်ပါတယ်။
✅ရေနွေးဝတ် ကပ်ပေးပါ
ညအိပ်ရာဝင်ခါနီး မျက်ခွံပေါ်ကို ရေနွေးဝတ် (Warm Compress) လေး ခဏလောက် ကပ်ပေးတာက မျက်ရည်ဂလင်းတွေကို ပွင့်စေပြီး မျက်လုံးကို သက်တောင့်သက်သာ ဖြစ်စေပါတယ်။
ဆောင်းရာသီရဲ့ အလှကို ကြည်ကြည်လင်လင်ခံစားနိုင်အောင် မျက်လုံးလေးတွေကို ဂရုစိုက်ကြဖို့ တိုက်တွန်းလိုက်ပါတယ်နော်။ 🥰
🏨- ရွှေအလင်းရောင် (ရိုတို) မျက်စိအထူးကုဆေးရုံ
၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။
☎️ - 09-424118808, 09-766566815
09-944458885 , 09-944468886
#ရွှေအလင်းရောင်ရိုတိုမျက်စိအထူးကုဆေးရုံ
