FAME Organic Pharming Project

04/05/2026

နွယ်ချိုအမြစ်၏ကျန်းမာရေးကောင်းကျိုးများ

🫚 နွယ်ချိုအမြစ်သည် မွှေးပြီးချိုသောအရသာနှင့် ကျန်းမာရေးအကျိုးကျေးဇူးများစွာအတွက် တိုင်းရင်းဆေးပညာတွင် ရာစုနှစ်များစွာကတည်းက လူကြိုက်များသော ဆေးဖက်ဝင်အပင်ဖြစ်ပါသည်။
‘နွယ်မြက်သစ်ပင်ဆေးဖက်ဝင်’ဆိုသည့်အတိုင်း သဘာဝပစ္စည်းအားလုံးသည် ဆေးဖက်ဝင်အာနိသင် အမျိုးမျိုးရှိကြသည်။ လျက်ဆား၊ နှလုံးအားတိုးဆေး၊ သွေးဆေး စသည့်မြန်မာ့တိုင်းရင်းဆေးများတွင်ပါတတ်သော ချိုချိုအေးအေးအရသာသည် နွယ်ချိုပါဝင်ခြင်းကြောင့် ဖြစ်သည်။ နွယ်ချိုသည် ခံတွင်းတွင်ဖြစ်တတ်သောအနာများ၊ အဖုများကိုကုသရာတွင် ထိရောက်မှုရှိသည့်အပြင် နာကျင်ရောင်ရမ်းမှုကိုလျော့ကျစေနိုင်သည့် အာနိသင်ရှိပြီး အနာကျက်ခြင်းကို ကူညီအားပေးကာ ခန္ဓာကိုယ်၏ခုခံအားစနစ်ကို နှိုးဆွပေးနိုင်ပါသည်။

🫚 နွယ်ချိုသည် အဆိပ်အတောက်များကို ဖယ်ရှားသန့်စင်ပေးပြီး အသည်း၏ပုံမှန်လုပ်ဆောင်ချက်များကို ထိန်းပေးပါသည်။ ဓာတ်တိုးဆန့်ကျင်အာနိသင်ရှိသည့်အတွက်ကြောင့် အဆီနှင့် အစားအသောက်ကြောင့် အသည်းဆဲလ်များထိခိုက်ပျက်စီးမှု မဖြစ်အောင်လည်း ကာကွယ်ပေးပါသည်။ အရောင်ကျစေသည့် အာနိသင်ရှိသောကြောင့် အဆစ်နာရောဂါများကုသရာတွင်လည်းအသုံးဝင်ပါသည်။ နွယ်ချိုသည် အက်စထရိုဂျင်နှင့် ပရိုဂျက်စတာရုန်းဟော်မုန်းများကို ထိန်းညှိပေးနိုင်သောကြောင့် သွေးဆုံးကိုင်ရောဂါများကို သိသိသာသာလျော့ပါးစေပါသည်။ အမျိုးသမီးများ ရာသီလာချိန်တွင်ခံစားရသော ကိုက်ခဲမှုဝေဒနာများကိုလည်း သက်သာစေနိုင်ပါသည်။ ဗိုင်းရပ်စ်နှင့် ဘက်တီးရီးယားများကို တိုက်ဖျက်ပေးနိုင်ပြီး အသက်ရှူလမ်းကြောင်းဆိုင်ရာ ရောဂါများကိုလည်း သက်သာစေနိုင်သည်။ နွယ်ချိုကို လည်ချောင်းနာ၊ ချောင်းဆိုးခြင်း၊ အအေးမိခြင်း၊ လေပြွန်ရောင်ခြင်းနှင့် အဆုတ်ရောဂါများကို ကုသရာတွင်လည်း အသုံးပြုပါသည်။ လေပြွန်နှင့်အဆုတ်အတွင်းမှ သလိပ်များကိုရှင်းလင်း ပစ်နိုင်သလို ချွဲပျော်ဆေးအဖြစ်လည်းအာနိသင်ရှိပါသည်။

🫚 နွယ်ချိုသည် အသားအရေအတွက်လည်း ဆေးစွမ်းတစ်လက်ဖြစ်ပြီး နှင်းခူ၊ သဲဝဲ စသည့် အရေပြားပြဿာနာများကို ကုသရာတွင်လည်း အစွမ်းထက်ပါသည်။ အရေပြားရောင်ရမ်းမှုနှင့် ယားယံမှုများကို သက်သာစေပြီး အသားဖြူစေသည့် အာနိသင်လည်းရှိပါသည်။ နေလောင်ခြင်းကြောင့်ဖြစ်တတ်သော အရေပြားဓာတ်မတည့်မှုများကို ကာကွယ်ပေးပြီး အသားအရေ နီမြန်းမှုကိုလည်း သက်သာစေပါသည်။ ဆံသားအဆီပြန်ခြင်းကို သက်သာပြီး ဗောက်မထအောင်လည်း ကာကွယ်ပေးသည့်အပြင် ဆံပင်ကိုသန်စွမ်းစေပါသည်။ နွယ်ချိုတွင် စိတ်ကျဝေဒနာကိုသက်သာစေနိုင်သည့် မဂ္ဂနီဆီယမ်၊ ကယ်လ်ဆီယမ်၊ ဘီတာ ကယ်ရိုတင်းလို မရှိမဖြစ်လိုအပ်သည့် သတ္ထုဓာတ်များနှင့် ဖလေဗာနွိုက်ဓာတ်များစွာလည်း ပါဝင်ပါသည်။ ထို့အပြင် နွယ်ချိုကို မှီဝဲခြင်းဖြင့် နှလုံးကျန်းမာစေခြင်း၊ မှတ်ဉာဏ်ကောင်းစေခြင်း စသည့် ကျန်းမာရေးအကျိုးကျေးဇူးများ ရရှိစေသည့်အပြင် ဆီးချိုကြောင့် ကျောက်ကပ်ပျက်စီးမှုကို ကာကွယ်ပေးနိုင်သည့် အာနိသင်လည်းရှိပါသည်။

🫚 နွယ်ချိုအမြစ်သည် အစာခြေကျန်းမာရေးအတွက်လည်း အလွန်ကောင်းသည်။ Licorice root extract သည် အစာမကြေခြင်း၊ ရင်ပူခြင်း နှင့် အက်ဆစ်ပြန်တက်ခြင်းကဲ့သို့သော အစာမကြေခြင်း ၊ အစာမကြေခြင်း နှင့် အက်ဆစ်ပြန်တက်ခြင်း ကဲ့သို့သော အစာအိမ်နှင့်ဆိုင်သော reflux ရောဂါ (GERD) နှင့် ဆက်စပ်သော ရောဂါလက္ခဏာများကို စီမံခန့်ခွဲရာတွင်လည်း အသုံးပြုပါသည်။




-honey

29/04/2026

29/04/2026

ဆင်တုံးမနွယ်

✔ဆင်တုံးမနွယ်ပင်သည် နွယ်ပင်အမျိုးအစားဖြစ်ပါသည်။ နေရာဒေသမရွေးပေါက်ရောက်နိုင်ပါသည်။ စိုက်ပျိုးရအလွန်လွယ်ကူသော နှစ်ရှည်ခံအပင်တစ်မျိုးဖြစ်ပါသည်။ သူ၏အရွက်သည် အသဲနှလုံးပုံသဏ္ဍန်ရှိသောကြောင့် ၎င်းကို heartleaf moonseed လို့ခေါ်ကြပါသည်။ ဆင်တုံးမနွယ်တွင် ဆူးပါသောအပင်နှင့်ဆူးမပါသောအပင်ဟူ၍ (၂)မျိုး ရှိပါသည်။

✔ဆင်တုံးမနွယ်ကိုမြန်မာ့တိုင်းရင်းဆေးအနေဖြင့်အရွက်နှင့်ပင်စည်ကိုအဓိကထားကာ ဆေးဝါးဖော်စပ်ကြပါသည်။ အရွက်ကို အခြောက်ခံကာရည်နွေးစိမ်သောက်ကြသလို ပင်စည်ကိုအခြောက်ခံအမှုန့်ကြိတ်ခြင်းအပြင် ပင်စည်နှင့်အရွက်များကိုပျားရည်နှင့်စိမ်၍လည်းစားသုံးကြပါသည်။

✔မြန်မာ့ဆေးအဘိဓာန်တွင် ဆင်တုံးမနွယ်သည် ပူသောအရသာရှိ၏။ လေကိုကြေစေ၏။ သွေးကိုငြိမ်းစေ၏။ အားကိုဖြစ်စေ၏။ တြိဒေါသနာ၊ ဓါတ်ကျိုး၊ဓါတ်ပျက်နာ၊ ဝမ်းပျက်နာ၊ ပျို့အန်သောအနာ၊ ခြေဆတ်သောအနာ၊ သုက်ခန်းနာ၊ အဖျားနာ တို့ကိုနိုင်၏။ ဓါတ်မီးတောက်စေ၏ ဆိုပြီးရေးထားပါတယ်။ မြန်မာ့ဆေးကျမ်းအချို့မှာလည်း ဆင်တုံးမနွယ်အမှုန့်နဲ့ဘုမ္မရာဇာအမှုန့်ကိုဆတူရောကာ ပျားရည်နဲ့လုံးပြီး နေ့စဉ်ပုံမှန်စားပါက အသက်ရှည် အနာမဲ့ နိုင်ကြောင်း ရေးသားထားသည်ကို လေ့လာတွေ့ရှိရပါသည်။

✔ဆင်တုံးမနွယ်တွင် ကျန်းမာရေးအထောက်အကူဖြစ်စေသော အာနိသင်များ များစွာပါဝင်သည့်အတွက် အသက်ကြီးလျှင်ဆင်စီးပါ ဟုပင်တင်စားခေါ်ဝေါ်ကြပါသည်။


honey
Organic Pharming Project

27/04/2026

🌳 အညာ နှင့် တမာ 🌳
🌳တမာပင်များဟာ အပူပိုင်း နှင့် သမပိုင်းဒေသများတွင် ပေါက်ရောက်လေ့ရှိပြီး ရေငတ်ခံနိုင်သော အပင်ဖြစ်သောကြောင့် မြန်မာနိုင်ငံ အလယ်ပိုင်းဒေသများနှင့် အညာဒေသများတွင် နေရာမရွေး တွေ့ရလေ့ရှိသော အပင်တစ်မျိုးဖြစ်ပါတယ်။
🌳 ဒီလိုနေရာတိုင်း တွေ့ရလေ့ရှိတဲ့ တမာပင်လေးများဟာ အလွန်အကျိုးကျေးဇူးများသော အပင်တစ်မျိုးဖြစ်တဲ့အတွက် သူ့ရဲ့အရွက် ၊အစေ့ ၊အသီး နှင့် သစ်ခေါက်များကိုပါ ဆေးအဖြစ်အသုံးပြုနိုင်ပါသည်။
သူ့မှာပါဝင်သော flavonoids kaempferol , quercetin နှင့် myricetin ဓာတ်များကြောင့် ရရှိလာသော ကျန်းမာရေး ကောင်းကျိုးတွေကတော့
1️⃣ သူ့ရဲ့ ပိုးသတ်အာနိသင်များကြောင့် မျက်နှာနှင့် အရေပြားတွင် ဝက်ခြံများထွက်ခြင်းကို သက်သာစေတဲ့အပြင် သူ့မှာပါဝင်တဲ့ ဗီတာမင်-အီး များကြောင့် အသားအရည်ကို ကြည်လင်ချောမွေ့စေပါတယ်။ ထို့အပြင် အနာများကို အမြန်ကျက်စေရန် ကူ‌ညီပေးပါတယ်။
2️⃣ခံတွင်းကျန်းမာရေးကို ကောင်းစေတဲ့အပြင် အနံ့ဆိုးများ ထွက်ခြင်းမှကာကွယ်ပေးပါတယ်။
3️⃣ ဆံပင်ကျန်းမာရေးကို ကောင်းစေပြီး ဖောက်ထခြင်းများကို သက်သာစေပါတယ်။
4️⃣ အရေပြားမှိုစွဲခြင်းများ ၊အဖုထွက်ခြင်းများကိုလဲ ကာကွယ်ပေးပါတယ်။
5️⃣သွေးထဲမှာရှိတဲ့ အဆိပ်အတောက်များကို ဖယ်ရှား‌ပေးတဲ့အပြင် ခုခံအားစနစ်ကို မြှင့်တင်ပေးသောကြောင့် အိမ်တိုင်းတွင် မရှိမဖြစ်စိုက်ပျိုးသင့်သော အပင်တစ်မျိုးဖြစ်ပါတယ်နော်။

24/04/2026

ဖျော်ရည်သောက်ရင်း ဆေးလဲသောက်ပြီးသားဖြစ်ချင်ရင်
ရှောက်ပျားရည် 🍋🍯 ကို သတိရလိုက်ပါ

အခုလို ပူအိုက်တဲ့ရာသီဥတုမှာ ရှောက်ပျားရည်တစ်ဘူးရှိရုံနဲ့
ကျန်းမာရေးနဲ့ ညီညွတ်တဲ့ဖျော်ရည် သောက်နိုင်ပါပြီ။

ရှောက်ပျားရည်ကို သောက်ပေးရင် စိတ်ကြည်လင်လန်းဆန်းစေရုံတင်မဟုတ်ဘဲ

🍋 ဗိုက်၊ လက်မောင်း၊ ပေါင်လိုမျိုး ချရခက်တဲ့နေရာက အဆီတွေကို ချဖို့ အထောက်အကူဖြစ်မယ်။

🍋 ခန္ဓာကိုယ်ထဲမှာ အဆိပ်အတောက်တွေကင်းပြီး အသားအရေကြည်လင်လှပလာမယ်။

🍋 အစာချေစနစ်ကောင်းမွန်လာမယ်။

🍋 ခုခံအားစနစ် ကောင်းမွန်လာမယ်။

ဒီတော့ ကျန်းမာရေးနဲ့ မညီညွတ်တဲ့ ဖျော်ရည်တွေအစား ရှောက်ပျားရည်ကို ဖျော်သောက်လိုက်တော့နော်။

08/04/2026

ဝမ်းချုပ်ခြင်းများကို ကာကွယ်ပေးသော ကင်ပွန်းချဉ်ရွက် 🎋
🎋ကင်ပွန်းချဉ်ပင်ဟာ အရွက်သာမက အသီးများသည်လည်း လွန်စွာ အသုံးဝင်လှပါသည်။
🎋အရွက်ကို ချက်ပြုတ်စားခြင်းဖြင့် ၎င်းတွင်ပါဝင်သော အမျှင်ဓာတ်များကြောင့် အစာအိမ်နှင့် အူလမ်းကြောင်းအတွက်ကောင်းမွန်စေတာဖြစ်လို့ ဝမ်းချုပ်ခြင်းများကို သက်သာစေတဲ့အပြင် ခန္ဓာကိုယ်တွင်းမှ အဆိပ်အတောက်များကိုပါ ဖယ်ရှားပေးပါတယ်။
🎋ထို့အပြင် ၎င်းတွင်ပါဝင်သော ဗီတာမင်စီဓာတ်များ၊ သက်စောင့်ဓာတ်များကြောင့် ခန္ဓာကိုယ်ခုခံအားစနစ်ကို ကောင်းမွန်စေတဲ့အပြင် အနာကျက်မြန်စေသော အာနိသင်များလဲပါဝင်နေပါတယ်။
ခန္ဓာကိုယ်အတွင်း မကောင်းသော cholesterol များကိုလျော့ချပေးတာဖြစ်လို့ ဝိတ်ချနေသောသူများအတွက်ပါ များစွာ အထောက်အကူပြုပါတယ်။
ထိုသို့ စားသုံးခြင်းဖြင့် ဆီးချိုရောဂါ ဖြစ်ပွားခြင်းမှလဲကာကွယ်နိုင်ပါတယ်။
အကယ်၍ ပုံမှန်မစားဖြစ်လို့ သဘာဝဆေးအနေနဲ့ မှီဝဲလိုပါက FAME Pharmaceuticals ကနေ အရွက် ၄ မျိုးဖြစ်တဲ့ ကင်ပွန်းချဉ်ရွက်၊ ချဉ်ပေါင်ရွက်၊ ကန်စွန်းရွက် နှင့် ဟင်းနုနယ်ရွက် စသည်တို့ကို ရောစပ်ထုတ်လုပ်ထားသော
Vegeplex ဆိုတဲ့ဆေးကို မှီဝဲနိုင်ပါတယ်နော်။

07/04/2026

ဟင်းနုနယ်ရွက် 🌱🌿

ဟင်းနုနယ်အပင်သည် အလေ့ကျပေါက်သောအပင်
တစ်မျိုးဖြစ်ပါတယ်။ ဟင်းနုနယ်ပင်တွင် ဆူးပါသောအပင်နှင့်ဆူးမဲ့အပင်ဟူ၍ နှစ်မျိုးရှိပြီး၊ နှစ်မျိုးစလုံးကျန်းမာရေးအတွက် ကောင်းကျိုး အမြောက်အများပေးသည့် အပင်တစ်မျိုးဖြစ်ပါတယ်။ဟင်းနုနယ်တွင် ပရိုတင်း ခေါ် အသားဓာတ် 11 ရာခိုင်နှုန်း၊ သံဓာတ်၊ ထုံးဓာတ်၊ အမျှင်ဓာတ်၊ ကယ်ရိုတင်းဓာတ်၊ ပိုတက်ဆီယမ်ဓာတ်၊ အောက်ဇားလစ်အက်စစ်ဓာတ် (Oxalic acid)၊ ဖော့စဖောရပ် ခေါ်မီးစုန်းဓာတ်၊ ဗီတာမင် အေ၊ ဘီ၊ စီ၊ အီး၊ ကေဓာတ်များနှင့် အင်ဇိုင်းများကြွယ်ဝစွာပါဝင်ပါတယ်။

ဟင်းနုနယ်စားခြင်းရဲ့ အံ့မခန်း အာနိသင်များ ကတော့🌿
(၁) အမြင်အာရုံကို ကောင်းမွန်စေပါတယ်။
(၂) ဓာတ်တိုးဆန့်ကျင်တဲ့ အာနိသင်ကြွယ်ဝစွာပါဝင်ပါတယ်။
(၃) ကိုယ်အလေးချိန် လျှော့ချနေသူများ စားပေးသင့်တဲ့ အထဲမှာ ထိပ်ဆုံးကပါဝင်ပါတယ်။
(၄) အရိုးအဆစ်တွေကို သန်မာစေပါတယ်။
(၅) ညဘက် အိပ်ပျော်စေပါတယ်။
(၆) ခုခံအားကို မြင့်တက်စေပါတယ်။
(၇) ဆံပင်ကျွတ်ခြင်းကို တားဆီးပေးပါတယ်။
(၈) အရွယ်တင်နုပျိုစေမယ့်အပြင် ဝက်ခြံတွေကိုလည်း တားဆီးပေးပါတယ်။

နေ့တိုင်း အာဟာရလိုအပ်ချက်ကြောင့် အစားအစာတွေကို စားနေသော်လည်း အစားအစာတစ်ခုချင်းစီရဲ့ အာဟာရတန်ဖိုးနဲ့ ကျန်းမာရေးအကျိုးကျေးဇူးတွေကိုသိထားဖို့လိုအပ်ပါမယ်နော် ….. 🌱🌿


#ဟင်းနုနွယ်ရွက်
tricolor

03/04/2026

ချစ်စရာပျားကလေးတို့ရဲ့ကမ္ဘာ
🐝🍯🌾💊

🐝ပျားကလေးများသည် သဘာဝပတ်ဝန်းကျင်နဲ့ လူသားတို့ရဲ့စားနပ်ရိက္ခာဖူလုံရေး၊ ကျန်းမာရေးအတွက် များစွာအထောက်အကူပြုပေးနေသော အကျိုးပြု အင်းဆက် အကောင်လေးများဖြစ်ပါသည်။ ပျားကလေးများသည်သာမန်အားဖြင့် လူကိုအန္တရာယ်မပေးဘဲ သီးခြားနေထိုင်ပြီး အလွန်အလုပ်ရှုပ်သော အကောင်လေးများဖြစ်ပါသည်။ ၎င်းတို့အား အန္တရာယ်ပြုမည်အထင်ဖြင့်သာ သူ၏အဆိပ်ဆူးဖြင့်တုပ်သောကြောင့် လူအများစုက ပျားများသည်အန္တရာယ်ရှိသည် ဟုယူဆကြသည်။ ပျားကလေးတို့သည် အုပ်စုဖွဲ့နေထိုင်ကြကာ တာဝန်ကိုယ်စီနဲ့ လုပ်ငန်းများကိုဟန်ချက်ညီညီလုပ်ကိုင်ပြီး အလွန်စနစ်ကျသော အကောင်လေးများလည်းဖြစ်ပါသည်။ ပျားအုံတစ်အုံတွင် ပျားအမျိုးအစားအလိုက် လုပ်ဆောင်ရသည့် လုပ်ငန်းဆောင်တာများလဲကွာခြားကြပါသည်။ ပျားများတွင် ပျားဘုရင်မ(Queen bee)၊ ပျားထီးများ(Drone bees) နှင့် လုပ်သားပျား(Worker bees) ဆိုပြီး သုံးမျိုး နေထိုင်ကြပါသည်။

🐝ပျားဘုရင်မ(Queen bee)
▶ပျားအုံတစ်ခုတွင် တစ်ကောင်သာရှိပြီး အခြားပျားများထက်အရွယ်အစားပို၍ကြီးပါသည်။ ၎င်း၏လုပ်ငန်းတာဝန်မှာ ပျားအရေအတွက်တိုးပွားလာစေရန်အတွက် ဥများဥပေးခြင်းဖြစ်ပါသည်။ သူမသည် တစ်ရက်လျှင် ဥပေါင်း ၁၅၀၀-၂၀၀၀အထိဥနိုင်ပါသည်။ အအေးဓာတ်များသောအချိန် နှင့် အစားအစာရှားပါးချိန်များတွင်ဥဥနှုန်းကျဆင်းနိုင်ပါသည်။ ထို့အပြင် သူမ၏ခန္ဓာကိုယ်မှ Pheromone လို့ခေါ်တဲ့အနံ့ဖြင့် ပျားအဖွဲ့အား စည်းလုံးစေပါသည်။ သူမသည် ၃ နှစ်မှ ၅ နှစ်အထိအသက်ရှင်နိုင်ပါသည်။

🐝ပျားထီးများ(Drone bees)
▶ပျားဘုရင်မနှင့်မျိုးပွားခြင်းလုပ်ငန်းသာလုပ်ဆောင်ပါသည်။ ပျားဘုရင်မနှင့်မိတ်လိုက်ပြီးပါကသေဆုံးကြပါသည်။ ၎င်းတို့၏သက်တမ်းမှာ ၂၄ ရက်သာရှိပါသည်။

🐝လုပ်သားပျားများ(Worker bees)
▶လုပ်သားပျားများသည် အမများဖြစ်ကြပြီး ပျားအုံတစ်ခုတွင် အလုပ်အရှုပ်ဆုံးနှင့် အကောင်ရေအများဆုံးလည်းဖြစ်ကြသည်။ ပျားအုံတစ်ခုလုံး၏လုပ်ငန်းတာဝန်များအားလုံးကိုဟန်ချက်ညီညီလုပ်ကိုင်ကြသည်။ ပျားအိမ်တည်ဆောက်ခြင်း၊ ပျားကလေးများအားအစာကျွေးခြင်း၊ ၎င်းတို့၏ အစားအစာများဖြစ်သည့်ပျားရည်များ ဝတ်မှုန်များစုဆောင်းခြင်း၊ ပျားအိမ်သန့်ရှင်းရေးလုပ်ခြင်း၊ ပျားအိမ်အတွင်းအပူချိန်ထိန်းညှိပေးခြင်း၊ ပျားအိမ်အနီးသို့ရန်သူများမလာနိုင်ရန်ကင်းစောင့်ခြင်း၊ ပျားဘုရင်မအားစောင့်ရှောက်ခြင်း စသည့်များစွာသောလုပ်ငန်းဆောင်တာများကိုလုပ်ဆောင်ကြပါသည်။ ထိုပျားကလေးများသည် ၄၂ ရက်သာအသက်ရှင်ကြပါသည်။

🌾ပျားများသည် ၎င်းတို့အစာအတွက် ပန်းတစ်ပွင့်မှတစ်ပွင့်သို့ကူးကာ ဝတ်မှုန်များ၊ ဝတ်ရည်များကိုစုတ်ယူခြင်းအားဖြင့် သီးနှံပင်များ ဝတ်မှုန်ကူးပြီး အသီးတင်နှုန်းကောင်းလာခြင်းကြောင့် စိုက်ပျိုးရေးလုပ်ငန်းတွင် ၂၀% မှ ၇၅% အထိအထွက်တိုးစေနိုင်ပါသည်။ထို့ကြောင့် ပျားကလေးများကို သဘာဝ၏ လျှို့ဝှက်လယ်ယာလုပ်သားများဟုပင် တင်စားခေါ်ဝေါ်နိုင်ပါသည်။

🍯ဒါ့အပြင် ပျားကလေးများထံမှ လူသားတို့အတွက် အလွန်အကျိုးအာနိသင်များသော ပျားရည်၊ Royal jelly၊ ပျားဝတ်မှုန်(bee pollen)၊ ပျားဖယောင်း(bee wax)တို့ကိုလဲ ရရှိနိုင်ပါသေးသည်။

🐝ယခုချိန်တွင် ပျားကလေးများသည် ရာသီဥတုဖောက်ပြန်လာခြင်း၊ ဓာတုပိုးသတ်ဆေးများအသုံးများလာခြင်းကြောင့် ပျားများသေကြေပျက်ဆီးကာ ပျားအရည်အတွက် များစွာလျော့ကျလာသည်ကိုတွေ့ရှိရပါသည်။ ထို့ကြောင့်ပျားများနှစ်သက်သောပတ်ဝန်းကျင်များဖန်တီးပေးခြင်းဖြင့် ထိန်းသိမ်း​​မှုများပြုလုပ်ရန်လိုအပ်လျှက်ရှိပါသည်။


honey
jelly
pollen
Organic Pharming Project

02/04/2026

ပဲပုပ်နှင့်ကျန်းမာရေး

ပရိုတင်းဓာတ်များစွာပါဝင်သောပဲပုပ်သည် ရှမ်းတိုင်းရင်းသားများ အလွန်ကြိုက်နှစ်သက်စွာ စားသုံးလေ့ရှိသော အစားအစာ တစ်မျိုးဖြစ်သောကြောင့် ရှမ်းရိုးရာအစားအစာ(ရှမ်းပဲပုပ်)ဟူ၍ လူသိများခဲ့သော်လည်း ယနေ့ခေတ်တွင် ရှမ်းတိုင်း ရင်းသားများသာမက တိုင်းရင်းသားမျိုးစုံ နှစ်ခြိုက်စွာ စားသုံး လာကြပါတယ်။ပဲပုပ်အမျိုးမျိုးရှိသည့်အနက် အဝါရောင်ပဲပုပ်မျိုးသည် ပိုမွှေး၊ ပိုဆိမ့်ကာ အရသာထူးကဲပါတယ်။ ပဲပုပ်ကို အချပ်လိုက် (အခြောက်လှန်းထားသော)ပဲပုပ်ချပ်အချို သို့မဟုတ် ပဲပုပ်ချပ်အစပ်အဖြစ်လည်းကောင်း၊ခပ်ပျော့ပျော့ ပဲငါးပိအဖြစ်လည်းကောင်း ပြုလုပ်စားသုံးကြပါတယ်။

ပဲပုပ်တွင် အဓိကပါဝင်သော အာဟာရဓာတ်မှာ ပရိုတင်းဓာတ်ဖြစ်ပါတယ်။အခြားသောကောင်းမွန်သည့် အာဟာဓာတ်များလည်း ပါရှိပါသေးတယ်။�ပဲပုပ်တွင် ခွန်အားနှင့်သွေးနီဥအား တိုးတက်စေသော သံဓာတ်များ အလုံအလောက်ပါရှိနေသောကြောင့် သက်သတ်လွတ် စားသူများအတွက် သံဓာတ်ဖြည့်စွက်စာအဖြစ် အားကိုးထိုက်ပါတယ်။�ပဲပုပ်တွင်ပါရှိသောအသားဓာတ် ခေါ် ပရိုတင်းဓာတ်က အခြားသောသီးနှံပင်များထဲရှိ ပရိုတင်းဓာတ်မျိုးနှင့်မတူဘဲ သာလွန် ကောင်းမြတ်သော ပထမတန်းစား ပရိုတင်းဓာတ်ဖြစ်ပါတယ်။�ပဲပုပ်တွင်ပါရှိသော ပရိုတင်းဓာတ်သည် အမဲသား၊ ကြက်ဥနှင့်နွားနို့တို့တွင်ပါရှိသော ပရိုတင်းဓာတ်နှင့် အမျိုးအစား တူညီရုံမျှ မက ပဲပုပ်တွင် ပရိုတင်းဓာတ်ပါဝင်မှုပိုများပါတယ်။ထူးခြားချက်မှာ ပဲပုပ်တွင်ပါရှိသော ပရိုတင်းပမာဏသည် အမဲသားထက် နှစ်ဆ၊ ကြက်ဥထက် သုံးဆ၊ နွားနို့ထက် (၁၁)ဆ ပိုမိုပါဝင်ပါတယ်။�ပဲပုပ်တွင် ကစီဓာတ်ပါဝင်မှုလွန်စွာနည်းသဖြင့် အဝလွန်သူများနှင့် ဆီးလွန်ရောဂါရှိသူတွေအတွက် ကောင်းကျိုးပြုပါတယ်။�ပဲပုပ်က ပိန်သောသူကို ဝဖြိုးစေခြင်း၊ အသားအရေကို အရွယ်တင်နုပျိုစိုပြည်စေခြင်း၊ ဝမ်းချုပ်ရောဂါကို ကုသနိုင်ခြင်း၊ ကြွက်သား၊ အရေပြားနှင့်အကြောများကို အားကောင်းစေခြင်း၊ ခန္ဓာကိုယ်တွင်း အပူဓာတ်ဖြည့်ပေး၍ အားပြည့်စေခြင်း၊ အသည်း၊ ကျောက်ကပ်၊ အဆုတ်နှင့်အစာအိမ်တို့ကို ကျန်းမာစေခြင်း၊ ဗီတာမင်အေဓာတ်ကြွယ်ဝ၍ မျက်စိကို အားကောင်း စေခြင်း၊ ဦးနှောက်နှင့် အာရုံကြောများကို အားပေးခြင်း စသည်ဖြင့် ကောင်းကျိုးပြုပါတယ်။�ပဲပုပ်က အရိုးနှင့်သွားများကို ခိုင်မာစေခြင်း၊ အရိုးကြီးထွားမှုကိုအားပေးခြင်း၊ ကိုယ်ခန္ဓာထွားကျိုင်းစေခြင်း စသည်တို့ကြောင့် ကလေးငယ်များနှင့် သက်ကြီးရွယ်အိုများအနေဖြင့် မဖြစ်မနေ ပဲပုပ်စားပေးသင့်ပါတယ်။�ပဲပုပ်ကိုအပူပေး၍ ချက်ပြုတ်ထုတ်လုပ်ထားသော ပဲနို့ဒိန်ခဲသည်လည်းအနံ့အရသာက သာလွန်ကောင်းမွန်ပါတယ်။ ပဲနို့ဒိန်ခဲကလည်း နွားနို့ဒိန်ခဲနည်းတူ လူသားတို့၏ အစာအိမ်နှင့်အူလမ်းကြောင်းကို အကျိုးပြုပေး သောပိုးမွှားလေးများပါရှိနေပြီး ထူးခြားချက်မှာ ပဲနို့ဒိန်ခဲထဲရှိ ၎င်းအကျိုးပြုပိုးမွှားလေးများက အရွယ်အစားပိုကြီးကာ ပို၍လည်း ဆေးစွမ်းထက်မြက်ကြောင်း လေ့လာသိရှိရပါတယ်။ �ဒါကြောင့် “အစာလည်းဆေး ဆေးလည်အစား” ဆိုသလို ကျွန်မတို့နေ့စဉ်စားသုံးနေတဲ့ အစားအစာတွေကို ညီညွတ်မျှတစွာ စားသုံးပေးခြင်းဖြင့် ကျန်းမာရေးအတွက်အထောက်အကူပြုစေသော ဓာတ်စာများကို ယူကြရအောင်နော် …..

31/03/2026

🍍နာနတ်သီးကို ဘယ်အချိန်မှာ စားတာအကောင်းဆုံးလဲ❓
🍍နာနတ်သီးများသည် မိုးရာသီတွင် ထွက်ရှိမှုများပြီး အာဟာရဓာတ်များစွာ ပါဝင်နေသောကြောင့် ထိုနာနတ်သီးများကို ရာသီစာအနေနဲ့သာမက ကျန်းမာရေးအတွက် အထောက်အကူဖြစ်စေသော သစ်သီးတစ်မျိုးအဖြစ် မကြာခဏစားသုံးပေးသင့်ပါတယ်။
ဘာကြောင့်လဲဆိုရင်တော့ နာနတ်သီးမှာ ဗီတာမင် အေ၊ ဘီ၊ စီများအပြင် ကယ်ဆီယမ်ဓာတ်၊ မဂ္ဂနီစီယမ်ဓာတ် နှင့် သံဓာတ်များစွာပါဝင်နေတဲ့အပြင် အစာချေအင်ဇိုင်းတစ်မျိုးဖြစ်သော bromelain ဓာတ်လဲပါဝင်နေပါတယ်။
နာနတ်သီးကို ပုံမှန်စားသုံးပေးခြင်းဖြင့် ရရှိလာမဲ့ ကျန်းမာရေးအကျိုးကျေးဇူးများကတော့
၁) အမျှင်ဓာတ်များကြောင့် အစာအိမ်နှင့် အူလမ်းကြောင်းကျန်းမာရေးကို ကောင်းမွန်စေခြင်း
၂) နာတာရှည်လေပြွန်ရောင်ရောဂါ နှင့် ထိပ်ကပ်နာများကို သက်စေခြင်း
၃) ကြွက်သားများတောင့်တင့်ခြင်း၊ ရောင်ရမ်းခြင်း ၊ ထိခိုက်ဒဏ်ရာများကြောင့် အညိုအမည်းစွဲခြင်း၊ နာကျင်ခြင်း နှင့် နာတာရှည်အဆစ်အမျက်နာခြင်းများကို လျော့နည်းသက်သာစေခြင်း
၄) အရိုးများကို သန်မာစေပြီး အရိုးပါး၊အရိုးပွရောဂါများမှ ကာကွယ်ပေးခြင်း
စသော အာနိသင်များကြောင့် တကယ်ကို စားသုံးသင့်တဲ့ အသီးတစ်မျိုးဆိုပြီး လူသိများ ထင်ရှားလှပါတယ်။
သို့သော် နာနတ်သီးများကို ဗိုက်ဆာနေသောအချိန်တွင် (သို့) အစာမရှိသော အခြေအနေတွင် စားသုံးပါက အစာအိမ်ကို ထိခိုက်နိုင်သောကြောင့် မနက် ၁၀-၁၁ နာရီဝန်းကျင်နှင့် ညနေ ၄း၃၀ ဝန်းကျင်တွင် စားသုံးခြင်းဖြင့် အာဟာရဓာတ်များကို ကောင်းကောင်းအသုံးချနိုင်မှာဖြစ်ပါတယ်။

25/03/2026

ပါကင်ဆန်ရောဂါနှင့် ခွေးလှေးယားစေ့ 🫘
🫘 ခွေးလှေးယားစေ့ပင်သည် အပူပိုင်းဒေသတွင် ဖြစ်ထွန်းသော ပဲမျိုးနွယ်ဝင်အပင်တစ်မျိုးဖြစ်သောကြောင့် Velvet Bean လို့ခေါ်ကြပါတယ်။ ဒီခွေးလှေးယားပင်တွင် အရိုင်းမျိုးနှင့် ဆေးဖက်ဝင်သောမျိုးဆိုပြီး ရှိကြရာ ဒီကနေ့မှာတော့ ဆေးဖက်ဝင်ခွေးလှေးယားစေ့အကြောင်း တင်ပြပေးချင်ပါတယ်။
ဆေးဖက်ဝင်ခွေးလှေးယားအသီးသည် အရိုင်းကဲ့သို့ ယားယံခြင်းမရှိသည့်အပြင် အသီးနုလေးများကို ဟင်းအနေနဲ့ပါ ချက်ပြုတ်စားသုံးနိုင်ကြပါသည်။ ပြင်ဦးလွင် FAME Organic Pharming Project မှာတော့ ဧပြီလကုန်ခါနီးတွင် စတင်စိုက်ပျိုးပြီး နိုဝင်ဘာ၊ဒီဇင်ဘာလများတွင် ခူးဆွတ်ရိတ်သိမ်း၍ အခြောက်လှမ်းပြီး ခွေးလှေးယားအစေ့များကိုသာ ဆေးအဖြစ် အဓိကအသုံးပြုပါသည်။
ခွေးလှေးယားစေ့များကို လွန်ခဲ့သော နှစ်များစွာကပင် သဘာဝ ဒိုပါမင်း ( Natural Dopamine) ဖြည့်စွက်ဆေးဝါးအနေနဲ့ အသုံးပြုခဲ့ကြသောကြောင့် dopamine bean လို့တောင်တင်စားခေါ်ဝေါ်ကြပါတယ်။ သူ့ကို စားသုံးခြင်းမှ ရရှိလာသော သဘာဝဒိုပါမင်းများကြောင့် ပျက်စီးသွားသော အာရုံကြောများကို ပြန်လည်ကောင်းမွန်လာစေပါတယ်။ ထို့နောက် ဦးနှောက်၏ လုပ်ငန်းဆောင်တာများကို ပိုမိုကောင်းမွန်စေတဲ့အပြင် ဒိုပါမင်းဓာတ်လျော့ကျပါက ဖြစ်ပွားတတ်သော ပါကင်ဆန်ရောဂါ ( Parkinson’s disease) ကို ကာကွယ်၊ကုသရာတွင် အဓိက အသုံးပြုကြပါသည်။
ထိုဒိုပါမင်းများသည် အမျိုးသားများ၏ လိင်ပိုင်းဆိုင်ရာ လုပ်ဆောင်နိုင်မှုကို လှုံ့ဆော်ပေးနိုင်ပြီး မျိုးအောင်နိုင်မှုကို မြင့်မားစေတဲ့အပြင် ပန်းသေပန်းညိုးရောဂါများကို ကာကွယ်ပေးနိုင်သောကြောင့် အိမ်ထောင်ရေးသုခများကို ပြည့်စုံစေပါတယ်။
အစေ့တွင် ပါဝင်သော inositol လို့ခေါ်သော d-chiro-inositol များကြောင့် သွေးထဲက သကြားဓာတ်ကို ထိန်းညှိပေးပြီး ဆီးချိုရောဂါများမှ ကာကွယ်ပေးတဲ့အပြင် သူ့တွင်ပါဝင်သော သက်စောင့်ဓာတ်များကြောင့် အရေးပြားရောဂါများကုသရာတွင်လဲ အသုံးပြုကြသည်ဟု သုတေသန စာတမ်းများတွင် ဖော်ပြထားပါသည်။