31/05/2025
🔷 ခွေးရူးပြန်ရောဂါအကြောင်းသိကောင်းစရာ
•ကမ္ဘာ့ကျန်းမာရေးအဖွဲ့ချုပ်၏ ထုတ်ပြန်ချက်အရ ကမ္ဘာပေါ်တွင် ၁၅ မိနစ်လျှင် တစ်ဦးနှုန်း ခွေးရူးပြန် ရောဂါဖြစ်ပွား၍ အသက်ဆုံးရှုံးလျက်ရှိပြီး တစ်နှစ်လျှင်လူဦးရေ ၅၅,၀၀၀ မှ ၇၀,၀၀၀ ခန့် ခွေးရူးပြန် ရောဂါဖြင့် သေဆုံးလျက်ရှိကာ အာရှနှင့် အာဖရိကနိုင်ငံတို့၏ ဆင်းရဲသောကျေးရွာများတွင်ထိခိုက်မှုပိုမိုဖြစ်ပွားနေကြောင်း မှတ်တမ်းများအရ လေ့လာသိရှိရပါတယ်။
🔷 ခွေးရူးပြန်ရောဂါ
ခွေးရူးပြန်ရောဂါဆိုသည်မှာ ခွေးရူးပြန်ရောဂါဖြစ်စေသော ဗိုင်းရပ်(စ်) ပိုးတစ်မျိုးကြောင့်ဖြစ်ပွားပြီး၊ ကူးစက်ဖြစ်ပွားလျှင် ရာနှုန်းပြည့်သေဆုံးနိုင်သောရောဂါဆိုး ဖြစ်ပါသည်။
🔷 ရောဂါလက္ခဏာများ
လူတွင် ခွေးရူးပြန်ရောဂါ ဖြစ်ပွားပါက ခွေး၊ ကြောင်စသည့် တိရစ္ဆာန်များ အကိုက်ခံရခြင်း၊ အကုတ်ခံရခြင်းရာဇဝင်နှင့် အောက်ပါရောဂါလက္ခဏာများကို တွေ့ရှိရနိုင်ပါသည်။
(၁) ရောဂါဖြစ်ပွားသည့်အနာမှ နာခြင်း၊ ယားခြင်း
(၂) လေကြောက်ခြင်း
(၃) ရေကြောက်ခြင်း
(၄) ရေနှင့်အစာမြိုရခက်ခဲခြင်း
(၅) သွားရည်တစီစီကျခြင်း
(၆) ဂနာမငြိမ်ဖြစ်ခြင်း
(၇) တက်ခြင်း
(၈) အသက်ဆုံးရှုံးခြင်း
🔷 ကူးစက်နိုင်သည့် နည်းလမ်းများ
•ခွေးရူးပြန်ရောဂါပိုးရှိသည့် ခွေး၊ ကြောင် စသည့် တိရစ္ဆာန်များ ကုတ်ခံရခြင်း၊ ကိုက်ခံရခြင်း
•ခွေးရူးပြန်ရောဂါရှိသည့် တိရစ္ဆာန်များ၏ သွားရည်နှင့် မိမိတွင်ရှိသည့် အနာ၊ ဒဏ်ရာများကို ထိမိခြင်း
•ခွေးရူးပြန်ရောဂါဖြင့် သေဆုံးသူထံမှ ရရှိသည့် မျက်ကြည်လွှာနှင့် အခြားခန္ဓာကိုယ်အစိတ်အပိုင်းများအား အစားထိုးကုသမှု ခံယူခြင်း
🔷 ခွေးရူးပြန်ရောဂါဖြစ်ပွားနေသည့် တိရစ္ဆာန်များသည်
ဒေါသအလွန်ကြီးပြီး ကိုက်တတ်ခြင်း တုတ်ချောင်း၊ အမှိုက်စ၊ စက္ကူတို့အား စားခြင်း အသံအက်ဖြင့် ဟောင်ခြင်း၊ အူခြင်း၊ သွားရည်တစီစီကျခြင်း၊ အမြီးကုတ်ခြင်း စသည့်လက္ခဏာများတွေ့ရနိုင်ပါသည်။
ခွေးရူးပြန်ရောဂါဖြစ်ပွားပါက ရာနှုန်းပြည့် သေးဆုံးနိုင်ပါသည်။
🔷 ကာကွယ်နိုင်မည့် နည်းလမ်းများ
-အိမ်မွေးခွေးနှင့် ကြောင်များအား တိရစ္ဆာန်ဆေးကုဆရာဝန်၏ ညွှန်ကြားချက်အတိုင်း ခွေးရူးပြန်ကာကွယ်ဆေး အကြိမ်ပြည့်ထိုးနှံပေးခြင်း။
-ခွေး၊ကြောင် တိရစ္ဆာန်များနှင့် အနီးကပ်ကိုင်တွယ်သူများအား ခွေးရူးပြန်ရောဂါ ကာကွယ်ဆေးကြိုတင်ထိုးနှံပေးခြင်းနှင့် လိုအပ်ပါက ထပ်မံထိုးနှံပေးခြင်း။
🔷 ခွေးကိုက်ခံရပါက ခွေးရူးပြန်ရောဂါ မဖြစ်အောင်ကာကွယ်ပုံ
-ခွေးကိုက်ခံရပါက ဒဏ်ရာအား ရေဖြင့် အနည်းဆုံး(၁၅)မိနစ် ဆေးပါ။
-အနာအား အရက်ပြန် (သို့) ဘီတာဒင်းကဲ့သို့သော ပိုးသန့်စင်ဆေးရည်ထည့်ပါ။
-ဦးခေါင်း၊ လည်ပင်းနှင့် လက်ချောင်းထိပ်တို့တွင် အကိုက်ခံရပါက ပိုမိုဂရုစိုက်၍ အရေးပေါ် ချက်ချင်းကုသမှုခံယူရန် လိုအပ်ပါသည်။
-ခွေးရူးပြန်ရောဂါ မဖြစ်စေရန် တစ်ခုတည်းသော ကာကွယ်ရန်နည်းလမ်းမှာခွေးရူးပြန်ရောဂါကာကွယ်ဆေး အမြန်ဆုံးနှင့် အကြိမ်ပြည့်ထိုးနှံရန် ဖြစ်ပါသည်။
-သို့ဖြစ်ပါ၍ ခွေးကိုက်ခံရပါက နီးစပ်ရာဆေးရာဆေးရုံသို့ အမြန်ဆုံးသွားရောက်ကုသမှုခံယူရန် လိုအပ်ပါသည်။
-အချိန်မီ ကာကွယ်ဆေးထိုးခြင်းဖြင့် ခွေးရူးပြန်ရောဂါဖြစ်ပွားမှုအား ကာကွယ်နိုင်သည်။
-အချုပ်အားဖြင့်ဆိုသော် ခွေးရူးပြန် ရောဂါဖြစ်ပေါ် ခံစားရပါက ကုရာနတ္ထိဆေးမရှိပါ။
-ခွေးကိုက်ခံရပြီး ၁၀ နှစ်ကြာမှ ခွေးရူးပြန်ရောဂါပြန်ပေါ်နိုင်သည်ဟု ရန်ကုန်ကလေးဆေးရုံကြီးက သတိပေးထား ပါတယ်။
-ဒါကြောင့်ခွေးကိုက်ခံရပါက နီးစပ်ရာဆေးရုံ၊ဆေးခန်းသို့သွား၍ခွေးရူးပြန်ကာကွယ်ဆေးထိုးနှံထားသင့်ပါသည်။
🔷 ခွေးကိုက်ခံရပြီး ဘယ်လောက်ကြာလျှင် ဆေးထိုးရမလဲ။
-ခွေးကိုက်ခံရပြီး စောနိုင်သမျှစောစော ထိုးပါက အကောင်းဆုံးပါ။
-စောစောထိုးဖို့ အကြောင်းမညီညွတ်ခဲ့ရင် ထိုးခွင့်ရတဲ့အချိန် ထိုးပါ။
-ရောဂါက အစောဆုံး ၃ ရက် မှ ၁၀ နှစ်အတွင်း ဖြစ်နိုင်တာကြောင့်ပါ။
-ခွေးကိုက်ခံထားရရင် ဘယ်လောက်ပဲကြာကြာ ရောဂါလက္ခဏာ မပေါ်မခြင်း ခွေးရူးပြန်ရောဂါ ကာကွယ်ဆေးထိုးနှံနိုင်ပါတယ်။
Ref : ကျန်းမာရေးဆိုင်ရာစံပြုအချက်အလက်များ
*** ဆေးမှာယူရန် **
📩Japan Pharmacy
☎09 - 79 333 55 38 ( Viber )
☎09 - 78 353 55 38 ( Viber )
☎09 - 940 40 88 28
☎09 - 940 40 88 38
🏥လိပ်စာ - 31လမ်း၊ 83လမ်းနှင့်84လမ်းကြား၊ မန္တလေးမြို့။
