25/08/2021
ကလေးတွေ Covid ဖြစ်ရင်-
ပြောခဲ့ပါတယ်
သိပ်မပြင်းထန်ဘူး
ဘာမှ မဖြစ်သလိုကျော်ဖြတ်သွားသူ
သာမန် ၂-၃ရက်ဖျား သူ
လည်ချောင်းနာ ချောင်းဆိုးသူ
ဝမ်းနဲနဲဆက်ပျက်သူ
၇-၈ရက်ဖျားသူ တွေရှိပါတယ်
ကိုယ်ပေါ်မှာအနီစက်လဲထွက်ကြပါတယ်။
တချို့အနည်းစုသောကလေးတွေက
ဆေး ပညာအခေါ် MIS-C multisystem inflammation syndrome
ဆိုတာ ဖြစ်ပြီး ကိုယ်ခန္ဓာက Covid ပိုးကိုပြင်းထန်စွာတုန်ပြန်တတ်ပါတယ်။
အဖျားကြီးမယ်
ဝမ်းလျောတာ အန်တာတွေဖြစ်မယ်
ကိုယ်ပေါ်မှာ အနီစက်တွေထွက်တယ်
လည်ပင်းအကြိတ်တွေရောင်မယ်
မျက်လုံးတွေရဲနေမယ်
အရေးကြီးဆုံးကသွေးလန့်မယ် တက်မယ် စသဖြင့်ပေါ့....
အဲဒီအချိန်မှာ multisystem ဆိုတဲ့အတိုင်း တစ်ကိုယ်လုံးက နှလုံးအဆုတ် အပါအဝင်တခြား အင်္ဂါတွေ ရောင်ပြီး ပုံမှန်အလုပ်မလုပ်တော့တာတွေဖြစ်မယ်။
ကလေးငယ်ငယ် တနှစ်အောက်ရော ခပ်ကြီးကြီးရော ဖြစ်နိုင်ပါတယ်။
မိသားစုတွေ Covid ဖြစ်နေတုန်း သူက တဆက်တည်းဖြစ်တတ်သလို
ပထမ Covid ဖြစ်တာတွေကောင်းပြီး သွားမှ ၂ပတ် ၃ပတ်ကျော်ကြာမှ ထပ်ဖြစ် တာဖြစ်နိုင်တယ်။
အရင်က Covid ဖြစ်မှန်း မသိခဲ့ဘဲ ခုမှထဖြစ်တာ မျိုး လဲဖြစ်န်ုင်တယ်
အမျိုးမျိုး ဖြစ်နိုင်ပါတယ်။
ဘယ်ကလေးမျိုးက ဒီလိုဖြစ်နိုင်တယ် ဆိုတာ ဆိုးတဲ့ ရောဂါဝင်သွားမယ်ဆိုတာ ကြိုမခန့်မှန်းနိုင်ပါဘူး လူကြီးတွေလို ဆီးချို ရှိလို့ ကိုယ်ခံအားနဲလို့ ပိုဆိုးတယ် လို့ပြောစရာမရှိဘူး။
ကလေးရဲ့ ကိုယ်က brand new ကားလို သိပ်မသုံးရသေးတဲ့ အသစ်လေးပါ။
ဒါဆိုမိဘတွေသိပ်ကြောက်သွားပြီပေါ့။
ဒါဆိုဘယ်လိုလုပ်ကြမလဲ။
**စောင့်ကြည့်မယ်**
ကလေးက အဖျားကြီးမယ်
အဖျားတာရှည်မယ်၊
မလိုအပ်ဘဲ မှိန်းမယ်ငြိမ်လွန်းခွေနေမယ်၊
မလန်း မဆော့ မစားဘူး၊
အသက်ရှူမြန်မယ်၊
ဂဏာမငြိမ်ဂျီကျမယ်
ဆီးနဲမယ်၊
ခြေဖျားလက်ဖျားအေးမယ်၊
ကိုယ့်ကလေးရဲ့ပြောင်းလဲချက်တွေ အချိန်နဲ့တပြေးညီ စောင့်ကြပ်ကြည့်ရှူ့ သိရှိပြီး
မြန်မြန် ဆေးရုံ ဆရာဝန်ပြ
စစ်ဆေးခြင်းကုသခြင်းဖြင့်
အနိုင်တိုက်ရပါမယ်။
ဆေးရုံမှာဘဲကုနိုင်မယ်။
အိမ်မှာဆေး စားလို့မရပါ။
ဆေးရုံပြမနှေးပါနဲ့
တခါပြတာ မဟုတ်ဘူးကောင်းတယ် ဆိုပြီး ငြိမ်မနေဘဲ ကလေးအခြေအနေ မတိုးတက် မကောင်းဘူးထင်ရင် ထပ်ခါထပ်ခါ ပြသင့် စစ်ဆေး သင့်တယ်နော်။
**ထပ်ပြောပါမယ်**
ကြိုမပြောနိုင်ပါဘူး
စောင့်ကြပ် ကြည့်ရှု့ရပါမယ်
လိုရင်လိုသလိုဆရာဝန်ပြစစ်ဆေးမယ်
ဆေးရုံမှာကုမှရပါတယ်။
ကျန်းမာဘေးကင်းကြပါစေ။
Credit: ပါမောက္ခဒေါက်တာနီလာလွင်
(ကလေးကျန်းမာပညာဌာန)
