What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00 Saturday 08:00 - 20:00 Sunday 08:00 - 20:00

https://www.facebook.com/100416571752130/

Myat Mon 5 Show Room Pharmacy, Myitkyina (2026)

03/12/2025

✍️✍️✍️ကချင်ပြည်နယ် မြစ်ကြီးနားမြို့နေလူထုကျန်းမာရေးအတွက်အားထားရာ ပစ္စည်းမှန်၊ စျေးနှုန်းမှန်💊《မြတ်မွန်ဆေးနှင့်ဆေးပစ္စည်းအရောင်းဆိုင်ခွဲအသစ် 》💊ကိုတိုးချဲ့ဖွင့်လှစ်မည်ဖြစ်ကြောင်း သတင်းကောင်းပါးအပ်ပါသည်။
ဆိုင်အသစ်ဖွင့်ပွဲ အမှတ်တရအဖြစ် ဆိုင်ဖွင့်သည့်ရက်🙏🙏🙏《5.12.2025》🙏🙏🙏တွင် မည်သည့်ပစ္စည်းမဆို၀ယ်ယူပါက အမှတ်တရလက်ဆောင်နှင့်အတူ ၅၀၀၀၀ကျပ်ဖိုးအထက်ဝယ်ယူသူတိုင်အတွက် Lucky Draw အစီစဥ်များပြုလုပ်သွားမည်ဖြစ်ကြောင်းလေးစားစွာဖြင့်အသိပေးအပ်ပါသည်။

ဆိုင်ခွဲအသစ်တည်နေရာ👇
မြတ်မွန်ဆေးနှင့်ဆေးပစ္စည်းအရောင်းဆိုင်[ရှမ်းစု]
အခန်းအမှတ် 《10》 စည်ပင်တိုက်ခန်း BOC ဆီဆိုင်အရှေ့
09-2057181 / 09-675935100

31/10/2025

Atrovastatin အကြောင်း

16/09/2025

ဘယ်ဘက် လက်မောင်းနာတာ နှလုံးမှာ ပြသနာရှိနေလို့လား။

လူ့ခန္ဓာကိုယ်ဟာ မော်တော်ကားနဲ့ တူပါတယ်။
ကားတစီးမှာ စက်တခုခု ချို့ယွင်းလာရင်
ဒတ်ရှ်ဘုတ်မှာ မီးရောင်စုံလေးတွေ လင်းလာပြီး သတိပေးသလို
ခန္ဓာကိုယ်မှာ တခုခုပြသနာတက်ရင်လည်း
သတိပေးတတ်တဲ့ လက္ခဏာတွေ ရှိပါတယ်။

ဒီသတိပေးချက်တွေကို နားလည်ထားရင်
ဘယ်နားမှာနာတာက ဘယ်အင်္ဂါအစိတ်အပိုင်းကို
ညွှန်ပြနေလဲဆိုတာ ကောင်းကောင်းသဘောပေါက်ပါလိမ့်မယ်။

#ကျောက်ကပ်မှာပြသနာရှိနေရင် ခါးနာတတ်ပါတယ်။
ကျောက်ကပ်နှစ်လုံးက တင်ပါးအပေါ် ခါးတဝိုက်မှာ
ဘယ်တလုံး ညာတလုံးရှိတာမို့ ကျောက်ကပ်မှာ
ပြသနာရှိနေရင် ခါးနာတာကနေတဆင့်
သိရှိနိုင်ပါတယ်။

#နှလုံးနဲ့ပတ်သက်တဲ့ ပြသနာတွေကိုတော့
ဘယ်ဘက်လက်မောင်းအတွင်းဘက် နာတာ၊
ရင်ဘတ်အောင်တာတွေကနေတဆင့် သိနိုင်ပါတယ်။

#လည်ပင်းနဲ့ပုခုံးတဝိုက်နာကျင်တာ က အဆုပ်နဲ့
ဝမ်းဗိုက်အတွင်းမှာရှိတဲ့ ကြွက်သားပြားမှာ ပြသနာရှိတာကို
ပြသနေတဲ့ လက္ခဏာတခုပါ။

#ဘယ်ဘက်ပုခုံးထိပ်နာကျင်တာက သရက်ရွက်မှာ
ပြသနာရှိနေပြီးလို့ သတိပေးနေတာပါ။

#ရင်ပူတာရင်ဝတဝိုက်နာကျင်နေပြီဆိုရင်
အစာအိမ်မှာ တခုခုဖြစ်နေပါပြီ။
အစာအိမ်နာတဲ့ဝေဒနာက ကျောဘက်မှာလည်း
ခံစားရနိုင်တာကို သတိထားရပါမယ်။

#ဝမ်းဗိုက်ညာဘက်နံရိုးတွေအဆုံးမှာနတာက
အသည်းက ပြသနာတွေကို သတိပေးနေတာပါ။
ဝမ်းဗိုက်ညာဘက်အပြင် ကျောညာဘက်ခြမ်းမှာလည်း
နာတတ်သေးလို့ မပေါ့ဆသင့်ပါဘူး။

#အူအတက်ရောင်တဲ့ဝေဒနာက ဝမ်းဗိုက်ညာဘက်အောက်ပိုင်းမှာ
အထိမခံနိုင်အောင် နာတာမျိုးဖြစ်တတ်လို့ အဲလိုနာနေရင်
အမြန်ဆုံး ကုသမှုခံယူဖို့ လိုအပ်ပါတယ်။

#‌ခြေထောက်တဘက်တည်းနာတယ်
#တံခေါက်ခွက်ထဲကနာတယ်ဆိုတာက ခြေထောက်မှာ
ပြသနာရှိနေတာမဟုတ်ပဲ ခါးမှာ တခုခုဖြစ်နေတာမျိုးပေါ့။
ခါးဆစ်ရိုးတွေကြီးလာလို့ အာရုံကြောမကြီးကို ဖိမိရင်
ဖြစ်တတ်တဲ့ ပြသနာပေါ့။

22/08/2025

ညဘက် ခြေသလုံးကြွက်တက်ခြင်း
============================

ညဘက်အိပ်နေရင်း ခြေသလုံးကြွက်တတ်တာ ခံစားဖူးကြမှာပါ။ ရုတ်တရက် ကြွက်သားတွေ တောင့်တင်းပြီး နာကျင် ကိုက်ခဲတဲ့ဒဏ်က အိပ်ရေးပျက်စေနိုင်ပါတယ်။ ဒီလိုဖြစ်ရတဲ့ အကြောင်းရင်းတွေနဲ့ သဘာဝနည်းလမ်းတွေနဲ့ ဘယ်လိုကာကွယ်ကုသနိုင်မလဲဆိုတာ လေ့လာကြည့်ရအောင်။

ဘာကြောင့် ညဘက်ခြေသလုံးကြွက်တတ်သလဲ?
=====================================

၁။ #ရေဓာတ်ခမ်းခြောက်ခြင်း

ခန္ဓာကိုယ်မှာ ရေနဲ့ electrolyte (ဆား၊ ပိုတက်ဆီယမ်၊ မဂ္ဂနီစီယမ်) ဓာတ်တွေ နည်းသွားရင် ကြွက်တတ်နိုင်ပါတယ်။

၂။ #အာဟာရဓာတ်ချို့တဲ့ခြင်း

မဂ္ဂနီစီယမ် (အစိမ်းရောင်ဟင်းသီးဟင်းရွက်၊ အခွံမာသီး)

ပိုတက်ဆီယမ် (ငှက်ပျောသီး၊ အာလူး)

ကယ်လ်စီယမ် (နို့ထွက်ပစ္စည်း)

ဆိုဒီယမ် (ဆား) တို့ လိုအပ်ပါက ကြွက်တက်တတ်ပါတယ်။

၃။ #သွေးလည်ပတ်မှုမကောင်းခြင်း

ထိုင်တာ၊ ရပ်တာကြာရင် ကြွက်သားတွေဆီ သွေးစီးဆင်းမှုနည်းပြီး ကြွက်တတ်နိုင်ပါတယ်။

၄။ #ကြွက်သား အလွန်အမင်းညောင်းညာခြင်း

လေ့ကျင့်ခန်းအပြင်းအထန်လုပ်ပြီးရင် ညဘက်ကြွက်တတ်တတ်ပါတယ်။

၅။ #ဆေးဝါးဘေးထွက်ဆိုးကျိုး

ဆီးဆေး (diuretics)၊ ကိုလက်စထရောကျဆေး (statins) တို့ကြောင့်လည်း ဖြစ်နိုင်ပါတယ်။

၆။ #ကိုယ်ဝန်ဆောင်ခြင်း

ဟော်မုန်းပြောင်းလဲမှုနဲ့ သွေးလည်ပတ်မှုပုံမှန်မဟုတ်တာကြောင့် ကိုယ်ဝန်ဆောင်တွေမှာ အဖြစ်များပါတယ်။

၇။ #အာရုံကြောဖိမိခြင်း

ခါးရိုးဆစ်ကျဉ်းတဲ့သူတွေမှာ အာရုံကြောဖိမိတာကြောင့် ခြေထောက်ကြွက်တတ်ပါတယ်။

၈။ #နာတာရှည်ရောဂါများ

ဆီးချို၊ အသည်းရောဂါ၊ သိုင်းရွိုက်ပြဿနာတွေကလည်း တစ်ခါတလေ အကြောင်းရင်းဖြစ်နိုင်ပါတယ်။

သဘာဝနည်းလမ်းတွေနဲ့ ဘယ်လိုကုသမလဲ?
=================================

၁။ #ရေဓာတ်ဖြည့်ပါ

တစ်နေ့ ရေ ၈ ခွက် အနည်းဆုံးသောက်ပါ။ အုန်းရည်၊ သံပရာရည်+ဆား စတဲ့ electrolyte ဖြည့်အရည်တွေလည်း သောက်နိုင်ပါတယ်။

၂။ #မဂ္ဂနီစီယမ်နဲ့ ပိုတက်ဆီယမ်ကြွယ်ဝတဲ့ အစားအစာများ စားပေးပါ။

ငှက်ပျောသီး၊ ဟင်းနုနွယ်၊ အခွံမာသီး (ဗာဒံစေ့၊ မြေပဲ) ၊အာလူး။

၃။ #မုန်ညင်းဆီလိမ်း၍ နှိပ်နယ်ခြင်း

အိပ်ခါနီး ခြေသလုံးကြွက်သားတွေကို ဆီလူးပြီး နှိပ်နယ်ပေးပါ။

၄။ #နွေးအိတ်ကပ်ခြင်း

ကြွက်တတ်တဲ့နေရာကို ရေနွေးအိတ်ကပ်ပေးခြင်းက နာကျင်မှုသက်သာစေပါတယ်။

၅။ #အိပ်တဲ့ပုံစံပြောင်းလဲခြင်း

ခြေဖျားဆန့်ပြီး အိပ်တာထက် ဒူးအနည်းငယ်ကွေးပြီး အိပ်ခြင်းက ပိုကောင်းပါတယ်။

ဘယ်အချိန်မှာ ဆရာဝန်နဲ့ပြသင့်သလဲ?
==============================

👉 မကြာခဏ ကြွက်တက်ပြီးနာကျင်မှုပြင်းထန်ရင်

👉ခြေထောက်ဖောရောင်ခြင်း၊ ထုံကျင်ခြင်း ပါတွဲဖြစ်ရင်

👉 ဆီးချို၊ နှလုံးရောဂါ စတဲ့ နာတာရှည်ရောဂါရှိရင် ဆရာဝန်နဲ့ ပြသပါ။

ဒီနည်းလမ်းတွေနဲ့ ညဘက်ခြေသလုံးကြွက်တတ်တဲ့ပြဿနာ ကို သက်သာအောင် ကုသနိုင်ပါတယ်။ အိပ်ရေးဝဝအိပ်ပျော်ဖို့ ဒီနည်းလမ်းတွေ စမ်းကြည့်လိုက်ပါနော်! 😊

ကျန်းမာရေးနဲ့ညီညွတ်စွာ နေထိုင်ကြပါစို့! 💚

မေတ္တာဖြင့်...
စြမ္းအားသစ္ - New Power

#ကျန်းမာရေး #ညဘက်ခြေသလုံးကြွက်တတ်ခြင်း #ခြေသလုံးနာကျင်ခြင်း #ကြွက်တတ် #ကြွက်တတ်ကုနည်း

09/07/2025

❝ ဝါဆိုလပြည့်နေ့အကြောင်းသိကောင်းစရာ ❞

‎ဝါဆိုလပြည့်နေ့ နဲ့ ပတ်သက်လို့ ဗုဒ္ဓဝင်မှာ
‎”သန္ဓေ တောထွက် ဓမ္မစက် မိန့်မြွက်သံချို
လဝါဆို” ဟု ထူးခြားမှုကို မှတ်တမ်းတင်ထား၏။
‎
‎( ၁ ) ဘုရားလောင်းသိဒ္ဓတ္တမင်းသား
‎ပဋိသန္ဓေနေသောနေ့
‎
‎( ၂ ) ဘုရားလောင်း တောထွက်
‎တော်မူသောနေ့
‎
‎( ၃ ) ဂေါတမမြတ်စွာဘုရား ဓမ္မစကြာ
‎စတင်ဟောတော်မူသောနေ့
‎
‎( ၄ ) ရေမီးအစုံစုံတို့ဖြင့် တန်ခိုးပြာဋိဟာကို ‎ပြတော်မူသောနေ့
‎
‎( ၅ ) ဘုရားအဖြစ်ကို ဝန်ခံတော်မူသောနေ့
‎
‎( ၆ ) တရားရတနာ စတင်ပေါ်သောနေ့
‎
‎( ၇ ) သံဃာရတနာ စတင်ပေါ်သောနေ့
‎
‎( ၈ ) ပုထုဇဉ်ခရီးမှ အရိယာခရီးသို့ စတင်
‎ကူးပြောင်းခွင့်ကြုံသောနေ့
‎
‎( ၉ ) ဧဟိဘိက္ခု ဟူသောစကားကို
‎စတင်ကြားရသောနေ့
‎
‎ဝါဆိုလပြည့်နေ့ ဓမ္မစကြာအခါတော်
‎~~~~~~~~~~~~~~~~~~~~~
‎
‎ဂေါတမဘုရားလောင်းတော်သည် ပဉ္စဝဂ္ဂီ ၅ ဦးတို့ ‎စွန့်ခွာထွက်သွားပြီးသည်နောက် တကိုယ်တည်း ‎တရားကျင့်တော်မူခဲ့ရာ မဟာသက္ကရာဇ် ၁၀၃ ခုည‎ကဆုန်လပြည့်နေ့ သောကြာနေ့ တွင် သဗ္ဗညုတ‎ဥာဏ်တော်ကိုရရှိကာ ဘုရားအဖြစ်သို့ရောက်တော်‎မူလေသည်။ ထိုအခါ သဟမ္ပတိဗြဟ္မာမင်း၏ ‎လျှောက်ထားတောင်းပန်ချက်အရ အဘယ်သူ့ကို ‎တရားဦးဟောကြားအံ့နည်းဟု ဆင်ခြင်တော်မူ၏။

‎ဗုဒ္ဓမြတ်စွာ၏ အာသယာနုသယဥာဏ် ဣန္ဒြိပ‎ရောပရိယဥာဏ်တော်တို့ဖြင့် ဆင်ခြင်သည်။ ‎ပထမဦးစွာစျာန်လမ်းပြခဲ့ဖူးသော အာဠာရရသေ့‎ဆရာကိုမြင်၏။ ထိုရသေ့ကား ကွယ်လွန်ခဲ့ပြီး ‎ဖြစ်သည်။ ထိုမှတဆင့် ဥဒကရသေ့ဆရာကို‎မြင်တော်မူလေသည်။ ဥဒကရသေ့လည်း ကွယ်‎လွန်ခဲ့ပြီဖြစ်၏။
‎
‎ထို့နောက် အခြားသော ကျေးဇူးရှိခဲ့ဖူးသူများအား ‎တရားဦးဟောကြားရန် ကြည့်တော်မူပြန်သည်။ ‎ထိုအခါ ပဉ္စဝဂ္ဂီငါးဦးတို့ကိုမြင်တော်မူလေသည်။ ‎သို့သော်လည်း ထိုရသေ့များထံ ချက်ချင်းမကြွပေ။ ‎သုံးရက် သီတင်းသုံး စောင့်ဆိုင်းတော်မူ၏။ ‎ထို့နောက် ဗာရာဏသီအနီးရှိ မိဂဒါဝုန်တောသို့ ‎ခရီးဆက်တော်မူလေသည်။
‎
‎အစားနည်းသောအကျင့်မှ များသောအကျင့်သို့‎ပြောင်းခဲ့သောကြောင့် ဘုရားမဖြစ်နိုင်တော့ဟု ‎ပဉ္စဝဂ္ဂီတို့ ယူဆခဲ့ကြ၏။ ထိုကြောင့် ဘုရားလောင်း‎အား စွန့်ခွာပြီးဗာရာဏသီ မိဂဒါဝုန်တောသို့ ‎ရောက်ခဲ့ ကြလေသည်။
‎
‎မြတ်စွာဘုရားကြွလာသည်ကို ပဉ္စဝဂ္ဂီတို့မြင်ကြ၏။ ‎ခရီးဦးမကြို ဝတ်မပြုလိုကြတော့ပေ။ သို့ရာတွင် ‎အရှင်မြတ်သည် ဖန်ရည်ဆိုးသင်္ကန်းဝတ်ရုံလျက်ပင် ဝင်လာတော်မူ၏။ ‎ကိလေသာ ကင်းစင်သဖြင့် အေးချမ်းတင့်တယ်‎ကြည်ညိုဖွယ်ရှိရာ ပဉ္စဂ္ဂီတို့သည် မကြိုဆိုပဲ မနေနိုင်ဖြစ်ကာ ခရီးဦးကြိုကြ၏ ရှိခိုးပူဇော်ကြ၏။ နှုတ်ခွန်းဆက်ကြ၏။
‎
‎အချိန်ကား နေမင်းကြီးဝင်လုဝင်ဆဲအချိန်
‎လမင်းကြီးမှာ ပြူလစ်စ အခါသမယဖြစ်၏။ ‎ဆည်းဆာညချမ်း ဖြစ်သည်။
‎သူတော်မြတ်ဓာတ်ကြောင့် သာယာဖွယ်ကောင်းပေ၏။ ‎မိဂဒါဝုန်တောကား ရွှင်ပျအေးမြနေ၏ ဆိတ်ငြိမ်မှုဖြင့် ‎ပြီးလျက်ရှိ၏။ ထိုအခိုက်တွင် မြတ်စွာဘုရားရှင်သည် ‎ပဉ္စဝဂ္ဂီတို့၏ ရှေ့တွင်ထက်ဝယ်ဖွဲ့ခွေနေတော်မူသည်။ ‎ထို့နောက် ရဟန်းတို့ ဟု ခေါ်ဝေါ်ကာ နှုတ်ခွန်းဆက်‎တော်မူလိုက်၏။ ဤကား တရားဦးဟောရန်ဖိတ်ခေါ်‎သံ အစတည်း။
‎
‎ပဉ္စဝဂ္ဂီတို့သည် သီလစင်ကြယ်ပြီးသူများဖြစ်ကြသည်။ ‎ထို့ပြင် သဒ္ဓါ ဆန္ဒ ဝီရိယ စိတ်ထားပြည့်စုံနေပြီး သူများ‎ဖြစ်ကြလေရာ မြတ်စွာဘုရား၏ စကားအစသည် သူတို့၏ နှလုံးသားဝယ် တရား တည်၍တည်၍ လာလေသည်။
‎
‎ထိုအချိန်တွင် မြတ်စွာဘုရားက မိမိဘုရား ဖြစ်တော်မူ‎ကြောင်းမိန့်ကြား၏။ တရားနာယူကြရန်လည်း တဆက်‎တည်းတိုက်တွန်း၏။ သို့သော်မယုံကြည်နိုင်ကြသဖြင့် ‎သုံးကြိမ်သုံးခါ ငြင်းဆန်ကာနေကြ၏ မြတ်စွာဘုရားသည် ထိုငြင်းဆန်မှုကို ဘုရားဖြစ်ကြောင်း ထပ်မံသိစေပြန်၏။
‎
‎ပြီးမှ တရားဦး ခေါ်ဓမ္မစက္က ပဝတ္တန သုတ္တ ကို ‎ဟောကြားတော်မူလေသည်။ ထိုတရားတော်၏‎အဆုံးဝယ် အရှင်ကောဏ္ဍညသည် လူသားများ‎အနက် ပထမဦးဆုံး သောတာပတ္တိဖိုလ်၌ ‎တည်လေ၏ ထိုနေ့သည် ဝါဆိုလပြည့်နေ့ ဖြစ်၏။
‎
‎ထို့နောက်တဖန် ဒေသနာကိုဟောပြတော်မူရာ ‎ဝါဆိုလပြည့်ကျော် ( ၁ ) ရက်နေ့၌ အရှင်ဝပ္ပ ‎( ၂ ) ရက်နေ့၌ အရှင်ဘဒ္ဒိယ ( ၃ ) ရက်နေ၌ ‎အရှင်မဟာနာမ် ( ၄ ) ရက်နေ့၌ အရှင်အဿဇိ‎တို့သည် အသီးသီး သောတာပန်တည်ကြလေကုန်၏။ ‎ပဉ္စဝဂ္ဂီအားလုံးပင် ဧဟိဘိက္ခုရဟန်း အဖြစ်ရောက်‎ကြလေသည်။

ဝါဆိုလပြည့်ကျော် ( ၅ ) ရက်နေ့တွင်
‎မြတ်စွာဘုရားသည် အနတ္တလက္ခဏသုတ္တ ကို ‎ဟောကြားတော်မူခဲ့သည်။ ‎ဤတွင် ငါးဦးလုံး ရဟန္တာဖြစ်တော်မူကြလေသည်။ ‎ထိုနေ့ကိုလည်း '' ရဟန္တာနေ့ '' ဟု ဗုဒ္ဓဘာသာဝင်တို့‎သတ်မှတ်ယူကြကုန်သည်။
‎
‎ဝါဆိုလပြည့်နေ့ကို တရားဦး '' ဓမ္မစကြာ '' ဟောကြား‎သောနေ့ဖြစ်၍ '' ဓမ္မစကြာနေ့ '' ဟု ယနေ့အထိ ‎ဗုဒ္ဓဘာသာဝင်တို့ အလေးအမြတ်ပြုခဲ့ကြပေသည်။
‎
‎ဗုဒ္ဓသာသနံ စိရံ တိဋ္ဌတု
‎
#မန္တလေးသတင်းကွန်ရက်
ပြန်လည်မျှဝေပူဇော်ပါသည်။

07/07/2025

#ကလေးလေးတို့ကို ဂရုစိုက်ကြပါနော်

#အခုလက်ရှိ ကလေးတွေအတော်များများ
ရာသီတုပ်ကွေးရောဂါ ခံစားနေရပါတယ်။

✅ဆရာ ဆောင်ရန်ရှောင်ရန်လေးတွေ အကျဉ်းချုံးပြောပြမယ်နော်။

- အခုတစ်ခေါက် တုပ်ကွေးပိုးက အတော်ဆိုးတယ်။
ကလေးတွေ အဖျားအရမ်းတက်တယ်။
ကလေးဖျားရင် ရေပတ်တိုက်လို့ရပါတယ်။
ပါရာစီတမော တိုက်လို့ရပါတယ်။
ပါရာစီတမော ကို ကလေးကိုယ်အလေးချိန်
တစ်ကီလိုဂရမ်ကို (၁၅)မီလီဂရမ် တိုက်ပါတယ်။
တစ်ကီလိုဂရမ်ဟာ ၂.၂ပေါင် နဲ့ညီမျှပါတယ်။
( 1kg = 2.2 lb) ဒီတော့
ဥပမာ ၁၀ကီလိုဂရမ်/ ၂၂ပေါင်
( 10kg = 22lb)ရှိတဲ့ကလေးအတွက် ပါရာစီတမော
တစ်ခါတိုက်စာ လိုအပ်ချက်ဟာ ၁၅၀ မီလီဂရမ်
ဖြစ်ပါတယ်။

✅ပါရာစီတမောကို ခြောက်နာရီခြားဖြစ်စေ၊ ရှစ်နာရီခြားဖြစ်စေ တိုက်နိုင်ပါတယ်။

- ဒီတစ်ခါ ဖျားကြရင်နှစ်ရက်လောက်တော့
ကြာကြတယ်။ ဆေးခန်းပြတဲ့အခါ ကြည့်ပေးတဲ့ဆရာက ပိုးသတ်ဆေးပေးကောင်းပေးပါလိမ့်မယ်။

✅ပေးလည်း နှစ်ရက်လောက်တော့ဖျားနိုင်တာပါပဲ။ ဒါပေမယ့် တစ်ရက်လောက် အဖျားမကျတာကို စိတ်မရှည်ဘဲ ဆေးခန်းပြောင်းပြရင်

✅ပထမဆရာပေးထားတဲ့ပိုးသတ်ဆေးက ဆေးပတ်လည်အောင်မတိုက်ရတဲ့အခါ ဆေးယဉ်သွားပြီ းနောက်တစ်ခုခုဆို တိုက်လို့အာနိသင်မရှိဖြစ်သွားတတ်ပါတယ်။

✅စိတ်ရှည်ပေးပါ၊ ရောဂါရဲ့သဘော သဘာဝကို
နားလည်ပေးပါ။ Doctor shopping တစ်ယောက်ပြီးတစ်ယောက်နဲ့ပြောင်းမပြပါနဲ့။

✅ကလေးကိုယ်ခံအားကနိုင်လာတဲ့အခါ အဖျားကျပါလိမ့်မယ်။

#အဖျားနှစ်ရက်ကျော်လာပြီဆိုရင်

(အဖျား၄၈နာရီကျော်လာရင်) သွေးလွန်တုပ်ကွေး သတိရှိပါ။

- အပူတအားကြီးရင် ရေပတ်ရွှဲနေအောင်တိုက်လို့ ရပါတယ်၊ ရေချိုးချပစ်လို့ရပါတယ်။ မကြောက်ပါနဲ့။
အပူကြီးတဲ့ကလေးကို ရေချိုးရမှာ ကြောက်ကြတယ်၊
ကလေးပိုဆိုးမှာ ကြောက်ကြတယ်ဆိုတာ
နားလည်ပါတယ်။

✅သဘောတရားက အရမ်းပူလွန်းတဲ့အခါ ကလေးတက်မှာစိုးလို့၊ မီးကို ရေနဲ့ ငြိမ်းသလို အရမ်းပူနေတဲ့ခန္ဓာကိုယ်ကို ရေချိုးပြီး အေးစေတာပါ။

✅အပူကြီးပြီးမှိန်းသွားမှာ၊တက်သွားမှာ စိုးလို့ ရေချိုးခိုင်းတာပါ။

- ရေတိုက်ပါ။ ဖျားရင် ရေပိုတိုက်ပါ။
နို့စို့ကလေးဆိုရင် အမေနို့ပိုတိုက်ပါ။
အပူတက်လေလေ ရေဓာတ်ခန်းလေလေပါပဲ။
ခန္ဓာကိုယ်မှာရေ လုံလုံလောက်လောက်ရှိမှ
ကလေး လန်းမှာပါ။ မြန်မြန်ပြန်ကျန်းမာမှာပါ။
ဓာတ်ဆားတိုက်ချင်ရင် တိုက်ပါရပါတယ်။

❌သီးစုံဓာတ်ဆား၊ အားကစားသမားဓာတ်ဆား
မတိုက်သင့်ပါ။ ❌

✅ကလေးဓာတ်ဆားဖြစ်စေ၊ အငန်ဓာတ်ဆားဖြစ်စေ၊
အငန်ဓာတ်ဆားကို အရသာရှိရုံလး flavor ထည့်ထားတဲ့ ဓာတ်ဆားဖြစ်စေတိုက်လို့ရပါတယ်။

- ဒီတစ်ခေါက်အဖျားမှာ ကလေးတွေအတော်လေး
အစားအသောက်ပျက်တယ်။ ရသလောက်လေး
သူတို့စားချင်တာလေးတွေ တည့်တာလေးတွေ
ကျွေးပေးပါ။

✅နေကောင်းပြီး သုံးလေးရက်နေရင်
ပြန်စားလာပါလိမ့်မယ်။ ဒီမတိုင်ခင်ကတော့
အစားအသောက်ပျက်မှာပါပဲ။ ကြိုးစားကျွေးပါ။

✅ဆရာထပ်မှာပါမယ်။ တစ်ရက်နဲ့အဖျားမကျလို့
စိတ်ပူပြီး ပိုးသတ်ဆေးတွေ ကိုယ့်သဘောနဲ့ကိုယ်
တိုက်တာ၊ ဆေးပြင်းတွေနင်းကန်တိုက်တာ
မလုပ်ပါနဲ့။

✅ခန္ဓာကိုယ်ကပြန်ပြီးကုသမယ့်အချိန်ကိုစောင့်ပါ၊
မှိန်းလွန်းရင် ကိုယ်ပြနေကျဆရာဝန်ကို
ကိုယ်ယုံတယ်ဆိုရင် သူနဲ့ဆက်တိုင်ပင်ပြီးပြန်ပြပါ။

✅ရေများများတိုက်မယ်၊ အာဟာရရှိတာလေးတွေ
ဆက်ကျွေးမယ်။ အအေးမပတ်အောင်ထားကြမယ်နော်။

#ကျန်းမာကြပါစေ။ ဆရာဆုတောင်းပေးပါတယ်။

Dr. စိုင်းမြတ်သူ

06/07/2025

အသက်ကြီးလာတဲ့အမျှ ဖြစ်နိုင်ခြေမြင့်တက်စေတဲ့ #ပါကင်ဆန်ရောဂါ ( 𝐏𝐚𝐫𝐤𝐢𝐧𝐬𝐨𝐧 )

#ပါကင်ဆန်ရောဂါဆိုတာ ဉီးနှောက်တွင်းက ( 𝐃𝐨𝐩𝐚𝐦𝐢𝐧𝐞 ) ဒိုပါမင်းဓာတ် ထုတ်ပေးတဲ့ ဆဲလ်များဆုံးရှုံးခြင်းကြောင့်ဖြစ်လာရတဲ့ အာရုံကြောရောဂါ တမျိုးပဲဖြစ်ပါတယ်။

( 𝐃𝐨𝐩𝐚𝐦𝐢𝐧𝐞 ) ဒိုပါမင်းဓာတ် နည်းလာတဲ့အခါ လူတစ်ယောက်ရဲ့ လှုပ်ရှားမှု၊ ကိုယ်ခန္ဓာဟန်ချက်ညီအောင် ထိန်းညှိမှုတွေ မလုပ်နိုင်ဘဲ အားနည်းလာတတ်ပါတယ်။

#ရောဂါလက္ခဏာတွေအနေနဲ့

▪️လက်နဲ့လက်ချောင်းများဟာ ဘာမှမလုပ်ဘဲ တုန်နေခြင်း

▪️ကိုယ်ခန္ဓာရှိ ကြွက်သားများတောင့်တင်းပြီး လှုပ်ရှားရန်ခက်ခဲခြင်း၊ နာကျင်ခြင်း

▪️စကားမပြောခင် တုံ့ဆိုင်းနေတတ်ခြင်း

▪️ကိုယ်ခန္ဓာပုံစံ အနေအထားမမှန်ခြင်း

▪️လမ်းလျှောက်တဲ့အခါ ခြေလှမ်းများ လျှပ်တိုက်လျှောက်ရခြင်း၊ အထိုင်အထခက်ခြင်း အစရှိတဲ့ လက္ခဏာတွေဖြစ်လာတတ်ပါတယ်။

#ပါကင်ဆန်ရောဂါ ဖြစ်နိုင်ခြေဟာ အသက်ကြီးလာတာနဲ့ အမျှ တဖြည်းဖြည်းများလာတတ်ပြီ အသက် ၅၀ နှင့် အထက် လူကြီးတွေမှာ အဖြစ်များတတ်ပါတယ်။ လူငယ်တွေမှာလဲ ဖြစ်နိုင်မှုက ရှားပေမဲ့ ယောက်ျားလေးတွေဟာ မိန်းကလေများထက် ဖြစ်နိုင်ခြေ ၁.၅ ဆ လောက်ပိုမြင့်မားပါတယ်။

#ပါကင်ဆန်ရောဂါအဖြစ်များရတဲ့အကြောင်းအရင်းတွေကတော့

▪️ #အသက်အရွယ်
▪️ #မျိုးရိုးဗီဇ
▪️ #ပတ်ဝန်းကျင်အခြေအနေ
▪️ #ဦးနှောက်နှင့်အာရုံကြောရောဂါများနှင့်
▪️ #ပိုးသတ်ဆေး_ပေါင်းဆေး_များနဲ့ထိတွေ့မိခြင်း

အစရှိတဲ့ အကြောင်းအရင်းတွေကြောင့် ဖြစ်လာစေတဲ့အပြင် ခေတ်သစ် သိပ္ပံနည်းကျ ရှာဖွေတွေ့ရှိချက်အရ လေထုညစ်ညမ်းမှုကြောင့်လဲ #ပါကင်ဆန်ရောဂါဖြစ်ပွားနိုင်ခြေမြင့်တက်စေပါတယ်။

#ပါကင်ဆန်ရောဂါ ကို ပျောက်ကင်းသွားအောင်ကုသလို့မရပေမဲ့ ဆရာဝန်ညွှန်ကြားချက်အတိုင်း ဆေးဝါးများသောက်သုံးခြင်း၊ အာဟာရပြည့်ဝစွာနေထိုင်ခြင်း၊ အမျှင်ဓာတ်များတဲ့ အသီးတွေစားပေးခြင်းနဲ့ လေ့ကျင့်ခန်းလုပ်ပေးခြင်းက ခံစားနေရတဲ့ရောဂါလက္ခဏာတွေကို သက်သာအောင် ကူညီပေးနိုင်ပါတယ်။

#ပါကင်ဆန်ရောဂါဟာ အသက်ကြီးသူများမှာ အဖြစ်များတဲ့ နာတာရှည်ရောဂါဖြစ်ပေမဲ့ သက်သာအောင်တော့ထိန်းထားလို့ရပါတယ်။

မည်သည့်ရောဂါမဆို ဆရာဝန်နဲ့ကုသမှု သေချာခံယူတဲ့အပြင် မိသားစုရဲ့ စိတ်ရှည်သည်းခံမှု၊ချစ်ခြင်းမေတ္တာတွေနဲ့ ဖေးမမှုက ဝေဒနာခံရသူအတွက် စိတ်သက်သာမှုကိုပေးစွမ်းနိုင်တာမို့ #ပါကင်ဆန်ရှိသူများကို စာနာပြီး နွေးထွေးစွာဆက်ဆံဖို့ တိုက်တွန်းမျှဝေအပ်ပါတယ်။

#ပါကင်ဆန်

04/07/2025

✨အာရုံကြော အားနည်းခြင်းအကြောင်း
သိကောင်းစရာ✨
-----------------

✨ အာရုံကြော အားနည်းရောဂါ သည် အာရုံကြောများ ပျက်စီးမှု ကြောင့် ဖြစ်သော ရောဂါဖြစ်ပါသည်။ အာရုံကြောများ၏ တာဝန်မှာ ဦးနှောက်နှင့် ပင်မအာရုံကြောမကြီးမှ သတင်းအချက်အလက်များကို ခန္ဓာကိုယ်၏ ကျန်အစိတ်အပိုင်းများသို့ ပို့လွှတ်ပေးပါသည်။

✨ရောဂါလက္ခဏာများမှာ

လက်များ၊ ခြေထောက်များ လှုပ်ရှားမှု
အားနည်းခြင်း၊
ပင်အပ်နှင့် ထိုးသကဲ့သို့ စူးကနဲ၊ ပူကနဲ ဖြစ်ခြင်း
ထုံကျင်ခြင်း၊ အထိမခံနိုင်ဖြစ်ခြင်းတို့ ဖြစ်ပါသည်။

အချို့လူနာများတွင် ချွေးထွက်မမှန်ကန်ခြင်း၊ အထိုင်အထ မိုက်ခနဲဖြစ်ခြင်း၊ ဆီးဝမ်းနှင့် အစာခြေဆိုင်ရာ ပြဿနာများ၊ ယောကျာ်းများ စွမ်းဆောင်ရည် အားနည်းခြင်းတို့ ဖြစ်နိုင်ပါသည်။

✨နောက်ဆက်တွဲပြဿနာများ

ထုံနေခြင်းကြောင့် အရေပြားထိခိုက် လွယ်ခြင်း၊ အပူလောင်လွယ်ခြင်း၊ ထိခိုက်ရှနာဖြစ်လွယ်ခြင်း၊ ပိုးဝင်လွယ်ခြင်း၊ ဟန်ချက်မညီပဲ ချော်လဲလွယ်ခြင်း။

✨ဆောင်ရန် ရှောင်ရန်များ

အာရုံကြောအားကောင်းစေသော ရဲယို၊ မြင်းခွာရွက်၊ ဒန့်သလွန်ရွက်၊ ဆင်တုံးမနွယ်တို့ကို မကြာခဏ
စားပေးသင့်သည်။

ထို့ပြင် ငါးကြင်း၊ ငါးလူး၊ ငါးသလဲထိုး တို့ကို ကင်ပွန်းချဉ်ရွက်နှင့် ချက်စားခြင်း၊ ရှောက်သီးသုပ်၊ သံပရာသီးသုပ်တို့ကို မကြာခဏ စားပေးသင့်သည်။

မျှတသော၊ ကြေညက်လွယ်သော အာဟာရတို့ကို စားပေးရမည်။
သွေး အားကောင်းစေသော အစားအစာ၊အသီးအနှံများကိုလည်း စားသုံးပေးသင့်သည်။

အာရုံကြောအားနည်း ရောဂါတွင် အအေးခံလွန်းခြင်း၊ အအေးစာများကို လွန်စွာစားသုံးခြင်း၊ ဆေးလိပ်သောက်ခြင်း၊ အစာကိုအချိန်မှန်မစားခြင်း၊ ကွမ်းစားခြင်း၊ အတက်စာများ အစားများခြင်း၊အိပ်ရေးပျက်ခံခြင်း၊ ပင်ပန်းသောအလုပ်များ လွန်စွာ လုပ်ကိုင်ခြင်းတို့ကို ရှောင်ကြဉ်ရမည်။

အာရုံကြော အားနည်းရောဂါကို သက်သာစေရန်အတွက် သင့်လျော်သော ကိုယ်လက်လှုပ်ရှားမှုများကို ပြုလုပ်ပေးသင့်သည်။

စားသောက်ချိန်ကို အချိန်မှန်စေခြင်း၊ အချိန်မှန်မှန် အိပ်ခြင်း၊ စိတ်ဖိစီးမှုလျော့နည်းစေရန်အတွက် တရားထိုင်ခြင်း၊ နွေးနွေးထွေးထွေးနှင့် သန့်ရှင်းလတ်ဆတ်သော နေရာတွင်နေခြင်း၊ နံနက်စောစောတွင် နေပူဆာလှုံခြင်းတို့ကို ပြုလုပ်ပေးသင့်သည်။😍😍

Crd_

02/07/2025

👨 #အမျိုးသားတိုင်းသတိထားရမယ့်ဆီးကျိတ်ကြီးရောဂါ ( 𝐁𝐏𝐇 )အကြောင်း
=====================
𝐁𝐏𝐇 - 𝐁𝐚𝐧𝐢𝐠𝐧 𝐩𝐫𝐨𝐬𝐭𝐚𝐭𝐢𝐜 𝐇𝐲𝐩𝐚𝐫𝐩𝐥𝐚𝐬𝐢𝐚
#ဆီးကျိတ်ကြီးခြင်း / #ဆီးကျိတ်ယောင်ရောဂါ

▪️ ဆီးကျိတ် ( 𝐩𝐫𝐨𝐬𝐭𝐚𝐭𝐞 - ပရော့စ်တိတ်) ဟာ
အမျိုးသားတွေမှာပဲ ရှိတဲ့ ကိုယ်တွင်းအင်္ဂါပါ။အမျိုးသားထုကြီးမှာ အဖြစ်များဆုံး အမျိုးသားရောဂါတစ်ခုကိုပြောပါဆိုရင် ဆီး ကျိတ် ကြီးခြင်းလို့တောင်ပြောလို့ရပါတယ်။ ဒီ ဆီးကျိတ်ကြီး
ရောဂါဟာ အသက်အားဖြင့် အသက် 𝟔𝟎 ကျော် အမျိုးသားများ ရဲ့ ( 𝟑 ပုံ /𝟏ပုံ ) အသက် 𝟖𝟎 ကျော် အမျိုးသား တစ်ဝက်လောက်ဟာ ဆီးကျိတ်ကြီးနေတတ်ပါတယ်။

▪️ ဆီးကျိတ်ဟာ သာမန်အားဖြင့်အမျိုးသားတွေရဲ့ ဆီးအိမ် / ဆီးအိတ်( 𝐁𝐥𝐚𝐝𝐝𝐞𝐫 ) အရင်းမှာ တည်ရှိပြီးဆီးသွားလမ်းကြောင်းကို ပတ်ပြီး ငုံထားပါတယ်ဆီးကျိတ်ဟာ အမျိုးသားတွေရဲ့သုက်ပိုးရှင်သန်အောင် အာဟာရပေးတဲ့ဓာတ်‌ေတွ‌ထုတ် လုပ်ပေးပါတယ်။ ဒါကြောင့်မျိုးဆက်ပွားဖို့အတွက် အရေးကြီးတဲ့တာဝန်မှာ ထောက်ပံ့ကူညီပေးပါတယ်။

▪️ ဆီးကျိတ်ကြီးတယ်ဆိုတာ ပုံမှာပြထားသလို
သာမန်ရှိသင့်တဲ့ အရွယ်အစားကနေပုံစံပြောင်းပြီး အဆမတန်ကြီးထွားလာကာသူငုံထားတဲ့ ဆီးသွားလမ်းကြောင့်ကိုဖိမိ ပိတ်ဆို့ပါတယ် ။

▪️ ဆီးကျိတ်ကြီးတဲ့ လူတိုင်းဟာ ရောဂါလက္ခဏာခံစားရမှာမဟုတ်ဘဲ ဆီးကျိတ်ကြီးတဲ့နေရာ ပေါ်မူတည်ပြီး တစ်ချို့ဆိုရင် လက္ခဏာလုံးဝမပြဘဲ 𝐌𝐞𝐝𝐢𝐜𝐚𝐥 𝐜𝐡𝐞𝐜𝐤 𝐮𝐩 လုပ်ကြည့်မှ အမှတ်မထင်တွေ့တာမျိုးလည်းရှိပါတယ်။

ဘယ်လိုလက္ခဏာရပ်တွေခံစားရရင် ဆီးကျိတ်ကြီးနေတယ်လို့ ယူဆနိုင်မလဲ?
---------------------------------------------
▪️ဆီးမကြာခဏသွားလိုခြင်း/ သွားခြင်း
▪️ဆီးသွားပြီးလည်း ဆီးကျန်သလိုခံစားရခြင်း
▪️ဆီး သွားလို့ပြီးခါနီးမှ တစ်စက်တစ်စက်ကျခြင်း
▪️ညဘက် ဆီးခဏ ခဏ ထသွားရသဖြင့် အိပ်ရေးပျက်ခြင်း
▪️ဆီးသွားရခက်ခြင်း
▪️လူကြားထဲ ဆီးတတောက်တောက် ယိုကျခြင်း
▪️အရမ်းဆိုးရင်တော့ ဆီးလုံးဝမသွားနိုင်တော့တာမျိုးထိ ဖြစ်တတ်ပါတယ်။

#ဆီးကျိတ်ကြီးခြင်းကြောင့် ဘာတွေဖြစ်နိုင်ပါသလဲ?
----------------------------------------------
▪️ဆီးကျိတ်ကြီးခြင်းရဲ့ နောက်ဆက်တွဲကတော့
▪️ဆီးမသွားနိုင်ခြင်း
▪️ဆီးဟောင်းများ ကျန်နေသဖြင့်ဆီးပိုးဝင်ကာ ဖျားခြင်း (ဆီးလမ်းကြောင်းပိုးဝင်ခြင်း)
▪️ဆီးပိုးအဆိပ်ဒဏ်ကြောင့် ကျောက်ကပ်ပျက်ခြင်း
▪️ဆီးအိမ်ပျက်စီးခြင်း အထိ ဖြစ်တတ်ပါတယ်။

#ဆီးကျိတ်ကြီးခြင်းကို_စိုးရိမ်ဖို့လိုပါသလား?
------------------------------------------
▪️ဆီးကျိတ်ကြီးခြင်းဟာ အရွယ်အစား သိပ်မကြီးဘူး။ ဆီးလမ်းကြောင်းပိတ်တတ်တဲ့နေရာမှာ ရှိမနေဘူးဆိုရင် သိပ်စိုးရိမ်ဖို့မလိုပါဘူး။

#ကုသလို့ရနိုင်ပါသလား?
-------------------------------------
▪️ရလာတဲ့ ဆီးကျိတ်အရွယ်အစား
ရလဒ်ပေါ်မူတည်ပြီး ကုသမှုတွေကို ဆရာဝန်က
ရွေးချယ်ပေးရပါတယ်။ လူနာတစ်ယောက်နဲ့
တစ်ယောက်ရဲ့ ခန္ဓာကိုအရွယ်အစား
ရောဂါအနေအထား ရောဂါအခံ ရှိနေမှု
ဆီးကျိတ်အရွယ်အစား လူရဲ့ ခံနိုင်ရည်အား
စတာတွေကို ဆရာဝန်က ချင့်ချိန်သုံးသပ်ပြီး
လူနာတစ်ယောက်ချင်းအတွက် သင့်တော်မယ့်
ကုသမှုကို ပေးရပါတယ်။

#ကုသမှုအဆင့်တွေအနေနဲ့
ပထမ - သောက်ဆေးပေး၍ ကုသခြင်း
ဒုတိယ - ဆီးက်ျတ်ကြီးနေသည်ကို ခြစ်ထုတ်ခြင်း
တတိယ - ဆီးကျိတ်ကို ခွဲစိတ်၍ ထုတ်ရခြင်း
ဆိုပြီး အဆင့်လိုက်ကုသရပါတယ်။
ရောဂါကို စောစောသိရရင် သောက်ဆေးနဲ့ပဲ
တစ်သက်လုံး ကျန်းမာစွာနေထိုင်သွားလို့ရပါတယ် ခင်ဗျာ။

#ဒီအတွတ်နဲ့တော့စိတ်မပူပါနဲ့ 🙅‍♂️

Myat Mon 5 Show Room Pharmacy

03/12/2025

31/10/2025

16/09/2025

22/08/2025

09/07/2025

07/07/2025

06/07/2025

04/07/2025

02/07/2025

Address

Opening Hours

Telephone

Website

Alerts

Shortcuts

Share

Category

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00
Saturday	08:00 - 20:00
Sunday	08:00 - 20:00