23/09/2025
မေမေတို့ရေဒီရက်ပိုင်း ကလေးငယ်လေးတွေမှာ အဖြစ်များပြီး အန္တရာယ်ကြီးတဲ့ RSV ဗိုင်းရပ်စ်ကြောင့် ဖြစ်တဲ့ ပြင်းထန်အဆုတ်ရောင်ရောဂါအကြောင်း ပြောပြချင်လို့ပါ။📣
ဆေးခန်းတွေမှာလဲ လာပြသမျှ ကလေးတိုင်း လိုလိုက ဒီရောဂါနဲ့ ကြီးပဲ ဖြစ်နေလို့ပါ။
📌 RSV (Respiratory Syncytial Virus) ဗိုင်းရပ်စ်ဟာ အသက်ရှူလမ်းကြောင်းဆိုင်ရာ ရောဂါတွေကို ဖြစ်စေတဲ့ ဗိုင်းရပ်စ်တစ်မျိုး ဖြစ်ပါတယ်။
ကလေးငယ်တွေမှာ အဖြစ်များပြီး အသက်ရှူလမ်းကြောင်းအပေါ်ပိုင်းနဲ့ အောက်ပိုင်းကို ကူးစက်ပါတယ်။
ဒီဗိုင်းရပ်စ်ဟာ မိုးတွင်းလို ရာသီမှာ အဖြစ်များပြီး အထူးသဖြင့် နို့စို့အရွယ် ကလေးငယ်လေးတွေနဲ့ ကိုယ်ခံအားနည်းတဲ့ကလေးတွေကို ပိုပြီးထိခိုက်စေနိုင်ပါတယ်။
🤒ကူးစက်ပုံများ🤧RSV ဗိုင်းရပ်စ်ဟာ ကူးစက်မှု အလွန်မြန်ပါတယ်။
အဓိက ကူးစက်ပုံတွေကတော့: RSV ပိုးရှိသူရဲ့ နှာရည်၊ တံတွေး နဲ့ ထိတွေ့မိရင် ကူးစက်နိုင်ပါတယ်။
🤧လေထဲမှတစ်ဆင့် - ပိုးရှိသူ ချောင်းဆိုး၊ နှာချေလိုက်တဲ့အခါ ထွက်လာတဲ့ အမှုန်အမွှားလေးတွေက လေထဲမှာ ပျံ့နှံ့နေပြီး အသက်ရှူမိရင် ကူးစက်နိုင်ပါတယ်။
မျက်နှာပြင်များပေါ်မှတစ်ဆင့် - RSV ဗိုင်းရပ်စ်ဟာ စားပွဲ၊ တံခါးလက်ကိုင်၊ အရုပ် စတဲ့ မျက်နှာပြင်တွေပေါ်မှာ နာရီပေါင်းများစွာ အသက်ရှင်နိုင်ပါတယ်။
ဒီမျက်နှာပြင်တွေကို ထိပြီး ကိုယ့်မျက်လုံး၊ နှာခေါင်း၊ ပါးစပ်တို့ကို ပြန်ထိမိရင် ကူးစက်နိုင်ပါတယ်။
🤒ရောဂါလက္ခဏာတွေအနေနဲ့ကတော့ အစပိုင်းမှာ သာမန်အအေးမိဖျားနာနဲ့ ဆင်တူပါတယ်။ နှာရည်ယိုတာ၊ ချောင်းခြောက်ဆိုးတာ၊ ကိုယ်ပူတာတွေ စဖြစ်တတ်ပါတယ်။ဒါပေမယ့် ရောဂါပိုဆိုးလာရင် အသက်ရှူမြန်လာတာ၊ ရင်ဘတ်ချိုင့်ဝင်တာတာ၊ နို့ကောင်းကောင်းမစို့နိုင်တော့တာ၊ နှုတ်ခမ်းနဲ့ လက်သဲလေးတွေ ပြာလာတာ၊ အားနည်းပျော့ခွေလာတာ စတဲ့ ပြင်းထန်တဲ့လက္ခဏာတွေ ပေါ်လာနိုင်ပါတယ်။
🥰ဒါကြောင့် ကာကွယ်ဖို့အတွက် မိဘတွေအနေနဲ့ - ၁။မိသားစုဝင်အားလုံး လက်ကို ဆပ်ပြာနဲ့ မကြာခဏဆေးကြောဖို့ လိုပါတယ်။ ၂။ဖျားနာနေတဲ့သူတွေနဲ့ ကလေးကို မကူးစက်အောင် ဝေးဝေးမှာထားဖို့ အရေးကြီးပါတယ်။ ၃။ကလေးအသုံးပြုတဲ့ ပစ္စည်းတွေ၊ အရုပ်တွေကို ပိုးသန့်စင်ပေးဖို့ လိုပါတယ်။ ၄။ကလေးကို ဆေးလိပ်ငွေ့နဲ့ မထိမိစေဖို့ ဂရုစိုက်ပါ။🥰
သက်သာစေရန်ကလေးကို ရေ၊ အရည်ရွှမ်းတဲ့အစာတွေနဲ့ နို့များများ တိုက်ပေးပါ။ ရေဓာတ်ပြည့်ဝနေခြင်းက ချွဲတွေကို ပျစ်မသွားအောင် ကူညီပေးပါတယ်။
နှာခေါင်းပိတ်နေရင် နှာခေါင်းထဲကို ဆားရည် (Saline) တစ်စက်နှစ်စက် ထည့်ပေးပြီး နှာခေါင်းရှင်းစက်နဲ့ ညင်သာစွာ စုပ်ထုတ်ပေးနိုင်ပါတယ်။အနားယူစေခြင်း - ကလေးကို လုံလုံလောက်လောက် အနားယူစေပါ။
အနားယူခြင်းက ခန္ဓာကိုယ်ရဲ့ ခုခံအားစနစ်ကို အားကောင်းစေပါတယ်။
🚑အရေးအကြီးဆုံးကတော့ ကလေးမှာ အသက်ရှူရခက်ခဲနေတယ်၊ ရင်ဘတ်ချိုင့်နေတယ်၊ နို့စို့နိုင်စွမ်း သိသိသာသာကျဆင်းသွားတယ်၊ အားနည်းပျော့ခွေလာပြီး ဂျီမကျတော့ဘူးဆိုရင်တော့ ဆရာဝန်နဲ့ အမြန်ဆုံးပြသဖို့ တိုက်တွန်းလိုပါတယ်ခင်ဗျာ။
ကလေးငယ်အားလုံး ကျန်းမာပျော်ရွှင်စွာနဲ့ ကြီးပြင်းလာနိုင်ကြပါစေလို့ ဆုတောင်းပေးရင်း နှိုးဆော်အသိပေးလိုက်ပါတယ်ရှင့်။ #ဤစာစုလေးကိုဖတ်ပြီးအကျိုးရှိလျှင်တခြားမေမေများအတွက်မျှဝေ(share)နိုင်ပါတယ်ရှင့်။https://www.facebook.com/share/v/14JE8k6yRN3/
Crd. Tiny Heart
