https://www.facebook.com/ZiwakaPharmacy13521/

ဇီဝက ဆေးဆိုင်-ပန်းတနော်မြို့, No. 22, Bayintnaung Street, Pantanaw (2026)

02/04/2024

☀️ယခုလိုပူပြင်းလှတဲ့ နွေရာသီမှာ အပူချိန်မြင့်မားသောနေရာများတွင် ကြာရှည်စွာ အလုပ်လုပ်ရခြင်း၊ ပြင်းထန်သောအားကစားများပြုလုပ်ခြင်းကြောင့် အပူရှပ်ခြင်းအဖြစ်များတတ်ပါတယ်။
အပူရှပ်ခြင်းဆိုတာ အပူချိန်ပြင်းထန်လွန်းသဖြင့် သတိလစ်သွားခြင်း၊ သတိမေ့သွားခြင်း ဖြစ်ပါတယ်။
အပူရှပ်ခြင်းဟာ ဉီးနှောက်၊ နှလုံး၊ ကျောက်ကပ်နဲ့ ကြွက်သားတွေကို လျင်မြန်စွာထိခိုက်နိုင်သဖြင့် အရေးပေါ် ကုသမှုမခံယူပါက အသက်ဆုံးရှုံးတဲ့အထိ ဖြစ်စေနိုင်ပါတယ်။
❗️အပူရှပ်ခြင်းလက္ခဏာများ.......................................
🔴 ခန္ဓာကိုယ်အပူချိန် 104°F (40°C) နဲ့အထက်မြင့်တက်ခြင်း။
🔴 စိတ်တည်ငြိမ်မှုမရှိခြင်း၊ စိတ်ထွေပြားခြင်း။
🔴 တက်ခြင်း၊ သတိမေ့ခြင်း။
🔴 အပူချိန်မြင့်မားသော်လည်းချွေးမထွက်ခြင်း။
🔴 အသားအရေနီရဲခြောက်သွေ့ခြင်း။
🔴 အသက်ရှူမြန်ခြင်း၊ နှလုံးခုန်မြန်ခြင်း။
🔴 ပျို့ခြင်း၊ အန်ခြင်း၊ မူးဝေခြင်း။
🟢အရေးပေါ်ကုသနည်း(ရှေးဉီးသူနာပြုစုနည်း).................................................................
၁. ပထမဆုံး အေးမြတဲ့နေရာ၊ အရိပ်ရတဲ့နေရာသို့ရွှေ့ပါ။
၂. ထူထဲတဲ့အဝတ်များကိုဖယ်ရှားပါ။
၃. ပန်ကာမှုတ်ခြင်း၊ ယပ်ခပ်ခြင်း စသဖြင့် အအေးမြန်မြန်ရအောင်လုပ်ပါ။
၄. အဓိက အပူအောင်းရာနေရာများဖြစ်တဲ့ ခေါင်း၊ လည်ပင်း၊ ချိုင်းကြားနှင့် ပေါင်ခြံတို့၌ ရေပတ်တိုက်ခြင်း၊ ရေခဲကပ်ပေးခြင်းဖြင့် အေးအောင်ပြုလုပ်ပေးပါ။
၅. ဒါတွေလုပ်လို့မှ လူနာအခြေနေမကောင်းဘူးဆိုရင်တော့ နီးစပ်ရာဆေးရုံ ဆေးခန်းသို့ အမြန်ဆုံးသွားဖို့ တိုက်တွန်းလိုက်ရပါတယ်ခင်ဗျာ။

Crd

21/12/2023

ဆောင်းတွင်းမှာ သာမန်အချိန်ထက် ပိုပြီးဖျားနာလွယ်ကြပါတယ်။ လူကြီးရော ကလေးပါ မကြာခဏဆိုသလို နှာစေး၊ ချောင်းဆိုးတာ၊ ဖျားနာတာ ဖြစ်ကြပါတယ်။ အဓိကကတော့ အသက်ရှူလမ်းကြောင်း ကို ပိုးဝင်တာကြောင့်ပါ။

ဆောင်းတွင်းမှာ ဘာကြောင့် အသက်ရှူလမ်းကြောင်းပိုးဝင်တာ အဖြစ်များရတာလဲ။
အသက်ရှူလမ်းကြောင်း ပိုးဝင်ခြင်း ကို ဖြစ်စေတဲ့ အဓိက အကြောင်းရင်းတွေကတော့...

အိမ်ထဲမှာ အနေများတာ

အေးတဲ့အတွက် အိမ်မှာပဲ အနေများကြပါတယ်။ လူချင်း ထိတွေ့မှု များတဲ့အတွက် တစ်ယောက်မှာ ရောဂါပိုး တစ်ခုခုရှိနေရင် နောက်တစ်ယောက်ကို အလွယ်တကူ ကူးနိုင်ပါတယ်။

လေထုခြောက်သွေ့တာ

အေးမြတဲ့ ရာသီဥတုဖြစ်တဲ့အတွက် လေထုခြောက်သွေ့ပါတယ်။ ဒီလို အနအထားက ဗိုင်းရပ်စ်တွေ၊ ဘက်တီးရီးယားတွေ နှစ်သက်တဲ့ အခြေအနေပါ။ ဒါ့ပြင် အေးမြခြောက်သွေ့တဲ့ လေထုက အသက်ရှူလမ်းကြောင်းကို အချွဲတွေ ထွက်စေပါတယ်။ ဒီအခြေအနေနှစ်ခု တိုက်ဆိုင်သွားတဲ့အခါ ပိုးဝင်လွယ်ပြီး ဖျားနာနိုင်ပါတယ်။

ဗီတာမင် ဒီရရှိမှု နည်းတာ

ဗီတာမင် ဒီက ခုခံအားအတွက် အရေးပါတဲ့ ဗီတာမင်တစ်မျိုးပါ။ ဆောင်းတွင်းမှာ နေရောင်ရရှိမှု နည်းတာကြောင့် ဗီတာမင် ဒီ အလိုလိုချို့တဲ့ လာပါတယ်။

ဒီအချက်တွေကြောင့် ဆောင်းရာသီက တခြားအချိန်တွေထက် အသက်ရှူလမ်းကြောင်း ပိုးဝင်တာကို ပိုဖြစ်စေပါတယ်။

ဆောင်းတွင်းမှာ အဖြစ်များတဲ့ အသက်ရှူလမ်းကြောင်း ပိုးဝင်ခြင်းများ
ဆောင်းတွင်းမှာ အဖြစ်များတဲ့ အသက်ရှူလမ်းကြောင်း ပိုးဝင်ခြင်း တွေကတော့

အအေးမိခြင်း

အသက်ရှူလမ်းကြောင်း အပေါ်ပိုင်း (အထူးသဖြင့် နှာခေါင်းနဲ့ လည်ချောင်း)ကို ပိုးဝင်တာပဲ ဖြစ်ပါတယ်။ များသောအားဖြင့် Rhinovirus, Respiratory syncitial virus (RSV) တွေကြောင့် အဖြစ်များပါတယ်။

တစ်ယောက်ယောက်က နှာချေချောင်းဆိုးလိုက်တာ၊ ပိုးရှိနေတဲ့ ပစ္စည်းတွေကို ကိုင်တွယ်ပြီး မျက်နှာကို ထိတွေ့မိတဲ့အခါ ကူးစက်တတ်ပါတယ်။ လက္ခဏာအနေနဲ့ နှာစေးတာ၊ ချောင်းဆိုးတာ၊ လည်ချောင်းယားတာ၊ ငွေ့ငွေ့ဖျားတာ၊ ကိုယ်လက်ကိုက်ပြီး နုံးတာတွေ ဖြစ်တတ်ပါတယ်။

ဗိုင်းရပ်စ်ကြောင့် ဖြစ်တာများတဲ့အတွက် တိကျတဲ့ ကုသမှုမရှိပါဘူး။ လက္ခဏာတွေ သက်သာအောင် ဆေးဝါးတွေ (နှာစေးပျောက်ဆေး၊ ချောင်းဆိုးပျောက်ဆေး ဒါမှမဟုတ် အအေးမိဖျားနာပျောက်ဆေး) မှီဝဲနိုင်ပါတယ်။ များများအနားယူ၊ အာဟာရပြည့်အောင် စားရင် ရက်ပိုင်းလောက်နဲ့ သက်သာလာနိုင်ပါတယ်။

အများစုက လက္ခဏာမပြခင် တစ်ရက်နဲ့ လက္ခဏာပြပြီး တစ်ပတ်လောက်ထိ ကူးစက်နိုင်ပါတယ်။ ဒီအချိန်အတွင်းမှာ လူအများနဲ့ ထိတွေ့တာကို ရှောင်ဖို့ လိုပါတယ်။ လက်ဆေးတာ၊ နှာစေး ချောင်းဆိုးရင် အုပ်ဆိုးတာတွေ လိုက်နာဖို့ လိုပါတယ်။

တုပ်ကွေး

ပါးစပ်၊ နှာခေါင်း၊ လည်ချောင်းကနေ ပိုးတွေ ဝင်လာပြီး အဆုတ်ထိ ကူးစက်နိုင်ပါတယ်။ နှာချေချောင်းဆိုးလို့ ထွက်လာတဲ့ အမှုန်တွေကို ရှူမိတာ၊ ဒီအမှုန်တွေ ပေနေတဲ့ ပစ္စည်းတွေကို ကိုင်တွယ်ပြီး မျက်နှာကို ထိတွေ့ရာကနေ ကူးစက်တတ်ပါတယ်။

တုပ်ကွေးက အအေးမိတာထက် ပိုပြင်းထန်တတ်ပါတယ်။ အထူးသဖြင့် နုံးတာ၊ ကိုယ်လက်ကိုက်တာ ပြင်းထန်ပါတယ်။ နှာချေချောင်းဆိုးတာ၊ လည်ချောင်းနာတာ၊ ဖျားတာ၊ ခေါင်းကိုက်တာတွေလည်း ဖြစ်တတ်ပါတယ်။ တချို့တွေမှာ အန်တာ၊ ဝမ်းလျှောတာ ဖြစ်တတ်ပါတယ်။

အများစုကတော့ လက္ခဏာသက်သာအောင် ဆေးဝါးတွေ မှီဝဲတာ၊ အနားယူတာ၊ အာဟာရပြည့်အောင် စားတာ၊ ရေဓာတ်ပြည့်ဝအောင် နေတာလောက်နဲ့ သက်သာသွားပါတယ်။ ဗိုင်းရပ်စ်သတ်ဆေးတွေကတော့ လိုလေ့မရှိပါဘူး။ ဆရာဝန်က ညွှန်ကြားမှပဲ သောက်သင့်ပါတယ်။

ဖျားတာ၊ ကိုယ်လက်ကိုက်တာက ၃-၅ရက်လောက်နေရင် သက်သာပေမယ့် ချောင်းဆိုးတာ၊ နုံးတာကတော့ ၂ပတ်လောက်အထိ ကျန်တတ်ပါတယ်။ သူများကို မကူးစက်အောင် လက္ခဏာပြပြီး ၅ရက်လောက်ထိ နားသင့်ပါတယ်။ ဖျားနေတယ်ဆိုရင် အဖျားကျပြီး ၁ရက်နေမှ အလုပ်သွားသင့်ပါတယ်။

တုပ်ကွေးရောဂါ မကူးစက်စေဖို့ နှစ်စဉ် တုပ်ကွေးကာကွယ်ဆေးထိုးတာကလည်း ထိရောက်တဲ့ ကာကွယ်နည်းတစ်ခု ဖြစ်ပါတယ်။

02/10/2023

ဒီရက်ပိုင်း အများကြီးကူးစက်ပျံ့နှံ့‌နေတဲ့ မျက်စိနာရောဂါက Adenovial Conjunctivitis ပါ။ အသက်အရွယ်မရွေး ဖြစ်နေပါတယ်။ အလွန်ကူးစက်မြန်ပါတယ်။

🔺ဘာတွေ ခံစားရမလဲ

မျက်စိတစ်ဖက်က ရုတ်တရက် နီလာမယ်၊ မျက်ခွံဖောင်းလာမယ်၊ မျက်ရည်ကျမယ်၊ မျက်ချေးတွေ ထွက်မယ်၊ အထူးသဖြင့် မနက်အိပ်ရာနိုးချိန် မျက်ချေးတွေနဲ့ ပိတ်နေမယ်။ အမှိုက်ဝင်သလို ခံစားရမယ်။ အလင်းရောင် မကြည့်နိုင်ဘူး။ နောက်တစ်ရက် နှစ်ရက်ဆိုရင် တခြားမျက်စိတစ်ဖက်ကို ကူးစက်သွားပြီဆိုရင် Adenovial Conjunctivitis သေချာဖို့က အများဆုံးပါ။

တချို့က ‌မျက်မြှေးပါးက သွေးကြောလေးတွေ ပေါက်ပြီး ‌အနီရောင်အကွက်ပုံစံ ဖြစ်နေတတ်ပါတယ်။ တချို့က နောက်ဆက်တွဲ ဘက်တီးရီးယားပိုး ဝင်တတ်ပါတယ်။..

🔺ဘယ်လို ကုသရမလဲ

ဆောင်ရန် ရှောင်ရန် ၂ ခု ရှိပါတယ်။

ဆောင်ရွက်ရန် ✔️

၁။ ရေအေးဝတ် အုပ်ရပါမယ်။ တစ်ခါအုပ်ရင် ၁၀ - ၁၅ မိနစ်၊ လိုအပ်သလို ၂ နာရီခြား အုပ်သင့်ပါတယ်။

ရေခဲသေတ္တာရှိရင် ...
- အဝတ်စတစ်ခုကို ရေဆေးပါ။
- လေးထောင့် ခေါက်ပါ။
- ပလတ်စတစ်အိတ်ထဲထည့်ပြီး ရေခဲသေတ္တာထဲမှာ ၁၅ မိနစ်ထားပါ။
- ပလတ်စတစ်အိတ်ထဲက ထုတ်ပါ။
- မျက်စိကို အုပ်နိုင်ပါပြီ။

ရေခဲရှိရင် ...
- ရေခဲတွေကို ပလပ်စတစ်အိတ်ထဲမှာ ထည့်ပါ။
- ရေခဲအသေးလေးတွေဖြစ်အောင် လုပ်ပါ။
- ရေခဲအိတ်ကို သန့်စင်တဲ့အဝတ်စနဲ့ ပတ်ပါ။
- မျက်စိကို အုပ်နိုင်ပါပြီ။

ဘာမှမရှိရင် ...
- ရေစိမ်ထားတဲ့ အဝတ်နဲ့ အုပ်ပါ။

၂။ မျက်ရည်တုမျက်စဉ်း ၂-၃ နာရီခြား တစ်စက် ခတ်ပါ။ example. Cool Eyes, Protear, Neotear, Tears Naturale, Hameron, Systane

၃။ မျက်ချေးမျက်ဝတ်တွေကို သန့်ရှင်းရေးလုပ်ပါ။ မျက်ချေး အဝါရောင်၊ အစိမ်းရောင်တွေ ထွက်နေရင်တော့ ဘက်တီးရီးယားပိုးသတ်တဲ့ မျက်စဉ်းခတ်ဖို့ လိုပါတယ်။ Chloramphenicol Eye drop တစ်ခါခတ် တစ်စက် တစ်နေ့ ၄ ကြိမ် တစ်ပတ်ပြည့်အောင် ခတ်ပါ။..

ရှောင်ရန် ❌

မျက်စိနာရောဂါကူးစက်မှုရဲ့ အဓိကလမ်းကြောင်းက လက်ပါ။ လူအချင်းချင်းကြည့်လို့ မကူးစက်ပါဘူး။ မျက်မှန်တပ်ပြီး ကာကွယ်လို့ မရပါဘူး။ နေကာမျက်မှန်တပ်ရင် အလင်းရောင်မခံနိုင်တာကိုပဲဲ သက်သာစေပါတယ်။

• မျက်စိကို မကြာခဏ မကိုင်ပါနဲ့။
• မျက်စိကို မကိုင်ခင်နဲ့ ကိုင်ပြီးတိုင်း လက်ဆေးပါ။
• မျက်နှာသုတ်ပုဝါ သီးသန့်ခွဲသုံးပါ။
• လက်ဆွဲနှုတ်ဆက်တာတွေ မလုပ်ပါနဲ့။
• တခြားသူတွေကို မကူးစက်ရန် လူစုလူဝေးနေရာတွေကို မသွားပါနဲ့။

မျက်စိနာကူးစက်မှုက လက်ကနေတစ်ဆင့် ကူးစက်ပါတယ်။ မျက်စိနာရောဂါ မကူးစက်ဖို့ ကာကွယ်နိုင်ကြပါစေ.....။

မျက်စိအထူးကုဆရာဝန်တစ်ဦး
တယ်လီကျန်းမာ

16/08/2023

အာရုံကြောအားနည်းတဲ့ လက္ခဏာ (၇) မျိုး ‼️

1. ထုံကျဉ်တာ

ခြေတွေ၊ လက်တွေ ထုံကျဉ်တာ ဖြစ်ဖူးတယ်မလား။ ရာသီဥတုအေးလို့လည်း မဟုတ်ပါဘဲ မကြာခဏ ထုံကျဉ်တာ နေရခက်ပါတယ်။ ဗီတာမင် B12 အားနည်းခြင်းက အာရုံကြောတွေကိုဖုံးအုပ်ပေးထားတဲ့ အကာအကွယ်အလွှာကို ထိခိုက်ပျက်စီးစေနိုင်ပါတယ်။ Crohn’s ရောဂါ သို့မဟုတ် တခြား အူလမ်းကြောင်းရောဂါတွေကြောင့်လည်း ဗီတာမင်စုပ်ယူနိုင်စွမ်းကို အနှောင့်အယှက်ဖြစ်စေနိုင်ပါတယ်။

2. ပိုချမ်းတတ်တာ

အရင်ကဆို မှုလောက်မှာမဟုတ်တဲ့ အအေးဓာတ်လောက်ကို အခုမှ အရမ်းချမ်းတတ်နေတာမျိုး။ နည်းနည်းအေးတာနဲ့ ကိုယ်က ခိုက်ခိုက်တုန်နေတာမျိုး ခံစားရတယ်ဆို သွေးအားနည်းနေတာဖြစ်နိုင်ပါတယ်။ ဒီလိုဖြစ်ရတဲ့ အကြောင်းရင်းထဲမှာ B12 ဓာတ်မလုံလောက်လို့ သွေးနီဥတွေ နည်းတာ ဖြစ်စေနိုင်ပါတယ်။ ဒါဆို ခြေဖျား၊ လက်ဖျားတွေ အေးစက်ပြီး တဆတ်ဆတ်တုန်ပြီး ချမ်းတတ်တာပေါ့။

3. ဦးနှောက်လုပ်ဆောင်ချက်တွေကမောက်ကမ
ဖြစ်တာ

စိတ်ဓာတ်ကျတာ၊ အာရုံရှုပ်ထွေးတာ ၊မေ့တတ်လာတာ၊ အာရုံစူးစိုက်မရတာတွေက B12 အားနည်းရာကနေ ဖြစ်လာတဲ့လက္ခဏာတွေပါ။

4. အားနည်းတာ

လူကအားနည်းသလိုဖြစ်နေတယ်၊ ကြွက်သားတွေအားမရှိဘူး၊ ပင်ပန်းနုံးချိနေမယ်၊ ခေါင်းမူးတယ်ဆိုရင် အာရုံကြောအားနည်း တာဖြစ်နိုင်ပါတယ်။ ဒီလက္ခဏာတွေ ပိုဆိုးလာတယ်၊ ကြာလာတယ်ဆိုရင် ဆရာဝန်ပြပြီး အားဆေးသောက်သင့်သောက်ရပါမယ်။

5. နှလုံးခုန်မြန်တာ

နှလုံးခုန်မြန်တာကလည်း အာရုံကြောအားနည်း တဲ့ လက္ခဏာထဲမှာ ပါဝင်ပါတယ်။ ကြက်သား၊ ကြက်ဥ၊ ငါး တို့ကနေ ဗီတာမင်B12 ရရှိနိုင်ပါတယ်။ B12 ချို့တဲ့တယ်ဆိုရင် သွေးအားနည်းခြင်း၊ စိတ်အတက်အကျမြန်ခြင်း၊ အာရုံကြောထိခိုက်ခြင်းနဲ့ တခြားပြင်းထန်တဲ့ ရောဂါတွေ ဖြစ်လာစေနိုင်ပါတယ်။

6. ပါးစပ်အနာ

သွားဖုံး သို့မဟုတ် လျှာမှာ အနာလေးတွေ ဖြစ်လာတယ်ဆိုရင် B12 အားနည်းတာ၊ သွေးအားနည်းခြင်း
သို့မဟုတ် တခြားရောဂါ အကြောင်းရင်းတစ်ခုခုကြောင့် ဖြစ်နေနိုင်ပါတယ်။

7. ဗိုက်ပြဿနာ

ခံတွင်းပျက်တာ၊ အရမ်းပိန်သွားတာ၊ ဝမ်းချုပ်တာ စတဲ့ အစာအိမ်နဲ့ အူလမ်းကြောင်းပြဿနာတွေ ဖြစ်လာနိုင်ပါတယ်။ ကိုယ်ထဲမှာ B12 ပမာဏချို့တဲ့လွန်းရင် ဆရာဝန်ပြပြီး အားဆေးထိုးသင့် ထိုးရပါမယ်။

Credit
ပြန်လည်မျှဝေပါသည်။

14/07/2023

ယခုရက်ပိုင်း မြန်မာနိုင်ငံမှာအဖြစ်များနေတဲ့ 𝘽𝙧𝙤𝙣𝙘𝙝𝙞𝙩𝙞𝙨 ခေါ် အဆုတ်လေပြွန်ရောင်ရောဂါ ဟာ ကလေးတွေရဲ့အသက်အန္တရာယ်ကိုခြိမ်းခြောက်လာတဲ့အတွက် မိဘများရဲ့စိုးရိမ်ပူပန်မှုဟာ တစ်ဟုန်ထိုးမြင့်တက်လျက်ရှိပါတယ် 😰😰

ဒီလိုအချိန်မှာမိမိရဲ့ သားသားမီးမီးတို့ကိုရောဂါကာကွယ်မှုများအသေအချာပြုလုပ်ပေးထားဖို့လိုအပ်သလို အာဟာရပြည့်ဝမျှတတဲ့ အစားအစာတွေနဲ့ ကိုယ်ခံအားမြှင့်တင်ထားဖို့ကလည်း အလွန်အရေးကြီးပါတယ် 💌💌

အဆုတ်လေပြွန်ရောင်ရောဂါဟာ 𝒗𝒊𝒓𝒖𝒔 ကြောင့်သာမက ဘဲ 𝒃𝒂𝒄𝒕𝒆𝒓𝒊𝒂 ရောကြောင့်ပါ ဖြစ်တတ်ပါတယ် 🦠🦠
တချို့ကျောင်းတွေမှာ ကလေးတော်တော်များများ ကူးစက်ခံနေရတာဆိုတော့ virus ဖြစ်ဖို့များပါတယ် ၊ အခုကမိုးရာသီဖြစ်တဲ့အတွက် ရာသီတုပ်ကွေးရဲ့နောက်ဆက်တွဲ ကိုယ်ခံအားကျပြီးတော့ 𝑺𝒆𝒄𝒐𝒏𝒅𝒂𝒓𝒚 𝒃𝒂𝒄𝒕𝒆𝒓𝒊𝒂 𝒊𝒏𝒇𝒆𝒄𝒕𝒊𝒐𝒏 ကြောင့်လည်း bronchitis လို့ခေါ်တဲ့ လေပြွန်ရောင်ရောဂါရတတ်ပါတယ် 😔😔

ဒါကလည်းကလေးမှမဟုတ်ပါဘူး၊ မည်သည့်အသက်အရွယ် မဆိုဖြစ်တတ်ပါတယ်
ကိုယ်ခံအားနည်းတဲ့သူတွေဖြစ်တဲ့ ကလေးနဲ့ သက်ကြီးရွယ်အိုတွေမှာပိုပြီးဆိုးတတ်ပါတယ် 👴👶
ရောဂါလက္ခဏာတွေအများကြီးရှိပေမယ့် အဖျားကြီးတာရယ် ၊ ချောင်းဆိုးတာရယ်က ပိုပြီးခံရခက်နေတတ်ပါတယ် 🤒😷
ကလေးတွေမှာဆိုရင် ချောင်းဆိုးတာနဲ့ အန်တာပါ ပူးတွဲပါလာတတ်လို့ အစားမစားနိုင်ဖြစ်ပြီး weight ကျသွားတတ်ပါတယ် 🤮🤢
နဂိုကတည်းက အစားနည်းတတ်တဲ့ ကလေးတွေမှာဆိုရင်ပိုပြီးဆိုးတတ်ပါတယ် 😞😞
ဒီလိုအချိန်တွေမှာ ကလေးတွေကိုသိပ်ပြီးအတင်းမကျွေးပါနဲ့ 🧏‍♀️🧏‍♀️
မစားဘူးဆိုပြီးလည်း မကျွေးဘဲမနေပါနဲ့ 🧏‍♀️🧏‍♀️
ကလေးရဲ့ကိုယ်ခံအားပိုကျသွားပြီး ၊ နောက်ထပ်ပိုးတွေခန္ဓာကိုယ်ထဲဝင်ရောက်မှုမှာ များလာနိုင်ပါတယ် ( 𝑷𝒓𝒐𝒏𝒆 𝒕𝒐 𝒊𝒏𝒇𝒆𝒄𝒕𝒊𝒐𝒏) ကိုဆိုလိုတာပါ 🤕🤕

မေမေ တွေစိတ်မပူရအောင် အောက်ဖေါ်ပြပါ အစားအစာတွေကို ဖြည်းဖြည်းချင်းကျွေးပါလို့တော့အကြံပေးပါရစေ-
(1) ကြက်ဥ တရက် ၂ လုံး - အကာချက် (သို့မဟုတ်) ပူတင်းပုံစံမျိုး 🥚🍳
(2) အသား / ငါး စွပ်ပြုတ် - 🫕🫕
(3) ကြက်ပေါင်းရည် 🍗🍗
(4) ပြောင်းဖူး ရည် (corn soup) 🌽🌽
(5) သာကူကြို 🍵🍵
(6) ဒိန်ချဉ်
(7) cereal/ Oat / ဆန်ပြုတ်/ မြူစွမ် 🍚
(8) ထမင်းရည်နဲ့ နို့မှုန့်
(9) နို့ / formula milk 🍼🥛
(10) အသီးဖျော်ရည် 🍊🍓🍏
(11) ကလေးသောက် ငှက်သိုက်
စသည်တို့ဖြစ်ပါတယ်

တနေ့မှာအစာကိုနည်းနည်းနဲ့ အကြိမ်များများ ၅ ကြိမ်မှ၆ ကြိမ် - တခါကျွေးရင် အနည်းဆုံး 𝟏𝟎𝟎 𝐦𝐥 / 𝟏𝟎𝟎 𝐠𝐦 ကျွေးပါ ။ သုံးလေးရက်လောက်ကြာလာလျှင် ပုံမှန် အစာတွေ ပြန်ပြီးစားလာတတ်ပါတယ် ။ 𝒑𝒓𝒐𝒃𝒊𝒐𝒕𝒊𝒄 𝒔𝒖𝒑𝒑𝒍𝒆𝒎𝒆𝒏𝒕𝒔 ၊ 𝒎𝒖𝒍𝒕𝒊𝒗𝒊𝒕𝒂𝒎𝒊𝒏 တွေကိုတော့ နားလည်တတ်ကျွမ်းတဲ့ ဆရာဝန် ၊ အာဟာရဆရာဝန်များနဲ့ တိုင်ပင်ပြီးကျွေးသင့်ပါတယ်လို့တော့ အကြံပြုလိုက်ပါတယ် 👩‍⚕️👩‍⚕️

04/06/2023

𝗧𝗵𝗮𝗱𝗮 𝗚𝗹𝘂𝗰𝗼𝗺𝗲𝘁𝗲𝗿(ဆီးချိုတိုင်းစက်)

ဆီးချို အထူးကုဆရာဝန်များ ပြီးရင် မိတ်ဆွေအတွက် ဒုတိယ doctor အဖြစ်အမြဲတွေ့ဆုံရာမှာကတော့
(ဆီးချိုတိုင်းစက်)လေးပါ

အိမ်တိုင်းမှာ မရှိမဖြစ်လေးဆောင်ထားသင့်တဲ့ ပစ္စည်းလေးဖြစ်ပါတယ် ခင်ဗျာ😀

✅အဖြေတိကျမှန်ကန်တယ်
✅Strip ဝယ်ရ လွယ်ကူတယ်
✅စျေးနှုန်းချိုသာတယ်
✅သုံးရလွယ်ကူတယ်

အသုံးပြုပုံ
========
သွေးဖေါက်တံကို အပ်ထည့်ထားပြီး လက်ထိပ်ကို
သွေးဖေါက်ပါ။
သွေးစမ်းပြား test strips ကို မြှားအတိုင်း
စက်ထဲထည့်ပါ။
စက်မှ သွေးတောင်းသည့်ပုံပေါ်လာသည်နှင့် သွေးစမ်းပြားထိပ်သို့ ဖောက်ထားသည့် သွေးကို တို့ပေးပါ။
၅ စက္ကန့်ခန့်အကြာတွင် အဖြေထွက်ပါသည်။

အစာမစားမီ သွေးတွင်းအချိုဓါတ် (၁၂၆mg/dl)ထက်များလျှင်၊
ကြုံကြိုက်သလိုဖေါက်သည့်သွေးတွင်းအချိုဓါတ်သည် ၂၀၀mg/dl ထက်များလျှင်၊
အစာစားပြီးသွေးတွင်းအချိုဓါတ်သည် ၂၀၀mg/dl ထက်များလျှင် ဆီးချိုရောဂါရှိသည်ဟု ဆိုနိုင်ပါသည်။

⚠ စက်လေး ကို အေး၍ခြောက်သွေ့သောနေရာနှင့် နေရောင်ခြည်တိုက်ရိုက်မကျသောနေရာတွင်ထားပေးပါ။

ဇီဝကဆေးဆိုင်တွင် ဝယ်ယူရရှိနိုင်ပါပြီ🙋🙋‍♂️
☎️09769376990,09960005449

01/06/2023

မိုးရာသီရောက်ရင် အဖြစ်များတဲ့ ရောဂါတွေထဲက နောက်တစ်ခုကို ပြောရမယ်ဆိုရင်တော့ သွေးလွန်တုပ်ကွေးရောဂါ (Dengue Fever) ပါ။

သွေးလွန်တုပ်ကွေးရောဂါ (Dengue Fever ) သို့ (Break Bone Fever) လို့ ခေါ်တဲ့ ရောဂါတစ်မျိုးကတော့ မိုးရာသီမှာ တွေ့ရများတဲ့ ရောဂါတွေထဲက တစ်မျိုးအပါအဝင်ဖြစ်ပြီးတော့ ခြင်ကနေတစ်ဆင့် ကူးစက်နိုင်တဲ့ ရောဂါတစ်မျိုးလည်း ဖြစ်ပါတယ်။

သွေးလွန်တုပ်ကွေးရောဂါဟာဆိုရင်တော့ အပူပိုင်းဇုန်နဲ့ သမပိုင်းဇုန်ဒေသတွေမှာ တွေ့ရများပါတယ်။
ကလေးတွေအပြင် အရွယ်ရောက်ပြီးသားသူတွေမှာလည်း သွေးလွန်တုပ်ကွေးရောဂါ ဖြစ်ပွားနိုင်ပြီးတော့ရောဂါလက္ခဏာပြင်းထန်မှုကတော့ ၅ နှစ်အောက်ကလေးငယ်တွေမှာ ပိုပြီးပြင်းထန်နိုင်တယ်လို့ကျွမ်းကျင်သူတွေက ဖော်ပြကြပါတယ်။

သွေးလွန်တုပ်ကွေးရောဂါကို ဖြစ်ပွားစေတဲ့ အဓိကခြင်မျိုးစိတ်ကတော့ Aedes မျိုးစိတ်ဝင်ခြင်တွေဖြစ်ပြီး မြန်မာလိုအခေါ်အရဆိုရင်တော့ ခြင်ကြားတွေပဲ ဖြစ်ပါတယ်။

🔺 သွေးလွန်တုပ်ကွေးရောဂါဖြစ်ပွားပါက ခံစားရနိုင်သော လက္ခဏာများ

အချို့သူတွေမှာတော့ သွေးလွန်တုပ်ကွေးရောဂါ ခံစားရပါက လက္ခဏာအပျော့စားလောက်သာ ခံစားရတတ်ပြီး အချို့သူတွေမှာဆိုရင်တော့ အသက်ဆုံးရှုံးစေနိုင်တဲ့အထိ ရောဂါလက္ခဏာကို ခံစားရတတ်ပါတယ်။ ရောဂါကူးစက်ပြီး ၄ ရက်မှ ၁၀ ရက်အတွင်း ရောဂါလက္ခဏာများ စတင်ခံစားရတတ်ပြီး ရောဂါခံစားရချိန်ကတော့ ၂ ရက်မှ ၇ ရက်ထိ ကြာမြင့်နိုင်ပါသည်။

🔺 ခံစားရနိုင်တဲ့ လက္ခဏာတွေကတော့

- အပြင်းဖျားခြင်း( ၁၀၄ ဒီဂရီဖာရင်ဟိုက်/၄၀ ဒီဂရီဆယ်လ်စီးရပ်) အထိ ကိုယ်အပူချိန်တက်ခြင်း
- ခေါင်းအပြင်းအထန်ကိုက်ခြင်း
- မျက်လုံးကိုက်ခြင်း
- ကြွက်သွားနှင့်အဆစ်အမြစ်များကိုက်ခဲခြင်း
- ပျို့ခြင်း
- အန်ခြင်း
- အကြိတ်များထွက်ခြင်း
- အရေပြားတွင်အနီစက်များဖြစ်ပေါ်လာခြင်း

🔺 ရောဂါပြင်းထန်ပါက အောက်ပါလက္ခဏာများကို ခံစားရတတ်ပါသည်။

- အလွန်အမင်းဗိုက်အောင့်ခြင်း
- ဆက်တိုက်အန်နေခြင်း
- အသက်ရှူမြန်ခြင်း
- နှာခေါင်းနှင့်သွားဖုံးသွေးယိုခြင်း
- နုံးချိ၍အားမရှိသလိုခံစားရခြင်း
- ဂနာမငြိမ်ဖြစ်ခြင်း
- သွေးဝမ်းသွားခြင်း (ဝမ်းမဲမဲ) နှင့် သွေးအန်ခြင်း
(ကော်ဖီကဲ့သို့သောအရောင်များအန်ခြင်း)
- အရေပြားအရောင် ဖြူဖျော့လာခြင်းနှင့် အေးစက်လာခြင်းတို့ ဖြစ်ကြပါတယ်။

ပြင်းထန်လက္ခဏာခံစားရသူများကတော့ပိုမိုဂရုစိုက်၍ ကုသမှုခံယူရပါမယ်။ ကုသမှုခံယူပြီးချိန်တွင်လည်း ရပ်သတ္တပတ်အတန်ကြာ မောပန်းခြင်းကဲ့သို့သော ခံစားမှုမျိုးကို ခံစားရနိုင်ပါသည်။

🔺 ကုသမှုနည်းလမ်းများ

သွေးလွန်တုတ်ကွေးရောဂါအတွက် တသတ်မှတ်တည်း တိတိကျကျသတ်မှတ်ထားသော ကုသမှုဟူ၍ မရှိဘဲ ခံစားရသောလက္ခဏာများကို သက်သာစေရန်ကုသရခြင်းဖြစ်ပါသည်။

သတိထားရန်အချက်မှာ သွေးလွန်တုတ်ကွေးရောဂါသည် သွေးကြောငယ်လေးများထဲမှ သွေးယိုစိမ့်တတ်သော ရောဂါတစ်မျိုးဖြစ်သောကြောင့် ထိုကဲ့သို့သော သွေးယိုစိမ့်မှုကို ပိုမိုဆိုးဝါးစေသော ဆေးဝါးများသောက်သုံးခြင်းကို ရှောင်ကြဥ်ရပေမည်။

(ဥပမာ အကိုက်အခဲပျောက်ဆေးအမျိုးအစားဖြစ်သော Ibuprofen, Aspirin, Diclofenac စသဖြင့် ဆေးများ)

Acetamenophen(Paracetamol) ကိုတော့ အကိုက်အခဲနှင့် ဖျားနာခြင်း သက်သာစေရန် တတ်ကျွမ်းသူတို့၏ ညွှန်ကြားချက်အတိုင်း သောက်သုံး၍ရပါသည်။

သွေးလွန်တုတ်ကွေးရောဂါ အဖြစ်များသော ဒေသများတွင် နေထိုင်ကြသောသူများအဖို့ Dengvaxia ဟု ခေါ်ဆိုသော အသက် ၉ နှစ်မှ ၁၆ နှစ်အထိ ထိုးရန်သင့်တော်သော ကာကွယ်ဆေးအား ထိုးထားသင့်သည်ဟု ကျွမ်းကျင်သူများက အတည်ပြုကြပါတယ်။

ရောဂါလက္ခဏာပြင်းထန်သူများအနေဖြင့် ဆေးရုံဆေးခန်းတက်၍ ကုသမှုခံယူရန် လိုအပ်ပါတယ်။

Crd

21/05/2023

မိုးရာသီမှာ ကလေးလူကြီးမရွေးအဖြစ်များတဲ့ရောဂါအကြောင်းလေးတွေကို ကျန်းမာရေးဗဟုသုတအနေနဲ့ရေးသားဖော်ပြပေးသွားပါ့မယ်ခင်ဗျာ။

ပူပြင်းလှတဲ့နွေရာသီကာလအချိန်အပြီးမှာတော့ အေးမြစိုစွတ်မှုလေးတွေ ယူဆောင်လာပေးမယ့် မိုးရာသီဥတုကို တော်တော်များများ မျှော်လင့်ကြမယ်လို့ထင်ပါတယ်။
နွေဥတုအပြီး မိုးလေးရွာလာပြီဆိုရင် ရာသီဥတုပူပြင်းမှုခံစားရခြင်း အထိုက်အလျောက်သက်သာသွားတာမှန်သော်ငြား
မိုးရာသီဥတုနဲ့အတူကျွန်တော်တို့ခန္ဓာကိုယ်မှာ ခံစားရနိုင်တဲ့ အဖြစ်များတဲ့ရောဂါလေးတွေလည်း ရှိပါတယ်။

🤧 ရာသီတုပ်ကွေးရောဂါနှင့် အအေးမိဖျားနာခြင်း

နွေအပြီး ရာသီအပူချိန်လျော့ကျလာခြင်း၊ မိုးရွာခြင်းနှင့် လေထုစိုထိုင်းခြင်းတို့သည် ရာသီတုပ်ကွေးဖြစ်စေနိုင်သည့်ရောဂါပိုးမွှားများအတွက် ရှင်သန်နိုင်ရန် အခွင့်အလမ်းများရရှိကာ အကျိုးဆက်အနေဖြင့် ခန္ဓာကိုယ်တွင်းသို့ ယင်းပိုးမွှားများဝင်ရောက်ခြင်းကြောင့် အအေးမိဖျားနာခြင်းကို ဖြစ်စေတတ်ပါသည်။

👉🏻 ရာသီတုပ်ကွေးရောဂါခံစားရပါက အောက်ပါလက္ခဏာများကို ခံစားရနိုင်ပါတယ်။

🔺 ခန္ဓာကိုယ်အပူချိန်တက်၍ဖျားခြင်း
(ကိုယ်အပူချိန်တက်၍ဖျားခြင်းနဲ့အတူ ချမ်းတုန်ခြင်းတို့ပါ ခံစားရနိုင်ပါသည်။)

🔺 ချောင်းဆိုးခြင်း (ချောင်းခြောက်လည်းဆိုးနိုင်သလို
ချွဲသလိပ်ပါ၍လည်းဆိုးနိုင်ပါသည်)

🔺 လည်ချောင်းနာခြင်း

🔺 နှာခေါင်းပိတ်ခြင်း၊နှာရည်ယိုခြင်း

🔺 ခေါင်းကိုက်ခြင်း

🔺 ခန္ဓာကိုယ်ကြွက်သားများ ညောင်းညာကိုက်ခဲခြင်း

🔺 အားနည်းသလိုခံစားရ၍ မောပန်းလွယ်သလိုခံစားရခြင်း

အထက်ပါအတွေ့များသောလက္ခဏာများအပြင် အချို့သောသူများတွင် အော့အန်၍ဝမ်းသွားခြင်းတို့ပါတွဲ၍တွေ့ရတတ်ပါသည်။ အထူးသဖြင့် ကလေးများတွင် တွေ့ရတတ်ပါသည်။

👉🏻 ကာကွယ်နိုင်သောနည်းလမ်းများ

🔺 ရာသီတုပ်ကွေးရောဂါများနှင့်အအေးမိဖျားနာခြင်းများကိုကာကွယ်နိုင်ရန်နှင့် ရာသီတုပ်ကွေးရောဂါနှင့် အအေးမိဖျားနာခြင်းတို့ ခံစားရခြင်းမှ အမြန်ဆုံးသက်သာစေရန်တို့အတွက် မိမိတို့ခန္ဓာကိုယ်၏ ကိုယ်ခံအားစနစ်သည် အရေးကြီးသောအခန်းကဏ္ဍတွင် ပါဝင်သောကြောင့် ကိုယ်ခံအားကောင်းမွန်စေရန်အတွက် အာဟာရမျှတစွာစားသောက်ခြင်းနှင့် လုံလောက်စွာအနားယူခြင်းတို့ ပြုလုပ်ရန်လိုအပ်ပါသည်။

🔺 ဖျားနာခြင်းခံစားရပါက မိမိကိုယ်တိုင်အခြားသူများနှင့်ထိတွေ့မှုကို အတတ်နိုင်ဆုံး ရှောင်ကျဥ်ပါ အလားတူပင် ဖျားနာခြင်းခံစားရသူများထံသို့သွားရောက်ထိတွေ့ခြင်းကိုလည်း အတတ်နိုင်ဆုံး ရှောင်ကျဥ်ပါ။

🔺 တတ်နိုင်သမျှ တစ်ခုခုကိုကိုယ်တွယ်ထိတွေ့ပြီးတိုင်း လက်ဆေးပါ။

🔺 အပြင်သွားလာခြင်းနှင့် အလုပ်ခွင်ထဲတွင်တတ်နိုင်သမျှ Mask တပ်ထားပါ။

🔺 မိမိလက်ဖြင့် မျက်လုံး၊ နှာခေါင်း၊ ပါးစပ်စသည့်ဧရိယာများကို ထိတွေ့ခြင်းအား တတ်နိုင်သမျှ ရှောင်ကျဥ်ပါ။

🔺 ကျန်းမာရေးဆိုင်ရာ အလေ့အကျင့်ကောင်းများကို တတ်နိုင်သလောက် လိုက်နာပေးပါ။

🔺 ရာသီတုပ်ကွေးရောဂါများတွင် အပါအဝင်ဖြစ်သော သွေးလွန်တုတ်ကွေးရောဂါသည်လည်း ခြင်မှတစ်ဆင့် ကူးစက်နိုင်သောကြောင့် အတတ်နိုင်ဆုံး ခြင်ကိုက်ခြင်းမခံရအောင်လည်း ကာကွယ်သင့်ပါသည်။

#တယ်လီဒေါက်တာ

07/05/2023

🌀ဆိုင်ကလုန်း (မိုချာ)မုန်တိုင်း မတိုက်ခတ်မီ ကြိုတင်ပြင်ဆင်ရန် အချက်များ

‼မေလ (၁၀) ရက်မှ (၁၂) ရက်အတွင်းမှာ နာဂစ်နဲ့ အလားတူ အားကောင်းတဲ့ မုန်တိုင်းတစ်ခု ဝင်ရောက်နိုင်တယ်ဆိုတဲ့ သတင်းကို အားလုံးကြားမိကြမှာပါ။ ဆိုင်ကလုန်း မိုချာကို ပြင်းထန်တဲ့အခြေအနေအထိ ရောက်နိုင်တယ်ဆိုပြီး ထုတ်ပြန်ချက်တွေ များစွာ ထွက်ထားပါတယ်။ အားလုံး အန္တရာယ်ကင်း၊ ဘေးရှင်းကြစေဖို့ မုန်တိုင်းမတိုက်မီ ဘာတွေပြင်ဆင်သင့်လဲဆိုတာနဲ့ ပတ်သက်ပြီး ဒီမှာ ဖတ်ကြည့်ပေးပါ။ (အခြားမိတ်ဆွေများပါ ဖတ်နိုင်အောင် ဒီပို့စ်ကို မျှဝေပေးပါ။)

❗မိုးလေဝသ ထုတ်ပြန်ချက်တွေကို စောင့်ကြည့်ပါ။
မုန်တိုင်းအခြေအနေတွေက အခါအားလျော်စွာ ပြောင်းလဲမှုများ ရှိနိုင်တာကြောင့် တိကျမှန်ကန်တဲ့ မိုးလေဝသ ထုတ်ပြန်ချက်တွေကို အမြဲစောင့်ကြည့်ပြီး လိုအပ်သလို ဆောင်ရွက်ပါ။

❗ ခိုင်ခံ့ လုံခြုံတဲ့ နေရာ ပြင်ဆင်ပါ။
မုန်တိုင်း တိုက်ခတ်ဖို့ သေချာတာနဲ့ လူနဲ့ တိရိစ္ဆာန်များ ဘေးကင်းရာကို ရွှေ့နေဖို့ လိုအပ်တာကြောင့် အရေးပေါ် ရွှေ့ပြောင်းနေထိုင်ဖို့ ခိုင်ခံ့လုံခြုံတဲ့ နေရာကို ကြိုတင်ပြင်ဆင်ပါ။ ရေကြီးမှုများ ဖြစ်နိုင်တာကြောင့် ကုန်းမြင့်ပြီး ခြောက်သွေ့တဲ့ နေရာများသို့ ရွှေ့ပြောင်းပါ။ ကိုယ်ဝန်ဆောင်နဲ့ ကလေးငယ်များကို ဦးစားပေး ရွှေ့ပြောင်းနေထိုင်ပါစေ။

❗အဆောက်အဦးများ ခိုင်ခံ့အောင် ပြုလုပ်ပါ။
နေအိမ်များ ခိုင်ခံ့မှု အားနည်းပါက မုန်တိုင်းဒဏ် ခံနိုင်ရည် ရှိအောင် ပြင်ဆင်ပါ။ အိမ်အနီးတဝိုက်မှာ သစ်ပင်ကြီးများရှိပါက ကျိုးကျခြင်းများ မရှိစေရန် ကြိုတင်ဆောင်ရွက်ပါ။ ရိတ်သိမ်းစရာ သီးနှံများရှိပါက ကြိုတင် ရိတ်သိမ်းပြီး သေချာ သိုလှောင်ပါ။ သီးနှံသိုလှောင်ရုံများ၊ စပါးကျီများကို ခိုင်ခံ့အောင်၊ အမိုးလုံ၊ လေဒဏ်ခံနိုင်အောင် ပြုလုပ်ပါ။

❗ဆေးဝါး ရိက္ခာနဲ့ တစ်ကိုယ်ရည်သုံး ပစ္စည်းများ ပြင်ဆင်ပါ။
မိမိတို့ သုံးနေကျ ဆေးဝါးများ ရှိပါက ကြိုတင် ထုပ်ပိုးထားပါ။ မုန်တိုင်းတိုက်နေစဉ် အလွယ်တကူ စားသောက်နိုင်ဖို့ တာရှည်ခံတဲ့ ရိက္ခာခြောက်များ ပြင်ဆင်ပါ။ ဓာတ်မီး၊ ဓာတ်ခဲ၊ ဖယောင်းတိုင်၊ မီးခြစ်နဲ့ ရေဒီယိုများ ပြင်ဆင်ပါ။ လျှပ်စစ်ပစ္စည်းများကို အားအပြည့်သွင်းထားပါ။ ရေစိုမခံတဲ့ ပစ္စည်းများ၊ အရေးကြီးတဲ့ စာရွက်စာတမ်းများကို ကုန်းမြင့်ပြီး ခြောက်သွေ့တဲ့နေရာသို့ ပြောင်းရွှေ့ထားပါ။

❗ပင်လယ်နားအနီး တဝိုက်သို့ သွားရောက်ခြင်း အထူးဆင်ခြင်ပါ။
မုန်တိုင်း တိုက်နိုင်ခြေ ရှိပါက ပင်လယ်သို့ ငါးဖမ်းထွက်ခြင်း၊ အလုပ်လုပ်ကိုင်ခြင်းနဲ့ ခရီးထွက်ခြင်းများ (လုံးဝ) မပြုလုပ်ပါနဲ့။ ပင်လယ်နားမှာ နေထိုင်သူများအနေနဲ့ လိုအပ်ပါက ဘေးကင်းရာသို့ ရွှေ့ပြောင်းနေထိုင်ပါ။

❗ကိုဗစ်နဲ့ အခြားကူးစက်ရောဂါများ အန္တရာယ်ကို ဂရုပြုပါ။
မုန်တိုင်း ရှောင်နေစဉ်အတွင်း ကိုဗစ်ကူးစက်ရောဂါဆိုင်ရာ အကြံပြုချက်များကို လိုက်နာပါ။ နှာခေါင်းစည်း တပ်ပါ။ ရေမှတစ်ဆင့် ကူးစက်နိုင်တဲ့ ရောဂါများ မဖြစ်စေဖို့ ဂရုပြုပါ။ သောက်သုံးရေသန့်များ စုဆောင်းထားပါ။ သောက်ရေသန့် မရရှိနိုင်ပါက ရေကို ကျိုချက်ထားပါ။

*သီးနှံခင်းများ ရေသွင်းဖို့ အစီအစဉ် ရှိပါက မိုးလေဝသ ထုတ်ပြန်ချက်များအပေါ် စောင့်ကြည့်ပြီး အလျဉ်းသင့်သလို ဆောင်ရွက်သင့်ပါတယ်။

#ရေတံခွန်

19/04/2023

✅နေပူပူမှာ အပူလျှပ်ခြင်းမဖြစ်အောင်ကာကွယ်စို့ ✅

- ပူပြင်းတဲ့ နွေရာသီ ရောက်လာပြီ ဆိုတော့ အပူလျှပ်ခြင်း ရဲ့ အန္တရာယ် ကို အထူးသတိထားသင့်ပါတယ်
- အပူလျှပ်ခြင်းက အသက်အန္တရာယ် သေဆုံးတဲ့ အထိ ဖြစ်တတ်ပါ တယ်

✅ အပူလျှပ်ခြင်းရဲ့ လက္ခဏာတွေကတော့
- ကိုယ် အပူချိန် မြင့်တက် လာတာ
- မူးဝေတာ ၊ ခေါင်းမူး၊ ခေါင်း ကိုက်တာ
- ချွေးထွက်များ ကာ နုန်းချိပျော့ခွေတာ
- စိတ်ဂနာမ ငြိမ် ဖြစ်တာ
- ကြွက်တက်တာ တို့ ဖြစ်ပါတယ်

ဒါ့ အပြင် နောက်ဆက်တဲွ ဖြစ်လာနိင်တဲ့ အခြေအနေတွေကတော့
- ခန္တာကိုယ်အပူချိန် အလွန်အကျွံမြင့်တက်လာခြင်း
- အရေပြား ပူ ၍ခြောက်သွေ့ခြင်း
- ကယောင်ကတမ်းဖြစ် ခြင်း
- သတိလစ်ခြင်း ၊ တက်ခြင်း
ဒီ အခြေအနေ တွေ တွေ ဖြစ်လာပြီ ဆို လျှင် နီးစပ်ရာ ဆေးရုံ ဆေးခန်း သို့ သွား၍ အရေးပေါ်
ကုသရမှာ ဖြစ်ပါတယ်

✅ အပူလျှပ်ခဲ့ လျှင် ရှေးဦးစွာ အရေးပေါ်ပြုစုနည်းလေးတွေလဲ သိထားရပါမယ်
- လူနာကို အေးတဲ့ နေရာ ၊ အရိပ် ထဲ ရွှေ့ထားပေးရပါမယ်
- Air con , ပန်ကာဖွင့် ထားပေးပြီး မရှိပါက ယပ်တောင်ခပ်ပေးရပါ မယ်
- အကျိီပွပွ လဲ လှယ် ပေးရပါမယ်
- ရေအေးအေးနှင့် ရေပတ်တိုက်ပေးရပါ မယ်
- လူနာကောင်းစွာ သတိရနေပါက ရေ
အေး( သို့မဟုတ်) ဓာတ်ဆားရည် တိုက်ပေးရပါမယ်

✅အပူလျှပ်ခြင်းမှ ကာကွယ်ဖို့အတွက်
- အရိပ်ရ၍လေဝင်လေထွက် ကောင်း တဲ့ နေရာ မှာ နေပါ
- ရေဓာတ်ပြည့်ဝအောင် အရည်များများသောက်ပေးပါ
- နေပူထဲ ထွက်လျှင် ထီး ၊ ဦးထုပ် ၊ နေကာမျက် မှန် ဆောင်း ပြီးမှသွားပါ
-အင်္ကျီအရောင်ဖျော့ဖျော့ ပွပွ တွေ ဝတ်ပါ
- လေ့ကျင့်ခန်း ပြင်းပြင်းထန်ထန် မလုပ်ပါနှင့်
- ရေဓာတ်ဆုံးရှုံးနိုင်သော အရက် ၊ ကော်ဖီ အလွန်အကျွံ မသောက်ပါနှင့်

နေပူပူမှာ အပူလျှပ်ခြင်းမှ ကင်းဝေးအောင် သတိထားနေထိုင်ကြရအောင် နော်

29/03/2023

🌿ဓာတ်ဆားဆိုတာဘာလဲ။ဘာအတွက်သုံးတာလဲ။
----------------------------------------------------

ဓာတ်ဆားဆိုတာ ကိုယ်ခနွာအတွက် လိုအပ်သော calcium, potassium နှင့် sugar တို့ကို အချိူးညီညီ ထည့်ပေးထားတာ ဖြစ်ပါတယ်။
ချွေးထွက်လို့ ဖြစ်စေ၊ဝမ်းပျက်ဝမ်းလျှောလို့ ဖြစ်စေ၊အူရောင်လို့ဖြစ်စေ အကြောင်းအမျိူးမျိူးကြောင့် ခနွာကိုယ်မှဆုံးရှုံးသွားတဲ့ရေနဲ့ဆားဓာတ်တွေ ပြန်လည်ဖြည့်တင်းဖို့အလိုအပ်ဆုံး ဖြည့်စွက်ဆေး တစ်မျိူး ဖြစ်ပါတယ်။

🌿ဘယ်လိုအခြေအနေမျိုးမှာ ဓာတ်ဆားရည်သောက်ဖို့လိုမလဲ
----------------------------------------------------------------

နေ့စဉ်တိုင်းမှာ စားသုံးနေတဲ့အစားအစာတွေထဲမှာ ဓာတ်ဆားဓာတ်
က ပါဝင်နေတာကြောင့် ပုံမှန်အချိန်တွေမှာ ဓာတ်ဆားရည်သောက်ဖို့မလိုပေမယ့် ဒီလိုအခြေအနေမျိုးမှာ ဓာတ်ဆားရည်သောက်ဖို့လိုပါမယ်။
👉ဝမ်းပျက်ဝမ်းလျှောတဲ့အခါ၊
👉အော့အန်နေတဲ့အခါမျိုး၊
👉ဖျားနေတဲ့အခါမျိုး၊
👉ချွေးထွက်များတဲ့အခါမျိုး၊
👉တစ်နာရီကျော်တဲ့ လေ့ကျင့်ခန်းလုပ်ပြီးတဲ့အခါမျိုး၊
👉အချိန်အကြာကြီးနေပူထဲမှာ နေမိတဲ့အခါမျိုး၊
👉လှုပ်လှုပ်ရှားရှားလုပ်တာကြောင်းချွေးအရမ်းထွက်တဲ့အခါမျိုး၊
👉ရေဓာတ်ခမ်းခြောက်တဲ့အခါမျိုးနှင့်
ကြွက်တတ်တဲ့အခါမျိုး စတာတွေမှာ
ခန္ဓာကိုယ်က လျော့နည်းသွားတဲ့ ဓာတ်ဆားဓာတ်တွေကို ပြန်လည်ဖြည့်တင်းဖို့အတွက် ဓာတ်ဆားရည်ကို သောက်ပေးဖို့လိုအပ်ပါမယ်။

🌿ဓာတ်ဆားက ခန္ဓာကိုယ်အတွက် ဘာလုပ်ပေးလဲ
----------------------------------------------------

👉ဓာတ်ဆားဓာတ်ဆိုတာက ကိုယ်တွင်းက အရည်ပမာဏကိုထိန်းညှိပေးတတ်တဲ့ သတ္တူဓာတ်တစ်မျိုးပါ။
👉ခန္ဓာကိုယ်ကျန်းမာနေစေဖို့နဲ့ ကောင်းမွန်စွာလှုပ်ရှားနိုင်စေဖို့အတွက် ဓာတ်ဆားဓာတ်ကမရှိမဖြစ်လိုအပ်တာပါ။
👉ကိုယ်တွင်းအရည်ဓာတ်ကို ထိန်းညှိပေးတယ်
သွေးပေါင်ချိန်ကို ထိန်းညှိပေးတယ်
👉ကြွက်သားတွေကျုံ့ဆန့်မှုကို ကောင်းစေတယ်
နှလုံးကျန်းမာစေတယ်
👉သွေးတွင်း အက်ဆစ်ပမာဏကိုထိန်းညှိပေးတယ်။

🌿ဓာတ်ဆားရည်မှာပါတဲ့ အခြေခံပါဝင်ပစ္စည်းတွေကဘာတွေလဲ
-----------------------------------------------------------------

ဓာတ်ဆားရည်အများစုမှာ

ဆိုဒီယမ် သွေးပေါင်ချိန်ကို ထိန်းညှိပေးတယ်။ ကြွက်သားတွေကိုကျန်းမာစေပြီး အာရုံကြောစနစ်ကျန်းမာစေဖို့ အကောင်းဆုံးထောက်ပံ့ပေးပါတယ်။ ခန္ဓာကိုယ်အတွက် နေ့စဉ်စားသုံးပေးသင့်တဲ့ ဓာတ်တစ်မျိုးပါ။

ပိုတက်ဆီယမ် သွေးတွင်း အက်ဆစ်ပမာဏနဲ့ သွေးပေါင်ချိန်ကိုထိန်းညှိပေးပါတယ်။ ဆိုဒီယမ်များသွားတာကြောင်သွေးတိုးတာမျိုးမဖြစ်အောင် ကာကွယ်ပေးပါတယ်။

မဂ္ဂနီဆီယမ် သွေးပေါင်ချိန်ကိုထိန်းညှိပေးပြီး ခန္ဓာကိုယ်ရဲ့လှုပ်ရှားမှုတွေကောင်းမွန်အောင်ထောက်ပံ့ပေးသလို စိတ်ပိုင်းဆိုင်ရာ ကျန်းမာစေနိုင်ပါတယ်။ နာကျင်ရောင်ရမ်းမှုကို သက်သာစေပြီး ခေါင်းတစ်ခြမ်းကိုက်တာကို သက်သာစေနိုင်ပါတယ် စတဲ့ဓာတ်တွေပါဝင်နေတာပါ။

🌿ဓာတ်ဆားရည် သောက်ပေးတာကြောင့် ရရှိမယ့်ကျန်းမာရေးအကျိုးကျေးဇူးတွေ
-----------------------------------------------------

ဓာတ်ဆားရည် သောက်ပေးဖို့အချိန်တိုင်းမလိုအပ်ပေမယ့် အပေါ်မှာပြောခဲ့တဲ့အခြေအနေမျိုးဆိုရင်တော့ ဓာတ်ဆားရည်သောက်ပေးတာက အကောင်ဆုံးဖြစ်မှာပါ။
ဓာတ်ဆားရည်သောက်ပေးတာကြောင့်
👉ကိုယ်တွင်းရေဓာတ်ပြည့်ဝစေနိုင်တယ်၊
👉ခနွာကိုယ်အပူချိန်ကိုလျော့ကျစေနိုင်တယ်၊
👉လေ့ကျင့်ခန်းလုပ်ဆောင်နိုင်မှုကို ပိုမိုကောင်းမွန်စေနိုင်တယ်၊
👉အပူရှပ်တာကို ကာကွယ်ပေးတယ်၊
👉အော့အန်တာ၊ ဝမ်းသွားတာကြောင့် ကုန်ဆုံးသွားတဲ့ရေဓာတ်ကို အမြန်ဆုံးပြန်ဖြည့်ပေးနိုင်တယ်၊
👉ကဖင်း၊ အယ်လ်ကိုဟောပါတဲ့သောက်စရာတွေသောက်တာကြောင့်ရေဓာတ်ဆုံးရှုံးတာကို အမြန်ဆုံး ပြန်လည်ဖြည့်တင်းပေးနိုင်တယ်။

🌿ဓာတ်ဆားဘယ်နှစ်မျိူးရှိသလဲ
--------------------------------

👌လူကြီးသောက်တဲ့ဓာတ်ဆားနဲ့ကလေးသောက်တဲ့ဓာတ်ဆား ဆိုပြီးနှစ်မျိူးရှိပါတယ်။

🌿လူကြီးသောက်ဓာတ်ဆားနဲ့ကလေးသောက်ဓာတ်ဆားကဘာတွေလဲ။
BPI ORS, MPF ORS တွေက လူကြီးသောက်တဲ့ ဓာတ်ဆားတွေဖြစ်ပြီး ကလေးတွေက တိုက်ရမဲ့ ဓာတ်ဆားတွေကတော့ Pharolit,Peditral တို့ ဖြစ်ပါတယ်။

🌿ဓာတ်ဆားထုတ်ဝယ်ရင်ဘာတွေသိထားသင့်လဲ
--------------------------------------------------

ဓာတ်ဆားထုတ်ဝယ်တဲ့အခါပထမဆုံးကြည့်သင့်တာက သက်တမ်းကုန်ဆုံးရက်
✅️(Expiry date) ✅️ပါ။
Date ကောင်းတာနဲ့တင်မပြီးပါဘူး လတ်ဆက်မှု့ရှိနေရမယ်။
အထဲကအမှုန့် အရောင်ပြောင်းနေရင် လုံးဝမသောက်သင့်ပါဘူး။

🌿ဓာတ်ဆားထုတ်ကို ဘယ်လိုထားသိုရမလဲ ။ ဘယ်ရေနဲ့ဖျော်ရမလဲ
-----------------------------------------------------------------------

❌️သတိထားရမှာကရေနွေးနဲ့ မဖျော်ရသလို ရေခဲသေတ္တာထဲကရေအေးနဲ့လဲမဖျော်သင့်ပါဘူး။
ဓာတ်ပျယ်သွားတတ်ပါတယ်။
ဓာတ်ဆားထုတ်ကို အေးပြီး ခြောက်သွေ့တဲ့ နေရာမှာထားသိုရမှာဖြစ်ပြီး နေရောင်ခြည်တိုက်ရိုက်ထိတွေ့တဲ့ နေရာတွေမှာ မထားသင့်ပါဘူး။

💥ဓာတ်ဆားတထုတ်ကို
ရေကျက်အေး(သို့)ရေ တလီတာ (1L) နဲ့ ဖျော်ရပါမယ်၊
တဝက်ထည့်လို့ မရပါ၊
နည်းနည်းထည့်ချင်လို့မရပါ။
ငံနေလို့ဆိုပြီး အချိူလေး နည်းနည်းရောမယ်ဆိုလို့ မရပါ။
အချိူထပ်ထည့်ပါက ဓာတ်ဆား၏ formula ပျက်သွားပြီး ၀မ်းပိုလွယ်သွား တတ်ပါတယ်။

သတိပြုရမှာကတော့ ကလေးများကိုတိုက်ရမယ့်
ဓာတ်ဆားထုပ်များကိုတော့ ရေ ၂၀၀ မီလီလီတာ (200 ml) နဲ့ပဲ ဖျော်ရမှာ ဖြစ်ပါတယ်။

💥ဓာတ်ဆားကို ဖျော်ပြီး ၂၄ နာရီအတွင်း သောက်ရပါတယ်။ ဖျော်ပြီး ၂၄ နာရီ ကျော်သွားသော ဓာတ်ဆားကို မသောက်ရပါ။

🌿ဓာတ်ဆားကိုဘယ်သူတွေ မသောက်ရဘူးလဲ
------------------------------------------------

အလွန်ပျိူ့အန်နေသူများ၊အူလမ်းကြောင်းငြိမ်နေသူများ၊အူလမ်းကြောင်းပိတ်ဆို့နေသူများ တွင် သတိထားရှောင်ရှားသင့်ပါတယ်

ဇီဝက ဆေးဆိုင်-ပန်းတနော်မြို့

02/04/2024

21/12/2023

02/10/2023

16/08/2023

14/07/2023

04/06/2023

01/06/2023

21/05/2023

07/05/2023

19/04/2023

29/03/2023

Address

Telephone

Website

Alerts

Contact The Practice

Shortcuts

Share

Category