What are the opening hours?

Monday 09:00 - 17:00 Tuesday 09:00 - 19:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

https://www.goodhealthmyanmar.com/

Good Health Journal, 79/81, Central Tower, Room 103-104, Anawyahtar Road, at the corner of 39th street, Kyauktadar Township, Pazundaung (2026)

Q: What is the address?

79/81, Central Tower, Room 103-104, Anawyahtar Road, At The Corner Of 39th Street, Kyauktadar Township

03/04/2026

Did you know ?
——————-
၁ ။ ဘလူးဘယ်ရီက တစ်ခြားသစ်သီးဝလံနဲ့ ဟင်းသီးဟင်းရွက် အမျိုးပေါင်း ၄၀ ကျော်ထက် ဓာတ်တိုးဆန့်ကျင်ပစ္စည်း ပိုမိုပါဝင်ပြီး သင့်ဆဲလ်တွေ ပျက်စီးမှု မဖြစ်အောင် ကာကွယ်ပေးပါတယ်။

၂ ။ အုန်းရည် ၂ ခွက်စာက ငှက်ပျောသီးထက် ပိုတက်ဆီယမ် ပိုမိုပါဝင်ပြီး သွေးဖိအားကို သဘာဝအတိုင်းကျဆင်းအောင် ကူညီနိုင်ပါတယ်။

၃ ။ သင့်ခုခံအားစနစ်ရဲ့ ၇၀ % က သင့်အူထဲမှာ နေထိုင်ကြပါတယ်။ ပြုပြင်ထားတဲ့အစားအစာတွေနဲ့ ပဠိဇီဝဆေးဝါးတွေက သူတို့ကို အားနည်းစေနိုင်ပါတယ်။

၄ ။ အစာတစ်လုတ်စီတိုင်းကို အကြိမ် ၃၀ ကျော်စီ ဝါးစားတာကြောင့် အစာခြေမှု ကောင်းမွန်ပြီး အစာကို ခန္ဓာကိုယ်က စုတ်ယူမှု ပိုများအောင် ကူညီနိုင်ပါတယ်။

၅ ။ သကြားစားသုံးမှု များသူ( အချိုရည်၊ ကိတ်မုန့်၊ ဒိုးနပ်စ်၊ ကွတ်ကီး …အစရှိ ) တွေက အဝလွန်တာ၊ ဆီးချိုရောဂါနဲ့ နာတာရှည် ရောင်ရမ်းမှုတွေ ဖြစ်ပေါ်နိုင်ပါတယ်။

၆ ။ တစ်နေ့ကို ဆိုဒါဖျော်ရည် တစ်ခွက်သောက်သူတွေက Heart attack ( နှလုံးသွေးငတ် ) နိုင်ခြေ ၂၀ % ပိုမိုမြင့်မားပါတယ်။ Diet soda သောက်ရင်တောင် ဇီဝဖြစ်စဉ်အပေါ် သက်ရောက်မှု ရရှိနိုင်ပါတယ်။

၇ ။ ရေဓာတ်လျော့နည်းနေတာကြောင့် ပင်ပန်းနွမ်းနယ်တာ၊ စိုးရိမ်စိတ်များတာနဲ့ အာရုံ စူးစိုက်လို့ မရအောင် လှုံ့ဆော်နိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

02/04/2026

ရင်ပတ်အောင့်ရတဲ့ အကြောင်းရင်းများ
—————

၁ ။ နှလုံးသွေးကြောပိတ်ဆို့ခြင်း ( Heart attack )ကြောင့်ဖြစ်ရင်
ရောဂါလက္ခဏာ။
-ရင်ပတ်အောင့်မယ်၊ ဖိအားပေးခံထားရလိုနာကျင်မယ်
-လက်မောင်း၊ မေးရိုးနဲ့ နောက်ကျောနာကျင်မယ်
-ချွေးထွက်မယ်၊ ပျို့မယ်
-လက္ခဏာက မပျောက်ပဲဖြစ်နေရင် နှလုံးရပ်နိုင်တယ်။
အရေးပေါ်ကုသမှု ခံယူရပါမယ်။

၂ ။ နှလုံးအတွင်းသွေးစီးဆင်းမှု လျော့သွားခြင်း ကြောင့်ဖြစ်ရင်( Angina)
ရောဂါလက္ခဏာ။
-ရင်ပတ်အောင့်မယ်၊ ဖိအားပေးထားသလိုခံစားရမယ်
-လှုပ်ရှားမှုလုပ်ရင် ပိုမိုဆိုးရွားမယ်။
-အနားယူရင် သက်သာမယ်။
-အချိန် ၅ မိနစ်သာ ခံစားရပါမယ်။
ဘဝနေထိုင်မှုပုံစံပြောင်းလဲတာနဲ့ ဆေးဝါးနဲ့ကုသမှု ခံယူရပါမယ်။

၃ ။ အဆုတ်တွင်း သွေးခဲရှိခြင်းကြောင့်ဖြစ်ရင်
ရောဂါလက္ခဏာ။
-စူးစူးရှရှရင်ပတ်အောင့်မယ်။
-အသက်ရှူလို့မဝဘူး။
-နှလုံးခုန်နှုန်းမြန်ဆန်မယ်။
သွေးကျဲဆေးနဲ့ ကုသမှု ခံယူရပါမယ်။

၄ ။အဆုတ်တွင်းရောဂါပိုးဝင်ခြင်းကြောင့်ဖြစ်ရင်
ရောဂါလက္ခဏာ။
-အသက်ရှူစဉ် နာကျင်မယ်။
-ချောင်းဆိုးမယ်၊ အဖျားရှိမယ်။
ပဠိဇီဝဆေးဝါးအသုံးပြုပြီး အနားယူရပါမယ်။ အရည်များများသောက်ရပါမယ်။

၅ ။ အက်စစ်ဆန်တက်ခြင်း ဒါမှမဟုတ်ရင်ပူနာကြောင့်ဖြစ်ရင်
ရောဂါလက္ခဏာ။
-ပူစပ်ပူလောင်စွာရင်ပတ်အောင့်မယ်။
-အစာစားအပြီး ပိုမိုဆိုးရွားမယ်။
-လဲလျောင်းရင် ဒါမှမဟုတ် ကုန်းလိုက်ရင် နာကျင်မှု ပိုမို ဆိုးရွားနိုင်ပါတယ်။
အစားအစာစားသောက်မှုပုံစံ ပြောင်းလဲတာနဲ့ လေဆေး antacids တွေနဲ့ ကုသရပါမယ်။

၆ ။ ကြွက်သားဒဏ်ပိခြင်း ဒါမှမဟုတ် နံရိုးဒဏ်ရာရခြင်းကြောင့်ဖြစ်ရင်
ရောဂါလက္ခဏာ။
-စူးစူးရှရှ အထိမခံနိုင်အောင်နာကျင်မယ်။
-ရွေ့လျားမှု ပြုလုပ်ရင် ပိုမို ဆိုးရွားမယ်။
-တစ်နေရာထဲမှာပဲ နာကျင်ပါမယ်။
အနားယူတာနဲ့ အကိုက်အခဲပျောက်ဆေးတွေနဲ့ ကုသနိုင်ပါတယ်။

၇ ။ စိုးရိမ်စိတ်နဲ့ ဖိစီးမှုကြောင့် ဖြစ်ရင်
ရောဂါလက္ခဏာ။
-ရင်ပတ်အတွင်းတင်းကျပ်နေမယ်။
-အသက်ရှူမြန်မယ်။
-ခေါင်းမူးမယ်။
အသက်ပြင်းပြင်းရှူပြီး စိတ်ဖိစီးမှုကိုဖြေလျော့ပါ။

ဘယ်လိုခွဲခြားမလဲ။
#နှလုံးကြောင့်ရင်ပတ်အောင့်ရင်
-ဖိအားပေးခံထားရသလို တင်းကျပ်နိုင်၊ ညှစ်ထားသလို နာကျင်နိုင်
-လက်မောင်း၊ မေရိုး၊ လည်ပင်း ဒါမှမဟုတ် နောက်ကျောထိနာကျင်နိုင်
-ချွေးထွက်တာ၊ ပျို့တာ၊ အသက်ရှူမဝတာနဲ့ တွဲဖြစ်တတ်ပါတယ်။
#နှလုံးကြောင့်မဟုတ်တဲ့ရင်ပတ်အောင့်ရင်
-စူးရှ ဒါမှမဟုတ် ထိုးသွင်းသလိုနာကျင်နိုင်
-ရွေ့လျား ဒါမှမဟုတ် အသက်ပြင်းပြင်းရှူရင် နာကျင်တာပိုမိုဆိုးရွားနိုင်
-အစာစားအပြီး ပူလောင်တဲ့ဝေဒနာခံစားရနိုင်

ဘယ်အချိန် စိုးရိမ်ရမလဲ။
————-
-ရင်ပတ်အတွင်းဖိအားပေးခံနေရတာ မိနစ်ပိုင်း ကြာရှည်နေရင်
-လက်မောင်း ဒါမှမဟုတ် မေးရိုးနာကျင်နေရင်
-အသက်ရှူမဝဖြစ်နေရင်
-ချွေးထွက်တာ ဒါမှမဟုတ် မေ့လဲမလို ဖြစ်နေရင်

02/04/2026

Did you know ?
—————-
၁ ။ ခေါင်းတစ်ခြမ်းကိုက်ဝေဒနာ သက်သာအောင် နားထင်ကို ချင်းပြားနဲ့ ပွတ်ပေးပါ။

၂ ။ ဆန်ဆေးရည်သောက်တာကြောင့် အစာကြေလွယ်နိုင်ပါတယ်။

၃ ။ အိပ်ရာမဝင်ခင် နှမ်းစေ့စားသုံးတာကြောင့် အိပ်စက်မှုကောင်းမွန်နိုင်တဲ့ ထရစ်တိုဖန် Tryptophan ကို ရရှိနိုင်ပါတယ်။

၄ ။ ရုံပတီသီးအရည် ( ရုံးပတီသီးကို ရေစိမ်ထား )သောက်တာကြောင့် သွေးတွင်းသကြားပမာဏ ထိန်းညှိဖို့ အထောက်အကူ ရပါတယ်။

၅ ။ ပင်စိမ်းရွက်ကို စားသုံးတာကြောင့် စိတ်ဖိစီးမှု လျော့နည်းစေနိုင်တဲ့ သဘာဝ adaptogen ကို ရရှိနိုင်ပါတယ်။

၆ ။ ပဲနံစာစေ့အရည် ( ပဲနံသာစေ့ကို ရေစိမ်ထား ) သောက်တာကြောင့် ကျောက်ကပ်ကျန်းမာရေးကို အထောက်အကူရပြီး လေပွတာ သက်သာနိုင်ပါတယ်။

၇ ။ အိပ်ရာမဝင်ခင် သင့်ခြေထောက်ကို ရှားစောင်းလက်ပပ် ဂျလ်လိမ်း အိပ်တာကြောင့် အရေပြား ရေဓာတ်ပြည့်ဝနိုင်ပြီး relax ရရှိနိုင်ပါတယ်။

၈ ။ နှာခေါင်းဝမှာ ပါပက်မန့်အဆီ လိမ်းထားတာကြောင့် နှာပိတ်တာ သက်သာနိုင်ပြီး တက်ကြွမှု ရရှိနိုင်ပါတယ်။

၉ ။ ခြေထောက်ကို ဆားရည်နဲ့စိမ်ထားတာကြောင့် စိတ်ဖိစီးမှု လျော့နည်းပြီး အညောင်းပြေနိုင်ပါတယ်။

၁၀ ။ ဗယ်နီလာရနံ့ကို ရှူရတာကြောင့် စိုးရိမ်စိတ်လျော့ကျပြီး စိတ်အေးချမ်းမှု ရရှိနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

#

01/04/2026

မကြာခဏ ဆီးသွားတတ်သူတွေ စားသင့်သော အစားအစာများ
——————
၁ ။ ရွှေဖယုံစေ့
သူ့မှာ ပါဝင်တဲ့ ဇင့် ( သွပ်ဓာတ်) က ဆီးအိတ်ထိန်းချုပ်နိုင်အောင် အထောက်အကူပေးပါတယ်။

၂ ။ ငှက်ပျောသီး
ဆီးအိတ်နှိုးဆွမှုကို လျော့ချပေးနိုင်ပါတယ်။

၃ ။ သခွါးသီး
ဆီးအိတ်ကို လှုံ့ဆော်တာလွန်ကဲမှု မရှိပဲ ရေဓာတ် ပြည့်ဝစေနိုင်ပါတယ်။

၄ ။ ကန်စွန်းဥ
မဂ္ဂနီဆီယမ်ပေါကြွယ်ဝစွာ ပါဝင်တဲ့အတွက် ဆီးအိတ်ကြွက်သားတွေ ဖြေလျော့ ( relax ) ရရှိစေနိုင်ပါတယ်။

၅ ။ ပန်းသစ်တော်သီး
အက်စစ်ဓာတ်နည်းပါးတဲ့အတွက် ဆီးအိတ် ဝေဒနာ သက်သာနိုင်ပါတယ်။

၆ ။ ဘာလီရည်
အဆိပ်အတောက်တွေကို ဆီးနဲ့ အတူတူ ထွက်သွားနိုင်ပါတယ်။

Tips
-ရေများများသောက်ပါ။
-ကဖင်းနဲ့ အယ်လ်ကိုဟော ပမာဏအသင့်အတင့်သာသောက်ပါ။
-အစပ်စာနဲ့ အက်စစ်များတဲ့ အစားအစာကို ရှောင်ကြဉ်ပါ။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

01/04/2026

အရွယ်တင်နုပျိုနိုင်မယ့် အကျင့်ကောင်းများ
————————-
၁ ။ မိတ်ဆွေ အပေါင်းအသင်းများနဲ့ အမြဲတမ်း ထိတွေ့မှု ရှိခြင်း။
စောစောစီးစီး သေဆုံးနိုင်ခြေ ၄၅ % ထိလျော့ကျနိုင်ပါတယ်။ ဒါက ဆေးလိပ်ဖြတ်တာ ဒါမှမဟုတ် နေ့စဉ် လေ့ကျင့်ခန်းပြုလုပ်တာထက် လျော့ကျနှုန်း ပိုများပါတယ်။

၂ ။ မနက်ခင်း နေရောင်ခြည်နဲ့ ထိတွေ့ခြင်း။
ဇီဝနရီကို ထိန်းချုပ်နိုင်ပြီး အရွယ်အိုမင်းမှုရဲ့ အမှတ်အသားဖြစ်တဲ့ ရောင််ရမ်းမှု နည်းပါးနိုင်ပါတယ်။

၃ ။ တစ်ခြားသူတွေကို ကူညီခြင်း ဒါမှမဟုတ် စေတနာ့ဝန်ထမ်း လုပ်ခြင်း။
အောက်ဆီတိုစင်မြင့်မားလာပြီး သွေးပေါင်ချိန်လျော့နည်း နိုင်ပါတယ်။ သဘာဝအတိုင်း အသက်ရှည်စေနိုင်တဲ့ ဟော်မုန်း မြင့်တက်နိုင်ပါတယ်။

၄ ။ အိမ်မွေးတိရိစ္ဆာန်တွေကို မွေးမြူခြင်း။
နှလုံးရောဂါ ဖြစ်နိုင်ခြေ ၃၆ % လျော့နည်းနိုင်ပြီး ကော်တီစောကျဆင်းနိုင်ပါတယ်။

၅ ။ ကျေးဇူးတင်စကား ပြောတတ်ခြင်း။
ဒိုပါမင်းနဲ့ ဆီရိုတိုနင် ထွက်လာဖို့ ဦးနှောက်ကို လေ့ကျင့်ပေးပါတယ်။ ၂ မျိုးစလုံးက တယ်လိုမီးယားရှည်တာနဲ့ ဆက်စပ်နေပါတယ်။

၆ ။ မကြာခဏ ရယ်မောခြင်း။
ခုခံအားဆဲလ်တက်ကြွမှု ၄၀ % ပိုမိုကောင်းမွန်လာပြီး သွေးလှည့်ပတ်မှု ချက်ချင်း ကောင်းမွန်နိုင်ပါတယ်။

၇ ။ မိသားစုနဲ့ ထမင်း အတူတူစားခြင်း။
အောက်ဆီတိုစင်တွေ ထွက်လာတာကြောင့် စိတ်ဖိစီးမှု လျော့နည်းပြီး အစာခြေမှုကောင်းမွန်နိုင်ပါတယ်။

၈ ။အေးတဲ့ရာသီ နဲ့ထိတွေ့ခြင်း ဒါမှမဟုတ် ရေနွေးစိမ်ခြင်း။
ဆဲလ်တွေပြန်လည်ပြုပြင်နိုင်ပြီး သက်တမ်းရှည်စေနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

#

31/03/2026

ရေအေးသောက်မလား။ ရေနွေးသောက်မလား။
————-
ရေအေး(ရေခဲရည် )သောက်ခဲ့ရင်…
၁ ။ ခန္ဓာကိုယ်က အသုံးပြုနိုင်ဖို့ ဒီရေ နွေးသွားအောင် ကိုယ်ရဲ့စွမ်းအင် အသုံးပြုရပါတယ်။

၂ ။ လေ့ကျင့်ခန်း လုပ်အပြီး ခန္ဓာကိုယ်အေးမြသွားအောင် ကူညီနိုင်ပါတယ်။

၃ ။ သွေးကြောကျဉ်းမြောင်းစေတဲ့အတွက် ရေဓာတ်ပြန်ဖြည့်တာနဲ့ ရေစုတ်ယူနိုင်စွမ်း လျော့နည်းနိုင်ပါတယ်။

၄ ။ အစားအစာက အဆီတွေကို အခဲဖြစ်သွားစေတဲ့အတွက် ခန္ဓာကိုယ်က ခက်ခက်ခဲခဲ ချေဖျက်ရပါတယ်။

ရေနွေးသောက်ရင်…
၁ ။ သွေးကြောတွေ ချောမွေ့ကာ ရေဓာတ်ဖြည့်နှုန်း ကောင်းမွန်နိုင်ပါတယ်။

၂ ။ ရေနဲ့ အတူတူ အဆီတွေပါ ရွေ့လျားသွားတဲ့အတွက် သွေးကြောပိတ်ဆို့နိုင်ခြေ လျော့ချနိုင်ပါတယ်။

၃ ။ ကျောက်ကပ်ရဲ့ အဆိပ်အတောက်ဖြေလုပ်ငန်းကိုကူညီနိုင်ပြီး ဝမ်းရွေ့လျားမှု ကောင်းမွန်နိုင်ပါတယ်။

၄ ။ အဖျားရှိနေရင် ရေနွေးက ခန္ဓာကိုယ်ရဲ့ ဗိုင်းရပ်စ်တိုက်ထုတ်နိုင်စွမ်းကို လျော့ကျစေနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

30/03/2026

၁၀ စက္ကန့်အတွင်း သွေးလှည့်ပတ်မှု ကောင်းမွန်စေရန်
—————-
၁ ။ သင့်ကိုယ်တွင်းအင်္ဂါထဲ လတ်ဆတ်တဲ့ သွေးတွေရောက်ရှိစေဖို့ ဝမ်းဗိုက်နဲ့ အသက်ပြင်းပြင်းရှူသွင်း ရှူထုတ်ပြုလုပ်ပါ။

၂ ။ ပခုံးနဲ့ ရင်ပတ်အတွင်း သွေးလှည့်ပတ်မှု ကောင်းမွန်စေရန် သင့်လက်မောင်းကို ချိန်သီးလိုမျိုး လွှဲလိုက်ပါ။

၃ ။ ဦးနှောက်အတွင်း အောက်ဆီဂျင် စီးဆင်းမှု ကောင်းမွန်စေရန် ၁၀ စက္ကန့်လောက် ဦးခေါင်းကို အနောက်ဖက်လှန်လိုက်ပါ။

၄ ။ မတ်တပ်ရပ်နေစဉ် တင်ပါးကိုညှစ်လိုက်တာကြောင့် ကိုယ်အောက်ပိုင်း ကို သွေးပိုမို ရောက်ရှိနိုင်ပါတယ်။

၅ ။ သွေးလှည့်ပတ်မှု နိုးထလာအောင် သင့်လက်ကောက်ဝတ်ပေါ် ဘုံဘိုင်ရေ ဖွင့်ချလိုက်ပါ။

၆ ။ စီးဆင်းမှု မရှိတဲ့ သွေးတွေ အပေါ်ကို တွန်းတင်နိုင်အောင် ခြေချင်းဝတ်ကို စက်ဝန်းပုံ လှည့်ပေးပါ။

၇ ။သွေးတွေ ရွေ့လျားမှုရှိအောင် လှုံ့ဆော်နိုင်ဖို့ ခြေသလုံးကြွက်သားကို အသာအယာပုတ်ပေးပါ။

၈ ။ သွေးလှည့်ပတ်မှု ပူနွေးလာအောင် လက်ဖဝါး ၂ ဖက်ကို အတူတူနှိပ်ပေးပါ။

၉ ။ ရောင်ရမ်းမှု လျော့ကျအောင် ခြေထောက်တွေကို နံရံနဲ့ ကပ်ပြီး ၁ မိနစ်လောက် မြှောက်ပင့်ထားပါ။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

30/03/2026

ကျန်းမာရေးကို ဖျက်ဆီးနေသော သင့်အိမ်တွင်းမှ ပစ္စည်းများ
—————————-
၁ ။ အနံ့သင်းတဲ့ ဖယောင်းတိုင်။
အိမ်တွင်းလေထုညစ်ညမ်းမှု ၂၀၀ % မြင့်တက်နိုင်တဲ့ ဖော်မောဒီဟိုက်နဲ့ VOCs တွေ ထုတ်လွှင့်နိုင်ပါတယ်။

၂ ။ အစားအစာထည့် ပလက်စတစ်ဘူး။
အီစတရိုဂျင်နဲ့ ဆင်တူတဲ့ BPA တွေထွက်လာပြီး ဟော်မုန်းတွေကို အနှောင့်အယှက်ပေးပါတယ်။

၃ ။ နှစ်ကြာအောင်အသုံးပြုနေတဲ့ မွေ့ယာ။
ရောင်ရမ်းမှုနဲ့ ဓာတ်မနည့်မှု ဖြစ်အောင်လှုံ့ဆော်နိုင်တဲ့ ဖုန်ပိုးနဲ့ မိှုပိုးတွေ ပေါက်ဖွားခိုအောင်းရာ နေရာ ဖြစ်နိုင်ပါတယ်။

၄ ။ ပိုးသတ်ဆေး( disinfectant) ကို အသုံးပြုလွန်ခြင်း။
ခုခံအားစနစ်ကို သန်မာစေနိုင်တဲ့ လူ့အကျိုးပြုဗက်တီးရီးယားတွေ သေစေနိုင်ပါတယ်။

၅ ။ ညဖက် အပြာရောင်အလင်းတန်း( ဖုန်း၊ ကွန်ပျူတာနဲ့ တီဗီမှ အလင်းရောင်) နဲ့ထိတွေ့ခြင်း။
မယ်လတိုနင်ထုတ်လုပ်မှု ၈၀ % ထိ ချိုးနှိမ်နိုင်ပြီး နှစ်နှစ်ခြိုက်ခြိုက်အိပ်မပျော်နိုင်တော့ပါ။

၆ ။ ဟင်းမကပ်တဲ့အိုး ( Nonstick pan ) ကိုအသုံးပြုခြင်း။
အပူချိန် မြင့်မားလွန်းရင် PFAS ဓာတုပစ္စည်းတွေ ထုတ်လွှတ်နိုင်ပါတယ်။

၇ ။ အိမ်တွင်းစိုက်သစ်ပင် ( Indoor plant )မစိုက်ထားခြင်း ။
သဘာဝ လေထုညစ်ညမ်းမှု စစ်ထုတ်လုပ်ငန်း လျော့ကျသွားနိုင်ပါတယ်။ သစ်ပင်တွေက ၂၄ နာရီအတွင်း အိမ်တွင်းအဆိပ်အတောက်တွေကို ၈၇ % ထိ ဖယ်ရှားနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

29/03/2026

အစားအစာနဲ့ ပတ်သက်ပြီး သိကောင်းစရာ (၂ )
—————————
၁ ။ ငှက်ပျောသီး
သူ့တစ်မျိုးတည်းစားရင် သွေးတွင်းသကြားမြင့်တက်မှုက ၆၀ % မြန်ဆန်နိုင်ပါတယ်။
ပရိုတင်း ဒါမှမဟုတ် အခွံမာသီး ( ဗံဒါစေ့၊ သီဟိုလ်စေ့ ၊ သစ်ကြားသီး) နဲ့ တွဲဖက်စားသုံးပါ။

၂ ။ ဟင်းရွက်သုတ် ( Salad )
အဆီ မပါရင် ဗီတာမင်စုတ်ယူနိုင်မှု လျော့နည်းပါတယ်။ သံလွင်ဆီ ( မြေပဲဆီ ) ထည့်သွင်းတာကြောင့် အဟာရစုတ်ယူမှု ၃၀၀ % ပိုမြင့်မားနိုင်ပါတယ်။

၃ ။ မုန်လာဥနီ
အစိမ်းအတိုင်းစားရင် ကရိုတီနွိုက် ရရှိမှု ၄၀ % လျော့နည်းနိုင်ပါတယ်။ ပြုတ်စား ဒါမှမဟုတ် ကြော်စားပါ။

၄ ။ ခရမ်းချဉ်သီး
ချက်ပြုတ်စားတာကြောင့် လိုင်ကိုပင်းရရှိမှု ၃ ဆ မြင့်မားနိုင်ပါတယ်။
နှလုံးကျန်းမာရေးအတွက် သံလွင်ဆီနဲ့ ချက်စားပါ။

၅ ။ ပန်းသီး
အခွံနွှာလိုက်တာကြောင့် ဓာတ်တိုးဆန့်ကျင်ပစ္စည်း ရရှိမှု ထက်ဝက်လျော့နည်းနိုင်ပါတယ်။ အခွံထဲမှာ အမျှင်နဲ့ ကွာစီတင်ပါဝင်ပါတယ်။

၆ ။ ထမင်း
ထမင်းပူပူ စားသုံးတာကြောင့် သွေးတွင်းသကြားမြင့်တက်နှုန်း မြန်ဆန်နိုင်ပါတယ်။ resistant starch ရရှိဖို့ ထမင်းကြမ်းစားပါ။

၇ ။ နွားနို့
နွားနို့အေးအေးက အစာခြေမှု ၃၀ % နှေးကွေးနိုင်ပါတယ်။
စုတ်ယူမှုကောင်းမွန်အောင် နွားနို့ ပူပူသောက်ပါ။

၈ ။ ပျားရည်
ရေနွေးဆူဆူထဲထည့်သောက်ရင် အင်ဇိုင်းတွေ ပျက်ပျယ်နိုင်ပါတယ်။ ရေနွေးနွေးနဲ့သာသောက်ပါ။

၉ ။ ဘရိုကိုလီ ( အစိမ်းရောင်ပန်းဂေါ်ဖီ)
မိုင်ခရိုဝေ့ထဲထည့်နွှေးတာကြောင့် ဆာလ်ဖိုရဖိန်းတွေ ကင်းစင်သွားနိုင်ပါတယ်။
အဆိပ်အတောက်ဖြေနိုင်တဲ့ အစွမ်း ရရှိအောင် ပေါင်း ( ရေနွေးဖျော) စားပါ။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

28/03/2026

အစားအစာ နဲ့ပတ်သက်ပြီး သိကောင်းစရာ
—————
၁ ။ ပျာရည်ကို ရေခဲသေတ္တာထဲ မသိမ်းဆည်းထားပါနဲ့ ။ ခဲသွားပြီး အရသာ ပျက်ပျယ်နိုင်လို့ပါ။

၂ ။ ပဲတွေကို မချက်ခင် ရေစိမ်ထားပါ။ လေပွတာ သက်သာပြီး အစာကြေလွယ်နိုင်ပါတယ် ။

၃ ။ ဘရိုကိုလီ ( ပန်းဂေါ်ဖီစိမ်း ) ရဲ့ အူတိုင်ကို မပစ်လိုက်ပါနဲ့ ။
အာဟာရပြည့်ဝစွာပါဝင်ပြီး လှီးဖြတ်လိုက်ရင် အရသာ ပိုမို ကောင်းမွန်သွားပါတယ်။

၄ ။ ကြက်သွန်နီကို အေးပြီး မှောင်တဲ့နေရာမှာ သိမ်းဆည်းပါ။ရေခဲသေတ္တာထဲ ထည့်ထားရင် မှိုတက်နိုင်ပါတယ် ။

၅ ။ ကီဝီသီးကို အခွံနဲ့အတူတူစားပါ။
အမျှင်နဲ့ ဗီတာမင် C ပိုပြီးပါဝင်ပါတယ် ။

၆ ။ ဘရိုကိုလီကို ရေနွေးဆူဆူနဲ့ မပြုတ်လိုက်ပါနဲ့ ။ အာဟာရတွေ ဆုံးရှုံးသွားနိုင်ပါတယ်။ ပေါင်း ဒါမှမဟုတ် ရေနွေးဖျောစားပါ။

၇ ။ အခွံမာသီး ( nuts) တွေကို တစ်ည ရေစိမ်စားပါ။
Nuts ထဲမှ အာဟာရ အပြည့်အဝ ရရှိနိုင်ပါတယ်။

၈ ။ ဘယ်ရီသီးတွေကို ကြိတ်စက်နဲ့ အကြာကြီး မမွှေလိုက်ပါနဲ့ ။
မြန်မြန် ဓာတ်ပြုသွားတတ်ပါတယ်။

၉ ။ ဖရဲသီးကို သူတစ်မျိုးထဲ သီးသန့်စားပါ။
သူ့ဘာသာသူဆိုရင် အစာကြေမြန်ပါတယ်။

၁၀။ ခရမ်းချဉ်သီးကို ရေခဲသေတ္တာထဲ မသိမ်းဆည်းပါနဲ့ ။
အရသာပျောက်သွားနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

27/03/2026

အားဆေးတွေ မသောက်ချင်တော့ဘူးလား။
—————————
ဝယ်ရခက်၊ မျိုရခက်နေလို့ အားဆေး မသောက်ချင်တော့သူတွေအတွက် အားဖြည့်ဆေးဝါးအဖြစ် စားသုံးနိုင်တဲ့ အစားအစာများ

၁ ။ ဗံဒါစေ့။
အသားအရေ တောက်ပြောင်ဖို့အတွက် ဗီတာမင် E ပေါကြွယ်ဝစွာ ပါဝင်ပါတယ်။

၂ ။ ကြက်ဥ။
ဗီတာမင် B နဲ့ အတူ ပရိုတင်း ရရှိနိုင်ပါတယ်။

၃ ။ ဟင်းနုနယ်။
သံဓာတ်ကို သဘာဝအတိုင်း ရရှိနိုင်ပါတယ်။

၄ ။ ဒိန်ချဉ်
အူကျန်းမာရေး အတွက် သဘာဝ ပရိုဘိုင်အိုတစ်( လူ့အကျိုးပြုဗက်တီးရီးယား) ပါ။

၅ ။ လိမ္မော်သီး
ခုခံအားစနစ်အတွက် ဗီတာမင် C ပေါကြွယ်ဝစွာ ပါဝင်ပါတယ်။

၆ ။ နွားနို့
ကယ်လ်ဆီယမ်နဲ့ ဗီတာမင် D ကို သဘာဝအတိုင်း ရရှိနိုင်ပါတယ်။

၇ ။ ငှက်ပျောသီး
ပိုတက်ဆီယမ်ပေါကြွယ်တဲ့ သဘာဝစွမ်းအားဖြည့် သစ်သီးပါ။

၈ ။ ဆဲလ်မွန်
ဦးနှောက်နဲ့ နှလုံးကျန်းမာရေးအတွက် အိုမီဂါ-၃ အပြည့်အဝပါဝင်ပါတယ်။

၉ ။ ထောပတ်သီး
ကျန်းမာရေးကောင်းမွန်တဲ့အဆီနဲ့ မဂ္ဂနီဆီယမ်တွေ အပြည့်အဝ ပါဝင်ပါတယ်။

၁၀ ။ မုန်လာဥနီ
အမြင်အာရုံကောင်းမွန်ဖို့ ဘီတာကရိုတင်း ပါဝင်ပါတယ်။

၁၁ ။ ရွှေဖယုံစေ့
ခုခံအားစနစ်ကောင်းမွန်ဖို့ သွပ် ( ဇင့် ) ပေါကြွယ်ဝစွာ ပါဝင်ပါတယ်။

၁၂ ။ ကန်စွန်းဥ
အရေပြားနဲ့ မျက်စိကျန်းမာရေးအတွက် ဗီတာမင် A ပေါကြွယ်ဝစွာ ပါဝင်ပါတယ်။

၁၃ ။ ဂေါ်ဖီထုပ်
အရိုးသန်မာဖို့ ဗီတာမင် K ပေါကြွယ်ဝစွာ ပါဝင်ပါတယ်။

၁၄ ။ ဆင်ခေါင်းပဲ
ဆဲလ်တွေပြုပြင်ဖို့ ဖောလိတ်ကြွယ်ဝစွာ ပါဝင်ပါတယ်။

၁၅ ။ ဘလူးဘယ်ရီသီး
အထွေထွေကျန်းမာရေးကောင်းမွန်ဖို့ ဓာတ်တိုးဆန့်ကျင်ပစ္စည်း ပေါကြွယ်ဝစွာ ပါဝင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

27/03/2026

မီးဖိုချောင်မှ ပိုးသတ်ဆေးများ
———————
၁ ။ နှမ်းနက်ဆီ
ပဠိဇီဝဆေးယဉ်ပါးသောပိုးတွေကို ရှင်းလင်းနိုင်ပြီး ခုခံအားစနစ်ကို မြှင့်တင်နိုင်ပါတယ်။

၂ ။ သစ်ကြံပိုးခေါက်
မှိုပိုး ( မက္ခရု၊ သဲဝဲစား) အတွက် ကောင်းမွန်ပြီး ခုခံအားစနစ် မြင့်တက်နိုင်ပါတယ်။

၃ ။ နနွင်း
ပဠိဇီဝဆေးယဉ်ပါးတဲ့ ပိုးတွေကို နှိမ်နင်းနိုင်ပြီး ခုခံအားစနစ်ကျန်းမာအောင် ကူညီပေးပါတယ်။

၄ ။ ကြက်သွန်ဖြူ
အအေးမိ တုပ်ကွေးရောဂါ ၊ နားပိုးဝင်ရောဂါကိုတိုက်ထုတ်နိုင်ပြီး ခုခံအားစနစ် သန်မာနိုင်ပါတယ်။

၅ ။ ပျားရည်
အရေပြား ဒါမှမဟုတ် ခံတွင်းရောဂါပိုးပူးစက်ခံရတာအတွက် ကောင်းမွန်ပြီး ခုခံအားစနစ်ကို အကာအကွယ်ပေးပြီး အထောက်အကူပါပေးပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

Good Health Journal

03/04/2026

02/04/2026

02/04/2026

01/04/2026

01/04/2026

31/03/2026

30/03/2026

30/03/2026

29/03/2026

28/03/2026

27/03/2026

27/03/2026

Address

Opening Hours

Telephone

Website

Alerts

Shortcuts

Share

Monday	09:00 - 17:00
Tuesday	09:00 - 19:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00