27/11/2020
အစာဝ၊အနာကင်း၊ဘယာရှင်း
🌿(ဗုဒ္ဓနည်းကျ) သြဠာရိက-သုခုမ ဆေးပညာရဲ့ ဆောင်ပိုဒ်ကတော့
👉အစာဝ၊ အနာကင်း၊ ဘယာရှင်း
ပဲဖြစ်ပါတယ်။
ဆောင်ပိုဒ်ရဲ့ အဓိပ္ပာယ်ကို ရှင်းလင်းတင်ပြလိုပါတယ်။
ကမ္ဘာပေါ်ရှိ သက်ရှိသတ္တဝါအားလုံးရဲ့
☑️အမြဲတမ်းကုစားနေရတဲ့ ရောဂါ၊
☑️ကုလို့လည်း မပြီးဆုံးတဲ့ ရောဂါ၊
☑️မွေးရာပါ ရောဂါကတော့
"ဆာလောင်မွတ်သိပ်ခြင်း"ဆိုတဲ့ ရောဂါပါ။
🌹သတ္တဝါ ဖြစ်ပါပြီဆိုကတည်းက သေဆုံးသည်အထိ အမြဲကုနေရတဲ့ရောဂါပါပဲ။
👉စားလိုက်တဲ့ အစာအာဟာရဆိုတဲ့ဓာတ်ကနေ ခန္ဓာကိုယ်ကို ဖွဲ့စည်းထားတဲ့
ပထဝီ၊ တေဇော၊ ဝါယော၊ အာပေါ စတဲ့ ဓာတ်တွေကိုဖြစ်စေပါတယ်။
ဒါက မြန်မာဆေးကျမ်းအလိုပါ။
👉အနောက်တိုင်းဆေးကျမ်းအရတော့ စားလိုက်တဲ့ Nutrition ကနေ
Protain, Vitamin, Carbohydrate စတဲ့ဓာတ်တွေရစေတာပါ။
သြဠာရိက-သုခုမ ဆေးပညာက ဒီကစပါတယ်။
👉"အစာသည်ကား- ရင်းတည်မူလ" လို့ဆိုပါတယ်။
🌿သတိ မထားမိကြပေမဲ့ ဆာနာ ဆိုတဲ့ရောဂါကိုကုတဲ့နေရာမှာ အသက်အရွယ်၊ အချိန်အခါနဲ့လိုက်ပြီး ပြေလည်အောင် သင့်လျော်တဲ့အစာအာဟာရနဲ့ ကုသကြရပါမယ်။
🙅မသင့်တော်တဲ့အချိန်မှာ မသင့်တော်တဲ့ အစာတွေကျွေးပြီး ဆာလောင်ခြင်းကိုကုမယ်ဆိုရင် ရောဂါတွေ စတင်ရတော့တာပါပဲ။
🌿ဆာလောင်ခြင်းကိုကုစားဖို့ ပြီးပြည့်စုံအောင် ကျွေးလိုက်တာနဲ့ ဝသွားပြီလို့မဆိုနိုင်ပါဘူး။
🌿ဒါကြောင့်လူတွေဟာ သင့်တော်တဲ့အစာကို စားကြ၊ ကျွေးကြမှသာ
🖍️ကျန်းမာပြီး အစာဝမှာအမှန် ပါပဲ။
🖍️ကျန်းမာပြီး အစာဝမှသာ အနာရောဂါကင်း ပါမယ်။
🖍️အနာရောဂါကင်းရှင်းပြီး ကိုယ်စိတ်နှစ်ပါးချမ်းသာ ကြည်လင်မှသာ သောကကင်းဝေးပါမယ်။
🖍️သောကကင်း ဘေးဘယာရှင်း မှသာ မိမိတို့အလိုရှိရာ ပညာ၊ ဥစ္စာ၊ တရားဘာဝနာကို ဖြောင့်တန်းစွာရရှိအောင် အားထုတ်နိုင်မှာ ဖြစ်ပါတယ်။
↪️ကျန်းမာစွာနဲ့ အစာဝတာမဟုတ်ဘူးဆိုရင် အနာရောဂါထူပြောပါမယ်။
↪️ရောဂါခံစားနေရတဲ့ လူတစ်ယောက်အနေနဲ့ မိမိရောဂါကြောင့် စိတ်မကြည်မသာဖြစ်မယ်။
↪️အဲဒီအခါမှာ ဆက်ဆံရေး မပြေမလည်ဖြစ်ပြီး ဒေါသထွက်မယ်။
↪️ဒါဆိုရင်လူမှုရေး၊ ပေါင်းသင်းဆက်ဆံရေး ချို့ယွင်း ပျက်ကွက်ပြီး သူ့မှာဘေးဘယာတွေ ရှိနေမှာပါ။
ဘေးဘယာနဲ့အတူ သူ့ရဲ့ချမ်းသာရေးကလည်း ကွယ်ပျောက်နေမှာအမှန်ပါပဲ။
🌿ဒါကြောင့် သြ⁄ သု ဆေးပညာရဲ့ ဆောင်ပိုဒ်က
"အစာဝ၊ အနာကင်း၊ ဘယာရှင်း "........လို့ဆိုတာပါ။
တကယ်တော့ အစာဝ၊ အနာကင်း၊ ဘယာရှင်း ရဲ့ဆိုလိုရင်းအဓိပ္ပာယ်ကို လေးနက်စွာထပ်ဖွင့်ရ ဦးမယ်ဆိုရင် တော့
👉သီလ၊ သမာဓိ၊ ပညာ ကို ဦးတည်တာပါ။
သီလ ဆိုတဲ့နေရာမှာ.......
🖍️စာရိတ္တသီလ (ဆောင်သီလ) နဲ့
🖍️ဝါရိတ္တသီလ (ရှောင်သီလ)
ဆိုပြီးသီလနှစ်ပါး ရှိပါတယ်။
👉ခန္ဓာအတွက်ကျန်းမာစေတဲ့ အစာအာဟာရကိုသိမယ်၊
စားလည်း စားမယ်ဆိုရင် ဒါဟာ ..................
စာရိတ္တသီလ ကို လိုက်နာစောင့်ထိန်းတာပါ။
🙅ထို့အတူ ခန္ဓာအတွက်မသင့်တဲ့ အဆိပ်ဖြစ်စေတဲ့ အစာအာဟာရကိုသိမယ်
ရှောင်လည်းရှောင်မယ်ဆိုရင်တော့ ...................
ဝါရိတ္တသီလကို ကျင့်သုံးတာပါပဲ။
သီလနှစ်ပါးကိုမှီတည်ပြီး ဖြစ်ပွားလာတဲ့ 🖍️သတိကနေ သမာဓိကို ရစေပါတယ်။
🖍️သမာဓိကြောင့် မိမိခန္ဓာကိုမိမိ အမှန်မြင်နိုင်မယ်။
ဘယ်နားမှာတော့ နေမကောင်းဘူး၊
ဘယ်နားတော့ဘာဖြစ်နေတယ် ဆိုတာသိလာပါမယ်။
🖍️သမာဓိကြောင့်စိတ်တည်ငြိမ်နေရင် ရောဂါဝေဒနာ ဖြစ်လာတာနဲ့ သောကချက်ချင်းမပွားဘဲ ဆင်ခြင်တုံတရားဆိုတဲ့ ပညာကိုသာ ဖြစ်စေပါတယ်။
ပညာဉာဏ်နဲ့ ပိုင်းခြားနိုင်မှသာ မိမိပြုခဲ့တဲ့ ဘာအမှားကြောင့် ဒီဝေဒနာ ဖြစ်စေတယ်ဆိုတာကို ဆင်ခြင်သုံးသပ်နိုင်ပါမယ်။
🔹အဲဒီဆင်ခြင်ဉာဏ်နဲ့အတူ ရောဂါဝေဒနာ ကုစားဖို့ ဆောင်သင့်တာ၊ရှောင်သင့်တာကို ဆုံးဖြတ်နိုင်ပါမယ်။
🔹ရောဂါထပ်မဖြစ်အောင် ဘာလုပ်သင့် တယ်ဆိုတာကိုလည်း ဝေဖန်ပိုင်းခြားနိုင်မှာ ဖြစ်ပါတယ်။
ဒါကြောင့် ဇာနည်မြန်မာတိုင်းရင်းဆေး အနေနဲ့
သတ္တဝါတွေ အစာဝကြပါစေ၊ အနာကင်းကြပါစေ၊ ဘယာရှင်းကြပါစေ လို့ ဆုတောင်းမေတ္တာပို့သအပ်ပါတယ်။
ပင်ရင်း
ဒေါ်သွဲ့သွဲ့စစ်
အမှတ် ၁၆၃ ၊ တာရိုးကြီးလမ်း၊ နန်းတော်ရာရပ်
စစ်ကိုင်းမြို့။
ဖုန်း 072 21613, 09 2028873
"
