City Pharmacy

02/08/2025

For your information

အများသိစေရန်

တချို့ကပြောကြတယ်...
FAME ရဲ့ ဆေးဘူးအဖုံးတွေက ဖွင့်ရခက်တယ်တဲ့‼️
အဖုံးပိတ်ထားရင်လည်း လည်နေတယ်တဲ့‼️
ဒါကြောင့် FAME က အသုံးပြုထားတဲ့ 𝗖𝗵𝗶𝗹𝗱 𝗥𝗲𝘀𝗶𝘀𝘁𝗮𝗻𝗰𝗲 𝗖𝗹𝗼𝘀𝘂𝗿𝗲 အကြောင်း ပြောပြပေးချင်ပါတယ်။

ဆေးဘူးတွေမှာ 𝗖𝗵𝗶𝗹𝗱 𝗥𝗲𝘀𝗶𝘀𝘁𝗮𝗻𝗰𝗲 𝗖𝗹𝗼𝘀𝘂𝗿𝗲 တွေကို အသုံးပြုတာဟာ ဆေးဘူးတွေကို ကလေးငယ်တွေ အလွယ်တကူမဖွင့်နိုင်အောင် ရည်ရွယ်ထားတာပါရှင်။

အိမ်မှာ မိဘ‌ တွေ ဝယ်သောက်နေတဲ့ ဆေးတွေကို ကလေးငယ်လေးတွေ က လူကြီးမရှိတဲ့အချိန် ဆော့ကစားရင်း ၊ စူးစမ်းစပ်စုရင်း စားမိ သောက်မိဖြစ်တဲ့အခါ အဆိပ်သင့်ကာဖြစ်စေ ၊ အသက်ရှူလမ်းကြောင်း ပိတ်ဆို့ကာဖြစ်စေ အန္တရာယ်ဖြစ် သေဆုံးခဲ့ရတဲ့ ဥပမာတွေများစွာ ရှိပါတယ်။

✅ ဒါကြောင့် ဒီအဖုံး ဖွင့်ပိတ်စနစ် ကို Canada နိုင်ငံ က Dr. Henri Breault ကစတင်တီထွင်ခဲ့ပါတယ်။
✅ FAME ရဲ့ ဆေးဘူးအဖုံးတွေမှာ "𝘗𝘶𝘴𝘩 𝘋𝘰𝘸𝘯 𝘢𝘯𝘥 𝘛𝘶𝘳𝘯 𝘛𝘰 𝘖𝘱𝘦𝘯" ဆိုတဲ့ စာသားပါပါတယ်။
✅ ဒါကြောင့် ဆေးဘူးကို ဖွင့်မယ်၊ ပိတ်မယ်ဆိုရင် စာသားအတိုင်း အဖုံးကို ဖိပြီး လှည့်ဖွင့်/ ပိတ်ပေးပါရှင်။
✅ ပုံမှန်အနေအထားမှာဆိုရင် အဖုံးက လည်နေပေမယ့်
⛔️ လေလုံ ⛔️ ရေငွေ့လုံပြီး ⛔️ ပြင်ပမှ ပိုးမွှားများ ဝင်ရောက်တာကိုလည်း အပြည့်အဝကာကွယ်ပေးနိုင်ပါတယ်။

FAME ဆေးဝါးလုပ်ငန်းအနေနဲ့ ဆေးဝါးအရည်အသွေး ကောင်းရုံသာမက စားသုံးသူမိသားစုတွေ မတော်တဆ ဘေးအန္တရာယ် ကင်းရှင်းအောင်ပါ ရည်ရွယ်ပြီး အကောင်းဆုံး ဆောင်ရွက်ပေးထားပါတယ်။

ဒါကြောင့် FAME ဆေးဘူးတွေကို ဖွင့်/ပိတ်တိုင်း ဖိပြီး လှည့်ပါ။
👉 𝗣𝘂𝘀𝗵 𝗗𝗼𝘄𝗻 𝗮𝗻𝗱 𝗧𝘂𝗿𝗻 👈

23/06/2023

Medical Scrub Suit ကိုမှ
❤Quality ကောင်းတာလဲ လိုချင်တယ်..
❤design လှပီး
❤ချုပ်ရိုးချုပ်သားခိုင်ခံ့တာလဲ လိုချင်တယ်..
❤ရွေးစရာဆိုဒ်(over size)ထိလဲ လိုချင်တယ်..
❤Pattern...Cutting ရှယ်လဲ လိုချင်တယ်..

ဒီအချက်တွေနဲ့ ပြည့်စုံတဲ့ 🎀 Bellezza (ဘဲလ်လီဇာ) မှ ထုတ်လုပ်တဲ့ Scrub Suit နဲ့ Duty Coat ကို Pharmacy မှာ ဝယ်ယူအားပေးလိူ့ရပါပြီနော် 🎀

👕👖Comment ထဲမှာ Size Chart ရှိတယ်နော် 👚






Pharmacy
🏡 160, မင်းဘာကြီးလမ်း၊ အောင်မင်္ဂလာရပ်ကွက်၊ စစ်တွေမြို့။
☎️ 09251479211
📡 Page CB မှလည်း မှာယူနိုင်ပါတယ်နော်

22/04/2023

🌞🌞🌞ပူပြင်းလှတဲ့ နွေရာသီရဲ့ အပူဒဏ်အန္တရာယ်မှ ကင်းဝေးစေဖို့ လိုက်နာဆောင်ရွက်ဖို့ လိုပါတယ်နော်🌂🕶️🧢👒

14/04/2023

City Pharmacy မိသားစုမှ ချစ်ခင်လေးစားရတဲ့ customer တွေအတွက် နှစ်သစ်မှစ ဘေးရန်ကင်းကွာပြီး ကောင်းကျိုးလိုရာဆန္ဒတွေ ပြည့်စုံကြပါစေလို့ ဆုမွန်ကောင်းတောင်းအပ်ပါသည်။

28/03/2023

"အဖျားကြီးပြီး တက်တတ်တဲ့ကလေးငယ်"

(ဒေါက်ကလေးသုတ)

"ကယ်ပါဦးဆရာရယ် ကယ်ပါဦး"

၂ နှစ်အရွယ်ကလေးငယ်အားချီ၍ အရေးပေါ်အခန်းထဲပြေးဝင်လာသော မိခင်ကြောင့် တာဝန်ကျဆရာဝန်၊ ဆရာမများ ပျာယာခတ်သွားခဲ့ရသည်။

" ဘာဖြစ်တာလဲ ဘာဖြစ်တာလဲခင်ဗျ"

" ကျွန်မသမီးလေး အဖျားတွေအရမ်းတက်ပြီး အကြောဆွဲသလိုတက်သွားလို့ဆရာ၊ ကယ်ပါဦးဆရာရယ်" ပြောရင်းဖြင့် ကလေးအမေမှာ ငိုချလိုက်သည်။

" တာဝန်ကျ ဆရာဝန် ဆရာမများမှာ မိခင်ကို ဂရုမစိုက်နိုင်အား စနစ်တကျလေ့ကျင့်ထားသော ကွန်မန်ဒိုတပ်သားများသဖွယ် အရေးပေါ်အသက်ကယ်ခြင်းကို စနစ်တကျ တက်ညီလက်ညီ လုပ်ကိုင်လျှက်ရှိကြသည်။

" မေမေရေ ကလေးတက်နေတာ ဘယ်လောက်ကြာပြီလဲ"

" ၅မိနစ် ကျော် ၁၀မိနစ်နီးပါးတော့ရှိပြီဆရာ"

"အဖျားက ၁၀၄ တောင်ရှိတယ်ဆရာရေ" သူနာပြုဆရာမကပြောသည်။

" ဟုတ်ပြီ ပါရာစပိုစထွီ 125mg ထည့်မယ်၊ ကလေးရဲ့အဝတ်အစားတွေအရင်ချွတ်လိုက်ဦး ပြီးရင် ဘေးစောင်းထား။ ဆရာမတစ်ယောက် အောက်စီဂျင်ပေးဖို့ပြင်ပါ၊ ပီအာဒီဇက် (အတက်ကျဆေး စအိုမှထည့်ခြင်း) 1cc ထည့်မယ်၊ ဟိုကောင်မလေး ရေပတ်တိုက်ဖို့အဆင်သင့်ဖြစ်ပြီလား" တာဝန်ကျဆရာဝန်၏ ညွှန်ကြားချက်များ တရစပ်ထွက်ပေါ်နေပြီး ခဏအကြာတွင် တက်နေသောကလေးငယ်မှာ အတက်ကျသွားပြီး အိပ်မောကျသွားချေပြီ။

"ဖြစ်ပုံကဒီလိုပါဆရာ သားလေးက အိပ်ရာဝင်ကတည်းက ကိုယ်နည်းနည်းပူတယ်၊ အိမ်မှာက ဆေးတွေဆောင်ထားလေ့မရှိတာမို့ ဘာမှမတိုက် တော့ပဲ မနက်လင်းမှ ဆေးခန်းသွားပြမယ်စီစဉ် ထားရာကနေ ခုလိုညသန်းခေါင်ရောက်မှ ရုတ်တရက် အကြောဆွဲသလိုတက်ပါလေရော။ ခြေတွေလက်တွေ ကွေးလိုက်ဆန့်လိုက် တောင့်သွားလိုက်၊ ပြီးတော့ မျက်ဖြူလန်သလိုဖြစ်လာတာနဲ့ ကျွန်မလည်းအရမ်းကြောက်ပြီး ကလေးကိုချီပြေး လာခဲ့တာပါဆရာ"

" အင်း သိပ်မစိုးရိမ်နဲ့တော့နော် ကလေးငယ်လေး တွေခုလို တက်လာရင် ပျာယာခတ်မနေပဲ ရှေးဦးသူနာပြုစောင့်ရှောက်နည်းနဲ့ စောင့်ကြည့်ပြီး ၅မိနစ်ကျော်တဲ့အထိ တက်နေတုန်းပဲဆိုရင်တော့ နီးစပ်ရာဆေးရုံကိုအမြန်သွားရတာပါပဲ။ အဖျားကြီးပြီးတက် တဲ့ ကလေးအယောက်၁၀၀မှာ ၃၀လောက် က အသက် ၅နှစ် ၆နှစ်လောက်အထိ ထပ်တက်နိုင်တယ်။ အသက်၆လ ကနေ၆နှစ် အတွင်းအဖြစ်များတယ်၊ အထူးသဖြင့်ယောင်္ကျားလေးမှာ အဖြစ်များတယ်။ စဖျားပြီး ၂၄နာရီအတွင်း အပူအရမ်းများပြီး တက် တတ်တယ်၊ တက်တဲ့အချိန်ကလည်း ပျမ်းမျှအားဖြင့် ၃မိနစ် ကနေ ၅မိနစ်လောက်ပဲ ကြာတတ်တယ်။ တက်တဲ့အကြိမ်အရေအတွက်ကလည်း ၁ကြိမ် လောက်ပဲ တက်တာများတယ်၊ တချို့ကျတော့ ၁ကြိမ် ထက်ပိုတက်တာမျိုး လည်းဖြစ်တတ်တယ်
တက်ချိန်လည်းပိုကြာတတ်တယ်၊ ဆေးပညာအရ တော့ Complex Febrile Seizure လို့ခေါ်တယ်။ တက်ပြီးသွားရင်တော့ ကလေးကပုံမှန်အတိုင်းပဲ လန်းလန်းဆန်းဆန်း နို့စို့မပျက် အဆော့မပျက်အကောင်းအတိုင်း ပြန်ဖြစ်သွားတတ်တယ်။ မိဘတွေ မောင်နှစ်မအရင်း တွေမှာ အဖျားကြီးပြီးတက်ဖူးတဲ့လူရှိရင်လည်း တက်ဖို့ရာခိုင်နှုန်း ပိုများတယ်။ အဖျားကြီးလို့ တက်တာ ကတော့ သိပ်အန္တရာယ်မရှိပါဘူး ကလေးအသက် ၆နှစ်ကျော်လောက်ဆို ပြန်ပျောက်သွား တတ်တယ်"

" ဟုတ်ကဲ့ပါ ကျွန်မသားလေးအခုစိုးရိမ်ရသေးလားဆရာ"

" လောလောဆယ်တော့ အတက်ကျအောင် အဖျားကျအောင် ဆေးသွင်းလိုက်တော့ ကလေးက မတက်တော့ဘူး။ ဒါပေမယ့် ပြောလို့မရသေးဘူး စိတ်ချရအောင်တော့ ဆေးရုံတက်နေဖို့ လိုမယ်၊ ကလေးအခြေအနေစောင့်ကြည့်ပြီး လိုအပ်ရင် စစ်ဆေးစရာလေးတွေလည်း လုပ်ရမယ်။ ကလေးတွေဖျားပြီးတက်ရင် တခြားအရေးကြီးတဲ့ရောဂါတွေဖြစ်တဲ့ တီဘီပိုး ဒါမှမဟုတ် ဘက်တီးရီးယားပိုးတွေကြောင့် ဦးနှောက်အမြှေးပါးရောင်တာ၊ ဗိုင်းရပ်စ်ပိုးကြောင့် ဦးနှောက်ရောင်တာ၊ ငှက်ဖျားပိုးဦးနှောက်ထဲဝင်တာ၊ ဦးနှောက်ထဲ ပြည်တည်တာ အဲသည်ရောဂါ တွေကြောင့်တက်တာဟုတ်မဟုတ်ကို စောင့် ကြည့် ပြီး လိုအပ်ရင်စစ်ဆေးတာမျိုးတွေလည်း လုပ်ရတတ်တယ်။

"ဟုတ်ကဲ့ပါဆရာ ကျွန်မသားလေးကို ဆရာ့ဆီမှာအပ်ပါတယ် ကူညီပေးပါနော်"

"စိတ်ချပါဗျာ ဒီမှာရှိနေတဲ့ဆရာဝန်တွေ ဆရာမတွေအားလုံးက အကောင်းဆုံးဖြစ်အောင် ကုသ ပေးမှာပါ"

၂ရက်ခန့်ကြာပြီးနောက် ကလေးမှာ ထပ်တက်ခြင်းမရှိတော့ပဲ သွေးစစ်၊ ဆီးစစ်၊ ခါးဆစ်မှ အရည်ကို စစ်ထားသောအဖြေများလည်းကောင်းမွန်နေသဖြင့် ဆေးရုံမှဆင်းရတော့မည်ဖြစ်သည်။

"ကဲ ကလေးမေမေရေ ဒီနေ့တော့အိမ်ကိုပြန်လို့ရပါပြီ။ အဖျားကြီးပြီးတက်တဲ့ကလေးကို အိမ်မှာဘယ်လိုပြုစုရမလဲဆိုတာ မနေ့ကမှာထားတာ မှတ်မိသေးရဲ့လား"

" မှတ်မိတာပေါ့ဆရာ၊ ပထဦးဆုံးအပူချိန်တိုင်း၊ အပူများတယ် ၁၀၁၊ ၁၀၂ လောက်ရှိတယ်ဆိုရင် ကလေးကိုယ်မှာ ဝတ်ထားတဲ့ အဝတ်တွေ အနွေးထည်တွေကိုချွတ်ပြီး ရေပတ်တိုက်ရမယ်။
ရေပတ်က တကိုယ်လုံးကိုတိုက်ရမယ် နဖူးပေါ်ပဲတိုက်လို့မရဘူး။ အပူကျဆေးကို ဆရာဝန်ညွှန်ကြား ထားတဲ့အတိုင်း ကလေးရဲ့ကိုယ်အလေးချိန်နဲ့တွက်ပြီး တိုက်ရမယ်။ တကယ်လို့ အဖျားအရမ်းကြီးပြီး တက်သွားရင် ကလေးကို အန္တရာယ် ရှိတဲ့နေရာကနေရွှေ့ရမယ်၊ ကလေးရဲ့ ခန္ဓာကိုယ်ကို ဘေးတဘက် စောင်းပြီး ရေပတ် ဆက်တိုက်ရမယ်။ စတက်တဲ့အချိန်ကိုမှတ်ထားမယ် အဆင်ပြေရင် တက်နေတဲ့ပုံကို ဗီဒီယိုရိုက် ထားမယ်။ ခြေလက်တွေလိမ်တာချိုးတာမျိုး၊ ပါးစပ်ထဲဇွန်းတွေထည့် တာမျိုးတွေမလုပ်ရဘူး။ ပါးစပ်ထဲ မှာ အချွဲတွေ ပိတ်ဆို့နေတဲ့အရာတွေရှိရင် ဖယ် ပေးရမယ်။ တက်တဲ့အချိန် ၅ မိနစ် ကျော်လာရင် ဒါမှမဟုတ် အတက်ကျပြီး ကလေးအရမ်းမှိန်းနေရင် ချက်ချင်း နီးစပ်ရာဆေးရုံ ကိုအမြန်ဆုံး လာရမယ် ဟုတ်တယ်မလားဆရာ"

" ဟုတ်ပါ့ဗျာ တော်ပါတယ်၊ ခုလိုအဖျားကြီးပြီး တက်တာမျိုးကတော့ တားလို့မရနိုင် မှန်းလို့မရနိုင် တဲ့အတွက်ကြောင့် မိဘတွေအနေနဲ့ စိုးရိမ် လွန် ပြီးပြာယာခတ်မနေပဲ လုပ်သင့်တာကို ခေါင်းအေးအေးနဲ့လုပ်ပေးဖို့က ပိုအရေးကြီးပါတယ်။ ကလေးအသက် ၅နှစ်ကျော် ၆နှစ်လောက် ရောက်ရင် ပြန်ပျောက်သွားမှာပါ။ ကဲကဲ ခုရောင်းလှည့် ပြီး ဆေးရုံဆင်းစာအုပ်ရရင် ဆင်းလို့ရပါပြီ"

"ခုလို ကျွန်မရဲ့သားလေးကိုကုသပေးပြီး ပညာပေးစကားတွေ အများကြီး ပြောပြပေးတဲ့ ဆရာ့ကိုကျေးဇူးအများကြီးတင်ပါတယ်နော်"

" ကောင်းပါပြီဗျာ၊ ကဲဆရာမရေ နောက်ကုတင် တွေဆီ ဆက်ရောင်းလှည့်ရအောင်"

ဒေါက်ကလေးသုတ

22/03/2023

👉🏽 လိုအပ်ရင် ကို သတိရပေးပါနော်!!!

🏦 အမှတ် 160၊ မင်းဘာကြီးလမ်း၊ အောင်မင်္ဂလာရပ်ကွက် ၊စစ်တွေမြို့ (City Salon နဲ့ စိုင်းဒြား ရခိုင့်လက်ရာစားသောက်ဆိုင်အနီး)

☎️ 09251479211

20/03/2023

👩‍❤️‍👨 သားသား မီးမီး လိုချင်တဲ့ သူများ အတွက် မမျိုးဥ ကြွေ/ မကြွေ စစ်တဲ့ LH Test kit လေး 👨‍👩‍👧👨‍👩‍👦
City Pharmacy မှာ ရပါတယ်နော် !

16/03/2023

🐢🐢🐢 လိပ်ခေါင်းရှိသူများအတွက် 😀
Avaliable in !!

16/03/2023

Instock !

14/03/2023

Listerine ချစ်သူတွေအတွက် 750 ml ဘူးကြီး မှာ ရပါတယ်နော်

11/03/2023

🔍 ပန်းနာရင်ကျပ်လူနာများအတွက် Nebulizer တွေ Spacer တွေ ဝယ်ယူနိုင်ပါပြီ 🧪

Pharmacy
၁၆၀၊မင်းဘာကြီးလမ်း၊ အောင်မင်္ဂလာရပ်ကွက်
စစ်တွေမြို့။
☎️ 09251479211
📲 Page မှလည်း မှာယူနိုင်ပါတယ်နော်

02/03/2023

အခုခေတ်ကြီးမှာ Life Style တွေပြောင်းလဲလာတာနဲ့အတူ သွေးတိုး၊နှလုံး၊ဆီးချို၊ကင်ဆာ စတဲ့ မကူးစက်နိုင်တဲ့ ရော ဂါတွေ အဖြစ်များလာတယ်။ အဲဒီရောဂါတွေကြောင့် သေဆုံးမှုတွေ များလာတယ်ပေါ့။
ဒီရောဂါတွေဖြစ်လာရင် ဆေးကိုချည်းပဲ အားမကိုးပဲ ကိုယ်ရဲ့ lifestyle ကိုပါ မဖြစ်မနေပြောင်းလဲဖို့ လိုပါတယ်။
ဒါကြောင့် ဒီအချက်လေးတွေကို သေချာလေး ဖတ်ပေးကြပါနော်။

သွေးတွင်း Cholesterol ကျဆင်းရန် အကြံပြုချက် (၁၇) ချက်
************************************
သင့်တွင် သွေးတွင်းကိုလက်စထရောအဆီများနေပါက သင်၏ အစားအသောက်နှင့် လူနေမှုပုံစံကို ပြောင်းလဲခြင်းအားဖြင့် နှလုံးရောဂါ အန္တရာယ်မှ ကာကွယ်နိုင်ပါသည်။ အကယ်၍ သင်၏ဆရာဝန်က ကိုလက်စထရောကျစေသောဆေးကို ပေးထားစေကာမူ သင်သည် အစားအသောက်နှင့် လူနေမှုပုံစံကို ပြောင်းလဲဖို့ လိုနေသေးပါသည်။ အောက်ပါအကြံပြုချက်များသည် သင်၏သွေးတွင်းရှိ ကိုလက်စထရော ပမာဏကို ကျဆင်းစေရန် များစွာအထောက်အကူပြုနိုင်ပါသည်။

၁။ ကောင်းသောကိုလက်စထရောနှင့် မကောင်းသောကိုလက်စထရော ရွေးချယ်စားသောက်ပါ။
သင်၏ခန္ဓာကိုယ်သည် ပုံမှန် လည်ပတ်ရန်အတွက် အနည်း ငယ်သော ကိုလက်စထရော ပမာဏကို လိုအပ်ပေသည်။ သို့သော် အစားအစာများ အတွင်းမှပြည့်ဝဆီနှင့် ကိုလက် စထရောများကို လျှော့ချရန် လိုအပ်ပါသည်။ ပြည့်ဝဆီနှင့် အစားအသောက်တွင်ပါသော ကိုလက်စထရောသည် မကောင်းသော အဆီ (LDL) ကို တက်စေပါသည်။ LDL ကိုလက်စထရောသည် နှလုံးသွေးကြောထဲတွင် အဆီကို ပွားများစေ၍ နှလုံးသွေးကြောပိတ် ရောဂါကို ဖြစ်စေပါသည်။ ကောင်းသောအဆီ (HDL) သည် ခန္ဓာ ကိုယ်တွင်းရှိ ကိုလက်စထရောများကို အသည်းသို့ ပြန်၍ သယ်ဆောင် သွားပေးခြင်းအားဖြင့် ဖယ်ရှားပစ်ပါသည်။ သို့ဖြစ်၍ အစားအသောက် ကို ရွေးချယ်စားသောက်ပြီး မကောင်းသောအဆီကို ကျစေခြင်း၊ ကောင်းသောအဆီကို တက်စေခြင်းဖြင့် ဂရုစိုက်သင့်ပါသည်။

၂။ အစားအသောက်ကို ချင့်ချိန်၍ မျှမျှတတစားပါ။
ပုံမှန်အားဖြင့် ထမင်းတစ်ပန်းကန်ပြည့်ရုံခန့်သာ အစားအစာကို စားပါ။ ထမင်းပန်းကန်မောက်မောက် (သို့မဟုတ်) ထမင်းနှစ်ပန်းကန်၊ သုံးပန်းကန်စားသုံးခြင်းသည် ကိုယ်အလေးချိန်ကိုတက်စေပြီး ကိုလက် စထရောကိုလည်း မြင့်တက်စေပါသည်။ လက်တွေ့တွင် အောက်ပါ အတိုင်း ကျင့်သုံးပါ။
ပန်းကန်၏ လေးပုံတစ်ပုံသည် ထမင်း သို့မဟုတ် ပါစတာ သို့ မဟုတ် ဂျုံ၊ ကောက်ညှင်းဖြင့် ပြုလုပ် သော အစားအစာဖြစ်သင့်ပြီး ကျန် လေးပုံတစ်ပုံမှာ အသား၊ ငါး၊ ပဲ စသော ပရိုတင်းဓာတ်ပါသော အစား အစာ ဖြစ်သင့်ပါသည်။ ကျန်လေးပုံ တစ်ပုံသည် ဟင်းသီးဟင်းရွက်ဖြစ် သင့်ပြီး ကျန်လေးပုံတစ်ပုံသည် အသီး အနှံ ဖြစ်သင့်ပါသည်။

၃။ ဟင်းသီးဟင်းရွက်အသီးအနှံ များများစားပါ။
တစ်နေ့လျှင် စားနေကျအသီးအနှံနှင့် ဟင်းသီးဟင်းရွက် ၅ ခွက် စာမှ ၉ ခွက်စာ (5 to 9 servings) ကို စားသုံးပါ။ အသီးအနှံ တစ်ခွက်စာ (one serving) စားခြင်း တစ်ခုမှာ သင်၏လက်သီးလုံးခန့်အကြမ်း ဖျင်းအားဖြင့်ရှိပါသည်။ ချက်ပြုတ်ပြီး သား ဟင်းသီးဟင်းရွက် တစ်ခွက်စာ (one serving) စားခြင်းဆိုသည်မှာ သင်၏လက်ခုပ်ထဲတွင်ပါသော ပမာဏ ကို အကြမ်းဖျင်းဆိုလိုပါသည်။ ဟင်းသီး ဟင်းရွက်နှင့် အသီးအနှံများကို များများ စားခြင်းအားဖြင့် မကောင်းသောအဆီ (LDL) ကို ကျစေသည့်အပြင် ၄င်းတို့ထဲ တွင် Antioxidants အများအပြား ပါ၀င်သဖြင့် ခန္ဓာကိုယ်အတွက် အထူးကျေးဇူးရှိပါသည်။ ထို့အပြင် အသီးအနှံများများစားခြင်းသည် အဆီများကို လျှော့ချသကဲ့သို့ ဖြစ် ပါသည်။ ထို့အပြင် သွေးပေါင်ချိန်ကိုလည်းကျစေပြီး ကိုယ်အလေးချိန် ကိုလည်း ထိန်းသိမ်းပေးပါသည်။ ထို့အပြင် Plant sterol များပါသော အစားအစာများ၊ ဥပမာ - အချို၊ မာဂျရင်း၊ ဒိန်ချဉ်နှင့် အလားတူ အစားအသောက်များသည် မကောင်းသောအဆီ (LDL cholesterol) ကို ကျဆင်းစေပါသည်။

၄။ နှလုံးကျန်းမာစေရန် ပင်လယ်စာ စားပါ။
ငါးကို တစ်ပတ်နှစ်ကြိမ်စားပါ။ ငါးသည် ပြည့်ဝဆီနည်းပါးပြီး omega-3 fatty acid အများအပြားပါ၀င်သောကြောင့် ဖြစ်သည်။ Triglyceride ကို ကျဆင်းစေပြီး ကိုလက်စထရောကိုလည်း ကျ ဆင်းစေသည့်အတွက် နှလုံးသွေး ကြောပိတ်ခြင်းကိုလည်း တားဆီး စေပါသည်။ အဆီများသောငါး salmon ငါး၊ တူနာငါး၊ ငါး သေတ္တာငါးများကို ပိုမိုစားသုံးပါ။ သို့သော် ကြော်ပြီးမစားပါနှင့်။ ကျန်းမာစေသော အကျိုးကျေးဇူး များကို ဖျက်ဆီးပစ်သလို ဖြစ်သွား နိုင်ပါသည်။

၅။ ဂျုံကြမ်း၊ ဆန်ကြမ်း၊ အုတ်ဂျုံများကို ပိုမိုစားသုံးပါ။
ဂျုံကြမ်း၊ ဆန်ကြမ်းများတွင်ပါသော အမျှင်ဓာတ်နှင့် ကာဗိုဟိုက် ဒရိတ်ဓာတ်အစုံပါ၀င်သော အစားအစာသည် အဆာခံစေပြီး ပိုမို မစားသုံးမိရန် ကာကွယ်ပေး သလိုဖြစ်စေသည်။ မကောင်း သောအဆီ (LDL) ကိုလည်း ကျဆင်းစေသည့်အတွက် အလွန်အကျိုးရှိပါသည်။ ကိုယ်အလေးချိန်ကိုလည်း သွယ်ဝိုက်၍ ကျဆင်းစေပါ သည်။ ၄င်းအစားအစာများ မှာ ဆန်ကြမ်း၊ ဆန်လုံးညို၊ ပေါက်ပေါက်ဆုပ်၊ ဘာလီ၊ ဂျုံကြမ်းနှင့် ပြုလုပ်သော အစားအစာများ (ဥပမာ - ပေါင်မုန့်ညို နှင့် ကွေကာအုပ်) ဖြစ်ကြပါသည်။

၆။ အခွံမာသီး (Nuts) များကို များများစားပါ။
အကယ်၍ အဆာပြေစားသုံးလိုပါက လတ်လတ်ဆတ်ဆတ် အခွံမာသီးများသည် အာသာပြေစေ၍ ကိုလက်စထရော ကျစေနိုင်ပါ သည်။ အခွံမာသီးများသည် ဧကမပြည့်ဝဆီ (Monounsaturated fat) များဖြင့် ပြည့်ဝနေပြီး မကောင်းသောအဆီ (LDL) ကို ကျဆင်းစေ သည့် အပြင် ကောင်း သော အဆီ(HDL)ကို မကျဆင်းစေရန်ကာကွယ် ပေးပါသည်။ နေ့စဉ် စားသုံးပါက နှလုံးရောဂါ ဖြစ်နှုန်းကို ကျဆင်းစေ နိုင်သည်ဟုသိရှိရသည်။ ၄င်းတို့သည် အဆီနှင့် ကယ်လိုရီများသည့်အတွက် တစ်နေ့လျှင် လက်တစ်ဆုပ်ခန့်သာ စားသုံး ပါ။ သကြား သို့မဟုတ် ချောကလက်ဖုံးအုပ်ထားသော အခွံမာသီးများ စားသုံးခြင်းမှ ရှောင်ကြဉ်ပါ။ အခွံမာသီးများမှာ သစ်အယ်သီး၊ မြေပဲ၊ သီဟိုဠ်စေ့၊ သစ်ကြားသီး၊ ဗာဒံစေ့၊ pistachios နှင့် Almonds သီး တို့ ဖြစ်ကြပါသည်။

ရ။ မပြည့်ဝဆီများသည် နှလုံးကို ကာကွယ်နိုင်သည်။
ကျွန်ုပ်တို့သည် တစ်နေ့လျှင် လိုအပ်သောကယ်လိုရီပမာဏ၏ ၂၅ ရာခိုင်နှုန်းမှ ၃၀ ရာခိုင်နှုန်းကို အဆီစားသုံးခြင်းမှ ရရှိသင့်သည်။ သို့သော် အဆီအမျိုးအစားအပေါ် မူတည်ပါသည်။ မပြည့်ဝသော အဆီများမှာ မုန်ညင်းဆီ၊ သံလွင်ဆီနှင့် နေကြာဆီတို့သည် မကောင်း သောအဆီ (LDL) ကို ကျဆင်းစေရုံသာမက ကောင်းသောအဆီ (HDL) ကို မြင့်တက်စေသည်။ ပြည့်ဝဆီများဖြစ်သည့် ထောပတ် နှင့် စားအုန်းဆီများသည် မကောင်းသောအဆီ (LDL) ကို မြင့်တက်စေသည်။ကောင်းသော အဆီများသည် ကယ်လိုရီများကို တန်းတူပေးနိုင်သည့်အတွက် အဆီမှန်သမျှကို သင့်တင့်ရုံသာ စားသုံးပါ။

၈။ ပဲများများစား၍ ထမင်းနည်းနည်းစားပါ။
လူတို့သည် ကာဗွန်ဟိုက်ဒရိတ်ဓာတ်ကို တစ်နေ့တာလှုပ်ရှားမှု အတွက် စွမ်းအားအဖြစ် လိုအပ်ပါသည်။ ဆန်ကြမ်း၊ ဂျုံကြမ်းဖြင့် ပြုလုပ်ထားသော အစားအစာများ တွင် လည်းကောင်း၊ ပဲများတွင် လည်းကောင်း အမျှင်ဓာတ် (fibre) ပေါများစွာပါ၀င်သည့် အတွက် သွေးသကြားဓာတ်ကို အနည်းငယ်သာတက်စေပါသည်။ ၄င်းသည် ကိုလက်စထရောကို ကျစေပြီး အဆာပိုခံစေပါသည်။ အဖြူရောင်ပေါင်မုန့်၊ အာလူး၊ အဖြူရောင်ဆန်နှင့် လုပ်သောမုန့်များသည် သွေးတွင်းသကြားဓာတ်ကို လျင်မြန်စွာ အများအပြားတက်စေသည့်အတွက် မြန်မြန်ဆန်ဆန်ဆာပြီး များများစားချင်အောင် တွန်းအားပေးသကဲ့သို့ ဖြစ်စေပါသည်။

၉။ သွက်လက်လှုပ်ရှားအားကစား လုပ်ပါ။
တစ်နေ့လျှင် နာရီဝက်ခန့်၊ တစ်ပတ်ကို ၅ ရက်ခန့် လေ့ကျင့်ခန်း လုပ်ပါ။ ပြင်းထန်သောလှုပ်ရှားမှု၊ ဥပမာ - အမြန်လမ်းလျှောက်ခြင်းကို တစ်နေ့ မိနစ် ၂၀၊ တစ်ပတ် ၃ ရက်ခန့်သာ ပြုလုပ်လျှင် လုံလောက်ပါ သည်။ ၄င်းတို့သည် မကောင်းသောအဆီ (LDL) ကို ကျဆင်းစေပြီး ကောင်းသော အဆီ (HDL) ကို မြင့်တက်စေပါသည်။ ကိုယ်လက် လေ့ကျင့်ခန်းကို ၄င်းထက် ပို၍ လုပ်နိုင်လျှင် ပို၍ကောင်းမည် ဖြစ်ပါသည်။ ကိုယ်လက်လေ့ကျင့် ခန်း ပုံမှန်လုပ်ခြင်းအားဖြင့် ပုံမှန် ကိုယ်အလေးချိန်ကို ထိန်းသိမ်းနိုင် ပြီး နှလုံးသွေးကြောပိတ်ခြင်းကို ကာကွယ်နိုင်ပါသည်။ အကယ်၍ မိနစ် ၃၀ ခန့် ဆက်တိုက်မလှုပ်ရှားနိုင်လျှင် ၁၀ မိနစ်စီခွဲ၍ ပြုလုပ်နိုင် ပါသည်။

၁၀။ လမ်းလျှောက်ပါလေ။
အကယ်၍ သင်သည် ပြင်းထန်သောလှုပ်ရှားမှုကို မလုပ်ချင်လျှင် သို့မဟုတ် အားကစားခန်းမ (Gym) သို့သွားရန် ရွံမုန်းနေပါလျှင် လမ်းလျှောက်ခြင်းသာ ပြုလုပ်လိုက်ပါ။ ပို၍ကျန်းမာသန်စွမ်းစေ၍ လမ်းလျှောက်ခြင်းသည် သင့်ကျန်းမာရေးအတွက် ကောင်းသော ဖိနပ် တစ်စုံသာ ဖြစ်ပါသည်၊၊ ဒါမှမဟုတ် Aerobic Exercise ပြုလုပ် လျှင်လည်း ရပါသည်။ ၄င်းတို့သည် လေဖြတ်ခြင်းနှင့် နှလုံးရောဂါ ကို လျော့နည်းစေပြီး ခန္ဓာကိုယ်အလေးချိန်ကိုလည်း ကျဆင်းစေ၍ အရိုးကိုလည်း သန်မာစေသည်။ အကယ်၍ အခုမှစ လမ်းလျှောက်ရန် စဉ်းစားထားလျှင် အစဦးဆုံး ၁၀ မိနစ်ခန့်သာ လမ်းလျှောက်ပြီး နောက်မှ တဖြည်းဖြည်းတိုး၍ လမ်းလျှောက်ပါ။

၁၁။ လုပ်ငန်းခွင်နှင့် အိမ်တွင် ပိုမိုလှုပ်ရှားပါ။
အကယ်၍ သင်သည် Gym လည်း မသွားလို၊ အမြန် လမ်း လျှောက်ခြင်းနှင့် ရိုးရိုးလမ်းလျှောက် ခြင်းလည်း မလုပ်လိုလျှင် သို့ မဟုတ် ပြုလုပ်ရန် အချိန်မရှိပါလျှင် နောက်တစ်နည်းရှိပါသည်။ ၄င်းမှာ သင်၏ နေ့စဉ်လှုပ်ရှားမှုကို သင်၏ တစ်နေ့တာ လုပ်ငန်းခွင်တွင် ထည့်သွင်းလိုက်ပါ။ ဥပမာ ပန်းပင်စိုက်ခြင်း၊ ကခြင်း၊ ဓာတ်လှေကား မစီးဘဲ လှေကားဖြင့် အပေါ်တက် - အောက်ဆင်း ပြုလုပ်ခြင်း၊ အိမ်မှု ကိစ္စများတွင်လည်း လျင်မြန်စွာ သန့်ရှင်းရေးပြုလုပ်ခြင်းတို့ကိုလည်း ပြုလုပ်နိုင်သည်။ ပေါ့ပေါ့ပါးပါးဖုန်ခါခြင်းကို လေ့ကျင့်ခန်းပြုလုပ် သည်ဟု မမှတ်ယူပါနှင့်။

၁၂။ သင့်ကျန်းမာရေးကို သင်ကိုယ်တိုင် ဂရုစိုက်ပါ။
သင့်တွင် သွေးတွင်း ကိုလက် စထရောဓာတ် များနေပါက သင်၏ ဆရာဝန်နှင့် တိုင်ပင်၍ နည်းလမ်း ပေါင်းစုံဖြင့် ကိုလက်စထရောကို ကျဆင်းစေရန် ပြုလုပ်ပါ။ အစား အသောက်ကို ထိန်းပါ။ ကိုယ် အလေး ချိန်ကို လျှော့ချပါ။ လေ့ကျင့်ခန်း ပုံမှန် လုပ်ပါ။ ဆေးမှန်မှန်သောက်ပါ။

၁၃။ ပြင်ပဆိုင်တွင် သတိထားဆင်ခြင်၍ စားသောက်ပါ။
စားသောက်ဆိုင်များတွင် ချက်ပြုတ်ကြော်လှော်သော အစား အသောက်များတွင် ပြည့်ဝဆီများ၊ ကယ်လိုရီများနှင့် ဆိုဒီယမ်များ လွန်ကျွံစွာ ပါတတ်ပါသည်။ စားသောက်ရာတွင် ကြော်သော အစား အစာများကိုရှောင်ပြီး ပြုတ်သော၊ ပေါင်းသော၊ ချက်သော အစားအစာ များကိုသာမှာ၍ စားသောက်ပါ။ တို့စရာများကို နည်းနည်းချင်းသာ စားသောက်ပါ။ ဟင်းမှာလျှင်လည်း ပွဲကြီးမမှာဘဲ ပွဲသေးသာမှာပါ။

၁၄။ လှည့်ကွက်ကလေးများကို သတိထားပါ။
အစားအသောက်များ၏ အထုပ်အပိုးတွင်ပါသော အာဟာရ တန်ဖိုးများကို ဖတ်ရှုရာတွင် သေချာစွာဖတ်ရှုပါ။ အာဟာရတန်ဖိုး များသည် တစ်ခွက်စာတွင်ပါ၀င်သော အာဟာရတန်ဖိုး ဟုတ်၊ မဟုတ် စစ်ဆေးပါ။ အချို့သော အာဟာရတန်ဖိုးများသည် နှစ်ခွက်စာတွင် ပါ၀င်သော အာဟာရတန်ဖိုးများကို ဖော်ပြထားခြင်းဖြစ်ပါသည်။ ဒုတိယအချက် whole grain ဆိုသော စကားလုံးပါသည်ကို ဟုတ်၊ မဟုတ် သေချာစွာကြည့်ပါ။ တတိယအချက်အနေဖြင့် 'zero cholesterol' ဟု ဖော်ပြထားသော်လည်း မကောင်းသော ကိုလက် စထရော (LDL) ကို မြင့်တက်စေနိုင်ပါသည်။ အကြောင်းမှာ ပြည့်၀ သောအဆီများကို ပါ၊ မပါ စစ်ဆေးကြည့်ပါက သိရှိနိုင်ပါသည်။

၁၅။ စိတ်ဖိစီးမှုကို လျှော့ပါ။
များသောအားဖြင့် စိတ်ဖိစီးမှု ရှိလျှင် သွေးတိုးရောဂါဖြစ်နိုင်သည်။ ၄င်းမှတစ်ဆင့် နှလုံးသွေးကြောပိတ် ရောဂါကို ဖြစ်စေနိုင်ပါသည်။ ထို့ အပြင် စိတ်ဖိစီးမှုကလည်း ကိုလက် စထရောပမာဏကို တက်စေနိုင် သည်ကို လက်ရှိစမ်းသပ်မှုများအရ တွေ့ရှိရပါသည်။ သို့ဖြစ်ရာ စိတ် ဖိစီးမှုပြေလျော့စေသော လေ့ကျင့်ခန်းများ၊ တရားထိုင်ခြင်းများ၊ Biofeedback များဖြင့် လျှော့ချသင့်သည်။ အလွယ်ကူဆုံးနည်းမှာ အသက်ပြင်းပြင်းရှူသွင်း၍ ပြင်းပြင်းရှူထုတ်သောလေ့ကျင့်ခန်း ဖြစ် ပါသည်။ ၄င်းကို မည်သည့်နေရာတွင်မဆို ပြုလုပ်၍ရပါသည်။
၁၆။ ကိုယ်အလေးချိန်ကို လျှော့ပါ။
ဆုံးရှုံးခြင်းသည် အောင်မြင်ခြင်း၏အစ ဖြစ်ပါသည်။ ကိုယ် အလေးချိန်ကို လျှော့ချခြင်းသည် နှလုံးရောဂါကိုတားဆီးရာတွင် အကောင်းဆုံးသောနည်းလမ်းတစ်ခု ဖြစ်ပါ သည်။ ၀ခြင်းသည် ကိုလက်စထရောကို မြင့်တက်စေရုံသာမက သွေးတိုးရောဂါနှင့် ဆီးချိုရောဂါကိုလည်း ဖြစ်စေနိုင်ပါသည်။ ၄င်းတို့အားလုံးသည် နှလုံးသွေးကြောကျဉ်း ရောဂါနှင့် သွေးကြောပိတ်ရောဂါကို ပိုမို၍ အားပေးကြသော အကြောင်းအရာ ဖြစ် သည်။ သို့ဖြစ်၍ ကိုယ်အလေးချိန်ကိုချလျှင် အထူးသဖြင့် ဗိုက်မှအဆီကိုချလျှင် ကောင်းသောအဆီကို မြင့်တက် စေပြီး မကောင်းသောအဆီကို ကျစေပါသည်။

၁၇။ ဆရာဝန်၏ ညွှန်ကြားချက်အတိုင်း လိုက်နာပါ။
ကိုလက်စထရောကို ထိန်းသိမ်းကာကွယ်ခြင်းသည် တစ်သက်လုံး ပြုစေအပ်သော တစ်သက်တာကိစ္စ ဖြစ်ပါသည်။ သို့ဖြစ်၍ သင်၏ ဆရာဝန်ကို မှန်မှန်တွေ့ပြီး သင်၏ကျန်းမာရေးကို စစ်ဆေးပါ။ သင့် ဆရာဝန်၏ ညွှန်ကြားချက်အတိုင်း အစားအသောက်၊ ဆေးဝါးများကို မှန်မှန်သုံးဆောင်ပြီး လေ့ကျင့်ခန်းများကို မှန်မှန်လုပ်ဆောင်ပါ။ သို့ဖြစ်၍ သင်နှင့် သင်၏ဆရာဝန် ပူးပေါင်းလုပ်ဆောင်ခြင်းအားဖြင့် ကိုလက် စထရောကို ကျစေပြီး သင်၏နှလုံးကို အမြဲတမ်း ကျန်းမာသန်စွမ်း နေအောင် လုပ်ဆောင်ပေးနိုင်ပါမည်။
Credit Dr U Tin Lat
Crd ပါမောက္ခဦးတင်လတ် (နှလုံးအထူးကုဆရာဝန်ကြီး)