09/12/2021
“ဆိတ်သုဉ်းနေတဲ့ လူ့အခွင့်အရေး တော်လှန်ရေးနဲ့သိမ်းပိုက်ကြ”
∎ လူမျိုးပေါင်းစုံ အနက်ရောင်ကမ်ပိန်း (Black Campaign)
လူမျိုးပေါင်းစုံအနေနဲ့ အာဏာရှင်ဟူသမျှဆန့်ကျင်ခဲ့ကြတာ နှစ်ပေါင်း (၇၀) ကျော်ကြာပေမဲ့ လူ့အခွင့်အရေးတွေ ချိုးဖောက်ခံနေရဆဲပဲ။ ဒီဇင်ဘာလ (၁၀) ရက်နေ့မှာ ကျရောက်မယ့် “ကမ္ဘာ့လူ့အခွင့်အရေးနေ့” မှာ လူမျိုးပေါင်းစုံပါဝင်တဲ့လူထုအနေနဲ့ အာဏာရှင်ဆန့်ကျင်ရေးကမ်ပိန်းစာသားတွေ ကိုင်ဆောင်ပြီး အာဏာရှင်ကိုဆန့်ကျင်ကြောင်း ပြသကြပါစို့။ ကမ်ပိန်းစာသားတွေကိုင်ဆောင်၊ မိမိတို့ရဲ့ လူမျိုးအလံနောက်ခံထား၊ အနက်ရောင်အင်္ကျီဝတ်ဆင်ကာ လက်သုံးချောင်းထောင်ပြီး ပါဝင်နိုင်ပါတယ်။
အောက်ပါကမ်ပိန်းစာသားများထဲက မိမိနှစ်သက်ရာ ကိုင်ဆောင်နိုင်ပါတယ်။
- ငါတို့ပြည်ထောင် ငါတို့ပိုင်တယ်...ငါတို့ငြိမ်ချင်ငြိမ်မယ်၊ ငါတို့ လှုပ်ချင်လှုပ်မယ်
- ငါတို့နယ်မြေ ငါတို့ပိုင်တယ် ...ငါတို့ငြိမ်ချင်ငြိမ်မယ်၊ ငါတို့ လှုပ်ချင်လှုပ်မယ်
- ငါတို့ဌာနေ ငါတို့ပိုင်တယ်…ငါတို့ငြိမ်ချင်ငြိမ်မယ်၊ ငါတို့ လှုပ်ချင်လှုပ်မယ်
- ငါတို့ကြမ္မာ ငါတို့ပိုင်တယ်… ငါတို့ကြမ္မာ ငါတို့ပဲ ဖန်တီးမယ်
∎ လူမျိုးပေါင်းစုံ ငြိမ်သက်ခြင်းသပိတ် (Silent Strike)
တိတ်ဆိတ်ခြင်းနဲ့ အာဏာရှင်ကို ခြောက်ခြားစေမယ်။ ဒီဇင်ဘာ ၁၀ ရက် မနက် (၁၀) နာရီ မှ ညနေ (၄) နာရီအထိ ကားမရှိ၊ လူမရှိ၊ ဈေးမဖွင့်၊ ဆိုင်မဖွင့်ဘဲ နေမယ်။ လူထုဟာ လမ်းမတွေထက် လုံးဝ မထွက်ကြဘဲ ကိုယ့်အိမ်မှာပဲ ကိုယ်နေကြတဲ့ (Silent Strike) ငြိမ်သက်ခြင်းသပိတ် ဖြစ်ပါတယ်။ လုံးဝ ခြောက်သွေ့ငြိမ်သက်နေတဲ့ မြို့ရွာတွေက ကမ္ဘာကြီးကို ကိုင်လှုပ်ပြမယ်။ လူ့အခွင့်အရေးအားလုံးဆိတ်သုဉ်းခြင်းနိမိတ်နဲ့ လူထုရင်ထဲကကြွေးကြော်သံကို အာဏာရူးတွေနဲ့ ကမ္ဘာ့ပြည်သူတွေ ကောင်းကောင်းကြီး မြင်နိုင်၊ ကြားနိုင်ပါလိမ့်မယ်။
#လူမျိုးပေါင်းစုံ_အနက်ရောင်ကမ်ပိန်း
#လူမျိုးပေါင်းစုံ_ငြိမ်သက်ခြင်းသပိတ်
#အာဏာရှင်မှန်သမျှကျရှုံးရေး
#လူထုအရေးတော်ပုံမုချအောင်ရမည်
