24/11/2025
အိမ်တိုင်းမှာစိုက်ထားသင့်တဲ့ ဆေးဖက်ဝင်
ဖားကြောရွက် ခေါ် အကြောပေါင်းတစ်ထောင်ပင် အကြောင်း သိကောင်းစရာ 🍃
🍃🍃ဖားကြောရွက် လို့ ဆိုလိုက်တာနဲ့ လူတော်တော်များများက မြေမှာကပ်ပြီး အရွက်ဖားဖား နဲ့ အပင်တစ်ပင်ကို ပြေးမြင်မိလိမ့်မယ်လို့ ထင်ပါတယ်
ပထမဆုံး အပင်အကြောင်းလေးကို လေ့လာကြပါစို့နော်
☑️🍃ဖားကြောရွက်ပင်ဟာ နှစ်ရှည်ခံအပင်တစ်မျိုးဖြစ်ပြီး သူ့ရဲ့ အရွက်လေးတွေကို ဆေးအဖြစ်အသုံးပြုလေ့ရှိကြပါတယ်။ အပင်အမြင့် တစ်ပေထိရှိနိုင်ပြီး အရွက်ကြီးကြီးရှိကြပါတယ်။ အရွက်ရဲ့ အရိုးကို ချိုးကြည့်လိုက်ပါကရွက်ကြောများပါထွက်လာတာကြောင့် အကြောပေါင်းတစ်ထောင်လို့လဲ ခေါ်ကြပါတယ်
☑️ဖားကြောရွက်ပင်၏ မူရင်းဒေသတွေကတော့ ဥရောပနိုင်ငံများဖြစ်တဲ့ ဗြိတိန် ၊ အာရှ အလယ်ပိုင်းနဲ့ မြောက်ပိုင်းဒေသတွေမှာတွေ့ရပါတယ်။
မြန်မာနိုင်ငံမှာလဲ အလေ့ကျအနေနဲ့ ပေါက်ရောက်လေ့ရှိကြပါတယ်
☑️သူ့ရဲ့ အပင်ကို 🦋လိပ်ပြာဖြစ်မဲ့ ခူကောင်းလေးတွေက အရမ်းနှစ်သက်လေ့ရှိကြပါတယ်
🍃🍃ဘယ်လိုစားသုံးနိုင်သလဲ❓❓
📝အရွက်နုလေးများကို အစိမ်းလိုက် သို့ ချက်ပြုတ်စားနိုင်ပါတယ်။ အချို့က ရေနွေးနဲ့ ပြုတ်ပြီး လဲ အရွက်ကို သုပ်စားလေ့ရှိကြပါတယ်
📝အစေ့များကိုလဲ ကြိတ်ပြီး ဟင်းထဲထည့်ချက်နိုင်ပြီး ၎င်းမှာ ဗီတာမင်B1များစွာ ပါဝင်လို့နေပါတယ်။ ရေခဲမုန့်ထဲမှာလဲ topping အနေနဲ့လဲ အသုံးပြုပြီး စားနိုင်ပါတယ်
📝အရွက်ခြောက်လေးများကိုလဲ ရေနွေးကြမ်းကဲ့သို့ အသုံးပြုနိုင်ပါတယ်
📝ထိခိုက်ရှနာတွေဖြစ်တဲ့အခါမှာဆိုရင် သွေးတိတ်ဖို့အတွက်လဲ အရွက်ကို အသုံးပြုနိုင်ပါတယ်။ ပြည်တည်နာတွေအတွက်လဲ အရွက်ကို အပူပေးပြီး အသုံးပြုနိုင်ပါသေးတယ်
🌿စားသုံးခြင်းဖြင့် ရရှိနိုင်တဲ့အကျိုးကျေးဇူးတွေကတော့
📚သွေးလှည့်ပတ်မှုကို ကောင်းမွန်စေပြီး ပျက်စီးနေတဲ့ တစ်ရှူးတွေ ပြုပြင်မှုကိုလဲ အားပေးပါတဲ့အတွက် သွေးတိုးရောဂါအတွက်ဆေးအဖြစ်အသုံးပြုကြပါတယ်
📚အနာကျက်မြန်စေပြီး ၊အရောင်ကျစေတဲ့ အာနိသင် ၊ antioxidant ၊ antibiotic ၊ ဆီးရွှင်စေတဲ့ အာနိသင်များ ရှိလို့ တစ်ချို့ ဆေးအဖြစ် ကျိုချက်၍ သောက်သုံးလေ့ရှိကြပါတယ်
📚အအေးမိခြင်း ၊အစာအိမ်နာခြင်းယောင်ခြင်း တွေအတွက်လဲ အစွမ်းထက်တဲ့ ဆေးစွမ်းကောင်းတစ်လက်လဲဖြစ်ပါတယ်
📚ဖားကြောစေ့မှာလဲ omega 6,9 များပါဝင်တဲ့အတွက် သွေးထဲမှာရှိတဲ့ မကောင်းတဲ့အဆီများကို ဖယ်ရှားပေးကား သွေးလှည့်ပတ်မှုကို ပိုမိုကောင်းမွန်စေပါတယ်
🌿🌿🌿ဒီလိုကောင်းကျိုးတွေများတဲ့ ဖားကြောရွက်ပင်ဟာ အိမ်တိုင်းမှာရှိသင့်တဲ့ ဆေးပင်တစ်မျိုးဖြစ်တယ်ဆိုတာ ပိုသေချာသွားစေပါတယ်။
Crd original writer 🤍🤍
ခြေလက်ထုံကျင်ကာ သွေးကြောပိတ်ခြင်ခြင်းအတွက် ဆေးနည်း
#ခြေလက်ထုံကျင်
🍂🍂🍂🍂🍂
ဆေးလိပ် အလွန်အကျွံသောက်သောကြောင့်ဟု အပြောခံရပြီး ကျွန်တော် ခြေလက်ထုံကျင်သော ရောဂါဖြစ်ခဲ့ပါသည်။
(ဆေးကျော်ကြီး၊ အကြောတစ်ထောင်ပင်(သို့) ဘားကြောပင်)
ကျွန်တော်သည် ခြေလက်ထုံကြင်သော ရောဂါ ဖြစ်ခဲ့ပါသည်။ နားလည်သောသူများက ဆေးလိပ်အလွန်အကျွံ သောက်သောကြောင့် သွေးကြောပိတ်ချင်သည်ဟု ပြောပါသည်။ ဆောင်းရာသီတွင် ပို၍ ဆိုးရွားပါသည်။ လိမ်းဆေးများ လိမ်းသော်လည်း မပျောက်ပါ။
အကြောတစ်ထောင်ရွက်ကို တစ်ခါစား တစ်ရွက် တစ်နေ့နှစ်ကြိမ် ဒီတိုင်း ဝါးစားသောအခါ အံ့သြစရာကောင်းအောင် ရက်ပိုင်းအတွင်း ပျောက်ကင်းသွားပါသည်။
ယခုဆိုလျှင် ၂ နှစ်ကျော်ခန့်ရှိပါပြီး။ ထပ်မဖြစ်တော့ပါ။ ထိုအရွက်ကို တစ်ကြိမ်ထဲတွင် များများစား၍ မရဟု တတ်ကျွမ်းသော ဆရာများကပြောပါသည်။ လူအပေါင်းတို့၏ အကျိုးကိုမျှော်ကိုး၍ တင်ပြလိုက်ပါသည်။
#အသုံးဝင်ပုံ
🌾🌾🌾
အရွက်၊ ပဉ္စငါးပါး ၊ အမြစ်။
#အာနိသင်
💠💠💠
မြန်မာဆေးကျမ်းများ အလိုအရ အရွက်သည် အေး၏၊ ဆီးရွှင်စေ၏။ အပင်သည် အဆစ်အဆက် ရောင်ရမ်း ကိုက်ခဲခြင်း၊ ဝမ်းတွင်း၌ ရစ်ခြင်း၊ နာကျင်ကိုက်ခဲခြင်းတို့ကို ပျောက်ရန် အတွင်းဆေး၊ အပြင်ဆေးအဖြစ် သုံးနိုင်သည်။ အားတိုးဆေးအဖြစ်လည်း များစွာ အသုံးပြုရ၏။
#အရွက်အသုံးပြုပုံ
🍁🍁🍁🍁🍁
၁။ ပျား၊ ပဆုပ်ပနီ၊ နဂျီ စသည့် အဆိပ်ရှိသည့် သတ္တဝါများ တုပ်ခြင်း၊ ကိုက်ခြင်းနှင့် အခြားအဆိပ်သင့်သော ရောဂါများအတွက် အရွက်အစိမ်းကို ညက်ညက်ကြိတ်၍ ကိုက်သော ဒဏ်ရာများ၌ လိမ်းပေးခြင်း၊ အုံကပ်ပေးခြင်းဖြင့် အဆိပ်များ မြန်စွာ ပြေပျောက်၏။ အနာများမှလည်းကောင်း၊ ထိခိုက်ရှနာသော ဒဏ်ရာများမှလည်းကောင်း၊ သွေးစိမ်းများ ယိုသောအခါ၌ အထက်ပါအတိုင်း ပြုလုပ်ပေးခြင်းဖြင့် သွေးယိုစီးခြင်းကို ရပ်တန့်စေ၏။
၂။ အရွက်ပြုတ်၍ ဖန်ရည်ဆေးပေးပါက အနာများ ပြည်ပုပ် သွေးပုပ် စင်ကြယ်၍ အသားနု တက်လွယ်စေ၏။
၃။ ခံတွင်း၌ ပူလောင်ပေါက်ကွဲခြင်း၊ အပူဖု၊ အပူအိတ်များ ပေါက်ခြင်း၊ လျှာကွဲလျှာနာ ဖြစ်ခြင်း၊ သွားကိုက်သွားနာ၊ သွားဖုံးရောင်ခြင်း၊ သွားရင်းမှ ပြည်သွေးများ ယိုစီးခြင်း ၊ ရေစီးကမ်းပြိုဖြစ်ခြင်းများအတွက် အရွက်ပြုတ်ရည်ကို ခပ်နွေးနွေး ငုံပေးသော် ပျောက်၏။
၄။ အရွက်ကြိတ်ညှစ်ရည်ကို နားတွင်းသို့ တစ်နေ့ ၂ ကြိမ် ၃ ကြိမ် မျှ ခတ်ပေးသော် နားကိုက်နားပြည်ယို ရောဂါ ပျောက်၏။
၅။ ၎င်းကြိတ်ညှစ်ရည်ကို ရက်ရှည်စွဲ သောက်သော် ငှက်ဖျားရောဂါ အမြစ်ပြတ်၏။
၆။ အရွက်ကို ကျက်ကျက် ပြုတ်၍ တစ်နေ့ ၂ ကြိမ် မျှ ၎င်း ပြုတ်ရည် အခိုး အငွေ့ မှိုင်းခံခြင်းဖြင့် မိန်းမများ မီးယပ်ဖြူ ဆင်းခြင်း ၊ ကျားမ မရွေး ညောင်းကျခြင်း ၊ လိပ်ခေါင်း ရောဂါ ဖြစ်ခြင်းနှင့် ဖောရောင်ခြင်း ပျောက်၏။
၇။ အရွက်ကို မီးကင်၍ တစ်နေ့ ၂ ကြိမ်မျှ ကပ်ပေးသော် စူးနေသော ဆူးများ အလိုအလျောက် ကျွတ်ထွက်၏။ မကျက်နိုင်သော အနာ များလည်း အမြန်ကျက်၍ ပျောက်လွယ်၏။
၈။ အရွက်ပြုတ်ရည်ကို သကြားသင့်ရုံ ထည့်သောက်ပါက ဆီးပူခြင်း၊ နီခြင်း ၊ ဆီးနည်းခြင်း ၊ မိတ်ထွက်ခြင်း ၊ အနာမီး အနာလျှံ အနာစက် များ ပေါက်ခြင်းနှင့် ဝမ်းတွင်း၌ အပူအားကြီး ခြင်းများ ပျောက်၏။
#ပဉ္စငါးပါးအသုံးပြုပုံ
🍁🍁🍁🍁🍁🍁
၁။ ပဉ္စငါးပါးကို ရေနှင့် ကျို၍ မှန်မှန် သောက်သော် ဆီးချို ရောဂါ ပျောက်၏။
၂။ အဆုတ်ရောဂါ အတွက် ပဉ္စငါးပါး ကြိတ်ညှစ် ရည်ကို နံနက် မှန်မှန် သောက်သော် ပျောက်၏။
#အမြစ်အသုံးပြုပုံ
🍁🍁🍁🍁🍁
၁ ။ နာတာရှည်အဖျား၊ ရက်ခြားဖျား ရောဂါများအတွက် အရွက်နှင့်အမြစ်ကို ပြုတ်သောက်သော် အဖျားပျောက်၏။
Credit~မြန်မာ့ဆေးဖက်ဝင်အပင်များ
#ကျန်းမာရေးဗဟုသုတ #ကျန်းမာပါစေ
